27-11-2020, 09:48 | Bakı sakini küçədə qətlə yetirildi
Noyabrın 26-da saat 20 radələrində Yasamal rayonu ərazisində Əli Əliyevin aldığı bədən xəsarətləri nəticəsində ölməsi barədə Yasamal Rayon Prokurorluğuna məlumat daxil olub.
Yasamal Rayon Prokurorluğundan milli.az-a verilən məlumata görə, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, digər prosessual hərəkətlər yerinə yetirilmişdir.
Faktla bağlı Yasamal Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.
İstintaqla hadisənin zərərçəkmişin tanışı Elvin Şəmmədov və onun yanında olan şəxsiyyəti istintaqa məlum olmayan şəxsin aralarında şəxsi münasibətlər zəminində yaranmış münaqişə zamanı törədərək hadisə yerindən qaçmalarına əsaslı şübhələr müəyyən edilib.
Hazırda prokurorluq və polis əməkdaşları tərəfindən cinayəti törətmiş şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.
26-11-2020, 14:52 | Yevlaxda oğurluq edən qrup üzvləri saxlanılıb
Yevlax Rayon Polis Şöbəsinin əməkdaşları tərəfindən keçirilmiş tədbirlər nəticəsində noyabr ayında şirkətə məxsus təmir-tikinti alət və avadanlıqları oğurlayan şəxslər saxlanılıb.
DİN-in Mətbuat Xidmətinin Bərdə regional qrupundan verilən xəbərə görə, noyabr ayının 18-də Yevlax RPŞ-yə "Kaskad Hidro" şirkətinə məxsus 6000 manat dəyərində təmir-tikinti alət və avadanlıqlarının oğurlanması barədə məlumat verilib. Məlumatla əlaqədar polis əməkdaşları tərəfindən həyata keçirilmiş əməliyyat-axtarış tədbirləri nəticəsində oğurluq əməlini törətməkdə şübhəli bilinən Yevlax rayon sakini Vüsal Nəsibov, Mingəçevir şəhər sakinləri Elşad Məmmədov və Vahid Hacıyev saxlanılıb. Dindirilmə zamanı hər üç şəxs törətdiyi cinayət əməlini etiraf edib.
Oğurlanmış əşyaların yeri müəyyən edilərək maddi sübut kimi götürülüb.
Faktla bağlı Yevlax RPŞ-də araşdırmalar davam etdirilir.
26-11-2020, 09:57 | Tanınmış aparıcı Lalə Azərtaşa itki üz verib
Tanınmış aparıcı Lalə Azərtaşa itki üz verib.
Aparıcının xalası vəfat edib. Bu barədə Lalə özü "İnstagram" hesabında məlumat verib. O, xalasının fotosunu paylaşaraq:
"Həyat çox qəribədir. Bu gün Kəlbəcərin günüdür deyə yuxudan fərqli sevinclə oyanacam deyirdim...Oyandım da! Sonra bildim ki, sən demə bu təqvim həm də tək xalamın dünyasını dəyişdiyi gün olacaq! Oldu da! Dəfn etdik!. Allahdan rəhmət diliyirəm. Şəhidlərimiz, yarım qalan arzular, gözüyaşlı analar gözüm önündən getmirdi! Amma müharibənin qəddar qanunları var!. Müharibədə yas saxlamazlar!. Kəlbəcər qayıtdıgı gun yas saxlamazlar! Ona görə ürəyi parçalanmış amma Kəlbəcər sevgisinin üstün gəldiyi üçün bu gün Əsgər Salamı verməyə bilməzdim!. Nə yaxşı ki, Agdam bizimdir deyə bildik sənə!. Nə yaxşı ki!.Və başsaglıgı verib, dərdimizə şərik olanlar çox sag olun. Ölkədəki Covid 19 bəlası üzündən yas mərasimi keçirməyəcəyik!. Bir daha hər kəsə təşəkkür, Allah ölənlərinizə rəhmət eləsin" sözlərini yazıb. (big.az)
26-11-2020, 09:50 | Bakıda fərdi ev yanıb
Bakı şəhərinin Binəqədi rayonunda ümumi sahəsi 123 m² olan birmərtəbəli ev yanıb.
Fövqəladə Hallar Nazirliyindən verilən məlumata görə, bitişik ev yanğından mühafizə olunub.
Yanğın yanğından mühafizə bölmələri tərəfindən söndürülüb
25-11-2020, 12:58 | Neftçalada zəlzələ olub
Neftçala rayonunda zəlzələ olub.
Respublika Seysmoloji Xidmət Mərkəzindən bildirilib ki, zəlzələ yerli vaxtla saat 12:16-da Cəlilabad stansiyasından 63 km şərqdə Neftçala rayonunda qeydə alınıb. Zəlzələnin maqnitudası 3.5, dərinliyi 40 km olub.
Zəlzələ hiss olunmayıb.
25-11-2020, 12:55 | Bakıda gənc oğlan bibisini evində öldürdü - İş məhkəməyə göndərilib
Bakının Sabunçu rayonunda bibisini öldürməkdə ittiham olunan 1991-ci il təvəllüdlü Orxan Allahverdiyevin barəsində olan cinayət işi üzrə ibtidai istintaq başa çatıb.
Cinayət işi baxılması üçün Bakı Ağır Cinayətlər Məhkəməsinə göndərilib.
İş araşdırılması üçün hakim Əliövsəd Abasovun icraatına verilib.
Yaxın günlərdə məhkəmə başlanacaq.
İttihama görə, bu ilin iyulun 17-də saat 17 radələrində Sabunçu rayonu ərazisində 1958-ci il təvəllüdlü Afət Allahverdiyevanın yaşadığı evdə üzərində zorakılıq əlamətləri olan meyitinin aşkar olunub.
Prokurorluq və polis əməkdaşları tərəfindən həyata keçirilmiş istintaq hərəkətləri və əməliyyat-axtarış tədbirləri nəticəsində 1991-ci il təvəllüdlü Orxan Allahverdiyevin birlikdə yaşadığı bibisi Afət Allahverdiyevanı şəxsi münasibətlər zəminində münaqişə nəticəsində küt alətlə baş və bədəninin müxtəlif nahiyələrinə çoxsaylı xəsarətlər yetirib öldürməsinə əsaslı şübhələr müəyyən edilib.
Orxan Allahverdiyev şübhəli şəxs qismində tutularaq istintaqa cəlb edilib.
İstintaq orqanı tərəfindən Orxan Allahverdiyevin barəsində Cinayət Məcəlləsinin 120.2.11-ci (quldurluq, hədə-qorxu ilə tələb etmə, terrorçuluq və ya banditizmlə əlaqədar adam öldürmə) maddəsi ilə ittiham elan edilib.(teleqraf.com)
25-11-2020, 10:31 | Yaşayış yerini tərk edən daha 2 koronavirus xəstəsi məsuliyyətə cəlb edildi
Samuxda yaşayış yerini tərk edən koronavirus xəstələri məsuliyyətə cəlb edilib.
Daxili İşlər Nazirliyinin Mətbuat Xidmətinin Gəncə şəhərindəki regional qrupundan verilən məlumata görə, Samux Rayon Polis Şöbəsinin (RPŞ) əməkdaşları tərəfindən keçirilən müvafiq tədbirlər nəticəsində koronavirus testinin nəticəsi pozitiv çıxan, rayon sakini, Fəxrəddin Quliyev və rayonun Sərkar kənd sakini Sevinc İsgəndərovanın ev şəraitində müalicə almasına baxmayaraq, karantin qaydalarını kobud şəkildə pozaraq, yaşadıqları ünvanı tərk etmələri müəyyən edilib.
Polis əməkdaşları dərhal onların rayon ərazisində yerini müəyyən edərək, müəyyən edilmiş tibbi prosedurlar gözlənilməklə yaşadıqları ünvana göndərib.
Həmin şəxslər barəsində RPŞ-nin İstintaq Qrupunda Azərbaycan Respublikasının Cinayət Məcəlləsinin 139-1. (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə canyət işi başlanıb, faktla bağlı araşdırmalar davam etdirilir.
25-11-2020, 10:03 | Bakıda Uşaq Musiqi Məktəbinin direktoru yarım milyon manatlıq İTTİHAM
Bakı şəhəri Hüseynqulu Sarabski adına 7 nömrəli Uşaq Musiqi Məktəbinin direktoru Мehriban Əsgər qızı Rüstəmova barəsində cinayət işi başlanılıb.
M. Rüstəmova dövlət əmlakını xüsusilə külli miqdarda mənimsəmədə təqsirləndirilir.
İş üzrə zərərçəkən şəxs qismində Mədəniyyət Nazirliyi tanınıb.
Dəymiş zərər yarım milyon manatdan çoxdur.
M. Rüstəmova barəsində Cinayət Məcəlləsinin 179.4-cü (mənimsəmə, xüsusilə külli miqdarda ziyan vurmaqla törədildikdə) maddəsi ilə ittiham verilib.
Onun barəsində başlanan cinayət işinin istintaqı başa çatıb və baxılması üçün Bakı Ağır Cinayətlər Məhkəməsinə göndərilib.
Cinayət işi hakim İlham Mahmudovun icraatına verilib.
11-11-2020, 13:50 | Bakıda nənə və nəvəni avtomobil vurdu: ölən var
Bakıda yolu keçən nənə və nəvəni avtomobil vurub.
Daxili İşlər Nazirliyinin mətbuat xidmətindən verilən məlumata görə, Səbail rayonunun Neftçilər prospektində Bakı şəhər sakini A.Alıyev idarə etdiyi "KİA" markalı avtomobillə yolu keçən Tovuz rayon sakini Məsmə Alıyevanı və nəvəsi Turanı vurub. Qəza nəticəsində ağır xəsarət alaraq xəstəxanaya yerləşdirilən qadın ölüb, nəvəsinin vəziyyəti qənaətbəxşdir.
Faktla bağlı Səbail Rayon Polis İdarəsi tərəfindən araşdırma aparılır.(milli.az)
11-11-2020, 12:32 | Bakıda gənc oğlanı küçədə 36 yaşlı kişini bıçaqlayıb öldürdü
Noyabrın 10-da saat 16 radələrində Bakı şəhəri, Nərimanov rayonu ərazisində 1984-cü il təvəllüdlü Zeynalov Əli Aydın oğlunun bıçaqlanaraq öldürülməsi barədə rayon prokurorluğuna məlumat daxil olub.
Rayon Prokurorluğundan milli.az-a verilən xəbərə görə, dərhal prokurorluq əməkdaşları tərəfindən hadisə yerinə və meyitə baxış keçirilib, digər zəruri prosessual hərəkətlər yerinə yetirilib.
Aparılmış araşdırmalarla 2000-ci il təvəllüdlü Rəhimli Elnur Marif oğlunun aralarında yaranmış mübahisə zamanı bıçaqla xəsarət yetirərək Əli Zeynalovu qəsdən öldürməsinə əsaslı şübhələr müəyyən edilib.
Faktla bağlı Nərimanov Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Elnur Rəhimli şübhəli şəxs qismində tutularaq istintaqa cəlb edilib.
Hazırda cinayət işi üzrə zəruri istintaq tədbirləri davam etdirilir.
