14-12-2020, 06:52 | Türkiyəli müğənni ETİRAF ETDİ - Ata tərəfim Gəncəlidir
Vətən müharibəsi zamanı Azərbaycana dəstək nümayiş etdirən məşhurlardan biri də türkiyəli müğənni Tuğba Ekinci olub.
Sənətçi müsahibələrindən birində daima azərbaycanlıların yanında olduğunu deyib:
"Ata tərəfim Azərbaycandandır, Gəncəliyik. Bütün azərbaycanlıların yarasına məlhəm olmaq istəyirəm. Biz həmişə onlarla iki qardaş kimi olmuşuq. İki dövlət, bir millətik. Onları heç vaxt özümüzdən ayrı tutmamışıq. Azərbaycanlı olduğum üçün fəxr edirəm". (publika.az)
1-12-2020, 17:05 | "Tezliklə Xankəndiyə gedib, klip çəkəcəyəm" - Xatirə
Müğənni Xatirə İslam Xankəndi ilə bağlı arzusunu açıqlayıb.
Bunla bağlı "Onların səsi" proqramına danışan sənətçi tezliklə doğulduğu torpağa gedəcəyini deyib:
"Bütün Azərbaycan xalqını ürəkdən təbrik edirəm. Qələbə bayramımız mübarək. Hərə öz torpağına qovuşdu. Tezliklə hər şey daha da yaxşı olacaq. Hər kəsə doğulduğu torpaq ona balası qədər şirindir.
Xankəndidə anadan olmuşam. Tezliklə mən də ora gedəcəm. İnanıram ki, orada klipim çəkiləcək. Bizim o torpağa adını qanla yazan şəhidlərimiz var".( axşam.az)
1-12-2020, 14:43 | “Bu gün atamın qəbri üstünə gedib, yüksək səslə qışqırdım ki...” - Məhəbbət Kazımovun oğlu
Laçın adı gələndə ilk o yada düşür. Laçınım deyərək bu dünyadan əbədi köçən, yurd həsrətli sənətkar Məhəbbət Kazımov, ruhun şad olsun, Laçın indi azaddır.
Kaş atam bu günləri görərdi, yeganə arzusu Laçını azad görmək idi.
Bu sözləri sfera.az-a açıqlamsında sənətkarın oğlu Rəşid Kazımov deyib:
"Hər kəs kimi mən də ümid edirdim ki, tez bir zamanda torpaqlarımız azad olunacaq. Mən indiyə qədər Laçını görməsəm də atam o torpağı mənə sözlərlə təsvir edib. Həmişə həvəsində olmuşam ki, Laçını görüm. Qiyabi də olsa Laçınavideomateriallarla, şəkillərlə səyahət etmişəm. Ancaq şükürlər olsun ki, artıq kiminsə çəkdiyi şəkillərdən yox, öz gözlərimizlə görüb, əllərimizlə o torpağına toxuna biləciyik".
Rəşid Kazımovun yeganə təsəllisi atasının qəbri üstünə gedərək, yüksək səslə "Laçının azaddır, ata!" deməsi olub:
"Tək bizim ailə yox, bütün Azərbaycan təssüf hissi keçirdi ki, Məhəbbət Kazımov bu günləri görmədi. Atam son nəfəsində də Laçın dedi. İlk təssəlim atamın qəbrinin üstünə gedib "Laçın azaddır" demək oldu. Adi günlərdə də gedirdim, ancaq bu gün atamın ziyarətinə o şad xəbərlə getmək çox qürurlu idi. Şükürlər olsun ki, atama nəsib olmasa da, işğaldan azad olunmuş Laçında yaşamaq mənim qismətimdə var imiş. Odur ki, köçürülmə prosesini çox böyük səbirsizliklə gözləyirəm".
26-11-2020, 10:00 | Tolqahan yenidən ata olacağının müjdəsini verdi - FOTO
Türkiyəli aktyor Tolqahan Sayışman yenidən ata olacaq.
Həyat yoldaşı Almeda Abazi ilə fotosunu yayımlayan aktyor qızının olacağını açıqlayıb.
T.Sayışman şəkillərinə "Ən möhtəşəm hədiyyə, ən xoşbəxt an. Bundan daha çox xoşbəxt ola bilməzdim" sözlərini yazıb.
Qeyd edək ki, cütlüyün Efehan adlı bir oğlu da var.
25-11-2020, 12:11 | Aparıcı Zaur Baxşəliyev ikinci dəfə ata oldu
Aparıcı Zaur Baxşəliyev ikinci dəfə ata olub.
Bu barədə aparıcı Aytən Səfərovanın etdiyi paylaşımın altında aparıcı Zaur Baxşəliyevlə üstüörtülü yazışmada qeyd edilib.
Qeyd edək ki, Zaur və Günay Baxşəliyevlərin Dilavər adlında bir qız övladları var.
Zaur öz anasının adını qızına verib. İkinci övladına isə hansı adın verildiyi hələlik açıqlanmır.( big.az)
24-11-2020, 05:44 | "Hülya Avşar Tatlısəsə dəli kimi aşiq idi, qapısında yatırdı"
Müğənni Erol Köse "Pişti" adlı verilişdə qonaq olarkən İbrahim Tatlısəslə Hülya Avşar haqqında keçmişdə yaşanan bir hadisəni ilk dəfə danışıb.
İfaçının açdığı 30 illik sirr qalmaqala səbəb olub.
Köse iki məşhurun eşq yaşadığını deyərək, "Avşar İbrahim Tatlısəsə dəli kimi aşiq idi və onun qapısında yatırdı" sözlərini əlavə edib.
15-06-2020, 09:00 | "1450 manat təqaüd alıram"
Əməkdar Mədəniyyət işçisi Ulduz Sönməz aldığı təqaüdün miqdarını açıqlayıb.
Aşıq "Zaurla Günaydın" proqramında bu haqda danışıb.
O, aparıcı Zaur Baxşəliyevin bunla bağlı sualına "Prezident mənə ömürlük təqaüd verib. 1450 manat təqaüd alıram" cavabını verib.axşam.az
17-02-2020, 13:25 | “Qalib əvvəlcədən bilinir” - “Altın kelebek”də qalmaqal
Müğənni Elçin Cəfərova "Azərbaycanın ən parlaq ulduzu" nominasiyası ilə namizəd olduğu "Altın kelebek" mükafatlarının təşkilatçılarını tənqid edib.
Sənətçi bu barədə sosial media hesabında yazıb:
"Haqsızlığa heç zaman susmamışam, susmayacam da! Bu yarışda bizimlə ən başdan bəri laqeyid davranıldı. Öncə vaxtını dəyişdiniz, sonra isə yalnız xanımların gediş-gəlişini qarşılayacağınızı söylədiniz. Bu qədər tanınan bir yarışmanın 10 sənətçini Türkiyəyə aparmağa gücü yoxdur? Yoxsa bilmədiyimiz nə baş verir?".
E.Cəfərov bildirib ki, təşkilatçılar qalibin əvvəlcədən bəlli olduğunu söyləyib:
"Ən son danışığımızda isə bu sözü eşitdik: Qalib onsuz da xanımlardan olacaq, bəylərin Türkiyədə iştirakına ehtiyac yoxdur. Əgər qalib əvvəlcədən bilinirdisə, bizi niyə cəlb edirdiniz bu işə?! Hər zaman izləyicilərimə diqqət və hörmətlə yanaşmışam. Onlar vaxtlarını ayırıb, ümidlə mənə səs göndəriblər. Bu, onlara haqsızlıqdır. Bir şeyi bilməlisiniz ki, kim seçilsə, uğuruna sevinəcəm. Çünki bu ölkəmizin baş ucalığıdır. Əksinə, yanında olub dəstək olardıq. Onu da qeyd edim ki, yanlış anlaşılmasın, burada söhbət maddiyatdan getmir. Onun davasını aparası olsaydım, çox rahatlıqla təzminat davası açardım və haqlı olaraq qazanardım. Amma bu oyunların insanı deyiləm. Bu cür haqsızlıqlar etməyin! Sponsorunuz olan brendin reklamında da nə qədər xeyrimiz olubsa, halal xoşu olsun!".
Qeyd edək ki, mükafatlandırma gecəsinə namizədlər sırasında Xalq artisti Röya Ayxan, müğənnilər Nura Suri, Sevda Yahyayeva, Gülay Zeynallı, Azad Şabanov, aktrisalar Oksana Rəsulova və Pərvin Abıyeva da var. Azərbaycan üç ildir ki, sözügedən mükafatlandırma gecəsinə qatılır. Mərasim əsasən qalmaqallarla yadda qalır.
17-02-2020, 12:09 | “Gələn il bu vaxt ana olum” - Mətanət Əsədovanın ən böyük arzusu - VİDEO - FOTO
ARB TV-nin "Söhbət var" verilişinin növbəti qonağı ifaçı Mətanət Əsədova olub.
Müğəninin doğum günü münasibəti ilə studiyada tort kəsilib. Tortun üzərindəki şamları üfürən sənətçi ən böyük arzusunun ana olmaq olduğunu deyib:
"Ürəyimdə bir arzum var ki, ana olum".
Həmkarları da, öz növbəsində, Mətanət Əsədovanı ifaları ilə təbrik ediblər.
12-02-2020, 09:11 | Tanınmış aparıcı hacı Nuran təcili xəstəxanaya yerləşdirildi - FOTO
Tanınmış aparıcı hacı Nuran Hüseynov xəstəxanaya yerləşdirilib.
Bu barədə aparıcı özü sosial şəbəkədə məlumat paylaşıb.
Hacı nuran son günlərin gərgin rejimi nəticəsində səhhətində bəzi problemlər yaradığını bildirib:
"Xəstəxananı sevməsəm də bəzən sevmədiyimiz nələrəsə tabe olmalı oluruq. İnsan sağlamlığının qədrini xəstələnəndə bilir. Özümü heç də yaxşı hiss etmədiyimdən müalicəyə ehtiyac vardı.
Elə bilirdim ki, günü-günə satmaqla, müalicənin vaxtını uzada biləcəm. Amma alınmadı. 2 saatdan bəri davam edən müayinədən sonra həkimlərin qərarı qəti idi: yataq rejimi. Beləcə, bir müddət müalicə almalıyam".
