İngiltərənin "Aston Villa" klubu İtaliya təmsilçisi "Latsio"nun yarımmüdafiəçisi Felipe Andersonla maraqlanır.

"Aston Villa" 30 yaşlı braziliyalını 2024-cü ilin yayında azad agent kimi transfer etmək istəyir.

Futbolçunun hazırkı komandası ilə müqaviləsinin müddəti iyunun sonunda bitəcək.

Qeyd edək ki, Felipe Anderson 2021-ci ilin iyulundan "Latsio"nun formasını geyinir. Yarımmüdafiəçi 2023/2024 mövsümündə 1 qol vurub, 6 məhsuldar ötürmə edib.