Avropa Liqasının pley-off mərhələsinin "Braqa" ilə cavab oyunundan sonra "Qarabağ"ın soyunub-geyiinmə otağında yaşananlar bəlli olub.

Bunu "Qarabağ"ın qapıçısı Andrey Lunyov Rusiya mətbuatına açıqlayıb.

32 yaşlı qolkiper bildirib ki, yorulduğundan sevinməyə də imkan tapmayıb: "Braqa" ilə cavab oyunundan sonra soyunub-geyinmə otağında müsbət emosiyalar, sevinc, bayram atmosferi var idi. Müxtəlif adamlar otağa daxil olurdu. Amma o qədər yorulmuşdum ki, şəxsən məndə fiziki və emosional planda boşluq hiss edirdim. Ona görə də emosiyalar baxımından təmkinli idim. Bakıda baş verənləri görmədim, çünki küçəyə çıxmadım. Artıq gec olduğundan dərhal evə getdim. Amma metronun, stadionun yanında yaşananların videolarını gördüm. Azarkeşlər sevinirdilər, onlar buna layiq idilər".