27-12-2021, 05:52 | Brüsseldə aksiya keçirilib
Bu gün Brüsseldə mədəniyyət və əyləncə mərkəzlərinin bağlanmasına qarşı keçirilən etiraz aksiyasında 5 mindən çox insan iştirak edib.
Bu barədə jurnalistlərə şəhər polis idarəsinin sözçüsü İlze Van De Keyre məlumat verib.
Onun sözlərinə görə, aksiya icazəli xarakter daşıyıb və insidentsiz başa çatıb.
Aksiyanın təşkilatçıları isə aksiyada 15 minə qədər insanın iştirak etdiyini iddia edib.
Qeyd edək ki, bu gündən Brüsseldə karantin rejimi çərçivəsində 50-dən çox teatr və kinoteatrın fəaliyyəti dayandırılıb.
24-12-2021, 05:20 | Stoltenberq: "NATO-nun genişlənməsi davam edəcək"
"NATO-nun genişlənməsi davam edəcək və alyans heç vaxt bunun əksi barədə bəyanat yaymayıb".
"Report"a istinadən bildirir ki, bu barədə alyansın Baş katibi Yens Stoltenberq DPA agentliyinə müsahibəsində bildirib.
"NATO heç vaxt genişlənməyəcəyinə söz verməyib. Hətta bizim təşkilatın təsis müqaviləsində deyilir ki, hər bir Avropa dövləti alyansa üzv ola bilər", - Stoltenberq bildirib.
Onun sözlərinə görə, 1970 və 1990-cı illərdəki Helsinki Yekun Aktı, Paris Xartiyası, Rusiya-NATO-nun təsis aktı və bir çox başqa müqavilələr hər bir dövlətin öz müqəddəratını sərbəst şəkildə təyin edə biləcəyini açıq şəkildə göstərir.
15-12-2021, 07:36 | Yens Stoltenberq: Uzun illər ərzində NATO ilə Azərbaycan arasında güclü əməkdaşlıq olub
Uzun illər ərzində NATO ilə Azərbaycan arasında güclü əməkdaşlıq olub. Bu gün əməkdaşlıq bir çox sahələri, bacarıqların inkişafından tutmuş enerji təhlükəsizliyinə qədər olan sahələri əhatə edir. Bu gün biz birlikdə daha nələri edə biləcəyimizi müzakirə etdik.
AZƏRTAC-a istinadən bildirir ki, bu barədə NATO-nun Baş katibi Yens Stoltenberq Alyansın mənzil-qərargahında Prezident İlham Əliyev ilə birgə keçirilən mətbuat konfransında bildirib.
Azərbaycanın NATO-nun Əfqanıstandakı sabiq missiyasına mühüm töhfələr verdiyini vurğulayan Yens Stoltenberq deyib: "Azərbaycan Silahlı Qüvvələri Kabil hava limanında bu yay aparılan təxliyə işləri zamanı təhlükəsizliyin təmin edilməsində mühüm rol oynamışdır. NATO müttəfiqləri bir neçə gün ərzində 120 mindən çox insanın təyyarə ilə çıxarılaraq təhlükəsizliyinə nail olmuşdur. Bütün səyləriniz və dəstəyiniz üçün çox sağ olun".
Baş katib deyib ki, Cənubi Qafqazda təhlükəsizlik və sabitlik bizim hamımız üçün vacibdir: "Bütün insanların sülh şəraitində gələcəyini təmin etmək üçün biz hər ikisi NATO-nun dəyərli tərəfdaşı olan Azərbaycan və Ermənistan arasında münasibətlərin normallaşdırılmasını dəstəkləyirik".
NATO-nun mənzil-qərargahına gəldiyi üçün Prezident İlham Əliyevə təşəkkür edən Yens Stoltenberq NATO və Azərbaycan arasında əməkdaşlığın daha da dərinləşdirilməsi üçün işimizin davam etdirilməsini səbirsizliklə gözlədiyini bildirib.
15-12-2021, 07:26 | “NATO zəmanət verməlidir” - Lavrov
Rusiyanın xarici işlər naziri Sergey Lavrov almaniyalı həmkarı Annalena Baerbokla görüşündə NATO-nun şərqə doğru genişlənməyəcəyinə dair təhlükəsizlik zəmanətlərinin verilməsinin vacibliyini vurğulayıb.
Milli.Az "qafqazinfo"-ya istinadən xəbər verir ki, bu barədə Rusiya Xarici İşlər Nazirliyi məlumat yayıb.
Bildirilib ki, Lavrov Almaniyanın yeni xarici işlər naziri Baerbok ilə ilk telefon danışığını edib.
Lavrov NATO-nun şərqə doğru genişlənməyəcəyi və Alyansın hərbi infrastrukturunun Rusiya sərhədlərinə köçürülməyəcəyi ilə bağlı hüquqi öhdəliklər şəklində təhlükəsizlik zəmanətlərinin Moskvaya təqdim edilməli olduğunu deyib.
Rusiyalı nazir Rusiya-Almaniya münasibətlərinin vəziyyəti və gələcəyinə dair həmkarı ilə fikir mübadiləsi aparıb.
O, Almaniyanın yeni hökuməti ilə əməkdaşlığın inkişaf etdirilməsi istiqamətində dialoq qurmaq niyyətində olduqlarını bildirib.
29-11-2021, 08:11 | Koronanın təhlükəli növü Niderlandda da aşkarlandı
Niderlandda Cənubi Afrika Respublikasından (CAR) gələn 13 vətəndaşda koronavirusun "omikron" ştamı aşkarlanıb.
Milli.Az xəbər verir ki, bu barədə AFP məlumat yayıb.
29-11-2021, 07:43 | Şərq-Qərb nəqliyyat dəhlizi üzərindəki layihələri dəstəkləməyə davam edəcək - Ərdoğan
Əfqanıstan-Türkmənistan-Azərbaycan-Gürcüstan-Türkiyə nəqliyyat dəhlizi layihəsi başda olmaqla, Türkiyə və Türkmənistanın maraqlarına xidmət edən mühüm layihələri dəstəkləyəcəyik.
Trend-ə istinadən bildirir ki, bu Türkiyə Prezident Rəcəb Tayyib Ərdoğan və Türkmənistan Prezidenti Qurbanqulu Berdiməhəmmədovun görüşündən sonra yayılan birgə bəyanatda qeyd olunub.
Türkiyə Prezidenti bildirib ki, Türkiyə və Türkmənistan Xəzər dənizindən keçən Şərq-Qərb nəqliyyat dəhlizi üzərindəki layihələri dəstəkləməyə davam edəcək.
27-11-2021, 07:37 | Türkiyədə son sutkada 201 nəfər vəfat edib
Türkiyədə son 24 saat ərzində yeni növ koronavirusdan (COVİD-19) daha 201 nəfər vəfat edib.
Trend-ə istinadən xəbər verir ki, bu barədə Türkiyənin Səhiyyə Nazirliyindən bildiriblər.
Məlumata əsasən, ölkədə koronavirus infeksiyasının müəyyən edilməsi ilə əlaqədar 361 229 nəfər test edilib, 24 002 yeni yoluxma halı qeydə alınıb.
24-11-2021, 08:45 | Britaniyada koronavirusdan 165 nəfər öldü
Böyük Britaniyada son sutka ərzində 42 484 nəfər koronavirusa yoluxub. Bununla da koranavirusa yoluxanların ümumi sayı 9 932 408 nəfərə çatıb.
Bu barədə ölkənin Səhiyyə Departamenti məlumat yayıb.
Son sutka ərzində 165 nəfər koronavirusdan həyatını itirib. Hazırda Britaniyada koronavirusdan ölənlərin ümumi sayı 144 137 nəfərə çatıb.
24-11-2021, 08:38 | Türkiyə komandosları 4 terrorçunu məhv edib
Türkiyə xüsusi təyinatlıları Suriyanın şimalında PKK terror təşkilatının Suriya qanadının (YPG) 4 üzvünü məhv edib.
Trend-ə istinadən bildirir ki, bu barədə Türkiyə Milli Müdafiə Nazirliyinin məlumatında deyilir.
Məlumata əsasən, terrorçuların 3-ü "Fərat qalxanı" əməliyyatı zonasında, 1-i isə "Zeytun budağı" əməliyyatı zonasında məhv edilib.
Bildirilir ki, terrorçular Türkiyə hərbçilərinin nəzarəti altında olan ərazilərə hücumlar planlaşdırırmış.
22-11-2021, 09:23 | Aİ Cənubi Çin dənizində dənizçilik azadlığına əməl edilməsinin vacibliyini vurğulayıb
Avropa İttifaqı növbəti dəfə Çinə Cənubi Çin dənizində dənizçilik azadlığına əməl edilməsinin vacibliyini qeyd edib və ASEAN (Cənub-Şərqi Asiya Ölkələri Assosiasiyası) ölkələrinin hazırladığı davranış kodeksinə dəstəyini vurğulayıb.
Trend-ə istinadən xəbər verir ki, Avropa Xarici Siyasət xidmətinin nümayəndəsi bildirib ki, Avropa İttifaqı regionda sülh, təhlükəsizlik və sabitliyə, qaydalara əsaslanan beynəlxalq nizama xələl gətirən hər hansı birtərəfli hərəkəti qəti qəbul etmədiyini bir daha bəyan edir.
O, son aylar Cənubi Çin dənizində Çin gəmilərinin bir sıra birtərəfli hərəkətlərini qeyd edib. Xüsusilə, keçən həftə ÇXR sahil mühafizəsi Filippinin Palavan əyalətindən 105 dəniz mili qərbdə iki Filippin təchizat gəmisinin qarşısını kəsib və onlara qarşı su şırnaqlarından istifadə edib. Sözçü bildirib ki, göstərilən ərazi Filippinin iqtisadi zonasına daxildir və onunu kontinental şelfində yerləşir.
