2-06-2021, 07:59 | Bakıda zəncirvari qəza: Üç maşın bir-birinə çırpıldı
Paytaxtın Nizami rayonunda zəncirvari avtomobil qəzası baş verib.
Hadisə "Xalqlar Dostluğu" metrostansiyasının yaxınlığında qeydə alınıb.
İlkin məlumata əsasən, qəza "Toyota Prius", "Hyundai Elantra" və "Toyota Prado" markalı avtomobillərin toqquşması nəticəsində baş verib.
Hadisə yerinə Nizami rayon Dövlət Yol Polisi əməkdaşları cəlb olunub, qəzanın təfərrüatı araşdırılır. oxu.az
31-05-2021, 09:31 | Bakıda məhkəmə hakimi arvadını tüfənglə öldürdü
Bakıda məhkəmə hakimi arvadını öldürməkdə ittiham edilir.
Hadisə bu gecə paytaxtın Sabunçu rayonu, Ləhiş bağlarında baş verib.
Sabunçu rayon məhkəməsinin hakimi Fəqan Əhmədov evində ov tüfəngindən açılan atəşlə həyat yoldaşının ölümünə səbəb olub. Hadisənin ehtiyatsızlıqdan, yaxud qəsdən törədildiyi məlum deyil.
Faktla bağlı Sabunçu rayon prokurorluğunda araşdırma aparılır.
Məlumata görə, cütlüyün 3 övladı var.
Qeyd edək ki, 1976-cı il təvəllüdlü Fəqan Rövşən oğlu Əhmədov 2016-cı ildən Sabunçu Rayon Məhkəməsinin hakimidir.
"qafqazinfo"
31-05-2021, 09:23 | Göyçayda ev yanıb
Göyçay rayonunun İnçə kəndində fərdi evdə yanğın baş verib.
Fövqəladə Hallar Nazirliyindən verilən məlumata görə, ümumi sahəsi 160 m² olan birmərtəbəli evin yanar konstruksiyaları 125 m² sahədə yanıb.
Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
28-05-2021, 14:36 | Cəlilabadda qadın qətlə yetirildi
Cəlilabadda qadın qətlə yetirilib.
Qətl hadisəsi rayonun Təzəkənd kəndində baş verib.
Kənd sakini olan qadının öldürüldüyü bildirilir.
Hazırda öldürülən qadının və qətli törədənin kimliyi müəyyənləşdirilir.
Faktla Cəlilabad Rayon Prokurorluğunda araşdırma aparılır.
APA
17-05-2021, 07:54 | Gəncədə 2 təcili yardım maşını toqquşub, xəsarət alanlar var
Gəncədə 2 təcili yardım maşınıtoqquşub.
Hadisə şəhərin Mirzə Abbas Abbaszadə küçəsi ilə Əziz Əliyev prospektinin kəsişməsində qeydə alınıb.
Qəza zamanı bir həkim və bir sürücü xəsarət alıb. Yaralılar xəstəxanaya yerləşdirilib.
Faktla bağlı araşdırma aparılır.
APA
13-05-2021, 08:14 | Bakıda birmərtəbəli evdə yanğın olub
Bakı şəhərinin Suraxanı rayonunda ümumi sahəsi 50 m² olan birmərtəbəli 2 otaqlı evin 1 otağının yanar konstruksiyaları 25 m² sahədə yanıb.
Fövqəladə Hallar Nazirliyindən verilən məlumata görə, evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.
10-05-2021, 12:23 | Bakıda zibilxanada insan ayağı tapıldı
Bakıda zibillərin arasından insan ayağı aşkarlanıb.
report-un əldə etdiyi məlumata görə, hadisə Balaxanı Bərk Məişət Tullantılarının Çeşidlənməsi zavodunda qeydə alınıb.
Belə ki, həmin əraziyə çeşidlənmək üçün gətirilən tullantıların arasından insan ayağı tapılıb.
Faktla bağlı Sabunçu Rayon Prokurorluğunda araşdırmalara başlanılıb.
10-05-2021, 10:37 | Siyəzəndə narkotik tərkibli bitkilər becərən şəxs ələ keçdi
Siyəzən Rayon Polis Şöbəsinin əməkdaşları tərəfindən narkotik tərkibli bitkilərin kultivasiyası ilə məşğul olan şəxslərin ifşa olunaraq məsuliyyətə cəlb edilməsi istiqamətində əməliyyat tədbirləri davam etdirilir. DİN-in Mətbuat Xidmətinin Şirvan şəhərində regional qrupundan verilən məlumata görə, şöbə əməkdaşları tərəfindən həyata keçirilmiş əməliyyat tədbirləri ilə narkotik tərkibli bitkilərin kultivasiyası ilə məşğul olmaqda şübhəli bilinən rayonun Zarat kənd sakini Ramil İlyasov saxlanılıb. Hal şahidlərinin iştirakı ilə onun yaşadığı evin yaxınlığında yerləşən və nəzarət etməsi üçün ona tapşırılan bağ sahəsinə keçirilən baxış zamanı, oradan R.İlyasov tərəfindən xüsusi aqrotexniki qayda ilə qulluq edilərək becərilmiş 120 ədəd çətənə kollarının şitilləri aşkarlanaraq götürülüb.
Dindirilmə zamanı R.İlyasov narkotik tərkibli bitkiləri becərdiyini etiraf edib.
Faktla bağlı Siyəzən Rayon Polis Şöbəsində araşdırmalar aparılır.(virtualaz.org)
10-05-2021, 09:42 | Ağcabədidə yol qəzası baş verib, xəsarət alan var
Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Ağcabədi rayonu ərazisində yol-nəqliyyat qəzasının baş verməsi və xilasedici köməyinə ehtiyac yaranması barədə məlumat daxil olub.
Nazirlikdən verilən məlumata görə, hadisə yerinə FHN-nin Dövlət Yanğından Mühafizə Xidmətinin müvafiq xilasetmə qrupu cəlb olunub.
Həyata keçirilən tədbirlər nəticəsində sıxılı vəziyyətdə 1 nəfər deformasiyaya uğrayan "LADA" markalı minik avtomobilindən çıxarılaraq aidiyyəti üzrə təhvil verilib.
10-05-2021, 09:34 | Güclü külək mülki obyektlərin damını uçurdu - FOTO
Güclü külək mülki obyektlərin damını uçurub.
Hadisə Bakı-Qazax magistralının Lökbatan qəsəbəsinə düşən hissəsində baş verib.
Nəticədə yol infrastrukturuna da ziyan dəyib. Hadisə yerinə aidiyyəti qurumlar cəlb olunublar.Trend
