25-12-2020, 16:31 | 2021-ci ilin dövlət büdcəsi birinci oxunuşda qəbul edildi
2021-ci ilin dövlət büdcəsi Milli Məclisin bu gün keçirilən plenar iclasında birinci oxunuşda qəbul edilib.
Milli Məclisə təqdim olunan layihədə 2021-ci il icmal büdcəsinin gəlirləri 23828,1 milyon manat proqnozlaşdırılıb ki, bu da 2020-ci illə müqayisədə 1 465,1 milyon manat və yaxud 6,6 % çoxdur.
İcmal büdcənin xərcləri 31 163,4 milyon manat olacaq ki, bu da 2020-ci illə müqayisədə 855,1 milyon manat və yaxud 2,8 % çoxdur.
2021-ci ilin icmal büdcəsinin kəsiri 7 335,3 milyon manat təşkil etməklə 2020-ci illə müqayisədə 610,1 milyon manat və yaxud 7,7 % azdır. Kəsir proqnozlaşdırılan ÜDM-in 9,7 %-nə bərabər olacaq ki, bu da 2020-ci illə müqayisədə 1,4 faiz-bənd azdır.
25-12-2020, 10:46 | Azərbaycan nefti ucuzlaşıb
Dünya bazarında "Azeri Light" (CIF) markalı neftin qiyməti azalıb.
Azərbaycan neftinin 1 barelə olan qiyməti 1,08 ABŞ dolları və ya 2,07% azalaraq 50,97 dollar təşkil edib.
25-12-2020, 10:29 | Neftin bahalaşması davam edir
ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2021-ci ilin mart müqaviləsinin dəyəri 0,25% artaraq 1 barelə görə 51,37 dollar təşkil edib.
Nyu-Yorkun NYMEX əmtəə birjasında gələn ilin fevralında ixrac etməklə WTI markalı neftin 1 barelinin qiyməti 0,37% artaraq 48,3 dollar təşkil edib.
24-12-2020, 12:52 | Azad edilmiş ərazilər iqtisadiyyatımızın inkişafına böyük töhfə verəcək - Nazir
Dünya Bankı 2021-ci ildə Azərbaycan iqtisadiyyatının 1.9 faiz artması proqnozlaşdırılıb. Beynəlxalq təşkilatların isə proqnozlarına əsasən, Azərbaycan iqtisadiyyatı növbəti il 2 faiz artacaq.
Milli.Az Trend-ə istinadən bildirir ki, bunu iqtisadiyyat naziri Mikayıl Cabbarov parlamentin bu gün keçirilən iclasında büdcə müzakirələri zaman deyib.
M.Cabbarov bildirib ki, İqtisadiyyat Nazirliyi daha nikbin proqnozlarla çıxış edir. Nazir bildirib ki, pandemiya səbəbindən hazırda proqnozlar qeyri-müəyyənlik şəraitində aparılır: "Lakin biz daha nikbinik və nikbinliyimiz Qarabağa böyük qayıdış və həmin ərazilərin ölkə iqtisadiyyatına reinteqrasiya edilməsi ilə bağlıdır. Həmin ərazilər iqtisadiyyatımızın inkişafına böyük töhfə verəcək".
16-12-2020, 06:38 | Hyundai Motors Boston Dynamics şirkətini 1 milyard dollara yaxın qiymətə alıb
Hyundai Motors şirkəti robot istehsalı ilə məşğul olan Boston Dynamics şirkətini alıb. Hər iki şirkət arasındakı müqavilə demək olar yekunlaşma mərhələsindədir. Analitiklərin sözlərinə əsasən sözügedən müqavilənin dəyəri 1 milyard dollara yaxındır. Bu barədə 4pda saytı xəbər verib. 2017-ci ildə Yaponiyanın Softbank holdinqi Boston Dynamics şirkətini Alphabet holdinqindən almışdı. Lakin yaxın zamanda müxtəlif növ robot istehsalı ilə məşğul olan bu şirkətin sahibi Hyundai Motos olacaq.
Əsasən Spotmini adlı 4 ayaqlı robotu yaratmaqla məşhurluq qazanmış Boston Dynamics-in qiyməti 921 milyon dollar dəyərində qiymətləndirilib. Bu məbləğin yarısını Hyundai Motors şirkəti digər yarısını isə onun daxilində fəaliyyət göstərən müəyyən şöbələr ödəyəcəklər. Hyundai şirkətinin hal hazırki direktorlar şurasının fikrincə robototexnika sahəsi ən perspektivli sahələrdən biridir və onu gələcək üçün inkişaf etdirməkdə fayda var. Qeyd etmək lazımdır ki, Boston Dynamics şirkətinin kataloquna bir neçə növ robot daxildir. Onların arasında insana bənzər Atlas robotu, 4 ayaqlı Spotmini robotu və hətta quşu xatırladan robot da var.(milli.az)
11-12-2020, 05:24 | Azərbaycanda bu xidmətlərin qiyməti bahalaşıb
Ötən ay ərzində Azərbaycanda əhaliyə göstərilən bir sıra xidmətlərin qiymətində bahlaşma müşahidə olunub.
Cari ilin noyabr ayında əvvəlki aya nisbətən ayrı-ayrı xidmət növlərindən daha çox bahalaşma dişlərin müaliсəsi, minik avtomobillərinin mühərrik yağının dəyişdirilməsi, bərbərxana və kosmetoloji xidmətlərinin qiymətlərində müşahidə olunmuşdur.
Digər ödənişli xidmətlərin qiymətlərində ciddi dəyişikliklər baş verməmişdir
4-12-2020, 13:40 | Azərbaycan nefti 50 dollar həddinə yaxınlaşır
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti dekabrın 3-də 49,48 dollar/barel təşkil edib ki, bu da əvvəlki göstəricidən 0,6 dollar/barel çoxdur.
Bu barədə Trend-ə ölkənin neft-qaz bazarındakı mənbə bildirib.
FOB bazisi üzrə Türkiyənin Ceyhan limanında Azərbaycanın yüngül neftinin qiyməti 48,94 dollar/barel təşkil edib ki, bu da əvvəlki göstəricidən 0,6 dollar/barel çoxdur.
Novorossiysk limanından yüklənən URALS neftinin qiyməti isə 48,22 dollar/barel təşkil edib ki, bu da əvvəlki göstəricidən 0,62 dollar/barel çoxdur.
Şimal dənizindən hasil edilən "Brent Dated" etalon növlü neftin qiyməti 48,41 dollar/barel olub ki, bu da əvvəlki göstəricidən 0,68 dollar/barel çoxdur.
4-12-2020, 13:33 | Azərbaycanın Türkiyədən sement idxalı azalıb
2020-ci ilin yanvar-noyabr aylarında Türkiyədən Azərbaycana sement ixracı 2019-cu ilin eyni dövrü ilə müqayisədə 21,4 faiz azalaraq 30,323 milyon dollar təşkil edib.
Bu barədə Trend-ə Türkiyə Ticarət Nazirliyindən bildiriblər.
Noyabr ayında Türkiyə Azərbaycana 2,326 milyon dollar məbləğində sement ixrac edib ki, bu da ötən ilin noyabrı ilə müqayisədə 23 faiz azdır.
2020-ci ilin yanvar-noyabr aylarında Türkiyənin dünya bazarlarına sement ixracı 2019-cu ilin eyni dövrü ilə müqayisədə 5,3 faiz artaraq 3,407 milyard dollara bərabər olub.
Hesabat dövründə Türkiyənin sement ixracı ümumi ixracın 2,2 faizini təşkil edib.
Son 12 ay ərzində (noyabr 2019-cu il - noyabr 2020-ci il) Türkiyə 3,686 milyard dollar məbləğində sement ixrac edib.
4-12-2020, 13:03 | SOCAR təsdiq olunmuş neft ehtiyatlarının həcmini açıqladı
2019-cu ildə Azərbaycan Dövlət Neft Şirkətinin (SOCAR) ümumi təsdiq olunmuş neft ehtiyatları 120,204 milyon ton təşkil edib. Bu, 2018-ci illə müqayisədə 4,5 faiz azdır.
Bu barədə SOCAR-ın "Dayanıqlı inkişaf" hesabatına istinadən məlumat verir.
2018-ci ildə SOCAR-ın neft ehtiyatları 125,906 milyon ton təşkil edib.
Hesabata əsasən, 2019-cu ildə SOCAR 7,7 milyon ton neft, 6,8 milyard kubmetr qaz hasil edib. 2018-ci illə müqayisədə neft hasilatı 140,8 min ton, qaz hasilatı 293 milyon kubmetr artıb.
Ötən il şirkət 1,4 milyon ton nefti və 1,6 milyard kubmetr qazı ixraca yönəldib. 2019-cu ildə neft və qaz ixracından əldə edilən gəlir 904, 6 milyon dollar təşkil edib.
SOCAR-ın 2019-cu ildə neft, qaz və neft məhsulları ixracından 1,289 milyard dollar gəlir əldə edib.Trend
3-12-2020, 12:22 | Təbii qaz ucuzlaşıb
Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb.
Yanvarda çatdırmaq şərti ilə təbii qaza olan fyuçerslərin qiyməti 1 mln. BTU-ya (British thermal unit - Britaniya istilik vahidi) görə 0,47% azalaraq 2,744 ABŞ dolları təşkil edib.
