15-10-2023, 18:53 | İlham Əliyev: Bu, tarixi hadisədir
Bu gün vaxtilə - hələ işğal dövründə dediyim sözlər və xalq tərəfindən təkrarlanan sözlər mənim üçün ən böyük mükafatdır. Mən o vaxt demişdim ki, nəyi, necə, nə vaxt etmək lazımdır, onu mən bilirəm.
Respublica.Az AZƏRTAC-a istinadən bildirir ki, bu sözləri Prezident İlham Əliyev oktyabrın 15-də Xankəndi şəhərində Azərbaycan Respublikasının Dövlət Bayrağını ucaldıqdan sonra çıxış edərkən söyləyib.
Dövlətimizin başçısı deyib: "İkinci Qarabağ müharibəsi dayananda da Azərbaycan xalqı bilirdi ki, mən bunu bilirəm. O gündən üç il keçməmiş biz bu gün buradayıq, Xankəndidəyik, Xankəndinin mərkəzindəyik, Azərbaycan Gerbi, Azərbaycan Bayrağı altında. Bu, böyük xoşbəxtlikdir və tarixi hadisədir. İndi bu tarix haqqında danışmaq mənim üçün bəlkə o qədər də düzgün deyil. Çünki bu tarixi biz yaşamışıq, bu tarixi biz yaratmışıq".
Respublica.Az
15-10-2023, 18:47 | Prezident: Bu gün Xankəndidə olmağımızın əsas səbəbkarı Azərbaycan xalqıdır, Azərbaycan övladıdır
Bu gün burada (Xankəndi - red.) olmağımızın əsas səbəbkarı Azərbaycan xalqıdır, Azərbaycan övladıdır. Elə bir gənc nəsil yetişdirdik ki, Vətən, torpaq uğrunda ölümə getməyə hazır idi və ölümə də gedirdi. Allah bütün şəhidlərimizə rəhmət eləsin. Biz onların ruhu qarşısında baş əyirik. Biz Azərbaycan xalqı olaraq onlara əbədi borcluyuq.
Respublica.Az AZƏRTAC-a istinadən bildirir ki, bu fikri Prezident İlham Əliyev oktyabrın 15-də Xankəndi şəhərində Azərbaycan Respublikasının Dövlət Bayrağını ucaltdıqdan sonra çıxış edərkən deyib.
"Həm üç il bundan əvvəl, həm son üç il ərzində, həm də sentyabr ayında keçirilmiş antiterror əməliyyatı zamanı Azərbaycan əsgəri, zabiti əsl qəhrəmanlıq, vətənpərvərlik, fədakarlıq göstərmişdir. Biz Ordumuzla, Silahlı Qüvvələrimizlə fəxr edirik, onlar bizim qürur mənbəyimizdir. Təkcə Azərbaycan vətəndaşları yox, əminəm ki, dünyada yaşayan on milyonlarla azərbaycanlı Azərbaycan əsgəri və zabiti ilə, Azərbaycan dövləti ilə haqlı olaraq fəxr edir", - deyə dövlətimizin başçısı bildirib.
Respublica.Az
15-10-2023, 18:45 | İlham Əliyev: İyirmi il əvvəl qarşıma bir nömrəli vəzifə qoymuşdum ki...
İyirmi il bundan əvvəl Prezident kimi öz vəzifə borcumu yerinə yetirməyə başlayanda qarşıma bir nömrəli vəzifə qoymuşdum ki, Azərbaycan Bayrağı o vaxt işğal altında olan bütün ərazilərdə, bütün torpaqlarda, bütün şəhər və kəndlərdə qaldırılsın. Hər gün, hər saat biz bu müqəddəs məqsədə doğru gedirdik. Hər gün biz bu müqəddəs anı yaxınlaşdırırdıq və dəfələrlə deyirdim ki, hər birimiz, hərə öz yerində öz işi ilə bu günü yaxınlaşdırmalıdır.
Respublica.Az AZƏRTAC-a istinadən bildirir ki, bu fikri Prezident İlham Əliyev oktyabrın 15-də Xankəndi şəhərində Azərbaycan Respublikasının Dövlət Bayrağını ucaldıqdan sonra çıxış edərkən deyib.
Bu illər ərzində Azərbaycanın gücləndiyini və dünya miqyasında özünə layiq yerini tuta bildiyini vurğulayan dövlətimizin başçısı bildirib: "Artıq Azərbaycanla dünyada hesablaşırlar. Ölkəmizin mövqeyi, dövlətimizin addımları nəinki bölgədə, daha da böyük coğrafiyada böyük məna daşıyır. Bir çox hallarda Azərbaycan önəmli təşəbbüslərin müəllifidir. Biz bu illər ərzində Ermənistan-Azərbaycan münaqişəsini həll etmək üçün güclü bir siyasi və hüquqi zəmin yaratdıq. Eyni zamanda, biz güclü iqtisadiyyat yaratdıq və son 20 il ərzində bu istiqamətdə əldə edilmiş uğurlar göz qabağındadır".
Respublica.Az
15-10-2023, 18:43 | Prezident Ağdam-Füzuli avtomobil yolunun tikintisi ilə tanış olub - FOTO
Respublica.Az AZƏRTAC-a istinadən bildirir ki, Azərbaycan Respublikasının Prezidenti İlham Əliyev oktyabrın 15-də Ağdam-Füzuli avtomobil yolunun tikintisi ilə tanış olub.
Xəbər yenilənəcək
Respublica.Az
15-10-2023, 18:39 | İlham Əliyev Xocavənddə Bayrağımızı ucaldıb - FOTO
Respublica.Az AZƏRTAC-a istinadən bildirir ki, Azərbaycan Respublikasının Prezidenti İlham Əliyev oktyabrın 15-də Xocavənd şəhərində Azərbaycan Respublikasının Dövlət Bayrağını ucaldıb.
Xəbər yenilənəcək
Respublica.Az
15-10-2023, 18:22 | Şimali Kiprin Prezidenti Heydər Əliyev Mərkəzi ilə tanış olub
Azərbaycanda rəsmi səfərdə olan Şimali Kipr Türk Cümhuriyyətinin Prezidenti Ersin Tatar oktyabrın 15-də Heydər Əliyev Mərkəzində olub.
Ali qonağa dünya memarlığının nadir incilərindən sayılan Heydər Əliyev Mərkəzi haqqında məlumat verilib. Qeyd olunub ki, Mərkəzin fəaliyyəti Azərbaycan xalqının Ümummilli Lideri Heydər Əliyevin dövlətçilik fəlsəfəsinin, azərbaycançılıq ideologiyasının və Ulu Öndərin irsinin dərindən öyrənilməsinə və tədqiq edilməsinə yönəlib.//milli.az//
15-10-2023, 06:13 | Tarix yazmış lider: Prezident İlham Əliyevin qələbə və uğurlarla dolu 20 ili
Düz 20 il bundan əvvəl, 15 oktyabr 2003-cü ildə Azərbaycan xalqı İlham Əliyevi ölkənin Prezidenti seçərək öz gələcəyini ona etibar etdi. Sabitlik və inkişafın rəmzinə çevrilmiş, öz ərazi bütövlüyünü və suverenliyini bərpa etmiş bugünkü Azərbaycan bu tarixi seçimin düzgünlüyünün ən yaxşı təsdiqidir.
Hələ 20 il bundan əvvəl Prezident İlham Əliyev geosiyasi tendensiyaları görərək ölkənin hansı istiqamətdə hərəkət etməli və strateji prioritetlərin harada müəyyən edilməli olduğunu bilirdi: Azərbaycan güclü iqtisadiyyat formalaşdırmalı, peşəkar və hərtərəfli təchiz edilmiş ordu qurmalı və dünya arenasında öz layiqli yerini tutmalı idi. Ölkə yalnız bu cür regionun lideri və böyük dünya siyasətinin aktoru ola bilərdi
Artıq 2004-cü ildə Prezident İlham Əliyevin təşəbbüsü ilə regionların inkişafı üzrə ilk Dövlət Proqramı qəbul edilir. İlham Əliyev özü sonralar bu Dövlət Proqramını ilk ən ciddi siyasi qərarlardan biri adlandırıb, regionların inkişafı üzrə dövlət proqramları isə özlüyündə nəinki milli iqtisadiyatın inkişafının əsaslandığı təməl rolunu oynadı, həm də Azərbaycan tarixində ilk dəfə olaraq Bakı ilə ölkənin digər rayonları arasında infrastrukturun inkişafı baxımından qeyri-tarazlığı aradan qaldırıb.
Prezident İlham Əliyevin dövlət siyasəti ölkə qarşısında duran yeni çağırış və vəzifələrin həllinə yönəlmişdi. Prezident İlham Əliyev ölkəmizin yolunu dərhal müəyyən etdi: Azərbaycan transformasiya olunaraq inkişaf etmiş, müasir dövlətə çevrilməli, ardıcıl şəkildə siyasi, iqtisadi və sosial islahatların keçirməli idi.
Bunların həyata keçirilməsi üçün hələ 2004-cü ildə Prezident İlham Əliyev "Neft və qaz gəlirlərinin idarə olunması üzrə uzunmüddətli strategiya"nı təsdiq etdi. Strategiya neft sektorundan gələn gəlirin qeyri-neft sektorunun inkişafına yönəldilməsini nəzərdə tuturdu.
Sonrakı illər davamlı inkişaf illəri oldu: Azərbaycanda 2 milyondan çox iş yeri, yüzlərlə yeni istehsalat müəssisəsi açıldı, kənd təsərrüfatının bir zamanlar boş qalmış ənənəvi sahə və istiqamətləri bərpa olundu. Yoxsulluq aradan qaldırıldı və həssas əhali qrupları üçün çoxsəviyyəli sosial dəstək sistemi icra edildi.
Bununla yanaşı, ölkəmizin qlobal bazarlarda mövqeyi də möhkəmlənirdi: Azərbaycan Cənub Qaz Dəhlizi (CQD) layihəsini həyata keçirməklə faktiki olaraq Avropanın enerji xəritəsini yenidən cızdı. Qitədəki ən iddialı layihələrdən biri olan bu layihə sözün əsl mənasında zamanın önünə keçdi. Bir çox skeptiklər və Azərbaycanın "yaxşılığını istəyənlər" CQD-nin inşasının və icrasının real olmayacağını deyirdi, Azərbaycan isə əksini sübut etdi. Sonralar, Avropada böhran baş verəndə isə, Bakının elə həmin tənqidçiləri Azərbaycan qazının öz istehlakçılarına tədarükü ilə bağlı danışıqlar aparmaq məqsədilə növbəyə düzüldülər.
Neft strategiyası və neft-qaz gəlirlərinin idarə olunması konsepsiyası ölkə iqtisadiyyatını yenidən formalaşdırdı: 2003-2022-ci illərdə Azərbaycanda ümumdaxili məhsul (ÜDM) 7,3 milyard ABŞ dollarından 78,7 milyard dollara, dövlət büdcəsinin xərcləri isə 1,2 milyard manatdan 36,6 milyard manata çatdı! Ölkənin strateji valyuta ehtiyatları 47 dəfədən çox artaraq,1,4 milyard dollardan 66,1 milyard dollara çatdı. 2003-cü ildə orta əmək haqqı cəmi 77,4 manat idisə, 2022-ci ildə 839,4 manat oldu. Görünməmiş rəqəmlərdir!
Prezident İlham Əliyevin rəhbərliyi altında Azərbaycan xarici siyasətdə öz mövqeyini möhkəmləndirdi. Hələ 2011-ci ildə Azərbaycanın 155 səslə Birləşmiş Millətlər Təşkilatının (BMT) Təhlükəsizlik Şurasının qeyri-daimi üzvü seçildiyini və iki il ərzində dünyanın böyük dövlətləri ilə yanaşı öz öhdəliklərini uğurla icra etdiyini xatırlamaq kifayətdir. Bu hadisə ölkəmizin və liderinin nüfuzunun dünya arenasında qlobal səviyyədə tanındığının ən mühüm təsdiqidir.
2019-cu ildə isə Azərbaycan yekdilliklə dünyanın ikinci ən böyük strukturu olan Qoşulmama Hərəkatının sədri seçildi. Prezident İlham Əliyevin sayəsində Qoşulmama Hərəkatı ikinci nəfəs qazandı, dirçəldi və qlobal strukturlardan biri olaraq yenidən əhəmiyyət qazandı. Azərbaycanın Qoşulmama Hərəkatının dirçəlməsindəki rolu o qədər yüksək qiymətləndirildi ki, təşkilat ölkəmizin sədrliyini daha bir il müddətinə uzatdı.
Dövlət başçısının siyasətinin ən mühüm istiqamətini Azərbaycan ordusunun əsaslı şəkildə modernləşdirilməsi təşkil etdi. Prezident İlham Əliyev özü ordu quruculuğunun təbii prioritet olduğunu vurğulayırdı, çünki Azərbaycan uzun illər ərzində erməni işğalçıları ilə mübarizə aparıb. Bu istiqamətdə də nəhəng yol qət edilib.
Azərbaycanın hərbi büdcəsi 2003-cü ildən etibarən 15 dəfədən çox artıb ki, bu da ölkənin Silahlı Qüvvələrinin ən müasir texnika və silahlarla təchiz olunmasına imkan verdi. Bundan başqa, ölkədə sıfırdan yeni müdafiə sənayesi yaradıldı, 20-dən çox hərbi zavod və müəssisə inşa olundu. Bu gün onlar 1200-dən çox müxtəlif növ hərbi təyinatlı məhsul buraxırlar.
Azərbaycan ordusunun hərbi potensialı, hərbçilərin peşəkarlıq səviyyəsi də əhəmiyyətli dərəcədə artıb. Hərbçilərin və onların ailələrinin təminat və sosial yardım sistemi təkmilləşdirildi, regionda qeyd-şərtsiz lider olan Azərbaycan ordusu isə dünyanın 100 ən güclü ordusu arasına daxil oldu.
Ordunun modernizasiyası ölkə başçısının əsas missiyasının - ölkəmizin ərazi bütövlüyünün və suverenliyinin - icrasında yekun mərhələ olmaqla, Prezident İlham Əliyevin adını Azərbaycan xalqının tarixinə əbədi həkk etdi. Vətən müharibəsində qələbə dövlət başçısının iqtisadi, xarici siyasət və müdafiə strategiyasının məntiqi nəticəsi oldu. Prezident İlham Əliyev sayəsində ölkəmiz postsovet dövlətləri arasında çox az ölkədəndir ki, həm bəşəriyyətə qarşı cinayətlərdə və etnik təmizləmələrdə təqsirkar olan hərbi cinayətkarları məsuliyyətə cəlb edə bilib.
Prezident İlham Əliyev azərbaycanlıların bir neçə nəslinin faciə və müsibətlərinə səbəb olmuş problemi birdəfəlik həll etdi, indi isə bu insanların və onların övladlarının arasından minlərlə insan işğaldan azad olunmuş Qarabağa və Şərqi Zəngəzura qayıdırlar. Yüzlərlə yaşayış məntəqəsinin bərpasını əhatə edən 2022-2026-cı illər üzrə "Böyük Qayıdış" dövlət proqramı qəbul olunub. Artıq onlardan 52-nin konseptual layihəsi hazırlanıb, Prezident İlham Əliyev şəxsən 29 yenidən qurulmuş şəhər və qəsəbənin təməlini qoyub. Bundan başqa, müharibə bitdikdən cəmi il yarım sonra - 19 iyul 2022-ci ildən etibatən keçmiş məcburi köçkünlər işğaldan azad olunmuş ərazilərə qayıtmağa başlayıblar. Bütünlükdə bu müddət ərzində artıq 679 ailə, yəni 2700-dən çox insan doğma torpaqlarına qayıdıb. İlin sonunadək təqribən 1400 ailənin, yəni 5 mindən çox insanın qayıdacağı gözlənilir.
Qarabağ və Şərqi Zəngəzur yenidən formalaşır, xarabalıqdan yenidən doğulur. Qısa müddət ərzində Füzulidə və Zəngilanda aeroportlar inşa edildi, Laçında aeroportun inşası başa çatmaq üzrədir. Yüzlərlə kilometr yol salınıb, Bərdə-Ağdam və Horadiz-Ağbənd dəmir yolu xətlərinin tikintisi davam edir. Bu yollar bölgənin iqtisadiyyatının təşkil olunması prosesini əhəmiyyətli dərəcədə sürətləndirə bilər. Bundan başqa, bölgədə artıq 12 yeni elektrik stansiyası istismara verilib, digər zəruri infrastruktur bərpa olunub. Bir sözlə, Qarabağ və Şərqi Zəngəzur normal həyata, inkişafa qayıdır. Artıq onların da ölkənin bütün digər əraziləri ilə birgə işıqlı, uğurlu və qələbələrlə dolu gələcəyi var.
Azərbaycan Respublikasında dövlətçiliyin beşinci dövrü ən uğurlu oldu. Yəqin ki, yalnız bizim övladlarımız Prezident İlham Əliyevin etdiklərinin tarixi miqyasını tam ölçüdə qiymətləndirə biləcəklər. Ölkəmizin tarixində dövlətin bütövlüyünü bərpa etmiş, onun uzunmüddətli inkişaf strategiyasını həyata keçirmiş, ətrafında milləti birləşdirmiş və milyonlarla soydaşını Qələbəyə doğru aparmış ikinci bu cür lider olmayıb.
Prezident İlham Əliyev ölkə lideri, tarixi miqyaslı şəxsiyyət, dünya səviyyəli siyasətçi, ölkəni işğalçılardan təmizləmiş Müzəffər Ordunun Ali Baş Komandanı, olduqca müasir Silahlı Qüvvələri formalaşdırmış, dövlətin ərazi bütövlüyünü bərpa etmiş və bütün dünyaya Azərbaycan dövlətinin gücünü göstərmiş, ölkəsinin nüfuzunu və Azərbaycan cəmiyyətinin dəyərini yüksəltmiş bir Prezidentdir.
Emin Əliyev
TREND
15-10-2023, 05:49 | Füzuliyə yola salınan daha 28 ailəyə mənzillərinin açarları verildi
Oktyabrın 14-də Bakı şəhərinin Qaradağ rayonundakı "Qobu park 3" yaşayış kompleksindən yola salınan növbəti köç karvanı Füzuli şəhərinə çatıb.
Qaçqınların və Məcburi Köçkünlərin İşləri üzrə Dövlət Komitəsinin Mətbuat xidmətindən bildirilib ki, yeni köçürülən ailələrə mənzillərinin açarlarının təqdimat mərasimi keçirilib.
Mərasimdə Azərbaycan Respublikası Prezidentinin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin və Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
Köçürülən ailələr Füzuli şəhərində yenidən tikilən evlərdə məskunlaşacaqlar. Bu mərhələdə Füzuli şəhərinə daha 28 ailə - 117 nəfər köçürülüb. Bununla da Füzuli şəhərində 258 ailə, yəni 928 nəfərin daimi məskunlaşması təmin edilib.
13-10-2023, 12:50 | Prezident İlham Əliyevin rəhbərliyi ilə Azərbaycanın dinamik inkişafı qarşıdakı illərdə də davam edəcək
Vahid Muradov,
Azərbaycan Avtomobil Yolları Dövlət Agentliyinin
"2 №-li Yol İstismarı" MMC -nin direktoru.
Müstəqil Azərbaycan hazırda beynəlxalq münasibətlər sistemində yüksək nüfuza sahib olan dövlətdir. 20 il öncə-15 oktyabr 2003-cü ildə keçirilən prezident seçkilərində xalqımızın düzgün seçim edərək, Ulu Öndərimiz Heydər Əliyevin müraciətini dəyərləndirərək cənab İlham Əliyevə səs verməsi möhtəşəm nailiyyətlərimizin əsasını təşkil edir. Keçirilmiş seçkilərdə Azərbaycanda seçicilərin 76 faizdən çoxu cənab İlham Əliyevə səs verərək ulu öndər Heydər Əliyev siyasətinin davam etdirilməsinə və ölkədə sabitliyin qorunmasına yenidən etimad göstəmiş oldular. Həmçinin Azərbaycan xalqı İlham Əliyevi Prezident seçməklə Heydər Əliyevin siyasi kursuna səs verdi. Bu siyasi kursa sadiqliyini nümayiş etdirən xalqımız ümummilli liderə sevgisini və inamını bir daha sübut etdi. Sonrakı tarixi və siyasi proseslər, ölkəmizdə həyata keçirilən islahatların nəticələri onu göstərdi ki, xalqımız dövlət başçısı cənab İlham Əliyevə etimad göstərməklə dövlətimizin gələcək inkişafına, çiçəklənməsinə töhfə verib. Cənab İlham Əliyevin dövlət başçısı seçilməsindən ötən müddət ərzində Azərbaycanın dövlət müstəqilliyi daha da möhkəmlənib, dövlətin və xalqın təhlükəsizliyinin, bütün sahələrdə davamlı və dayanıqlı inkişafının təmin edilməsi istiqamətində uğurlu işlər görülüb. Prezident İlham Əliyevin nümayiş etdirdiyi yüksək idarəçilik qabiliyyəti, şəxsi nüfuzu, qətiyyətli və milli maraqlara söykənən siyasəti öz müsbət nəticələrini verdi. Siyasi, iqtisadi imkanlarımız daha da genişləndi. Məhz dövlət başçısı İlham Əliyevin rəhbərliyi ilə aparılan uğurlu xarici siyasət strategiyasının nəticəsində Azərbaycanın beynəlxalq aləmdəki mövqeləri möhkəmləndi. Cənab İlham Əliyev 2003-cü ildə Prezident seçilərkən Azərbaycan həlli müşkül görünən bir sıra problemlərlə üz-üzə idi. O vaxt ölkə hələ yeni-yeni dirçəlirdi, işsizlik, məcburi köçkünlərin acınacaqlı halı, bölgələrin inkişafdan geri qalması, əhalinin sosial vəziyyəti ciddi narahatlıq doğururdu. Ötən illər ərzində 2 milyondan çox iş yeri yaradıldı. İşsizlik səviyyəsi 40 faizdən 5 faizə endi.Bölgəmizdə reallaşdırılan bütün beynəlxalq, irimiqyaslı layihələr Azərbaycanın iştirakı və milli maraqlarının nəzərə alınması ilə həyata keçirilir. Mövcud tarixi-siyasi, coğrafi şəraitdən, siyasi sistemin xüsusiyyətindən asılı olmayaraq, liderlik fenomeni milli dövlətin formalaşmasında və inkişafında həlledici rola malikdir. Lider, həmçinin mənəvi birliyi təmin edən, cəmiyyətdə müəyyən əhval-ruhiyyənin, ideya və dəyərlər sisteminin formalaşmasına təsir göstərən mühüm qüvvədir. Məhz bu keyfiyyətlərin sayəsində ölkəmizdə siyasi sabitlik təmin olunmuş və gələcək inkişaf üçün zəmin yaradılmışdır. Həyata keçirilən praqmatik xarici siyasət strategiyası ölkəmizə beynəlxalq münasibətlər sistemində müstəqil xarici siyasət həyata keçirən milli dövlət kimi etibarlı strateji tərəfdaş imici qazandırıb. Regional təşəbbüslər Azərbaycanın möhkəmlənməsinə, bölgədəki əməkdaşlığın dərinləşməsinə xidmət etdi. Milli mənafelərlə bağlı problemlərin həllinə həssas və fəal yanaşma uzaq və yaxın xaricin də diqqətindən yayınmadı. Azərbaycan Prezidentinin yürütdüyü uğurlu xarici siyasət nəticəsində ölkəmiz BMT Təhlükəsizlik Şurasının qeyri-daimi üzvü seçildi, dünyada beynəlxalq təşkilatlar Ermənistanı işğalçı dövlət kimi tanıdı. Azərbaycanın 155 dövlətin dəstəyi ilə BMT Təhlükəsizlik Şurasına qeyri-daimi üzv seçilməsi, həmçinin 120 dövlətin təmsil olunduğu Qoşulmama Hərəkatına 2019-2023-cü illərdə sədrlik etməsi müasir Azərbaycanın beynəlxalq miqyasda nüfuzunu və qüdrətini göstərir.
Bundan əlavə, neft-qaz sahəsində qazandığı uğurları davam etdirən ölkəmiz Trans-Anadolu və Trans-Adriatik qaz kəmərlərinin çəkilməsinə start verdi. Artıq bu layihələr reallığa çevrilib. Bununla da, Avropanın enerji təhlükəsizliyinin təmin olunmasında mühüm rol oynayan Azərbaycan Cənub Qaz Dəhlizi layihəsinin aparıcı qüvvəsi kimi çıxış etməyə başladı. Xəzərin Azərbaycan sektorunda “Azəri”, “Çıraq” və “Günəşli” yataqlarının birgə işlənməsi və neft hasilatının pay bölgüsü haqqında yeni sazişin imzalanması ölkəmizin dünya enerji sənayesində həlledici rolu olduğunu bir daha təsdiqlədi. Bakı-Tbilisi-Qars dəmir yolunun açılışı kimi çox böyük tarixi hadisə baş verdi. Asiyanı Avropa ilə birləşdirəcək Bakı-Tbilisi-Qars dəmir yolu xəttinin, Azərbaycan neftini birbaşa dünya bazarına çıxaran Bakı-Tbilisi-Ceyhan neft kəmərinin çəkilməsi kimi nəhəng layihələrin icrasına nail olundu.
2003-cü ildən etibarən Azərbaycanda ordu quruculuğu istiqamətində həyata keçirilən tədbirlər, silahlı qüvvələrin hərbi hazırlıq səviyyəsinin artırılması ilə bağlı görülən işlər Qarabağ münaqişəsinin aqibəti ilə bağlı bəzi dairələrdə yaranan əminliyi darmadağın etdi. Azərbaycanda güclü müdafiə sənayesi quruldu. Qısa müddət ərzində görülmüş işlər sayəsində Azərbaycan ordusu dünyanın ən güclü 50 ordusu sırasında yer aldı. Bunun üçün Azərbaycan Ordusunun döyüş qabiliyyətinin artırılması, silahlı qüvvələrin maddi-texniki bazasının möhkəmləndirilməsi sahəsində ardıcıl tədbirlər görüldü. Prezident İlham Əliyevin yürütdüyü siyasət Azərbaycanın müttəfiqlərinin və dostlarının sayını artırdı. Prezident İlham Əliyevin rəhbərliyi ilə həyata keçirilən çoxtərəfli və balanslaşdırılmış xarici siyasət nəticəsində Azərbaycan regionda ən güclü və suveren, yüksək beynəlxalq nüfuza malik olan dövlətə çevrildi. Cənab İlham Əliyevin ölkəyə rəhbərliyi illərində Azərbaycanı Qafqazda söz sahibinə çevirmişdir. Bu müddət ərzində maaşlar, pensiyalar dəfələrlə artmışdır. Sosial infrastruktur inkişaf etmiş, o cümlədən məktəb, xəstəxana binaları tikilmiş, təmir edilmiş, bölgələrdə idman infrastrukturu yaradılmışdır. Eyni zamanda, Azərbaycan qlobal rəqabətlilik indeksində dünyadakı mövqeyini xeyli gücləndirmişdir. İqtisadiyyatın neft-qaz sektoru əsaslı şəkildə inkişaf etmiş, Azərbaycan elektrik enerjisini idxal edən ölkədən ixrac edən ölkəyə çevrilmiş, yol və nəqliyyat infrastrukturu sürətlə inkişaf etmişdir. Bir sözlə, Prezident İlham Əliyevin idarəçilik dövrü milli maraqların qorunmasına xidmət edən strateji nailiyyətlər dövrü kimi tarixə düşübdür. Prezident İlham Əliyevin dövlət siyasətinin ən mühüm cizgilərdən biri ölkənin bütün bölgələrinin tərəqqisinə səbəb olan regionların sosial-iqtisadi inkişafı konsepsiyasıdır. Regionların sosial-iqtisadi inkişafı ölkəmizdə yeniləşmə, davamlı inkişaf, sosial-iqtisadi tarazlıq, modern islahatlar və digər sistemli hədəflərin reallaşmasında mühüm rola malikdir. Regionların sosial-iqtisadi inkişafına dair həyata keçirilən dövlət proqramları sayəsində bölgələrdə inkişaf prosesləri sürətləndi, kənd təsərrüfatının müxtəlif sahələri ilə bağlı konkret proqramlar icra olundu.
Tariximizə qızıl hərflərlə yazılmış zəfər tariximiz, qələbə salnaməmiz məhz dövlət başçısı, müzəffər Ali Baş Komandan cənab İlham Əliyevin 20 illik gərgin əməyinin, müdrik və məqsədyönlü siyasətinin, peşəkar və qüdrətli ordu quruculuğu prosesinin nəticəsi idi. 2020-ci ilin 27 sentyabrında başlanan 44 günlük Vətən müharibəsində qazandığımız şanlı qələbə ilə tarixi torpaqlarımız işğaldan azad edildi, ərazi bütövlüyümüz bərpa olundu. Bu qalibiyyət ədalətin, eləcə də Ermənistan tərəfindən pozulmuş beynəlxalq hüququn təmin edilməsi idi. Bütövlükdə, 44 günlük Vətən müharibəsi Azərbaycanın siyasi, iqtisadi, diplomatik və hərbi qüdrətini, həmçinin xalqımızın milli birliyini və sarsılmaz iradəsini bütün dünyaya nümayiş etdirdi. Lakin Prezident İlham Əliyev “Dəmir yumruq” əməliyyatı ilə sübut etdi ki, münaqişənin hərbi həlli var. Nəticədə ölkəmiz BMT Təhlükəsizlik Şurasının münaqişə ilə bağlı dörd qətnaməsini özü icra etdi. Artıq qürurla və fəxarətlə bəyan edirik ki, 30 illik Vətən, torpaq həsrətimizə son qoyulub, biz ata-baba yurdlarımıza qovuşmaqla yanaşı, milli qürurumuzu özümüzə qaytarmışıq. Sevindirici haldır ki, artıq həmin ərazilərimizdə quruculuq və abadlıq işləri çox böyük sürətlə davam etdirilir. Ötən ay ordumuzun 24 saatlıq antiterror əməliyyatı nəticəsində Qarabağda qondarma rejim özünü buraxdığını elan etdi və bununla da dövlətimiz öz suverenliyini tam təmin etdi.
Beləliklə, Prezident İlham Əliyevin həyata keçirdiyi siyasət nəticəsində Azərbaycanın beynəlxalq səviyyədə mövqeləri güclənib və bundan sonrakı mərhələdə bu mövqe daha da möhkəmlənəcəkdir. Tam əminliklə demək olar ki, xalq-iqtidar birliyinin qarşılıqlı inamı sayəsində Prezident İlham Əliyev xalqı bundan sonra da öz arxasınca zirvədən-zirvəyə, qələbədən-qələbəyə aparacaq və müstəqil Azərbaycan yeni-yeni zəfərlərə imza atacaqdır.
13-10-2023, 11:53 | İlham Əliyev Bişkekdə MDB Dövlət Başçıları Şurasının iclasında iştirak edir
Oktyabrın 13-də Bişkekdə Müstəqil Dövlətlər Birliyi (MDB) Dövlət Başçıları Şurasının iclası keçirilir.
AZƏRTAC-a istinadən bildirir ki, Qırğız Respublikasının Prezidenti Sadır Japarov iclasda iştirak edən Azərbaycan Respublikasının Prezidenti İlham Əliyevi qarşıladı.
Dövlət başçıları birgə foto çəkdirdilər.
Xəbər yenilənəcək
