10-10-2020, 09:14 | Azərbaycan Prezidenti “Sky News” telekanalına müsahibəsində mümkün danışıqların şərtlərini açıqlayıb
Azərbaycan Prezidenti "Sky News" telekanalına müsahibəsində mümkün danışıqların şərtlərini açıqlayıb.
Azərbaycan Prezidenti İlham Əliyev "Sky News" telekanalına müsahibəsində Ermənistanla mümkün danışıqların şərtlərini açıqlayıb.
"Ermənistanın dəstəkləməkdən imtina etdiyi əsas prinsiplərdə torpaqların açıq-aydın necə geri qaytarılacağı göstərilir. Birinci mərhələdə Dağlıq Qarabağın cənub-şərq tərəfində yerləşən beş Azərbaycan rayonu, sonra Dağlıq Qarabağ və Ermənistan arasında yerləşən iki Azərbaycan rayonu qaytarılmalıdır. Sonra azərbaycanlılar Dağlıq Qarabağa qayıdırlar. Dağlıq Qarabağda 25 faiz azərbaycanlı əhali olub, onların da hüquqları təmin edilməlidir. Onlar yaşadıqları yerə - qədim Şuşa şəhərinə və digər yerlərə qayıdırlar və biz normal kommunikasiyaları bərpa edirik. Biz xalqlar arasında təmasları bərpa edirik. Bu, vasitəçilərin planıdır və biz bunu dəstəkləyirik", - deyə dövlətimizin başçısı bildirib.
Azərbaycanın həmişə danışıqlar prosesini dəstəklədiyini qeyd edən Prezident İlham Əliyev deyib: "Ümid edirəm ki, Ermənistan döyüş meydanında bu acı məğlubiyyətlə üzləşəndən sonra onlar daha məntiqli olacaq və vasitəçilərin məsləhətlərinə qulaq asacaqlar, danışıqlar masasında səmimi olacaqlar. Danışıqlar münaqişənin siyasi həllinə və işğal olunmuş ərazilərin boşaldılmasına gətirib çıxarmalıdır".AZƏRTAC
10-10-2020, 09:07 | Vüqar Rəhimzadə: Möhtərəm Prezidentimiz xalqa növbəti müraciətində bir daha milli maraqların Onun üçün hər şeydən üstün olduğunu sübut etdi
"Oktyabrın 9-da Ali Baş Komandan, Prezident İlham Əliyev xalqa növbəti müraciəti ilə bir daha sarsılmaz lider qətiyyətini, yenilməz siyasi iradəsini nümayiş etdirdi. Ali Baş Komandan İlham Əliyev bir daha Onun üçün milli maraqların hər şeydən üstün olduğunu sübut etdi. Hər bir azərbaycanlı bir daha tam əmin oldu ki, Azərbaycan işğal altında olan torpaqlarının bir qarışını belə düşmənə güzəştə getməyəcək".
Yeni Azərbaycan Partiyasi Siyasi Şurasının üzvü, "İki sahil" qəzetinin baş redaktoru, siyasi elmlər doktoru Vüqar Rəhimzadə KİV-ə açıqlamasında söyləyib.
Vüqar Rəhimzadə bildirib ki, bu gün Azərbaycan Ordusu artıq yenilməz sərkərdə olduğunu öz lider qətiyyəti və əməli fəaliyyəti ilə sübuta yetirmiş Ali Baş Komandanımızın rəhbərliyi ilə tarix yazır, işğal altında olan torpaqlarımızı qarış-qarış geri qaytarır: "Prezident İlham Əliyev ötən müddət ərzində Azərbaycanın beynəlxalq hüquqa hörmət edən, sivil, demokratik ölkə olduğunu nümayiş etdirib. Azərbaycan 26 ildir ki, səbir edir və bu strateji təmkin Azərbaycanın bir daha sülh tərəfdarı olduğunu isbatlayır. Lakin Azərbaycan siyasi-diplomatik gücü ilə yanaşı, bu gün hərbi gücünü də göstərir. Yəni Azərbaycan bütün dünyanın gözü qarşısında tarixi ədaləti bərpa edir. Azərbaycan Ordusu heç bir beynəlxalq təşkilatın icrasını təmin edə bilmədiyi BMT Təhlükəsizlik Şurasının işğal olunmuş ərazilərimizə dair qətnamələrini yerinə yetirir".
"Azərbaycan Prezidenti əvvəllər olduğu kimi, sentyabrın 27-də Ermənistanın hərbi təxribatından sonra ordumuzun başladığı əks-hücum əməliyyatlarının gedişi dövründə də istər xarici KİV-lərə müsahibələrində, istərsə də xalqa müraciətlərində dönə-dönə bəyan edir ki, Azərbaycanla hədə-qorxu dilində danışmaq mümkün deyil" - deyən Vüqar Rəhimzadə əlavə edib ki, Qarabağda müharibənin bu qədər geniş miqyas alması, minlərlə erməni hərbçilərinin ölməsi, düşmənin hərbi texnikalarının, infrastrukturlarının məhv edilməsi birbaşa Ermənistanın siyasi hakimiyyətinin səvhlərinin nəticəsidir: "Əgər zamanında Ermənistan rəhbərliyi Prezident İlham Əliyevin sülh çağırışlarına normal yanaşsaydı, rasional düşünüb praqmatik addımlar atsaydı, bu gün belə faciəvi vəziyyətə düşməzdi. Ermənistanın baş naziri Paşinyan bütün günü telefonla dünya liderlərinin qarşısında diz çökərək yalvarır ki, Azərbaycana təzyiq etsinlər. Lakin reallıq ondan ibarətdir ki, hazırda böyük dövlətlər də, beynəlxalq təşkilatlar da, media quruluşları da Azərbaycanın mövqeyinin ədalətli olduğunu qəbul edirlər".
Vüqar Rəhimzadə diqqətə çatdırıb ki, Ermənistanın savadsız və səriştəsiz rəhbərinin "Qarabağ Ermənistandır" deməsi və Azərbaycana qarşı absurd şərtlər irəli sürməsi onun ən böyük strateji səhvi oldu: "Cənab Prezident İlham Əliyevin siyasi iradəsi və qətiyyəti, Ordumuzun gücü, qüdrəti, zəfər yürüşləri sayəsində bu gün Ermənistan tamamilə məğlub duruma düşüb. Bir zamanlar "Qarabağ Ermənistandır və nöqtə" deyən, absurd şərtlər irəli sürən, Şuşada "Yallı" gedən, qondarma rejimə "andiçmə mərasimi" keçirən Paşinyanın bircə çıxış yolu var: Ağ bayraq qaldırsın, təslim olsun, işğalçı qoşunları Qarabağdan təcili çıxarsın. Əgər Paşinyan Azərbaycanın şərtləri ilə razılaşmasa, Ermənistan nəinki ordusunu itirəcək, hətta çıxılmaz sosial-iqtisadi, siyasi və hərbi böhranla üz-üzə qalaraq, tarix səhnəsindən silinəcək".(milli.az)
10-10-2020, 08:34 | Düşmən Xocalı istiqamətindən Hadrutu intensiv atəşə tutur
Ermənilər Xocalı istiqamətindən Hadrutu intensiv atəşə tutur.
Azərbaycan Müdafiə Nazirliyindən verilən məlumata görə, düşmən Xocalı istiqamətindən Hadrutu yaylım atəşli reaktiv sistemlərdən atəşə tutur.
Ordumuz Ermənistan silahlı qüvvələrinə qarşı adekvat tədbirlər görür.
18-09-2020, 15:36 | Təhsil Nazirliyi müraciət yaydı
Sentyabrın 15-dən ölkəmizdə 2020-2021-ci tədris ilinə start verilib. Pandemiya ilə əlaqədar olaraq, dərslər həm əyani, həm də distant (məsafədən) formada təşkil edilir. Müəyyən edilmiş qaydalara əsasən, I-IV siniflər tədris ilinə əyani və distant (məsafədən), V-XI siniflər isə distant formada başlayıb.
2020-2021-ci tədris ilində ümumi təhsil müəssisələrində tədris və təlim-tərbiyə prosesinin karantin rejimində təşkili Nazirlər Kabinetinin müvafiq Qərarı əsasında həyata keçirilir. Belə ki, Bakı, Sumqayıt şəhərləri və Abşeron rayonunun ümumi təhsil müəssisələrinin fəaliyyəti əyani olaraq həftədə 2 dəfə, digər şəhər və rayonlarda isə əyani formada həftədə 3 dəfə xüsusi tədris planlarına uyğun təşkil edilir.
Lakin sosial şəbəkələrdə bəzi özəl ümumi təhsil müəssisələrində şagirdlərin həftədə 5 dəfə əyani şəkildə tədrisə cəlbi ilə bağlı fikirlər səsləndirilir.
Bildiririk ki, bu, Nazirlər Kabinetinin tədrisin təşkili ilə bağlı müvafiq qərarlarına riayət edilməməsidir. Təhsil müəssisələrində tədrisin təşkili ilə bağlı bütün məsələlər Təhsil Nazirliyinin nəzarətindədir və belə hallar təsdiqini taparsa, müvafiq şəkildə tədbirlər görüləcək.
18-09-2020, 15:10 | Prezident İlham Əliyev Nepal Prezidentini təbrik edib
Prezident İlham Əliyev Nepal Federativ Demokratik Respublikasının Prezidenti Bidhya Devi Bhandariyə təbrik məktubu göndərib.
AZƏRTAC-a bildirir ki, təbrikdə deyilir: "Hörmətli xanım Prezident, Nepal Federativ Demokratik Respublikasının milli bayramı - Konstitusiya Günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm.
Ölkələrimiz arasındakı ikitərəfli münasibətlərin, beynəlxalq təsisatlar, xüsusən də Qoşulmama Hərəkatı çərçivəsində əlaqələrin inkişafı üçün yaxşı imkanlar mövcuddur.
Bu xoş gündə Sizə ən xoş arzularımı yetirir, dost xalqınıza daim rifah və əmin-amanlıq arzulayıram".
18-09-2020, 14:51 | Ceyhun Bayramovla Aİ-nin Qonşuluq və Genişlənmə üzrə Komissarı arasında telefon danışığı olub
18 sentyabr 2020-ci il tarixində Azərbaycan Respublikasının Xarici İşlər naziri Ceyhun Bayramovun Avropa İttifaqının (Aİ) Qonşuluq və Genişlənmə üzrə Komissarı Oliver Varhelyi ilə telefon danışığı baş tutub.
Xarici İşlər Nazirliyindən verilən məlumata görə, Aİ Komissarı Ceyhun Bayramovu Xarici İşlər naziri təyinatı ilə təbrik edib və fəaliyyətində uğurlar arzulayıb.
Tərəflər Aİ və Azərbaycan arasında mövcud olan qarşılıqlı faydalı əməkdaşlıq münasibətləri ətrafında fikir mübadiləsi aparıb, o cümlədən ikitərəfli münasibətlərin hüquqi əsasını təşkil edəcək yeni Saziş layihəsi üzrə danışıqların yekunlaşdırılmasının əhəmiyyətini vurğulayıblar.
Telefon danışığı zamanı, həmçinin Azərbaycanla Avropa arasında enerji sahəsində mövcud olan strateji tərəfdaşlıq münasibətləri və Avropanın enerji təmin edilməsi üçün Azərbaycanın təşəbbüsü və iştirakı ilə həyata keçirilən layihələr, o cümlədən Cənubi Qaz Dəhlizi layihəsi çərçivəsində Avropa bazarına qazın nəqli və layihənin gələcəkdə genişləndirilməsi imkanları ətrafında müzakirələr aparılıb.
Tərəflər, habelə digər maraq doğuran məsələləri müzakirə ediblər.
11-09-2020, 12:21 | Əkbər Kazımovun “Biz, Ali Baş Komandanın əmrinə hər zaman hazırıq!”
"Hər bir ölkənin nüfuzu iqtisadi, siyasi, elmi potensialı ilə yanaşı, həm də onun ordusunun qüdrəti ilə ölçülür. Ordu isə o zaman qüdrətli olur ki, onun əsgəri vətənpərvər olsun, Vətən üçün, xalq üçün istənilən təhdid və təhlükəyə layiqli cavab versin. Azərbaycan Ordusu da tarixin ən çətin dövrlərində yaranaraq böyük bir inkişaf yolu keçib, ölkəmizin təhlükəsizliyinin qarantına çevrilib."
Bu sözləri saytımıza açıqlamasında Gədəbəy Rayon Kommunal Müəssisələri Kombinatının direktoru Əkbər Kazımov deyib.
O qeyd edib ki, İşğalçı Ermənistan zaman-zaman Azərbaycana qarşı etnik təmizləmə siyasəti aparıb.
"Bunun ən ağır nəticəsi olaraq Ermənistan tərəfindən 1991-1993-cü illərin hərbi kampaniyası dövründə Azərbaycanın Dağlıq Qarabağ bölgəsi və ətraf 7 rayonu işğal olunub. Əlbəttə ki, bu işdə Ermənistana xarici havadarları da kömək edib.Son olaraq isə 12 iyul 2020-ci ildən başlayaraq Ermənistan silahlı qüvvələri Ermənistan-Azərbaycan dövlət sərhədinin Tovuz rayonu istiqamətində beynəlxalq səviyyədə tanınan ərazisinə artilleriya atəşi edərək təxribatlar törədir.
Bununla bağlı iyulun 13-də Azərbaycan Respublikasının Prezidenti, Ali Baş Komandan cənab İlham Əliyev sədrliyi ilə Təhlükəsizlik Şurasının iclası keçirilib. İclasda çıxış edən Dövlət Başçısı dövlət sərhədində Ermənistan tərəfindən hərbi təxribatlar törədilidiyinin birinci dəfə olmadığını və son bir neçə ay ərzində bu hərbi təxribatlar nəticəsində bizim hərbçilərimizin, eyni zamanda, mülki şəxslərin həlak olduğunu diqqətə çatdırdı.Deyildi ki, Ermənistanın növbəti təxribatının qarşısı qətiyyətlə alınaraq, düşmənə adekvat cavab verilmiş şəhid olmuş hərbçilərimizin qisası alınmışdır.
Törədilmiş təxribatın bütün məsuliyyətinin Ermənistanın hərbi-siyasi rəhbərliyinin üzərinə düşdüyünü deyən Prezident İlham Əliyevbelə çirkin vasitələrdən istifadə etməyin onların təcavüzkar siyasətinin təzahürü olduğunu və bu siyasətin Ermənistan üçün böyük təhlükə mənbəyinə çavrildiyini qeyd etdi. Qətiyyətlə bildirdi ki, Azərbaycan heç vaxt işğal edilmiş torpaqlarının bu vəziyyətdə qalması ilə barışmayacaq, əlindən gələni edəcək ki, öz ərazi bütövlüyünü bərpa etsin.
Beynəlxalq təşkilatlara müvafiq müraciətlər edilməsi, operativ vəziyyət imkan verən kimi Azərbaycanda fəaliyyət göstərən xarici ölkələrin hərbi nümayəndələrinin həmin əraziyə dəvət ediləcəyi və hər şeyin onlara əyani surətdə göstəriləcəyi də çıxışda öz əksini tapdı.
Ermənistanın ictimai-siyasi və sosial-iqtisadi vəziyətinin analitik tərzdə təhlil edən dövlətimizin rəhbəri Ermənistandakı daxili vəziyyətin artıq böhranlı həddə çatdığını,daxili çaxnaşmaların geniş vüsət aldığını xüsusilə qeyd etdi. Eyni zamanda nəzərə çatdırıldı ki, ölkəmizin son vaxtlar əldə etdiyi beynəlxalq uğurlar, xüsusilə, beynəlxalq təşkilatlar çərçivəsində uğurlu fəaliyyətimiz, son müddət ərzində bütün aparıcı beynəlxalq təşkilatlar tərəfindən Ermənistan-Azərbaycan Dağlıq Qarabağ münaqişəsi ilə bağlı verilmiş açıqlamalar, qəbul edilmiş qərarlar, ölkəmizin ərazi bütövlüyünün dəstəklənməsi onları çox narahat edir.
Cənab İlham Əliyev xüsusilə vurğuladı ki, mötəbər kürsülərdən müntəzəm olaraq həm münaqişənin tarixi ilə, həm bölgənin tarixi ilə bağlı gətirdiyimiz konkret faktlar, inandırıcı əsaslandırmalar, ermənilərin təbliğatını alt-üst edir.Artıq bütün dünya bilir ki, Dağlıq Qarabağ əzəli tarixi Azərbaycan torpağıdır və bunu təsdiqləyən kifayət qədər sənədlər var və bu sənədləri biz indi geniş beynəlxalq ictimaiyyətə təqdim edirik. Bu yaxınlarda qondarma “Dağlıq Qarabağ respublikası”nda keçirilmiş qondarma “seçkilər” nəinki heç bir ölkə tərəfindən tanınmadı, hətta bütün aparıcı beynəlxalq təşkilatlar, qonşu ölkələr və bu məsələ ilə məşğul olan ölkələrin bu seçkiləri pislədiyindən də söhbət açıldı.Ermənistanda hökm sürən hərc-mərclikdən və mövcud böhrandan ictimaiyyətin fikrini yayındırmaq və onu cəbhə bölgəsinə yönəltmək məqsədilə belə bir təxribatın törədildiyi, lakin uğursuz sonluqla nəticələndiyi diqqətə çatdırıldı.Bu təxribatın digər səbəbinin son vaxtlar Azərbaycanın beynəlxalq arenada çox böyük uğurlara imza atdığı olduğu da qeyd olundu. Deyildi ki, təşəbbüsümüzlə beynəlxalq təşkilatların Zirvə görüşləri, BMT Baş Assambleyasının xüsusi sessiyası baş tutub. Bu təklifi, bu təşəbbüsü 130-dan çox ölkə dəstəkləyib və Ermənistan bu təşəbbüsün əleyhinə çıxıb və bir daha özünü rüsvay edib, bir daha özünü dünyadan təcrid edib. Bu gün dünya gündəliyində birinci yerdə duran COVID ilə bağlı mübarizə məsələsində öz anlaşılmaz mövqeyi ilə bir daha bütün dünyanın diqqətini öz çirkin siyasətinə cəlb edib. Beynəlxalq arenada Ermənistanın demək olar ki, bütün dayaqlarının itirildiyi, daxili vəziyyətin kifayət qədər gərgin olduğu və Ermənistan iqtidarının çıxılmaz vəziyyətə düşdüyü Prezidentimiz tərəfindən tutarlı dəlillərlə göstərildi.Çıxışına yekun vuraraq ermənilərin təxribatına tutarlı cavab verildiyi,hərbçilərimizin qisasının alındığı və bundan sonra da alınacaqğı, şəhidlərimizin qanının yerdə qalmayacağı Ali Baş Komandan tərəfindən qətiyyətlə və yüksək vətənpərvərlik ruhu ilə səsləndi."
11-09-2020, 12:05 | Tehran Muradlı "“Biz, Ali Baş Komandanın əmrinə hər zaman hazırıq!”
"Hər bir ölkənin nüfuzu iqtisadi, siyasi, elmi potensialı ilə yanaşı, həm də onun ordusunun qüdrəti ilə ölçülür. Ordu isə o zaman qüdrətli olur ki, onun əsgəri vətənpərvər olsun, Vətən üçün, xalq üçün istənilən təhdid və təhlükəyə layiqli cavab versin. Azərbaycan Ordusu da tarixin ən çətin dövrlərində yaranaraq böyük bir inkişaf yolu keçib, ölkəmizin təhlükəsizliyinin qarantına çevrilib."
Bu sözləri saytımıza açıqlamasında "AAY' ASC-nin Göycay şəhəri 17 saylı MMC-nin direktoru. Tehran Muradlı deyib
O qeyd edib ki, İşğalçı Ermənistan zaman-zaman Azərbaycana qarşı etnik təmizləmə siyasəti aparıb.
"Bunun ən ağır nəticəsi olaraq Ermənistan tərəfindən 1991-1993-cü illərin hərbi kampaniyası dövründə Azərbaycanın Dağlıq Qarabağ bölgəsi və ətraf 7 rayonu işğal olunub. Əlbəttə ki, bu işdə Ermənistana xarici havadarları da kömək edib.Son olaraq isə 12 iyul 2020-ci ildən başlayaraq Ermənistan silahlı qüvvələri Ermənistan-Azərbaycan dövlət sərhədinin Tovuz rayonu istiqamətində beynəlxalq səviyyədə tanınan ərazisinə artilleriya atəşi edərək təxribatlar törədir.
Bununla bağlı iyulun 13-də Azərbaycan Respublikasının Prezidenti, Ali Baş Komandan cənab İlham Əliyev sədrliyi ilə Təhlükəsizlik Şurasının iclası keçirilib. İclasda çıxış edən Dövlət Başçısı dövlət sərhədində Ermənistan tərəfindən hərbi təxribatlar törədilidiyinin birinci dəfə olmadığını və son bir neçə ay ərzində bu hərbi təxribatlar nəticəsində bizim hərbçilərimizin, eyni zamanda, mülki şəxslərin həlak olduğunu diqqətə çatdırdı.Deyildi ki, Ermənistanın növbəti təxribatının qarşısı qətiyyətlə alınaraq, düşmənə adekvat cavab verilmiş şəhid olmuş hərbçilərimizin qisası alınmışdır.
Törədilmiş təxribatın bütün məsuliyyətinin Ermənistanın hərbi-siyasi rəhbərliyinin üzərinə düşdüyünü deyən Prezident İlham Əliyevbelə çirkin vasitələrdən istifadə etməyin onların təcavüzkar siyasətinin təzahürü olduğunu və bu siyasətin Ermənistan üçün böyük təhlükə mənbəyinə çavrildiyini qeyd etdi. Qətiyyətlə bildirdi ki, Azərbaycan heç vaxt işğal edilmiş torpaqlarının bu vəziyyətdə qalması ilə barışmayacaq, əlindən gələni edəcək ki, öz ərazi bütövlüyünü bərpa etsin.
Beynəlxalq təşkilatlara müvafiq müraciətlər edilməsi, operativ vəziyyət imkan verən kimi Azərbaycanda fəaliyyət göstərən xarici ölkələrin hərbi nümayəndələrinin həmin əraziyə dəvət ediləcəyi və hər şeyin onlara əyani surətdə göstəriləcəyi də çıxışda öz əksini tapdı.
Ermənistanın ictimai-siyasi və sosial-iqtisadi vəziyətinin analitik tərzdə təhlil edən dövlətimizin rəhbəri Ermənistandakı daxili vəziyyətin artıq böhranlı həddə çatdığını,daxili çaxnaşmaların geniş vüsət aldığını xüsusilə qeyd etdi. Eyni zamanda nəzərə çatdırıldı ki, ölkəmizin son vaxtlar əldə etdiyi beynəlxalq uğurlar, xüsusilə, beynəlxalq təşkilatlar çərçivəsində uğurlu fəaliyyətimiz, son müddət ərzində bütün aparıcı beynəlxalq təşkilatlar tərəfindən Ermənistan-Azərbaycan Dağlıq Qarabağ münaqişəsi ilə bağlı verilmiş açıqlamalar, qəbul edilmiş qərarlar, ölkəmizin ərazi bütövlüyünün dəstəklənməsi onları çox narahat edir.
Cənab İlham Əliyev xüsusilə vurğuladı ki, mötəbər kürsülərdən müntəzəm olaraq həm münaqişənin tarixi ilə, həm bölgənin tarixi ilə bağlı gətirdiyimiz konkret faktlar, inandırıcı əsaslandırmalar, ermənilərin təbliğatını alt-üst edir.Artıq bütün dünya bilir ki, Dağlıq Qarabağ əzəli tarixi Azərbaycan torpağıdır və bunu təsdiqləyən kifayət qədər sənədlər var və bu sənədləri biz indi geniş beynəlxalq ictimaiyyətə təqdim edirik. Bu yaxınlarda qondarma “Dağlıq Qarabağ respublikası”nda keçirilmiş qondarma “seçkilər” nəinki heç bir ölkə tərəfindən tanınmadı, hətta bütün aparıcı beynəlxalq təşkilatlar, qonşu ölkələr və bu məsələ ilə məşğul olan ölkələrin bu seçkiləri pislədiyindən də söhbət açıldı.Ermənistanda hökm sürən hərc-mərclikdən və mövcud böhrandan ictimaiyyətin fikrini yayındırmaq və onu cəbhə bölgəsinə yönəltmək məqsədilə belə bir təxribatın törədildiyi, lakin uğursuz sonluqla nəticələndiyi diqqətə çatdırıldı.Bu təxribatın digər səbəbinin son vaxtlar Azərbaycanın beynəlxalq arenada çox böyük uğurlara imza atdığı olduğu da qeyd olundu. Deyildi ki, təşəbbüsümüzlə beynəlxalq təşkilatların Zirvə görüşləri, BMT Baş Assambleyasının xüsusi sessiyası baş tutub. Bu təklifi, bu təşəbbüsü 130-dan çox ölkə dəstəkləyib və Ermənistan bu təşəbbüsün əleyhinə çıxıb və bir daha özünü rüsvay edib, bir daha özünü dünyadan təcrid edib. Bu gün dünya gündəliyində birinci yerdə duran COVID ilə bağlı mübarizə məsələsində öz anlaşılmaz mövqeyi ilə bir daha bütün dünyanın diqqətini öz çirkin siyasətinə cəlb edib. Beynəlxalq arenada Ermənistanın demək olar ki, bütün dayaqlarının itirildiyi, daxili vəziyyətin kifayət qədər gərgin olduğu və Ermənistan iqtidarının çıxılmaz vəziyyətə düşdüyü Prezidentimiz tərəfindən tutarlı dəlillərlə göstərildi.Çıxışına yekun vuraraq ermənilərin təxribatına tutarlı cavab verildiyi,hərbçilərimizin qisasının alındığı və bundan sonra da alınacaqğı, şəhidlərimizin qanının yerdə qalmayacağı Ali Baş Komandan tərəfindən qətiyyətlə və yüksək vətənpərvərlik ruhu ilə səsləndi."
2-09-2020, 16:01 | Prezident İlham Əliyev: Yaponiya və Azərbaycan arasında münasibətlər çox uğurla inkişaf edir
Xəbər verdiyimiz kimi, Azərbaycan Respublikasının Prezidenti İlham Əliyev sentyabrın 2-də Yaponiyanın ölkəmizdə yeni təyin olunmuş fövqəladə və səlahiyyətli səfiri Cuniçi Vadanın etimadnaməsini qəbul edib.
Prezident İlham Əliyevin görüşdəki çıxışından bəzi məqamları təqdim edir.
"Yaponiya və Azərbaycan arasında münasibətlər çox uğurla inkişaf edir. Əməkdaşlığımızın çox geniş gündəliyi var. Əvvəla, bizim siyasi dialoqumuz çox fəaldır".
"Biz iqtisadi sahədə çox yaxşı nəticələr görürük. Çox şadıq ki, yapon şirkətləri Azərbaycanda iş qurmaqda maraqlıdırlar. Onlar yaxşı investorlardır. Onlar Azərbaycanın neft və qaz sektoruna çoxlu vəsait yatırıblar. Ümidvaram ki, iqtisadiyyatımızın digər sektorlarına da maraq olacaqdır. Xüsusilə biznes mühiti ilə bağlı vəziyyətin yaxşılaşdırılmasını nəzərə alaraq Azərbaycan əcnəbi şirkətlər üçün cəlbedici olmağa davam edir".
AZƏRTAC
