19-06-2022, 13:33 | ABŞ Ukraynaya daha dörd MLRS göndərmək niyyətindədir
ABŞ Pentaqon Ukraynaya dörd əlavə raket sistemi (MLRS) göndərməyi düşünür.
Bu barədə ABŞ hərbi departamentindəki mənbələrə istinadən "Politico" məlumat yayıb.
Məlumata görə, ABŞ Müdafiə Nazirliyi növbəti hərbi yardım tranşı kimi Ukraynaya daha dörd reaktiv yaylım atəşi sistemi göndərmək istəyir, lakin nəşrin həmsöhbətlərindən biri bu məsələnin hələ də həll olunmamasına aydınlıq gətirib. Adı açıqlanmayan başqa bir məmur növbəti yardım paketində əlavə MLRS-nin verilə biləcəyini söylədi.
ABŞ artıq Ukraynaya 80 kilometr məsafədəki hədəfləri vura bilən dörd HIMARS mobil buraxılış qurğusu və dəqiq idarə olunan sursat göndərir.
19-06-2022, 13:31 | Mövlanənin boyu və çəkisi məlum oldu
Mövlanə Cəlaləddin Ruminin Konyadakı muzeyində saxlanılan geyimlərinin bərpası işlərinə başlanılıb.
Muzeyin direktoru Naci Bakırcı bildirib ki, bu geyimlər Mövlananın boyu və çəkisi haqqında təsəvvür yaradır.
Onun sözlərinə görə, dahi Şərq mütəfəkkirinin boyu 160-165 sm, çəkisi isə 60-63 kq olub.
Qeyd edək ki, muzeyin kolleksiyasında Rumiyə məxsus 22 geyim var.
19-06-2022, 13:29 | Dünyada ilk: 5 yaşdan uşaqlar üçün COVID-19 peyvəndi təsdiqləndi
ABŞ səlahiyyətliləri "Pfizer"in "BioNTech" və "Moderna" koronavirus peyvəndlərini beş yaşdan kiçik uşaqlar üçün təsdiqləyib.
Bu barədə ABŞ prezidenti Co Baydenin yazılı bəyanatında deyilir.
Baydenin bildirib ki, bu ABŞ-da COVID-19 ilə mübarizədə mühüm addımdır.
Prezidentin sözlərinə görə, ABŞ dünyada bu cür peyvəndlərə icazə verən ilk ölkə olub.
O vurğulayıb ki, bu peyvəndlər təhlükəsizdir və valideynlərə övladının koronavirusun təsirindən qorunduğuna əminlik yaradır.
Prezidentin sözlərinə görə, ABŞ-da 220 milyondan çox amerikalı tam peyvənd olunub, 100 milyondan çoxu isə revaksinasiya olunub.
19-06-2022, 13:25 | "Rusiya qüvvələrinin Severodonetskdə növbəti hücumu dəf edilib" - Ukrayna Baş Qərargahı
Ukrayna Silahlı Qüvvələri Rusiyanın Donetsk vilayətinin Severodonetsk rayonunda növbəti hücumunu dəf edib və Sumı vilayətinin Krasnopolye rayonunda isə Rusiya qoşunlarına sarsıdıcı zərbələr endirib.
"Report"a istinadən xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Belə ki, Krasnopolye yaxınlığında ukraynalı hərbçilər kəşfiyyat fəaliyyəti aparmaq istəyən işğalçı qüvvələrə xeyli itkilər verib.
Slavyansk istiqamətində Rusiya qüvvələri Qruşuvaxa, Dolina, Morosovka, Prişib və Çepil yaşayış məntəqələri ərazilərində minaatanlardan, top artilleriyasından və reaktiv yaylım atəş sistemlərindən istifadə edib. Baş Qərargahın məlumatına görə, qarşı tərəf İzyum - Slavyansk istiqamətində hücum əməliyyatlarının davam etdirilməsi üçün əlverişli şərait yaratmağa çalışır.
"Severodonetsk istiqamətində düşmən Metelkino, Belaya Qora və Ustinovka yaşayış məntəqələri ərazilərində top və reaktiv artilleriyadan atəş açmağa davam edir. O, Severodonetsk şəhəri üzərində tam nəzarəti ələ keçirmək üçün hücum əməliyyatları keçirməyə cəhd etsə də, buna nail ola bilməyib.
Atəş və hücumlar nəticəsində düşmən Metelkino kəndində qismən uğur qazanıb, orada möhkəmlənməyə çalışır. Sirotino istiqamətində edilən hücum isə Ukrayna hərbçiləri tərəfindən dəf edilib.
Slobojansk istiqamətində düşmən əvvəllər işğal olunmuş hüdudların müdafiəsini saxlayır, mövcud atəş vasitələrindən edir və Ukrayna Silahlı Qüvvələrinin bölmələrinin ölkənin dövlət sərhədi istiqamətində irəliləməsinin qarşısını almağa çalışır.
Xarkov istiqamətində qarşı tərəf Dementyevka, Peçeneqi, Koroboçkino, Bayrak, Yuxarı Saltov, Xarkov, Kapitolovka və Tsirkuni yaşayış məntəqələri ərazilərində artilleriya atəşi həyata keçirib", - Baş Qərargah açıqlayıb.
19-06-2022, 13:17 | Ən sürətlə böyüyən qara dəlik aşkar olundu
Son 9 milyard ildə ən sürətlə böyüyən qara dəlik aşkar olunub.
oxu.az-a istinadən bildirir ki, yeni kəşf Avstraliya Milli Universitetinin astronomları tərəfindən həyata keçirilib.
Bu barədə məqalə Avstraliya Astronomiya Cəmiyyətinin jurnalında dərc edilib.
Məqalədə yeni qara dəliyin Sentavr bürcündə tapıldığı bildirilirb.
Məlumata görə, o, Süd Yolunun mərkəzindəki qara dəlikdən təxminən 500 dəfə böyükdür.
19-06-2022, 13:16 | Londonda aksiya: Maaşlar artsın, ödənişlər azalsın!
Böyük Britaniyanın paytaxtı Londonda nümayişlər keçirilib.
Trend-ə istinadən bildirir ki, nümayişlərin keçilmə səbəbi kimi ölkədəki inflyasiyanın 9 faizə çatması göstərilir. Qiymət artımına qarşı nümayişlərdə iştirak edən nümayişçilər kilometrlərlə yol qət edərək Parlament Meydanına çatıblar.
Onlar ən əsası tələb - "maaşları artırın, ödənişləri azaldın" tələblərini irəli sürüblər.
19-06-2022, 13:14 | Ukraynadakı savaş adiləşib: biz hücuma keçən kimi...
Dünyada Rusiyanın Ukraynadakı müharibəsinə maraq kəskin şəkildə azalıb.
Axar.az-a istinadən xəbər verir ki, bunu Ukrayna Prezident Ofisi rəhbərinin müşaviri Aleksey Arestoviç deyib.
Onun sözlərinə görə, bunun bir neçə səbəbi var: yay dövrü, uzun sürən döyüşlər və tərəflərdən birinin ciddi uğur qazanmaması.
Arestoviçin fikrincə, hərbi əməliyyatlar fəallaşan və Ukrayna Silahlı Qüvvələri hücuma keçən kimi dünya yenidən Ukraynadakı hadisələrə daha diqqətlə baxmağa başlayacaq.
19-06-2022, 13:08 | Müharibə Araşdırmaları İnstitutu: "Rusiya ilişib qalıb"
İyunun 18-də Rusiya qüvvələri Severodonetskətrafı ərazidə cüzi nailiyyətlər əldə edib, lakin digər hücum xətlərində əsasən ilişib qalıb.
"Report"a istinadən xəbər verir ki, bu barədə Müharibə Araşdırmaları İnstitutunun (MAİ) gündəlik təhlil məlumatında qeyd olunub.
"Rusiya qüvvələrinin şəxsi heyət və texnikada artan itkilər və yıpranma ilə qarşılaşması ehtimalı var ki, bu da onun Severodonetsk uğrunda gedən ləng döyüşlər davam etdiyi üçün digər kritik nöqtələrdə hücum əməliyyatlarını bərpa etmək cəhdini çətinləşdirəcək. MAİ-nin daha öncə təxmin etdiyi kimi, Rusiya qüvvələri, çox güman ki, yaxın həftələrdə Severodonetski tuta biləcək, lakin bu onlara mövcud qüvvələrin əksəriyyətinin kiçik ərazidə cəmləməsi bahasına başa gələcək. Rusiyanın Ukraynanın şərqindəki digər əməliyyatları, məsələn, Slavyanskı ələ keçirmək və Baxmutun şərqinə doğru irəliləmək səyləri son iki həftədə mühüm proqresə gətirib çıxarmayıb", - yazıda vurğulanıb.
Qeyd olunub ki, Rusiya ordusu mənəvi ruh və nizam-intizam problemləri ilə üzləşməkdə davam edir: "Ukrayna Baş Kəşfiyyat İdarəsi iyunun 17-də və 18-də Rusiya əsgərlərinin cəbhə xəttindəki şəraitdən, zəif təchizatdan və şəxsi heyət çatışmazlığından şikayət etdiyi ələ keçirilmiş telefon zəngləri barədə məlumat yayıb. Hərbi qulluqçulardan biri bildirib ki, bölmələrin şəxsi heyəti taqətdən düşüb və bəzi tabor taktiki qruplarında (TTQ) cəmi 10-15 hərbçi qalıb".
Amerikalı ekspertlərin əsas nəticələri onda ibarətdir ki, Rusiya qoşunları Baxmut-Lisiçansk şosesi boyunca Ukraynanın kommunikasiya xəttini kəsmək səylərini davam etdirib və magistral yol boyu qurudan və artilleriyadan zərbələr endirib. Eyni zamanda, analitiklərin fikrincə, işğalçı qüvvələr cənub xətti boyunca heç bir təsdiqlənmiş fəaliyyət göstərməyib və Ukraynanın cənubundakı işğal olunmuş ərazilərdə partizan təzyiqi ilə üzləşməkdə davam edir.
19-06-2022, 13:07 | "Ukraynadakı münaqişə illər boyu uzana bilər" - NATO
NATO-nun Baş katibi Yens Stoltenberq deyib ki, Ukraynadakı münaqişənin həlli illər çəkə bilər.
APA xəbər verir ki, TASS agentliyi onun "Bild am Sonntag"qəzetinə müsahibəsindən məlumat yayıb.
Nəşrin məlumatına görə, Stoltenberqə münaqişənin mümkün müddəti barədə sual verilib və o cavabında belə deyib:
"Heç kim bilmir. Biz bunun illərlə davam edə biləcəyinə hazır olmalıyıq. Biz Ukraynaya dəstəyi dayandırmamalıyıq".
Bundan əvvəl Böyük Britaniyanın baş naziri Boris Conson da "The Sunday Times" qəzetindəki şənbə günü məqaləsində Ukraynadakı münaqişənin illərlə uzana biləcəyini istisna etməyib.
Lakin Britaniya hökumətinin başçısının vurğuladığı kimi, buna baxmayaraq, Qərb Kiyevə dəstəyi dayandırmamalıdır.
18-06-2022, 08:34 | Türkiyə iqlim strategiyasını açıqlayacaq - Ərdoğan
Bu ilin sonuna qədər Türkiyə ölkənin uzunmüddətli ekoloji siyasətinin əsasını təşkil edəcək İqlim Strategiyasını və Fəaliyyət Planını açıqlayacaq.
Trend-ə istinadən bildirir ki, bu barədə Türkiyə Prezidenti Rəcəb Tayyib Ərdoğan deyib.
"Türkiyə bərpa olunan enerji sahəsində quraşdırılmış gücə görə Avropada 5-ci, dünyada isə 12-ci yerdədir", - deyə Türkiyə prezidenti bildirib.
R.T.Ərdoğan qeyd edib ki, enerji kompleksində modernləşmə kursu sayəsində Türkiyə atmosferə atılan zərərli tullantıların həcmini ildə 100 milyon ton azaltmağa nail olub.
Dövlət başçısı vurğulayıb ki, enerji səmərəliliyi, təmiz enerjiyə keçid və enerji transformasiyası enerji təhlükəsizliyinin ayrılmaz elementləridir.
R.T.Ərdoğan əlavə edib ki, Türkiyə təmiz enerjiyə keçid və iqlim dəyişikliyi ilə mübarizə prosesində bütün tərəfdaşlarla əməkdaşlığa və əməkdaşlığa hazırdır.
