15-10-2023, 20:56 | “Hizbullah” İsraili raket atəşinə tutdu: 8 nəfər yaralandı
Livan "Hizbullah"ının İsrailin şimalını raket atəşinə tutması sonucunda 8 nəfər yaralanıb.
Respublica.Az report-a istinadən xəbər verir ki, bu barədə yəhudi dövlətinin "Haaretz" qəzeti yazıb.
Nəşrin məlumatına görə, zərərçəkmişlərdən iki nəfərin vəziyyəti ağırdır. Onlar qəlpə yaraları alıblar. Bir nəfərin vəziyyəti isə orta ağırdır. Qalan beş nəfər yüngül xəsarətlər alıblar. Zərərçəkmişlərin hamısı xəstəxanaya yerləşdirilib.
Xatırladaq ki, daha öncə İsrail Müdafiə Ordusu Livanın cənubuna faktiki olaraq nəzarət edən "Hizbullah" partiyasının hərbi qanadının ölkənin şimalını atəşə tutduğunu və bununla əlaqədar cavab tədbirlərinin görüldüyünü açıqlamışdı.
Qeyd edək ki, Livan hökuməti 2000-ci ildən ölkənin cənubunu İran dəstəkli "Hizbullah"a həvalə edib. Belə ki, BMT Təhlükəsizlik Şurasının qətnaməsinə uyğun olaraq, 2000-ci ilin mayında İsrail qoşunlarının Livanın cənubundan çıxarılmasından sonra Beyrut ölkənin sözügedən ərazisinə nəzarəti almalı olsa da, lakin bu baş verməyib. Livan hökuməti gizli şəkildə "Hizbullah"a Livanın cənubuna tam nəzarət etmək imkanı verib.
"Hizbullah" bir sıra Qərb ölkələrində terror təşkilatı kimi tanınır.
Respublica.Az
15-10-2023, 20:44 | İsrail tarixində ilk genişmiqyaslı təxliyə...
İsrailin cənubundakı təxminən 30 min əhalisi olan Sderot şəhərində əyalət tarixində ilk genişmiqyaslı təxliyə başlayıb.
SİA-nın xarici qaynaqlardan əldə etdiyi məlumata görə,bu barədə şəhər merinin müavini Elad Kalimi "The Times of Israel" qəzetinə müsahibəsində bildirib.
Calimi bildirib ki, indiyədək əhalinin təxminən üçdə ikisi təxliyə edilib. Yaxın vaxtlarda daha bir neçə min insan təxliyə ediləcək.
Onun dediyinə görə, sakinlər Təl-Əviv, Qüds və Eylata köçürülür. Qurum rəsmisi sakinlərin 10 faizininmüxtəlif səbəblərdən evakuasiyadan imtina edə biləcəyini də istisna etməyib.
Deyilənlərə görə, Sderot 1950-ci illərin əvvəllərində Negev səhrasının inkişafı proqramının bir hissəsi kimi təsis edilib. Şəhər Qəzza zolağı ilə sərhəddən bir neçə kilometr aralıda yerləşir.
Xadırladaq ki, oktyabrın 7-də Sderot bir neçə saat HƏMAS və İslami Cihadınnəzarəti altında olub.
Respublica.Az
15-10-2023, 20:37 | “Qərblə Rusiya arasında müharibə tamamilə fərqli olacaq” - Putin
Qərblə Rusiya arasında qızğın toqquşma baş verərsə, tamamilə fərqli bir müharibə olacaq".
Respublica.Az teleqraf.com-a istinadən bildirir ki, bunu Rusiya prezidenti Vladimir Putin "Moskva. Kreml. Putin" "Rossiya-1" telekanalında deyib.
Belə ki, o, jurnalistin xahişi ilə ABŞ Konqresinin komissiyasının həm Rusiya, həm də Çinlə eyni vaxtda müharibəyə, o cümlədən nüvə qarşıdurması variantını nəzərə almaqla hazırlaşmaq tövsiyəsini şərh edib.
"Biz sülh istəyirik və əgər onlar Rusiya ilə döyüşmək istəyirlərsə, bu, tamam başqa müharibə olacaq", - o bildirib.
O əlavə edib ki, ağlı başında olan heç bir şəxs nüvə gücləri arasında müharibə ehtimalına yol verməməlidir: "Biz hamımız müharibəyə hazırlaşırıq, çünki məlum qədim prinsipə əməl edirik: sülh istəyirsənsə, müharibəyə hazırlaş. Amma güman edirik ki, biz sülh istəyirik".
Respublica.Az
15-10-2023, 20:32 | İkinci cəbhə açılır: İran hədələdi – “Müdaxilə edəcəyik”
İran İsrailə xəbərdarlıq edib ki, ordusu Qəzza zolağında quru əməliyyatına başlasa, müharibəyə müdaxilə edəcək.
Respublica.Az teleqraf.com-a istinadən bildirir ki, bu barədə ABŞ-ın "Axios" nəşri vəziyyətlə tanış olan iki diplomatik mənbəyə istinadla məlumat yayıb.
İran xarici işlər naziri Hüseyn Əmir Abdullahiyan Qətərdə HƏMAS lideri İsmayıl Haniyə ilə görüşüb. Görüşdən sonra HƏMAS bəyan edib ki, İran fələstinli silahlıların İsrailə hücumunu "tarixi qələbə" kimi qiymətləndirib.
Nəşr yazır ki, görüş zamanı tərəflər HƏMAS-ın məqsədlərinə nail olmaq üçün əməkdaşlığı davam etdirmək barədə razılığa gəliblər. Məqalədə vurğulanır ki, həm HƏMAS, həm də İran rəsmi olaraq xarici siyasətdə əsas prioritetlərinin İsrail dövlətinin məhv edilməsi olduğunu bəyan edirlər.
İran BMT vasitəsilə İsrailə mesaj göndərərək, münaqişənin daha da genişlənməsini istəmədiyini, İsrailin Qəzzada əməliyyatının davam edəcəyi təqdirdə müdaxilə edəcəyini açıqlayıb.
Həmçinin yüksək rütbəli İsrail rəsmisi "Sky News"a İranın Suriyada ikinci cəbhə açmağa çalışdığını deyib. İsrail Xarici İşlər Nazirliyindən bildirilib ki, iranlılar Suriyada aktiv şəkildə fəaliyyət göstərirlər, orada silahlar yerləşdirirlər.
Respublica.Az
15-10-2023, 20:30 | İsraildən bir İLK: düşmən raketləri lazerlə vurulacaq
İsrail dünyada ilk dəfə olaraq lazer hava hücumundan müdafiə sistemlərindən istifadə edəcək.
Bu barədə İsrail mətbuatı ölkənin hərbi dairələrinə istinadən məlumat yayıb.
"İsrail HƏMAS-ın ölkəyə atdığı raketlərə qarşı lazer hava hücumundan müdafiə sistemlərindən istifadə etməyə hazırlaşır",- deyə məlumatda bildirilir.//bakupost.az//
Respublica.Az
15-10-2023, 20:20 | Qəzzanın su təchizatı qismən bərpa edildi
İsrail Qəzza bölgəsinin cənubuna suyun verilişini bərpa edib.
Respublica.Az oxu.az-a istinadən xəbər verir ki, ABŞ prezidentinin milli təhlükəsizlik üzrə müşaviri Ceyk Sallivan CNN-ə açıqlamasında israilli həmkarlarının ona bu qərar barədə məlumat verdiyini açıqlayıb.
Bir gün əvvəl "The Times of Israel" adı çəkilməyən amerikalı rəsmiyə istinadən yazırdı ki, Benyamin Netanyahu hökuməti Qəzza zolağına ərzaq, su və dərman idxalına icazə verməyə hazırdır.
Xatırladaq ki, oktyabrın 7-də HƏMAS-ın İsrailə hücumundan sonra İsrail Qəzza zolağına su və elektrik verilişini kəsərək, terrorçular tərəfindən əsir götürülən israillilərin azad edilməsini tələb edib.
Respublica.Az
15-10-2023, 20:13 | Qəzza ilə sərhəddəki şəhərin evakuasiyası başa çatır
İsrailin Qəzza sektoru ilə sərhəddəki Sderot şəhərinin 30 min əhalisinin əksəriyyəti şəhəri tərk edib.
Respublica.Az APA-ya istinadən bildirir ki, bu barədə "The Jerusalem Post" məlumat yayıb.
Ətraflı
Şəhər bir həftədir ki, Qəzza sektorundan raket atəşinə məruz qalır.
Sderot şəhərinin meri Alon Davidi bildirib ki, şəhər sakinlərinin həftə ərzində otel xərcləri ödənilib.
Respublica.Az
15-10-2023, 20:11 | Sankt-Peterburqda azərbaycanlı bloqerlərə qarşı cinayət işi açıldı
Sankt-Peterburqda təsadüfi şəxslərə hücum edən və müvafiq videoları sosial şəbəkələrdə yayımlayan azərbaycanlı bloqerlərlə bağlı cinayət işi açılıb.
Respublica.Az oxu.az-a istinadən xəbər verir ki, onlar küçələrdə, həyətlərdə və ticarət mərkəzlərində naməlum şəxslərə qarşı zorakılıq tətbiq edərək baş verənləri lentə alıblar.
İstintaq Komitəsinin rəhbəri bloqerlərin tapılması və barələrində cinayət işinin başlanması barədə göstəriş verib.
Lakin işin hansı maddə ilə açıldığı hələ ki, məlum deyil.
Respublica.Az
15-10-2023, 20:09 | ÇAXAL-ın bu briqadası əmr gözləyir
İsrail ordusunun "Givati" briqadası Qəzza zolağına havadan, qurudan və dənizdən hücum etmək əmrini gözləyir.
Respublica.Az axar.az-a istinadən bildirir ki, bunu "Givati" briqadasının yanında olan "Skay Nyus"un redaktoru Debora Heyns deyib.
"Bu, döyüş qabiliyyətli briqadadır. Onlar əmr gələcəyi təqdirdə Qəzzaya getməyə hazırdırlar", - Heyns bildirib.
Onun sözlərinə görə, briqadada HƏMAS-ın oktyabrın 7-də hücumundan sonra çağırılan çoxlu ehtiyatda olan hərbçilər var.
Respublica.Az
15-10-2023, 19:17 | İsraildə yeni səhiyyə naziri fəaliyyətə başladı
İsraildə yeni səhiyyə naziri vəzifəsi rəsmi olaraq Uriel Busoya keçib.
Respublica.Az APA-ya istinadən bildirir ki, bu barədə İsrail Səhiyyə Nazirliyi məlumat yayıb.
Nazirlər Kabinetində dəyişiklik hərbi vəziyyətdə müxalifətin də daxil olduğu Fövqəladə Hallar Hökumətinin qurulması ilə bağlıdır.
Buso ultradini ŞAS Partiyasını təmsil edir, səhiyyə naziri postunda da bu partiyadan olan Moşe Arbeli əvəzləyib. Arbel buna qədər həm səhiyyə, həm də daxili işlər naziri vəzifəsini daşıyıb.
Qeyd edək ki, oktyabrın 14-də Baş nazir Binyamin Netenyahu Fövqəladə Hallar Hökumətinin yaradıldığını elan edib.
Respublica.Az
