29-04-2024, 14:27 | Bakının məşhur restoranında ÖLÜM: Rəqs edərkən... - TƏFƏRRÜAT
Bakının məşhur restoranında 73 yaşlı şəxs qəflətən ölüb.
xəbər verir ki, oxu.az-ın əldə etdiyi məlumata əsasən, hadisə "Ay İşığı" restoranında baş verib.
Belə ki, 1951-ci il təvəllüdlü Fəxrəddin Poladov rəqs etdiyi zaman qəfil halı dəyişib. Şəxsin ürək çatışmazlığından vəfat etdiyi bildirilir.
Faktla bağlı araşdırma aparılır.
29-04-2024, 14:16 | Məktəb direktoru müəllimləri şantaj edərək rüşvət yığırmış
Mənimsəmə və rüşvət alma kimi cinayətlərdə təqsirləndirilən Xocavənd rayonunun Qaradağlı kənd orta məktəbinin sabiq direktoru İngilis Tağıyevə hökm oxunub.
qafqazinfo-ya istinadən xəbər verir ki, Lənkəran Ağır Cinayətlər Məhkəməsində keçirilən prosesdə İngilis Tağıyevin məktəbin bir neçə müəllimini şantaj edərək rüşvət aldığı, məktəb üçün ayrılan vəsaitləri ələ keçirdiyi bildirilib.
Bəlli olub ki, 2002-ci ildən 2022-ci ilədək məktəbə rəhbərlik etmiş İ.Tağıyev işə çıxmayan bir qrup müəllimin adına açılmış əməkhaqqı kartlarını özündə saxlayaraq külli miqdarda pul mənimsəyib. Bundan başqa, onun bir neçə müəllimdən hədə-qorxu yolu ilə pul tələb edərək aldığı da müəyyən edilib. 2022-ci ildə məktəb kollektivindən bir sıra müəllim İngilis Tağıyevin əməlləri barədə hüquq-mühafizə orqanlarına və Təhsil Nazirliyinə şikayət ediblər. Bundan sonra o, vəzifədən azad edilib və barəsində cinayət işi başlanılıb.
Lənkəran Ağır Cinayətlər Məhkəməsində keçirilən prosesin yekununda İ.Tağıyev Cinayət Məcəlləsinin 179.2.3, 179.2.4, 311.3.2, 311.3.3, 311.3.4 və 313-cü (Mənimsəmə (qulluq mövqeyindən istifadə etməklə və xeyli miqdarda ziyan vurmaqla, hədə-qorxu tətbiq etməklə və külli miqdarda rüşvət alma, vəzifə saxtakarlığı) maddələri ilə təqsirli bilinib. Ona 2 il müddətə vəzifə tutmaq qadağan edilməklə 5 il azadlığın məhdudlaşdırılması cəzası verilib. Həmçinin onun üzərinə elektron nəzarət cihazı yerləşdirilib.
5-03-2024, 10:05 | Faciəli şəkildə ölən şəxs məşhur fotoqraf imiş - VİDEO - FOTO
Göyçay-Ucar yolunda baş vermiş ağır qəzada ölənlərdən biri tanınmış fotoqraf imiş.
ATV xəbərin məlumatına görə, Xəqani Bağırov Göyçayda tanınmış fotoqraf imiş.
Onlar toy məclisindən qayıdarkən qəzaya düşüblər.
Ətraflı video məlumatı təqdim edirik:
4-03-2024, 10:33 | Azərbaycanda avtomobil piyadanı vuraraq öldürdü
Tovuzda avtomobil piyadanı vuraraq öldürüb.
APA-ya istinadən bildirir ki, Firuz Qocayev idarə etdiyi "Toyota Carolla" markalı avtomobillə yolu keçən, 1978-ci il təvəllüdlü Almaz Abdullayevanı vurub. Piyada aldığı xəsarətdən hadisə yerində ölüb.
Faktla bağlı cinayət işi başlanılıb.
19-02-2024, 12:46 | Daha bir uşaq qızılcadan öldü - YENİLƏNİB
05.02.2008-ci il təvəllüdlü Lənkəran rayon Veravul kənd sakini Qurbanlı Xədicə Bəbək qızı axşam 23:35 radələrində "Kəskin tənəffüz çatışmamazlığı, dəqiqləşdirilməmiş qıcolma tutmaları" diaqnozu ilə Lənkəran Rayon Mərkəzi Xəstəxanasının təcili yardım şöbəsinə daxil olub.
TƏBİB-dən verilən xəbərə görə, xəstənin vəziyyətinə uyğun olaraq dərhal Reanimasiya şöbəsinə yerləşdirilib. Bütün reanimasyon tədbirlərə baxmayaraq, xəstənin həyatını xilas etmək mümkün olmayıb. Saat 23:55 radələrində ölüm faktı qeydə alınıb.
Qeyd edək ki, xəstədə anadangəlmə kvadroplegiya, spastik tetraplegiya diaqnozları olub.
--------
Lənkəranda azyaşlı qız qızılcadan ölüb.
report-a istinadən xəbər verir ki, rayonunun Veravul kənd sakini 2018 - ci il təvəllüdlü X.Qurbanlı yüksək hərarətlə Lənkəran Rayon Mərkəzi Xəstəxanasına çatdırılıb. Müayinə nəticəsində uşağa dəqiqləşdirilməmiş meninqoensefalit və qızılca diaqnozu qoyulub. Zəruri yardımlar göstərilsə də uşağın həyatını xilas etmək mümkün olmayıb.
Faktla bağlı araşdırma aparılır.
16-02-2024, 11:47 | Bakıda Prius "Chrysler"i vurdu - Gəlin maşını idi - VİDEO
Xalqlar Dostluğu ərazisində qəza baş verib.
Toyota Prius markalı avtomobillə Chrysler toqquşub. Görüntülər sosial şəbəkələrdə yayılıb.
Həmin görüntüləri təqdim edirik:
16-02-2024, 11:34 | Polis Qəbələdə əməliyyat keçirdi: saxlanılanlar var
Qəbələ Rayon Polis Şöbəsinin əməkdaşları tərəfindən rayon ərazisində narkotik vasitələrin satışı ilə məşğul olan şəxslər saxlanılıb.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, daxil olmuş əməliyyat məlumatı əsasında həyata keçirilən tədbir nəticəsində narkotiklərin satışında şübhəli bilinən Çinar Soltanov saxlanılıb.
Şəxsi axtarış zamanı ondan qurudulmuş marixuana aşkar edilərək götürülüb. Araşdırma zamanı Çinar Soltanovun həmin narkotik vasitəni Qəbələ rayonunun Tola kənd sakini Mərdan Əzəmmədovdan 120 manata satış məqsədilə aldığı məlum olub.
Davam etdirilən tədbirlərlə M.Əzəmmədov da polis əməkdaşları tərəfindən şübhəli şəxs qismində saxlanılıb. Onun üzərinə və yaşadığı ünvana baxış keçirilərkən satış məqsədilə saxladığı qurudulmuş marixuana aşkarlanaraq maddi sübut kimi istintaqa təqdim olunub.
Faktlarla bağlı cinayət işləri başlanıb, saxlanılan şəxslərin ətrafında əməliyyat-istintaq tədbirləri davam etdirilir.
14-02-2024, 12:07 | Sumqayıtda özünü 5-ci mərtəbədən atan şəxs ölüb
Sumqayıtda özünü 5-ci mərtəbədən atan şəxs xəstəxanaya çatdırılsa da, ölüb.
Sumqayıt şəhər sakini, 2003-cü il təvəllüdlü Mürvətov Elvin Vüqar oğlu yaşadığı 5 mərtəbəli binanın 5-ci mərtəbəsində yerləşən mənzilin eyvanından özünü atıb.
Onun psixoloji problemlərinin olduğu bildirilir
13-02-2024, 06:39 | Bu qızları görənlərin nəzərinə - Dərhal polisə xəbər edin!
Abşeronda 2 məktəbli qız itkin düşüb.
Hadisə dünən baş verib.
Belə ki, Masazır kənd 3 nömrəli tam orta məktəbin 8-ci sinif şagirdləri - Saray Məmmədli və Aydan Muradzadə günorta saat 14:00 radələrində dərsdən çıxıb, geri qayıtmayıblar.
Onların evə qayıtmadığını görən valideynləri dərhal Abşeron rayon Polis İdarəsinə məlumat veriblər.// report
13-02-2024, 06:14 | Yusif Qədimbəylinin oğlunun evindən oğurluq edən qadına AĞIR CƏZA
"Sədərək" ticarət mərkəzinin sahibi Yusif Qədimbəylinin oğlu Orxan Qədimbəylinin evindən 803 min manatlıq oğurluq etməkdə ittiham olunan xadimə Ruzan Cabbarovanın cinayət işi üzrə məhkəmə araşdırması tamamlanıb.
Bakı Ağır Cinayətlər Məhkəməsində keçirilən sonuncu iclasda hökm oxunub.
Hökmə əsasən, R.Cabbarova xüsusilə külli miqdarda ziyan vurmaqla oğurluqda təqsirli bilinərək 11 il müddətinə azadlıqdan məhrum edilib.
Qeyd edək ki, 44 yaşlı R.Cabbarova özünü qismən təqsirli bilir. İddia edir ki, oğurladıqlarının hamısını geri qaytarıb, zərərçəkmiş şəxslər isə qisas almaq məqsədilə dəymiş ziyanın məbləğini şişiriblər.
Müdafiə tərəfi dəfələrlə zərərçəkmişlərin məhkəməyə çağırılmasını tələb etsə də, məcburi gətirilmə qərarı çıxarılsa da, Qədimbəyli ailəsini məhkəməyə gətirmək mümkün olmayıb. Müdafiə zamanı vəkillər, xanım müttəhim isə son sözündə buna etiraz edib. Məhkəmə zərərçəkmiş şəxslərin ölkədə olmadıqlarına görə məcburi gətirilmə qərarının icra edilmədiyini elan edib.
