26-11-2023, 18:31 | Dərnəgüldəki yanğın iqtisadiyyatımızı yandırır
Noyabrın 23-də paytaxtımızın "Dərnəgül" kimi tanınan ərazisində - Binəqədi rayonu, Ziya Bünyadov prospektindəki taxta bazarında ciddi fəsadlarla nəticələnən yanğın baş verdi.
report-a istinadən xəbər verir ki, taxta bazarında ticarətlə məşğul olan obyektlər bir-birinə o qədər sıx yerləşir ki, yanğın zamanı alovun qonşu obyektlərə sıçramasının qarşısını tez bir zamanda almaq mümkün olmadı. Nəticədə yanğın geniş vüsət alaraq bu ərazidə yerləşən yüksək gərginlikli elektrik xəttini tamamilə sıradan çıxardı.
Buraya qədər hər şey aydındır. Qaranlıq qalan məqam isə odur ki, bəs elektrik şəbəkələrinin mühafizə zonasına niyə riayət olunmur?!
Azərbaycan Respublikası Nazirlər Kabinetinin 2005-ci il 10 iyun tarixli, 103 nömrəli qərarı ilə təsdiq edilmiş "Gərginliyi 1000 voltdan yuxarı olan elektrik şəbəkələrinin mühafizəsi Qaydaları"nın 5-ci hissəsinə əsasən elektrik şəbəkələrinin mühafizə zonaları xətlərin gərginliyinə uyğun məsafədə yerləşməlidir. Dərnəgüldəki taxta bazarında yanaraq sıradan çıxan elektrik xəttinin gərginliyi 110 kV olduğundan o, ən azı, 20 metr məsafə qorunaraq mühafizə zonası ilə əhatələnməli idi.
Nazirlər Kabinetinin Qaydaları dövlət arxivlərində tozlanmaq üçün yox, onlara riayət olunmaq üçün qəbul olunur. Elektrik şəbəkələrinin mühafizə zonalarına riayət etməməklə açıq-aşkar qaydalara meydan oxuma azmış kimi, hətta tezalışan materialların satışının da yüksək gərginlikli xətlərin altında təşkilinə göz yumulur.
Qeyd olunan faktlar acı həqiqətdir, lakin ən acısı yüzlərlə kiçik sahibkarın ailəsini dolandırmaq üçün min bir əzab-əziyyətlə ərsəyə gətirdiyi irili-xırdalı obyektlərin yanıb kül olmasıdır. Əlbəttə, bu hadisənin araşdırılması hüquq-mühafizə orqanlarının işidir. Amma "Dərnəgül yanğını" təkcə kiçik sahibkarların biznesini batırmayıb, ölkəmizin də adını batırmağa doğru gedir. Söhbət Azərbaycanın strateji əhəmiyyətli sənaye müəssisələrinin elektrik enerjisi təminatı dayandırıldığı üçün fəaliyyətlərini də dayandırmaq məcburiyyətində qalmalarından gedir. Məsələn, ölkəmizin ən böyük metallurgiya şirkəti olan "Baku Steel Company"nin fəaliyyəti artıq 4 gündür ki, elektrik enerjisinin bərpa olunmaması səbəbindən dayanıb. Dörd gün sizə az gəlməsin, bu miqyasda bir müəssisə üçün çalışmadığı gün yox, hətta saat belə dövlətin polad sütununa vurulan zərbədir. "Baku Steel Company" QSC Azərbaycanın qeyri-neft sektorundakı ən böyük vergi ödəyicilərindəndir, Qarabağın yenidənqurma və bərpa işlərində, eləcə də ölkəmizdəki digər quruculuq layihələrində şirkətin müxtəlif məhsullarından fasiləsiz şəkildə istifadə olunur.
Elektrik şəbəkəsinin mühafizə zonasının qaydalarını heçə sayan rəsmi qurumlar nə vaxta kimi hərc-mərcliklə məşğul olacaq?! Nə vaxta kimi öz şəxsi maraqlarını düşünüb, Azərbaycanın prioritet maraqlarına zərbə dəyməsinə vəsilə olacaqlar?! Suallar çoxdur, cavab isə ölkəmizin strateji sənaye müəssisələrinin hələ də qaranlığa və sükuta qərq olması ilə nəticələnən rəsmi qurumların fəaliyyətsizliyi, ya da ki özfəaliyyətidir.
26-11-2023, 18:27 | Kafedə çayın pulunu vermədi, bakalı başında sındırdılar - Sumqayıtda DƏHŞƏT
Sumqayıtda kafedə insident olub.
lent.az-a istinadən bildirir ki, hadisə şəhərin 21-ci mikrorayon, İsmət Qayıbov küçəsindəki kafelərdən birində baş verib. Burada çay içən müştərilərdən biri zarafatyana hesabı verməkdən imtina edib. Bu isə yan masada əyləşən digər müştəri R.R.-nın xoşuna gəlməyib.
O, ayağa qalxaraq pivə bakalı ilə həmin müştərinin başına zərbə endirib. Zərbənin təsirindən bakal qırılıb və o, qırıq bakalla zərərçəkənin qoluna da xəsarət yetirib.
R.R. polis tərəfindən saxlanılaraq, istintaqa təhvil verilib. Onun barəsində Cinayət Məcəlləsinin 221.3-cü (xuliqanlıq silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsilə cinayət işi başlanılıb və polisin nəzarəti altına vermə qətimkan tədbiri seçilib.
Hazırda Sumqayıt şəhər Məhkəməsində istintaq davam edir.
26-11-2023, 18:15 | Sevdiyi qızdan ayrılıb Bakıya gəldi, ailəsi cansız bədənini tapdı - Zaqatalalı gəncin faciəsi
Bu gün Bakıda, Sabunçu rayonu Ramana qəsəbəsində baş verən intiharla bağlı bəzi təfərrüatlar məlum olub.
lent.az-a istinadən bildirir ki, intihar edən Elnur Musayev Zaqataladandır.
İlkin məlumata görə, E.Musayev sevdiyi qızdan ayrıldığı üçün canına qəsd edib. O, intihar etməzdən öncə yazdığı məktubunda da bunu qeyd edib. Onun asılmış meyitini ailə üzvləri aşkar ediblər.
Mərhumun meyiti Zaqatalaya aparılaraq Göyəm kəndində dəfn edilib.
Faktla bağlı araşdırma aparılır.
24-11-2023, 06:35 | Salyanda bir gündə iki qəza - Xəsarət alanlar var
Salyanda baş verən yol-nəqliyyat hadisələrində iki nəfər xəsarət alıb.
Respublica.Az report-a istinadən xəbər verir ki, ilk qəza rayonun Çuxanlı kəndində, digəri isə şəhərin Bayraq meydanı yaxınlığında qeydə alınıb.
Yol qəzaları zamanı Salyan rayon sakinləri, 1965-ci il təvəllüdlü Nəzirov Bəhruz Musa oğlu və 1972-ci il təvəllüdlü Muradov Mahir Dilavər oğlu müxtəlif dərəcəli bədən xəsarətləri alıblar.
Hər iki yaralı Salyan Mərkəzi Rayon Xəstəxanasına çatdırılıb.
Faktla bağlı araşdırma aparılır.
Respublica.Az
24-11-2023, 06:18 | Füzulidə 20 yaşlı gəncin FACİƏLİ ÖLÜMÜ
Füzulidə intihar hadisəsi olub.
Respublica.Az lent.az-a istinadən bildirir ki, hadisə Alıxanlı kəndində baş verib.
Belə ki, 20 yaşlı Elmir Misirxan oğlu Səfərli yaşadığı evin həyətindəki yarımtikilidə özünü asıb.
Məlumata görə, o, ailə üzvlərinin yatmasını gözləyib və gecə özünə qəsd edib.
Onun hansı səbəbdən özünü öldürməsi hələlik bəlli deyil.
Faktla bağlı araşdırma aparılır.
Respublica.Az
24-11-2023, 06:14 | TƏBİB: Binəqədidəki yanğında 6 nəfər xəsarət alıb
Bu gün saat 20:03 radələrində Respublika Təcili və Təxirəsalınmaz Tibbi Yardım Mərkəzinə Bakı şəhəri, Binəqədi rayonu, Süleyman Sani Axundov küçəsində yerləşən obyektdə yanğın hadisəsi ilə bağlı çağırış daxil olub.
Respublica.Az xəbər verir ki, bu barədə TƏBİB məlumat yayıb.
Qeyd olunub ki, hadisə yerinə 7 təcili tibbi yardım briqadası cəlb olunub. Yanğın nəticəsində 6 nəfər (1 qadın, 5 kişi olmaqla) xəsarət alıb. Onlardan 4 nəfər Kliniki Tibbi Mərkəzə, 1 nəfər Nərimanov Tibb Mərkəzinin tabeliyindəki Yanıq Mərkəzinə təxliyə olunub. 1 nəfərə isə (kişi cinsli, 35 yaşlı) sağ qaşüstü nahiyənin I dərəcəli yanığı diaqnozu ilə yerində yardım göstərilib.
Kliniki Tibbi Mərkəzə təxliyə olunan 33 yaşlı vətəndaşa (kişi cinsli) sağ bud nahiyəsinin deşilmiş yarası, 28 yaşlı vətəndaşa (kişi cinsli) sol çiyin nahiyəsinin deşilmiş yarası, 56 yaşlı vətəndaşa (kişi cinsli) bud-çanaq nahiyəsinin travması, 39 yaşlı vətəndaşa (qadın cinsli) bədənin müxtəlif nahiyələrinin yanığı, sağ qolun travması diaqnozu qoyulub.
Yanıq Mərkəzinə təxliyə olunan 40 yaşlı vətəndaşa (kişi cinsli) sağ ayağın II-III dərəcəli yanığı diaqnozu qoyulub.
Hazırda tibb müəssisələrinin müvafiq şöbələrində zərərçəkənlərə zəruri tibbi xidmətlərin göstərilməsi davam etdirilir.
Respublica.Az
24-11-2023, 06:09 | "Qış parkı"nda HADİSƏ: 75 minlik avtomobili vurub...
Bakıda avtomobil dayanacaqlarının birində 75 min manatlıq "Ford Mustanq" markalı avtomobili vuran şəxs hadisə yerindən qaçıb.
Respublica.Az baku.ws-ə istinadən bildirir ki, barədə şikayətçi Xəlilov Mirheydər Elşən oğlu məlumat verib.
Hadisə "Qış parkı"nın alt hissəsində yerləşən parkinqdə qeydə alınıb.
Şikayətçinin sözlərinə görə, 17 noyabrda avtomobilinə baş çəkərkən onun əzildiyini və təqribən 600 manat civarında zərər dəydiyini aşkarlayıb:
"Mən 2016-cı ildən ikinci avtomobilimi bu parkinqdə saxlayıram. Ancaq həftəsonları bu avtomobili idarə edirəm. Sonuncu dəfə 11 noyabrda avtomobilimə baxış keçirərkən heç bir əzik və vuruq olmayıb. Lakin 17 noyabrda yenidən avtomobilimə baxanda əzik və vuruqla rastlaşdım. Hadisədən sonra parkinqin müdriyyətinə çağırdım və onlar da avtomobilimin şəklini çəkdilər.
Lakin mənə heç bir cavab vermədikləri üçün parkinq rəhbərliyinin yanına getdim. Pərviz adlı şəxs məni başından etdi və avtomobilimə dəymiş ziyanın qarşılanacağı ilə bağlı müsbət söz demədi. Əksinə mənə dedi ki, get hara istəyirsənsə, şikayət elə".
Qeyd edək ki, 11 noyabr (vurulmamışdan əvvəl) və 17 noyabrda (vurulandan sonra) avtomobilinin görüntülərini təqdim edən şikayətçi "Qış parkı" parkinqi rəhbərliyinin ona qarşı ədalətsiz mövqe göstərdiyini bildirib.
Respublica.Az
24-11-2023, 05:58 | İsmayıllıda AĞIR QƏZA - Xəsarət alanlar var
İsmayıllıda ağır yol qəzası baş verib.
Respublica.Az APA-ya istinadən bildirir ki, hadisə İsmayıllının Tircan ərazisində baş verib.
Qəza nəticəsində Hindistan əsilli 6 vətəndaş ağır dərəcəli xəsarətlərlə xəstəxanaya çatdırılıb.
Onlardan ikisinin vəziyyəti ağırdır.
DİN-in Şəki regional qrupundan bildirib ki, əraziyə polis əməkdaşları cəlb olunub.
Faktla bağlı araşdırma aparılır.
24-11-2023, 05:56 | Bakıda avtomobil 39 yaşlı qadını vuraraq öldürdü
Bakıda piyadanın ölümü ilə nəticələnən yol qəzası baş verib.
Respublica.Az report-a istinadən xəbər verir ki,hadisə Sabunçu-Zabrat yolunda qeydə alınıb.
Belə ki, nəqliyyat vasitəsi 1984-cü il təvəllüdlü Müzəffərova Minəxanım Dilavər qızını vurub.
Piyada aldığı xəsarətlərdən hadisə yerində keçinib.
Faktla bağlı araşdırma aparılır.
23-11-2023, 08:05 | Yanğının baş verdiyi bazar polis nəzarətinə götürüldü
Binəqədi rayonu ərazisindəki inşaat malları satılan bazarda yanğınla bağlı əraziyə polis əməkdaşları cəlb olunub.
Bu barədə DİN-in mətbuat xidmətindən bildirilib.
Qeyd olunub ki, bütün zəruri tədbirlər görülür, ərazi mühafizəyə götürülüb.
