21-11-2023, 15:44 | General-mayor rütbəsi verilən Mirsaleh Seyidov kimdir? - DOSYE
Mirsaleh Seyidov 23 sentyabr 1977-ci ildə Sumqayıt şəhərində anadan olub. 1998-ci ildə Bakı Dövlət Universitetinin Hüquq fakültəsini bakalavr (fərqlənmə ilə), 2002-ci ildə isə magistr (fərqlənmə ilə) pilləsi üzrə bitirib.
Respublica.Az News24.az-a istinadən xəbər verir ki, 1999-cu ilin yanvar ayından Ədliyyə Nazirliyinin Məhkəmə Qərarlarının İcrası Baş İdarəsinin Əməliyyat rejim şöbəsinin rejim və nəzarət xidmətinin təşkili bölməsinin nəzarətçilər üzrə inspektoru vəzifəsində əmək fəaliyyətinə başlayıb, fevral ayından isə həmin İdarənin Rejim-nəzarət şöbəsinin inspektoru olub.
2001-ci ilin avqust ayında Məhkəmə Qərarlarının İcrası Baş İdarəsinin 3 saylı İstintaq təcridxanasının Rejim mühafizə və nəzarət şöbəsinin rəisi, 2006-cı ilin noyabr ayından Penitensiar xidmətin 3 saylı İstintaq təcridxanasının tərbiyə işləri üzrə rəis müavini, 2008-ci ilin fevral ayından isə 3 saylı istintaq təcridxanasının əməliyyat-rejim işləri üzrə rəis müavini vəzifəsində xidmət edib.
2009-cu ilin fevral ayından Penitensiar xidmətin 15 saylı Cəzaçəkmə müəssisəsinin rəisi, 2011-ci ilin avqust ayından 2016-cı ilin fevral ayınadək isə 10 saylı Cəzaçəkmə müəssisəsinin rəisi vəzifəsində işləyib.
2016-cı ilin fevral ayından 2023-cü ilin iyul ayının 10-a qədər Penitensiar xidmətin Əməliyyat-rejim İdarəsinin rəisi vəzifəsində çalışıb.
2023-cü il iyul ayının 10-da Azərbaycan Respublikasının Prezidenti İlham Əliyevin imzaladığı sərəncamla Ədliyyə Nazirinin müavini - Penitensiar xidmətin rəisi təyin edilib.
2018-ci ildə "Azərbaycan Ədliyyəsinin 100 illiyi (1918-2018)" yubiley medalı ilə təltif edilib.
20 noyabr 2018-ci ildə "Dövlət qulluğunda fərqlənməyə görə" medalı ilə təltif edilib.
21 noyabr 2023-cü ildə Azərbaycan Respublikasının Prezidenti İlham Əliyev tərəfindən ədliyyə general-mayoru ali xüsusi rütbəsi verilib.
Qeyd edək ki, bu gün Prezident İlham Əliyev Sərəncam imzalayıb. Sərəncama əsasən, Azərbaycan Respublikası ədliyyə nazirinin müavini - Penitensiar xidmətin rəisi Mirsaleh Miradil oğlu Seyidova ədliyyə general-mayoru ali xüsusi rütbəsi verilib.
21-11-2023, 10:14 | Qeyri-sabit hava bu tarixədək davam edəcək
Ölkə ərazisində müşahidə olunan qeyri-sabit hava şəraiti noyabrın 22-si səhərədək davam edəcək.
Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən bildirilib.
21-11-2023, 09:40 | Bakıda beynəlxalq konfransın ikinci günü keçirilir
Bu gün Bakı "Qadın hüquqlarının inkişafı və qadınların səlahiyyətləndirilməsi" mövzusunda beynəlxalq konfransın ikinci günü keçirilir.
Konfrans Qoşulmama Hərəkatının hazırkı sədri qismində Azərbaycan Respublikası ilə yanaşı, təsisatın növbəti sədrləri kimi Uqanda və Özbəkistanın birgə təşkilatçılığı ilə baş tutur.
Konfransda Qoşulmama Hərəkatı çərçivəsində qadın hüquqlarının inkişaf etdirilməsi və qadınların səlahiyyətləndirilməsi, habelə onların dayanıqlı inkişaf, iqtisadi artım, sülh və təhlükəsizlik məsələləri və digər sahələrdəki önəmli rolu kimi mövzular ətrafında fikir mübadiləsi aparılacaq.
Tədbirdə Qoşulmama Hərəkatına üzv ölkələrin, həmçinin təsisat yanında müşahidəçi statusuna malik dövlətlərin, beynəlxalq təşkilatların nümayəndələri, həmçinin xüsusi qonaq qismində dəvət olunan yüksək vəzifəli rəsmi şəxslər də daxil olmaqla, ümumilikdə 60-a yaxın nümayəndə heyəti iştirak edir.//mili.az/
21-11-2023, 08:40 | Avropa çempionatında rekorda imza atan gənc boksçular Vətənə dönüblər
Monteneqronun Budva şəhərində keçirilən Avropa çempionatında 22 yaşadək boksçular arasında medal sayında yeni rekord vuran Azərbaycan milli komandasının üzvləri Vətənə dönüblər.
Heydər Əliyev Beynəlxalq Aeroportunda gənc boksçuların qarşılanma mərasimi olub.
Milli komandanın üzvlərini idman ictimaiyyətinin nümayəndələri, idmançıların yaxınları, atletlər və mətbuat nümayəndələri qarşılayıblar.
Qeyd edək ki, komanda Avropa çempionatında 5 medal qazanmaqla tarixi ilki reallaşdırıb. İndiyədək boksçular analoji yarışda 4 dəfə fəxri kürsüyə yüksəlmişdilər. 2012-ci ildə Rusiyada, 10 il sonra Xorvatiyada milli komanda 1 qızıl, 1 gümüş və 2 bürünc medala yiyələnmişdi. Bu dəfə 5 medal isə qitə çempionatında yeni rekorddur.
Bu yaş qrupunda Nicat Hüseynov (51 kiloqram) ikiqat Avropa çempionu tituluna da yiyələnib. Onadək 2012-ci ildə Elvin İsayev (60 kiloqram), 2019-cu ildə Məhəmməd Abdullayev (+91 kiloqram) qitə birinciliyinin qızıl medalına sahib olub.
U-22 Avropa çempionatı həm də qadınların yarışında Azərbaycanın ilk medalını qazanması ilə əlamətdar olub. Komandanın heyətində Marjona Savriyeva (50 kiloqram) 3-cü olmaqla, adını Azərbaycanın boks tarixinə yazdırıb.
Qeyd edək ki, Avropa çempionatında Nicat Hüseynov (51 kiloqram) qızıl, Əzrək Bəbirov (57 kiloqram) gümüş, Tural Sarıyev (48 kiloqram), Murad Allahverdiyev (80 kiloqram) və Marjona Savriyeva (50 kiloqram) bürünc medal qazanıblar./ report/
21-11-2023, 07:27 | Birminqemdə medal qazanan gimnastlarımız Vətənə qayıdıb
Böyük Britaniyanın Birminqem şəhərində keçirilən batut gimnastikası və tamblinq üzrə keçirilən dünya yaş qrupları yarışlarında medal qazanan gimnastlarımız Vətənə qayıdıb.
Idmançıları Heydər Əliyev Beynəlxalq Aeroportunda Azərbaycan Gimnastika Federasiyasının, idman ictimaiyyətinin nümayəndələri, həmkarları, habelə qohumları, yaxınları və media nümayəndələri qarşılayıblar.
Xatırladaq ki, batut üzrə yığma komandasının üzvləri İbrahim Mustafazadə və Əmmar Baxşəliyev batut gimnastıkası üzrə sinxron proqramda gümüş medal qazanıblar. Sinxron proqramında Samirə Hüseynova və Ayan Şabanova da gümüş medal qazanıblar. Qeyd edək ki, bu nəticə Azərbaycan gimnastikası tarixində qadınlar arasında sinxron tullanma proqramında yaş qrupları arasında keçirilən dünya arışlarında ilk nailiyyətdir.
Akrobatik tullanma (tamblinq) üzrə Azərbaycan milli komandasının üzvü Aleksey Karataşov yaş qrupları arasında keçirilən dünya yarışlarında bürünc medala layiq görülüb.
Vətənə qayıdan idmançılar və akrobatika (tamblinq) üzrə Azərbaycan milli komandasının baş məşqçisi Adil Hüseynzadə yarışda iştirakla bağlı təəssüratlarını media nümayəndələri ilə bölüşüblər.
Adil Hüseynzadənin sözlərinə görə, tamblinq üzrə yeniyetmələr komandası çox perspektivlidir:
"Aleksey Karataşov bacardığından artığını edib. Rəqibləri çox güclü və bir az yaşlı idilər. İndi bizim əsas vəzifəmiz ondan ibarətdir ki, Aleksey Karataşov gələn ilin aprelində Qimaraynş şəhərində (Portuqaliya) keçiriləcək Avropa çempionatında yaxşı nəticə göstərsin".
Tamblinq üzrə yığmamızın baş məşqçisi noyabrın 9-12-də Birmin1emdə keçirilən batut gimnastikası və tamblinq üzrə 37-ci dünya çempionatında Azərbaycan gimnastlarının nəticələrinə də toxunub.
Xatırladaq ki, Azərbaycan gimnastikası tarixində ilk dəfə olaraq komanda üzvü Mixail Malkin tamblinq proqramı üzrə dünya çempionatında qızıl medal qazanıb. Həmçinin, M.Malkin və tamblinq üzrə Azərbaycan milli komandasının üzvləri - Tofiq Əliyev, Adil Hacızadə, Elnur Məmmədov milli gimnastika tarixində ilk dəfə komanda yarışında qızıl medal qazanıblar.
"Dünya çempionatında biz iki tarixi medal qazana bildik. Mütəxəssislər qızıl medal qazana biləcəyimizi proqnozlaşdırırdılar. Və uşaqlar ora qalib gəlmək üçün getdilər!", - deyə Adil Hüseynzadə əlavə edib.
Gimnastlar Samirə Hüseynova və Ayan Şabanova növbəti yarışlarda birinci yeri tutmağa çalışacaqlarını vurğulayıblar.
"Yaş qrupları arasında dünya yarışları yaxşı keçdi və biz hər şeydən həzz aldıq. Amma daha çox çalışmaq lazımdır. Böyük dəstəyə görə Azərbaycan Gimnastika Federasiyasına, məşqçimizə təşəkkür edirik", - deyə S.Hüseynova bildirib.
"İkinci yeri tutanda çox sevindik. Yaş qrupları arasında dünya yarışlarında hazırlıq yaxşı keçdi və biz də nəticədən çox razı qaldıq. Gələn il Avropa çempionatında iştirak edəcəyik, birinci yeri tutmaq üçün buna ciddi hazırlaşacağıq", - deyə Ayan Şabanova əlavə edib.
İbrahim Mustafazadə və Əmmar Baxşəliyev yarışların gözəl keçdiyini, onların yaddaşında çoxlu xoş anlar yaşadıqlarını qeyd ediblər.
"Yaş qrupları arasında dünya yarışlarında yaxşı nəticələr göstərdik. Məşqçilərimizə təşəkkür edirik, onların ümidlərini doğrultmağa çalışdıq. Ümid edirik ki, qarşıdan gələn Avropa çempionatında birinci yeri tutacağıq", - deyə idmançılar bildiriblər.//Trend/
21-11-2023, 06:41 | Nazir polkovniki işdən çıxartdı
Fövqələdə Hallar Nazirliyi (FHN) Fövqəladə Halların Xəbərdar Edilməsi İdarəsinin rəisi, polkovnik Sahib Rzayev vəzifəsindən azad olunub.
Bu ilin avqust ayında sözügedən vəzifəyə təyin edilən polkovnik Sahib Rzayev başqa dövlət qurumunda yeni vəzifəyə keçməsi ilə əlaqədar nazir, general-polkovnik Kəmaləddin Heydərova işdən çıxması ilə bağlı müraciət edib.
Nazirin müvafiq əmri ilə polkovnik Sahib Rzayev vəzifəsindən azad olunub. Kəmaləddin Heydərovun digər əmri ilə qurumun Məxfi İdarəsinin əməkdaşı Vüsalə Ömərli Fövqəladə halların xəbərdar edilməsi idarəsinin rəisi təyin edilib.
Qeyd edək ki, polkovnik Sahib Rzayev Fövqəladə Halların Xəbərdar Edilməsi İdarəsi və Daxili Təhlükəsizlik Baş İdarəsi sabiq rəisi olub. Onun rəhbərlik etdiyi qurum bu ilin iyun ayında iki yerə bölünüb. Kəmaləddin Heydərovun müvafiq əmri ilə polkovnik Seymur Qaraşov Daxili Təhlükəsizlik Baş İdarəsinin rəisi təyin edilib. Sahib Rzayev isə avqust ayında Fövqəladə Halların Xəbərdar Edilməsi İdarəsinin rəisi təyin olunub.
21-11-2023, 06:36 | Messinin sirrini açdı: Buna görə dünya kubokunu qazandı
PSJ-nin və Fransa millisinin hücumçusu Kilian Mbappe futbolçuların irəliləyiş üçün dəyişməsinin vacib olduğunu deyib.
O, nümunə kimi "İnter Mayami"nin hücumçusu Lionel Messini göstərib:
"Bilirsiniz, futbol öz vaxtını, tempini diktə edir. Dəyişməsən, vəziyyət dəyişir və unudulursan. Hətta ən böyüklər də nəyisə dəyişməli olublar. Məsələlən, mən Messi ilə oynadım və o, oyununu dəyişdi. PSJ-də "Barselona"da olduğu kimi eyni oyunçu deyildi. Bu, Leoya dünya kubokunu, kollektiv və fərdi titulları qazanmağa imkan verdi".
Qeyd edək ki, Mbappe 2021-2023-cü illərdə Messi ilə PSJ-də komanda yoldaşı olub.//publika.az/
21-11-2023, 06:33 | Ordudan qaçan erməni sərhəddə saxlanıldı - Detallar
Ermənistan Daxili İşlər Nazirliyi ordunun təlim-məşq toplanışından yayınmaq üçün sərhədi keçməyə çalışan şəxsi saxlayıb.
Milli.Az globalinfo.az-a istinadən xəbər verir ki, bu barədə erməni mətbuatı məlumat yayıb.
Bildirilir ki, 26 yaşlı P.Gevorq adlı şəxs xüsusi əməliyyat nəticəsində tutulub. O, Gürcüstanla Ermənistan arasında yerləşən "Baqrataşen" sərhəd-keçid məntəqəsində ələ keçib.
Erməni mediası onun işdən azad edildiyini açıqlayıb.
Qeyd olunur ki, P.Gevorq oktyabrın 30-da Ermənistan Cinayət Məcəlləsinin 462-ci maddəsi (təlim-məşq toplanışından yayınma) ilə axtarışa verilib.
Məsələ ilə bağlı araşdırma aparılır.
21-11-2023, 06:27 | Canni De Byazi göndərilir? - AFFA-dan açıqlama
Azərbaycan millisinin baş məşqçisi Canni De Byazi AVRO-2024-ün seçmə mərhələsinin son turunda Belçikaya uduzduqdan sonra (0:5) mətbuat konfransında azərbaycanlı jurnalistləri təhqir edib.
Milli Assosiasiyanın vitse-prezidenti Vaqif Sadıqovun sözlərinə görə, Canni De Byazi barəsində jurnalistlər haqqında işlətdiyi qeyri-etik ifadələrə görə ciddi tədbir görüləcək.
"AFFA-nın baş katibi də bununla bağlı jurnalistlərdən üzr istədi. Dəqiq nə vaxt tədbir görüləcəyini deyə bilmərəm. Lakin hesab edirəm ki, İcraiyyə Komitəsinin iclası gözlənilir, orada bu məsələ müzakirə olunacaq", - deyə o, əlavə edib.
V.Sadıqov onu da qeyd edib ki, Canni De Byazinin müqaviləsinin uzadılıb uzadılmayacağı ilə bağlı hələlik danışıqlar getmir.
"Ona görə ki, ayın axırına qədər hələ ki, müqaviləsi var. İcraiyyə Komitəsinin iclasında bu məsələ də müzakirə olunacaq. Potensialı yüksək millimizə hazırda potensialı tükənən baş məşqçi rəhbərlik edir. Bu da bizə bu mövzunu ciddi müzakirə etməyə vadar edir", - deyə o, qeyd edib.
21-11-2023, 06:23 | Arvadına görə böyük təklifdən imtina etdi
"Mançester Yunayted"in keçmiş qapıçısı David De Xea Ərəbistan təmsilçisi "Əl-Nəsr"ın təklifini rədd edib.
Qeyd olunur ki, qapıçıya həftəlik 570 min avro alacağı müqavilə təklif olunub.
İmtina səbəbi futbolçunun Yaxın Şərqə köçmək istəməyən həyat yoldaşı olub.
"Mançester Yunayted"lə müqaviləsi yayda başa çatan ispaniyalı hazırda azad agent statusundadır.
