25-12-2023, 05:33 | "Neftçi"nin yeni baş məşqçisinin naliyyətləri - DOSYE
Xəbər verdiyimiz kimi, "Neftçi" komandasının baş məşqçisi dəyişib.
Rumıniyalı Adrian Mutu ilə müqaviləyə qarşılıqlı razılıq əsasında xitam verilib. Onu bu postda Miodraq Bojoviç əvəzləyib.
Respublica.Az report.az-a istinadən "Neftçi"nin yeni baş məşqçisinin naliyyətləri barədə məlumatı təqdim edir.
Belə ki, Miodroq Bojoviç 1968-ci ildə ölkəsinin Moykovats şəhərində anadan olub.
55 yaşlı mütəxəssisin futbolçu karyerası cəmi 13 il davam edib.
1986-1992-ci illərdə Pödqöritsanın "Buduçnost" klubunun formasını geyinən keçmiş müdafiəçi daha sonra Serbiyada, İndoneziyada, Kiprdə, Niderlandda və Yaponiyada legioner həyatı yaşayıb.
1999-cu ildə futbolçu karyerasını bitirən Bojoviç 2000-ci ildə məşqçiliyə başlayıb. 2000/2001 mövsümündə Serbiyada "Belqrad"ın "sükanı arxasında" olan mütəxəssis ardınca Yaponiyada "Hokkaydo Konsadole Sapporo"da köməkçi məşqçi funksiyasını yerinə yetirib.
O, Serbiyada "Borats", "Obiliç", "Hayduk" ( Belqrad), "Srvena Svezda", Kiprdə AEL, ölkəsində "Buduçnost", "Qrbal", Rusiyada "Amkar", "Moskva", "Dinamo", "Rostov", "Lokomotiv", "Arsenal", "Krılya Sovetov"da işləyib.
Baş məşqçi son olaraq 2021/2022 mövsümündə "Arsenal" komandasına rəhbərlik edib. Bojoviç 2013/2014 mövsümündə "Rostov"la Rusiya Kubokunun, 2015/2016 mövsümündə "Srvena Svezda" ilə Serbiya Superliqasının qalibi olub.
Qeyd edək ki, "Neftçi" monteneqrolu mütəxəssislə 1.5 illik (1 il+ 6 ay) sözləşmə imzalayıb.
Respublica.Az
25-12-2023, 05:29 | Əti əvəz edən unikal məhsul olduğu üzə çıxdı
Diyetoloq Yelena Solomatina yaşıl noxudun əti əzəv edən unikal amin turşusu tərkibinə malik olduğunu deyib.
Respublica.Az publika.az-a istinadən xəbər verir ki, ekspert bu barədə "Sputnik" radiosuna müsahibəsində danışıb.
O, bildirib ki, yaşıl noxudun tərkibində çoxlu B vitaminləri və fol turşusu var.
"Vanadium və bor kimi elementlər var ki, bunlar iltihabla mübarizə aparmaq, sümük sıxlığını artırmaq, kalsium, maqnezium, fosforun daha yaxşı mənimsənilməsi üçün lazımdır. Və noxudda beynin idrak imkanlarının normal formalaşması, qaraciyərin normal işləməsi üçün lazım olan çoxlu xolin də var ki, o, aterosklerozun yaranmasına mane olur", - diyetoloq vurğulayıb.
Eyni zamanda, diyetoloq bu məhsulun bəzi insanlar üçün zərərli olduğunu qeyd edib. Bu, yüksək səviyyədə sidik turşusu duzları, gut və ya böyrək daşlarından əziyyət çəkənlərə aiddir.
"Noxud həzm edilməsi olduqca çətin bir qidadır. Böyük miqdarda yeyilərsə, xoşagəlməz hisslər verə bilər - qaz meydana gəlməsi, meteorizm. Əlbəttə ki, mədə-bağırsaq traktının hər hansı bir xəstəliyi, xüsusən də qastrit, xoralar, kolit kimi hər hansı bir iltihab prosesi varsa, noxuddan uzaq durmalısınız", - həkim yekunda əlavə edib.
Respublica.Az
25-12-2023, 05:28 | 164 kişi ilə görüşən qadın: Nəhayət, ər tapdı
"Reddit" forumu istifadəçisi iki il ərzində 164 ilk görüşə necə getdiyini və nəhayət ərini tapdığını söyləyib.
Respublica.Az lent.az-a istinadən xəbər verir ki, "Ask Me Anything" ("Məndən nə istəsən soruş") rubrikasında o, uğurlu evliliyin sirlərini də bölüşüb.
Qız hər şeydən əvvəl kişilərin tək qalmamaq üçün qadınları həmişə görüşə dəvət etmələrini tövsiyə edib.
Hər şeydən əvvəl, qız kişilərə həmişə qadınları tək qalmamaq üçün görüşlərə dəvət etmələrini tövsiyə edib. "Yalnız əbədi mesajlaşdığınız bir mərhələdə qalmayın. Onu orijinal bir görüşə çağırsanız, bonus xalları da qazanacaqsınız ", - o yazıb.
Bundan əlavə, post müəllifi kişilərə görüşdə sual verməyi tövsiyə edib: "Həyatınıza nə qədər oğlanın sıfır maraq göstərdiyinə inanmayacaqsınız. Və bədən dilinizə baxın: gülümsəyin, ona tərəf əyilin, onu fəal şəkildə dinlədiyinizi göstərmək üçün üz ifadənizi dəyişdirin".
O, qadınlara intuisiyalarına qulaq asmağı tövsiyə edib. Onun sözlərinə görə, gələcək əri ilə görüşdə hər şey dərhal əvvəlki dövrlərdən fərqli olaraq gedib.
"Hər şey çox asanlıqla yerinə düşdü. Hər şeyin necə fərqli ola biləcəyini gördüm. İkinci görüşdə o, uzun müddət heç kimi bu qədər sevmədiyini etiraf etdi. Beşinci görüşdə biz rəsmi olaraq birlikdə idik və bu, qorxulu deyildi. Biz tamamilə sevindik və doğru insanla bunun nə qədər asan və sadə ola biləcəyi məni dəli etdi", - xanım vurğulayıb.
Bundan əlavə, o, görüşdən sonra özünüzə veriləcək sualların siyahısını paylaşıb: "Bu adam sizə necə hisslər yaşatdı?", "Müəyyən suallar verməkdən və ya özünüz haqqında həqiqəti açıqlamaqdan qorxdunuzmu?", "İnandırmalı idiniz? - baş verənlər düzdür?"
Respublica.Az
24-12-2023, 18:34 | “Neftçi” Mutunun gedişini təsdiqlədi
"Neftçi"nin baş məşqçisi Adrian Mutu klubdan gedib.
Respublica.Az xəbər verir ki, bu barədə klubun rəsmi feysbuk səhifəsində məlumat paylaşılıb.
Bildirilib ki, 44 yaşlı rumıniyalı baş məşqçi ilə müqaviləyə qarşılıqlı razılıq əsasında xitam verilib.
Respublica.Az
24-12-2023, 18:31 | Yeni kəşf olunan kainatın inanılmaz sirri – Həyatın izinə düşdülər
Elm adamları tədqiq olunan bir kainatdakı ən böyük su hövzəsinin 12 milyard yaşında olduğunu təsdiqləyiblər. Beləliklə, kosmosda indiyə qədər kəşf edilmiş ən böyük və ən uzaq su hövzəsi qeydə alınıb.
Respublica.Az teleqraf.com-a istinadən xəbər verir ki, bu barədə "Unilad" məlumat yayıb.
Hövzədəki su kütləsi Yer kürəsindəki bütün su kütləsindən xeyli çoxdur. Elm adamlarının fikrincə, bu, dünya okeanlarındakı bütün suyun 140 trilyonuna bərabərdir.
"Bununla belə, öz teleskopunuzdan baxaraq onu görmək şansınız azdır, çünki hövzə 12 milyard ildən çox məsafədə olan kvazar adlanan nəhəng, enerji ilə qidalanan qara dəliyi əhatə edir. Elm adamlarının apardıqları müşahidələr kainatın cəmi 1.6 milyard illik dövrünü göstərir", - materialda deyilir.
ABŞ-ın Milli Kosmos Agentliyinin (NASA) kosmik laboratoriyasının əməkdaşı Mett Bradford kəşf haqda danışaraq, bunun suyun bütün kainatda tapıla biləcəyini göstərdiyini söyləyib:
"Bu kvazarı əhatə edən mühit ona görə unikaldır ki, o, nəhəng su kütləsi əmələ gətirir. Bu, suyun ən qədim dövrlərdə belə bütün kainatda geniş yayıldığını göstərən başqa bir nümunədir".
Kvazarlar böyük səma cisimləri hesab olunur və böyük həcmdə enerji yayırlar. Mərkəzdə yerləşən qara dəliyə düşən qaz və toz bütün elektromaqnit spektri boyunca elektromaqnit şüa yayır.
Astronomlar Günəşdən 20 milyard dəfə daha böyük qara dəliyə malik və 1000 trilyon Günəş qədər enerji istehsal edən APM 08279+5255 adlı kvazarı araşdırıblar. Bradfordun komandası tədqiq olunan kainatdakı su, xüsusən də onun inanılmaz kütləsi haqda çoxsaylı məlumat əldə edə bilib.
"Bu kəşfdən əvvəl astronomlar bu kainatda heç vaxt su buxarı tapmamışdılar. Süd Yolunun başqa yerlərində su var, amma onun çox hissəsi donub, buz halındadır", - portal bildirir.
Astronomlar bu yaxınlarda Saturnun peyki Enseladın səthində yeni üzvi molekullar tapmışdılar. Enselad Günəş sistemində potensial həyat üçün ən perspektivli yerlərdən biri hesab olunur.
Respublica.Az
24-12-2023, 18:28 | Tanınmış baş məşqçi “Neftçi” üçün Bakıya GƏLDİ
Adrian Mutu ilə vidalaşan "Neftçi"nin yeni baş məşqçisinin kimliyi məlum olub.
Respublica.Az xəbər verir ki, Sfera.az-ın əldə etdiyi məlumata görə, Miodraq Bojoviç "ağ-qaralar"ın sükanı arxasına keçəcək.
Monteneqrolu mütəxəssis bu gün səhər saatlarında Azərbaycana gəlib və klub idarəçiləri ilə görüşüb.
O, hazırda "Neftçi Arena"dadır və yeni komandasının "Kəpəz"lə keçirdiyi Premyer Liqa matçını tribunadan izləyir.
Bakılılar bu ilin iyulunda bura dəvət etdiyi Adrian Mutu ilə 2 illik müqavilə imzalamışdı. Avrokuboklarda və Premyer Liqada nəticələr yaxşı olmayınca, onunla sözləşməyə vaxtından əvvəl xitam verilməsi zərurəti yarandı.
Respublica.Az
24-12-2023, 18:21 | Mask Argentinanın yeni prezidentindən nə istəyib?
Amerikalı milyarder İlon Mask Argentina litiumunu almaqda maraqlıdır.
Respublica.Az axar.az-a istinadən bildirir ki, bunu Argentinanın yeni Prezidenti Xavyer Miley deyib.
"Mask mənə zəng vurdu. O, litiumla çox maraqlanır. Eləcə də ABŞ və digər amerikalı şirkətlər də çox maraqlıdırlar bu məsələdə", - Miley bildirib.
Argentina prezidenti onu da əlavə edib ki, xarici biznesmenlər yerli siyasətçilər tərəfindən soyulmaq riski səbəbindən ölkəyə investisiya qoymaqdan qorxurlar.
Qeyd edək ki, Argentina Boliviya və Çili ilə birlikdə dünyanın litium ehtiyatının yarısına sahibdir. Bu metaldan elektrikli avtomobillərin akkumulyatorlarında istifadə olunur.
Respublica.Az
24-12-2023, 14:47 | Türkiyə Superliqası: "Fənərbağça" "Qalatasaray"ı qəbul edəcək
Bu gün Türkiyə Superliqasında XVIII turun mərkəzi oyunu keçiriləcək.
Respublica.Az report-a istinadən xəbər verir ki, İstanbul derbisində "Fənərbağça" "Qalatasaray"ı qəbul edəcək.
Qarşılaşma Bakı vaxtı ilə saat 20:00-da başlanacaq. Matçı Arda Kardeşlər idarə edəcək. 43 xala malik komandalar 1-2-ci yerləri bölüşürlər. "Fənərbağça" top fərqinə görə ilk sırada qərarlaşıb.
Bu, tərəflərin Superliqada 133-cü dueli olacaq. 52 dəfə hazırkı meydan sahibləri, 37 dəfə "sarı-qırmızılar" qələbə qazanıb. Digər görüşlərdə isə heç-heçə qeydə alınıb.
Respublica.Az
24-12-2023, 14:46 | Azər Bağırov: “Futbolçuları bu cür oyunlara kökləmək çətindir”
“Oyun maraqlı keçdi. Futbol adına hər şey oldu”.
Respublica.Az İdman.biz-ə istinadən xəbər verir ki, bunu “Araz-Naxçıvan”ın baş məşqçisi Azər Bağırov deyib.
Gənc mütəxəssis Azərbaycan Premyer Liqasının XVIII turunda “Turan Tovuz”a 1:3 hesablı məğlubiyyəti şərh edib. Bağırov futbolçuların oyuna kökləməsinin çətin olduğunu bildirib: "Şükürlər olsun ki, dünən baş verən xoşagəlməz hadisə zamanı heç kimə xətər dəymədi. Oyun haqda çox şey danışmaq istəmirəm. Rəqibi qələbə münasibəti ilə təbrik edirəm. Tovuzda futbol adına hər şey var. Futbolçunu bu cür oyunlara kökləmək çətindi. Çünki güc, motivasiya 80 dəqədə bitir. Əgər fiziki güc tükənibsə, bədən beyinin verdiyi komandanı icra edə bilməyəcək".
Qeyd edək ki, “Araz-Naxçıvan” 4 oyundan sonra uduzub. Komanda 18 oyundan 26 xal toplayıb.
Respublica.Az
24-12-2023, 14:43 | Azərbaycanın müdafiə naziri türkiyəli həmkarına başsağlığı verdi
Dekabrın 24-də Azərbaycan Respublikasının müdafiə naziri general-polkovnik Zakir Həsənov ilə Türkiyə Respublikasının milli müdafiə naziri cənab Yaşar Güler arasında telefon danışığı olub.
Azərbaycanın Müdafiə Nazirliyindən milli.az-a verilən məlumata görə, general-polkovnik Z.Həsənov 2023-cü ilin 22-23 dekabr tarixlərində İraqın şimal bölgəsində terrorçuların xaincəsinə hücumu nəticəsində Türkiyə Silahlı Qüvvələrinin hərbi qulluqçularının şəhid olması və yaralanması barədə xəbərdən kədərləndiyini bildirib.
Bir daha terrorun bütün növ təzahürlərini qətiyyətlə qınadığını, aparılan kəskin mübarizədə daima qardaş Türkiyə Silahlı Qüvvələrinin yanında olduğunu və dəstəklədiyini vurğulayıb.
Müdafiə naziri Azərbaycan Ordusunun şəxsi heyəti adından və şəxsən öz adından həlak olanların ailələrinə, doğmalarına və yaxınlarına dərin hüznlə başsağlığı verib, yaralananlara şəfa diləyib.
Telefon danışığı zamanı tərəflər arasında, həmçinin regional təhlükəsizlik və qarşılıqlı maraq doğuran digər məsələlər də müzakirə edilib.
Respublica.Az
