4-08-2026, 08:53 | Şeydayevin yeni klubu rəsmiləşdi
Azərbaycanlı futbolçu Ramil Şeydayevin yeni klubu bəlli olub.
30 yaşlı futbolçu Rusiyanın 1-ci liqa təmsilçisi "Soçi" klubuna transfer olunub. Tərəflər arasında 2026/2027 mövsümünün sonunadək qüvvədə olan müqavilə imzalanıb. O, yeni komandasında 7 nömrəli formanı geyinəcək. Bu barədə klubun mətbuat xidməti məlumat yayıb.
Qeyd edək ki, Şeydayev karyerası ərzində "Qarabağ", "Zenit", "Jilina", "Neftçi", "Kocaelispor", "Buriram Yunayted" və digər klubların formasını geyinib.
Respublica.az
4-08-2026, 08:49 | "Turan Tovuz" Türkiyə klubuna böyük hesabla qalib gəldi
"Turan Tovuz" Türkiyə toplanışı çərçivəsində sonuncu yoxlama oyununu keçirib.
Respublica.az xəbər verir ki, "Gənclərbirliyi" ilə qarşılaşan bölgə təmsilçisi 4:0 hesablı qələbə qazanıb. Komandanın heyətində Dioqo Balau, İbrahima Vadji, Alexandro Serrano və Faiq Hacıyev fərqləniblər.
Qeyd edək ki, "Turan Tovuz" Ankara hazırlığı çərçivəsində daha öncə İranın U-21 yığması və Türkiyənin 1-ci liqa təmsilçisi "Fatih Karagümrük"lə və hər iki oyun 1:1 hesabı ilə başa çatıb. Həmçinin Tovuz təmsilçisi Türkiyənin "Iğdır" klubu ilə gücünü sınayıb və 1:0 hesabı ilə qalib gəlib.
Respublica.az
2-08-2026, 10:19 | 80-ci illərin əfsanəvi ətirləri yenidən dəbdədir - 4 klassik qoxu
Son illərdə yüngül və minimal ətirlər populyar olsa da, 80-ci illərin xarakterik və qalıcı qoxuları yenidən moda dünyasında diqqət çəkir. Ədviyyat, kəhrəba, çiçək notları, vanil və uzunmüddətli qoxu izi ilə seçilən bu əfsanəvi ətirlər bu gün daha müasir şəkildə istifadə olunur. Mütəxəssislər onları bilək, saçın arxası və ya geyim üzərinə az miqdarda vurmağı tövsiyə edirlər.
Respublica.az bu ətirləri təqdim edir:
Calvin Klein Obsession
Calvin Klein tərəfindən 1985-ci ildə təqdim edilən Obsession markanın ən məşhur ətirlərindən biridir. Reyhan, berqamot, naringi və keşnişlə açılan kompozisiya daha sonra yasəmən, qızılgül, portağal çiçəyi, səndəl ağacı və palıd mamırı ilə zənginləşir. Əsas notlarda isə kəhrəba, buxur, vanil, müşk və vetiver hiss olunur. İsti, şərq üslublu qoxuları sevənlər üçün uyğun olan bu ətir xüsusilə sərin havalarda özünü daha yaxşı göstərir.
Chanel Coco
1984-cü ildə təqdim olunan Chanel Coco klassik dəbdəbənin simvollarından biri hesab olunur. Ətir qızılgül, şaftalı, naringi və keşniş notları ilə başlayır, daha sonra qərənfil, mimoza və portağal çiçəyi ilə davam edir. Finalda isə səndəl ağacı, tonka paxlası, kəhrəba və vanil üstünlük təşkil edir. Bu ətir axşam tədbirləri və zərif geyim tərzi ilə mükəmməl uyğunlaşır.
Dior Poison
1985-ci ildə təqdim olunan Dior Poison dövrünün ən cəsarətli ətirlərindən biri sayılır. Keşniş, meşə giləmeyvələri və anislə başlayan kompozisiya tuberoza, bal, darçın və buxur notları ilə dərinləşir. Vanil, kəhrəba və sidr ağacı isə ona uzunmüddətli və təsirli qoxu bəxş edir. Minimalist geyimlərlə birlikdə istifadə edildikdə Poison əsas diqqət mərkəzinə çevrilə bilir.
Guerlain Samsara
1989-cu ildə təqdim olunan Guerlain Samsara 80-ci illərin sonunun ən məşhur ətirlərindən biridir. Səndəl ağacı, yasəmən, ilanq-ilanq və vanilin harmoniyası sayəsində kremli, yumşaq və sakit bir təsir yaradır. Digər klassik ətirlərlə müqayisədə daha zərif səslənən Samsara xüsusilə payız və qış aylarında, kaşmir geyimlər və uzun paltolarla ahəngdar uyğunlaşır. Bu ətir şərq üslublu, lakin həddindən artıq şirin olmayan qoxuları sevənlər üçün uğurlu seçim hesab olunur./Lent.az
Respublica.az
1-08-2026, 10:06 | “Qarabağ”ın oyunlarını bu hakimlər idarə edəcək
“Qarabağ”ın UEFA Konfrans Liqasının III təsnifat mərhələsində Kiyev “Dinamo”suna qarşı keçirəcəyi oyunların hakimləri müəyyənləşib.
Respublica.az xəbər verir ki, avqustun 6-da Bakı vaxtı ilə 21:00-da Polşanın Lublin şəhərində keçiriləcək matçı danimarkalı hakimlər briqadası idarə edəcək.
Baş hakim Morten Kroq, yan xətt hakimləri Şteffen Bramsen və Viktor Skite olacaq. Dördüncü hakim funksiyasını Yakob Karlsen yerinə yetirəcək. VAR sisteminə Yakb Kelet nəzarət edəcək.
Avqustun 13-də Bakıda təşkil olunacaq cavab matçı isə İngiltərədən olan hakimlər briqadasına həvalə edilib.
Görüşün baş hakimi Stüart Attvell olacaq. Ona yan xətt hakimləri Yan Hussin və Nik Qrinhalq kömək edəcəklər. Dördüncü hakim funksiyasını Lyuis Smit yerinə yetirəcək. VAR-da Piter Benks olacaq.
Qeyd edək ki, avqustun 13-də Tofiq Bəhramov adına Respublika Stadionunda keçiriləcək matç saat 20:00-da başlayacaq.
Respublica.az
1-08-2026, 09:57 | İnfantino geri çəkildi: Layihə dayandırılır
FİFA prezidenti Canni İnfantino Dünya Kuboku hüquqlarının bir hissəsini özəl investorlara satmaq layihəsindən imtina etmək qərarına gəlib.
Respublica.az xəbər verir ki, o, bu barədə öz İnstaqram səhifəsində məlumat paylaşıb: "Layihə, xüsusən də dəstəyə ən çox ehtiyac duyulan ölkələrdə, FİFA-nın milli üzv assosiasiyalarının daha da gücləndirilməsi və idmanımızın dünya miqyasında inkişafı üçün təməl qoymaq məqsədi daşıyırdı. Eyni zamanda, əvvəldən qeyd etdiyimiz kimi, bu, yalnız FIFA-nın üzv assosiasiyalarının əksəriyyətinin dəstəyi ilə və yalnız onlarla, FIFA Şurası, konfederasiyalar və digər maraqlı tərəflərlə məsləhətləşmələrdən sonra həyata keçirilməsi nəzərdə tutulmuşdu. Bütün fikirləri diqqətlə dinlədikdən sonra layihənin elə bir fikir ayrılığına səbəb olduğu qənaətinə gəldik ki, dəstək səviyyəsindən asılı olmayaraq, artıq ilkin məqsədinə cavab vermir. Məqsədimiz həmişə birləşmək və təkmilləşdirmək olub və olacaq. Buna görə də bu təklif daha da inkişaf etdirilməyəcək. Növbəti günlərdə və həftələrdə oyunumuzun ortaq maraqlarını rəhbər tutaraq, bütün maraqlı tərəfləri yenidən bir araya gətirərək, xüsusən də dəstəyimizə ən çox ehtiyacı olan ölkələrdə futbolu dünya miqyasında inkişaf etdirməyə davam etmək niyyətindəyəm."
Qeyd edək ki, İnfantinonun təklifi Avropa Futbol Assosiasiyaları İttifaqı (UEFA), Şimali, Mərkəzi Amerika və Karib Futbol Konfederasiyası (CONCACAF), Asiya Futbol Konfederasiyası (AFC) və Cənubi Amerika Futbol Konfederasiyası (CONMEBOL) tərəfindən rədd edilib. UEFA həmçinin FIFA tərəfindən maliyyələşdirilən turnirləri boykot etdiyini elan etdi.
FİFA-nın planı təşkilatın əsas kişi və qadın yarışlarına nəzarət edəcək bir şirkətin yaradılmasını nəzərdə tuturdu. İnfantino FIFA Forward Enterprise-in yaradılmasının FIFA üzv assosiasiyalarının gəlirlərini artıracağına və dünya miqyasında futbolun inkişafına töhfə verəcəyinə inanırdı. Beynəlxalq Futbol Assosiasiyaları Federasiyası bu sxemin 4,2 milyard dollar cəlb edə biləcəyini bildirmişdi. Təşəbbüs rəsmilər, federasiyalar və digər təşkilatlar tərəfindən geniş tənqid olundu, jurnalist Romain Molina isə İnfantinonun təşkilat daxilində dəstəyini itirdiyi üçün istefa verəcəyini bildirdi. (Musavat.com)
Respublica.az
27-07-2026, 07:15 | "Arsenal" Vinisiusa klub tarixinin ən yüksək maaşını təklif etməyə hazırdır
İngiltərənin "Arsenal" klubu braziliyalı hücumçu Vinisius Junioru transfer etmək üçün ona klub tarixinin ən yüksək maaşını təklif etməyə hazırlaşır.
Respublica.az əbər verir ki, bu barədə "The Telegraph" məlumat yayıb.
Məlumata görə, hazırda futbolçu həftəlik 400 min funt sterlinq qazanır və London təmsilçisi onun maaşını daha da artırmağa hazırdır.
Hazırda "Arsenal"ın ən yüksək maaş alan futbolçusu fevralda müqaviləsini yeniləyən Bukayo Sakadır. Onun həftəlik qazancı 365 min funt sterlinq təşkil edir./APA
Respublica.az
27-07-2026, 07:13 | “Filenin Sultanları” tarix yazdı
Türkiyə Qadınlar Milli Voleybol Komandası 2026-cı il FIVB Millətlər Liqasının (VNL) finalında Braziliyanı 3:1 hesabı ilə məğlub edərək, turnirdə ikinci dəfə çempion olub.
Respublica.az xəbər verir ki, Çinin Makao Xüsusi İnzibati Bölgəsindəki "East Asian Games Dome"da keçirilən finala Braziliya daha yaxşı başlayıb və ilk seti 25:23 hesabı ilə qazanıb.
Lakin Türkiyə millisi növbəti setlərdə oyunun gedişini dəyişərək, 25:23, 26:24 və 25:21 hesablı qələbələrlə ardıcıl üç seti öz aktivinə yazıb və 3:1 hesabı ilə qalib gəlib.
Türkiyənin qələbəsində əsas pay sahibi Melissa Varqas olub. Ulduz hücumçu final qarşılaşmasını 33 xalla başa vuraraq, matçın ən məhsuldar oyunçusu olub. Hande Baladın 19, İlkin Aydın isə 16 xalla komandaya töhfə verib.
Türkiyə bununla VNL tarixində ikinci qızıl medalını qazanıb. Milli komanda turnirdə daha əvvəl bir gümüş və bir bürünc medal da əldə edib.
2018-ci ildən keçirilən Millətlər Liqasının final mərhələsində Türkiyə ardıcıl səkkizinci dəfə iştirak edib. Komanda 2023-cü ildə finalda Çini məğlub edərək ilk çempionluğunu qazanmışdı.
2026-cı ildə isə "Filenin Sultanları" finalda Braziliyaya qalib gələrək, kuboku yenidən Türkiyəyə aparıb. Braziliya isə VNL tarixində beşinci dəfə finalda məğlub olaraq gümüş medalla kifayətlənib.
Türkiyə millisinin baş məşqçisi Daniele Santarelli də komanda ilə daha bir böyük uğura imza atıb. İtaliyalı mütəxəssis 2023-cü ildə VNL və Avropa çempionluğu, 2025-ci ildə isə dünya çempionatının gümüş medalı ilə yanaşı, 2026-cı ildə VNL qızılını da qazanıb.
Final Türkiyə üçün Braziliyaya qarşı əvvəlki məğlubiyyətin də revanşı olub. Türkiyə 2024-cü il Paris Olimpiadasında bürünc medal uğrunda görüşdə Braziliyaya uduzmuşdu. İki il sonra komandalar yenidən mühüm medal qarşılaşmasında üz-üzə gəlib və bu dəfə qələbə Türkiyənin olub./"Qafqazinfo"
Respublica.az
27-07-2026, 07:09 | Meteohəssas insanların diqqətinə!
Tibbi-meteoroloji proqnoz açıqlanıb.
Respublica.az xəbər verir ki, bu barədə Milli Hidrometeorologiya Xidməti məlumat yayıb.
Məlumata görə, iyulun 27-də Abşeron yarımadasında güclü xəzri küləyinin əsəcəyi fonunda temperaturun aşağı enəcəyi gözlənilir ki, bu da əksər meteohəssas əhali üçün müsbət amildir.
Respublica.az
12-05-2026, 12:11 | Ulu Öndərin əziz xatirəsinə həsr olunan möhtəşəm əsgər görüşü və konsert proqramı
Gənclərin və idmanın yeganə informasiya portalı olan BrendSport.az saytı hər zaman olduğu kimi yenə də əsgərlərlə görüşlər keçirərək onlara mənəvi dəstək olmağa davam edir. Bu dəfə Heydər Əliyevin anadan olmasının 103-cü ildönümünə həsr olunmuş silsilə tədbirlər çərçivəsində BrendSport.az saytının əməkdaşları növbəti dəfə hərbçilərlə görüş proqramı həyata keçiriblər. Vətənə xidmət edən əsgərlərlə keçirilən bu mənəvi və vətənpərvərlik ruhlu tədbir yüksək əhval-ruhiyyə, musiqi və səmimi anlarla yadda qalıb.
BrendSport.az informasiya portalının Gənclər şöbəsi xəbər verir ki, tədbir N saylı hərbi hissədə təşkil olunub. Görüşdə BrendSport.az saytının əməkdaşları — marketinq direktoru Yeganə Bağırova və baş redaktor Bəhruz Səmədov tərəfindən təşkilatçılıq həyata keçirilib. Tədbirin əsas məqsədi əsgərlərə mənəvi dəstək olmaq, onların asudə vaxtlarını daha maraqlı və unudulmaz etmək, eyni zamanda gənclər arasında vətənpərvərlik hisslərini daha da gücləndirmək olub.
Bayram ab-havasında keçirilən proqram çərçivəsində tanınmış müğənnilərin iştirakı ilə geniş konsert proqramı təşkil edilib. Səslənən vətənpərvər mahnılar, şən musiqilər və maraqlı çıxışlar hərbi hissədə xidmət edən əsgərlər tərəfindən böyük coşqu və alqışlarla qarşılanıb. Tədbir boyunca hərbçilərin üzündəki sevinc və yüksək əhval tədbirin nə qədər uğurlu keçdiyini bir daha nümayiş etdirib.
Tədbirin aparıcısı Yeganə Bağırova olub. O, tədbiri peşəkar şəkildə idarə edərək həm əsgərlərlə, həm də qonaqlarla səmimi ünsiyyət qurub. Tədbir ərzində vətən sevgisi, dövlətə sədaqət və birlik mesajları xüsusi vurğulanıb. Yeganə Bağırova çıxışında bildirib ki, Azərbaycan əsgəri hər zaman xalqın qürur mənbəyidir və belə görüşlər ordumuzun mənəvi gücünə əlavə dəstək verir.
Tədbirdə çıxış edən Bəhruz Səmədov da öz ürək sözlərini əsgərlərlə bölüşüb. O çıxışında bildirib ki, Azərbaycan ordusunun gücü yalnız müasir silahlar və hərbi texnika ilə ölçülmür. Bu gücün əsas təməlində Ali Baş Komandan İlham Əliyevin qətiyyətli siyasi iradəsi, dövlətə və xalqa bağlılığı, Azərbaycan əsgərinə göstərdiyi yüksək diqqət və qayğı dayanır.
Bəhruz Səmədov vurğulayıb ki, Prezident İlham Əliyevin rəhbərliyi altında Azərbaycan ordusu hər keçən gün daha da güclənir, peşəkarlığını artırır və regionun ən qüdrətli ordularından birinə çevrilir. O qeyd edib ki, xalqla ordunun birliyi Azərbaycanın ən böyük güc mənbəyidir:
“Bu gün Azərbaycan əsgəri tək deyil. Onun arxasında güclü dövlət, qüdrətli lider və öz ordusuna sonsuz sevgi bəsləyən xalq dayanır. Ali Baş Komandan İlham Əliyevin əsgərlərə göstərdiyi diqqət və qayğı hər bir hərbçiyə böyük motivasiya verir. Xalqımızın ordumuza olan sevgisi, dəstəyi və inamı isə əsgərlərimizin ruh yüksəkliyini daha da artırır. Məhz bu birlik və həmrəylik Azərbaycanın gücünü bütün dünyaya nümayiş etdirir.”
O, həmçinin qeyd edib ki, belə tədbirlərin keçirilməsi gənclərdə vətənpərvərlik hissinin güclənməsinə, dövlətə və orduya bağlılığın daha da artmasına mühüm töhfə verir.
“Əsgərlərimiz bizim qürurumuzdur. Onların hər biri Vətənimizin keşiyində dayanaraq xalqımıza təhlükəsizlik və əmin-amanlıq bəxş edir. Biz də çalışırıq ki, onlara mənəvi dəstək olaq, onların yanında olduğumuzu hiss etdirək. Belə tədbirlər həm birlik, həm də vətənpərvərlik baxımından çox böyük əhəmiyyət daşıyır.”
Tədbir çərçivəsində əsgərlərlə xatirə şəkilləri çəkdirilib, səmimi söhbətlər aparılıb və müxtəlif maraqlı anlar yaşanıb. Hərbi hissə rəhbərliyi də təşkil olunan proqramı yüksək qiymətləndirərək tədbirin əsgərlərin mənəvi motivasiyasına müsbət təsir göstərdiyini vurğulayıb.
Sonda tədbirdə iştirak edən bütün müğənnilərə, təşkilatçılara və dəstək göstərən şəxslərə N saylı hərbi hissə tərəfindən təşəkkürnamələr təqdim olunub. Təltif mərasimində qeyd olunub ki, ordumuza göstərilən diqqət və qayğı hər zaman yüksək qiymətləndirilir.
Hər zaman olduğu kimi BrendSport.az saytı yalnız idman sahəsində deyil, eyni zamanda sosial və vətənpərvərlik yönümlü layihələrdə də fəal iştirak edir. Əsgərlərlə keçirilən bu görüş və konsert proqramı həm iştirakçılar, həm də hərbi qulluqçular üçün unudulmaz xatirəyə çevrilib.
BrendSport.az saytı olaraq biz də öz növbəmizdə bizimlə birlikdə tədbirə qoşulan bütün incəsənət nümayəndələrinə dərin təşəkkürümüzü bildiririk. Əsgərlərlə görüş proqramında iştirak edən dəyərli sənət adamları — Ruhangiz Allahverdiyeva, Samirə Yusifqızı, Mədinə Əsgərova, Canana İsgəndərli, Məsumə Əliyeva, Aygün Ağayeva, Ceyhun Əhmədov, Nura Nur, Zerin Gulnurlu, Könül Abdullayeva və Asya Budaqovaya xüsusi təşəkkürümüzü bildiririk. Onların iştirakı tədbirə xüsusi rəng qataraq əsgərlər üçün əsl bayram ab-havası yaradıb.
10-05-2026, 12:46 | PSJ üç əsas oyunçusunu itirdi
PSJ-nin üç əsas oyunçusu zədələnib.
Məlumatı klubun mətbuat xidməti yayıb.
Müdafiəçilər Nunu Mendeş və Villian Paço, o cümlədən Uorren Zaire-Emeri zədələniblər. Onlar Liqa 1-in 33-cü turu çərçivəsində bu gün "Brest"lə ev oyununda iştirak etməyəcəklər. Onların Çempionlar Liqasının yarımfinalında "Bayern"lə oyunda xəsarət aldığı bildirilib. Mendeşlə Paçoya sağ ayaqlarında omba problemləri diaqnozu qoyulub. Mərkəz yarımmüdafiəçisi Uorren isə bel ağrısından şikayətlənir.
Luis Enrikenin komandası hazırda Liqa 1-in turnir cədvəlində "Lans"dan üç xal öndədir və liderdir.
