8-05-2021, 08:52 | Nəcməddin Sadıqovun yeri niyə boş qalıb? - AÇIQLAMA
“Bunun çoxlu səbəblər ola bilər. Məncə, ilk növbədə başqalarından ciddi şəkildə fərqlənən və mübahisəsiz qəbul oluna biləcək parlaq fiqurun olmamasıdır”.
Bu sözləri millət vəkili Qüdrət Həsənquliyev Azərbaycan Silahlı Qüvvələri Baş Qərargahına yeni rəhbər təyinatının gecikmə səbəbi barədə Moderator.az-ın sualını cavablandırarkən deyib.
Millət vəkili qeyd edib ki, ikinci səbəb Prezidentin həmin posta iddialı generalların və bölgədə marağı olan güclərin özlərini necə apadığını müşahidə etmək istəyi ola bilər:
“O da ola bilər ki, Orduda aparılacaq islahatların tərkib hissəsi kimi həmin posta təyinat olacaq. Mənim fikrimcə isə bu işi çox da yubatmaq olmaz. Çünki bəzi iddialı şəxslərin əsəbləri davam gətirməyə və orduda kompromat müharibəsi başalaya bilər ki, bu da Silahlı Qüvvələrimizin imicinə bərpa olunması çətin olan ciddi ziyan vura bilər.
Orduda islahatlara gəlincə isə, Q.Həsənquliyev bildirib ki, ilk növbədə qanunvericiliyə ciddi dəyişikliklər etməklə Orduya mülki nəzarət gücləndirilməlidir:
“Müdafiə naziri mülki şəxs olmalı və müqavilə əsasında peşəkar ordu qurulmalıdır. Orduya özünün və dövlətimizin ləyaqətini qorumağı bacaran, bunun üçün hər an ölməyə və öldürməyə hazır olan, döyüş üçün doğulmuş gənclərimiz cəlb olunmalı, dövlət onların layiqli həyatını təmin etməlidir”.
Qeyd edək ki, Baş Qərargah rəisi general-polkovnik Nəcməddin Sadıqov 44 günlük müharibənin gedişində vəzifəsindən azad edilmişdi.
8-05-2021, 08:47 | Məşhur aparıcımıza yüksək vəzifə verildi
"Azəriqaz" İstehsalat Birliyi yanında İctimai Şuranın yaradılmasına dair may ayının 7-də keçirilən seçkilərin ikinci mərhələsi başa çatıb.
Vətəndaş cəmiyyəti institutlarından təqdim olunan 17 namizəd arasından 11 nəfər səs çoxluğu ilə Şuraya üzv seçilib. Beləliklə, "Azəriqaz" İB yanında İctimai Şuranın üzvləri aşağıdakı tərkibdə formalaşıb:
Salmanov Elçin Fikrət oğlu;
İbrahimli Qorxmaz Əbülfəz oğlu;
Hüseynov Eyyub Mahmud oğlu;
Bəşirov Xəyal Kamil oğlu;
Əliyev Mayis Nəbi oğlu;
Məmmədov Sahib Məlik oğlu;
Nəsirov Şaban Fəxrəddin oğlu;
Quliyev Rəşad Xasay oğlu;
Quliyev Zaur Yunis oğlu;
Azərtaş Lalə Qabil qızı;
Rəhimzadə Vüqar Gəncəli oğlu.
Qeyd edək ki, təkrar seçkilərdə səsvermə hüququ olan təmsilçilərin 86,7 %-i iştirak edib. Bundan öncə aprel ayının 30-da keçirilən seçki prosesində namizədlərin heç biri ümumi seçicilərin 50 faiz səsini toplaya bilməyib. Ona görə də Seçki Komissiyası ikinci mərhələyə dair qərar qəbul edib. İkinci turda namizədlər arasından İctimai Şuraya üzvlər səs çoxluğu sıralaması ilə seçiliblər.(milli.az)
8-05-2021, 07:38 | Mədə xəstəliklərinə faydalı bitki çayları
Mədə xəstəlikləri arasında ən çox mədənin selikli qişasının iltihablaşmasına - qastritə rast gəlinir. Qastritin əmələ gəlməsinə müxtəlif bakteriyalar və mikroblar səbəb olur. Vaxtlı-vaxtsız qidalanma rejimi, çox soyuq və çox qaynar, kəskin və ayaqüstü qidalar da qastritin əmələ gəlməsində mühüm rol oynayır.
Qastrit qarında köp, ürəkbulanma, qıcqırma, həzm sistemində pozğunluqların olması ilə özünü biruzə verir. Aşağıdakı bitki çayları sadalanan əlamətlərin aradan qalxmasına və qastritin sağalmasına yardım edən bitki çaylarıdır.
Çobanyastığı çayı.
Qastritin təbii vasitələrlə müalicəsində çobanyastığını dəmləməsinin faydası böyükdür. Çobanyastığı ilıtihab əleyhinə, ağrı kəsici və antibakterial təsirə malikdir. Çobanyastığı mədə-bağırsaqlardakı köpü aradan qaldırır, həzmi normallaşdırır və bağırsaqlara rahatladıcı təsir göstərir.
Biyan kökü dəmləməsi.
Biyan kökü dəmləməsi qastrit əlamətlərini azaltmaqla yanaşı, onun sağalmasını sürətləndirir. Amma biyan kökü dəmləməsini içməmişdən əvvəl mütləq həkimlə məsləhətləşmək lazımdır. Çünki onun tərkibində olan glisirizin maddəsinin yanaşı təsirləri ola bilər.
Sarıkök.
İltihab əleyhinə təsir göstərməklə qastritin əlamətlərini azaldır. Sarıkök orqanizmdə olan iltihab enzimlərinin fəaliyyətini zəiflədir. 2001-ci ildə Tailandda keçirilən araşdırmalarda sarıkökün 1-2 həftə ərzində qastrit əlamətlərinin azaltdığı sübut olunmuşdur.
Kimyon.
Kimyon dəmləməsi həzmi yaxşılaşdırır, mədə-bağırsaqlardakı köpü aradan qaldırır, mədə turşuluğunu azaltmaqla qıcqırma əlamətlərini aradan qaldırır.
Zəncəfil.
Zəncəfil mədə-bağırsaq sistemində əmələ gələn əksər problemlərin həllində ən yaxın köməkçi hesab edilir.
Mütəxəssislər bitki çayları ilə müalicəyə başlamazdan əvvəl mütləq həkimlə məsləhətləşməyinizi tövsiyə edir.(milli.az)
8-05-2021, 07:35 | Helikobakterli qastrit
Helicobacter pylori xroniki qastritin əmələ gəlməsinin əsas səbəbidir.
Xəstəliyin əmələ gəlməsi fekal-oral və oral-oral yolla yoluxma ilə baş verir. İnkişaf etmiş ölkələrdə helikobakterli pilori əhalinin 50%-indən çoxunda inkişaf edir. Yoluxma ən çox uşaq, yeniyetmə, həmçinin cavan yaşlarda əmələ gəlir. İnkişfda olan ölkələrdə yoluxma daha çoxdur (90%-ə qədər).
Helikobakteriyanın məskunlaşması, sonradan isə sahibinin orqanizmində persistə etməsinə imkan verən bir-neçə faktorlar məlumdur.
- Çıxıntılar (bığcıqlar)
Helikobakteri pilori mədə şirəsi və selik qatında hərəkət etməsinə şərait yaradır.
- Helikobakter pilori mədənin epitel hüceyrələrinin plazmolemammasına bitişməyə və bu hüceyrələrin sitoskletinin komponentlərini parçalamağa qabildir.
- Helikobakter pilori ureasa və kataraza ifraz edir. Ureaza mədə şirəsində olan sidik cövhərini parçalayır ki, bu da bilavasitə mikrobun əhatəsində pH2 artır və helikobakter pilorini mədənin turş mühitinin bakteriosid təsirindən qoruyur.
- Helikobakter pilori bəzi immun reaksiyaları, xüsusən də faqositozu ləngitməyə qabildir.
Helikobakter pilorinin patogenliyinin bir-neçə mexanizmi mövcuddur ki, bunlar xəstəliyin inkişafını törədir.
- Helikobakteri pilorinin əksər ştammları və sidik cövhərinin ureaza ilə parçalanmasından əmələ gələn autoimmunu hazırlayan, hüceyrələrin vakoulizasiyasına və onların məhv olmasına gətirib çıxarır.
- Mədənin selikli qişasında helikobakter pilorinin yerləşməsinə cavab olaraq inkişaf edən iltihab reaksiyası özlüyündə elə mədə epitelinin tamlığının pozulmasına səbəb olur.
- Helikobakter pilori ilə yoluxmuş xəstələrdə zərdab qastritin və pepsinogenin konsentrasiyası artır ki, bu da xroniki qastrit və onikibarmaq bağırsaq xorasının inkişafının əsas risk faktoru hesab edilir.(milli.az)
8-05-2021, 07:33 | Hamımız müsbət emosiyalar keçirdik - qrup hərəkətləri komandamız
Bədii gimnastika üzrə Dünya Kubokunun Bakıda keçirilməsinə icazə verildiyini öyrəndikdə, biz müsbət emosiyalar keçirdik, bu yarışları səbirsizliklə gözləyirdik.
Bunu Trend-ə qrup hərəkətləri komandamızın üzvləri deyib.
Ölkəmizi qrup hərəkətləri komandamızın tərkibində Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokina təmsil edirlər.
Dünya Kubokunun ilk günündə Azərbaycan komandası qrup hərəkətlərində komandaların seçmə mərhələsində beş topla çıxış edib. Azərbaycan gimnastları çıxışlarına görə 43.000 bal alıblar.
Komandanın üzvü Ləman Əlimuradova bildirib ki, əlbətdə ki, yarışın ilk günü çıxış etmək həyəcan vericidir, Dünya Kubokunun doğma ölkəmizdə keçirilməsi isə çıxışımıza çox məsuliyyət qatır. Koronavirus pandemiyası kimi çətin bir dövrdə belə möhtəşəm bir Dünya Kubokunun baş tutmasından məmnunuq. Hamımız müsbət emosiyalar keçirdik, Dünya Kubokunun ölkəmizdə təşkil olunmasına sevindik və bununla qürur duyduq".
Gimnastlar bugünkü çıxışlarından məmnun olduqlarını vurğulayıblar və bildiriblər ki, sabah üç halqa və iki cüt gürzlə proqramı da yaxşı nümayiş etdirəcəklər.
Darya Sorokina əlavə edib ki, iki növ hərəkətlərdə özümüzü inamlı hiss edirik, əlbətdə ki, yarışlarda həyəcan təbiidir, amma hər şey bizim üçün yaxşı olsun deyə iki növlə dəqiq işləməyə çalışırıq: "Avropa çempionatında və dünya kuboklarında uğurlu çıxışlar bizə inam qazandırdı. Özümüzü güclü bir komanda olaraq göstərdik və bu bizə kömək etdi".
Gimnastlar qeyd ediblər ki, Kubokun tamaşaçısız keçirilməsinə baxmayaraq, hər zaman bədii gimnastika azarkeşlərinin dəstəyini hiss edirlər: "Hər zaman Azərbaycan Gimnastika Federasiyasının, məşqçilərimizin və əlbətdə ki, azarkeşlərin dəstəyini hiss edirik".
Mayın 9-dək davam edəcək kubok yarışları "Tokio-2020" Yay Olimpiya Oyunlarına təsnifat xarakteri daşıyır.
Qeydiyyat siyahısına əsasən, kubok yarışlarında 35 ölkədən 61-i fərdi və 106-sı qrup komandasının (18 qrup) üzvü olmaqla 167 gimnast iştirak edir.
Ənənəyə uyğun olaraq, kubok yarışlarında ən çox icra xalını yığmış gimnast və qrup komandasına ənənəvi "AGF Trophy" kuboku təqdim olunacaq.
8-05-2021, 07:31 | Ağciyərlərin eozinofiliyaları
Ağciyərlərin eozinofiliyaları keçici ağciyər infiltratları və qanda 1,5 X 109- dən çox olan eozinofillərin olması ilə xarakterizə olunur. Ağciyər eozinofiliyası aşağıdakı qruplara ayrılır:
1. Lokal ağciyər eozinofiliyası.
2. Sistemli təzahürlərlə ağ ciyər eozinofiliyası.
Xəstəliyin əmələ gəlməsində aşağıdakı faktorların rolu böyükdür:
* çiçək tozunun allergeninə qarşı sensibilizasiya
* göbələklərin, aspergillərin allergenlərinə qarşı olan sensibilizasiya
* qurd xəstəliklərində helmintozuzun törədicisinin ağciyər toxumasına düşdüyü zaman.
Xəstəlyin əmələ gəlməsinə yuxarıda sadalanan antigenlərin təsirinə cavab olaraq ağciyər toxumasında eozinofillərin toplanmasıdır. Ağciyər toxumasına düşən eozinofillər həm müdafiə, həm də immunapatoloji təsir göstərir. Eozinofillərin təsir mexanizmi iltihab və allergik reaksiyaların inkişafında iştirak edən mediatorları inaktivləşdirən ferment ifraz etməkdən ibarətdir. Bundan başa ezoinofillər eozinofil peroksidazası ifraz edir ki, bu da fermentlərin təsiri altında hidrogen peroksidin əmələ gəlməsinə səbəb olur.
Müdafiə effekti ilə yanaşı eozinofillər böyük əsas zülal və eozinofil kation zülalı ifraz edərək həmçicinin patoloji təsir göstərirlər.
Klinikası:
Xəstələr quru öskürək, zəiflik, əmək qabiliyyətinin itməsi, titrətmə, temperaturun qalxması və döş qəfəsində olan ağrıdan şikayət edirlər. Dəri qaşınması, ödem, dəridə övrə görmək mümkündür. Əksər hallarda xəstəlik simptomsuz kecir.
Diaqnostikası:
Xəstəliyin diaqnozunun qoyulmasında rentgenoloji müayinə, bəlğəmin müayinəsi və qan analizi mühüm əhəmiyyət kəsb edir.
Xəstəliyin gedişatı xoşxassəlidir, vaxtında və düzgün müalicə olunarsa tam sağalma əldə etmək mümkündür.(milli.az)
8-05-2021, 07:27 | Günboyu yorğun, halsızsan? - Enerji itkisinin səbəbləri
https://www.medicina.az/gunboyu-yorgun-halsizsan-enerji-itkisinin-sebebleri
Günboyu yorğun, halsızsan? - Enerji itkisinin səbəbləri
16:00236 Baxış
Günboyu yorğun, halsızsan? - Enerji itkisinin səbəbləri
Son zamanlar qəhvə, energetik içki, yeməklə belə özünü enerjili hiss etməyən, daim yorğun, əzgin olan insanların, xüsusən gənclərin sayı artır.
Sutkanın saatından asılı olmayaraq yorğunlunğun nədən qaynaqlandığını araşdırıb:
1.Yuxunu analiz et
Bu banal bir yoxlamadır. Yorğun olan insan ilk növbədə nə qədər yatdığını, yuxu saatını xatırmalalıdır.
Əgər siz sutkada 8-9 saatdan az yatırsızsa və bu aylardır davam edirsə, o zaman başqa səbəblərə keçməyin.
Əgər insan 6 saat 15 dəqiqə belə yatırsa, bunu kifayət qədər hesab edirsə, səhv edir. Alimlər təsdiq edib ki, gündə 6 saat yatan insan özünü günboyu az da olsa yuxulu hiss edəcək. İndi gəlin görək 4-5 saat yatanların halı necə olmalıdır?
Gecə yuxusunun norması 7-9 saatdır. Siz gərək sutkada 7-8-9 saat yatıb, sonra halınızı analiz edin.
2.İdman enerji verdiyi kimi ala da bilir
Əgər idman zalında günü keçən qadın, kişi özünü yorğun hiss edirsə, deməli idmanda normanı aşır.
Faydalı məşq gündə 50 dəqiqədir. Həftəlik norma isə 150dəqiqədir. Əgər insan özünü yorğun hiss edirsə, deməli, o idmanda enerjisini tükədir.
Ona görə məşqlər arası fasilə verib orqanizm dincəlməlidir. Əgər səbəbi bunda görürsüzsə, trenerə bu barədə deyin və yükü azaldın, o zaman vəziyyətə baxın.
3.Yeyib-içdiyinizi incələyin
Qəbul etdiyiniz çay, içki, dərman belə szizi yorğun edə bilər. Əgər qidanızda zülal, yağ, karbohidrat yoxdursa, yorğunluq qaçılmazdır. Əgər normadan artıq içirsizsə, hətta pivə belə zəiflik, yuxululuq, yorğunluq gətirə bilir.
İçdiyiniz dərmanların təlimatını oxuyun, orda əks təsirlər kimi əzginlik, yuxululuq və s. qeyd olunur. Ən adi dərman belə orqanizmi halsız edə bilər. Dərmandan şübhələnirsizsə, müalicə bitənə kimi dözün və ya həkimə yan təsirlər barədə məlumat verin, dərmanı dəyişin.
Yeməyiniz zəifdirsə, o zaman balanslaşdırılmış, güclü qidalanmaya keçin. Vitamin, mikroelementlərin qəbuluna fikir verin.
4. Xəstəlikdən nə vaxt şübhələnməli?
Əgər yuxarıdakı səbəblər istinisnadırsa, qaydaya salandan sonra da vəziyyət düzəlmirsə, yorğunluğa səbəb olan daxili səbəb, yəni orqanik xəstəlikləri həkimlə birgə tapmağın vaxtıdır.
Hansı xəstəliklərdən baş verə bilər?
-Ümumi bir qan analizi verib, hemoqlobini yoxlatmaq. Anemiya, qanazlığı yorğunluğun birinci səbəbidir. Sizin toxuma və hüceyrələrinizdə oksigen çatışmır. Dİgər əlamətlərə diqqət: bənizin ağarması, əllərin soyuması, sarımtıl üz, təngnəfəslik, baş gicəllənmə. Sizdə dəmir çatışmazığı da ola bilər. Onu da xüsusi ferritin analizi ilə təyin edin.
- qanxanvari vəzin disfunksiyası, hormonal pozğunluqlar
Həm hipo, həm də hpertireoz yorğunluq verir.
-Nevroz,depressiya, psixoz - bu hallar da insanın gücünü azaldır. Depressiyada olan insan heş bir iş görmək istəmir. Əgər bütün analizlər normaldırsa, o zaman psixiatr və nevroloq müalicəsi almaq lazımdır.
-Xroniki yorğunluq sindromu və fibromialgiya - çox qarışıq bir diaqnozdur. Onu fərqləndirmək üçün peşəkar psixoloq və psixiatr lazımdır. İnsanda arzu, istək var, işə gedir, amma işlərini görməyə halı olmur. Səbəbsiz əzələ ağrıları da buna qoşulur.
- Vitamin, mineral, yağ defisiti - əsas vacib vitamin mineralları qanda yoxladın, xüsusən D vitaminini artırın.
Bütün bu hallarda masaj, yoqa, gimnastika, gəzinti, sakitləşdirici qəbulu, üzgüçülük, tənəffüs hərəkətləri yaxşı təsir edir.
Həmçinin diabet, ürək, ağciyər xəstəlikləri, dağınıq skleroz, piylənmə, xərçəng kimi xəstəliklər də yorğunluqla başlayır. /medicina.az/
8-05-2021, 06:40 | Gündə 3 stəkan qəhvə xərçəng riskini 52 faiz AZALDIR - Araşdırma
Araşdırmalara görə, qəhvə xərçəngin qarşısını almaqda böyük rol oynayır.
Türkiyəli həkim qastroenteroloq Vedat Göral bildirib ki, gündə 3-4 stəkandan çox qəhvə içənlərdə qaraciyər xərçənginə 52 faiz, qalın bağırsaq xərçənginə 36 faiz, mədə xərçənginə isə 13 faiz daha az rastlanılır:
"ABŞ və Yaponiyada aparılan çalışmalarda 12 il boyunca qidalanması izlənilən insanlardan mütəmadi qəhvə içənlərdə xərçəng xəstəliyinin azaldığı müşahidə edilib. Kimyaterapiya alıb qəhvə içənlərlə, kimyaterapiya alıb içməyənlərdə vəziyyətin fərqli olduğu sübut olunub. Qəhvə tərkibindəki polifenol, kahveol və kafestol kimi maddələrə görə xərçəngin qarşısını alır. Təbii ki, burada qəhvənin şəkərsiz olması önəmlidir. Qəhvə mütəmadi içilməlidir. Gündə ya da həftədə 1 stəkan içmək faydalı deyildir. Burada qəhvənin hazırlanması, içilməsi və növü də təsirlidir. Qəhvə xərçəng xəstələri üçün tövsiyə qidasıdır. Mədə və mədəaltı xərçəngini 13 faiz, qaraciyər xərçəngini isə 52 faiz azaldır. Eyni zamanda, qaraciyərin dostudur. O qaraciyər yağlanması, iltihab və serrozun qarşısını alır". /medicina.az
Milli.Az
24-04-2021, 07:57 | Qarındakı piyləri sürətlə əridən dəfnə yarpağı və darçın çayı
Dəfnə yarpağı və darçın birlikdə sehirli gücə malikdir.
Bu möcüzəvi qarışım sizə tez bir zamanda arıqlamağa, artıq piylərdən azad olmağa, dümdüz bir qarına sahib olmağa kömək edəcək
Lazım olan ərzaqlar:
1 litr su
2 çubuq darçın
10 dəfnə yarpağı
Hazırlanması:
Dəfnə yarpağını və darçını suya əlavə edib 10 dəqiqə qaynadın. Gündə 1 stəkan çay kimi için. Nəticəni elə ilk həftədə hiss edəcəksiniz.
Bu çayı bir ay ìçin və sizin ideal, dümdüz qarnınız olacaq. Dəfnə və darçın çayı həm də sizin sağlamlığınıza müsbət təsir edəcək.
Bu qarışım şirniyyata meylinizi azaldacaq. saqlamhəyat.az
24-04-2021, 07:51 | Rusiya sülhməramlıları Qarabağda nəyə hazırlaşırlar?
"Bir milyondan çox azərbaycanlı və erməni Böyük Vətən Müharibəsində faşizmlə mübarizə aparıb, onların yarıdan çoxu döyüş meydanında həlak olub".
Bunu Qarabağdakı Rusiya sülhməramlı kontingentinin nümayəndəsi Dmitri Perepelkin deyib.
"Azərbaycanla Ermənistanın Qələbədə böyük payını qeyd etmək istəyirəm. Böyük Vətən Müharibəsində Azərbaycan və Ermənistandan bir milyondan çox insan iştirak edib. Təəssüf ki, onların yarıdan çoxu döyüş meydanında həlak olub. İki yüz mindən çoxu orden və medallarla təltif olunub, iki yüz nəfərə yaxını Sovet İttifaqı Qəhrəmanı adı alıb", - Perepelkin xatırladıb.
Onun sözlərinə görə, mayın 9-da Qarabağdakı Rusiya sülhməramlı bölmələrində şəxsi heyətin Böyük Vətən Müharibəsində Qələbəyə həsr olunmuş təntənəli düzülüşü olacaq: "Bu il biz qələbənin 76-cı ildönümünü qeyd edəcəyik. Bu tədbir faşizmlə mübarizədə həlak olmuş bütün döyüşçülərin xatirəsinə həsr ediləcək".
Bundan başqa, mayın 9-da sülhməramlılar Böyük Vətən müharibəsi veteranlarına kömək məqsədilə bir sıra humanitar aksiyalar da keçirəcəklər.Virtualaz.org
