24-04-2021, 07:57 | Qarındakı piyləri sürətlə əridən dəfnə yarpağı və darçın çayı
Dəfnə yarpağı və darçın birlikdə sehirli gücə malikdir.
Bu möcüzəvi qarışım sizə tez bir zamanda arıqlamağa, artıq piylərdən azad olmağa, dümdüz bir qarına sahib olmağa kömək edəcək
Lazım olan ərzaqlar:
1 litr su
2 çubuq darçın
10 dəfnə yarpağı
Hazırlanması:
Dəfnə yarpağını və darçını suya əlavə edib 10 dəqiqə qaynadın. Gündə 1 stəkan çay kimi için. Nəticəni elə ilk həftədə hiss edəcəksiniz.
Bu çayı bir ay ìçin və sizin ideal, dümdüz qarnınız olacaq. Dəfnə və darçın çayı həm də sizin sağlamlığınıza müsbət təsir edəcək.
Bu qarışım şirniyyata meylinizi azaldacaq. saqlamhəyat.az
24-04-2021, 07:51 | Rusiya sülhməramlıları Qarabağda nəyə hazırlaşırlar?
"Bir milyondan çox azərbaycanlı və erməni Böyük Vətən Müharibəsində faşizmlə mübarizə aparıb, onların yarıdan çoxu döyüş meydanında həlak olub".
Bunu Qarabağdakı Rusiya sülhməramlı kontingentinin nümayəndəsi Dmitri Perepelkin deyib.
"Azərbaycanla Ermənistanın Qələbədə böyük payını qeyd etmək istəyirəm. Böyük Vətən Müharibəsində Azərbaycan və Ermənistandan bir milyondan çox insan iştirak edib. Təəssüf ki, onların yarıdan çoxu döyüş meydanında həlak olub. İki yüz mindən çoxu orden və medallarla təltif olunub, iki yüz nəfərə yaxını Sovet İttifaqı Qəhrəmanı adı alıb", - Perepelkin xatırladıb.
Onun sözlərinə görə, mayın 9-da Qarabağdakı Rusiya sülhməramlı bölmələrində şəxsi heyətin Böyük Vətən Müharibəsində Qələbəyə həsr olunmuş təntənəli düzülüşü olacaq: "Bu il biz qələbənin 76-cı ildönümünü qeyd edəcəyik. Bu tədbir faşizmlə mübarizədə həlak olmuş bütün döyüşçülərin xatirəsinə həsr ediləcək".
Bundan başqa, mayın 9-da sülhməramlılar Böyük Vətən müharibəsi veteranlarına kömək məqsədilə bir sıra humanitar aksiyalar da keçirəcəklər.Virtualaz.org
24-04-2021, 07:35 | Qırışmağa meyilli olan quru dərini necə qorumaq olar..bunu bilirdinizmi..
Hər bir insan öz dəri tipinə uyğun vasitələrdən istifadə etməlidir. Kosmetik vasitələr, Günəş şüaları, hamiləlik zamanı və dərmanların təsirindən dəridə müxtəlif ləkələr yaranır. Belə cildlərə pretinol, vitamin C, E, üzüm çəyirdəyi, tut, biyan köklü vasitələrlə qulluq etmək məsləhətdir. Belə dərilərə tərkibində cildi ultrabənövşəyi A və B tipli Günəş şüalarından qoruyan sink-oksid və titan-dioksid filtrləri olan qoruyucular sürtülməlidir. Daha yaxşı nəticələrin alınması üçün isə orta dərinlikdə pilinq etmək tövsiyə edilir. Dermatoloqların araşdırmalarına görə, məsamələri kiçik, incə üst dəriyə sahib, yağ ifrazatı normal olan, az nəmli quru cildlər erkən qırışmağa meyilli olur. Soyuq hava, külək, ultrabənövşəyi şüalar, pis hava şəraiti dəriyə mənfi təsir göstərir. Quru dərilərə erkən yaşlardan şüurlu şəkildə qulluq göstərməklə erkən yaşlanmanın qarşısını almaq mümkündür.
Quru dərilərə qulluq etdikdə ölü dəri hüceyrələri aradan götürülür, çirk və makiyaj təmizlənilir. Vitamin E, superoxide dismutase, yaşıl çay ekstraktı, co-enzyme Q-10 aktiv tərkibli sərbəst oksigen radikalları aradan qaldırılır, allantoin, bisabolol, maya eksrtaktı kimi aktiv tərkibli maddələrdən istifadə olunur. Maskalardan dəri tipinə görə istifadə etdikdə qulluğun təsiri daha yaxşı olur. Hyaluronik turşu və qliserin quru dərini nəmləndirir, jojoba yağı, primula yağı (primrose oil) avokado yağı ilə massaj etdikdən sonra isə ultrabənövşəyi şüalara qarşı tam qoruyan sink-oksid və titan-dioksid filtrləri ehtiva edən qoruyuculardan istifadə edilir.(milli.az)
24-04-2021, 07:30 | Bu 2 yağ koronavirusa qarşı effektivdir – Evdə və çöldə istifadə edin
Təbii efir yağları viruslara qarşı çox effektivdir, əgər onların həqiqətən təbiisini tapsanız, çünki sintetik yağlar kosmetik yağdan başqa bir işə yaramır.
Rusiyalı endokrinoloq Nataliya Zubareva koronavirusa qarşı 2 vacib efir yağını açıqlayıb.
Bunlar lavanda və çay ağacı yağıdır.
Efir yağları az miqdarda olur və tünd şüşədə satılır, kəskin efir qoxusu gəlir. Təmiz yağlarda bitkinin botatik tibbi adi yazılır, məsələn Lavandula officinalis.
Efir yağları içində bu yağlar antiseptik və immunitet stiumuləedici təsir göstərir.
"Hazırda bu yağlardan evdə və çölə çıxarkən maskaya çəkmək, biləyə çəkmək, buruna çəkməklə istifadə edə, aromalampada yandırıb ətrini evə verə bilərsiz.Eləcə də qaynar suya bir neçə damla damızdırıb, inhalyasiya oluna bilər. Yağlar uşaqlarda ehtiyatla istifadə olunmalıdır".//medicina.az//
24-04-2021, 07:25 | Yüksək təzyiq xəstəsi yumurta yeyə bilərmi? - Fəsadları
Yüksək təzyiq xəstələri bir çox qidalardan uzaq durmalıdır. Bunların içində yumurta barədə də çox deyilir. Təzyiqin müalicəsində birinci vasitə qida, pəhrizdir. Yağlı, duzlu, şirin qidalar azaldılmalıdır.
Hipertonik insan əgər yumurta yeyərsə təzyiqi qalxarmı? Təzyiq xəstəsi gündə necə ədəd yumurta yeyə bilər.
Bəzi mütəxəssis həkimlər yumurtada olan zülal və xolesterinin təzyiqi qaldırdığına istinad edib, onu təzyiq xəstələrinə qadağan edib.
Digərləri isə hesab edir ki, yumurta böyrəkləri yükləyir, çəkini artırır, bu da ürəyə zərərdir.
Digər tərəfdən yumurta orqanizm tərəfindən 100% mənimsənilir, mineral və vitaminlərlə, amin turşuları ilə zəngindir. Və bu qida təzyiq xəstələri üçün qadağan edilə bilməz.
Yumurtada olan xolesterin isə yaxşı xolesterindir və damar divarlarını qalınlaşdırmır.
Alimlər nə deyir?
Kanada və Çin alimlərinin apardıqları tibbi təcrübələr təzyiq xəstəsinə yumurtanın zərəri barədə mifləri dağıdıb.
Əksinə, yumurta hipetonik xəstəliyin yaranmasının qarşısını ala bilər.
Yumurtada olan amin turşular və peptidlər damar genişləndirici təsir edir, bu da hipertoniya dərmanlarındakı kimi effekt verir.
Təzyiq xəstələri yağda qızardılmış omlet, qayğanaq yox, suda bişmiş soyutma yumurta yeməlidir. Kərə yağında bişmiş yumurta bu adamlar üçün zərərli ola bilər.
Gündə 2, maksimum 3 ədəddən artıq yumurta yemək olmaz. //medicina.az//
24-04-2021, 07:15 | Ramazanın 11-ci gününün duası, imsak və iftar vaxtı
Aprelin 24-ü Ramazan ayının 11-ci günüdür.
Qafqaz Müsəlmanları İdarəsinin açıqladığı Ramazan təqviminə əsasən, Bakıda imsak saat 04:12-də, iftar isə saat 19:43-dədir.
Ramazan ayının 11-ci gününün duası:
"Allahummə həbbib ileyyə fihil-ihsan. Və kərrih ileyyə fihil-fusuqə vəl-isyan. Və hərrim əleyyə fihis-səxətə vən-niyran. Bi-ovnikə ya ğiyasəl-müstəğisin".
Tərcüməsi:
"İlahi, bu gün ehsan etməyi mənə sevdir! Bu gün fisq və asilikdən məni ikrah etdir! Bu gün öz qəzəbini və cəhənnəm atəşini məndən uzaqlaşdır! Yardımına and verirəm, ey fəryad edənlərin dadına çatan!"
Allah orucunuzu qəbul etsin!
23-04-2021, 08:26 | "Milan" Zlatan İbrahimoviçlə müqavilənin uzadıldığını açıqlayıb
İsveçli hücumçu Zlatan İbrahimoviç İtaliyanın "Milan" futbol klubu ilə müqaviləni yeniləyib.
Bu barədə komandanın mətbuat xidməti bildirib.
Məlumata əsasən, 39 yaşlı oyunçu ilə yeni müqavilə bir mövsüm uzadılıb.
Z.İbrahimoviç "Milan"da 2020-ci ildən bəri oynayır, bundan əvvəl o 2010-2012-ci illərdə komandanı təmsil edib.
23-04-2021, 08:19 | Yol polisi Daşkəsəndə reyd keçirib - FOTO
Daşkəsən Rayon Polis Şöbəsinin Dövlət Yol Polisi bölməsinin əməkdaşları rayonun küçə və prospektlərində dayanma-durma qaydalarının düzgün təmin edilməsi ilə əlaqədar reyd keçiriblər.
Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, rayonun müxtəlif nöqtələrində dayanma-durma, parklanma qaydalarını pozan, eləcə də avtobus dayanacaqlarını, piyada səkilərini zəbt edən nəqliyyat vasitələrinin sürücüləri ilə yol polisi əməkdaşları maarifləndirici söhbətlər aparıb.
Dayanma-durma qaydalarını kobud şəkildə pozan avtomobillərin sahibləri barəsində inzibati protokollar tərtib olunub.
23-04-2021, 08:06 | “Microsoft” korporasiyası “Windows 7” üçün yeniləmə təqdim edib
Köhnəlmiş "Windows 7" əməliyyat sistemi (ƏS) üçün yeniləmə çıxarılıb. Bu haqda "Softpedia" nəşri məlumat verib.
"KB5001335" adlı yeniləmə paketi həm təhlükəsizlik, həm də əməliyyat sistemi üzrə kiçik yeniləmələri əhatə edir. Məsələn, onlardan bir neçəsi ƏS-də müəyyən səhvləri aradan qaldırır.
Jurnalistlərin sözlərinə görə, yeniləmə yalnız sözügedən ƏS-nin bu və ya digər səbəblərə görə "Windows 10"nun mövcud versiyasına kimi yeniləmək imkanına malik olmayan korporativ istifadəçiləri üçün əlçatan olacaq. Məlumata görə, indiyədək dünyadakı kompüterlərin təxminən 20%-i "Windows 7" sisteminin idarəetməsi altında işləyir.
( ted.az)
23-04-2021, 08:01 | Windows 10-da olan Timeline funksiyasının imkanları məhdudlaşdırılacaq
Öz əməliyyat sisteminin təkimlləşdirilməsilə məşğul olan Microsoft şirkəti Windows 10-nun növbəti versiyasında bir sıra faydalı funksiyanı aradan qaldırıb. Belə ki, yaxın zamanda istifadəçilər hələ 3 il bundan öncə istifadəyə verilmiş Timeline funksiyasının bir çox imkanından istifadə edə biləyəcəklər. Qeyd etmək lazımdır ki, Windows 10-la çalışan noutbuk və kompüter sahibləri Timeline funksiyası vasitəsilə istənilən vaxt sistemdəki dəyişiklik xronologiyasını, fayllarla çalışmanı və həmçinin əlavə edilmiş yeni sənədləri izləyə bilirlər. Win+Tab kombinasiyası sayəsində işə düşən Timeline paneli axtarış prosesinə vaxt itirmədən sistemdə olmuş dəyişikliklərin sürətli izlənməsi imkanını verir.
İstifadəçinin son ay ərzində daxil olduğu saytlar ilə fayllar Timeline tarixçəsində qeydə alınır. Bunu hətta Android və iOS-də də etmək mümkün idi. Lakin təəssüflər olsun ki, keçən ilin noyabr ayında Android üçün olan Microsoft Launcher-dən Timeline yığışdırılmışdı. İndi isə sözügedən funksiya həmçinin tərtibatçılar üçün nəzərdə tutulmuş Windows 10 Insider-də də deaktiv edilib. Microsoft bu vəziyyətə fikir bildirib və qeyd edib ki, o, Timeline funksiyasını tamamilə deaktiv etmək niyyətində deyil. Sadəcə olaraq bu funksiyanın imkanları bir qədər məhdudlaşdırılacaq. Bir neçə müddət bundan öncə baxılmış saytlar ilə fayllara yenidən nəzər yetirmək imkanı olduğu kimi qalacaq. Lakin mobil cihazlarla sinxronlaşdırılma mümkün olmayacaq.
