4-12-2020, 13:45 | "Şəhidlik yaxşı ölümdür" deyirdi - Şəhid Tural Rəhimov
"Özünü dərk edəndən vətənpərvər idi, ancaq Vətəndən danışırdı. Hamı mənə deyir ki, halal olsun sənə ki, belə vətənpərvər uşaq böyütmüsən.Deyirdim ki, yox, mən ona heç nə etməmişəm, vətənpərvərlik onun qanından axır".
Trend bildirir ki, bunu Suqovuşan uğrunda gedən döyüşlərdə qəhrəmancasına həlak olan Tural Rəhimovun anası Süsən Məmmədova bildirib.
Onun sözlərinə görə, ki, Turalı cəbhəyə sevinclə yola salıblar:
"Özü o qədər sevinclə gedirdi ki, biz də onun sevincinə qoşulurduq. Qürurlu idi. Uşaq vaxtından əsgər getmək istəyirdi. Vətən həsrəti ilə böyüyüb, həmişə də deyirdi ki, gedib Laçını alacayıq " .
Şəhidin nənəsi Gülbəs Məmmədova deyib ki, Tural hər zaman Laçını azad edəcəyini deyirdi: "Yanında o qədər "Laçın, Laçın" deyirdik ki, o da "gedəcəm Laçına torpağımızı alacam, amma ola bilər ki, orada şəhid olaram, məni bayrağa büküb gətirərlər" deyirdi. Niyə elə deyirsən deyəndə cavab verirdi ki, şəhidlik fərqli ölümdür. O ölüm yaxşı ölümdür".
Şəhidin atası Gəray Rəhimov deyib ki, Tural hər zaman ön cəbhədə olmağı istəyib:
"Kəşfiyyata yazıldığını biləndə Turala dedim ki, niyə kəşfiyyata yazıldın. Dedi, kəşfiyyatçılar həmişə öndə olurlar, mən arxa cəbhəni sevmirəm. Döyüşlərə sevinə-sevinə getirdi. Vətəni, bayrağı çox sevirdi".
Şəhidin azyaşlı qardaşı Mehdi Rəhimli qardaşı Turalla fəxr etdiyini deyib.
Onun sözlərinə görə, Tural ona hər zaman doğma yurdları olan Laçın haqqında məlumat verib:
"O, xəriitə alıb divara asmışdı. Mənə hər zaman Laçın haqqında məlumat verirdi, xəritədə əlini uzadaraq göstərirdi ki, bura Laçındır.. Deyirdi ki, onun 125 kəndi var".
atası
4-12-2020, 13:38 | Azərbaycan xalqı Şəhidlər Xiyabanını ziyarət edir - FOTOlar
Bu gün Azərbaycanın ərazi bütövlüyü yolunda canını qurban vermiş şəhidlərimizin xüsusi anım günü kimi qeyd edilir.
Vətən müharibəsində həlak olanların xatirəsini yad etmək üçün paytaxt sakinləri Şəhidlər Xiyabanına ziyarət edirlər.
Trend-in fotoqrafı Zaur Mustafayev insanların Şəhidlər Xiyabanına ardı-arası kəsilməyən ziyarətindən fotoşəkillər təqdim edir:
Allah bütün şəhidlərimizə rəhmət eləsin! (Trend)
4-12-2020, 13:24 | Ədliyyə Nazirliyinin şəhid şöbə müdirinin ailəsindən VİDEOREPORTAJ
Dedim istəmirəm gedəsən, uşaqlarımız var. Dedi yox, gedirəm və qayıdacağam. Mən indi 3 övladın sayəsində yaşayıram. 6 yaşında olan övladım atasıyla qürur duyduğunu söylədi. Axırıncı dəfə mənə dedi ki, ana, bu üzün ata olacaq, digər üzün ana. Ondan sonra necə yaşamayasan?!
Bu sözləri AzTV-yə müsahibəsində şəhid Ruhin Xəlilovun həyat yoldaşı Günel Xəlilova deyir.
Şəhid R. Xəlilov Cəbrayıl rayonu Məzrə kəndində anadan olub, 6 yaşında isti ocağını tərk edib. 10 ilə yaxın müddətdə Ədliyyə Nazirliyində şöbə müdiri vəzifəsində çalışıb.
O sevdiyi qadını, 3 azyaşlı övladını, yaşlı ata- anasını soyuq səngərə dəyişib. Vətən müharibəsi başlayandan könüllü cəbhəyə yollanıb. Qubadlı istiqamətində gedən döyüşlərdə qəhrəmancasına şəhid olub.
Şəhidin atası Müzəffər Xəlilov deyir ki, 1993-cü ildə öldürülən anasını da şəhid hesab edir: "Anamı ermənilər öldürdü. O, çox vətənpərvər biri idi. Oğlum ora getmək istəyirdi, orda da ölmək istəyirdi".
Şəhidin bacısı Gülnar Xəlilova deyir ki, qəhrəman qardaşı hələ Tovuz hadisələri zamanı orduya könüllü yazılıbmış: "Bizim ondan xəbərimiz olmayıb. Sonra da gedib sentyabrın 27-si qeydiyyatdan keçib, ayın 1-i də ki, çıxıb getdi...(qafqazinfo)
4-12-2020, 13:18 | Xudayar Yusifzadənin ailəsi üçün ev tikiləcək - FOTO
Əmək və Əhalinin Sosial Müdafiəsi Nazirliyi Vətən müharibəsində şəhidlik zirvəsinə ucalan Xudayar Yusifzadənin hazırda kirayədə qalan ailəsi üçün sosial tərəfdaşın dəstəyi ilə fərdi yaşayış evi tikilməsini öhdəsinə götürüb.
Bu barədə nazirliyin İctimaiyyətlə əlaqələr və kommunikasiya şöbəsinin müdiri Fazil Talıbov Feysbuk hesabında yazıb.
Nazirliyin əməkdaşları ailə ilə görüşərək, yaşayış vəziyyətlərini öyrənib.
Müəyyən olunub ki, şəhidimiz hələ azyaşlı olarkən atası vəfat edib və hazırda ailə yeddi nəfərdən (şəhidin anası Radə Qurbanova, pensiyaçı baba və nənəsi, qardaşı Yusif və Məhəmməd öz ailəsi ilə) ibarətdir. Üç il əvvəl ailənin yaşadığı ev yandığından, Bərdənin Qazıqurdalı kəndində kirayədə yaşayırlar.
Ailənin yanmış evinin olduğu torpaq sahəsində Nazirlik sosial tərəfdaşın dəstəyi ilə şəhidimizin ailəsi üçün fərdi ev tikilməsini öhdəsinə götürüb.
Xudayarın bacısı ailəlidir və ailənin aztəminatlı olması nəzərə alınaraq ünvanlı sosial yardımı almaları üçün müraciət etmələrinə dəstək göstəriləcək.
Şəhidin qardaşlarından biri işləyir. Digər qardaşı Yusif isə artıq özünüməşğulluq proqramına cəlb edilib. Elə bu gün proqram çərçivəsində heyvandarlıq təsərrüfatının yaradılması üçün ona mal və materiallar veriləcək.
Allah bütün şəhidlərimizə rəhmət eləsin! Onların ruhu qarşısında baş əyirik!
( qafqazinfo)
4-12-2020, 13:11 | 15 günlük qapanma və "SMS icazə" sistemi ilə bağlı AÇIQLAMA
Dünyada və Azərbaycanda son günlər koronavirusa yoluxanların sayı heç də ürəkaçan deyil. Operativ Qərargahın sonuncu brifinqində bildirilib ki, yoluxma sayı artmaqda davam edərsə, 2 həftəlik sərtləşməyə gediləcək. Azərbaycanda bu həftədən "SMS icazə" sistemi tədbiq edilə bilərmi?
Bununla bağlı fikirlərini sonxeber.az-la bölüşən deputat Müşfiq Cəfərov bildirib ki, brifinqdə sərt karantin rejimi ilə bağlı fikirlər səsləndirilsə də, bunun iqtisadi tərəflərini düşünmək lazımdır:
"Sərtləşməyə gedildiyi halda gərək dövlət hesablamalar aparsın. Əvvəlki kimi "SMS icazə" və iş yerlərinin bağlanması olduqda, bunun iqtisadi məqamları var. Ona görə də gərək hər şey ölçülsün və dəqiqləşdirilsin. Amma istənilən halda rəqəmlər ürəkaçan deyil. Yoluxma sayının artmasının səbəbkarı əsasən hələ də bu xəstəliyin ciddiliyini dərk etməyən insanlardır.
Düzdür, karantin rejimi və maskalarla bağlı qaydalar sərtləşdirilib. Təkrar-təkrar maarifləndirici işlər görülür. Amma qaydalara əməl etməyən insanlar qalmaqdadır. Ona görə də yoluxma ilə bağlı vəziyyət bu səviyyəyə çatıb. İnsanlar hətta qapalı yerlərdə də əsasən burundan aşağı maskadan istifadə edirlər. Ona görə də maskalarla bağlı qaydalar daha da sərtləşdirilməlidir. Mütləq şəkildə maskalar burundan aşağı istifadə edilməməlidir.
15 günlük qapanmaya gəldikdə isə, düşünürəm ki, bu qaydanın iqtisadi tərəfi analiz edilməlidir. Bundan sonra 15 günlük qapanma ilə bağlı qərar verilə bilər. Əlbəttə, bu, dövlətimiz və insanlarımız üçün arzuolunan deyil. Hər kəs maksimum dərəcədə diqqətli və məsuliyyətli olmalıdır".
Deputat vurğulayıb ki, bayram şənliklərində insanlar kütləvi şəkildə bir araya toplaşır:
"44 günlük Vətən müharibəsində əldə etdiyimiz qələbə sevincinin qeyd edilməsi də yoluxmanın artmasına səbəb oldu. Bu, bizim 28-30 il gözlədiyimiz zəfər idi. Ona görə də arzuladığımız formada yaşadıq. Bundan əlavə, şəhidlərimizin dəfn mərasimlərində də kütləvi toplaşmalar oldu. Hesab edirəm ki, buna görə də bayram günlərində insanların kütləvi toplaşmasına icazə vermək olmaz. Çünki kütləvi toplaşmalar bu kimi fəsadlara səbəb olur".
4-12-2020, 13:09 | Vətən Müharibəsində şəhid olan DİN kapitanı - FOTO
Daxili İşlər Nazirliyinin (DİN) Daxili Qoşunlarının kapitanı Şamil Babayev Vətən Müharibəsinin şəhidlərindədir.
Nazirlikdən milli.az-a verilən məlumata görə, 32 yaşlı Ş.Babayev Culfa rayonunun Camaldın kəndində doğulub.
O, Şuşa istiqamətində gedən döyüşlərdə həlak olub. Evli idi.
4-12-2020, 13:05 | Şəhidlərin xatirəsi bir dəqiqəlik sükutla yad edildi - VİDEO
Bu gün Vətən müharibəsində şəhid olanların xatirəsinə həsr edilmiş xüsusi anım günüdür.
Azərbaycan Respublikasının ərazi bütövlüyü yolunda canını qurban vermiş Vətən müharibəsi şəhidlərinin əziz xatirəsi saat 12:00-da bir dəqiqəlik sükutla yad edilib.
Vətən müharibəsində Silahlı Qüvvələrimizin 2 783 nəfər hərbi qulluqçusu həlak olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri tədbirlər görülür. Hazırda 1 245 nəfər hərbi qulluqçumuzun tibb müəssisələrində müalicəsi davam edir.
Allah bütün şəhidlərimizə rəhmət eləsin və yaralı hərbçilərimizə şəfa versin! Trend
3-12-2020, 12:33 | Polisdən əhaliyə XƏBƏRDARLIQ
Koronavirus (COVID-19) infeksiyasının kütləvi yayılmasının qarşısının alınması məqsədilə tətbiq edilən xüsusi karantin rejimi ilə əlaqədar aktiv koronavirus xəstələrinə nəzarət-profilaktik tədbirlər gücləndirilib.
Bu barədə oxu.az-a açıqlamasında Daxili İşlər Nazirliyinin (DİN) Mətbuat Xidmətinin KİV və ictimaiyyətlə əlaqələr şöbəsinin rəisi polis mayoru Elşad Hacıyev məlumat verib.
O bildirib ki, polis və Daxili Qoşunların hərbi qulluqçuları tərəfindən paytaxt ərazisində, eləcə də bölgələrdə aktiv koronavirus xəstələrinin sərbəst hərəkətinə icazə verilmir:
"COVID-19 xəstəliyi ilə əlaqədar analiz nəticələri pozitiv çıxan bütün şəxslərlə bağlı ərazi polis orqanlarına dərhal məlumat verilir. Koronavirusa yoluxan şəxslər məsuliyyətli davranmalı, ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.
Ötən gün tərəfimizdən küçədə 27 nəfər COVID-19 xəstəsi müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Və bu şəxslər polis tərəfindən ictimai yerlərdə müəyyən olunub ki, onların ünsiyyətdə olduğu hər bir şəxs istintaq araşdırmaları zamanı yoxlanılacaqlar. Görünən odur ki, tək bir gündə 27 nəfərin məsuliyyətsiz davranışı, cəmiyyət üçün nə qədər təhlükəlidir. Hər bir evin qarşısına bir polis postu qoyula bilməz, dünyada belə təcrübə yoxdur. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir".
3-12-2020, 12:31 | Qarabağ Regional Ədliyyə İdarəsinin yaradılmasının səbəbi açıqlandı
Bizim bəzi rayonlarımız işğal altında olsa da, rayonların məhkəmələri fəaliyyətini davam etdirirdi. Bu rayonların məhkəmələrin işlərinin əlaqələndirilməsi, koordinasiya edilməsi, vətəndaşların Ədliyyə orqanlarına çıxış imkanın asanlaşdırılması, onlara hüquqi xidmət göstərilməsi məqsədilə Qarabağ Regional Ədliyyə İdarəsi yaradılıb.
Bu sözləri Ədliyyə Nazirliyinin Təşkilat-nəzarət baş idarəsinin rəis müavini Sübhi Kazımov deyib.
O bildirib ki, işğaldan azad edilən rayonların komendantları ilə artıq əlaqə saxlanılıb: "Onlarla çox sıx əməkdaşlıq edəcəyik. Biz ora səfərlərimizlə bağlı komendantlarla danışıqlar aparırıq".APA
3-12-2020, 12:16 | Bakıda parada hazırlıq işlərinə başlanıldı - FOTO
Yaxın günlərdə Azadlıq meydanında keçiriləcək hərbi parada hazırlıq işləri başlayıb.
Hazırlıq işləri ilə bağlı sosial şəbəkədə görüntülər paylaşılıb.
Qeyd edək ki, paradda Vətən müharibəsində düşməndən qənimət kimi ələ keçirilmiş hərbi texnika nümayiş etdiriləcək.qafqazinfo
