7-02-2020, 12:10 | İqbal Məmmədov kampaniyanın son gününədək görüşlərini davam etdirir - FOTOLAR
78 saylı Lerik seçki dairəsindən YAP-ın deputatlığa namizədi İqbal Məmmədov seçki kampaniyasının son günlərində də seçicilərlə görüşlərini davam etdirir. İ.Məmmədov bu dəfə Lerikin daha dörd kədində görüşlər keçirib.
Lerikin sərt iqlim şəraitinə baxmayaraq, təbliğat-təşviqat kampaniyasını uğurla davam etdirən namizəd rayonun Hamarmeşə, Bibiyani, Peştətük və Rəzgov kəndlərində seçicilərilə görüşüb. YAP-ın namizədi kənd ağsaqqalları, ziyalılar, ictimaiyyət nümayəndələri və gənclərlə söhbətləşib.
İ.Məmmədov öz seçicilərilə ötən 5 il ərzindəki deputat fəaliyyəti və qarşıda duran məsələlər haqqında geniş fikir mübadiləsi aparıb. Eyni zamanda, “Daha güclü Azərbaycan naminə!” seçki devizi altında növbəti 5 ildə də Prezident İlham Əliyevin daxili və xarici siyasəti sayəsində daha yüksək nailiyyətlər əldə ediləcəyindən bəhs edib. Görüşdə iştirak edən seçicilər Yeni Azərbaycan Partiyasını dəstəklədiklərini və partiyanın namizədinə yekdilliklə səs verəcəklərini bildiriblər.
7-02-2020, 12:06 | İqbal Məmmədov Conu KİƏD-nə daxil olan kənd sakinləri ilə görüşüb-FOTO/VİDEO
78 saylı Lerik seçki dairəsindən Yeni Azərbaycan Partiyasının yeganə namizədi İqbal Məmmədovun seçicilərlə kənd-bə-kənd görüşləri uğurla davam edir.
Deputatlığa namizəd İqbal Məmmədov növbəti uğurlu görüşünü Lerik rayonunun Conu kənd İƏD-nə daxil olan kəndlərin sakinləri ilə keçirib. Görüş əsanasında qaldırılmış problemlərdən biri də bu inzibati ərazi vahidi daxilində olan kəndlərin yollarının keçilməz halda olması olub. Dövlət Neft Şirkətinin maliyyə dəstəyi ilə keçilməz qayalıqlar partladılaraq illər boyu bu ərazi kəndlərinin yol problemləri də həllini tapıb. Sonradan bu yol Dövlət Proqramına daxil edilərək, ölkə Prezidentinin müvafiq Sərəncamına əsasən əsaslı tikintisinə başlanılmış və ölkə Başçısı tərəfindən 2018-ci ilin oktyabr ayında 27 km-lik Piran-Hamarat-Vijaker yolunun açılışı həyata keçirilib.
Kənd sakinləri Yeni Azərbaycan Partiyasının siyasi xəttini dəstəklədiklərini və bu Partiyanın namizədi İqbal Məmmədova səs verəcəklərini bildiriblər. İqbal Məmmədov havanın sərt keçməsinə baxmayaraq onunla görüşə gələn kənd ağsaqqalarına və sakinlərinə minnətdarlığını bildirib. (aia.az)
7-02-2020, 09:36 | Heydər Əliyev Beynəlxalq Aeroportunda 2020-ci ilin yanvar ayı üçün ən punktual aviaşirkətlərin adları açıqlanıb
07 fevral 2020-ci il, Bakı - Heydər Əliyev Beynəlxalq Aeroportu 2020-ci ilin yanvar ayı üçün ən punktual aviaşirkətlərin reytinqini tərtib edib.
Heydər Əliyev Beynəlxalq Aeroportunun mətbuat xidmətindən bildirilib ki, 2020-ci ilin yanvar ayı ərzində Bakıdan yola düşərkən "China Southern" (Çin) və "Ural Hava Yolları" (Rusiya) 100% punktuallıq göstəriblər.
"Aeroflot", "Etihad Airways" və "Turkish Airlines" aviaşirkətləri planlaşdırılmış uçuşların ən azı 90%-ni cədvələ uyğun yerinə yetirmişdirlər. "Kuwait Airways" (88,9%), "UIA" (88,2%), "Nordwind" (87,5%) və "Iraqi Airways" (85,7%) aviaşirkətləri həmçinin yüksək nəticələr göstəriblər.
Ümumilikdə isə, 2020-ci ilin yanvar ayı ərzində uçuşların 71%-i planlaşdırılmış cədvələ uyğun və ya cədvəldən 15 dəqiqədən artıq olmayan gecikmə ilə yerinə yetirilib.
Qeyd edək ki, ümumilikdə 2020-ci il ərzində Heydər Əliyev Beynəlxalq Aeroportu 60-dən çox müxtəlif istiqamət üzrə uçuşlar həyata keçirmiş 32 sərnişin aviaşirkətinə xidmət göstərib.
Heydər Əliyev Beynəlxalq Aeroportu sərnişin və yük daşımalarının həcminə, aerovağzal kompleksinin sahəsinə və yük terminalının buraxılış gücünə görə Azərbaycanın və regionun ən böyük aeroportudur.
6-02-2020, 12:36 | Parlament seçkilərində iştirak edən namizədlərin 22,58 %-i qadınlardır - Rekord vuruldu
Milli Məclisə növbədənkənar seçkilərlə bağlı 5 milyon 238 min seçici qeydiyyatdan keçib və bu seçicilər 125 dairə üzrə paylaşılır.
Bu barədə bu gün keçirilən mətbuat konfransında Resurs Analitik İnformasiya mərkəzinin sədri Rasim Quliyev məlumat verib.
R. Quliyev bildirib ki, müstəqillik dövrümüzdə keçirilən seçkilər bir daha Azərbaycanda seçki mədəniyyətinin formalaşdığını göstərir:
"Bu illər ərzində keçirilən seçkilərdə olan seçici aktivliyi də bunun bariz nümunəsidir. Belə ki, 2005-ci ildə keçirilən seçkilərdə - 42%, 2010-cu ildə- 46%, 2015-ci ildə isə 55% seçici aktivliyi müşahidə olunub. Keçən il dekabrda keçirilən bələdiyyə seçkilərində isə 32,2% seçici aktivliyi müşahidə olunub. Buna səbəb təsisatların özünə seçicilərin münasibətinin fərqli olmasından qaynaqlanır. Çünki Prezident seçkilərində seçici aktivliyi 80%-dən çox olub".
R. Quliyev qeyd edib ki, parlament seçkilərində iştirak edən namizədlərin 22,58 %-i qadınlardır: "Bu göstərici ilk dəfə rekord həddə qeydə alınır"
6-02-2020, 12:29 | Rafael Mehrəliyev Vətənini sevən, xalqına bağlı olan ləyaqətli vətən oğludur
Ölkədə baş verənləri davamlı olaraq doğru-dürüst araşdırıb ictimaiyyəti dolğun məlumatlandıran KİV-lərin sayı günbəgün azalmaqdadır.
Əslində özünü qərəzsiz hesab edən kiv istənilən situasiyada onu izləyənləri heyrətləndirməyi bacarmalıdır. Müasir jurnalistika texniki imkanlardan yararlanmaqla ən gizli saxlanılmış mövzuları cəmiyyətin üzünə açmaq iqtidarında olmalıdır. İctimaiyyətə təqdim olunan istənilən mövzu səmimi və qərəzsiz olmalıdır. Ancaq çox təəssüf ki, günümüzdə özünə əziyyət vermədən, heç bir araşdırma filan aparmadan, qeyri ciddi yazılar dərc edib, özünü cəmiyyətə operativ və qərəzsiz medya nümayəndəsi kimi sırımaq istəyənlər var.
Son günlər bir sıra arqument çatışmamazlığından əziyyət çəkən sayt və portallar, yenidən “Bakı Şəhər Mənzil Kommunal Təsərrüfat Departamentinin rəisi Rafael Mehrəliyev üzərinə hücuma keçmək niyyətlərini açıqca biruzə verməkdədirlər. Guya "Bakı meriyasının gizli oliqarxı: Rəfael Mehrəliyev imperiyası haqda ilginc dosye var".
Bütün bu gülünc hücumlarda, qərəzli yazılarda “kənar əl”, “şeytan barmağı”, “xüsusi maraq” dərhal hiss olunur. Diqqət yetirdikdə yazılanların lətifə, qurama, şişirdilmiş olduğu tamamilə aydın olur. Burada akademik olmağa ehtiyac yoxdur. Hər şey gün kimi aydındır. Yaxşı əgər obyektivlikdən söhbət gedirsə onda nədən əyriyə düz, düzə əyri deyilir? Əgər dəqiq qərəzsiz jurnalistikadan söhbət gedirsə,onda harda qaldı bu qərəzsizlik? Bu yazılanların qərəzlə ortaya çıxdığını kimsə də bilməsə şəxsən Millidestek.az olaraq biz bilirik. Onu da bildirək ki, uzun müddətdir xarab olmuş qramafon kimi eyni mövzunu təkrarlayan media orqanları isə hələ də bu şəxsin adından istifadə edirlər. Halbu ki, həmin çeynənmiş yazılarda göstərilən məlumatlar, “nin rəisi Rafael Mehrəliyev haqqında iftira və böhtanlarla bağlı məsələ məhkəmə predmeti də olmuş və nəticədə deyilənlərin təsdiqini tapmaması bəlli olmuşdur.
Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Bakı Şəhər Mənzil Kommunal Təsərrüfat Departamentinin rəisi Rafael Mehrəliyevdir.
Bakı Şəhər Mənzil Kommunal Təsərrüfat Departamentinin rəisi Rafael Mehrəliyev peşəkarlığı və qayğıkeşliyi ilə seçilən insandır.
Şərəfli peşəyə yiyələnən Rafael Mehrəliyev bu işin müqəddəsliyini qoruyub saxlayır. Rafael Mehrəliyev kömək etdiyi hər kəsin rəğbətini qazanan insanlardandır.
Sorğu apardıq ağız dolusu Rafael Mehrəliyevdən danışdılar yaxşı ki, Rafael Mehrəliyev Bakı Şəhər Mənzil Kommunal Təsərrüfat Departamentinin rəisi təyin olunub… Rafael Mehrəliyev öz isguzarlığı ilə tanınır və seçilir….
Rafael Mehrəliyev Ulu Öndər Heydər Əliyevin siyasi kursuna daim sadiqdir. Heç bir təmanna güdmədən, tutduğu vəzifədən asılı olmayaraq, vəzifədə olub-olmamasından asılı olmayaraq prezident İlham Əliyevə, dövlətə və dövlətçiliyimizə sabit, stabil, sadiq adamdır.
Heç bir qüvvə Rafael Mehrəliyevi heç vaxt əqidəsindən döndərə bilməz.
Rafael Mehrəliyev böyük müəllimi və idealı olan Heydər Əliyev kimi layiqli insanlara dəyər verməkdən zövq alır!
Rafael Mehrəliyev yüksək texniki biliyi və təhsili olan, yüksək iqtisadi, siyasi və təcrübi qabiliyyətləri olan istedad sahibidir!
Rafael Mehrəliyev ani və düzgün qərar qəbul edən insanlardandı!
Prezident İlham Əliyevdən nümunə götürən Rafael Mehrəliyevin böyüklüyü onun sadəliyində və insanlara insani münasibətindədi!
Rafael Mehrəliyev insanlara maksimum diqqət və qayğıyla yanaşır, onların problemlərini həll edərək, onların dövlətimizə və Prezidentimizə inamını artırır!
Rafael Mehrəliyev bütün işləri yüksək professionallıqla və böyük operativliklə icra edir! Bunun sirri onun Bakı Şəhər Mənzil Kommunal Təsərrüfat Departamentinin rəisi kimi çoxsahəli professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün postlarda Rafael Mehrəliyev özünü doğruldub. Bizdə hörmətli Rafael Mehrəliyevi dövlətimizə, xalqımıza şərəfli xidmətində yeni-yeni uğurlar başarılar diləyirik.
Ilkin Soltan
6-02-2020, 12:22 | Namizədlərin yaş həddi üzrə statistikası açıqlandı
Resurs Analitik İnformasiya Mərkəzi Milli Məclisə növbədənkənar seçkilərdə iştirak edən namizədliyi qeydə alınan şəxslərin yaş həddi üzrə statistikasını açıqlayıb.
Bu barədə bu gün keçirilən mətbuat konfransında Mərkəzin sədri Rasim Quliyev məlumat verib.
Onun sözlərinə görə, deputatlığa namizədliyi qeydə alınan şəxslərin yaş bölgüsü seçkiyə böyük inam olmasını bir daha sübut edir:
"Deputatlığa namizədliyi qeydə alınan şəxslərdən 82 nəfəri 18-28, 407 nəfəri 29-39 yaş, 542 nəfəri 40-45 yaş, 221 nəfəri 56-66 yaş, 43 nəfəri isə 67 yaşdan yuxarı olan şəxslərdir. 1998-ci ildə anadan olan və hazırda 22 yaşı olan 8 nəfər deputatlığa namizədliyini irəli sürüb. Eyni zamanda 1938-ci il təvəllüdlü 2 nəfərin də deputatlığa namizədliyi qeydə alınıb".
R.Quliyev qeyd edib ki, yaş həddi arasında bu cür bölgü cəmiyyətdə 1998-ci ildən sonrakı dövrdə islahatçılıq, yenilik ab-havasının mövcudluğunu göstərir: "İslahatların nəticəsini parlament seçkilərində iştirak edən deputatlığa namizədlərin sayında görürük".
6-02-2020, 12:15 | Gəlin Adilə səs verək
Fevral ayının 4 də Nərimanov rayonundaki
" Abu Arena " idman zalında minlərlə rayon sakinlərinin, muharibə və əmək veteranlarının,şəhid ailələrinin, qazilərin, görkəmli idmançıların, elm, mədəniyyət və incəsənət xadimlərinin və digər qonaqların istirakı ilə Nərimanov rayon 20 saylı ikinci seçki dairəsindən deputatlığa namizədliyi irəli sürülmüş Adil Əliyevlə möhtəsəm görüş keçirilmişdir.
Onu da qeyd edək ki, təbligat- təsviqat kompaniyası ərəfəsində kecirilmis hər bir görüş izdihamla qarşılanmış və millət vəkilinə el məhəbbəti qabariq dərəcədə hiss olunurdu. Beləki bir çox rayonların sakinləri öz deputatlarını tanımadıqları halda, Nərimanov rayonunda elə bir ailə olmaz ki Adil Əliyevi tanımasın.
İnsanlara sevgi və məhəbbətlə yanaşan xeyirxah insanlar tarix boyu hər zaman qürurla xatırlanırlar. Adil Əliyev də məhz belə xeyirxah, mərd, sözübütöv insandir. Əsl Allah adamıdir. Allahın ən mömin bəndələrindəndir. Namaz əhlidir. Muqəddəs Həcc ziyarətində olmuş və öz doğulduğu kəndində İki qoşa minarəli məscid tikdirmiş bu insanın xeyirxahlıqlarını sadalamaqla bitməz.
Adil muəllim usaqliq və yeniyetməlik illərini xatirlayaraq deyir : Məni internat məktəbinə gətirəndə hamı mənə iztehza ilə baxırdı. Sonra Leninqradda ( indiki Sankt Peterburqda )Ali Hərbi Akademiyada oxuyanda da hərbiçi olmağıma çoxları gülürdü.Ali məktəbdə oxuyarkən,mən vaqon bosaldarkən o vaxt çoxları valideyn qaygısıyla əhatə olunaraq hazır ev xörəyi yeyirdi.Gecə- gündüz çalışmışam.
6-02-2020, 09:50 | Prezidentin tapşırığı icra olunur: Bu şəhərlərdə içməli su təminatı layihəsi işə başlayacaq
Azərbaycanda vətəndaşların içməli su ilə təminatı ölkə rəhbərliyinin diqqət mərkəzindədir.
"Azərsu" Açıq Səhmdar Cəmiyyətinin ictimaiyyətlə əlaqələr şöbəsinin müdiri Anar Cəbrayıllı deyib.
Onun sözlərinə görə, dövlət başçısının tapşırığı ilə "Azərsu" ASC ölkə vətəndaşlarının içməli su ilə təminatının yaxşılaşdırılması ilə bağlı ardıcıl tədbirlər həyata keçirir: "Cənab Prezident ölkənin hər bir sahəsi kimi, bu sahəni də daim nəzarətdə saxlayır, əhalinin içməli suya olan tələbatının ödənilməsi üçün lazım olan bütün şəraiti yaradıb.
Dövlət başçısının nəzarəti ilə həyata keçirilən tədbirlər artıq öz bəhrəsini verib. Nəticədə bu gün ölkənin bir çox ərazilərində əhali tam olaraq içməli su ilə təmin edilib. Digər ərazilərin isə təminatı ilə bağlı sürətli işlər görülür. Bu sahəyə göstərilən xüsusi diqqət nəticəsində indiyə qədər "Azərsu" Naxçıvan Muxtar Respublikası istisna olmaqla, 52 şəhər və rayon mərkəzində əhalinin içməli su ilə təmin olunması və kanalizasiya xətləri ilə bağlı işlərə başlayıb.
Artıq 31 şəhər və rayonda su və kanalizasiya, 10-da isə su layihəsinin icrası yekunlaşıb. Bu gün regionlarda - Qusar, Masallı, Lerik, Astara, Lənkəran, Hacıqabul, Beyləqan, Tərtər, Daşkəsən, Mingəçevir, Ağdaş və Kəlbəcər rayonundan olan məcburi köçkünlərin məskunlaşdığı şəhərciklər 100 faiz su alırlar. Bundan başqa, İsmayıllı, Qəbələ, Oğuz, Qax, Zaqatala şəhərlərinin 95 faizi, Cəlilabad, Ucar, Zərdab, Kürdəmir, Şabran, Xaçmaz və Göyçay şəhərlərinin 90 faizindən çoxu 24 faiz içməli su ilə təmin olunub.
Bu gün "Azərsu" ASC-nin 8 regional idarəsi var. Deyə bilərəm ki, 6 saylı regional idarənin ərazisində əhalinin içməli su ilə təminatı 96 faizdir. Şirvan, Gəncə, Salyan, Neftçala , Yevlax, Horadiz, və Şəki şəhərlərində su təminatı nisbətən azdır. Burada içməli su təminatı layihələri yeni başlayıb. Bərdə və Balakən şəhərlərində isə bununla bağlı yaxın vaxtlarda işə başlanacaq".
31-01-2020, 21:26 | Tibbi maskalar bizi VİRUSdan qoruya bilər?
Soyuq fəsillər başlayanda şəhərdə tibbi maskalar taxan insanları görmək olur.
Görəsən, bu maskalar insanı soyuqdəymədən qoruya bilirmi? Milli.Az saglamolun.az-a istinadən bildirir ki, adi tibbi maska insanı viruslardan qoruya bilməz. Bu mümkün deyil. Səbəbi izah edək.
Xəstə insanın orqanizmində viruslar sürətlə çoxalmağa başlayır. Viruslar selikli qişalarda yaşayır - burunda, ağızda. İnsan nəfəs verəndə havaya çoxlu sayda viruslar düşür. Bu viruslar çox kiçikdir, mikroskopikdir - təxminən 10 nm. Adi tibbi maska bu virusları asanlıqla buraxır. Bundan əlavə 1-2 saatdan sonra maska insan nəfəsindən nəmlənir və bu da əlavə təhlükə yaradır. Viruslar və müxtəlif mikroblar üçün nəm mühit ən əlverişlidir. Beləliklə, 1-2 saatdan sonra maska artıq infeksiya mənbəyinə çevrilir.
Tibbi maska yalnız bir halda müəyyən kömək edə bilər - bu maskanı xəstə insan taxdıqda. Xəstə insan asqırır və öskürür və bu zaman ətraf mühitə onun ağız suyu ifraz olunur. Ağız suyunda virusların miqdarı adi nəfəsalma zamanı buraxılan havaya ilə müqayisədə, təbii ki, daha çoxdur. Maska ağız suyunun damçılarını çölə buraxmır. Bu halda maska müəyyən kömək edə bilər. Lakin maskanı hər 1-2 saatdan bir dəyişmək, istifadə olunmuş maskanı ehtiyatla çıxardıb dərhal atmaq və sonra əlləri yaxşı yumaq lazımdır.
Bir çox xarici ölkələrdə bu qəbul edilmiş qaydadır - ictimai yerlərdə olduqda (nəqliyyat, ofis, məktəb və s.) xəstə insan tibbi maska taxır və bununla ətrafdakıları müəyyən dərəcədə xəstələnməkdən qoruyur.
Beləliklə, tibbi maska bizi viruslardan qoruya bilməz. Soyuq fəsillərdə özünüzü viruslardan qorumaq istəyirsinizsə, immun sisteminizi daim möhkəmləndirin. Güclü immun sisteminə heç bir maska, respirator və s. lazım deyil. O, orqanizmə düşən istənilən virusu zərərsizləşdirmək qabiliyyətinə malikdir.
