13-12-2023, 12:04 | 40 yaşdan yuxarı kişilər orduya çağırılır
Ukrayna Prezidenti Vladimir Zelenski təsdiqləyib ki, rəhbərlik 40 yaşdan yuxarı kişilərin orduya çağırılmasını nəzərdən keçirir.
Axar.az-a istinadən xəbər verir ki, bu sözləri Zelenski ilə görüşən amerikalı senator Rocer Uiker deyib.
Ətraflı
O bildirib ki, Ukrayna öz ordusunun şəxsi heyətini gücləndirmək üçün əlavə imkanları araşdırır.
26-11-2023, 18:54 | Zərbə ağır oldu - Rus ordusunun mövqeləri ələ keçirildi
Rusiya qoşunları Kupyan-Svatov- Kreminna xəttində hücumlarını davam etdirsələr də, təsdiqlənmiş nəticə əldə edə bilməyiblər.
Bu barədə ABŞ-ın Müharibə Araşdırmaları İnstitutu (ISW) məlumat yayıb.
İnstitut Rusiya mənbələrinə istinadla bildirir ki, Ukrayna Silahlı Qüvvələri Kupyandan 22 km cənub-şərqdə, Yaqidnı rayonunda əvvəllər itirilmiş mövqeləri azad edib.
Eyni zamanda, ruslar Baxmut istiqamətində Klişçivkadan şimal-şərqdə və Andrivkada dəmir yolu xətti yaxınlığında irəlilədiklərini iddia ediblər, amma ISW bunun vizual təsdiqini tapmayıb.
Məlumata görə, Rusiya ordusu Avdiv ərazisində təsdiqlənmiş irəliləyiş əldə edib. Ruslar Krasnoqorivkadan şimala doğru irəliləyiblər. Eyni zamanda, Avdivdən 4 km şimal-qərbdə və Novokalinovı Stepovoyda irəlilədikləri də iddia olunurdu. Amma ISW bu iddianı da təsdiqləməyib.// teleqraf.com//
26-11-2023, 18:12 | Bölgədə yeni gəlişmə: Qərargah ondan çox zərbənin nəticələrini açıqladı
Ukrayna Silahlı Qüvvələrinin aviasiyası 24 saat ərzində Rusiya ordusuna qarşı 11 hücum həyata keçirib.
Bu barədə idarənin noyabrın 25-nə olan axşam hesabatında deyilir.
"Raket qoşunlarının bölmələri şəxsi heyətin, silah-sursatın və hərbi texnikanın cəmləşdiyi 7 əraziyə, 4 artilleriya qurğusuna və düşmənin bir sursat anbarına zərbələr endirib", - deyə Baş Qərargah əlavə edib.
"Düşmən də öz növbəsində bir gündə Ukraynaya 3 dəfə raket zərbələri endirib, ərazilərimizə 99 hava zərbəsi endirib. Rusiya ordusu MLRS-dən 38 dəfə atəş açmaq üçün istifadə edib.
Həmçinin, gün ərzində Ukrayna müdafiəsi "Şahed-136/131" tipli 74 hücum PUA-nı vurub. Ümumilikdə, düşmən Ukrayna ərazisinə 75 pilotsuz uçuş aparatı buraxıb. Rusiyanın hava terroru səbəbindən ukraynalılar arasında xəsarət alanlar var. Ukraynada yaşayış və mülki infrastruktura da ziyan dəyib"- hesabatda bildirilir. // teleqraf.com//
26-11-2023, 18:10 | Qalmaqallı türk bu addımı ilə Vildersə ŞOK yaşatdı
Noyabrın 22-də Hollandiyada keçirilən növbədənkənar seçkilərdə qalib gələn ifrat sağçı və İslam əleyhdarı siyasətçi Girt Uildersin hökumət qurmaq ümidini türk əsilli Dilan Yeşilgöz puç edib.
Seçki nəticələrini dəyərləndirən Azadlıq və Demokratiya Xalq Partiyasının lideri Dilan Yeşilgöz seçkilərdə qalib gələn ifrat sağçı Vilderslə hökumət qurmayacaqlarına işarə edib.
"Koalisiya bizim üçün seçim deyil, amma məsuliyyətdən qaçmırıq. Biz asanlaşdırıcı və konstruktiv şəkildə yaxşı tədbirlər görən sağ mərkəzçi kabineti dəstəkləyəcəyik" - o deyib. Seçkidən əvvəl Vilderslə hökumət qura biləcəklərini bildirən Yeşilgözün bu açıqlama ilə Vildersin üzünə "qapını bağladığı" düşünülür.
Hökumət qurmaq üçün sağ partiyaların dəstəyinə ehtiyacı olan Vilders Yeşilgözün sözlərini "məyusluq" kimi qiymətləndirib.
Ətraflı
Mütəxəssislər koalisiya danışıqlarının son aylara qədər davam edəcəyinə inanaraq, Vildersin baş nazirliyinin onun ifrat sağçı ritorikasını yumşaltmasından asılı olacağına inanırlar.
Bundan başqa, Hollandiyanın bir çox şəhərlərində Vildersə qarşı etirazlar keçirilir.
Qeyd edək ki, Ankara əsilli Dilan Yeşilgöz seçkilərdə qalib gələcəyi təqdirdə Hollandiyanın ilk qadın baş naziri olacaqdı. O, türklərə qarşı düşmənçiliyi ilə tanınır. 1984-cü ildə Hollandiyaya qaçan PKK terrorçusu Yücel Yeşilgözün qızı Dilan Yeşilgöz qondarma erməni soyqırımını tanıyan 5 türk əsilli millət vəkilindən biri olub. Türk və hicab düşmənliyi ilə tanınan Dilan Yeşilgözün əcdadlarının separatçı, kürdləri qətlə yetirən ermənilər olduğu, ancaq kürdlərdən dəstək almaq üçün özünü kürd kimi təqdim etdiyi iddia edilir. //musavat.com
//
24-11-2023, 06:33 | Ukrayna səfirliyi Polşa XİN-ə nota verdi vəziyyət “rusca” deyil
Ukraynanın Varşavadakı səfirliyi sərhəd keçid məntəqəsində daha bir sürücünün ölümündən sonra Polşa Xarici İşlər Nazirliyinə nota göndərib.
Respublica.Az qafqazinfo-ya istinadən xəbər verir ki, bu barədə Ukrayna diplomatik missiyasının rəhbəri Vasili Zvariç məlumat verib.
Səfir yük maşını sürən və Polşa daşıyıcılarının Korçev keçid məntəqəsi qarşısında tətil etməsi nəticəsində növbəyə düşmüş ikinci ukraynalı sürücünün ölümünə münasibət bildirib.
Zvariç aydınlaşdırıb ki, Ukrayna diplomatik departamenti təcili olaraq Polşa Xarici İşlər Nazirliyinə növbəti rəsmi nota verib və yük maşınlarının hərəkətinin qarşısının alınmasını tələb edib.
Respublica.Az
24-11-2023, 06:16 | İsraillə qarşıdurmalarda 85 “Hizbullah” üzvü ölüb
Livandakı "Hizbullah" hərəkatının İsrailin şimalındakı Safed şəhəri yaxınlığındakı hərbi məntəqəyə 48 "Katyuşa" raketi atdığı, həmçinin sərhəddəki 6 hərbi nöqtəyə də hücum həyata keçirdiyi bildirilib.
Respublica.Az qafqazinfo-ya istinadən xəbər verir ki, bu barədə "Hizbullah" yazılı açıqlama verib.
Bundan əlavə, Harba Maar, Marabda, Birka Rişa, Cəl əl-Aləm, Ed-Duhayra hərbi məntəqələrinin və İsrail sərhədində yerləşən Sasa qəsəbəsində toplanan əsgərlərin idarə olunan raketlər və müvafiq silahlarla hədəfə alındığı da qeyd edilib.
Bildirilib ki, "Hizbullah"ın daha 1 üzvü həlak olub.
Qeyd edək ki, oktyabrın 8-dən İsrail ordusu ilə qarşıdurmalarda həyatını itirən "Hizbullah" üzvlərinin sayı 85-ə yüksəlib.
Respublica.Az
24-11-2023, 06:12 | Az qala kürəyi üstə yıxılacaqdım - Paşinyan
Sənədlərə görə, bizdə hər şey qaydasındadır, müəyyən etmişik ki, bütün binalar əlillər üçün uyğunlaşdırılmalı və əlçatan olmalıdır. Amma bir çox hallarda praktikada problemlərlə qarşılaşırıq.
Respublica.Az axar.az-a istinadən bildirir ki, bu sözləri Ermənistan hökumətinin iclasında Baş nazir Nikol Paşinyan deyib.
"İki gün əvvəl bir binada pandusla qalxmağa çalışdım, ancaq az qala kürəyi üstə yıxılacaqdım. Çünki pandusun bucaqları o qədər geniş idi ki, onu 4*4 ölçülü avtomobillə qalxmaq olardı. Və bu geniş yayılmış bir fenomendir. Pandus var? Bəli, əlbəttə, amma heç kim ondan istifadə etməyə çalışmayacaq. Əlilliyi olan şəxs pandusa qalxmağa çalışsa, pilləkənlərdən istifadə etməyin daha yaxşı olduğunu başa düşəcək", - Paşinyan bildirib.
Qeyd edək ki, bugünkü iclas zamanı hökumət binasının işıqları da sönüb.
Respublica.Az
24-11-2023, 06:11 | Bunu etmədən ərəblərlə sülh mümkün deyil
HƏMAS məhv edilmədən fələstinlilər və ərəb ölkələri ilə sülh mümkün deyil.
Respublica.Az axar.az-a istinadən bildirir ki, bu sözləri İsrail Baş naziri Benyamin Netanyahu Böyük Britaniya XİN rəhbəri Devid Kemeronla görüşdən sonra açıqlamasında deyib.
O bildirib ki, İsrail HƏMAS-a qarşı əməliyyatları davam etdirir:
"Biz müharibənin məqsədlərinə çatmağa və HƏMAS-ı məhv etməyə davam edəcəyik, çünki HƏMAS eyni şeyi təkrar-təkrar edəcək".
Respublica.Az
24-11-2023, 06:02 | Bir israilli qarşılığında 3 fələstinli azad ediləcək - HƏMAS
Humanitar atəşkəs çərçivəsində hər israilli girov qarşılığında 3 fələstinli azad ediləcək.
axar.az-a istinadən bildirir ki, bu barədə HƏMAS-ın məlumatında deyilir.
"Qadınlar və uşaqlar da daxil olmaqla, üç fələstinli məhbus girov götürülmüş hər sionist (israilli - red.) müqabilində azad ediləcək", - deyə bildirilib.
Qeyd edək ki, Qətər dövləti sabah yerli vaxtla saat 7:00-dan Qəzzada humanitar atəşkəsin başlayacağını bildirib.
24-11-2023, 05:53 | İran məni öldürmək istəyir - Roka
İspaniyanın sağçı Voks Partiyasının qurucusu, Kataloniyada sağ mərkəzçi Xalq Partiyasının keçmiş lideri Alxo Vidal Kuadras Roka İran hökumətini ona qarşı sui-qəsd törətməkdə ittiham edib.
axar.az-a istinadən bildirir ki, Roka bu barədə İran müxaliflərinin xaricdə keçirdikləri toplantısına göndərdiyi məktubda yazıb.
"İcazə verin bir daha İran rejiminin özünün şər iradəsini həyata keçirmək üçün bizə tətbiq etdiyi metodları sizə xatırladım. Rejimin əməllərinə bu yaxınlarda mənə qarşı terror hücumu planlaşdırmaq da daxildir", - siyasətçi bildirib.
O, məktubunda Avropa Birliyini İrana qarşı daha sərt və məhdudlaşdırıcı addımlar atmağa çağırıb.
Qeyd edək ki, 78 yaşlı Alxo Vidal Kuadras Roka noyabrın 9-da Madridin mərkəzində motosikletçi silahlı şəxsin hücumuna məruz qalaraq, üz nahiyəsindən güllə yarası alıb və hazırda xəstəxanada müalicə olunur. İspaniya polisi hücumda şübhəli bilinən 3 nəfəri həbs edib.
2009-2014-cü illərdə Avropa Parlamentinin sədr müavini olan Roka son 25 ildə İran hakimiyyətinin insan haqları pozuntularına qarşı ən radikal mövqe tutan avropalı siyasətçi kimi tanınır.
Xatırladaq ki, 2022-ci ildə İranda baş verən kütləvi etiraz aksiyalarından sonra İran hökuməti Alxo Vidal Kuadras Rokanı etirazçıları dəstəklədiyi üçün qara siyahıya daxil edib.
