28-12-2023, 06:18 | Politico: ABŞ və Avropa Ukrayna ilə bağlı strategiyasını dəyişir
Amerika və Avropa rəsmiləri tədricən diqqətlərini Ukraynanın Rusiyaya qalib gəlmək məqsədini dəstəkləməkdən münaqişəyə son qoymaq üçün potensial danışıqlarda mövqeyini yaxşılaşdırmağa yönəldirlər və bu barədə strategiyasını dəyişirlər.
Respublica.Az report.az-a istinadən xəbər verir ki, bu barədə "Politico" qəzeti öz mənbələrinə istinadən məlumat yayıb.
Belə ki, Vaşinqton və onun avropalı müttəfiqləri Ukrayna ilə bağlı "sakitcə strategiyanı dəyişir" və ölkənin şərqində daha müdafiə mövqeyinə keçməyi müzakirə edirlər.
Məqalədə deyilir: "Bu cür danışıqlar çox güman ki, Ukraynanın bir hissəsinin Rusiyaya verilməsi demək olacaq. Hava hücumundan müdafiə sistemlərinin gücləndirilməsi və Ukraynanın Belarusla şimal sərhədi boyunca istehkamların, tank əleyhinə maneələrin və səngərlərin tikintisi müzakirə edilir.
Bayden administrasiyası həmçinin Kiyev lazımi silahları özü istehsal edə bilsin deyə Ukraynanın hərbi-sənaye kompleksini tez bir zamanda bərpa etmək niyyətindədir".
Respublica.Az
28-12-2023, 06:15 | Qərb Rusiyaya ərazi güzəştləri edəcək - "Politiko"
ABŞ və Avropa ölkələri Ukraynanın potensial sülh danışıqları üçün mövqeyini gücləndirməyə çalışır və bu, çox güman ki, Moskvaya ərazi güzəştləri demək olacaq.
Respublica.Az axar.az-a istinadən xəbər verir ki, bu barədə "Politiko" nəşri Ağ Ev rəsmisinə və bir avropalı siyasətçiyə istinadən yazıb.
Nəşrin yazdığına görə, Qərb paytaxtlarında Ukrayna Silahlı Qüvvələrinin əks-hücumunun fiaskosundan sonra hava hücumundan müdafiə sistemləri ilə zəngin müdafiə xətlərinin gücləndirilməsindən və Ukraynanın hərbi sənaye kompleksinin bərpasından danışırlar.
"İndi ABŞ və Avropanın Ukraynaya yardımı ciddi təhlükə altında olduğu üçün Bayden administrasiyası və Avropa rəsmiləri səssizcə diqqəti Ukraynanın mövqeyini gücləndirməyə yönəldirlər. Bu cür danışıqlar, yəqin ki, Ukraynanın bir hissəsinin Rusiyaya güzəştə getməsi demək olacaq", - nəşr bildirib.
Vurğulanıb ki, ABŞ-da prezident seçkiləri ilində Co Bayden seçdiyi xarici siyasət kursunun uğursuzluğunu etiraf edə və dəyişikliyi açıq elan edə bilməyəcək:
"Bu müzakirələr (sülh danışıqları haqqında - red.) başlayır, lakin administrasiya siyasi riskə görə açıq şəkildə geri çəkilə bilmir".
Respublica.Az
28-12-2023, 06:13 | Dövlət qəzetləri, televiziya və radiosu bağlanır - Pul yoxdur
Polşanın mədəniyyət və milli irs naziri Bartolomey Senkeviç Polşa dövlət televiziya kanalı, radio və xəbər agentliyinin ləğv olunduğunu elan edib.
Respublica.Az Trend-ə istinadən xəbər verir ki, bu barədə "RMF24" radiostansiyası bildirib.
"Prezidentin dövlət mediasının maliyyələşdirilməsini dayandırmaq qərarı ilə əlaqədar mən "Telewizja Polska S.A.", "Polskie Radio S.A.", "Polskiej Agencji Prasowej S.A." şirkətlərini ləğv etmək qərarına gəldim", - deyə nazir bildirib.
O qeyd edib ki, "indiki vəziyyətdə bu, həmin şirkətlərin davamlı fəaliyyətini təmin etməyə, lazımi restrukturizasiyanı həyata keçirməyə və maliyyə çatışmazlığı səbəbindən əməkdaşların işdən çıxarılmasının qarşısını almağa imkan verəcək".
Respublica.Az
26-12-2023, 07:49 | Santa-Klaus dünyanın bütün qitələrində hədiyyə payladı
Santa-Klaus (Şaxta Baba) katoliklərin Milad bayramı ilə əlaqədar dünyanın bütün qitələrinə gəzərək təxminən 6,7 milyon hədiyyə paylayıb.
Respublica.Az Trend-ə istinadən bildirir ki, bu barədə Santa-Klausun hərəkət istiqamətini izləyən Şimali Amerika Qitəsinin Aerokosmik Müdafiə Komandanlığı məlumat yayıb.
Onun yerini müəyyən etmək üçün radar sistemlərindən, peyklərdən və döyüş təyyarələrindən istifadə edilir.
Ənənəyə uyğun olaraq, Santa-Klaus dekabrın 24-də doqquz maralın çəkdiyi sehrli kirşə ilə dünya səyahətinə çıxır. O, hazırda ABŞ-nin qərb hissəsini gəzir.
Qeyd edək ki, Milad bayramının baş personajının hərəkət istiqamətini izləmək ənənəsi 1955-ci ildə başlayıb.
Respublica.Az
26-12-2023, 07:47 | ABŞ-da COVID-19-un yeni ştammına yoluxmada ciddi artım
ABŞ-də yeni "JN.1" ştammına yoluxma nisbətləri iki həftə ərzində artıb. Həmçinin, ölkədə yoluxanların faizi iki dəfə artıb.
Respublica.Az teleqraf.com-a istinadən xəbər verir ki, "JN.1" ştammı ABŞ vətəndaşlarının peyvənd sahəsində fəallığının azalması şəraitində qeydə alınan 44%-dən çox yoluxma hallarında müəyyən edilib.
Məlumata görə, "JN.1"in "Omikron" ştammının yarımnövü olduğu aydınlaşdırılır.
"Ölüm və xəstəxanaya yerləşdirmə nisbətləri ("JN. 1" üçün) "Delta" dalğası zamanı müşahidə etdiyimiz partlayıcı templər deyil, lakin biz mütləq artımı görürük", - deyə məqalənin müəllifləri Ohayo Dövlət Universitetinin "Veksner" Tibb Mərkəzinin yoluxucu xəstəliklər kafedrasının dosenti Karlos Malvestuttoya istinadən bildiriblər.
O, həmçinin ABŞ-də yenilənmiş COVID-19 peyvəndlərinin tətbiqi səviyyəsinin aşağı düşdüyünü vurğulayıb.
Respublica.Az
26-12-2023, 07:44 | “Milli iradənin pusquya salınmasına icazə verməyəcəyik” - Ərdoğan
"Milli iradənin pusquya salınmasına icazə verməyəcəyik".
Respublica.Az teleqraf.com-a istinadən xəbər verir ki, bu sözləri Türkiyə Prezidenti Rəcəb Tayyib Ərdoğan Mehmet Akif Ersoyun Anım mərasimindəki çıxışı zamanı deyib.
"Hər kəs bundan əmin olmalıdır ki, müstəqilliyimizə qarşı hücumlar davam etdikcə, gələcəyimizi qorumağa davam edəcəyik. Sosial terror aktlarına qarşı hamımız daha dəqiq mövqe tutmalıyıq",- deyib.
Ərdoğan sözlərini belə davam etdirib:
"Terrorçu ilə eyni dili danışan hər kəs terrorçuya olunan münasibətlə qarşılaşacaq. Demokratiyamızın imkanlarından istifadə edərək dövlətin, millətin və milli iradənin pusquya salınmasına heç vaxt icazə verməyəcəyik. Siyasi fəaliyyət göstərənlərə müraciət edirik, onlar millətin təmsilçisi olmaq əvəzinə separatçı təşkilatın uzantılarıdırlar. Bunlar öz iradəsi olmayan siyasi kuklalardır".
Türkiyə lideri parlament toxunulmazlığını, siyasi və hüquqi əsasları meyar götürərək, terroru dəstəkləyənlərə qarşı mübarizəni davam etdirəcəyini açıqlayıb.
Respublica.Az
26-12-2023, 06:47 | Belqradda iğtişaşlar davam edir: nazirliyə giriş bağlandı
Serbiyanın paytaxtı Belqradda iğtişaşlar davam edir.
Respublica.Az axar.az-a istinadən xəbər verir ki, etirazçılar Dövlət Administrasiyası və Yerli Özünüidarəetmə Nazirliyinin binasının girişini bağlayıb
Polis idarəsinin rəisi İvitsa İvkoviç hökumət binalarının və körpülərin bağlanmasına göz yummayacağını deyib.
Qeyd edək ki, "Serbiya zorakılığa qarşı" müxalifət bloku ölkədə keçirilən parlament seçkilərinin nəticələrinə etiraz edir.
Respublica.Az
26-12-2023, 06:46 | Putin elan etdi: Sədrlik Ermənistana keçir
Yanvarın 1-dən Rusiya Avrasiya İqtisadi İttifaqına sədrliyi Ermənistana təhvil verəcək.
Respublica.Az axar.az-a istinadən xəbər verir ki, bu sözləri Prezident Vladimir Putin Aİİ-nin Sankt-Peterburqda keçirilən sammitində deyib.
"Mən erməni tərəfdaşlarımıza və dostlarımıza uğurlar arzulamaq istəyirəm", - deyə o vurğulayıb.
Putin "erməni tərəfdaşlara" kömək etməyə hazır olduqlarını qeyd edib.
Respublica.Az
26-12-2023, 06:39 | Pakistana girən SEPAH üzvü öldürüldü
SEPAH-ın Sistan və Bəlucistanın Səravan bölgəsindəki yerli üzvləri Pakistan ərazisində pusquya düşüblər.
Respublica.Az axar.az-a istinadən xəbər verir ki, bu barədə Bəluc Fəallarının Kampaniyası məlumat yayıb.
Silahlı şəxslərə qarşı əməliyyat keçirmək üçün Pakistan ərazisinə daxil olan SEPAH üzvü Əli Qumşadzehi Maşkid şəhəri yaxınlığında bəluc silahlı qrupu tərəfindən öldürülüb.
Bununla yanaşı, onlarla SEPAH üzvünün yaralandığı və bölgəni tərk etməyə məcbur edildikləri bildirilib.
Məlumatda SEPAH üzvlərinin 14 hərbi maşınla Pakistana daxil olduqları deyilir.
Qeyd edək ki, dekabrın 15-də Sistan və Bəlucistan əyalətinin Rask şəhərində polis bölməsinə 14 məmurun ölümü ilə nəticələnən hücum edilib.
Respublica.Az
26-12-2023, 06:37 | Rusiyada yumurtanın qiymətinin kəskin qalxmasının SƏBƏBİ
Rusiya Mərkəzi Bankının rəhbəri Elvira Nabiullina yumurtanın kəskin bahalaşmasını tələbatın çox olması ilə izah edib.
Respublica.Az redaktor.az-a istinadən xəbər verir ki, Nabiullina yumurtanın qiymətinin kəskin bahalaşmasının təkcə inflyasiya ilə bağlı olmadığını qeyd edib.
O, 2021-ci ildə bu və ya digər növ malların kəskin şəkildə bahalaşdığı vəziyyətini xatırladıb.
Respublica.Az
