23-11-2023, 06:34 | Türkiyənin bu ərazisi fəlakət zonası elan edildi
Türkiyənin sürüşmə və daşqınlardan zərər çəkən Zonguldak vilayətinin Ereğli rayonu bu gündən etibarən fəlakət zonası elan edilib.
Respublica.Az Sfera.az-a istinadən xəbər verir ki, bu haqda Türkiyənin daxili işlər naziri Ali Yerlikaya sosial media hesabında yazıb.
Nazir açıqlamada 19 noyabr Zonguldak vilayətində yağan şiddətli yağışlardan sonra baş verən sürüşmə və sel fəlakətləri nəticəsində 133 damın uçmasının təsbit edildiyini bildirib.
Yerlikaya indiyə qədər 54 ev və 226 iş yerinin zərər gördüyünü qeyd edib.
23-11-2023, 06:31 | Kanada baş nazirindən partlayışla bağlı açıqlama
Kanada hakimiyyəti ABŞ sərhədində baş vermiş partlayışla bağlı informasiya toplayır.
axar.az-a istinadən bildirir ki, bu barədə Kanada Baş naziri Castin Trüdo deyib.
O bildirib ki, hökumət məsələ ilə bağlı ABŞ hakimiyyət orqanları ilə əlaqədədir:
"Körpüdə baş vermiş partlayışdan sonra bütün sərhəd keçid məntəqələrində təhlükəsizlik tədbirləri gücləndiririk".
Qeyd edək ki, ABŞ - Kanada sərhədində Niaqara şəlaləsi üzərində körpüdə partlayış baş verib.
22-11-2023, 13:27 | Trampla sülh təklifini müzakirəyə hazıram - Zelenski
Ukrayna prezidenti Volodimir Zelenski ABŞ-ın keçmiş prezidenti Donald Trampla Rusiya-Ukrayna münaqişəsinin sülh yolu ilə həlli üçün təklif etdiyi planı müzakirə etməyə hazır olduğunu bildirib.
Zelenski "Fox News" kanalına müsahibəsində bu haqda danışıb.
Eyni zamanda o, hesab edir ki, ukraynalılar ABŞ eks-prezidentinin bütün təklifləri ilə razılaşmayacaqlar.
"Gəlin onunla danışaq və ona sülh formulunda hansı addımların olduğunu göstərməyə imkan verək", - deyə Ukrayna prezidenti bildirib.
ABŞ-ın keçmiş prezidenti ilə görüşməyə və onun təkliflərini müzakirə etməyə hazır olub-olmadığını soruşduqda, cənab Zelenski belə cavab verib: "Mən hazıram. Təbii ki, onun aydın sülh planı varsa, mənimlə bölüşə bilər".
Zelenski "Donbas və Krım Rusiyaya verilsə" döyüşlərin dayandırıla biləcəyi fikri ilə razılaşıb. Ukrayna prezidenti vurğulayıb ki, onun fikrincə, ölkəsi belə bir sülh planına razı olmayacaq.
Donald Tramp demişdi ki, Rusiya-Ukrayna münaqişəsinə 24 saat ərzində son qoya bilər. O, həmçinin Avropa müttəfiqlərini Ukraynaya daha çox pul xərcləməyə razı sala biləcəyini təkid edib. Zelenski şəxsi görüşdə Rusiya ilə münaqişəni 24 saat ərzində bitirməyin mümkünsüzlüyünü izah etmək üçün Trampı Ukraynaya gəlməyə dəvət edib. ABŞ-ın keçmiş prezidenti bundan imtina edib. //yenisabah.az-/
22-11-2023, 09:37 | “Qəzzada İsrail üçün heç bir təhlükə qalmayacağını təmin edəcəyik” - Netanyahu
"Müvəqqəti atəşkəs əldə olunsa belə, HƏMAS ilə müharibəni davam etdirəcəyik".
Bu fikirləri İsrailin Baş naziri Benyamin Netanyahu bildirib.
"Biz müharibəni davam etdiririk və bütün məqsədlərə çatana qədər davam edəcəyik. Biz HƏMAS-ı məhv edəcəyik, oğurlananların hamısını geri qaytaracağıq və Qəzzada İsrail üçün heç bir təhlükə qalmayacağını təmin edəcəyik", - deyə Netahyahu qeyd edib. //qafqazinfo
22-11-2023, 06:57 | İsrail Livanla sərhədə 100 min əsgər yerləşdirib
İsrail ordusu Livanla həmsərhəd olan icmaları qeyri-rəsmi hərbi düşərgələrə çevirərək orada 100 min əsgər yerləşdirib.
Bizim.Media xəbər verir ki, bu barədə "The Wall Street Journal" məlumat yayıb.
Əhalisi köçürülmüş şəhər və kəndlərin küçələrində tanklar, zirehli texnikalar yerləşdirilib.
Qeyd edilib ki, bölgədə yeni müharibə qaçılmazdır./milli.az/
22-11-2023, 06:55 | Rusiyadan Gürcüstana gedən yeganə quru yolu BAĞLANDI
Gürcüstan ərazisində pis hava şəraiti ilə əlaqədar Gürcüstan Hərbi Yolu ilə bütün nəqliyyat növlərinin hərəkəti yenidən məhdudlaşdırılıb.
Bu barədə Şimali Osetiya Fövqəladə Hallar Nazirliyinin Baş İdarəsinin mətbuat xidməti məlumat yayıb .
""Gürcüstan ərazisində hava şəraitinin pisləşməsi ilə əlaqədar noyabrın 21-i saat 20:40-dan etibarən Vladiqafqaz şəhəri ilə Lars qəsəbəsi arasındakı ərazidə Rusiya Federasiyasından çıxmaq istiqamətində bütün növ avtonəqliyyat vasitələrinin hərəkəti qadağan edilib" - məlumatda deyilir.
Məhdudiyyətlərin növbəti xəbərdarlığa qədər tətbiq edildiyi dəqiqləşdirilir.
Kazbegi-Verxniy Lars sərhəd-keçid məntəqəsi Gürcüstan və Rusiyanın quru sərhədində hazırda fəaliyyət göstərən yeganə buraxılış məntəqəsidir.
2023-cü ilin yayında Rusiya və Gürcüstan sərhədində yerləşən "Verxniy Lars" keçid məntəqəsində avtomobillər üçün zolaqların sayı 39-a çatıb. Rusiya Federasiyasının Nəqliyyat Nazirliyi qeyd edib ki, üç zolağa keçidin genişləndirilməsi keçid problemini həll etməlidir.// publika.az
22-11-2023, 06:53 | Ermənistanı hədələdi – “Bu bizə və İrana qarşıdır, nəticə amansız ola bilər”
ABŞ Cənubi Qafqaz siyasətini Rusiya və İrana qarşı mübarizə kontekstində qurub.
teleqraf.com-a istinadən bildirir ki, bunu Rusiyanın Ermənistandakı səfiri Sergey Kopırkin deyib.
Onun sözlərinə görə, Qərb bu siyasəti postsovet ölkələrinə, Rusiya ilə sıx bağlı olan dövlətlərə də tətbiq edir.
Səfir qeyd edib ki, bu yanaşma Qərbin əsl məqsədini göstərir. Diplomatın fikrincə, ABŞ SSRİ-nin dağılmasından sonra yaranmış vəziyyətdən istifadə edərək bu coğrafiyada öz üstünlüyünü təmin etməyə çalışır.
"Çoxdan elan edilmiş bu prinsiplər hələ də "gözəl ritorika" ilə saxlanılır. Bu ritorika getdikcə daha açıq şəkildə üzə çıxır. Bunu amerikalıların Cənubi Qafqazla bağlı birbaşa Rusiya və İrana qarşı mübarizə kontekstində öz siyasətlərini müəyyən edəndə görürük. Ukraynada baş verənlər çox qəddar dərsdir", - Kopırkin bildirib.
Səfir vurğulayıb ki, Qərbin özünü Allahın yerinə qoymaq cəhdi son nəticədə Ukrayna və Rusiya xalqlarının indi yaşadıqları faciəyə gətirib çıxardı: "Bu, hamımıza çox ciddi dərs və xəbərdarlıq olmalıdır".
Kopırkinin adını çəkmədən Ukraynada baş verənlər kontekstində ABŞ-la yaxınlaşan Ermənistana xəbərdarlığı belə olub:
"Bu, bizə deyir ki, ölkələrin liderləri öz ölkələrinin milli maraqlarını qorumağa hazır olmalıdır".
Diplomat Qərbin təcrübədən keçirdiyi addımlarının nəticələrinin amansız olduğunu vurğulayıb.
22-11-2023, 06:52 | Putin İrəvana ordu göndərir: 3 ay sonra Zəngəzur...
Ukrayna müharibəsində isti mərhələnin yerini tədricən "dondurulmuş münaqişə" mərhələsinə verdiyi müşahidə edilir. Qərb cəbhəsinin artıq Rusiyanın məğlubiyyətində əvvəlki qədər maraqlı olmadığı, yaxud vəziyyətlə barışdığı görünür. Kiyevə lazımi hərbi yardımın göstərilməməsi, əsas diqqətin İsrail-HƏMAS müharibəsinə yönəlməsi də burada diqqətçəkən amillərdəndir. Mümkündür ki, Rusiya və Ukrayna arasında müharibə "mövqe döyüşləri" ilə əvəzlənəcək və hazırki "təmas xətti" tərəfləri ayıran siyasi xəttə də çevriləcək. Bu mənzərə fonunda Gürcüstan mediasında diqqətçəkən iddialar tirajlanıb.
publika.az xəbər verir ki, Varden Sulukidznin imzası ilə yayılan məqalədə Ukraynada "dondurulmuş münaqişə" fonunda Rusiyanın digər regionlarda ata biləcəyi addımlar proqnozlaşdırılır.
Rus ordusu Qafqazda hərəkətə keçir
Rusiya ordunu başqa bölgələrdə geosiyasi mövqelərini yaxşılaşdırmaq üçün istifadə edə bilər. Bu istiqamətlərdən biri Mərkəzi Asiyadır, hərçənd, Qazaxıstan ssenarisinin təkrarlanması, ümumiyyətlə bu bölgəyə ordu göndərməsi çətin görünür, xüsusilə Çinin buna qarşı olması Rusiyanı daha ehtiyatlı yanaşmaya məcbur edir. Suriyada hərbi fəaliyyətin intensivləşdirilməsi üçün də əsas yoxdur. Rusiyanın geosiyasi mövqelərini yaxşılaşdırmaq üçün üz tuta biləcəyi yeganə istiqamət Qafqaz görünür.
Moskvanın İrəvana hərbi müdaxilə hazırlığı
Qarabağ revanşistlərinin "xilası" ideyası baş tutmadı, əksinə, Rusiya Azərbaycanın separatçılara qarşı addımlarını dəstəklədi. Bu halda Rusiyanın Fransa, ABŞ və digər Qərb ölkələri ilə sürətlə əlaqələr quran, mərkəzdənqaçma xəttini tutan Ermənistanda "xilas etməyə" nələrisə var. Hazırda söhbət Ermənistanın KTMT-dən çıxması və Rusiyanın Gümrüdəki hərbi bazasını qovmasından gedir. Paşinyan bu ilin oktyabrında "Voll Strit Jurnal"a müsahibəsində də bəyan etdi ki, o, Rusiya hərbi bazasının Ermənistanda mövcudluğunda heç bir fayda görmür. Bazanın çıxarılması Kreml üçün ciddi geosiyasi məğlubiyyət olardı. Paşinyan artıq Ermənistanın dövlət və özəl sektorunda rusiyapərəstlərin "ovuna çıxıb". Bu vəziyyətdə Rusiyanın Ermənistanda ona sadiq hökumət qurması üçün hərbi müdaxildən başqa yolu qalmır.
Ermənistan parçalanacaq, Zəngəzur dəhlizi...
Rusiya və Ermənistanın ümumi sərhədlərinin olmaması bu ssenarini çətinləşdirən amildir. Ermənistan hər şeyi edir ki, Kreml bu ssenarinin tətbiqinə qərar verərsə, qonşu ölkələr "tranzit" rolunu oynamasın. Hərçənd, Ermənistanın Azərbaycan və Türkiyə ilə sülh prosesi dayandırılıb, kommunikasiyalar açılmayıb, müqavilə imzalanmayıb. Nəzəri baxımdan, Türkiyə və Azərbaycan Zəngəzur dəhlizini almaq üçün Kremlin Ermənistanı bölmək təklifinə müsbət baxa bilərlər. Digər tərəfdən, Paşinyanın ABŞ və NATO ilə flört etməsi İranı qıcıqlandırır, buna görə İrəvanda rusiyayönümlü hakimiyyət Tehranı narahat etmir.
Gürcüstan "hərbi dəhliz" olacaq
Rusiyanın "hərbi dəhliz" kimi istifadə edə biləcəyi ölkə Gürcüstan ola bilər. Ukraynada müharibə dondurulduqdan sonra Kremlin buna gücü çatacaq. Gürcüstanın həqiqətən də bu cür planlara müqvmət göstərmək gücü və bacarığı yoxdur. Bundan əlavə Gürcüstan daxilində Kremlpərəst beşinci kalon və onlarla əlaqələri olan "cavax" separatçıları fəaliyyət göstərir, onlar Rusiyanın yeni işğalını gözləyirlər.
Bütün bunların fonunda Paşinyan rejimi Rusiyanı "Ermənistanda nəsə etmək lazımdır" fikrinə təhrik edir. İrəvanın Putini həbs etməyə hesablanmış Roma Statusunu ratifikasiya etməsi isə Kremlin üzünə tüpürməkdir. Və belə görünür ki, tüpürməyə davam edəcəklər də. Moskvanın iki yolu qalır: ya Paşinyanın rus ordusunu təhqir edərək, qovmasına dözəcək, ya da onu devirəcək;
Xüsusi əməliyyat qrupu Ermənistana gedir
Bunu seçki yolu ilə etmək mümkün deyil. Bunun fonunda bir informasiya xüsusilə diqqət çəkir. Məlumatlara görə, Ermənistanda çevrilişə hazırlaşan qrupa kömək edəcək "xüsusi əməliyyat qrupu" Gürcüstan ərazisində gözləmə mövqeyindədir. Bu qrup Ukraynada müharibənin tam dondurulmasından sonra, təxminən 2-3 ay ərzində Ermənistanda peyda olacaq.
22-11-2023, 06:38 | Türkiyə innovativ texnologiyalar sahəsindəki imkanlarını gücləndirir – Mehmet Fatih Kacır
Türkiyə innovativ texnologiyalar sahəsindəki imkanlarını gücləndirir.
TurkicWorld-a istinadən xəbər verir ki, bu barədə Türkiyənin Sənaye və Texnologiya naziri Mehmet Fatih Kacır Trabzon Universiteti Süni İntellekt və Robotik Kodlaşdırma Mərkəzinin açılışında deyib.
"Türkiyə Yüzilində daha böyük uğurlara imza atmaq üçün, milli PUA-larımızı və Türkiyənin avtomobilini inkişaf etdirərkən, innovativ texnologiyalar sahəsində səlahiyyətlərimizi daha da gücləndirməyə diqqət edəcəyik" - deyə nazir bildirib.
Kacır rəqəmsal texnologiya, xüsusilə də süni intellekt sahələrində çox böyük dəyişikliklərin olduğuna diqqət çəkib.
"Biz Türkiyə olaraq rəqəmsallaşmanın gətirdiyi bu yeni dünya nizamında istehsalçı və siyasət aparan bir güc olmağımıza imkan verəcək insan resursları infrastrukturunu qururuq. Qara dənizin innovativ elm bazası olan Trabzon Universitetinin tərkibində həyata keçirilən bu mərkəzlə biz gənclərimizin rəqəmsal bacarıqlarını inkişaf etdirir, gənclərin məşğulluğunu və sahibkarlığını dəstəkləyirik" - deyə o qeyd edib.
Kacır, Rəcəb Tayyib Ərdoğanın rəhbərliyi ilə son 21 ildə nəhəng bir Ar-Ge (araştırma-geliştirme) və innovasiya ekosistemi qurduqlarını bildirib.
21-11-2023, 08:54 | Türkiyədən ABŞ-a F-16 çağırışı
Türkiyə ABŞ-dan heç bir şərt və məhdudiyyət olmadan F-16-ların alınmasına dair müraciətə baxılmasının tezliklə başa çatdırılmasını gözləyir.
Bu sözləri Türkiyə xarici işlər naziri Hakan Fidan deyib.
"Biz dəfələrlə bəyan etmişik ki, Birləşmiş Ştatlar milli təhlükəsizliyimizə birbaşa təsir edən məsələlərlə bağlı öz yanlış mövqelərini düzəltmək üçün konkret addımlar atmalıdır. Bununla əlaqədar olaraq, biz bütün səviyyələrdə heç bir şərt və məhdudiyyət olmadan F-16-ların alınması və modernləşdirilməsi ilə bağlı müraciətimizə baxılmasının tezliklə başa çatdırılacağına ümid edirik", - nazir bildirib.
Eyni zamanda, H.Fidan qeyd edib ki, Ankara qarşılıqlı maraq doğuran bir çox regional və qlobal məsələlərdə ABŞ ilə əməkdaşlığı davam etdirir.
Qeyd edək ki, ABŞ Konqresinin Nümayəndələr Palatası 2022-ci ilin iyulunda müdafiə büdcəsinə düzəlişi qəbul edib. Yeni sənədə əsasən, "Türkiyə Yunanıstan hava məkanını pozduğu müddətcə" ABŞ administrasiyasına yeni F-16 təyyarələri və onların modernləşdirilməsi üçün komponentləri Türkiyəyə satmaq qadağan edilib.//axar.az/
