21-11-2023, 06:29 | Bu ölkədə güclü zəlzələ oldu
İran İslam Respublikasının cənubunda 4,7 bal gücündə zəlzələ baş verib.
report-a istinadən xəbər verir ki, bu barədə Avropa-Aralıq dənizi Seysmoloji Mərkəzinin saytı məlumat yayıb.
Yeraltı təkanların episentri təxminən 352 min nəfər əhalisi olan Bəndər-Abbas şəhərindən 62 km şimal-şərqdə, zəlzələ ocağı 10 km dərinlikdə yerləşib.
Tələfat və dağıntılar barədə məlumat yoxdur.
21-11-2023, 06:25 | Rusiya onların ölkəyə girişinə qadağa qoydu
Rusiya Xarici İşlər Nazirliyi cavab tədbiri olaraq bir sıra Moldova rəsmilərinin Rusiya Federasiyasına girişini əngəlləyib.
Bu barədə nazirliyin saytında məlumat verilib.
Bildirilib ki, noyabrın 20-də Moldovanın səfiri Lilian Darius Xarici İşlər Nazirliyinə çağırılıb.
Son vaxtlar Moldovada rusdilli media saytlarına girişin bloklanması və rusdilli nəşrlərin siyasi motivli təqib edilməsi ilə bağlı digər hallarla bağlı diplomatlar ona kəskin etirazlarını bildiriblər.
"L.Dariusa məlumat verilib ki, asimmetrik tədbir olaraq Moldova Respublikasının bir sıra məmurlarına Rusiya Federasiyasına giriş qadağan edilib", - məlumatda deyilir.//qafqazinfo
21-11-2023, 06:24 | Türkiyə İraqda PKK/KCK terrorçusunu zərərsizləşdirdi
Türkiyənin Milli Kəşfiyyat Təşkilatı (MİT) PKK/KCK terror təşkilatının daha bir terrorçusunu zərərsizləşdirib.
Bu barədə Türkiyə KİV-i məlumat yayıb.
Məlumata görə, "Jiyan Mardin" kod adlı terrorçu Gülsümə Doğan İraqın Süleymaniyyə şəhərində keçirilən əməliyyatla zərərsizləşdirilib.
Təşkilatın rəhbərləri ilə yaxın təmasda olduğu deyilən terrorçu Gülsümə Doğanın aldığı təlimatlara əsasən bölgədəki əhalidən "vergi" adı altında zorla vəsait tələb etdiyi və toplanan vəsaitdən PKK terror təşkilatının maddi-texniki təminatı üçün istifadə etdiyi müəyyən edilib.//Trend
21-11-2023, 06:22 | Bu səbəbdən övladları ölümlə hədələnir
Argentina prezidentliyinə namizəd Serxio Massanın uşaqları ölümlə hədələnib.
Hazırda məsələ ilə bağlı araşdırma aparılır və artıq beş nəfər saxlanılıb.
Massanın həyat yoldaşı Malena Qalmarini bildirib ki, bir müddət əvvəl başqa bir prezidentliyə namizəd olan Xavyer Maylinin tərəfdarları onun ailə üzvlərinin şəxsi məlumatlarını, o cümlədən azyaşlı övladları Tomas və Milaqrosun telefon nömrələrini dərc ediblər. Bundan sonra uşaqlara hədə mesajları gəlməyə başlayıb.
Federal hakim Mariya Servini qadın və onun uşaqlarının daimi müdafiəsi barədə qərar verib.//oxu.az
20-11-2023, 18:29 | Vladimir Putin G20 sammitinə videomüraciət ünvanlayacaq
Rusiya Prezidenti Vladimir Putin G20 liderlərinin noyabrın 22-də keçiriləcək sammitinə videomüraciət ünvanlayacaq.
Bu barədə "Rossiya" telekanalının aparıcısı Pavel Zarubin bildirib.
O qeyd edib ki, bu, V. Putinin uzun müddətdən sonra ABŞ Prezidenti Cozef Bayden və Böyük Britaniya Baş naziri Rişi Sunakla eyni tədbirdə ilk iştirakı olacaq.
Rusiya liderinin dünyadakı qeyri-sabitlik barədə danışacağı gözlənilmir.
Sammitə Hindistan ev sahibliyi edəcək.
Qeyd edək ki, G20-yə Türkiyə, Rusiya, ABŞ, Almaniya, Argentina, Avstraliya, Böyük Britaniya, Braziliya, Cənubi Afrika Respublikası, Cənubi Koreya, Çin, Fransa, Hindistan, İndoneziya, İtaliya, Kanada, Meksika, Səudiyyə Ərəbistanı, Yaponiya və Avropa İttifaqı daxildir.// report//
20-11-2023, 18:22 | Ərdoğan sabah Əlcəzairə səfər edəcək
Türkiyə Prezidenti Rəcəb Tayyib Ərdoğan sabah Əlcəzairə rəsmi səfər edəcək.
Bu barədə "TRT Haber" məlumat verib.
Məlumata görə, Ərdoğan səfər çərçivəsində Əlcəzair Prezidenti Əbdülməcid Təbbun ilə görüşəcək.
Qeyd edək ki, görüşdə regional məsələlərlə yanaşı, Qəzzadakı vəziyyət müzakirə olunacaq.//axar.az//
20-11-2023, 15:24 | Kreml Paşinyanın bu iddialarını təsdiq etmədi
Kremlin mətbuat katibi Dmitri Peskov Ermənistanın Baş naziri Nikol Paşinyanın Bakının guya rəsmi İrəvana qarşı "Qərbi Azərbaycan" konsepsiyası irəli sürməsi ilə bağlı açıqlamalarına münasibət bildirib.
Respublica.Az APA-ya istinadən bildirir ki, Kreml rəsmisi Azərbaycandan dövlət səviyyəsində belə açıqlamalar eşitmədiyini, əksinə rəsmi Bakının sülh gündəliyinə sadiq açıqlamalar verdiyini bildirib.
"Təəssüf ki, mən Paşinyanın sözləri ilə bağlı heç nə deyə bilmərəm, çünki Azərbaycanın dövlət səviyyəsində bu cür bəyanatları ilə tanış deyiləm. Biz ölkə rəhbərliyindən, Azərbaycan rəhbərliyindən tamamilə başqa açıqlamalar eşitmişik, hansı ki, bir mərhələnin başa çatmasından və sülh müqaviləsinin bağlanması üçün yekun mərhələyə hazır olmaqdan bəhs edir", - Peskov jurnalistlərə bildirib.
"Ona görə də mən hazırda cənab Paşinyanın bəyanatının bu hissəsi barədə konkret heç nə deyə bilmərəm", - Peskov əlavə edib.
Xatırladaq ki, bundan əvvəl Paşinyan bildirib ki, Azərbaycanın bəzi addımları Ermənistana qarşı yeni hərbi əməliyyatlara hazırlaşdığı təəssüratı yaradır. Ermənistanın Baş nazirinin sözlərinə görə, Azərbaycanda rəsmi səviyyədə Ermənistan ərazisini Qərbi Azərbaycan adlandırılmağa başlayıb.
Respublica.Az
8-11-2023, 09:41 | “İranla əlbir olduq” - Tramp sirləri açdı
ABŞ-ın keçmiş prezidenti Donald Tramp İnqilab Keşikçiləri Korpusunun komandiri Qasım Süleymaninin öldürülməsindən sonra sonra İranla əlbir olduqlarını etiraf edib.
Tramp Qasım Süleymaninin öldürülməsindən sonra İranın ABŞ bazalarına hücumları barədə əvvəlcədən razılığa gəldiyini deyib.
Tramp etirafında deyib: "İranlılar bizə zəng edib "dinləyin, başqa seçimimiz yoxdur. Sizi vurmalıyıq" dedilər. Çünki özümüzə hörmətimiz var. Mən onları başa düşdüm. Dedilər ki, sizdə olan müəyyən hərbi bazaya 18 raket atacağıq. O gecəni xatırlayırsız? Maraqlı bir gecə... Əsəbi olmayan tək mən idim, çünki nə olacağını bilirdim. Bizə dedi ki, narahat olmayın. Biz sizin hərbi bazanıza 18 raket atacağıq, lakin heç biri bazaya dəyməyəcək, çünki bunlar çox dəqiq raketlərdir. Bunlar əslində çox etibarlı və çox dəqiq raketlərdir".//teleqraf//
8-11-2023, 09:36 | İsrail ordusu Qəzzanın mərkəzinə daxil oldu
İsrail ordusu Qəzza şəhərinin mərkəzinə daxil olub.
Bu barədə məlumatı İsrailin müdafiə naziri Yoav Gallant açıqlayıb.
Gallant həmçinin bildirib ki, müharibədən sonra nə İsrail, nə də HƏMAS Qəzzaya hakim olacaq.//musavat.com//
8-11-2023, 09:24 | Azərbaycan UNESCO-nun Baş Konfransının vitse-prezidenti seçildi
UNESCO-nun Baş Konfransının 42-ci sessiyası işə başlayıb.
Sessiya çərçivəsində Baş Konfransın yeni prezidenti və vitse-prezidentləri, eləcə də komissiya və komitələrin sədr və sədr müavinləri vəzifələrinə seçkilər keçirilib. Azərbaycan UNESCO Baş Konfransının vitse-prezidenti seçilib.
Sessiya çərçivəsində Baş Konfransın gündəliyi qəbul ediləcək. Qurumun 2018-2021-ci illər üzrə fəaliyyətinə dair Baş direktorun hesabatı, eləcə də İcraiyyə Şurasının fəaliyyəti və proqramının icrasına dair hesabatı dinləniləcək.
42-ci sessiya çərçivəsində UNESCO-nun ümumi siyasəti müzakirə ediləcək. Sessiya çərçivəsində təşkilatın tərəfdaşları, eləcə də gənclər Forumu keçiriləcək.
Baş Konfransın 42-ci sessiyası noyabrın 22-dək davam edəcək.
Trend
