20-10-2021, 09:24 | Göbələkdən zəhərlənənlər Bayram Nurlunun ailə üzvləridir - Bacısı oğlu da öldü
Xəbər verdiyimiz kimi, Qaxda göbələkdən bir ailənin üzvləri zəhərlənib.
Göbələkdən zəhərlənən rayonun Tasmalı kənd sakinləri özünü ekstrasens kimi təqdim edən Bayram Nurlunun qohumlarıdır.
Xəstəxanaya yerləşdirilən 1974-cü il təvəllüdlü Qasımov Mübariz İbrahimxəlil oğlu Bayram Nurlunun yeznəsinin qardaşıdır. Zəhərlənmədən dünyasını dəyişən 2009-cu il təvəllüdlü Qasımlı Murad isə Mübarizin oğludur.
Xəxstəxanaya yerləşdirilən 2012-ci il təvəllüdlü Qasımzadə İbrahimxəlil Həbib oğlu isə Bayram Nurlunun bacısı oğludur. Əldə etdiyimiz məlumata görə, 9 yaşlı uşağın da həyatını xilas etmək mümkün olmayıb və o, gecə saatlarında yerləşdirildiyi xəstəxanada dünyasını dəyişib.
qafqazinfo"
20-10-2021, 09:13 | Sabirabadda birmərtəbəli ev yanıb
Sabirabad rayonunun Sarxanbəyli kəndində ümumi sahəsi 90 m² olan birmərtəbəli evin (divarları kərpic, tavanı qamışdan ibarət) yanar konstruksiyaları və ev əşyaları yanıb.
Fövqəladə Hallar Nazirliyindən verilən məlumata görə, yaxınlıqdakı tikililər yanğından mühafizə olunub.
Yanğın yanğından mühafizə bölmələri tərəfindən söndürülüb.
20-10-2021, 09:05 | Mingəçevirdə narkotik aludəçisi qadına xəsarət yetirib
Mingəçevirdə qadın narkotik aludəçisinin hücumuna məruz qalıb.
Hadisə Üzeyir Hacıbəyov küçəsi 90 ünvanında qeydə alınıb.
İlkin məlumata görə, narkotik istifadəçisi olan şəxs qarşısına çıxan 1984-cü il təvəllüdlü şəhər sakini İsmayılova Elnurə Nazim qızına müxtəlif bədən xəsarətləri yetirib.
Zərərçəkən baş vermiş hadisə ilə bağlı hüquq-mühafizə orqanlarına müraciət edib. E.İsmayılovaya zəruri tibbi yardım göstərilib. Hadisənin səbəbləri dəqiqləşdirilir.
Faktla bağlı araşdırma aparılır.
(APA)
20-10-2021, 09:03 | Kəlbəcər sakini Mingəçevirdə bıçaqlanıb
Mingəçevirdə bıçaqlanma hadisəsi baş verib.
Hadisə Gəncə şosesində yerləşən müəssisələrdən birinin yaxınlığında qeydə alınıb.
Ərazidə müvəqqəti məskunlaşan 1995-ci il təvəllüdlü Kəlbəcər rayon sakini Koroğlu Şahmalı oğlu Xuduzadə münaqişə zəminində naməlum şəxs tərəfindən bıçaqlanaraq ağır xəsarət alıb.
Xəstəxanaya yerləşdirilən yaralı dərhal əməliyyat olunub. Hadisənin başvermə səbəbləri hələlik məlum deyil.
Faktla bağlı araşdırma aparılır. (APA)
20-10-2021, 09:00 | Agentliyin filial rəhbəri vəfat etdi
İcbari Tibbi Sığorta üzrə Dövlət Agentliyinin Mingəçevir filialının rəhbəri Tahir Hacıyev vəfat edib.
Bu barədə agentlikdən bildirilib.
Tahir Hacıyevin vəfat səbəbiylə bağlı məlumat verilməyib.
20-10-2021, 08:57 | Bakıda kişini avtomobil vuraraq komaya salıb
Bakının Sabunçu rayonunda yol-nəqliyyatı hadisəsi zamanı bir nəfər ağır xəsarət alıb.
Qəza metronun "Koroğlu" stansiyasının yaxınlığında baş verib.
Belə ki, 41 yaşlı Əli Əliyev yolu keçərkən onu avtomobil vurub. Yaralı komatoz vəziyyətdə 1 saylı şəhər klinik xəstəxanasına çatdırılıb.
Baş vermiş hadisə ilə bağlı Sabunçu Rayon Polis İdarəsində araşdırma aparılır. (APA)
10-10-2021, 11:22 | 9 yaşlı uşağı maşın vurub öldürdü
Ağdaşda piyadanın ölümü ilə nəticələnən ağır yol-nəqliyyat hadisəsi baş verib.
Verir ki, rayonun Yuxarı Nemətabad kənd sakini, 2012-ci il təvəllüdlü Əbilov Yusif Mehman oğlu yolu keçmək istəyən zaman onu "VAZ - 2106" markalı minik avtomobili vurub.
Ağır xəsarətlər alan azyaşlı xəstəxanaya çatdırılsa da, onun həyatını xilas etmək mümkün olmayıb.
Faktla bağlı araşdırma aparılır.
"qafqazinfo"
10-10-2021, 10:29 | Azərbaycanda gecə saatlarında dəhşət: Ölən və yaralılar var - HADİSƏ YERİNDƏN FOTO
Goranboy rayonunun Xan Qərvənd kəndində qeydə alınmış yol-nəqliyyat hadisəsi zamanı xəsarət alanların şəxsiyyəti məlum olub.
Qəza zamanı xəsarət alanlar, hadisə yerində dünyasını dəyişən 35 yaşlı Pərvin Abbasovun həyat yoldaşı, habelə övladları - 2017-ci il təvəllüdlü Abbaslı Abbas Pərvin oğlu, 2015-ci il təvəllüdlü Kamalə Abbasova, 2013-cü il təvəllüdlü Seval Abbasovadır.
Yaralılar Gəncə şəhərində yerləşən xəstəxanaların birinə yerləşdiriliblər. Onların vəziyyətləri kafi və orta-ağır qiymətləndirilir.
Qeyd edək ki, kənddə 3 avtomobilin iştirakı ilə yol-nəqliyyat hadisəsi olub. Toqquşmadan sonra P.Abbasov və ailəsinin olduğu avtomobil idarəetmədən çıxaraq yol kənarındakı ağaca çırpılıb.
Faktla bağlı araşdırmalara başlanılıb.
report
9-10-2021, 09:57 | Azərbaycanda tikintidə bədbəxt hadisə - Fəhlənin qolu qopdu
Gəncə şəhərində fəaliyyət göstərən zavodların birində fəhlə bədbəxt hadisə nəticəsində ağır xəsarət alıb.
Sakini, 1965-cı il təvəllüdlü Elçin Şəfiyevin sağ qolu işlədiyi "Kristal Beton" zavodunda avtomobilə qum-çinqıl tökən avadanlığın altıntakı qurğunun rezin hissəsinə ilişib. Bu zaman qurğu onun qolunu qoparıb.
E.Şəfiyev ağır halda xəstəxanaya yerləşdirilib.
Faktla bağlı araşdırmalara başlanılıb.
report
9-10-2021, 09:21 | Oğuzda minik avtomobili yanıb
Oğuz rayonunun Bucaq kəndində ümumi sahəsi 32 m² olan talvarın altında VAZ markalı minik avtomobilinin mühərrik və salon hissəsi yanıb.
Fövqəladə Hallar Nazirliyindən verilən məlumata görə, avtomobilin qalan hissəsi və talvar yanğından mühafizə olunub. Yanğın yanğından mühafizə bölmələri tərəfindən söndürülüb.
