24-12-2023, 18:43 | Prezident İlham Əliyevin müdrik xarici və daxili siyasəti sayəsində uğurla reallaşan inkişaf, tərəqqi - qələbə konsepsiyasının əsas amilləridir

Təcavüzkar Ermənistanın hökumət başçısının onun üçün sırf kapitulyasiya sənədi olan bəyanata Rusiya Prezidenti Vladimir Putin və Azərbaycan Prezidenti İlham Əliyevlə bərabər imza atması dünya hərb tarixinə düşən möhtəşəm qələbələr sırasında yeni bir səhifə təşkil edir. Ərazilərimizin 20 faizini qəsb etmiş nankor qonşularımızın 30 ildən bəri orada möhkəmlənərək sülhyaratma prosesindən hər vasitə ilə yayınmasının və status-kvonu dəyişməz saxlamaq cəhdlərinin, nəhayət, tam iflasa uğraması Azərbaycanın ilbəil artan siyasi, iqtisadi və hərbi qüdrətinin parlaq nümayişi oldu.
Bəli, böyük zəka, güc və cəsarət amillərinin birgə təzahürü olan ildırımsürətli əks-hücum əməliyyatları sayəsində qısa müddətdə Füzuli, Cəbrayıl, Zəngilan, Qubadlı və Şuşa kimi 5 şəhərin, neçə-neçə qəsəbənin, 300-ə qədər kəndin və bir çox mühüm strateji yüksəkliklərin azad olunması, ermənilərin özlərinin də etiraf etdikləri kimi, onların canlı qüvvə və hərbi texnikasının kütləvi məhvi, ehtiyat sarıdan isə son dərəcə çıxılmaz duruma düşərək itkilərin yerini doldura bilməmələri Azərbaycan Ordusunun qələbəsini labüd etmişdir.
Böyük qələbə ona doğru keçib gəldiyimiz keşməkeşli yolun, məhz ulu öndər Heydər Əliyevin uzaqgörən siyasətinin, unudulmaz dahi şəxsiyyətin yaratdığı möhkəm bazisin əsasında bərqərar olduğu, möhtərəm Prezidentimiz İlham Əliyevin inamla həyata keçirdiyi ictimai-siyasi, sosial-iqtisadi inkişaf konsepsiyası sayəsində davamlı surətdə möhkəmləndiyi qənaətini bir daha təsdiqləmiş oldu. 1993-cü ildə xalqın təkidli tələbi ilə siyasi hakimiyyətə qayıdan ümummilli lider ilk gündən dərin düşünülmüş mühüm tarixi addımlar atmaqla Azərbaycanda möhkəm ictimai-siyasi sabitlik yaratmış, onu birdəfəlik məhvolma təhlükəsindən xilas etmişdir. Məhz, Heydər Əliyevin rəhbərliyi ilə hələ yenicə formalaşan silahlı qüvvələrimiz uğurlu Horadiz əməliyyatı sayəsində 1994-cü il yanvarın 5-də oranı düşməndən geri almış, daha sonra 22 kəndi də işğaldan qurtarmışdır. Bu qələbələr 1994-cü ilin may ayında cəbhədə atəşkəs rejiminin tətbiqini zəruri etmişdir. Həmin ilin sentyabr ayında isə Bakıda karbohidrogen ehtiyatlarının birgə istismarına dair "Əsrin müqaviləsi"nin imzalanması öz qurtuluşuna qovuşmuş Azərbaycanın dirçəliş və inkişaf yoluna çıxmasını, başqa sözlə desək, dövlət müstəqilliyimizin əbədi, sarsılmaz və dönməz olmasını təmin etmişdir.
Böyük qələbəni döyüş meydanlarında Azərbaycan əsgərləri - Azərbaycan gəncləri qazanmışlar. Ölkəmizin inkişafında gənclərin rolunu yüksək dəyərləndirən ulu öndər 1999-cu ildə Azərbaycan gənclərinin ikinci forumundakı nitqində bu barədə fikirlərini böyük inamla ifadə etmişdir: "Vətənpərvər gəncliyi olan xalqımızın daha böyük, daha parlaq gələcəyi var. Ona görə də Azərbaycanı, Azərbaycan dövlətçiliyini yaşatmaq, onu qüdrətli etmək üçün siz, yüksək amallı Azərbaycan gəncləri daim hazır olmalısınız", - deyən ümummilli lider gəncləri ərazi bütövlüyümüzü təmin edəcək böyük qüvvə kimi görürdü. Hələ sovet dövründə Bakıda ali ümumqoşun komandirləri məktəbinin fəaliyyət göstərməsi, C.Naxçıvanski adına hərbi liseyin yaradılması ölkənin müdafiə qabiliyyətinin gücləndirilməsində, gələcək qəhrəmanların yetişib formalaşmasında mühüm rol oynamışdır. Bugünkü möhtəşəm qələbənin təməlində bu amillərin rolu danılmazdır.
Dünyada "Əsgərlər qazanır, dövlət rəhbərləri ona öz imzaları ilə möhür vururlar" şəklində işlənən bir ifadə var. Tarixin müxtəlif dövrlərində özünü göstərən belə bir hadisəni bu dəfə məhz Azərbaycan Ordusu təkrarladı. Bu, hərbi qələbənin diplomatik sənəd üzərinə qətiyyətlə daşınması deməkdir. Özü də bu sənədlə Azərbaycanın dövlət müstəqilliyini elan etdiyi vaxtdan bəri ilk dəfədir ki, özünün BMT tərəfindən tanınmış bütün ərazisində ölkəmizin suverenliyini təmin edən konstitusion haqları bərpa olunur.
Böyük qələbə heç də birdən-birə əldə edilməmişdir. Buna qədər də rəşadətli ordumuz dəfələrlə xalqımıza qələbə sevincini dadızdırmışdır. 2016-cı ilin tarixi Aprel döyüşləri - Böyük Qayıdışın başlanğıcı kimi yaddaşlara həkk olunmuşdur. Azərbaycan və Ermənistan silahlı qüvvələrinin arasında atəşkəs sazişi imzalandıqdan sonrakı dövrdə ilk şiddətli döyüşlər kimi tarixə düşmüş bu qarşıdurma bizim ordumuzun parlaq qələbəsi ilə sonuclanmışdır. Əsgər və zabitlərimizin qəhrəmanlığı sayəsində Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun strateji əhəmiyyət daşıyan Lələ təpə yüksəkliyi və Cocuq Mərcanlı, Goranboy rayonunun Gülüstan kəndi, Tərtər rayonunun Qazaxlar kəndi və Madagiz kəndi istiqamətində yollar düşməndən azad olunmuşdur. 2018-ci ildə isə uğurlu hərbi əməliyyatlar nəticəsində Naxçıvan ərazisində, Sədərək rayonundakı Günnüt kəndi, Qızıl Qaya və Xunut yüksəkliyi və ətrafı ordumuzun nəzarətinə keçmişdir. Düşmənlə üz-üzə olan rayonun Heydərabad qəsəbəsində yerləşən ərazi 30 il sonra əkin dövriyyəsinə qatılmış, xalqın Böyük qələbəyə inamı daha da artmışdır. Bir il sonra Babakər dağı istiqamətində uğurlar əldə edilib. Yəni müharibədə mənəvi-psixoloji üstünlük beləcə zərrə-zərrə əldə olunur, Ermənistan ordusunun məğlubedilməzliyi barədə yaradılan mif dağılırdı.
Birgə bəyanatın bir özəlliyi də ondadır ki, Sovet İttifaqı dağılandan sonra Gürcüstan, Ukrayna, Moldova və digər dövlətlərdən fərqli, ilk dəfə olaraq, məhz Azərbaycan öz ərazi bütövlüyünü təmin edən bir sənədi dünyanın gözü qarşısında Rusiya lideri ilə imzalamağı bacardı. İkinci Dünya müharibəsindən sonra bir dövlətin qələbə qazanmasına - digərinin təslimçiliyinə dair məhz bu şəkildə anlaşma nə yaxın Şərqdə, nə də digər regionlarda olmayıb. Həmçinin Azərbaycan-Rusiya, Türkiyə-Rusiya strateji balansı bizi müxtəlif güclərin sazişi pozması cəhdlərindən sığortalayır.
BMT Təhlükəsizlik Şurasının məlum qətnamələri 27 il idi ki, kağız üzərində qalırdı. Beynəlxalq hüququn tələbləri yerinə yetirilmirdi. Azərbaycan ərazilərinin boşaldılması Ermənistandan tələb olunmurdu. Münaqişənin həlli üzrə yaradılmış ATƏT-in Minsk qrupunun həmsədrləri bir növ fəaliyyətsiz idilər. Onların bəziləri həmsədrlik statusuna uyğun gəlməyən mövqe tuturdular.
Müzəffər Azərbaycan ordusu BMT TŞ-nın, ATƏT-in 28 ilə edə bilmədiklərini cəmi 44 günə gerçəkləşdirdikdən, Ermənistanın baş naziri təslim haqqında bəyanata imza atdıqdan sonra bəzi dairələrin yenə də erməni təəssübkeşliyinə xidmət edən, Azərbaycanın qələbəsinə dodaq büzən çıxışları heç cür anlaşılan deyil. Dünyanın taleyini həll etmək missiyasında yer almış Fransa rəhbərliyi, həmçinin Kanada rəsmiləri və başqaları bu gün də heç bir əsas olmadan sülh sazişinə, haqqın, ədalətin bərpasına kölgə salmaqdadırlar. Gizli deyil ki, onlar ötən dövrlər ərzində ermənilərin törətdiyi Xocalı qətliamı, Xocavənd, Malıbəyli, Daşaltı, Ballıqaya, Ağdaban, Başlıbel faciələrini beynəlxalq hüquq əsasında birmənalı olaraq soyqırım cinayəti aktı kimi qiymətləndirməyənlərdir.
Atəşkəs razılaşmasının qüvvədə olduğu illər ərzində Ermənistanın silahlı qüvvələri dönə-dönə atəşkəs rejimini kobudcasına pozublar. İlk dövrlərdə Azərbaycana qarşı qondarma DQR ordusunun vuruşduğunu və danışıqlar masası arxasında, məhz "Xankəndi hökuməti"nin olduğunu iddia edən təcavüzkar ölkənin rəhbərliyi həddini o dərəcədə aşmışdı ki, son illərdə artıq özünün birbaşa münaqişə tərəfi olduğunu gizlətmir, qalib ədaları nümayiş etdirir, işğal ərazilərini genişləndirmək niyyətini dilə gətirirdi. Ötən 26 ildə elə ay, elə həftə olmamışdı ki, atəşkəs rejimi şaraitində Azərbaycanın əsgərləri şəhid olmasınlar. Tarixi Aprel döyüşlərindəki məğlubiyyətdən də düşmən ibrət dərsi götürmədi. Bizsə yenə də sülh prosesinə sadiq qalır, münaqişənin dinc yollarla nizamlanmasına ümid bəsləyiridik. Lakin iki il öncə Soros Fondunun, Fransa kimi birtərəfli mövqeyi olan dövlətlərin dəstəyi ilə Ermənistanda hakimiyyətə gəlmiş Nikol Paşinyan özünün məsuliyyətsiz bəyanatları və yersiz hərəkətləri ilə status-kvonu saxlamağa çalışır və dinc sülhyaratma prosesinin perspektivini sıfıra endirirdi. Nəhayət, 2020-ci il sentyabrın 27-də sülh danışıqlarının effekt verəcəyindən ümidini tamamilə üzən Azərbaycan Silahlı Qüvvələri erməni hərbçilərinin atəşkəs rejimini növbəti dəfə, özü də bütün cəbhə boyu pozmasına cavab olaraq əks-hücum əməliyyatına başladılar. Minsk qrupuna, digər havadarlarına arxalanan və cəzasız qalacağına tam əmin olan Ermənistanın silahlı qüvvələri növbəti təxribatlarının acı nəticəsini daddılar, müzəffər Azərbaycan Ordusu tərəfindən onların burunları lazımınca ovuldu.
Bir-birinin ardınca qələbələr gəldikcə, ərazilərimizdə üçrəngli Azərbaycan bayrağı sancılıb dalğalandıqca dövlətimizin başçısı müjdə dolu xəbərləri ilə xalqa müraciət edir, gözaydınlığı verirdi. Noyabrın 10-da imzalanan bəyanatdan sonra da cənab İlham Əliyev üzünü daim sədaqətlə xidmət etdiyi və varlığı ilə öyündüyü xalqına tutaraq tarixi nitqini söylədi: "Hesab edirəm ki, bu bəyanatın imzalanmasının səbəbi noyabrın 9-da - Dövlət Bayrağı Günündə bizim növbəti şanlı hərbi qələbəmiz olub. Çünki noyabrın 9-da 72 yaşayış məntəqəsini Azərbaycan Ordusu işğalçılardan azad edib. Şuşanın azad edilməsi, noyabrın 9-da 72 yaşayış məntəqəsinin azad edilməsi və sentyabrın 27-dən bu günə qədər 300-ə yaxın yaşayış məntəqəsinin azad edilməsi ilə Ermənistan ordusunun belini qırmışıq. Paşinyan məcbur olub bu bəyanata öz imzasını atır. Amma çox miskin, çox acınacaqlı durumda. Mən isə böyük fəxarət və sevinc hissi ilə bu bəyanata öz imzamı atmışam. Çünki bu bəyanat uzun illər davam edən işğala son qoyur. Bu bəyanat imkan verir ki, hələ də işğal altında olan digər rayonlarımızı - Ağdam, Laçın, Kəlbəcər rayonlarını qan tökülmədən qaytaraq. Qısa bir müddət qoyulur, bu ayın sonuna qədər bu rayonlar bizə qaytarılır. Bu, böyük xoşbəxtlikdir".
Danılmaz həqiqətin səmimi etirafı! Böyük qələbənin sevinci! Dünyanın ağıllı başları, sülhpərvər bəşəriyyət də bunu alqışlayır, Azərbaycanın haqq işini dəstəkləyirlər. Təkzibedilməz faktdır ki, Böyük qələbə, ilk növbədə, mükəmməl ordu quruculuğunun nəticəsində qazanılmışdır. Prezident seçildiyi illər ərzində cənab İlham Əliyevin fəaliyyətinin prioritet istiqaməti ordu quruculuğu olmuşdur. Eyni zamanda, ciddi, yorulmaz diplomatik, siyasi səylər göstərilməli idi və Ali Baş Komandanımız buna da nail olmuşdur. Cənab İlham Əliyevin təşəbbüsü ilə Azərbaycanda güclü müdafiə sənayesi yaradılmışdır. Artıq biz ordumuzun tələbatını xeyli dərəcədə daxili istehsal hesabına təmin edirik. Azərbaycanda 1000-dən çox adda hərbi təyinatlı müasir məhsul istehsal olunur. Ordu quruculuğu hərbçilərin maddi-məişət problemlərinin həlli, təqaüdə çıxmış hərbçilərin məişət problemlərinin dövlət tərəfindən həll olunması, onlara mənzillərin verilməsi, hərbçilərimizin iş şəraitinin yaxşılaşdırılması ilə bərabər aparılmışdır. Bakının Azadlıq meydanında dəfələrlə keçirilmiş hərbi paradlar bütün dünyaya Azərbaycanın gücünü göstərmişdir.
Möhtərəm Prezidentimiz döyüş qabiliyyətinin artırılmasını ordu quruculuğu sahəsində əsas amil sayır: "Biz müasir silahlardan istifadə edirik, texnikadan istifadə edirik, düşmənin texnikasını məhv edirik. Torpaqlarımızı ancaq Azərbaycan əsgəri azad edir, Azərbaycan zabiti azad edir, sinəsini qabağa verərək, heç nədən qorxmayaraq, əlində bayraq, əlində silah düşməni qovan da əsgərdir, düşməni məhv edən də əsgərdir. Eşq olsun bizim əsgərlərimizə! Bax, belə ordu yaratmışıq biz!"
Azərbaycanın mərd, fədakar, qəhrəman oğulları bütün bu müddət ərzində əsl hərbi ləyaqət nümayiş etdirmiş, döyüş meydanlarında ölümün gözünə dik baxmışlar. Bu yolda şəhidlərimiz də az olmayıb. Elə möhtərəm Ali Baş Komandanımız da hər çıxışında onların ruhuna dərin ehtiramını ifadə edir: "Birinci Qarabağ və İkinci Qarabağ müharibələrinin şəhidləri bizim qəlbimizdə əbədi yaşayacaq. Allah bütün şəhidlərimizə rəhmət eləsin. Onların qəhrəmanlığı, fədakarlığı nəticəsində biz torplaqlarımıza qayıdırıq. Allah bütün yaralı hərbçilərimizə şəfa versin, onlar tezliklə sağalıb normal həyata dönsünlər, onların sağalması üçün də əlimizdən gələni edirik və edəcəyik. Hətta ən ağır vəziyyətdə olan yaralı əsgərimiz, zabitimiz bilməlidir, əlimizdən gələni edəcəyik ki, onu normal həyata qaytaraq. Biz bu qələbəyə görə onlara borcluyuq".
Bir mühüm məqam da düşmənə, eləcə də bədxahlarımıza qarşı informasiya müharibəsində Azərbaycanın qətiyyəti, öz sözünü mərdanə şəkildə deməsi olmuşdur. Bu müharibə dövründə Prezident 30-a yaxın müsahibə vermiş və demişdir ki, biz beynəlxalq hüquqa hörmətlə yanaşırıq, ədaləti müdafiə edirik, BMT Təhlükəsizlik Şurasının qətnamələrini icra edirik. İntiqamı düşməndən alırıq, işğalçıdan alırıq, mülki vətəndaşlarla işimiz yoxdur. Amma, təəssüf ki, bəzi xarici jurnalistlər müsahibələr zamanı birtərəfli, qərəzli və qıcıqlandırıcı suallar verməklə çaşqınlıq yaratmağa, necə deyərlər, ağızdan söz qoparmağa çalışır, məlum dairələrin tapşırıqlarını icra etdiklərini gizlədə bilmirdilər. Bu baxımdan ABŞ-ın "Fox News" telekanalının, Böyük Britaniyanın "BBS News" şirkətinin təmsilçiləri hədsiz canfəşanlıq göstərirdilər. Azərbaycan rəhbəri hər bir müsahibədə özünün müdrik, təmkinli, səbrli, yüksək dərəcədə mədəni davranışları ilə qarşı tərəfi sözün əsl mənasında tərksilah edirdi. Prezidentin bu xüsusda söylədikləri hər kəsin ürəyindən xəbər verir: "Onların səviyyəsinə də düşmürəm. Heç vaxt. Necə lazımdır cavab verirəm də, susurlar da. Çünki cavab verə bilmirlər. Deyirəm get güzgüyə bax, sən burada bizi ittiham etməyə gəlmisən? Sual vermir. Elə bil ki prokurordur, ittiham edir bizi. Sən kimsən ki? Jurnalistlərə mənim hörmətim böyükdür. Buna görə ondan istifadə edirlər. Mən onlarla belə mülayim tərzdə danışıram. Amma bilirlər ki, istənilən formada danışa bilərəm onlarla. Bax, budur reallıq. Bizə qarşıdır bu reallıq. Amma biz reallığı dəyişdirdik".
Birgə bəyanatın bir önəmli özəlliyi də Naxçıvanla bağlıdır. Bu tarixi sənəddə Naxçıvan Muxtar Respublikasının Azərbaycanın əsas hissəsi ilə əlaqəsi təsbit edilmişdir. Naxçıvanla bütün kommunikasiyaların açılması, eyni zamanda, yeni nəqliyyat-kommunikasiya infrastrukturunun yaradılacağı ayrıca bənddə qeyd olunmuşdur. Əslində, birbaşa münaqişə ilə bu bəndin əlaqəsi yoxdur. Amma möhtərəm Ali Baş Komandanımızın təkidi ilə bu bənd bəyanata salınmışdır. Beləliklə, Naxçıvanı Azərbaycanla, Azərbaycanın əsas hissəsi ilə quru yollarla birləşdirmə istiqamətində tarixi addım atılmışdır. Məlum faktdır ki, mənfur düşmən 1990-cı illərin əvvəllərində və ondan da bir qədər öncə Naxçıvanı faktiki olaraq mühasirəyə almışdı, bütün kommunikasiya xətləri kəsilmişdi. Həmçinin, Ermənistan ərazisindən oraya hücumlar da edilirdi. Məhz ulu öndər Heydər Əliyevin cəsarəti və fəaliyyəti nəticəsində Naxçıvan işğal altına düşməmiş, Prezident İlham Əliyevin müdrik fəaliyyəti və qayğısı sayəsində bu qədim diyar məhrumiyyətlərdən qurtararaq inkişaf etmişdir. Halbuki, erməni vandalları oranı da işğal etmək planlarının olmasını gizlətmirdilər.
Bəyanatda Dağlıq Qarabağın statusu haqqında bir kəlmənin də olmaması Azərbaycan diplomatiyasının ən böyük uğurlarından biridir. Bildiyimiz kimi, Ermənistan tərəfi elə hey tələb edirdi ki, Dağlıq Qarabağa müstəqillik verilsin. Hətta döyüşlərin getdiyi günlərdə onlar bir ağızdan dünya güclərinə yalvarırdılar ki, tez qondarma "Artsax"ın müstəqilliyini tanısınlar və bu müharibə Azərbaycanın işğalçılıq müharibəsi kimi qəbul edilsin. Amma vaxtında Azərbaycan onlara muxtariyyət təklif edəndə razı olmamış və demişdilər ki, yox, bu, "müstəqil dövlətdir". Bu da nəticəsi: nəinki müstəqillik, heç muxtariyyət statusu barədə də bəyanatda heç bir qeyd yoxdur.
Təməli ulu öndər Heydər Əliyev tərəfindən qoyulmuş, Prezident İlham Əliyevin müdrik xarici və daxili siyasəti sayəsində uğurla reallaşan inkişaf, tərəqqi, qələbə konsepsiyasının əsas amilləri və ən fərəhli cəhətləri bunlardır. Biz xoşbəxt insanlarıq ki, Azərbaycanımızın öz tarixinin yeni, parlaq səhifələrini yazaraq daha xoşbəxt sabahlara yol açmasının şahidləri və iştirakçılarıyıq.


Ayaz Salehov,
Ağdaş rayon notariat ofisinin xüsusi natarusu.

24-12-2023, 18:17 | Prezident İlham Əliyevin həyata keçirdiyi güclü dövlət, güclü ordu strategiyası torpaqlarımızın işğaldan azad olmasının ən başlıca səbəbidir

Azərbaycan Ordusunun 2020-ci il sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatı ölkəmizin tam qələbəsi və düşmənin kapitulyasiyası ilə nəticələndi. Bununla da Vətən müharibəsi başa çatdı. Azərbaycan bu döyüşdə parlaq qələbə qazandı, işğal altındakı torpaqlarımızı yağılardan təmizlədi. Müzəffər ordumuzun hər bir əsgəri, hər bir zabiti müharibədə qəhrəmancasına döyüşdü, düşmənin torpaqlarımızdan qovulmasında müstəsna xidmətlər göstərdi, yaralandı, öz həyatlarını risk altına atdı, lakin məqsədi uğrunda inadından dönmədi, əzmlə, cəsarətlə zəfər yürüşünü son nəticəyə qədər davam etdirdi.
Azərbaycan Prezidenti, Müzəffər Ali Baş Komandan İlham Əliyev demişdir: "İkinci Qarabağ müharibəsi tarixdə Azərbaycanın şanlı qələbəsi kimi qalacaq. Bu qələbənin qazanılmasında bütün xalqımız birlik, həmrəylik göstərmişdir. Atılan addımlar bütün bir məqsədi güdürdü ki, qısa müddət ərzində az itkilərlə düşmənə elə sarsıdıcı zərbə vuraq ki, düşmən məcbur olub torpaqlarımızdan çıxsın. Döyüş meydanında qazanılmış qələbələr siyasi müstəvidə də qələbənin qazanılmasını şərtləndirdi. Əgər döyüş meydanında biz bu qələbəni qazanmasaydıq, inanmıram ki, işğalçı qalan torpaqlardan çıxacaqdı. Necə ki, torpaqlarımızı 30 ilə yaxın müxtəlif yollarla işğal altında saxlamağa can atan düşmən bu işğalı əbədi etmək istəyirdi, biz danışıqlar yolu ilə də heç bir nəticə əldə edə bilməzdik. Biz bu müharibəni şəhidlərimizin canı-qanı bahasına, hərbçilərimizin rəşadəti hesabına, dövlətimizin siyasəti hesabına qazanmışıq...".
Dövlətimizin başçısı çıxışında bu zəfərin, bu qələbənin xalqımızın tarixində əbədi qalacağını, Azərbaycanın həm döyüş meydanında, həm də danışıqlar masası arxasında istədiyinə nail ola bildiyini vurğuladı. Füzuli, Cəbrayıl, Zəngilan, Qubadlı və Şuşa şəhərlərinin hərbi güc hesabına azad edildiyini, bayrağımızın o doğma yurd yerlərində sancıldığını diqqətə çatdırdı. Bununla da bütün dünya Azərbaycanın güc-qüdrətinin şahidi oldu.
Ali Baş Komandan həmçinin bildirib ki, döyüşlərin şiddətli xarakter almasına, düşmənin müqavimət göstərməsinə baxmayaraq, Azərbaycan Ordusu 44 gün ərzində peşəkarlıq, qəhrəmanlıq nümayiş etdirdi. Bu peşəkarlıq, qəhrəmanlıq nümunəsi sayəsində, cəsarət, hünər, əzm hesabına 44 gün ərzində 300-ə yaxın kənd, 5 şəhər, 4 qəsəbə, çoxsaylı strateji yüksəkliklər azad olundu. Düşmənin texnikası tam məhv edildi, canlı qüvvəsinə ciddi zərbə vuruldu. Ermənistan ordusu darmadağın edildi, atəşkəs ərəfəsində isə artıq vahid komandanlığı olmayan, müqavimət qabiliyyətini itirən, başıpozuq dəstələrə çevrildi.
Azərbaycan Dağlıq Qarabağın incisi olan Şuşa şəhərini, onun ardıca bir gündə 70-dən artıq kəndi, 8 strateji yüksəkliyi işğalçıdan təmizləməklə, Ermənistanı diz çökdürdü və kapitulyasiyaya məcbur etdi.
Beləliklə, 2020-ci il sentyabrın 27-dən başlanan müharibə sonda Azərbaycanın tam qələbəsi ilə nəticələndi. Danışıqlar prosesinin müxtəlif mərhələlərində müzakirə olunan razılaşma müddəalarının ölkəmiz üçün ən sərfəli variantı belə hazırda Azərbaycanın əldə etdiyi üstünlüklə müqayisəyə gələ bilməz. Başqa sözlə, 30 il ərzində aparılan danışıqlar prosesində düşmən dövlət reallaşdırmaq istədiklərinin heç birini həyata keçirə bilmədi, Dağlıq Qarabağın statusunun müəyyənləşdirilməsi gerçəkləşmədi, bu bölgədə yeni erməni dövlətinin yaradılması planları isə tamamilə pozuldu.
Yaxşı xatırlayırıq, 30 illik sülh danışıqları zamanı Ermənistanın maraqlarının təmin edilməsinə cəhdlər olunurdu, Azərbaycan Silahlı Qüvvələri keçmiş DQMV-yə, o cümlədən, Şuşa şəhərinə girməsi, ümumiyyətlə, yaxın buraxılmırdı. Hətta, keçmiş Şaumyan, indiki Goranboy rayonunun bir hissəsinin ermənilərin nəzarətinə verilməsi tələb edilirdi. Lakin böyük qələbə ilə Azərbaycan Prezidenti, Ali Baş Komandan İlham Əliyev yeni bir reallıq yaratdı, Şuşa şəhəri də daxil olmaqla, Dağlıq Qarabağın böyük bir hissəsi Azərbaycan Ordusunun nəzarətinə keçdi.
Ali Baş Komandan İlham Əliyevin rəhbərliyi ilə Azərbaycan Ordusu canı-qanı bahasına Ermənistan ordusunun məğlubedilməzliyi barədə illərdən bəri formalaşdırılan mifi 44 günə dağıtdı, bütün qüvvələri Azərbaycan xalqının iradəsi ilə hesablaşmağa vadar etdi, Azərbaycanın ərazi bütövlüyünü gerçəkləşdirdi. Sübut edildi ki, Azərbaycanın razılığı olmadan Dağlıq Qarabağla bağlı heç bir qərar verilə bilməz. İnzibati ərazisi xeyli böyük olan Kəlbəcər, Ağdam və Laçının şəhid vermədən, qan tökülmədən geri qaytarılması da reallaşdı.
Şuşa şəhəri, Xocavənd, o cümlədən, Hadrut qəsəbəsi, Kəlbəcər, Ağdam və Laçının geri qaytarılması isə Dağlıq Qarabağa gedən bütün strateji yolların, yüksəkliklərin, kommunikasiya xətlərinin tamamilə Azərbaycan Silahlı Qüvvələrinin nəzarətinə keçməsi ilə yekunlaşdı.
Bundan sonra, şübhəsiz ki, məcburi köçkünlərin dogma yurdlarına geri dönmələri ilə demoqrafik balans da tamamilə Azərbaycanın xeyrinə dəyişəcək.
Onu da vurğulayaq ki, Azərbaycanın böyük qələbəsi ilə Ermənistanın öz müqəddəratını təyinetmə ilə əlaqədar bütün iddiaları qüvvədən düşdü, bütün məsələlərin yalnız respublikamızın ərazi bütövlüyü prinsipinə əsasən həlli gerçəkləşdi.
Burada bir məqamı da xatırlatmaq istərdik. Kəlbəcər, Ağdam və Laçınının boşaldılması və Ermənistanla sərhəd bölgələrinin Azərbaycan Ordusunun nəzarətinə keçməsi sayəsində faktiki olaraq düşmən ölkə ilə Dağlıq Qarabağı yalnız 5 kilometrlik kiçik Laçın dəhlizi əlaqələndirəcək. Rusiya sülhməramlılarının nəzarəti altında olacaq Laçın dəhlizində Ermənistan hərbiçiləri dayanmayacaq və dəhlizin təhlükəsizliyi Azərbaycan tərəfindən reallaşdırılacaq.
Bəli, Azərbaycan bütün bu uğurlara müharibədə, döyüşdə əldə etdiyi möhtəşəm qələbə ilə nail oldu. Prezident, Silahlı Qüvvələrin Ali Baş Komandanı İlham Əliyev 1 saylı Kliniki Tibbi Mərkəzdə müalicə olunan hərbçilərlə görüşündə bu barədə dedi: "Düşmən işğal edilmiş torpaqlardan öz xoşu ilə çıxmaq istəmirdi və siz - bu döyüşlərdə fəal iştirak edən insanlar yaxşı bilirsiniz ki, 30 il ərzində hansı istehkamlar qurmuşdular. O istehkamları yarıb keçmək, o müdafiə xətlərini dəf etmək çox böyük qəhrəmanlıq və hərbi peşəkarlıq tələb edirdi. Bir də ki, o bölgənin coğrafiyası özlüyündə bir istehkamdır. Şuşa alınmaz qala sayılan bir şəhərdir. Pənahəli xan o şəhəri elə salmışdır ki, Şuşa sakinlərini düşməndən maksimum dərəcədə mühafizə edə bilsin. Şuşanı bir neçə gün ərzində az itkilərlə və şəhərə böyük zərər vurmadan almaq böyük peşəkarlıq, rəşadət rəmzidir. Düşmən 30 il bu torpaqlarda hazırlıq işləri görüb. Bu hazırlıq işləri onu göstərir ki, öz xoşu ilə torpaqlarımızdan çıxmaq istəmirdi. Əgər istəsəydi, bu məsələlərə nə üçün bu qədər vəsait ayırırdı? Bu, onu göstərir ki, bütün bu dövr ərzində - 30 ilə yaxın dövr ərzində düşmən, sadəcə olaraq, bizi aldadırdı, vasitəçiləri aldadırdı ki, onlar bizim torpaqlarımızdan çıxacaqlar. Bu, yalan idi və döyüş meydanında mövcud olan mənzərə bunu təsdiqləyir…".
Dövlətimizin başçısı çıxışında diqqəti, eyni zamanda, işğaldan azad edilən torpaqlarımızdakı hazırki acınacaqlı mənzərəyə yönəldərək, bildirdi ki, belə vəziyyət düşmənin Azərbaycan xalqına nifrət hissi ilə yaşadığını göstərir. Yox, əgər belə deyilsə, onda işğal altındakı kənd və şəhərlərimizin yerlə-yeksan olunmasına, bütün binaların sökülməsinə nə ehtiyac var idi?! Yağılardan təmizlənən ərazilərimizin demək olar ki, 99 faizində yaşayış və ictimai binalar, məktəblər, xəstəxanalar, tarixi abidələr, əcdadlarımızın qəbirləri, məscidlərimiz tamamilə dağıdılıb: "İndi biz bu görüntüləri yayırıq, mətbuatda hər kəs bunu görə bilər. Bu, vəhşilikdir, vandallıqdır, bu, hərbi cinayətdir. Düşmən hərbi cinayət törədib və artıq göstəriş verilib ki, dəymiş ziyanın hesablanması, onun uçotu təmin edilsin. Artıq qruplar səfərbər edilib, beynəlxalq ekspertlər dəvət ediləcək. Beynəlxalq ekspertlərin iştirakı ilə bütün dağıntıların maddi və mənəvi ziyanı hesablanacaq və biz - həm insanlar fərdi qaydada, eyni zamanda, mütəşəkkil qaydada düşməni beynəlxalq məhkəmələrə verəcəyik, onlar təzminat ödəyəcəklər, öz çirkin əməllərinə cavab verəcəklər və cavab verirlər".
Beləliklə, Azərbaycan tarixi zəfər yürüşü ilə özü haqqında məğlubedilməzlik sindromu yaradan Ermənistan silahlı qüvvələrini 44 gün ərzində darmadağın etdi. Azərbaycan hərb tarixinə yenilik kimi düşən strategiya tətbiq edərək, ən müasir silahlardan yararlanmaqla, habelə minimal itkilər verərək qısa müddət ərzində düşmənin bütün hərbi texnikasını sıradan çıxardı, canlı qüvvəsinə ciddi zərbə vurdu.
Ermənistan və onun havadarları tərəfindən hərbi əməliyyatları dayandırmaq üçün Azərbaycana diplomatik və siyasi təzyiqlər göstərildi. Prezident İlham Əliyev qəti siyasi iradəsini nümayiş etdirdi, bütün təzyiqlərə mərdanə şəkildə sinə gərərək onları dəf etdi, öz prinsipial mövqeyindən dönmədi. Dövlətimizin başçısı dünyanın aparıcı mediasına verdiyi 30-a yaxın müsahibə dünya informasiya məkanında ölkəmizə qarşı olan hücumları darmadağın etdi.
Beləcə Ermənistanın və onun havadarlarının işğala və tədricən Azərbaycan ərazilərinin ilhaqına əsaslanan planları alt-üst oldu. Regionda Azərbaycanın maraqlarına cavab verən yeni siyasi reallıq yarandı. Nəticədə Azərbaycan vətəndaşlarının 30 ilə yaxın davam edən torpaq həsrətinə son qoyuldu. Prezident İlham Əliyev nəyi necə və nə zaman etməyi özünün yaxşı bildiyini bir daha nümayiş etdirdi.
Bu qələbə azərbaycanlılar haqqında məğlub xalq sindromunu sındırdı, xalqın inamını özünə qaytardı. Bütün dünya gördü ki, Azərbaycan xalqı heç vaxt məğlubiyyətlə barışmayacaq və gec-tez öz amalına qovuşacaqdır. Prezident İlham Əliyevin son 17 ildə həyata keçirdiyi güclü dövlət, güclü ordu strategiyası torpaqlarımızın işğaldan azad olmasının ən başlıca səbəbidir.


Seyidhüseyn Hüseynov,
Azərbaycan Təhsil İşçiləri Azad Həmkarlar İttifaqının Sabirabad rayon Komitəsinin sədri .

24-12-2023, 18:10 | Dünyanı aldadan erməni yalanlarına başqa bir zərbəni Prezident İlham Əliyev öz müsahibələri ilə vurdu

Azərbaycanın ərazi bötövlüyünün təmin olunması uğrunda Vətən müharibəsi bizim möhtəşəm Qələbəmizlə başa çatdı. Müharibənin bu cür uğurlu sonluqla yekunlaşacağı əvvəldən bəlli idi. Ona görə ki, biz haqq işi uğrunda mübarizə aparırdıq və Ali Baş Komandanın rəhbərliyi ilə rəşadətli ordumuz öz vəzifəsini layiqincə yerinə yetirdi.
27 il idi işğal altında olan Füzuli, Cəbrayıl, Zəngilan, Qubadlı rayonlarında indi Azərbaycan bayrağı dalğalanır. Tərtərin, Xocavəndin, Laçının, Xocalının bir sıra kəndləri işğaldan təmizləndi. Nəhayət 2020-ci il noyabrın 9-da Şuşanın azad edilməsindən sonra işğalçı Ermənistan Azərbaycanın şərtləri daxilində kapitulyasiyaya məcbur oldu.
Ordumuz işğal altında olan 300-ə yaxın kəndi, 5 şəhər, 4 qəsəbə, çoxsaylı strateji yüksəklikləri azad etdi. Qoşunlarının əsas hissəsini Dağlıq Qarabağda saxlayan Ermənistanın hərbi texnikası tam məhv edildi, canlı qüvvəsinə ciddi zərbə vuruldu. Atəşkəs ərəfəsində işğalçı ordu artıq vahid komandanlığı olmayan, müqavimət qabiliyyətini itirmiş, başıpozuq dəstələri xatırladırdı.
Dövlətimizin başçısı İlham Əliyev hələ hərbi əməliyyatların başlandığı ilk günlərdən Ermənistan qarşısında şərtlərini açıqlamışdı. Bu şərtlərə əsasən, düşmən işğal etdiyi Azərbaycan torpaqlarından qoşunlarının çıxarılması ilə bağlı cədvəl verməli idi. Əgər vaxtında Ermənistanın siyasi-hərbi rəhbərliyi bu şərtləri qəbul etsəydi, döyüş meydanlarında minlərlə erməni əsgəri həlak olmazdı. İndi Ermənistanda bu məğlubiyyətə görə baş nazir N.Paşinyanı vaxtında düzgün qərarlar verməməkdə ittiham edirlər. Xüsusən müxalifət təmsilçiləri bildirirlər ki, Ermənistanın Azərbaycan qarşısında məğlubiyyətinin qaçılmaz olduğu bilinəndə baş nazir müharibənin dayandırılması üçün Azərbaycan Prezidenti İlham Əliyevin şərtlərini qəbul etməliydi.
İndi Dağlıq Qarabağ probleminin həlli ilə bağlı tamamilə yeni reallıq yaranıb. Ermənilərin Dağlıq Qarabağda respublika yaratmaq iddialarına tamamilə son qoyulub. İndi Ermənistan faşist Almaniyasının taleyini yaşayır. Artıq bütün şərtləri qalib Azərbaycan diktə edir.
Bu müharibədə Ermənistana elə bir siyasi, iqtisadi və həm də mənəvi zərbə vuruldu ki, işğalçı dövlət çətin bunun altından çıxsın. Hüquqi-siyasi zərbə ondan ibarətdir ki, bu məğlubiyyətlə Ermənistanın müasir tarixinin ən biabırçı səhifəsi yazıldı.
Dünya erməniliyi, erməni diasporu əsrlər boyu bütün dünyada "məzlum erməni xalqı" obrazını yaratmışdı. Əfsuslar olsun ki, bir çox hallarda onlar məqsədlərinə nail olmuş, ayrı-ayrı ölkələri öz çirkin niyyətlərinə inandıra bilmişdilər. Bu müharibə bütün dünyada ermənilərlə bağlı yaranmış stereotipləri demək olar ki, kökündən dəyişdi. Heç bir beynəlxalq təşkilat Ermənistanın müdafiəsinə qalxmadı. Azərbaycan isə BMT-nin Nizamnaməsinin 51-ci maddəsinə əsasən öz hüquqlarını müdafiə etdiyini ilk gündən bəyan etdi. BMT Nizamnaməsinin 51-ci maddəsində yazılır ki, bu nizamnamədə heç nə təcavüzə məruz qalmış dövlətin fərdi və ya kollektiv özünümüdafiə haqqını gerçəkləşdirməsini əngəlləmir. Eyni zamanda Fransa istisna olmaqla, dünyanın heç bir dövləti açıq şəkildə Ermənistanı müdafiə etmədi. Ermənistan siyasi baxımdan beynəlxalq ictimaiyyətdən dəstək almadı və bütün bunların fonunda beynəlxalq ictimaiyyət işğalçının məhz Ermənistan olduğunu gördü.
Dünyanı aldadan erməni yalanlarına başqa bir zərbəni Prezident İlham Əliyev öz müsahibələri ilə vurdu, müharibənin ilk günlərindən sonuna qədər tanınmış xarici KİV-ə verdiyi müsahibələrdə Dağlıq Qarabağ problemi ilə bağlı hüquqi məsələləri ən yüksək səviyyədə dünya ictimaiyyətinin diqqətinə çatdırdı. Dövlətimizin başçısı Dağlıq Qarabağın məhz Azərbaycan torpaqları olmasının hüquqi tərəflərini mükəmməl şəkildə izah etdi. Erməni lobbisinin tapşırıqları ilə suallar ünvanlayan bəzi xarici KİV təmsilçiləri cənab Prezidentin cavabları qarşısında mövzunu dəyişməyə məcbur oldular.
Müharibənin Ermənistana vurduğu iqtisadi zərbənin təsiri də ölçüyəgəlməzdir. Milyardlarla dollar ziyanın yerini doldurmağa bu vəziyyətdə onilliklər də bəs etməyəcək. Təbii ki, bu fonda sosial sferada Ermənistanda vəziyyət daha da kəskinləşəcək.
Azərbaycan və Rusiya prezidentlərinin, Ermənistanın baş nazirinin imzaladığı üçtərəfli bəyanatı beynəlxalq təşkilatların da bu razılaşmanı təqdir etmələri göstərdi ki, dünya ictimaiyyəti Ermənistanın kapitulyasiyasına tərəfdardır.
Hazırda qarşıda duran əsas vəzifələrdən biri işğal dövründə Ermənistanın Azərbaycana vurduğu zərərin hesablanması və işğalçı barədə beynəlxalq hüququn tələblərinə uyğun ölçü götürülməsidir. Ermənistanın təcavüzü nəticəsində Azərbaycanın işğal olunmuş ərazilərində törədilmiş dağıntılar 30 illik proses çərçivəsində ayrıca qiymətləndiriləcək. Əvvəllər bu məsələni qaldıran zaman həmin ərazilərə giriş imkanı olmayıb, real faktlar əsasında bunu ortaya qoymaq çətin idi. İndi isə həmin ərazilər işğaldan azad edilib.
Ordumuzun qələbə qazanacağına əmin olan Azərbaycan hökuməti hələ döyüşlər baş çatmadan işğaldan azad olunan torpaqlarda quruculuq fəaliyyətinə başladı. Bu fəaliyyətlərlə həm orduya logistik dəstək verildi, həm də gələcək üçün təməl qoyuldu.

Etibar Niftaliyev,
Azərbaycan Təhsil İşçiləri Azad Həmkarlar
İttifaqı Zərdab Rayon Komitəsinin sədri

24-12-2023, 18:04 | Qələbələr salnaməsi yazan Ali Baş Komandan

Sovet İttifaqının süqutundan sonra Ermənistanın başladığı genişmiqyaslı işğalçılıq müharibəsinin gedişində Azərbaycan ərazisinin 20 faizi, yəni Dağlıq Qarabağ bölgəsi və onun ətrafındakı 7 rayon - Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları düşmən ölkənin silahlı qüvvələri tərəfindən işğal olundu, 20 mindən çox azərbaycanlı qətlə yetirildi. Ermənistandan və Azərbaycanın işğal edilən bölgəsindən 1 milyondan çox azərbaycanlı didərgin salındı. İşğalçılıq müharibəsinin gedişində azərbaycanlı əhaliyə qarşı bir sıra soyqırımı cinayətləri də törədildi.
Ümummilli liderimiz Heydər Əliyev 1993-cü ilin iyun ayında hakimiyyətə qayıtdıqdan sonra isə düşmənə müqavimət gücləndirildi. Ordu quruculuğu və silahlı qüvvələrimizin möhkəmləndirilməsi sahəsində görülən düşünülmüş tədbirlər işğalçının hərbi birləşmələrinə ağır zərbələr endirilməsini və yağı tapdağındakı bəzi ərazilərimizin, o cümlədən Füzuli rayonunun strateji əhəmiyyət daşıyan Horadiz qəsəbəsinin azad olunmasını şərtləndirdi. Belə bir şəraitdə, yəni Azərbaycanın əvvəlki gücsüz və taqətsiz ölkə olmadığını anlayan Ermənistan 1994-cü ilin mayında atəşkəs imzalamağa razılaşdı. Beləliklə, Ermənistan- Azərbaycan, Dağlıq Qarabağ münaqişəsinin dinc yolla aradan qaldırılması üçün mötəbər beynəlxalq təşkilatların köməyi ilə aparılan danışıqlara əlverişli şərait yarandı. Həmçinin həmin qurumlar tərəfindən qəbul edilən sənədlər münaqişənin nizama salınmasının hüquqi bazasının ayrılmaz hissəsini təşkil etdi: BMT Təhlükəsizlik Şurasının 1993-cü ildə qəbul etdiyi 822, 853, 874 və 884 nömrəli qətnamələrdə, eləcə də BMT Baş Məclisinin 2008-ci ildə qəbul etdiyi 62/243 nömrəli qətnamədə Azərbaycanın suverenliyi, ərazi bütövlüyü və sərhədlərinin toxunulmazlığı birmənalı şəkildə təsdiqləndi və Ermənistan silahlı qüvvələrinin işğalı altındakı ərazilərimizdən dərhal və qeyd-şərtsiz çıxarılması tələb olundu. Avropa Parlamenti, Avropa Şurası Parlament Assambleyası, İslam Əməkdaşlığı Təşkilatı, Qoşulmama Hərəkatı, Avropa İnsan Hüquqları Məhkəməsi və digər mötəbər beynəlxalq qurumların ayrı-ayrı illərdə qəbul etdikləri sənədlərdə də düşmən ölkənin silahlı qüvvələrinin işğalda saxladığı bütün ərazilərdən çıxarılması tələb olundu, habelə torpaqlarından didərgin düşən insanların öz yurdlarına geri dönmələri hüququ bildirildi.
Münaqişənin nizama salınması üçün vasitəçilik səyləri göstərən ATƏT-in Minsk qrupunun həmsədr ölkələrinin, yəni Amerika Birləşmiş Ştatları, Rusiya və Fransanın dövlət başçıları tərəfindən status-kvonun qəbuledilməzliyi diqqətə çatdırılmaqla bərabər, məsələnin tezliklə öz həllini tapması dəfələrlə bəyan edildi. Həmsədrlərin irəli sürdüyü və Azərbaycan tərəfindən qəbul olunan Madrid prinsipləri də münaqişənin nizama salınmasına yönəldildi. Ümumiyyətlə, uzun illər boyu aparılan danışıqlarda Azərbaycan tərəfi daim təmkinli davranaraq, sülh prosesinə sadiqlik göstərdi, işğalın aradan qaldırılmasına, ölkəmizin ərazi bütövlüyünün bərpasına, didərgin düşən soydaşlarımızın doğma yurdlarına qayıtmalarına hər hansı şəkildə kömək göstərə biləcək bütün təkliflərə anlayışla yanaşdı. Təəssüf ki, münaqişənin həlli istiqamətində göstərilən bütün beynəlxalq səylər Ermənistanın qeyri-konstruktiv və pozucu mövqeyi üzündən heç bir səmərə vermədi. İşğalçı dövlətin rəhbərliyinin cəzasız qalması, eyni zamanda, onun bölgədə sülh və sabitlik yaradılmasında marağı olmayan xarici qüvvələrin dəstəyindən yararlanması səbəbindən danışıqlar prosesi heç bir nəticə vermədi.
Ötən dövrdə Ermənistan ordusu atəşkəs rejimini dəfələrlə pozdu. Aprel və Tərtər döyüşlərində isə yeni ərazilər işğal etməyə cəhd göstərdi.
Bütün bunlarla yanaşı, Dağlıq Qarabağda yaradılan qondarma rejim başçısı Şuşada özünə "andiçmə" mərasimi keçirdi. Eyni zamanda, düşmən tərəfindən oyuncaq qurumun "parlamentinin" Şuşaya köçürülməsi, qanunsuz məskunlaşdırma siyasətinin genişləndirilməsi, danışıqların formatının dəyişdirilməsi iddiaları səsləndirildi, hətta danışıqları davam etdirmək üçün Azərbaycan qarşısında üzdəniraq şərtlər qoymaqdan belə çəkinilmədi.
Ermənistanın dövlət başçısının irəli sürdüyü "Qarabağ Ermənistandır və nöqtə", Ermənistan müdafiə nazirinin vurğuladığı "yeni ərazilər üçün yeni müharibə" iddiaları işğalçı ölkə rəhbərliyinin əsl niyyətlərini üzə çıxardı. Bu məsuliyyətsiz davranış və bəyanatlara beynəlxalq təşkilatlar, eləcə də düşməni sülhə sövq etməli olan Minsk qrupunun həmsədr ölkələri tərəfindən heç bir münasibət bildirilməməsi Ermənistanın canfəşanlığının artmasına, daha çox əl-qol açmasına gətirib çıxardı.
Ermənistan odusunun sentyabrın 27-də təxribat törədərək, ölkəmizə hücuma keçməsi, müxtəlif növ silahlardan, o cümlədən ağır artilleriyadan istifadə edərək yaşayış məntəqələrimizi və hərbi mövqelərimizi bir neçə istiqamətdən atəşə tutması Azərbaycanı əks-hücum əməliyyatlarına başlamağa məcbur etdi. Prezident, Silahlı Qüvvələrin Ali Baş Komandanı İlham Əliyevin rəhbərliyi ilə Azərbaycan Ordusu 44 gün davam edən müharibə gedişində möhtəşəm qələbələr qazanaraq, dünya hərb tarixinə yeni şanlı səhifələr yazdı. Beləliklə, Silahlı Qüvvələrimizin kompleks inkişafı və modernləşdirilməsi ilə bağlı son 17 ildə həyata keçirilən hərbi siyasətin səmərəliliyi döyüş meydanında təcəssümünü tapdı.
Sentyabrın 27-dən başlayan, 44 gün davam edən və Dağlıq Qarabağ da daxil olmaqla işğal altındakı ərazilərimzin qaytarılması ilə nəticələnən Vətən müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildi. Azərbaycan xalqı öz liderinin - müzəffər Ali Baş Komandan İlham Əliyevin ətrafında sıx birləşərək bütün dünyaya öz gücünü, mətinliyini, mübarizliyini nümayiş etdirdi.
Prezident İlham Əliyev hərb meydanında müzəffər sərkərdə, diplomatik cəbhədə böyük strateq nümunəsi ortaya qoydu, informasiya müharibəsində Azərbaycanın haqq səsi oldu, cəsarətlə bütün təzyiqlərə sinə gərdi, öz xalqı ilə vəhdətdə olan lider kimi mübarizlik rəmzinə çevrildi.
Otuz il işğal altında olan əzəli torpaqlarımız - Cəbrayıl, Füzuli, Zəngilan, Qubadlı rayonları, Şuşa şəhəri, Hadrut qəsəbəsi, digər yaşayış məntəqələri, strateji yüksəkliklər işğaldan azad edildi. Hər bir kəndin, qəsəbənin, şəhərin azad olunması xalqımız tərəfindən el bayramı kimi, böyük sevinclə qarşılandı.
Azərbaycan əsgəri əsl qəhrəmanlıq, mərdlik, şücaət, rəşadət nümunəsinə çevrildi. Düşmənin 30 ildir qurduğu, milyonlarla vəsait sərf etdiyi nəhəng istehkamlar qısa müddətdə darmadağın edildi, ordumuzun tətbiq etdiyi müharibə strategiyası müasir dövr hərb tarixinə qabaqcıl nümunə kimi həkk olundu.
Ermənistan ordusu, ermənilərin özləri haqqında yaratdığı "məğlubedilməzlik" mifi pozuldu, düşmən ordunun yüzlərlə texnikası, minlərlə canlı qüvvəsi məhv edildi.
Noyabrın 8-də Şuşanın, 9-da 70-dən artıq kəndin, 1 qəsəbənin, 8 strateji yüksəkliyin alınması, bunun ardınca, noyabrın 10-da Ermənistanın ağ bayraq qaldırması, kapitulyasiya etməsi tariximizə zəfər həftəsi kimi həkk olundu.
Beləliklə, Azərbaycan, Rusiya prezidentləri və Ermənistanın baş naziri tərəfindən imzalanan birgə bəyanatla 30 ildən artıq davam edən münaqişəyə, Azərbaycan torpaqlarının işğalına son qoyuldu, Cənubi Qafqaz bölgəsinin gələcək inkişafına yönələn fəaliyyətin yeni formatı şərtləndirildi. Bəyanatın müddəalarına uyğun olaraq, Dağlıq Qarabağ münaqişəsi zonasında atəşin və bütün hərbi əməliyyatların dayandırılması elan edildi. Bu il dekabrın 1-dək Kəlbəcər, Ağdam və Laçın rayonları mərhələ-mərhələ Azərbaycan Respublikasına qaytarılması qərara alındı. Dağlıq Qarabağda təmas xətti və Laçın dəhlizi boyu 5 il müddətinə Rusiya Federasiyasının sülhməramlı kontingenti yerləşdirildi.
Daxili məcburi köçkünlər və qaçqınların Dağlıq Qarabağın ərazisinə və ətraf rayonlara BMT-nin Qaçqınlar üzrə Ali Komissarlığı Ofisinin nəzarəti altında qayıtmaları, hərbi əsirlərin, girovların və digər saxlanılan şəxslərin, habelə cəsədlərin mübadiləsinin həyata keçirilməsi, bölgədə bütün iqtisadi və nəqliyyat əlaqələrinin bərpası nəzərdə tutuldu. Ermənistan tərəfindən vətəndaşların, nəqliyyat vasitələrinin və yüklərin hər iki istiqamətdə maneəsiz hərəkətinin təşkili məqsədi ilə Azərbaycanın qərb rayonları ilə Naxçıvan Muxtar Respublikası arasında nəqliyyat əlaqəsinin təhlükəsizliyinə zəmanət verildi. Tərəflərin razılığı əsasında Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının inşasının reallaşdırılması qərara alındı.
Azərbaycan Ordusunun işğalçı Ermənistan silahlı qüvvələrinə qarşı başladığı əks-hücum əməliyyatı ilə 44 gün ərzində 300-ə yaxın kənd, 5 şəhər, 4 qəsəbə, çoxsaylı strateji yüksəkliklər azad edildi. Bununla da ölkəmizin Böyük Qələbəsi reallaşdı. Bir sözlə, Azərbaycan həm döyüş meydanında, həm də danışıqlar masası arxasında istədiyini gerçəkləşdirdi. Bütün dünya xalqımızın tarixində əbədi qalacaq bu qələbə ilə Azərbaycanın gücünün-qüdrətinin şahidi oldu.
Azərbaycanın bu möhtəşəm uğuru 30 illik həsrətin sona çatması və uzun müddət işğal altında olan ərazilərimizdə tikinti-quruculuq, abadlıq işlərinə başlanılması deməkdir. Bu, həm də işğaldan azad olunan kənd, qəsəbə və şəhərlərimizdə torpaq, meşə, su, yeraltı sərvətlər və digər resursların Azərbaycanın iqtisadi dövriyyəsinə cəlb olunmasından xəbər verir.
Hazırda respublikamızda postkonflikt dövrünün hazırlığına başlanılır, "Böyük qayıdış"a uyğun olaraq kommunikasiyaların bərpası, iqtisadiyyatın qurulması, yaşayışın təmin edilməsi və həyatın canlandırılması planları hazırlanır. Postkonflikt dövründə Azərbaycanda sənaye, aqrar və xidmət sahələrinin inkişafının həm yeni resursların cəlb edilməsi, həm də səmərəliliyin artırılması hesabına reallaşdırılması nəzərdə tutulur.
Bütün bunlar qısa bir zamanda reallaşandan sonra ermənilər tərəfindən barbarcasına dağıdılan, viran edilən yaşayış məntəqələrimizə yeni bir həyat, yeni bir canlanma gələcək.

Alı Məmmədov,
Azərbaycan Təhsil İşçiləri Azad Həmkarlar İttifaqının Sabunçu Rayon Komitəsinin sədri .

24-12-2023, 17:30 | İlham Əliyevli Azərbaycan yeni quruculuq mərhələsinə daxil olur

Azərbaycan Ordusunun işğalçı Ermənistan silahlı qüvvələrinə qarşı başladığı əks-hücum əməliyyatı ilə 44 gün ərzində 300-ə yaxın kənd, 5 şəhər, 4 qəsəbə, çoxsaylı strateji yüksəkliklər azad edildi. Bununla da ölkəmizin Böyük Qələbəsi reallaşdı. Bir sözlə, Azərbaycan həm döyüş meydanında, həm də danışıqlar masası arxasında istədiyini gerçəkləşdirdi. Bütün dünya xalqımızın tarixində əbədi qalacaq bu qələbə ilə Azərbaycanın gücünün-qüdrətinin şahidi oldu.
Azərbaycanın bu möhtəşəm uğuru 30 illik həsrətin sona çatması və uzun müddət işğal altında olan ərazilərimizdə tikinti-quruculuq, abadlıq işlərinə başlanılması deməkdir. Bu, həm də işğaldan azad olunan kənd, qəsəbə və şəhərlərimizdə torpaq, meşə, su, yeraltı sərvətlər və digər resursların Azərbaycanın iqtisadi dövriyyəsinə cəlb olunmasından xəbər verir.
Hazırda respublikamızda postkonflikt dövrünün hazırlığına başlanılır, "Böyük qayıdış"a uyğun olaraq kommunikasiyaların bərpası, iqtisadiyyatın qurulması, yaşayışın təmin edilməsi və həyatın canlandırılması planları hazırlanır. Postkonflikt dövründə Azərbaycanda sənaye, aqrar və xidmət sahələrinin inkişafının həm yeni resursların cəlb edilməsi, həm də səmərəliliyin artırılması hesabına reallaşdırılması nəzərdə tutulur.
Bütün bunlar qısa bir zamanda reallaşandan sonra ermənilər tərəfindən barbarcasına dağıdılan, viran edilən yaşayış məntəqələrimizə yeni bir həyat, yeni bir canlanma gələcək.
Prezident, Silahlı Qüvvələrin Ali Baş Komandanı İlham Əliyev bildirib ki, düşmənin dağıtdığı bütün evlərin hamısı dövlət hesabına yenidən tikiləcək, zərər görən bütün binalar bərpa ediləcək. Vətəndaşlarımızın itirilən mülkiyyəti bərpa olunacaq: "Mən söz verirəm ki, onlar üçün tikiləcək evlər əvvəlki evlərdən daha yaxşı olacaq, daha keyfiyyətli olacaq, daha geniş olacaq. Biz bunu edəcəyik. Bizim üçün xalqımızın rifahı, təhlükəsizliyi birinci məsələdir. Ancaq bu dövr ərzində mənim üçün ondan da vacib məsələ torpaqlarımızın qaytarılması idi, ərazi bütövlüyümüzün bərpası idi, bayrağımızın Şuşada ucaldılması idi, işğal altında olan bütün başqa torpaqlarda bayrağımızın qaldırılması idi. Buna nail olduq".

Niyazi Nəcəfov,
Azərbaycan Təhsil İşçiləri Azad Həmkarlar
İttifaqı Şirvan Şəhər Komitəsinin sədri

24-12-2023, 17:25 | Ulu öndər Heydər Əliyevin möhkəm təməllər üzərində qurduğu dövlətçilik ənənələri İlham Əliyev tərəfindən daha da inkişaf etdirildi

XIX əsrin əvvəllərindən başlayaraq Qafqazdakı tarixi Azərbaycan ərazilərinə, eləcə də qədim Qarabağın dağlıq hissəsinə köçürülən ermənilər ağalarının və nökərçilik etdikləri dairələrin dəstəyi ilə hər fürsətdə çirkin niyyətlərini həyata keçirməyə cəhd göstərmişdir. Bu başabəla toplum tarixi ərazilərimizdə etnik tərkibi öz xeyirlərinə dəyişdirmək üçün hər cür xəyanətə və rəzilliyə getmişdir.
Uzun illər öz məkrli niyyətlərini gerçəkləşdirmək üçün real tarixi şəraitin yetişməsini gözləyən düşmən qonşu, təəssüf ki, ötən əsrin 90-cı illərinin əvvəllərində himayəçilərinin fəal dəstəyilə və həmin dövrdə ölkəmizdə baş alıb gedən hərc-mərclikdən, hakimiyyətsizlikdən istifadə etməklə soydaşlarımızın tarixi ərazilərimiz olan Qərbi Azərbaycandan deportasiyasına nail oldu. Bununla kifayətlənməyən təcavüzkar Ermənistan bolşeviklərin süni surətdə "Dağlıq Qarabağ" adlandıraraq erməni muxtariyyətinə çevirdikləri ərazilərlə birlikdə bütün Qarabağın 7 rayonunu da bir-birinin ardınca işğal etdi.
Bu zaman 1 milyondan artıq dinc soydaşımıza kütləvi surətdə divan tutub öz yurdundan qovan vəhşiləşmiş erməni silahlı birləşmələri Xocalı faciəsi, Daşaltı qətliamı kimi qanlı cinayətlər törətməklə bəşər tarixinin yaddaşına yeni qanlı səhifələr yazdılar. İşğal olunmuş 20 faiz ərazimiz talan edilib, oda qalandı, qaçqın və məcburi köçkünlər çadır şəhərciklərində, yük vaqonlarında, zirzəmi, yataqxana və təsərrüfat tikililərində acınacaqlı durumda, ən ağır şərtlər altında yaşamağa məhkum edildi.
Ümidsizlik girdabında boğulan, heç bir yerdən ciddi siyasi-mənəvi dəstək ala bilməyən, daxili çəkişmələr üzündən hər gün daha da çətin vəziyyətə düçar olan xalqımızı və dövlətimizi belə bir ağır məqamda ümummilli liderimiz Heydər Əliyev xilas etdi. 1993-cü ilin 15 iyununda xalqın təkidli tələbi ilə xilaskar missiyasında hakimiyyətə gələn ulu öndərimiz qısa müddətdə siyasi iradə və təcrübə nümayiş etdirərək ölkədə əmin-amanlığa, sabitliyə nail oldu. Dünyanın nəhəng şirkətləri ilə imzalanmış neft müqavilələri və digər iqtisadi layihələrlə dövlətimizin iqtisadi qüdrəti, xalqımızın rifahı yüksəldi, sabitlik və inkişaf soydaşlarımızı ümidsizlik girdabından, sözün əsl mənasında, xilas etdi.
Dünyaya hərtərəfli inteqrasiya, fəal xarici əməkdaşlıq, faydalı diplomatik əlaqələrin qurulması ilə dost və tərəfdaş ölkələrin sayı artdı. Bütün bunların yaratdığı əlverişli şəraitdə zəruri ordu quruculuğu sahəsində də ciddi uğurlar əldə edildi. Ayrı-ayrı şəxslərə, qüvvələrə tabe olan silahlı birləşmələrin vahid komandanlıq altında birləşdirilməsi tezliklə öz bəhrəsini verdi. Arazqırağı cəbhə xəttində ilk qələbələr qazanıldı, itirilmiş torpaqların bir hissəsi geri qaytarıldı. Ölkəmizdə yaranmış milli birliyin və ordudakı intizamın gücünü görən düşmən atəşkəs sazişini imzalamağa məcbur oldu. Bütün bu xronologiya bir daha sübut edir ki, əgər ulu öndərimiz münaqişənin başladığı ilk dövrdə ölkəmizə rəhbərlik etsəydi, bu müsibətlərin heç biri xalqımızın başına gəlməyəcəkdi.
2003-cü ildə ulu öndərimizin siyasi varisi, ən layiqli davamçısı İlham Əliyevin xalqımızın yekdil səsi ilə ölkə Prezidenti seçilməsi dövlətimizin tarixində yeni mərhələnin başlanğıcı oldu. Ulu öndərin möhkəm təməllər üzərində qurduğu dövlətçilik ənənələri daha da inkişaf etdirildi, bugünkü şanlı qələbəmiz üçün zəmin yaranmağa başlandı. İqtisadi yüksəliş səviyyəsinə görə dünyanın önə çıxan dövlətlərindən birinə çevrilən Azərbaycan hərbi quruculuğu ən yüksək səviyyədə apardı, silahlı qüvvələrimiz dünyanın ən müasir, qüdrətli orduları siyahısına daxil oldu. 2016-cı ilin Aprel zəfəri, 2020-ci ilin Tovuz qələbəsi Ali Baş Komandan İlham Əliyevin rəhbərlik etdiyi ordunun qarşısında heç bir gücün dayana bilməyəcəyini bütün dünyaya bəyan etdi.
2020-ci il sentyabr ayının 27-də bədnam qonşularımız növbəti dəfə hərbi təxribat törədərək ölkəmizin yeni ərazilərini ələ keçirmək üçün hücuma keçdilər. Amma öz siyasi və hərbi gücünü, daha doğrusu, gücsüzlüyünü və rəzilliyini düzgün hesablaya bilməyən terrorçu Ermənistan dövləti və Paşinyan hakimiyyəti bu dəfə biabırçı məğlubiyyətə uğradı. Müzəffər ordumuzun güclü və sürətli əks-hücum əməliyyatı ilə başlayan müqəddəs Vətən savaşımız böyük qələbə ilə nəticələndi. İkinci Qarabağ müharibəsinin ilk anlarından zəfər müjdəli Ali Baş Komandanımızın verdiyi müdrik və cəsarətli qərarlar, bütün dünyaya örnək olan xalq-iqtidar birliyi, qardaş və dost ölkələrin siyasi və mənəvi dəstəyi, ən başlıcası isə komandanlığın əmrlərini ən yüksək səviyyədə yerinə yetirən zabit və əsgərlərimizin rəşadəti hesabına əsarətdə olan torpaqlarımız işğaldan azad olundu, dünya birliyi tərəfindən tanınan ərazi bütövlüyümüz bərpa edildi.
Savaşın ilk anlarından strateji Murov zirvəsində, Füzulidə, Cəbrayılda, sonrakı günlərdə Suqovuşanda, Hadrutda, Zəngilanda, Qubadlıda üçrəngli şanlı bayrağımız ucaldıldı. Noyabr ayının 8-də - Azərbaycan Respublikasının Dövlət Bayrağı gününü qeyd etməyə hazırlaşdığımız bir məqamda isə müzəffər Ali Baş Komandanımız İlham Əliyev Qarabağımızın ürəyi Şuşa şəhərinin işğaldan azad olunması müjdəsini xalqımıza çatdırmaqla şanlı tariximizin ən şərəfli, ən qürurlu səhifələrindən birini yazdı.
Vətən savaşının başladığı ilk gündən cəsarətli, prinsipial və ardıcıl mövqeyini ortaya qoyan möhtərəm Prezidentimiz "Şuşasız bizim işimiz yarımçıq qalar” - söyləmişdi və verdiyi bütün vədlər kimi, bu sözünə də ən qısa müddətdə əməl etdi. Bununla da xalqımızın qəlbindən Şuşa ağrısı, nisgili əbədi olaraq silindi. Ali Baş Komandanımızın fəxarət və qürur hissi ilə səsləndirdiyi "Əziz Şuşa, sən bizimsən, sən azadsan, biz qayıtmışıq, biz səni dirçəldəcəyik!" - sözləri bu gün xalqımız üçün Şuşa dağlarında səslənən Koroğlu nərəsi qədər möhtəşəmdir, Şuşanın özü qədər müqəddəsdir.
Şuşa qalasının fəthindən cəmi bircə gün sonra Ali Baş Komandanımızın 72 yaşayış məntəqəsi və 8 strateji yüksəkliyin azad olunması xəbərini verməsi ilə düşmənin beli tamamilə sındı, olmayan ruhu yerlə-yeksan edildi. Cəmi bir neçə saat sonra düşmən yalvara-yalvara, ağlaya-ağlaya, xalqımızın qarşısında, möhtərəm Prezidentimiz, yenilməz sərkərdəmiz İlham Əliyevin qarşısında diz çökərək kapitulyasiyadan, ağ bayraq qaldıraraq təslim olmaqdan başqa yol tapmadı.
Müqəddəs şəhərimiz Şuşada yaxın ötən aylarda rəqs edən təlxək Nikol Paşinyan o qədər rəzil duruma düşdü ki, kapitulyasiya sənədini kabinetində deyil, gizləndiyi siçan deşiyində - gizli sığınacaqda imzalamaq məcburiyyətində qaldı. Bununla düşmən ölkəsinin rəhbəri faşist fürer Hitlerdən də ağır bir tale yaşamağa məhkum olduğunu hər kəsə nümayiş etdirdi. Əslində, rəzil düşmənin bu cür biabırçı duruma düşəcəyini Vətən savaşının ilk günündən Ali Baş Komandanımız əminliklə söyləmişdi. Ermənistanın xunta rejimi savaşın sürdüyü 44 gündə ordusunu, hərbi infrastrukturunu, çökmüş iqtisadiyyatını tamamilə məhv etdi. Terrorçu dövləti sonu görünməyən fəlakətə sürükləndi.
Azərbaycan dövləti isə 44 günlük müharibə nəticəsində uzun illər dünya ölkələri və beynəlxalq təşkilatlar tərəfindən aparılan mənasız sülh danışıqları prosesinə son qoydu, tarixi ədaləti özü bərpa etdi. 27 il kağız üzərində qalmış BMT qətnamələri döyüş meydanında reallaşdırıldı. Eyni zamanda, Azərbaycan bu savaş ilə ədalətli müharibə aparmağın presedentini yaratdı. Dövlətimiz, müzəffər ordumuz bütün dünyaya bəyan etdi ki, o, qarşı tərəfdən fərqli olaraq, yalnız işğalçı qüvvələrlə döyüşür, yalnız legitim hərbi obyektləri məhv edir, mülki əhali və infrastruktur onun hədəfi deyil. Vətən müharibəsi günlərində əsir və girovlarla münasibətdə də Azərbaycan Ordusu peşəkarlıq, eyni zamanda, rəhm, təmkin nümayiş etdirdi, özünün əzmi, qüdrəti ilə yanaşı, ədalətini də bütün dünyaya sübut etdi.
Bu tarixi qələbə, eyni zamanda, uzun illərdir beynəlxalq təşkilatlar və güc mərkəzləri tərəfindən ortaya atılan "Qarabağ münaqişəsinin hərbi həlli yoxdur" tezisini də alt-üst etdi. Ali Baş Komandanımız və müzəffər ordumuz bu tezisin əksini döyüş meydanında sübut etdi. Döyüşdə qələbə çalan dövlətimiz diplomatik cəbhədə də uğur qazandı: nəhayət, Vətən müharibəsinin ilk günündən Ali Baş Komandanımızın haqqında bəhs etdiyi cədvəl tərtib olundu, işğal altında olan Laçın, Kəlbəcər və Ağdamın da azad olunacağı şanlı tarixlər məlum oldu. Bu müjdəni də Ali Baş Komandanımız xalqımıza böyük sevinc və qürurla çatdırdı!
Nəhayət, əsrlərlə haqqında danışılacaq, şəninə dastanlar, qəhrəmanlıq, zəfər nəğmələri qoşulacaq, tarixi salnamələrdə öz əksini tapacaq 44 günlük Vətən savaşımız qalibiyyətlə başa çatdırıldı. Terrorçu Ermənistan dövləti Ali Baş Komandanımız İlham Əliyevin bütün şərtləri, tələbləri ilə qeyd-şərtsiz razılaşmalı oldu. 15 noyabrda Kəlbəcərin, 20 noyabrda Ağdamın, 1 dekabra qədər Laçın rayonunun işğaldan azad edilməsi ilə Azərbaycanın dünya birliyi, beynəlxalq təşkilatlar tərəfindən tanınmış ərazi bütövlüyü bərpa olunacaq, xalqımızın 30 illik həsrətinə son qoyulacaq.
Ali Baş Komandanımızın Şuşanın işğaldan azad edilməsi ilə bağlı tarixi müraciətində səsləndirdiyi "Əziz Şuşa, biz səni dirçəlcədəyik!" şüarı bütünlüklə Qarabağa, işğaldan azad edilən bütün torpaqlara həyatın qayıdacağı devizi kimi olduqca əzəmətli səslənir. Müzəffər ordusunun gücü ilə tarixi ərazilərini qarış-qarış, addım-addım işğaldan azad edən Azərbaycan dövləti ən yaxın zamanda özünün iqtisadi gücünü, potensialını da bütün dünyaya nümayiş etdirəcək. Erməni vandalları tərəfindən dağıdılmış, məhv edilmiş şəhərlərimiz, qəsəbələrimiz, kəndlərimiz bərpa olunacaq, yenidən qurulacaq və soydaşlarımız həmin torpaqlarda öz firavan həyatlarına davam edəcəklər.
Müharibənin başa çatması, şanlı qələbənin əldə edilməsi münasibətilə 1 saylı Kliniki Tibbi Mərkəzdə müalicə olunan hərbçilərlə görüşü zamanı məcburi köçkünlərə müraciət edən Ali Baş Komandan qətiyyətlə bildirdi ki, işğaldan azad olunmuş ərazilərdə, ilk növbədə, təhlükəsizlik tədbirləri görüləcək. Daha sonra isə bütün infrastruktur bərpa ediləcək, soydaşlarımız illərlə həsrətində olduqları dədə-baba yurdlarına dönəcəklər.
Xalqımız əmindir ki, Azərbaycan dövləti beynəlxalq hüququn verdiyi imkanlardan bəhrələnərək Ermənistanın terrorçu rəhbərliyinin, 30 il ərzində xalqımıza qarşı qanlı cinayətlər törətmiş şəxslərin, Xocalı qatillərinin hüquqi müstəvidə də cəzalandırılmasına nail olacaq. Terrorçu Ermənistan dövləti bu illər ərzində Azərbaycana vurduğu maddi və mənəvi zərərə görə təzminat ödəməyə məcbur ediləcək.
Bu şanlı Qələbənin əldə edilməsi üçün canlarını fəda edən şəhidlərimizin, eləcə də Birinci Qarabağ savaşında şəhid olanların xatirəsi xalqımız, dövlətimiz tərəfindən həmişə əziz tutulacaq, onların ailə üzvləri, yaxınları ölkəmizdə ən ali hörmətə, izzətə layiq olduqlarını hər an hiss edəcəklər. Döyüşlərdə yaralananlar, qazilərimiz hər zaman dövlətimizin himayəsində olacaqlar. Azərbaycan xalqı olaraq bu şanlı qələbənin əldə olunmasında onlara borclu olduğumuzu hər zaman ehtiramla ifadə edəcəyik, qazilərimiz başımızın tacı, gözümüzün nuru olacaqlar.
Qüdrətli, yenilməz, ərazi bütövlüyünü bərpa edən, tarixi torpaqlarında üçrəngli bayrağını ucaldan Azərbaycan dövləti bu tarixi qələbədən sonra daha da qüdrətlənəcək, inkişaf edəcək. Ali Baş Komandanımız, möhtərəm Prezidentimiz İlham Əliyevin liderliyi ilə xalqımız daha böyük gələcəyə, xoş sabahlara qovuşacaq.
Bu şanlı, tarixi qələbənin əldə olunması münasibətilə bir daha xalqımızı, müqəddəs ata vəsiyyətini - ulu öndərimiz Heydər Əliyevin ərazi bütövlüyümüzün bərpa edilməsi ilə bağlı arzularını həyata keçirən yenilməz Ali Baş Komandanımızı, müzəffər ordumuzu təbrik edirik. Vətən savaşımızda canından keçən şəhidlərimizə Allahdan rəhmət diləyir, onların müqəddəs ruhları qarşısında baş əyirik.

Ramil Bayramov ,
Azərbaycan Avtomobil Yolları
Dövlət Agentliyinin
29 saylı Yol İstismar idarəsi rəisi

24-12-2023, 16:11 | Çağdaş dövlətçilik tariximizi yaradan LİDER

2020-ci il noyabrın 10-da gecə saatlarında Azərbaycan Prezidenti İlham Əliyev və Rusiya Prezidenti Vladimir Putin arasında videokonfrans formatında görüşə baxanda özümü dünyanın ən xoşbəxt insanı hesab etdim. Dağlıq Qarabağ münaqişəsinə nöqtə qoyulduğunu eşitdikdə, bir daha torpağımızda günahsız insanların qanının tökülməyəcəyini düşünərək sevindim. Üçtərəfli bəyanatı imzalayarkən, Prezidentin də sevindiyini duyduqda, bütün ailəliklə xoşbəxt olduq.
Elə cənab Putinin də yaranmış vəziyyətdən razı qaldığı görünürdü. O bildirdi ki, birgə bəyanatda şərh edilmiş qərar nəinki Ermənistan ilə Azərbaycan arasında çoxillik qarşıdurmaya son qoyacaq, bu torpaqlarda qan tökülməsini dayandıracaq, həm də təsbit edilmiş razılaşmalara etibarlı nəzarət mexanizmi, regionda münasibətlərin inkişafı üçün əlverişli şərait yaradacaq.
Prezident İlham Əliyev isə Ermənistan ilə Azərbaycan arasında çoxillik münaqişənin nizamlanması işinə nöqtə qoyulduğunu qeyd etdi: "Deməliyəm ki, indi bizim gördüyümüz münaqişənin hərbi-siyasi nizamlanması işi, əminəm ki, regionumuzda uzunmüddətli sülhə, həmrəyliyə gətirib çıxaracaq, qarşıdurmaya və qan tökülməsinə son qoyacaq".
Azərbaycan lideri bu münaqişənin nizamlanmasında Rusiya Federasiyasının xüsusi rolunu xatırladaraq, Türkiyə Respublikasının Prezidenti cənab Rəcəb Tayyib Ərdoğana da təşəkkürünü bildirdi. Bizim üçün ən sevindirici məqam bəyanatın bəndlərindən birində Rusiya və Türkiyənin birgə sülhməramlı missiyasında işrirakının göstərilməsidir. İnanırıq ki, bundan sonra problemin həlli Azərbaycanın istədiyi şəkildə baş tutacaq. Bunun üçün Prezident İlham Əliyev böyük diplomatik fəaliyyət göstərib. Bütün xalqımız onun hər bir addımını dəstəkləyib. Bu gün də hamılıqla dövlət başçımıza güvənirik və onun dəstəyindəyik.
Şanlı ordumuzun Şuşanı alması ölkəmiz üçün böyük qürurdur. Xüsusilə, demək olar ki, silah işlətmədən, əlbəyaxa döyüşlər nəticəsində bu qədim şəhərimiz azad olundu. Həm də heç bir dağıntıya yol verilmədi. Bu, xüsusi bir qəhrəmanlıqdır. Rus jurnalistlərindən birinin məqaləsində oxudum ki, Azərbaycan əsgərləri yaralanmış, hətta həlak olmuş yoldaşlarını belə yolda atmayaraq, çiyinlərinə alıb üzüyuxarı - Şuşaya qaldırırlarmış.
Şübhəsiz ki, bütün bunlar Ali Baş Komandanımızın böyük sərkərdəlik məharətinin nəticəsidir. Döyüşdə yaxşı komandan, əlbəttə, böyük perspektiv deməkdir. Bizdə də belə oldu. Cəsur komandanın əmri ilə ordumuz, demək olar ki, heç bir güllədən, mərmidən çəkinmədən irəlilədi və böyük uğurlar qazandı.
Hesab edirəm ki, birgə bəyanatda heç bir statusdan söhbət getməməsi də mühüm əhəmiyyət daşıyır. Prezident İlham Əliyev dəfələrlə müsahibələrində qeyd edib ki, Azərbaycan yeni reallıq yaradıb və indi hamı bununla hesablaşmalıdır. Bu da Ali Baş Komandanımızın cəsarəti sayəsində əldə olundu. Bu məsələdə Xalq-Prezident birliyi öz sözünü dedi. Prezident xalqa arxalandı, ondan güc aldı. Bütün Azərbaycan xalqı da gecə-gündüz Prezidentimiz, ordumuz üçün dualar etdi.


Gəray Güliyev,
Fövqəladə Hallar Nazirliyinin
Qazax Rayon Dövlət Yanğından Mühafizə Hissəsinin rəisi.

24-12-2023, 15:31 | Azərbaycan Prezidenti xalqa arxalanır, ondan güc alır

2020-ci il noyabrın 10-da gecə saatlarında Azərbaycan Prezidenti İlham Əliyev və Rusiya Prezidenti Vladimir Putin arasında videokonfrans formatında görüşə baxanda özümü dünyanın ən xoşbəxt insanı hesab etdim. Dağlıq Qarabağ münaqişəsinə nöqtə qoyulduğunu eşitdikdə, bir daha torpağımızda günahsız insanların qanının tökülməyəcəyini düşünərək sevindim. Üçtərəfli bəyanatı imzalayarkən, Prezidentin də sevindiyini duyduqda, bütün ailəliklə xoşbəxt olduq.
Elə cənab Putinin də yaranmış vəziyyətdən razı qaldığı görünürdü. O bildirdi ki, birgə bəyanatda şərh edilmiş qərar nəinki Ermənistan ilə Azərbaycan arasında çoxillik qarşıdurmaya son qoyacaq, bu torpaqlarda qan tökülməsini dayandıracaq, həm də təsbit edilmiş razılaşmalara etibarlı nəzarət mexanizmi, regionda münasibətlərin inkişafı üçün əlverişli şərait yaradacaq.
Prezident İlham Əliyev isə Ermənistan ilə Azərbaycan arasında çoxillik münaqişənin nizamlanması işinə nöqtə qoyulduğunu qeyd etdi: "Deməliyəm ki, indi bizim gördüyümüz münaqişənin hərbi-siyasi nizamlanması işi, əminəm ki, regionumuzda uzunmüddətli sülhə, həmrəyliyə gətirib çıxaracaq, qarşıdurmaya və qan tökülməsinə son qoyacaq".
Azərbaycan lideri bu münaqişənin nizamlanmasında Rusiya Federasiyasının xüsusi rolunu xatırladaraq, Türkiyə Respublikasının Prezidenti cənab Rəcəb Tayyib Ərdoğana da təşəkkürünü bildirdi. Bizim üçün ən sevindirici məqam bəyanatın bəndlərindən birində Rusiya və Türkiyənin birgə sülhməramlı missiyasında işrirakının göstərilməsidir. İnanırıq ki, bundan sonra problemin həlli Azərbaycanın istədiyi şəkildə baş tutacaq. Bunun üçün Prezident İlham Əliyev böyük diplomatik fəaliyyət göstərib. Bütün xalqımız onun hər bir addımını dəstəkləyib. Bu gün də hamılıqla dövlət başçımıza güvənirik və onun dəstəyindəyik.
Şanlı ordumuzun Şuşanı alması ölkəmiz üçün böyük qürurdur. Xüsusilə, demək olar ki, silah işlətmədən, əlbəyaxa döyüşlər nəticəsində bu qədim şəhərimiz azad olundu. Həm də heç bir dağıntıya yol verilmədi. Bu, xüsusi bir qəhrəmanlıqdır. Rus jurnalistlərindən birinin məqaləsində oxudum ki, Azərbaycan əsgərləri yaralanmış, hətta həlak olmuş yoldaşlarını belə yolda atmayaraq, çiyinlərinə alıb üzüyuxarı - Şuşaya qaldırırlarmış.
Şübhəsiz ki, bütün bunlar Ali Baş Komandanımızın böyük sərkərdəlik məharətinin nəticəsidir. Döyüşdə yaxşı komandan, əlbəttə, böyük perspektiv deməkdir. Bizdə də belə oldu. Cəsur komandanın əmri ilə ordumuz, demək olar ki, heç bir güllədən, mərmidən çəkinmədən irəlilədi və böyük uğurlar qazandı.
Hesab edirəm ki, birgə bəyanatda heç bir statusdan söhbət getməməsi də mühüm əhəmiyyət daşıyır. Prezident İlham Əliyev dəfələrlə müsahibələrində qeyd edib ki, Azərbaycan yeni reallıq yaradıb və indi hamı bununla hesablaşmalıdır. Bu da Ali Baş Komandanımızın cəsarəti sayəsində əldə olundu. Bu məsələdə Xalq-Prezident birliyi öz sözünü dedi. Prezident xalqa arxalandı, ondan güc aldı. Bütün Azərbaycan xalqı da gecə-gündüz Prezidentimiz, ordumuz üçün dualar etdi.


Tahir Məmmədov,
Bakı şəhər Yasamal Rayon Bələdiyyəsinin sədri..

24-12-2023, 15:25 | Prezident İlham Əliyev Qarabağın və Şərqi Zəngəzurun xilaskarı kimi nüfuz qazandı

2003-cü ildə «Ona Özüm qədər inanınam» deyib xalqa müraciət edən ulu öndər Heydər Əliyevin bu etimadı özünü ərazi bütövlüyümüzün təmin olunmasında bir daha doğrultdu
Hesabat xarakteri daşıyan günləri xarakterizə edərkən o zaman qürurlu və sevincli oluruq ki, uğurlarımızın fonunda həmin tarixə nəzər salır, atdığımız addımlardan təəssüflənmirik. Təbii ki, bu kimi düşüncələr hər bir ölkənin həyatında əhəmiyyətli rol oynayan prezident seçkilərində səs verdiyimiz namizədin növbəti mərhələdə ölkəyə qazandırdığı uğurların, xalqına bəxş etdiyi firavan həyatın təhlilində özünün ifadəsini tapır.
Azərbaycanın son 19 ilinin mənzərəsini təqdim edərkən 2003-cü il oktyabrın 1-də ulu öndər Heydər Əliyevin Azərbaycan xalqına müraciətini xatırlatmaq bir tələb kimi qarşımıza qoyulur. Çünki bu müraciətlə bugünümüzün və gələcəyimizin əsası qoyuldu, növbəti inamın ünvanı düzgün göstərildi, xalq düzgün seçim edərək Azərbaycanın qalib ölkə kimi tanınmasına yol açdı. Müraciətdə deyilirdi: “Üzümü Sizə - həmvətənlərimə tutaraq, qarşıdan gələn Prezident seçkilərində Prezidentliyə namizəd, mənim siyasi varisim, Yeni Azərbaycan Partiyası sədrinin I müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm.»
2003-cü ilin 15 oktyabr tarixində keçirilən prezident seçkilərində seçicilərin 76 faizdən çoxunun səsini qazanan cənab İlham Əliyev andiçmə mərasimində Azərbaycanın daha güclü, qüdrətli dövlətə çevrilməsi üçün Heydər Əliyev siyasətinin davam etdirilməsinin vacibliyini bildirdi. Xalqımız cənab İlham Əliyevə səs verməklə Heydər Əliyev siyasətinin davamına səs verdi.
Ümummilli Liderin 2003-cü ildə xalqa müraciətində əksini tapan fikirlər cənab İlham Əliyevin 15 oktyabr 2003-cü ildə keçirilən prezident seçkilərində qələbəsi ilə yanaşı, son 19 ildə gördüyü işlərə, Azərbaycanın əldə etdiyi uğurlara, ən əsası dövlətimizin başçısının bu müddət ərzində dəfələrlə qələbəsini təmin etməsinə bələdçilik edir.
Cənab İlham Əliyev 2003-cü ildə Prezident kimi jurnalistlərə ilk müsahibəsində « Sizcə Sizi asan işlər gözləyir, yoxsa çətin» sualına cavabını xatırlatmaq istərdik. Dövlətimizin başçısı İlham Əliyev müasir müstəqil Azərbaycan dövlətinin qurucusu, ulu öndər Heydər Əliyevin düşünülmüş və məqsədyönlü siyasəti nəticəsində ölkəmizin bu günü və gələcəyi üçün yaradılan möhkəm təmələ əsaslanaraq sualı belə cavablandırmışdı ki, həm asan, həm də çətin: “Asan o mənada ki, artıq Azərbaycanda ölkəmizi hərtərəfli inikşaf etdirmək üçün gözəl zəmin yaranıbdır. On il ərzində Heydər Əliyevin siyasəti Azərbaycanda çox güclü bir təməl qoyubdur. Bu təməlin üzərində gözəl binanın inşa edilməsi asan görünə bilər. Amma eyni zamanda həyat yerində durmur. Yeni tələblər çıxır, qarşımıza yeni vəzifələr çıxır. Əlbəttə, yəqin çətinliklər də olacaqdır. Amma mən bu çətinliklərə hazıram. Əgər mən özümdə belə bir hazırlıq görməsəydim, heç vaxt bu yolla getməzdim. Mən məsuliyyətə də, çətinliklərə də hazıram. Əminəm ki, Azərbaycan xalqının dəstəyi ilə qarşıda duran bütün vəzifələri ləyaqətlə yerinə yetirəcəyəm. Demişəm, Azərbaycan xalqı görəcək ki, mən Azərbaycan üçün, xalqımız üçün yaxşı Prezident olacağam.»
Cənab İlham Əliyevin bu fikirləri sonrakı dövrdə görüləcək işlərin aydın mənzərəsini yaratdı. Onun həyata keçirdiyi siyasətin strateji hədəfi güclü Azərbaycan dövlətinin formalaşdırılması, iqtisadiyyatın inkişaf etdirilməsi, müasir iqtisadi sistemin yaradılması, cəmiyyət həyatının bütün sahələrini əhatə edən köklü islahatların həyata keçirilməsi və sair kimi həllivacib məsələlər idi. Son 19 ildə Azərbaycanın bütün sahələrdə qazandığı uğurları bir yazı çərçivəsində əhatə etmək qeyri-mümkün olsa da, bugünkü qalib , Zəfəri ilə qürur duyan Azərbaycan məhz görülən işlərin, əldə olunan uğurların təqdimatıdır. O Azərbaycan ki, artıq çoxəsrlik tarixinə yeni bir səhifəni-Zəfər səhifəsini yazdı. Artıq iki ildir ki, torpaqlarımızın işğaldan azad edildiyi tarixləri qeyd edir və bundan qürur hissi keçiririk. Hazırda Qarabağ və Şərqi Zəngəzur həyatının quruculuq dövrünü yaşayır. 30 illik torpaq həsrətinə son qoyulan soydaşlarımız Böyük Qayıdışı gözləyirlər. Bu qayıdışın atılan ilk addımı onun davamlı olacağına böyük əminlik yaradır.
Təbii ki, əldə olunan hər bir uğuru şərtləndirən amillər mövcuddur. Dövlət başçısı İlham Əliyev xalqa müraciətlərində daim bu fikri xüsusi qeyd edirdi ki, nəyi nə zaman edəcəyimi bilirəm. Eyni zamanda, Azərbaycan bu müddət ərzində özünün gücünü, qüdrətini artırdı, Qarabağ münaqişəsinin həlli üçün möhkəm hüquqi baza formalaşdı.
Ərazi bütövlüyümüzün bərpasının Prezident İlham Əliyevin siyasətinin şah əsəri kimi dəyərləndirilməsi 19 ilin uğurlarının ümumiləşdirilmiş ifadəsidir.
Dövlət başçısı İlham Əliyevin mətbuata ilk müsahibəsində söylədiyi bu fikirləri də xatırlamaq yerinə düşər. “Cənab Prezident, artıq Siz and içdiniz, indi ölkənin birinci şəxsisiniz və hansı hissləri keçirirsiniz” sualına cənab İlham Əliyevin cavabı ulu öndər Heydər Əliyevin qoyduğu möhkəm təməl üzərində inkişaf edən Azərbaycanın gələcək inkişafının istiqaməti kimi dəyərləndirildi: “Gərək mən ümidləri doğruldam... Qarşımda çoxlu vəzifələr var, çoxlu işlər görmək əzmindəyəm. Bütün bunlar haqqında düşünürdüm... Bu da təbii idi ki, keçmişdə gördüyüm işlər haqqında düşünürdüm. Həyatımın artıq növbəti və elə bil ki, sonuncu mərhələsi başlanır. Çünki bundan yuxarı vəzifə yoxdur. Bu, elə bir zirvədir ki, əlbəttə, mən bu zirvədə duraraq, təkcə özümü deyil, bütün Azərbaycan xalqını beynəlxalq aləmdə təmsil edəcəyəm. Əlbəttə, bu mənim çiyinlərimə əlavə məsuliyyət yükü qoyur.”
Ölkə Prezidenti İlham Əliyev bu məsuliyyəti uğurlu addımları ilə gerçəkləşdirdi, Azərbaycana biri-birindən əhəmiyyətli uğurlar qazandırdı. Son 19 ildə Prezident İlham Əliyevin təkmil və uzaqgörən inkişaf strategiyası nəticəsində ölkəmiz dayanıqlı və davamlı iqtisadi inkişafa nail oldu, dünyadakı nüfuzunu daha da artırdı, regionun siyasi, iqtisadi və mədəni mərkəzinə çevrildi, yeni-yeni hədəflərin gerçəkləşməsi istiqamətində inamlı addımlar atdı. “Biz son illər ərzində aparılan islahatlar nəticəsində bu səviyyəyə qalxa bilmişik” söyləyən cənab İlham Əliyev bildirir ki, bizim xoşbəxtliyimiz ondadır ki, müstəqil, azad dövlətdə Azərbaycan Respublikasının vətəndaşı kimi yaşayırıq. Biz bunu qiymətləndirməliyik və müstəqilliyi hər şeydən üstün tutmalıyıq.
Bu gün Azərbaycan regional inkişafın aparıcı qüvvəsinə, dünya birliyinin fəal üzvünə çevrilib. Azərbaycanın iştirakı olmadan bölgədə hansısa iqtisadi və siyasi layihənin həyata keçirilməsi mümkünsüzdür. İqtisadi müstəqillik Azərbaycanın siyasi müstəqilliyini şərtləndirdi. Dövlətimizin başçısı İlham Əliyev 44 günlük müharibə dövründə xalqa müraciətlərində, eyni zamanda, 10 noyabr Zəfər tariximiz münasibətilə xalqa təbrikində Qələbəmizdə iqtisadi və siyasi müstəqilliyin rolunu da xüsusi qeyd etmişdir. Azərbaycanın beynəlxalq münasibətlər sistemində möhkəmlənən mövqeyi, ən əsası Dağlıq Qarabağ münaqişəsinin həlli üçün möhkəm hüquqi bazanın mövcudluğu Azərbaycan Ordusunun döyüş meydanında qələbəsinə yol açdı. Azərbaycan dünyaya sübut etdi ki, beynəlxalq hüququn norma və prinsipləri mövcuddur və onların icrası üçün vahid mexanizm olmalıdır. Bu Qələbə dünyanın yeni xarici siyasətinin formalaşmasında, yeni reallıqların yaradılmasında əhəmiyyətli rol oynadı.
Prezident İlham Əliyev Vətən müharibəsi dövründə Türkiyənin “A Haber” televiziya kanalına müsahibəsində “Yəqin ki, Qarabağı azad etmək rəhmətlik atanızın vəsiyyətidir. Vəsiyyətini də yeri gəlmişkən Sizdən öyrənmək istərdik. Vəsiyyətini hazırda həqiqətən yerinə yetirirsiniz. Sizi də, Azərbaycan xalqını da Türkiyə xalqı adından təbrik edirik. Atanızın vəsiyyəti barədə nə söyləmək istəyirsiniz” sualını belə cavablandırmışdır ki, hər zaman çalışmışam ki, atamın yoluna sadiq olum. 2003-cü ildə ilk dəfə Azərbaycan xalqı mənə etimad göstərəndə seçkilərdən əvvəl demişdim ki, əgər siz mənə bu inamı, etimadı göstərsəniz, Heydər Əliyev siyasətinə sadiq olacağam, bütün istiqamətlər üzrə onun yolu ilə gedəcəyəm: «Şadam ki, sözümə sadiq oldum, sözümü tutdum. Bu gün Azərbaycanın sürətli və uğurlu inkişafı, beynəlxalq müstəvidə böyük hörmətə malik olması, ölkə daxilində sosial, iqtisadi, digər problemlərin həlli, böyük layihələrin həyata keçirilməsi, əlbəttə ki, Heydər Əliyev yolunun davamıdır. Təbii ki, dünya dəyişir. Dünyadakı güclər nisbəti də dəyişir. Bugünkü dünya 2003-cü ildəki dünya ilə əlbəttə ki, müqayisə edilə bilməz. Ancaq bizim strateji hədəflərimiz dəyişməz olaraq qalır. O da müstəqilliyi möhkəmləndirmək, müstəqil siyasətə sadiq olmaq, heç vaxt heç kimdən asılı olmamaq, heç kimin qarşısında baş əyməmək, öz qürurumuzu saxlamaq, qorumaq və ərazi bütövlüyümüzü bərpa etməkdir. Yəni, qısa desəm, atamın vəsiyyəti bundan ibarətdir.”
Dövlət başçısı bu məqamı xüsusi qeyd etmişdir ki, əlbəttə ki, ərazi bütövlüyümüzün bərpası bizim üçün bir nömrəli vəzifədir. Biz buna nail olmaq üçün böyük səy göstərdik. Ordumuz faktiki olaraq yenidən quruldu. Bu gün ordumuzun potensialı bütün dünyanın gözü önündədir: «Mənə verilən məlumata görə, inkişaf etmiş bəzi ölkələrin hərbi mütəxəssisləri də artıq bizim təcrübəmizi öyrənirlər. Mən əminəm ki, bu təcrübə kitablarda da, tədqiqatlarda da əksini tapacaq. Ona görə atamın yoluna sadiq qalaraq bu şərəfli missiyanı icra edirik. İnşallah, sona qədər başa çatdıracağıq.”
Müzəffər Ali Baş Komandan bu missiyanı da şərəflə yerinə yetirdi. Ölkə Prezidenti bütün təzyiqlərə baxmayaraq qətiyyətli mövqeyindən bir addım da belə geri çəkilmədi, işğalçı Ermənistanın baş nazirinin irəli sürdüyü 7 şərtə cavab olaraq yalnız bir şərti qoydu ki, o da torpaqlarımızdan çıxmaları idi. 300-ə qədər yaşayış məntəqəsi, 5 şəhər, 4 qəsəbə, xeyli sayda strateji yüksəkliklər işğaldan azad edildikdən sonra diz çökən Ermənistan çıxılmaz vəziyyətdə qaldı. Ya tamamilə məhv olmalı idi, ya da Bəyanata imza atıb məğlubiyyətini etiraf etməli idi. Noyabrın 10-da imzalanan Bəyanat Azərbaycanın 30 ilə yaxın dövrdə gözlədiyi anın dünyaya təqdimatı oldu.
Noyabrın 8-də, 28 illik həsrətdən sonra Şuşanın rəşadətli ordumuz tərəfindən işğaldan azad edilməsi İkinci Qarabağ müharibəsində Azərbaycanın ən mühüm qələbələrindən biri oldu. Müharibədə asan qələbə olmur. Bu Qələbəni 3 minə yaxın şəhidimizin qanı ilə, hərbçilərimizin şücaətləri ilə qazandıq. Şuşanın işğaldan azad olunduğu günün Zəfər Günü, İkinci Qarabağ müharibəsinin başlandığı 27 sentyabr tarixinin Anım Günü kimi təsis edilməsi təsadüfi deyil. Xalqımız Qələbəyə gedən yolu hər zaman xatırlamalı, bu Qələbəni bizə yaşadan şəhidlərimizi heç zaman unutmamalıdır.
Bu Zəfərin Sərkərdəsi isə Ali Baş Komandan İlham Əliyevdir. Dövlətimizin başçısı İlham Əliyevin qətiyyəti sayəsində xalqımızın nisgilinə son qoyuldu. Azərbaycan tarixinin yeni şərəfli səhifəsi yazıldı. Ali Baş Komandan İlham Əliyev tariximizə Qarabağın və Şərqi Zəngəzurun xilaskarı kimi daxil oldu. Ermənistan uzun illər ərzində öz ordusu haqqında miflər yara¬dırdı. Aprel döyüşləri bu mifləri darmadağın etdi. 2016-cı il aprelin əvvəlində təmas xəttində işğalçı Ermənistanın Azərbaycana qarşı növbəti silahlı təxribatına qarşı həyata keçirilən hərbi əməliyyatlar bir daha göstərdi ki, Azərbaycan dövləti və xalqı işğalla heç bir za¬man barışmayacaq və torpaqlarını nəyin bahasına olursa-olsun azad edəcək. Nəticədə 30 ilin işğalına 44 gündə son qoyuldu. Erməni vandalları layiq olduqları cəzanı aldılar.
Yuxarıda da qeyd etdiyimiz kimi, bu missiyanın əsası Ulu Öndər tərəfindən qoyulmuşdu. O, bütün çıxışlarında qaçqın və məcburi köçkünlərin mütləq öz torpaqlarına qayıdacağı¬nı, erməni qəsbkarlığının uzun sürməyəcəyini hər zaman bildi¬rir, hər şeyin zamana ehtiyacı olduğunu vurğulayırdı. Bu gün bu fikir böyük qürur hissi ilə qeyd olunur ki, Ulu Öndər Azərbaycanı müstəqilliyini itirmək təhlükəsindən xilas etdisə, Prezident İlham Əliyev torpaqlarımızın xilaskarı, ərazi bütövlüyümüzü bərpa edib, yenilməz xalq adını özümüzə qaytaran Lider kimi tarixə yazıldı.
Dövlət başçısı İlham Əliyevin Rusiyanın nüfuzlu “Nasionalnaya oborona” jurnalına müsahibəsi hər zaman bu kimi məqamlara görə diqqətdə olur, dövlət başçısı İlham Əliyevin fikirləri aforizmə çevrilib. Jurnalistin «Müharibə dövründə liderlər, ali baş komandanlar həmişə diqqət mərkəzində olurlar. Sizin nə dərəcədə sakit, təmkinli və eyni zamanda, inamlı olmağınızı hamı görürdü. Sizin, mən belə deyərdim, qətiyyətiniz, inamınız və təmkinliyiniz nəyə əsaslanırdı? Bu müharibənin tarixən ədalətli olmasını başa düşməyinizə? Sizin Ali Baş Komandan kimi regionda ən yaxşı ordulardan birinə malik olmağınızı başa düşməyinizə? Qarşı tərəfin, yəni, erməni tərəfin “əl-qol atması” fonunda Sizin bu cür müstəsna dərəcədə ləyaqətli, sakit, inamlı davranmağınızın əsası bu idimi» sualına cavabı dövlət başçısının istər 44 günlük Vətən müharibəsi, istərsə də postmünaqişə dövründə nümayiş etdirdiyi qətiyyətin, təmkinin aydın ifadəsini yaradır. «Bu suala dərhal cavab vermək mənim üçün çətindir. Düşünürəm ki, burada yəqin, hansısa xarakteroloji xüsusiyyətlər rol oynayır. Prinsip etibarilə mən təmkinli, sakit insanam. Müsahibələrimdə dəfələrlə demişəm ki, hər bir dövlət xadimi, xüsusən dövlətdə birinci şəxs mövqeyini tutan insan emosiyalarını özünün gündəlik vəzifələrindən kənarda saxlamalıdır» söyləyən cənab İlham Əliyev bildirmişdir ki, hər bir insanın emosiyaları var və təbii ki, biz onları göstəririk. Lakin görünür, uzun illər ərzində mən özümdə bu emosiyaları üstələməyə imkan verən müəyyən keyfiyyətlər yaratmışam. Hərbi əməliyyatlar aparılan dövrdə bir dəfə də provokasiyalara uymadıq: «Hətta ermənilər şəhərlərimizi bombalayanda, uşaqlarımızı və qadınlarımızı öldürəndə də biz Ermənistana eyni şəkildə cavab vermədik, biz onların şəhərlərini bombalamadıq. Hərçənd, bizi coşduran emosiyaları başa düşmək olardı. Biz hərbi cinayətlər törətməmişik. Hərbi əməliyyatın elə ilk günündə mən hərbi qulluqçulara çox sərt göstərişlər vermişdim ki, hərbi cinayətlər törətməyi özünə rəva görənlər ciddi cəzalandırılacaqlar. Düşünürəm ki, sizin söylədiyinizi səciyyələndirən mənim dediyim bu amillər və bir də, əlbəttə, özümün haqlı olmağıma inamımdır.»
44 günlük Vətən müharibəsində Ali Baş Komandanın çağırışları, dönməz qətiyyəti, qələbəyə böyük inamı igidlərimizi qələbədən-qələbəyə qovuşdururdu. Cənab İlham Əliyev əsl fədakarlıq nümunəsi nümayiş etdirməklə uzaqgörənlik, vətənpərvərlik, qətiyyət, əzm, prinsipiallıq, dönməzlik rəmzinə çevrildi. Nəticədə qazanılan Qələbə Azərbaycanın həm hərbi, həm diplomatik, həm də siyasi müstəvidə Zəfərinin təntənəsidir.
Ulu öndər Heydər Əliyev siyasətini bütün istiqamətlərdə uğurla davam etdirən Prezident İlham Əliyev böyüklüyündən-kiçikliyindən asılı olmayaraq bütün dövlətlərlə qarşılıqlı hörmət və maraqlar prinsipi əsasında münasibətlər qurur. Bu gün dünya Azərbaycanla əməkdaşlığa can atır. Dünya ölkələri, o cümlədən böyük dövlətlər Azərbaycana etibarlı tərəfdaş kimi böyük hörmətlə yanaşır. Bunun nəticəsidir ki, 2011-ci ildə Azərbaycan dünyanın 155 dövlətinin dəstəyi ilə BMT-nin Təhlükəsizlik Şurasına qeyri-da¬imi üzv seçildi. Bu, qısa zaman kəsiyində qazanılmış çox böyük nailiyyətdir. Azərbaycan, eyni zamanda, BMT-dən sonra ikinci böyük təsisat olan Qoşulmama Hərəkatının üzvüdür və quruma üç illik sədrlik missiyasını öz üzərinə götürüb. Onu da qeyd edək ki, Azərbaycanın iki il quruma sədrlik dövrünün üç ilə qədər uzadılması təşkilatın üzvlərinin qərarı əsasında olub. Belə ki, ölkəmizin son iki ildə istər İkinci Qarabağ müharibəsi, istərsə də COVID-19 pandemiyası ilə mübarizə dövründə qazandığı uğurlar, atdığı addımlar ona olan etimadın daha da yüksəlməsini şərtləndirdi.
Prezident İlham Əliyevin yorul¬maz və məqsədyönlü fəaliyyəti ay¬dın sübut edir ki, dövlət başçısı ulu öndər Heydər Əliyevin siyasi kursunun davamçısı kimi xarici siyasəti daim diqqət mərkəzində saxlayır. Dünya bu gün müasir inkişafın Azərbaycan modeli ilə maraqlanır. Bu modelin müəllifi dövlətimizin başçısı İlham Əliyevdir. Doğma xalqının parlaq gələcəyinə hesablanmış müdrik islahatlar həyata keçirən böyük dövlət xadimi İlham Əliyevin - Qurucu Prezidentin inkişafın bütün sahələrini əhatə edən Zəfər yürüşü uğurla davam edir. 19 ilin uğurlarına, həyata keçirilən siyasətə dəstəyin aydın ifadəsi bu illər ərzində keçirilən 2008, 2013 və 2018-ci illərin prezident seçkilərində cənab İlham Əliyevin xalqın böyük əksəriyyətinin dəstəyini qazanması, qələbəsini təmin etməsidir. Artıq Heydər Əliyev siyasətinin uğurları, ən əsası Ümummilli Liderin 1 oktyabr 2003-cü il müraciətində əksini tapan çağırışların aydın ifadəsi bugünkü reallıqlarımızdır. Son 19 ilin 17 ili ərazi bütövlüyümüzün bərpasına hazırlıq illəri kimi də xarakterizə oluna bilər. Artıq uğurlarımızın fonunda, dövlətimizin qətiyyəti, Maüzəffər Ali Baş Komandan İlham Əliyevin rəhbərliyi ilə rəşadətli ordumzun gücü, qüdrəti sayəsində Dağlıq Qarabağ adlı ərazi vahidinin olmadığını böyük qürur hissi ilə qeyd edirik. Bu gün ölkəmizin həyatında yeni mərhələ- işğaldan azad edilmiş ərazilərimizdə bərpa və quruculuq işləri uğurla davam edir. Qarabağımız cənnət məkana çevrilir. Torpaqlarımız sahibinə qayıtdıqları, biz də o torpaqlara qovuşduğumuz üçün qürurluyuq.
Keçilən yolu təhlili fonunda bu ümumiləşdirməni apara bilərik ki, Prezident İlham Əliyev xalqa verdiyi vədləri bütünlüklə yerinə yetirdi. Prezident kimi ölkəmizə rəhbərlik etdiyi dövrdə bütün sahələrdə sürətli inkişafa nail oldu, insanların rifah halı daha da yaxşılaşdı. Azərbaycanın siyasi, iqtisadi imkanları genişləndirildi, ölkəmizin beynəlxalq arenadakı mövqeləri möhkəmləndi və 30 ilin torpaq həsrətinə son qoyularaq ərazi bütövlüyümüz bərpa edildi. Bu gün regionda reallaşdırılan bütün irimiqyaslı beynəlxalq layihələr Azərbaycanın iştirakı və milli maraqlarının nəzərə alınması ilə həyata keçirilir. Reallıqlar bir daha təsdiqləyir ki, liderlik fenomeni milli dövlətin formalaşmasında və inkişafında həlledici rola malikdir. Lider, həmçinin mənəvi birliyi təmin edən, cəmiyyətdə müəyyən əhval-ruhiyyənin, ideya və dəyərlər sisteminin formalaşmasına təsir göstərən böyük qüvvədir.
Dünyanın müxtəlif ölkələrində yaşayan və birlikləri, həmrəylikləri ilə tarixi Zəfərimizə öz töhfələrini verən soydaşlarımız üçün də bu il qürurlu il oldu. 30 ililk zamandan sonra dünya azərbaycanlıları mədəniyyət paytaxtımız Şuşada Zəfər Qurultayını keçirdilər. Dünya Azərbaycanılarının Zəfər Qurultayında soyadaşlarımızın tarixi Qələbəmizdən sonra qarşısında dayanan vəzifələr müzakirə edildi və prioritetlər müəyyənləşdi. Dövlət başçısı İlham Əliyevin Sərəncamı ilə «Şuşa İli» elan edilən 2022-ci il Azərbaycanın döyünən ürəyinin həyatında biri-birindən əhəmiyyətli tarixi hadisələrlə yadda qalacaq. «Xarıbülübül» musiqi festivalı, Vaqif Poeziya Günləri növbəti dəfə keçirildi. Artıq mədəniyyət paytaxtımız Şuşa diplomatik mərkəzə çevrilib. İqtisadi, siyasi, humanitar tədbirlərin keçirilməsi üçün ideal məkan kimi qəbul olunan Şuşanın hər günün çal-çağırlı olması mənfur düşməni narahat etməyə bilməz. Ermənilər illərlə Şuşanın erməniləşdirilməsi üçün ən çirkin yollara əl atdılar. Amma unutdular ki, Azərbaycanın hər bir bölgəsinin, o cümlədən qədim Şuşanın hər daşı, qayası tarixdir. Şuşa bu il, eyni zamanda, Azərbaycanın enerji tərəfdaşlarını bir araya gətirdi və bir sıra əməkdaşlıq sazişlərinin imzalanmasına şahidlik etdi.
Qeyd etdiyimiz kimi, Müzəffər Ali Baş Komandan İlham Əliyevin böyük dövlət xadimi və Azərbaycan xalqının Lideri kimi əsas missiyası dövlətin və xalqın gücü ilə düşmənin dağıtdığı işğaldan azad edilən şəhər və kəndlərimizin yenidən qurulması, öz yurd-yuvalarından didərgin düşən soydaşlarımızın evlərinə qaytarılmasıdır. Artıq Böyük Qayıdışın ilk addımı atıldı. Müzəffər Ali Baş Komandan, Prezident İlham Əliyevin böyük uzaqgörənliklə qurduğu strategiya Azərbaycan dövlətini daha qüdrətli, Azərbaycan xalqını daha güclü, Azərbaycan Bayrağını daha uca etməyə hədəflənib. Sözügedən strategiya yeni infrastrukturun yaradılması ilə yanaşı, işğaldan azad olunmuş əraziləri ümumən regionun yeni inkişaf modelinə çevirməkdən ibarətdir. Belə ki, layihələndirmə işlərində tətbiq olunan yeniliklərin bir çox dövlətlər üçün nümunəvi model kimi qəbul olunması və məsələ ilə bağlı səslənən beynəlxalq etiraflar Böyük Qayıdış strategiyasının effektivliyindən və perspektivliyindən xəbər verir. İşğaldan azad olunmuş ərazilərdə icra olunan yeni layihələr müasir texnologiyaların və kreativ yanaşmaların sintezidir. «Ağıllı şəhər», «ağıllı kənd» layihələri reallaşdırılır. Prezident İlham Əliyevin effektiv diplomatiyası və nümayiş etdirdiyi siyasi iradə nəticəsində Zəngəzur dəhlizi reallığa çevrilir. Bu yeni nəqliyyat infrastrukturu Şərq-Qərb və Şimal-Cənub dəhlizlərinin önəmli hissəsini təşkil edəcək. Zəngəzur dəhlizinin açılması bütün bölgə üçün yeni imkanlar yaradacaq. Yeni nəqliyyat dəhlizi türk dünyasını, Avropanı və bütün qonşu ölkələri birləşdirə biləcək qlobal layihədir.
Dövlət başçısı, Müzəffər Ali Baş Komandan İlham Əliyev sentyabrın 21-də Laçın rayonuna səfəri zamanı Laçın şəhərində Azərbaycan Bayrağını ucaltdıqdan sonra çıxışında bir daha tarixi Zəfərimizi şərtləndirən amillərdən, yaratdığı reallıqların ölkəmizin qarşısında açdığı imkanlardan geniş bəhs edərək bu məqamı xüsusi vurğuladı ki, biz şəhidlərimizin canı, qanı bahasına, qəhrəman əsgər və zabitlərimizin fədakarlığı sayəsində bu gün bu torpaqlardayıq. Heç kim bu torpaqları bizə bağışlamayıb, heç kim bu torpaqları bizə danışıqlar yolu ilə qaytarmayıb. Həmçinin o da bildirildi ki, Vətən müharibəsindən sonra bu günə qədər keçən dövr ərzində gördüyümüz işlər - genişmiqyaslı quruculuq və bərpa işləri göstərir ki, biz öz diyarımızı, Vətənimizi öz hesabımıza bərpa edirik və edəcəyik: «İndi Azərbaycan xalqı görür ki, biz nəyə qadirik. Görür ki, biz müharibədə də qələbə qazanırıq, həyatda da qələbə qazanırıq və bizi güclü edən xalqın iradəsidir, xalqın birliyidir. Müharibədə də Zəfərimiz xalqın birliyi nəticəsində olmuşdur. Bu gün quruculuq-abadlıq işlərini apararkən bizi gücləndirən xalqın iradəsi, dəstəyidir.»
Cənab İlham Əliyevin çağırışlarının sırasında bu mühüm məqam da xüsusi qeyd edilir: “Biz lazım olan vaxtda lazım olan addımları atırıq və atacağıq. Mən hələlik bundan artıq heç nə demək istəmirəm, hadisələri qabaqlamaq istəmirəm.» Prezident İlham Əliyev bu fikirləri Nazirlər Kabinetinin 2020-ci ilin iyulunda keçirilən həmin ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında bildirmişdi. Bu fikirlərin davamı olaraq isə qeyd etmişdi ki, nə vaxt, nəyi, necə etmək lazımdır, bunu biz bilirik: «Hesab edirəm ki, yaxın tarix dəfələrlə bunu göstərib, həm siyasi müstəvidə, diplomatik müstəvidə, eyni zamanda, döyüş meydanında. Nəyi ediriksə, dəqiqliklə edirik. Son dörd il ərzində üç əməliyyat keçirilmişdir, üç toqquşma olmuşdur. Üçündə də qalib gəldik. Üçündə də bayrağımızı istədiyimiz yerə sancdıq. Üçündə də düşmənə sarsıdıcı zərbələr endirdik.»
Artıq yazının əvvəlində bəhs etdiyimiz, sabaha daha böyuük inamla addımlamağımıza əsas verən tarixi Zəfərimiz məhz dövlət başçısı İlham Əliyevin yuxarıda səsləndirdiyti bəyanatın reallıqda təsdiqidir.
Son bir ildə Azərbaycan Ordusu Ermənistana «Dəmir yumruq» əməliyyatının davamı olaraq «Qisas» və «Qətiyyətli cavab» dərslərini verdi. Bir daha bəyan edildi ki, törədilən hər bi təxribatın qarşısı qətiyyətlə alınır və bundan sonra da alınacaq. Azərbaycan 30 ildə ermənilərin xalqımıza qarşı törətdikləri faciələrə, təxribatlara rəğmən işğalçı dövlətə sülh təklifini etdi. Yəni Azərbaycanla Ermənistan arasında münasibətlərin normalalşdırılmasından bəhs edərkən Qarabağ mövzusundan söhbət getmir. Həmçinin danışıqlar masasında hər hansı statusdan da söhbət getmir. Burada əsas müzakirə edilən məsələ Qarabağda yaşayan ermənilərin hüquqları və təhlükəsizliyi məsələsidir ki, bunu da Azərbaycan dövləti təmin edəcək. Dövlət başçısı İlham Əliyev bildirir ki, Azərbaycan vətəndaşlarının hüquqları necə qorunursa, onların da elə. Azərbaycanda yaşayan xalqların hüquqları necə qorunursa, onların da elə. Ancaq budur yol. Bu hadisələr onu göstərdi ki, biz yenə də anlayışla yanaşdıq.
Qeyd etdiyimiz kimi, artıq iki ildir işğaldan azad edilmiş ərazilərimizin dirçəlməsindən danışırıq. Hər arxada qalan gün işğaldan azad edilmiş torpaqlarımızın həyatında bir mühüm hadisə kimi qalır. Ötən ilin oktyabarında iki qardaş ölkənin - Azərbaycan və Türkiyənin Prezidentləri Füzuli Beynəlxalq Hava Limanın açılışında iştirak etdilər. Qarabağın hava qapısını dünyaya birgə açan iki müttəfiq ölkənin prezdientləri həmin gün Zəngilanda Azərbaycan və Türkiyənin birgə investisiya layihəsi olan «Dost Aqropark»ın təməlini qoydular. Bu ayın sonunda Şərqi Zəngəzurun dünyaya açılan hava qapısı istifadəyə veriləcək. İki ildə bərpa-quruculuq işlərinin miqyası o qədər genişdir ki, onları təm şəkildə əhatə etmək mümkün deyil.
Bu ilin mühüm müjdəsi Laçına qayımağımız oldu. Avsustun 12-də İsmayıllı rayonunun Basqal qəsəbəsində Azərbaycan Televiziyasına müsahibəsində «Biz Laçın şəhərinə, Zabux və Sus kəndlərinə qayıtmalıyıq» çağırışını edən dövlət başçısı İlham Əliyev avqustun 26-da bu müjdəni verdi ki, Laçın şəhərinə, Zabux və Sus kəndlərinə qayıtdıq.
Uğurlarımız biri-birini əvəzlədikcə gələcəklə bağlı yeni-yeni hədəflər müəyyənləşdirilir, onlara çatmaq üçün Dövlət proqramları, Milli Pritortietlər təsdiqlənir. İqtisadi rayonların yeni bölgüsünün aparılması, «Azərbaycan 2030: sosial-iqtisadi inkişafa dair Milli Prioritetlər»in təsdiqlənməsi və sair kimi davamlı addımlar Qarabağlı və Şərqi Zəngəzurlu Azərbaycanın qarşısında daha geniş imkanlar yaradır.
Ölkə Prezidenti keçilən yolun, əldə edilən uğurların təhlilinə söykənərək sözügedən müsahibədə bu tezisin davamı olaraq belə bir əminliyi də ifadə etdi ki, gələcəyə nikbinliklə baxıram: «Bir daha demək istəyirəm, biz istədiyimizə həmişə nail oluruq. İstədiyimiz də odur ki, bölgədə sülh olsun, əmin-amanlıq olsun, müharibə olmasın, Azərbaycan uğurla inkişaf etsin, xalqımız yaxşı, firavan yaşasın.»
Bu mühüm hadisəni də xüsusi qeyd etməliyik ki, dövlət başçısı İlham Əliyevin Sərəncamı ilə 2023-cü il ölkəmizdə «Heydər Əliyev İli» elan edildi. Bu mühüm addım müasir müstəqil Azərbaycan dövlətinin qurucusu, ulu öndər Heydər Əiyevin dövlətimiz, xalqımız qarşısında xidmətlərinin daha geniş şəkildə təhlilinə və fəaliyyətinin yeni istiqamətləri üzrə araşdırmalara geniş imkanlar açacaq. «Heydər Əliyev İli» tarixi Zəfərimizə gedən yola bir daha işıq salacaq. Heydər Əliyev yolu daim Azərbaycanı zəfərlərə aparır. «Heydər Əliyev İli» dünənimizə baxış fonunda bugunümüz, bugünümüzün reallıqlarının təhlili əsasında qalib Azərbaycanın sabahı ilə bağlı hədəflərin müəyyənləşdirilməsidir.

Vahid Muradov,
Azərbaycan Avtomobil Yolları Dövlət Agentliyinin
"2 №-li Yol İstismarı" MMC -nin direktoru.

24-12-2023, 14:59 | Prezident İlham Əliyevin siyasi uzaqgörənliyi, diplomatik gedişləri ölkəmizin regional, beynəlxalq mövqelərini davamlı olaraq gücləndirir

İkinci Qarabağ müharibəsi Azərbaycanın möhtəşəm qələbəsi ilə başa çatdı. Prezident, müzəffər Ali Baş Komandan İlham Əliyev dövlətçiliyimizin ən şərəfli səhifələrindən birini yazdı. 18-ci əsrdən etibarən əsarətə məruz qalan xalqımız bu qalibiyyətlə son 200 illik dövrdə ilk dəfə olaraq işğal altına düşmüş torpaqlarını güc yolu ilə azad etdi. Öz haqqını qorumaq, pozulmuş hüquqlarını təmin etmək bugünkü ziddiyyətli və dəyişkən beynəlxalq münasibətlər sistemində hər dövlətə nəsib olan imkan deyil. Yaxın, uzaq coğrafiyamızda kifayət qədər ölkə göstərmək olar ki, haqsız şəkildə təzyiq və təsirlərə məruz qalıb, ərazi bütövlüyü pozulub, vətəndaşları hansısa xarici maraqların qurbanına çevrilib. Ələlxüsus, güc amilinin beynəlxalq hüquqdan önə keçdiyi indiki şəraitdə bir çox dövlət beynəlxalq ictimaiyyətin laqeyd münasibətinin formalaşdırdığı vəziyyətlə sadəcə barışmalı olub.
1990-cı illərin əvvəllərində torpaqları işğal olunan Azərbaycan da bu taleyi yaşamışdı. Sonrakı illərdə aparılan danışıqlar elə beynəlxalq ictimaiyyətin laqeyd münasibətinin, ATƏT-in Minsk qrupunun həmsədrlərinin səmərəsiz fəaliyyətlərinin yekunu olaraq nəticəsiz qalmışdı. Amma Azərbaycan dövləti bu illərdə heç vaxt həmin vəziyyətlə barışmamış və istənilən yolla torpaqlarını işğaldan azad edəcəyini bəyan etmişdi. Artıq zaman yetişdi və Ordumuz 44 gün ərzində işğal altında olan rayonlarımızın böyük bir qismini, Qarabağın ürəyi Şuşanı azad etdi. Azərbaycan öz qələbəsi ilə həm də Ermənistanı məğlubiyyət aktına imza atmağa məcbur etdi.
Bu qələbə ilə bağlı çox danışılacaq. Üstündən illər, onilliklər, hətta yüzillər ötsə də, Azərbaycanın bu tarixi qalibiyyətinə müraciət ediləcək, bir dövlətin, bir xalqın öz haqq işi uğrunda mübarizəsi bütün dünyada nümunə kimi göstəriləcək. Bu qələbə həm də tədqiq ediləcək və böyük olmayan dövlətin belə möhtəşəm uğura nail olmasının səbəbləri tarix boyu ciddi öyrəniləcək, araşdırılacaq.
Bugünkü Azərbaycanla nəinki müstəqilliyimizin ilk illərinin, heç 10 il əvvəlin Azərbaycanı arasında fərq müqayisəolunmazdır. İlham Əliyevin düşünülmüş, əsaslandırılmış siyasəti nəticəsində dövlətimiz hər il əvvəlki ildən daha möhtəşəm nailiyyətlərə imza atır.
2005-ci ildən öz neftini Avropaya çatdıran Azərbaycan indi Xəzərdən hasil edilən mavi qazı dünya bazarlarına çıxarır. Məhz respublikamzın təşəbbüsü və maliyyəsi ilə Avropanı Asiya ilə birləşdirən Bakı-Tbilisi-Qars dəmir yolu xətti çəkilib. Hazırda bu dəmir yolu tranzit şəbəkələrinin genişləndirilməsi ilə bağlı beynəlxalq razılaşmaların prioritet infrastrukturudur. Ümumiyyətlə isə son illərdə yol-nəqliyyat infrastrukturunun genişləndirilməsi nəticəsində Azərbaycan həm Qərb-Şərq, həm Şimal-Cənub istiqamətlərində regionun ən aparıcı tranzit qovşağına çevirilib. Bu gün Çindən Avropaya və əks istiqamətə yüklərin daşınmasının ən sürətli və ən etibarlı yolu məhz Azərbaycandan keçir. İlham Əliyevin inkişaf siyasətinin nəticəsi kimi Azərbaycan həm də kosmik klubun üzvüdür. Son illərdə fəzaya göndərilən üç peykimiz ölkəmizin inkişafına, maliyyə gəlirlərinin artmasına mühüm töhfələr verir.Siyasi sahəyə gəldikdə, bir neçə il əvvəl respublikamızın BMT Təhlükəsizlik Şurasının qeyri-daimi üzvü seçilməsi müstəqillik tariximizin ən böyük hadisələrindən biri oldu. Müstəqilliyinin bərpasının cəmi 20-ci illiyində Azərbaycan əksər ölkələrin nail olmadığı bu siyasi uğura imza atdı. İki il müddətində ölkəmiz beynəlxalq gündəmin müəyyən edilməsində əsas rol oynadı, dünyada sülhün və təhlükəsizliyin təmin olunmasına layiqli töhfələr verdi.
Respublikamızın başqa bir beynəlxalq uğuru Bakının beynəlxalq tədbirlər mərkəzinə çevrilməsidir. Artıq neçə illərdir dünya ictimaiyyətini düşündürən siyasi, humanitar və digər məsələlər Bakıda müzakirə olunur. "Bakı prosesi" bütün dünyanın maraqla izlədiyi beynəlxalq platformadır. Hətta ABŞ-Rusiya və NATO-Rusiya hərbi məsləhətləşmələri neçə ildir Bakıda keçirilir.Azərbaycanı tarixin ən güclü dövlətinə çevirən səbəblər isə müstəqil siyasətin təzahürləri kimi çıxış edən faktorlardır. Müstəqillik yalnız müstəqil dövlətə sahib olmaq deyil. Müstəqilllik həm də dövlətin yürütdüyü siyasətdə, onun beynəlxalq münasibətlərdə sərbəst olması deməkdir.
Azərbaycan tamamilə fərqli siyasi və iqtisadi reallıqlar şəraitində inkişaf edir. Prezident İlham Əliyev tamamilə müstəqil, ölkənin beynəlxalq mövqelərinin möhkəmlənməsinə və inkişafına hesablanmış siyasət yürüdür. Elə bir beynəlxalq müzakirə mövzusu yoxdur ki, Azərbaycan atdığı addımı hansısa dövlətin siyasi və ya iqtisadi maraqlarına uyğunlaşdırsın. Respublikamız bütün məsələlərdə özünün qətiyyətli və cəsarətli mövqeyini ortaya qoyur. Prezident İlham Əliyevin siyasi uzaqgörənliyi, diplomatik gedişləri ölkəmizin regional, beynəlxalq mövqelərini davamlı olaraq gücləndirir. Milli maraqları təmin edən siyasət yürütməsi müstəqilliyinin 30-cu ilini yaşayan respublikamızı beynəlxalq nüfuz baxımından xarakterizə edən əsas keyfiyyətlərdən biridir. Eyni zamanda Azərbaycanın öz torpaqları uğrunda inamla savaşa başlaması da müstəqil siyasətin təzahürüdür. İlham Əliyevin sürətlə inkişaf etdirdiyi, möhkəmləndirdiyi respublikamızın uğurlu hərbi əməliyyatları da güclü dövlətin ortaya qoyduğu reallıq idi. Prezident İlham Əliyev 44 gün ərzində beynəlxalq təzyiqləri layiqincə dəf etdi. Ən əsası, Ali Baş Komandan bir daha bütün dünyaya sübut etdi ki, heç bir qüvvə Azərbaycanı özünün haqq yolundan döndərə bilməz. Beləliklə, həm tarixinin ən güclü dövlətinə çevrilməsi, həm də tam müstəqil siyasət yürütməsi Azərbaycanın Vətən müharibəsindən qalib kimi çıxmasını şərtləndirən əsas amillər oldu.

Şahin Şirinzadə,
Şəki Dövlət Peşə Təhsil Mərkəzinin direktoru.