23-12-2023, 12:57 | İlham Əliyevin “Mən hər bir azərbaycanlının Prezidenti olacağam!” vədinə sadiqliyi qısa müddət ərzində ona xalq arasında böyük inam qazandırdı
Bütün zamanlar üçün liderlərin şəxsiyyəti xalqın, dövlətin gələcəyi baxımından çox mühüm amil olmuşdur. Yaxın tarixə nəzər salsaq, görərik ki, müxtəlif ölkələrin liderləri öz xalqlarını ya tərəqqiyə, ya da faciəyə aparmışlar. Azərbaycanın tarixində də belə faktlara az rast gəlmirik. Elə ötən əsrin 90-cı illərinin əvvəllərində yaşadıqlarımızı xatırlamaq yetər. Müstəqilliyini yenicə bərpa etmiş xalqımız bir tərəfdən ölkənin ərazi bütövlüyünü müdafiə edir, digər tərəfdən isə daxili sabitsizlikdən əziyyət çəkirdi. Yalnız ümummilli lider Heydər Əliyevin siyasi hakimiyyətə qayıdışı xalqımızın yeni tarixi mərhələyə qədəm qoymasına və ölkədə sabitliyin əldə olunmasına şərait yaratdı. Mahir diplomat və böyük siyasi məktəbin yetirməsi olan cənab İlham Əliyevin Prezident seçilməsindən sonra isə Azərbaycanın hərtərəfli yüksəlişi özünün məntiqi nəticəsilə yekunlaşdı. Xalq qarmaqarışıq illərdə itirdiklərini müzəffər Ali Baş Komandan İlham Əliyevin qətiyyəti, əsgərlərimizin şücaəti sayəsində işğalçılardan geri almağa müvəffəq oldu.
Müasir tariximiz xalqımızın müstəqil, müdrik seçiminin bəhrəsidir. Bu gün hamımız qüdrətli və qalib dövlətin vətəndaşlarıyıq. Belə bir hissi, sevinci və qüruru xalqımı¬za bəxş edən, Azərbaycanı qalib ölkəyə çevirən Prezident İlham Əliyevdir. Heç kimə sir deyil ki, müstəqilliyinin ilk illərində Azərbaycan böyük çətinliklərlə üzləşmişdi. Belə ki, ötən əsrin 80-ci illərinin sonla¬rında Azərbaycanın Qarabağ bölgəsində yaranmış erməni separatizmi 90-cı illərin əvvəllərində daha da aqressivləşmiş, Ermənistanın işğalı nəticəsində ölkə ərazisinin 20 faizi işğal olunmuş, bir milyon-dan artıq azərbaycanlı qaçqın və məcburi köçkünə çevrilmişdi. Bundan əlavə, keç¬miş SSRİ-nin dağılması ilə Azərbaycanın ənənəvi iqtisadi-ticarət əlaqələrinə son qoyulmuş, maliyyə-iqtisadi və siyasi böh¬ran daha da dərinləşmişdi. Yalnız 1993-cü ildə ulu öndər Heydər Əliyevin Azərbaycan rəhbərliyinə qayıdışından sonra ölkə tədricən bu böhrandan çıxdı, ictimai-siyasi sabitlik, milli birlik və vətəndaş həmrəyliyi yaradıldı, cəmiyyətin bütün sahələrində yenidənqurma prosesi başlandı. Ümummilli liderin xeyir-duası ilə ölkə Prezidenti seçilən cənab İlham Əliyev Azərbaycan xalqının ümidlərini və ona göstərilən yüksək etima¬dı doğruldaraq, dahi siyasi xadim Heydər Əliyevin vəsiyyətlərini layiqincə yerinə ye¬tirdi. O, ümummilli liderin əsasını qoyduğu iqtisadi, siyasi, hüquqi, mədəni sahələrdə, ordu quruculuğunda əsaslı islahatları uğur¬la davam etdirdi.
Prezident İlham Əliyevin ali dövlət vəzifəsində çalışdığı ilk günlərdən nüma¬yiş etdirdiyi yüksək idarəçilik bacarığı, milli maraqlara əsaslanan qətiyyətli daxili və xa¬rici siyasəti, seçkiqabağı təşviqat dövründə səslənən “Mən hər bir azərbaycanlının Prezidenti olacağam!” vədinə sadiqlik, qısa müddət ərzində ona xalq arasında böyük şöhrət, sonsuz və güclü inam qa¬zandırdı. Məhz bu səbəbdəndir ki, 2008, 2013 və 2018-ci illərdə keçirilən prezi¬dent seçkilərində cənab İlham Əliyev Azərbaycan xalqının böyük dəstəyi ilə yenidən inamlı qələbə əldə etdi. Şübhəsiz, Prezident İlham Əliyev ölkə və cəmiyyət həyatının müxtəlif sahələrində saysız-he¬sabsız yeniliklər etmişdir. Onlar siyasətdə, iqtisadiyyatda, ordu quruculuğunda, diplo¬matiyada, sosial sahədə, elmdə, təhsildə, mədəniyyətdə, səhiyyədə, idmanda, ailə dəyərlərinin qorunmasında, yeni infrastruk¬turun yaranmasında, yolların tikilməsində, bir sözlə, bütün sahələrdə özünü büruzə vermişdir və bu da ölkəmizin inkişafına, Azərbaycanın çiçəklənən, qüdrətli, nüfuzlu dövlətə çevrilməsinə səbəb olmuşdur.
Xüsusi olaraq qeyd etmək lazımdır ki, Prezident İlham Əliyev bütün dünyaya əyani şəkildə nümayiş etdirdi ki, Azərbaycan xal¬qı fədakardır, sülhsevərdir, eyni zaman¬da, ədalətli iş uğrunda istənilən formada mübarizə aparmağa, qalib gəlməyə qadir¬dir. Dövlət başçımızın qətiyyəti və cəsarəti, ən kritik vəziyyətlərdə səbr və dözüm nü¬mayiş etdirmək bacarığı, yüksək intel¬lekt səviyyəsi, beynəlxalq hüququn bütün təfərrüatlarını bilməsi 44 günlük Vətən savaşımızda erməni işğalçıları üzərində qələbə qazanmağımızda misilsiz rol oy¬nadı. Prezident İlham Əliyevin hücum dip¬lomatiyası xaricdəki erməni lobbisinin qüdrətini sarsıtdı, onun əsl komandanlıq qabiliyyəti ermənilərin işğal etdikləri Qara¬bağda qurduqları “keçilməz” adlandırılan müdafiə istehkamları haqqında mifi dağıtdı. Cənab İlham Əliyev Ali Baş Komandan kimi Azərbaycanda dünyanın 50 ən güclü ordu¬sundan birini yaratdı və bu ordu öz gücünü dəfələrlə düşmənə nümayiş etdirərək, iş¬ğalçıların təxribatlarına qarşı vuruşdu.
Nəhayət, sentyabrın 27-də hərbi təxribata qarşı başlanmış əks-hücum əməliyyatı sayəsində Prezident İlham Əliyev vədi yerinə yetirdi. Sözünün və imza¬sının sahibi kimi Ali Baş Komandan 2018-ci ildəki andiçmə mərasimində demişdi ki, Azərbaycan xalqı işğal faktı ilə heç vaxt barışmayacaq, torpaqlarımız düşmən tap¬dağından azad olunacaq. Budur, indi hər bir azərbaycanlı qalib xalqın övladı kimi alnıa¬çıq, başıuca gəzir. Qarabağı işğaldan azad edən Ali Baş Komandan Prezident İlham Əliyev taleyüklü missiyasını yerinə yetir¬di. Vətən müharibəsində düşmənə tarixin ən ağır zərbəsi vuruldu. Müharibə zamanı Azərbaycana böyük təzyiqlər edildi. Lakin güclü siyasi iradə nümayiş etdirən cənab İlham Əliyev bütün təzyiqlərə mərdliklə sinə gərdi, prinsipial mövqeyindən geri çəkilmədi. Azərbaycan Ordusu qalib Ali Baş Komandanın rəhbərliyi altında Ermənistanı diz çökdürdü və işğalçı 44 gün ərzində təslim oldu.
Beləliklə, Azərbaycan öz tarixinin son 200 ili ərzində müharibədən ərazi itkiləri ilə deyil, ərazi bütövlüyünün bərpası ilə çıxdı və bu şanlı qələbədən sonra region¬da Azərbaycanın maraqlarına cavab verən yeni siyasi reallıq yarandı. Böyük Vətən müharibəsindəki qələbəmiz cənab İlham Əliyevin ölkəmizə rəhbərlik etdiyi illərdə re¬allaşdırdığı güclü dövlət və güclü ordu qu¬ruculuğunun təbii nəticəsi idi. Azərbaycan tarixi qələbəsi ilə dünyanın inkişaf et¬miş ölkələrindən biri olduğunu bir daha təsdiqlədi. Bu qələbə ilə adını Azərbaycan tarixinə qızıl hərflərlə yazdırmış Ali Baş Komandana xalqın sevgisi daha da artdı. Xalq−ordu−lider birliyi Azərbaycanın qarşı¬sında dayanmış strateji vəzifəni yerinə ye¬tirdi, torpaqlarımızı azad etdi.
[
23-12-2023, 11:37 | “Qazprom” rəhbəri Azərbaycan Prezidentini təbrik edib
Rusiyanın "Qazprom" Publik Səhmdar Cəmiyyətinin İdarə Heyətinin sədri Aleksey Millerdən Azərbaycan Respublikasının Prezidenti İlham Əliyevə təbrik məktubu göndərib.
Respublica.Az AZƏRTAC-a istinadən bildirir ki, məktubda deyilir:
"Hörmətli İlham Heydər oğlu.
Doğum gününüz münasibətilə Sizi "Qazprom" Publik Səhmdar Cəmiyyətinin İdarə Heyəti adından və şəxsən öz adımdan səmimi-qəlbdən təbrik edirəm.
Sizə cansağlığı, firavanlıq, Azərbaycanın inkişafı ilə bağlı planlarınızın uğurla gerçəkləşməsini, bütün Azərbaycan xalqının rifahı naminə səmərəli fəaliyyətinizdə yeni və böyük nailiyyətlər arzulayıram".
Respublica.Az
23-12-2023, 10:52 | Pyotr Qlıboçko İlham Əliyevi təbrik edib
İ.M.Seçenov adına Birinci Moskva Dövlət Tibb Universitetinin rektoru Pyotr Qlıboçko Azərbaycan Prezidenti İlham Əliyevə təbrik məktubu göndərib.
Respublica.Az AZƏRTAC-a istinadən bildirir ki, məktubda deyilir:
"Hörmətli İlham Heydər oğlu.
Doğum gününüz münasibətilə Sizi səmimi-qəlbdən təbrik edirəm.
Ətraflı
Peşəkar siyasi xadim və Vətəninə sadiq insan kimi Siz öz həmvətənləriniz arasında və ölkənizdən xaricdə yüksək nüfuza maliksiniz.
Sizin rəhbərliyinizlə Azərbaycan iqtisadi və sosial sahələrdə təqdirəlayiq uğurlara nail olub və gələcəyə əminliklə baxır.
Ölkənizə tərəqqi, şəxsən Sizə isə möhkəm cansağlığı və ailə səadəti arzu edirəm".
Respublica.Az
23-12-2023, 10:20 | Paris Bakıda özünü tələyə saldı
Fransanın xüsusi xidmət təşkilatları, xüsusilə də xarici kəşfiyyatı sn 50 illik tarixində ən böyük uğursuzluğa və rüsvayçılığa Azərobaycanda uğradı.
Bakıdakı səfirliyində casus şəbəkəsi qurmuş rəsmi Paris bununla da diplomatik nümayəndəliklərin və səfirliklərin fəaliyyəti barədə Vyana Konvensiyasının şərtləri ilə yanaşı, beynəlxalq hüququn da tələblərini kobud surətdə pozub.
Bundan başqa, Fransa beynəlxalq strukturlarındakı nümayəndəliklərindən yararlanaraq bir sıra dövlətlərin daxili işlərinə qarışıb, provokasion planlarını reallaşdırıb.
Paris indi də bu işlə məşğuldur, amma Fransanın Azərbaycandakı rezidenturasına sarsıdıcı, hətta ölümcül zərbə vurulub.
Azərbaycanın Dövlət Təhlükəsizlik Xidməti (DTX) xüsusi əməliyyatla həmin şəbəkəni sözün əsl mənasında, diz çökdürüb.
Xatırladaq ki, Ukrayna, Moldova, Gürcüstan, Azərbaycan, Şərqi Avropa, Yaxın Şərq və Mərkəzi Asiyanın bir sıra ölkələrində müxtəlif əməliyyatlarda iştirak edən Fransa kəşfiyyatçılarının Azərbaycanda geniş rezidentliyi aşkarlanıb.
Bu rezidentura Fransanın "tərəfdaşları" kimi tanınan ölkələrin nümayəndələrinə qarşı çox inamlı və sakit şəkildə kəşfiyyat əməliyyatları aparıb.
Üstəlik, rezidentura geniş əlaqələrdən istifadə edərək region ölkələrində fəal şəkildə fəaliyyət göstərib, yeni məqsədlər formalaşdırıb və təsir dairəsini genişləndirib.
Bu istiqamətdə araşdırma bir-biri ilə əlaqəli olan şəxslərin şəbəkəsini aşkarlamağa imkan verən çox maraqlı məqamları üzə çıxarıb. Belə ki, uzun illər Fransa kəşfiyyatının ştatdankənar əməkdaşı olmuş Fransa vətəndaşlarından biri könüllü olaraq Azərbaycanın hüquq-mühafizə orqanları ilə əməkdaşlıq təşəbbüsü ilə çıxış edib.
Onun əməkdaşlığı nəticəsində Azərbaycanda xidmət etmiş, fəaliyyətlərini davam etdirən, bəziləri isə hazırda bir sıra qonşu dövlətlərdə və beynəlxalq təşkilatlarda fəaliyyət göstərən onlarla fransız məxfi agent ifşa edilib. Bununla yanaşı, Azərbaycan xüsusi xidmət orqanlarına Fransa rezidenturasının Cənubi Qafqaz, Yaxın Şərq, Ukrayna və Moldovadakı fəaliyyəti ilə bağlı sübut və sənədlər təqdim olunub.
Bundan başqa, məlum olub ki, Azərbaycanın xüsusi xidmət orqanlarının apardığı cinayət işi ilə bağlı Ukrayna, Gürcüstan və Azərbaycanla bağlı kəşfiyyat fəaliyyəti həyata keçirmiş bir sıra şəxslər həbs edilib.
Bu uğursuzluğun miqyası Fransa kəşfiyyatının imicinə ciddi zərbə vuracaq.
Azərbaycan tərəfi məsələ ilə bağlı hələ ki rəsmi açıqlama verməyib.
Bununla yanaşı, hazırda yayılan xəbərlərdə o da bildirilir ki, Fransa Prezidenti Emanuel Makron dünən Fransa Xarici Təhlükəsizlik Baş İdarəsinin (DGSE) rəisi Bernar Emyeni vəzifəsindən azad edib. Bernar Emyenin mümkün istefası barədə kəşfiyyatın Afrika və Cənubi Qafqaz sahələrindəki uğursuzluğundan sonra danışılmağa başlanılıb.
Ətraflı
Daxili Təhlükəsizlik Baş İdarəsinə (DGSİ) rəhbərlik etmiş Nikolas Lerner isə Xarici Kəşfiyyat strukturuna yeni rəhbər təyin edilib.
Amma rəsmi Paris sakitləşmək niyyətində deyil. Belə ki, neokolonializmi hələ də davam etdirən ölkələrdən biri Fransadır. Fransanın Avropadan kənarda idarə etdiyi ərazilər fransız müstəmləkə imperiyasının iyrənc qalıqlarıdır. Fransa Qəmər adalarının Mayot adası üzərində suverenliyinə, həmçinin Yeni Kaledoniya xalqının, o cümlədən özünün digər dənizaşırı icma və ərazilərində yaşayan xalqların hüquqlarına hörmət etməlidir.
Fransanın soyqırımlarla dolu hakimiyyəti dövründə 1,5 milyona yaxın əlcəzairli qətlə yetirilib. Hələ də Paris muzeyində əlcəzairli azadlıq döyüşçülərinin kəllə sümükləri müharibə qənimətləri kimi saxlanılır. Bu, utancverici və iyrənc hərəkətdir.
Özünü yalandan insan haqlarının və beynəlxalq hüququn müdafiəçisi kimi qələmə verən Fransa hələ də digər ölkələrin daxili işlərinə qarışır. Fransa qoşunlarının Mali və Burkina-Fasodan çıxarılması onun Afrikadakı amansız neokolonializm siyasətinin uğursuzluğa məhkum olduğunu bir daha göstərdi. Təəssüf ki, Fransa Azərbaycanın Qarabağ bölgəsində erməni separatizmini dəstəkləyərək, geosiyasi rəqabət, xarici hərbi mövcudluq və "orientalizm" müstəmləkəçilik siyasəti ilə Cənubi Qafqaz regionunda da eyni mənfur təcrübəni tətbiq etməyə çalışır.
Fransa XX əsrin ikinci yarısı boyunca Əlcəzairdə və özünün dənizaşırı ərazilərində - Sakit okeanda, Fransa Polineziyasında bir neçə nüvə silahı sınağı keçirиб, bununla da qlobal səviyyədə ətraf mühitin deqradasiyasına, yerli icmalarda ciddi sağlamlıq problemlərinə səbəb olуб.
Fransa öz müstəmləkə keçmişinə, qanlı müstəmləkə cinayətlərinə və soyqırımı aktlarına görə Qoşulmama Hərəkatına üzv olan Afrika, Cənub-Şərqi Asiya ölkələrindən və digər ölkələrdən üzr istəməlidir.
Bir neçə gün əvvəl Niderland kralı ölkəsinin müstəmləkə keçmişinə və qul ticarəti ilə məşğul olduğuna görə rəsmən üzr istəyib. Biz onun fransız həmkarını da həmin hərəkəti etməyə çağırırıq. Heç vaxt olmamaqdansa gec olması yaxşıdır. Əcdadları müstəmləkə siyasətinə məruz qalmış, qul kimi istifadə olunmuş, öldürülmüş, işgəncələr verilmiş və alçaldılmış insanlardan milyonlarla insanın qarşısında üzr istənilməsi yalnız Fransanın tarixi günahının etirafı olacaq.
Fransada, xüsusilə də mediada və internetdə müəyyən etnik azlıqlara qarşı davamlı və geniş şəkildə yayılmış irqçi, ayrı-seçkilik salan fikirlər, rəsmi şəxslər və parlamentin iki palatasının üzvləri tərəfindən irqi nifrət xarakterli çıxışlar getdikcə artmaqdadır. Bu yaxınlarda Əlcəzair əsilli 17 yaşlı yeniyetmənin Fransa polisi tərəfindən qətlə yetirilməsi bu ölkədə irqçiliyin və islamofobiyanın daha bir əlamətidir.
Fransa hətta Korsika dilinə qadağa qoyur və etnik azlıqlar konsepsiyasını qəbul etmir, lakin, eyni zamanda, özünü Azərbaycandakı erməni milli azlığının müdafiəçisi kimi göstərməyə çalışır. Bu, riyakarlıq və ikili standartlardan başqa bir şey deyil.
Fransa hakimiyyəti başqalarına mühazirə oxumağa cəhd etmək əvəzinə, öz ölkəsində bu cür narahatedici meyillərlə mübarizə aparmalıdır.
Fransanın prezidenti Emmanuel Makron bütün bunları etiraf etmək və adekvat siyasət yürütmək əvəzinə diplomatiyasında aqressiv ritorikaya üstünlük vermək əvəzinə təzyiq cəhdlərinə davam edir. Halbuki makronizm adlanan bu bəla Fransanın qlobal miqyasda maraqlarına zərbə vurur, mövqelərini sarsıdır.
Azərbaycana gəldikdə isə, çox yəqin Fransanın ölkəmizdəki acentura şəbəkəsi ilə bağlı yeni detallar, təfərrüatlar və faktlar açıqlanacaq.
Yeni faktlar Makronun Cənubi Qafqaz siyasətini idarə edənlərlə yanaşı, Parisdəki siyasi elitaları yerindən oynadacaq.
Elçin Alıoğlu
TREND
22-12-2023, 14:29 | İlham Əliyev Xocalının Naxçıvanlı, Pircamal, Xanabad və Pirlər kəndlərində olub
Respublica.Az AZƏRTAC-a istinadən bildirir ki, Azərbaycan Respublikasının Prezidenti İlham Əliyev dekabrın 22-də Xocalı rayonunun Naxçıvanlı, Pircamal, Xanabad və Pirlər kəndlərində olub.
Xəbər yenilənəcək
Respublica.Az
22-12-2023, 13:52 | İlham Əliyev Şuşa rayonunun Turşsu qəsəbəsində olub
Respublica.Az AZƏRTAC-a istinadən bildirir ki, Azərbaycan Respublikasının Prezidenti İlham Əliyev dekabrın 22-də Şuşa rayonunun Turşsu qəsəbəsində olub.
Xəbər yenilənəcək
Respublica.Az
22-12-2023, 13:47 | Milli Məclis İlham Əliyevə təbrik ünvanlayıb
24 dekabr Azərbaycan Prezidenti cənab İlham Əliyevin doğum günüdür. Bu gün Azərbaycan ən şanlı dövlətindən birini yaşayır. Biz öz dövlətimizlə qürur duyuruq. Azərbaycan Qarabağı və Şərq Zəngəzurun işğalına son qoyaraq öz ərazi bütövlüyünü təmin edib.
Respublica.Az AZƏRTAC-a istinadən bildirir ki, bunu Milli Məclisin sədri Sahibə Qafarova parlamentin bu gün keçirilən iclasında deyib.
O qeyd edib ki, bütün bu uğurların təməlində Ulu Öndər Heydər Əliyevin siyasətini uğurla davam etdirən Prezident İlham Əliyevin uzaqgörən daxili və xarici siyasət xətti dayanır.
"Cənab Prezident İlham Əliyev müstəsna xidmətləri ilə öz adını Azərbaycan tarixinə qızıl hərflərlə yazıb.
Təklif edirəm ki, doğum günü münasibətilə cənab Prezidentə təbrik məktubu ünvanlayaq və dəyərli fəaliyyətində yeni uğurlar arzulayaq", - deyə o əlavə edib.
Deputatlar təklifi alqışlarla qarşılayıb.
Respublica.Az
22-12-2023, 13:27 | "Diaspora Komitəsi bizə qərəzli və məsuliyyətsiz yanaşdı" - xaricdəki soydaşlarımızdan ŞİKAYƏT
20 diaspor təşkilatı Prezident İlham Əliyev dəstəkləyəcək. Bu haqda 20 diaspor təşkilatının Prezidentə müraciətində deyilir.
Milli.Az bildirir ki, müraciətdə məhz İlham Əliyevin uğurlu siyasəti nəticəsində bu gün seçkilər müstəqilliyini, ərazi bütövlüyünü və suverenliyini tam bərpa etmiş Azərbaycan Respublikasında keçiriləcəyi vurğulanır.
Müraciətdə həmçinin qeyd olunur ki, Vətən Müharibəsi zamanı diaspor təşkilatları öz imkanları çərçivəsində vətənə dəstək olmağa çalışıb, amma təəssüf ki, istər müharibə dövründə, istərsə də post müharibə dövründə Diasporla iş üzrə Dövlət Komitəsi (DİDK) üzərinə düşən vəzifəni layiqincə yerinə yetirməyib:
"Azərbaycanın haqq səsini dünyaya çatdırmaq üçün Azərbaycan dövlətinin büdcəsindən maliyyə ayrılmasına baxmayaraq, erməni diasporunun durmadan apardığı yalan propaqandalara və Avropa ölkələrinin yürütdüyü ikili standart və siyasətə qarşı DİDK heç bir ciddi iş görmədi və Azərbaycanın haqlı tərəf olduğunu sübut edə bilmədi. Sizin verdiyiniz tapşırıqlara isə məsuliyyətsiz yanaşıldı. Bu səbəbdən xaricdə fəaliyyət göstərən Azərbaycan diasporu və DİDK arasında fikir ayrılıqları və narazılıqlar yarandı. DİDK sədri Fuad Muradov və komitə işçilərinə bu iradları bildirdikdən sonra, xaricdəki diaspora təşkilatlarına qarşı qərəzli yanaşdılar və əməkdaşlıq etməkdən imtina etdilər. Yalnız Sizin əzmli dəmir yumruğunuzun və Azərbaycan Ordusunun şücaəti sayəsində Azərbaycanın haqlı tərəf olduğu beynəlxalq ictimaiyyət qarşısında sübuta yetirildi.
Bir daha Sizə bütöv və müstəqil Azərbaycan Respublikasının ilk seçkilərində uğurlar diləyir və Sizi dəstəklədiyimizi bəyan edirik. İnanırıq ki, siz uğur qazandıqdan sonra Azərbaycan diasporunda yeni bir mütərəqqi nəfəs və dalğanın yaranmasını təmin edəcək, dəmir yumruq ətrafında yenidən birləşməyimizə dəstək olacaqsınız".
Sənədi Norveçdən CAN diaspora təşkilatının sədri Şervin Nəcəfpur, İdarə Heyətinin üzvü Atabəy Nəcəfpur, "Bizim Səs" təşkilatının sədri Hüseyn Məmmədov, Niderlanddan "Birlikdə güclüyük" Fondunun həmsədri İlkana Goja van de Berg, Rusiyadan Samara Azərbaycanlılarının Assambleyasının sədri Elmar Rəsulov, Dünya Azərbaycanlıların Assambleyasının sədri Rəşad Quliyev, Böyük Britaniyadan diaspor üzvü Məryəm İskəndərova, Fransadan "Ulduz" Assosiasiyasının rəhbəri Aytən Muradova, diaspor üzvü Ülviyyə Həsənova, İspaniyadan "Asociacion Azerbaiyanos en Espane"nin sədri Vahid Xəlilov, İsraildən "Azad" təşkilatının sədri Şakir Əhmədov, İsveçdən Vahid Azərbaycan Birliyinin sədri Aya Çoqşun, Azərbaycan İsveç Dram Teatrı "Tumurcuq" rəhbəri Sevinc Nəzərli, Türkiyədən Türkiyə Azərbaycan Dərnəklər Federasiyasının fəxri sədri Bilal Dündar, Belçikadan Belçika-Azərbaycan Evinin rəhbəri Bülənt Gürcam, Şimali Kiprdən KADM I Kipr Azərbaycan Diaspora Mərkəzinin idarə heyətinin sədri Raul Diniyev, İndoneziyadan diaspor üzvü Hafiz Cəfərli, İordaniyadan diaspor üzvləri Kəmalə Süleymanova və Dilşad Ağayeva imzalayıblar.
Respublica.Az
22-12-2023, 09:31 | Xankəndidəki futbol matçının fasiləsində nələr yaşandı? - VİDEO
Xəbər verdiyimiz kimi, ötən gün Xankəndidə Azərbaycan kubokunun 1/8 final mərhələsi çərçivəsində "Qarabağ" - MOİK matçı keçirilib.
Respublica.Az xəbər verir ki, oyun fasiləsində Prezident İlham Əliyev 2023-cü ilin idman yekunları ilə bağlı təşkil olunan mərasimdə idman ictimaiyyətinin təltif edilən nümayəndələri ilə görüşüb.
Sözügedən görüşdən görüntüləri təqdim edirik:
Xatırladaq ki, matç "Qarabağ"ın MOİK üzərində 1:0 hesablı qələbəsi ilə yekunlaşıb.
Respublica.Az
20-12-2023, 18:57 | Prezident və birinci xanım Xocalının Şuşakənd kəndinin ərazisinə baxış keçiriblər - FOTO
Dekabrın 20-də Azərbaycan Respublikasının Prezidenti İlham Əliyev və birinci xanım Mehriban Əliyeva Xocalı rayonunda olublar.
Respublica.Az AZƏRTAC-a istinadən bildirir ki, dövlətimizin başçısı və birinci xanım rayonun qədim Şuşakənd kəndinin ərazisinə baxış keçiriblər.
Qeyd edək ki, Şuşakənd kəndi 1992-ci ildə Ermənistan silahlı qüvvələri tərəfindən işğal olunub. Kənd 2023-cü il sentyabrın 19-20-də Azərbaycan Ordusunun Qarabağda həyata keçirdiyi lokal xarakterli antiterror tədbirlərindən sonra separatçılardan təmizlənib.
Qədim tarixə malik kənddə bəzi tədqiqatlara görə, eramızın əvvəllərində Şimali Qafqaz çöllərində yaşamış türkdilli tayfalar məskunlaşıb.
Kəndin ərazisi turizm və kənd təsərrüfatı potensialına malikdir.
Respublica.Az
