24-12-2023, 12:55 | Putin İlham Əliyevi təbrik etdi

Rusiya Federasiyasının Prezidenti Vladimir Putin dekabrın 24-də Azərbaycan Respublikasının Prezidenti İlham Əliyevə zəng edib.

Respublica.Az AZƏRTAC-a istinadən bildirir ki, Vladimir Putin Azərbaycan Prezidentini ad günü münasibətilə təbrik edib, prezidentlik fəaliyyətində yeni uğurlar və cansağlığı arzulayıb.

Dövlətimizin başçısı göstərilən diqqətə və təbrikə görə minnətdarlığını bildirib.

Telefon söhbəti zamanı ikitərəfli dostluq münasibətlərimizin müxtəlif sahələrdə uğurla inkişaf etdiyi məmnunluqla vurğulanıb, əlaqələrimizin bundan sonra da genişlənəcəyinə əminlik ifadə olunub.

Dövlət başçıları ikitərəfli münasibətlərimizin perspektivləri ətrafında fikir mübadiləsi aparıblar.

Respublica.Az

24-12-2023, 12:43 | Azərbaycan Prezidenti, YAP-ın Sədri İlham Əliyevin praqmatik və uzaqgörən siyasəti özündə ümummilli maraqları ehtiva etməklə müasir dövrün çağırışlarına cavab verir

Azərbaycan cəmiyyəti demokratik inkişafının yeni mərhələsinə növbədənkənar prezident seçkiləri marafonu ilə qədəm qoyur. Artıq seçki hazırlıqlarının startı verilib. Cəmiyyətin mütləq gözləntisi özünü döğruldub. Hakim Yeni Azərbaycan Partiyası öz liderinin növbəti müddətdə dövlət başçısı seçilmək üçün namizədliyini irəli sürüb. Mərkəzi Seçki Komissiyası YAP Sədri İlham Əliyevin prezidentliyə namizədliyini qeydə alıb.

Ötən 20 ildə Azərbaycanı Ümummilli lider, müstəqil dövlətimizin banisi Heydər Əliyevin müəyyən etdiyi yolla inamla irəli aparan Prezi­dent İlham Əliyevin siyasi fəaliyyətini davam et­dirmək uğrunda növbəti mübarizəsi 62 yaşının tamam olduğu günlərə təsadüf edir. Azərbaycan cəmiyyəti indidən ona son 2 əsrlik tarixinin ən böyük qələbəsini qazandırmış liderinin alterna­tivsizliyi barədə qənaətlərini bildirməkdən çə­kinmir. Prezident isə növbədənkənar seçki elan edərkən bütün demokratik tələblərə sonadək əməl edilməsi barədə qəti mövqe ifadə edib.

Artıq yüz ilə yaxındır ki, Azərbaycan cəmiyyəti hər bir vətəndaşına seçmək və seçilmək hüququnu tanıyıb. Bu gün ölkəmiz dünya qarşısında daha bir im­tahana gedir. Növbəti 5 ildə Azərbay­canı dünya siyasətinin labirintlərində məharətlə irəliyə aparacaq, vətəndaş rifahını onun layiq olduğu yaşam səviy­yəsinə yüksəldəcək bir ölkə başçısının seçimi qarşısındayıq. Deməli, cəmiyyə­tin hər bir üzvü üçün məsuliyyətin ən yüksək dərki və vicdanın tələbi ilə qərar qəbul etmək anıdır.

Belə bir anda millətimizin gələcəyi naminə dönüb geriyə baxmaq, qazan­dıqlarımızla itirdiklərimizi tərəziyə qoy­maqla milli maraqlarımıza ümummilli təəssübkeşlik aynasından baxaraq edilən seçim vətəndaş məsuliyyətinin ən parlaq göstəricisi olur.

30 il əvvəl üzləşdiyi ağır tarixi sı­naqlardan Heydər Əliyev kimi müdrik bir şəxsiyyətin öndərliyi ilə üzüağ çıxan Azərbaycan xalqı seçimində yanılma­yaraq müstəqil dövlət quruculuğunun Heydər Əliyevlə başlayan şərəfli yoluna qədəm qoydu. Sözlə ifadəsi sadə gö­rünən, lakin enişli-yoxuşlu yollardan və siyasi təlatümlərdən keçərək bu günün mənzərəsini yaratmaq heç də asan ol­madı. İlk növbədə, günbəgün daha bö­yük itkilər və daha böyük sarsıntılar gə­tirən müharibəyə son qoymaqla ölkənin tarixi taleyində dönüş yaradan Heydər Əliyev qısa bir zamanda ortaya qoydu­ğu uğurlu enerji strategiyası ilə ölkəmizi yeni bir yola – Yeni Azərbaycanın şərəfli quruculuq yoluna çıxara bildi.

Məhz xalqla birgə nəfəs alması, onun müstəqilliyini əbədi və sarsıl­maz etmək uğrunda son nəfəsinə­dək göstərdiyi çabalar Heydər Əliyevi xalqın əbədi Ümummilli liderinə çevir­di. Öz tarixinə hörmətlə, öz xilaskarına ümumxalq məhəbbəti və minnətdarlığı ilə yanaşan xalq Heydər Əliyev idealla­rına sədaqətini 2003-cü il secimlərində nümayiş etdirdi. Xalq Heydər Əliyev kursunu uğurla davam etdirmək iqtida­rında olan yeni liderini – İlham Heydər oğlu Əliyevi özünə rəhbər seçdi. Hə­min dövrdə İlham Əliyevi uğurlu seçim kimi fərqləndirən başlıca şərtlərdən biri onun müstəsna tarixi şəraitdə yetkin bir siyasətçi kimi yetirməsi idi.

Əvvəlki dövrdə çalışdığı rəhbər və­zifələrdə özünü doğrultması, ən baş­lıcası isə Heydər Əliyev dühasından bəhrələnərək novator siyasətçi kimi ye­tişmək imkanlarını səfərbər etməsi onu qısa bir zamanda Azərbaycanın siyasi səhnəsində önə çıxarmışdı. 2003-cü ildə prezident səlahiyyətlərinin icrası­na başladığı zaman qarşısına qoyduğu ən böyük hədəflərdən biri kimi yeni iş yerlərinin açılması ölkənin ən böyük so­sial bəlası olan işsizlik probleminin həll olunmasına şərait yaratdı.

O dövrdən etibarən bu günə qədər həyata keçirilmiş uğurlu sosial-iqtisa­di proqramlarla, sahibkarlara dövlət dəstəyinin gücləndirilməsi yolu ilə bir milyondan çox yeni iş yerləri yara­dıldı. Bu siyasətin ardıcıllığı və dön­məzliyi ölkədə yoxsulluq səviyyəsinin azaldılmasına və əhalinin sosial rifah səviyyəsinin yüksəlişinə səbəb oldu. Çala-çuxurlu yolların, sınıq-salxaq kör­pülərin, divarları ovulub tökülmüş yaşa­yış binalarının, məktəblərin, xəstəxa­naların, təsərrüfat, istehsal və xidmət obyektlərinin abadlaşdırılması, bütöv­lükdə, yeni ölkə quruculuğuna start verilməsi, ölkənin simasının kökündən dəyişilməsi möcüzə təəssüratı yaratsa da bütün bunlar xalqın gözü qarşısında baş verdi.

Bu İntibah Azərbaycan dövlətinin və vətəndaşının birgə səyi nəticəsində baş tutdu. Bu İntibahın əsasında Azərbay­can liderinin – İlham Əliyevin yaradıcı zəkası, Azərbaycan vətəndaşının isə qurucu əməyi dayandı. Bu gün “dün­yaya Günəş kimi doğan Azərbaycan” (Heydər Əliyev) məhz Lider – Vətəndaş vəhdətinin nəticəsi oldu. Azərbaycan­da xalq və hakimiyyət vəhdətinin yeni, daha məhsuldar epoxası da məhz bu dövrdən başlayır.

İlk 5 illik prezidentlik dövründə ona etimad göstərmiş xalqın gözləntilərini layiqincə doğrultması İlham Əliyevə sonrakı 3 seçkidə daha inamlı qələbə qazandırdı. İkinci prezidentlik dövründə İlham Əliyev Ulu öndərin siyasi kursuna sadiq qalmaqla bərabər, həm də onu yeni keyfiyyətlərlə zənginləşdirmək, heç kimin proqnozlaşdıra bilmədiyi bir novatorluqla davam etdirmək, müasir dünyanın siyasi mədəniyyətində “öz üslubunu” yaratmaq bacarığını ortaya qoydu. İqtisadi böhranın bütün dünyanı çulğadığı bir zamanda milli dövlətimizin tərəqqiyə qovuşması, ölkə miqyasında bu inkişaf tendensiyasının davamlılı­ğı Azərbaycanı beynəlxalq arenada önəmli bir dövlətə – qlobal siyasətdə söz sahibinə çevirdi.

Azərbaycanın orta və uzunmüddətli inkişafının prioritet istiqamətləri və bu strategiyanın uğurlu icra mexanizmləri müəyyən edildi. Regionların sosial-iq­tisadi inkişafına vüsət verən proqram­lar, əhalinin həyat səviyyəsinin yüksəl­dilməsinə, təhsilin, səhiyyənin, elmin tərəqqisinə hesablanmış fəaliyyət is­tiqamətləri bir-birini tamamlamaqla ölkəmizdə bir milyondan çox iş yerinin açılmasına və yoxsulluq səviyyəsinin kəskin şəkildə aşağı düşməsinə şərait yaratdı. İnsan amili dövlət siyasətinin ana xəttini təşkil etməyə başladı.

Bu dövrdə Azərbaycanın xarici si­yasət sahəsində qazandığı uğurlar onu beynəlxalq siyasi sistemin ən fəal sub­yektlərindən birinə çevirdi. Azərbaycan özünün və daxil olduğu regionun təh­lükəsizlik maraqlarını qoruya bilmək, cürbəcür təhdid və avantüraları zərər­sizləşdirmək bacarığını nümayiş etdirdi və nəticədə, dünya birliyində etibarlı tərəfdaş nüfuzu qazanmış Azərbaycan 155 ölkənin dəstəyi ilə BMT Təhlükə­sizlik Şurasının üzvü seçilərək dünya­nın idarə olunmasında bilavasitə iştirak edən bir dövlətə çevrildi. Həm birinci, həm də ikinci prezidentliyi dövründə ölkəmiz üçün ən ağrılı problem olan Dağlıq Qarabağ münaqişəsinin həlli is­tiqamətində həyata keçirilən ardıcıl təd­birlər İlham Əliyev siyasətinin prioritet istiqamətini təşkil etdi.

Avropa Şurası, Avropa Parlamen­ti kimi mötəbər təşkilatlar tərəfindən Ermənistanın təcavüzkar dövlət kimi tanınması, bir çox dövlətlər tərəfindən Xocalı faciəsinin soyqırımı faktı kimi qə­bul edilməsi Azərbaycanın beynəlxalq hüquq prinsiplərinə əsaslanan haqlı mövqeyini bir daha təsdiq etmiş oldu. Azərbaycanın bu illər ərzində öz ədalət­li mövqeyindən bir addım belə geri çə­kilməməsi, Ermənistanın bu problem üzərindən spekulyasiya manevrlərinin sıfıra endirilməsi, böyük iddialarının girovuna çevrilmiş işğalçı-separatçı re­jimin beynəlxalq miqyasda küncə sıxış­dırılması xarici siyasətimizin qələbəsi oldu.

Bu gün Azərbaycan beynəlxalq mövqeyi tarixində heç zaman olmadı­ğı qədər güclü və sarsılmazdır. Eyni zamanda, regional müstəvidə göstə­rilən təşəbbüslər, həyata keçirilən iri layihələr Azərbaycanı regionunun lider dövlətinə çevirdi. Dövlət başçısı İlham Əliyevin dəfələrlə və qürurla qeyd etdiyi – “Bu gün Azərbaycanın razılığı olma­dan regionda heç bir layihə gerçəkləşə bilməz” yanaşması bu günümüzün re­allığı, ölkəmizin regional və beynəlxalq miqyasda artan nüfuzunun və möhkəm­lənən mövqeyinin əyani təzahürü oldu.

Əsası Heydər Əliyev tərəfindən qoyulmuş enerji strategiyasının ötən onillikdə də uğurla həyata keçirilməsi Azərbaycanın əldə etdiyi iqtisadi uğur­ların başlıca səbəbi oldu və bu proses­də ölkəmizin güclü enerji infrastrukturu təşəkkül tapdı və onun qlobal əhəmiy­yəti daha da artdı. Nəticədə, ölkəyə sabit maliyyə axını təmin edildi, ölkənin valyuta ehtiyatları dəfələrlə yüksəldi, çoxsaylı sosial-iqtisadi proqramların ic­rası təmin edildi.

İlham Əliyevin ölkəyə rəhbərliyinin sonrakı illərində qarşıya qoyulan əsas hədəflərdən biri – qaçqın düşərgələri­nin ləğv edilməsi, onlar üçün müasir tipli qəsəbə və şəhərçiklərin salınması, on­ların iş yerləri ilə təmin olunması uğurla həyata keçirildi. Bununla bərabər, ölkə iqtisadiyyatının enerji amilindən asılılı­ğının azaldılması da hər zaman İlham Əliyevin yürütdüyü iqtisadi siyasətin mərkəzində dayandı. Ümumdaxili məh­sulun həcmində qeyri-neft sektorunun xüsusi çəkisi dəfələrlə artırıldı, çox­şaxəli inkişaf strategiyasının tətbiqinə başlanıldı.

Qeyri-neft sektorunun sabit və da­vamlı inkişafı hesabına yaxın gələcək­də ümumdaxili məhsulun iki dəfəyədək artırılmasını, innovativ və bilikyönlü iqtisadiyyatın inkişaf etdirilməsini əsas hədəflərdən biri olaraq müəyyən edən “Azərbaycan 2020: Gələcəyə baxış” İnkişaf Konsepsiyası qəbul olundu və onun icrasına başlanıldı. Bu dövrdə ölkəmizə şərəf və rəğbət qazandıran ən böyük hadisələrdən biri də Azərbay­canın ilk süni peykinin – “AzərSpace”in fəzaya qaldırılması və onun kosmik sə­nayeyə sahib olan azsaylı ölkələrin sı­rasında yer alması oldu. Gənc bir döv­lət olan Azərbaycanın kosmik ölkələr ailəsinə qatılması hər bir vətəndaşın öz dövləti ilə fəxr etməsinə, qürur hissi ke­çirməsinə şərait yaratdı.

Son 5 il ərzində Azərbaycan təkcə iqtisadi inkişafı ilə deyil, bu inkişafla tarazlı şəkildə həyata keçirilən idarəet­mə qurumlarının restrukturizasiyası, əhaliyə göstərilən xidmətlərin keyfiy­yətinin artırılması baxımından da di­gər dövlətlər üçün müsbət nümunəyə çevrilməkdədir. Elektron hökumətin formalaşdırılması tədbirləri çərçivə­sində vətəndaşlara göstərilən əksər xidmətlərin vətəndaş – məmur qar­şılaşması olmadan elektron formada həyata keçirilməsi, ASAN Xidmət şə­bəkəsinin respublika miqyasında qu­rulması istiqamətində görülən tədbirlər İlham Əliyevin öz vətəndaşına dünya standartlarına uyğun yüksək keyfiyyətli xidmətlərin göstərilməsində qərarlı ol­duğunu göstərir.

Bütün bu uğurların kökündə ötən 4 seçimlərdə xalqın etimadını qazan­mış və onu layiqincə doğrultmuş İlham Əliyevin modernist baxışları, prinsipial siyasi mövqeyi, öz xalqına və xalqın Ümummilli liderinin siyasi kursuna sa­diqliyi və nəhayət, onun gərgin əməyi dayanır. Bu gün prezident olmaga iddi­alı şəxslərin siyahısında yer alan İlham Əliyev bütün məziyyətləri ilə başqala­rından fərqlənən, eyni zamanda, öz tə­vazökarlığı ilə ən çox diqqəti cəlb edən və seçicilər tərəfindən xüsusi rəğbətlə qarşılanan bir namizəddir. Bu məqam­da bir vətəndaş və bir siyasətçi kimi İlham Əliyev şəxsiyyətini opponentlə­rindən fərqləndirən özəlliklərə nəzər salmaq yerinə düşərdi.

Humanizm. Hər şeydən öncə İlham Əliyev humanist – insanpərvər bir siyasətçidir. Demək olar ki, hər bir çıxışında qeyd etdiyi – “Azərbaycanda dövlət siyasətinin təməlində insan amili dayanır” prinsipi İlham Əliyevin rəhbər­liyi ilə həyata keçirilən bütün layihələrin başlıca humanist ideyasıdır.

Fədakarlıq və təvazökarlıq. İlham Əliyev xalq tərəfindən seçilən, xalq üçün seçilən və xalqın firavan gələcəyi üçün yorulmadan çalışan bir siyasət­çidir. O, eyni zamanda, əldə olunan bütün uğurları xalqın adına bağlayan təvazökar bir siyasətçidir. “Bizim uğur­larımız insanların, Azərbaycan xalqı­nın dəstəyi və birbaşa iştirakı olmadan mümkün deyil və bir daha demək istə­yirəm ki, bizim uğurlarımızın əsas mən­bəyi Azərbaycan xalqının fəaliyyətidir, Azərbaycan xalqının iradəsidir”.

Çeviklik, cəsarət və qətiyyət. İlham Əliyev dünya birliyinin dialektik inkişaf istiqamətlərini yaxşı bilən, Azər­baycanın xarici və daxili siyasət platfor­masını optimal tarazlıq müstəvisində zərgər dəqiqliyi ilə müəyyənləşdirən çevik, cəsarətli və qətiyyətli bir siyasət­çidir. Yaşadığımız regionda, eləcə də beynəlxalq miqyasda bir göz qırpımın­da dəyişən situasiya xarici siyasətin daha çevik olmasını və bu siyasətin milli maraqlara adekvat yürüdülməsini tələb edir.

Dövlət maraqlarının ən ali səviyyə­də qorunmasına xidmət edən diploma­tik korpus şəbəkəsinin genişlənməsi, beynəlxalq və regional təşkilatların Azərbaycanın haqlı mövqeyini qəbul etdikləri qərarlarla dəstəkləməsi, Birləş­miş Millətlər Təşkilatının Təhlükəsizlik Şurasında və Qoşulmama Hərəkatında İlham Əliyevin yürütdüyü xarici siyasə­tin milli maraqlardan qaynaqlandığını və bu siyasətin daxili siyasətlə harmo­nik bağlılığını göstərən dəlillərdir. Bu baxımdan, Azərbaycanın ümumtürk inteqrasiya proseslərini və türk dünya­sının bütövlüyünü şərtləndirən təşəb­büslərin İdeya Mərkəzinə çevrilməsi də İlham Əliyevin milli-tarixi və milli-mənə­vi köklərə bağlı olan cəsarətli bir rəhbər olduğunu göstərir.

Sabitlik və Həmrəylik. İlham Əliyevin prezidentliyi dövründə Azər­baycan sabitliyin, davamlı iqtisadi in­kişafın təmin olunduğu, dövlət siyasə­tinin mərkəzində vətəndaş marağının dayandığı bir ölkəyə çevrilmişdir. Bu gerçəkliyi görməmək mümkün deyil. Bu gün Xalq–Hakimiyyət konfiqurasi­yasının bir tərəfində – vətəndaşı üçün layiqli həyat səviyyəsini təmin etməyi başlıca hədəf kimi müəyyən edən İlham Əliyev şəxsiyyəti, digər tərfində isə əv­vəlki seçkilərdə İlham Əliyevə göstərdi­yi etimadın bəhrəsini real şəkildə hiss edən, onu yenidən öz lideri kimi görmək arzusunda olan Azərbaycan vətəndaşı dayanır.

Bu gün çoxşaxəli inkişaf strategi­yasının uğurla həyata keçirildiyi Azər­baycanda sabitlik onun əsas sərvəti və tərəqqisinin kökündə dayanan başlıca amildir. Azərbaycan seçicisi üçün əldə olunmuş uğurların davamlılığı, tərəqqi yolunun, sabitliyin dönməz xarakter da­şıması daha çəkicidir. Burada özünün zəngin dövlətçilik təcrübəsi ilə Azərbay­canı dünya birliyinin aparıcı subyektinə çevirən İlham Əliyevin siyasi opponent­lərlə müqayisədə mütləq üstünlüyü dərhal nəzərə çarpır və bu fərq hər bir Azərbaycan vətəndaşının seçimində həlledici olur.

Söz və Əməl. Yüksək xarizmaya, rəğbətdoğurucu şəxsi keyfiyyətlərə, üç dildə natiqlik məharətinə, əsaslı mövqeyin optimal təzahür maneraları­na malik olan İlham Əliyev Azərbayca­nın bir ucqar kəndində də, beynəlxalq tədbirlərin keçirildiyi yüksək tribunalar­da da eyni səviyyədə yüksək məntiq və inandırıcılıq səriştəsi ilə çıxış edir. Onun çıxışları məntiqli və inandırıcıdır. Çünki onun dediyi Sözün arxasında Əməli dayanır. Prezidentliyi dövründə İlham Əliyev bir ölkə başçısının öz dövləti və xalqı üçün edə biləcəyindən daha ar­tığını edə bilməyin mümkün olduğunu artıq öz əməlləri ilə sübut etmişdir.

Malik olduğu bütün müsbət məziy­yətlərini, proseslərə rasional yanaşma qabilyyətini dövlətin daxili və xarici si­yasət strategiyasına məharətlə hop­duran İlham Əliyev XXI əsrin çağdaş ruhu ilə səsləşən müasir Azərbaycanı yaratmaqdadır. Bu prosesdə isə heç nə təsadüfən baş vermir, ölkənin si­yasi, ictimai, iqtisadi, mədəni həyatını yönəldən proseslər onun daxili inkişaf məntiqindən, qabaqcadan ölçülüb-bi­çilmiş layihələrin, proqramlaşdırılmış fəaliyyətlərin ardıcıllığından irəli gəlir. Belə yaradıcı bir fəaliyyətin nəticəsində Azərbaycan kəndi tarixin heç bir zama­nında görmədiyi təhsil, mədəniyyət və istehsal obyektlərinə sahib olur. Ölkə əhalisinin yarıdan çoxunu təşkil edən kənd əhalisinin verdiyi sözü əməli işi ilə tamamlayan bir namizədi səmimiyyətlə dəstəkləyəcəkləri qətiyyən şübhə do­ğurmur. Səhiyyə sisteminin təkmilləş­dirilməsi, maddi-təchizat və tibbi xidmət potensialının dünya standartları səviy­yəsinə çatdırılması istiqamətində da­vamlı siyasətin aparılması Azərbaycan həkiminin seçim etməsində əsas meyar olacaqdır.

Kiçik və orta sahibkarlığın inkişafına yönəlmiş proqram və layihələrin uğurlu icrası, sahibkarlığa dövlət dəstəyinin yüksələn xətlə davam etməsi, əlveriş­li iş mühitinin yaradılması Azərbaycan sahibkarının seçimində həlledici amil­dir. Əmək şəraitinin yaxşılaşdırılması, yeni-yeni iş yerlərinin açılması kənddə və şəhərdə yaşayan zəhmətkeş insan­ların verilən sözə etimadını daim artır­maqdadır.

Dövlət qayğısını hər zaman hiss edən, yaşayış tərzi daim yaxşılığa doğ­ru dəyişməkdə olan Azərbaycan təqa­üdçüsü öz seçimində sosial rifaha işıq yandıran namizədi tərəddüd etmədən dəstəkləyəcək. Təhsil sistemində key­fiyyət dəyişikliklərinə hədəflənmiş, təh­sil infrastrukturunun, onun maddi-texni­ki bazasının gücləndirilməsi, müəllim və tələbə heyətinin sosial rifahının yüksəl­dilməsi məqsədi daşıyan, mədəniyyət və incəsənət sahəsini intibaha çatdıran siyasət kursu Azərbaycanda yaradıcı insanların, müəllim və tələbələrin se­çimində məhz İlham Əliyevə üstünlük qazandıracaqdır.

Nəhayət, İlham Əliyevi alternativsiz liderə çevirən onun son 2 əsrlik tariximi­zin ən böyük qələbəsini təmin etməsidir. Ulu öndərin Qarabağla bağlı vəsiyyətini böyük məharətlə gerçəkləşdirən siyasi varis itirilmiş torpaqlarımızı geri qaytar­dı və suverenliyini qətiyyətlə bərpa etdi. Torpaqlarımızın işğalı isə, sadəcə, Er­mənistan–Azərbaycan davası deyildi. Bu işin arxasında hələ də Azərbaycanı əsarətdə saxlamaq istəyən beynəlxalq güclər dayanırdı. Azərbaycan döv­ləti və onun müdrik Prezidenti İlham Əliyev bu güclərin oyununu pozdu. Nə­ticədə, Azərbaycanın 30 il pozulmuz ərazi bütövlüyü təmin edildi. İndi artıq Azərbaycanın bütün ərazilərində suve­ren hüquqlarımız bərqərar olub. Bu isə xalqımız və dövlətimiz üçün tarixi bir uğurdur.

Azərbaycanı ötən illərin və indi də davam edən xarici təzyiqlərindən, təh­didlərdən və maneələrdən xilasetmək, Qarabağ savaşında qalib gəlmək və Azərbaycanın milli maraqlarını daha üst səviyyəyə çatdırmaq üçün əlbəttə ki, çox dərin bir zəka, dərin düşülmüş bir siyasət lazım idi. Belə bir siyasəti məhz İlham Əliyev ortaya qoydu. O, son 20 il ərzində bir çox hallarda özü­müzün də inana bilməyəcəyimiz ən yüksək zirvələrə çatdırdı.

Bu ilin sentyabrında Azərbaycan beynəlxalq siyasətdə daha bir möh­təşəm qələbəsini qazandı. Dövlətimiz cəmi 24 saat sürən antiterror tədbirləri ilə 30 ildən çox bütün Cənubi Qafqazı gərginlikdə saxlayan bir münaqişənin son nöqtəsini qoydu. Xalqımız çoxdan arzuladığı yeni bir həyata başlamaq ərəfəsindədir.

Prezident İlham Əliyev Cənubi Qafqaz bölgəsinin gələcəyini birdəfəlik müəyyən etdi. Qarabağın azad edil­məsi türk dövlətlərinin də maraqlarına xidmət edən yeni geosiyasi vəziyyət yaradıb. Vətən müharibəsi başlayarkən növbəti tarixi sınaq qarşısında biz yenə də Türkiyənin bütün imkanları ilə Azər­baycanın müdafiəsinə qalxdığını gör­dük. Ərdoğan hökuməti başda olmaqla bütün Türkiyə müharibə ilə bağlı ermə­ni havadarları tərəfindən Azərbaycana edilən təzyiqlərin qarşısında mətanətlə durdu və bu təzyiqləri neytrallaşdırmaq baxımından Azərbaycanın haqq işinə tarixi bir dəstək verdi.

Ulu öndər Heydər Əliyevin siyasi dühası və misilsiz fədakarlığı nəticəsin­də müstəqilliyini bərpa etmiş dövlətimiz onun siyasi varisinin rəhbərliyi ilə özü­nün dinamik inkişaf yolunda uğurla ad­dımlayır. 30 ilə yaxın işğal altında qal­mış torpaqlarımız Ali Baş Komandanın başçılığı altında şanlı Ordumuz tərəfin­dən azad edilib. Ölkəmiz və xalqımız sülh və əmin-amanlıq şəraitində yeni həyata başlayıb. Müharibədən sonra­kı dövrdə Qarabağda həyata keçirilən abadlıq və quruculuq işləri hər bir Azər­baycan vətəndaşının qəlbini sevinc və fərəh hissləri ilə doldurur.

Qarabağın Fatehi, Heydər Əliyev siyasi kursunun layiqli davamçısı və Avrasiya miqyaslı geosiyasi proseslərə istiqamət verən qüdrətli Azərbaycan dövlətinin rəhbəri İlham Əliyev ötən 20 ildə xalqımızın xoşbəxt gələcəyinin və fıravanlığının sınaqlardan çıxmış ən mötəbər təminatçısı olduğunu misilsiz uğurları ilə sübuta yetirib.

Aqil Məmmədov,
Milli Məclisin deputatı.

24-12-2023, 12:33 | İlham Əliyevin “Mən hər bir azərbaycanlının Prezidenti olacağam!” vədinə sadiqliyi qısa müddət ərzində ona xalq arasında böyük inam qazandırdı

Bütün zamanlar üçün liderlərin şəxsiyyəti xalqın, dövlətin gələcəyi baxımından çox mühüm amil olmuşdur. Yaxın tarixə nəzər salsaq, görərik ki, müxtəlif ölkələrin liderləri öz xalqlarını ya tərəqqiyə, ya da faciəyə aparmışlar. Azərbaycanın tarixində də belə faktlara az rast gəlmirik. Elə ötən əsrin 90-cı illərinin əvvəllərində yaşadıqlarımızı xatırlamaq yetər. Müstəqilliyini yenicə bərpa etmiş xalqımız bir tərəfdən ölkənin ərazi bütövlüyünü müdafiə edir, digər tərəfdən isə daxili sabitsizlikdən əziyyət çəkirdi. Yalnız ümummilli lider Heydər Əliyevin siyasi hakimiyyətə qayıdışı xalqımızın yeni tarixi mərhələyə qədəm qoymasına və ölkədə sabitliyin əldə olunmasına şərait yaratdı. Mahir diplomat və böyük siyasi məktəbin yetirməsi olan cənab İlham Əliyevin Prezident seçilməsindən sonra isə Azərbaycanın hərtərəfli yüksəlişi özünün məntiqi nəticəsilə yekunlaşdı. Xalq qarmaqarışıq illərdə itirdiklərini müzəffər Ali Baş Komandan İlham Əliyevin qətiyyəti, əsgərlərimizin şücaəti sayəsində işğalçılardan geri almağa müvəffəq oldu.
Müasir tariximiz xalqımızın müstəqil, müdrik seçiminin bəhrəsidir. Bu gün hamımız qüdrətli və qalib dövlətin vətəndaşlarıyıq. Belə bir hissi, sevinci və qüruru xalqımı¬za bəxş edən, Azərbaycanı qalib ölkəyə çevirən Prezident İlham Əliyevdir. Heç kimə sir deyil ki, müstəqilliyinin ilk illərində Azərbaycan böyük çətinliklərlə üzləşmişdi. Belə ki, ötən əsrin 80-ci illərinin sonla¬rında Azərbaycanın Qarabağ bölgəsində yaranmış erməni separatizmi 90-cı illərin əvvəllərində daha da aqressivləşmiş, Ermənistanın işğalı nəticəsində ölkə ərazisinin 20 faizi işğal olunmuş, bir milyon-dan artıq azərbaycanlı qaçqın və məcburi köçkünə çevrilmişdi. Bundan əlavə, keç¬miş SSRİ-nin dağılması ilə Azərbaycanın ənənəvi iqtisadi-ticarət əlaqələrinə son qoyulmuş, maliyyə-iqtisadi və siyasi böh¬ran daha da dərinləşmişdi. Yalnız 1993-cü ildə ulu öndər Heydər Əliyevin Azərbaycan rəhbərliyinə qayıdışından sonra ölkə tədricən bu böhrandan çıxdı, ictimai-siyasi sabitlik, milli birlik və vətəndaş həmrəyliyi yaradıldı, cəmiyyətin bütün sahələrində yenidənqurma prosesi başlandı. Ümummilli liderin xeyir-duası ilə ölkə Prezidenti seçilən cənab İlham Əliyev Azərbaycan xalqının ümidlərini və ona göstərilən yüksək etima¬dı doğruldaraq, dahi siyasi xadim Heydər Əliyevin vəsiyyətlərini layiqincə yerinə ye¬tirdi. O, ümummilli liderin əsasını qoyduğu iqtisadi, siyasi, hüquqi, mədəni sahələrdə, ordu quruculuğunda əsaslı islahatları uğur¬la davam etdirdi.
Prezident İlham Əliyevin ali dövlət vəzifəsində çalışdığı ilk günlərdən nüma¬yiş etdirdiyi yüksək idarəçilik bacarığı, milli maraqlara əsaslanan qətiyyətli daxili və xa¬rici siyasəti, seçkiqabağı təşviqat dövründə səslənən “Mən hər bir azərbaycanlının Prezidenti olacağam!” vədinə sadiqlik, qısa müddət ərzində ona xalq arasında böyük şöhrət, sonsuz və güclü inam qa¬zandırdı. Məhz bu səbəbdəndir ki, 2008, 2013 və 2018-ci illərdə keçirilən prezi¬dent seçkilərində cənab İlham Əliyev Azərbaycan xalqının böyük dəstəyi ilə yenidən inamlı qələbə əldə etdi. Şübhəsiz, Prezident İlham Əliyev ölkə və cəmiyyət həyatının müxtəlif sahələrində saysız-he¬sabsız yeniliklər etmişdir. Onlar siyasətdə, iqtisadiyyatda, ordu quruculuğunda, diplo¬matiyada, sosial sahədə, elmdə, təhsildə, mədəniyyətdə, səhiyyədə, idmanda, ailə dəyərlərinin qorunmasında, yeni infrastruk¬turun yaranmasında, yolların tikilməsində, bir sözlə, bütün sahələrdə özünü büruzə vermişdir və bu da ölkəmizin inkişafına, Azərbaycanın çiçəklənən, qüdrətli, nüfuzlu dövlətə çevrilməsinə səbəb olmuşdur.
Xüsusi olaraq qeyd etmək lazımdır ki, Prezident İlham Əliyev bütün dünyaya əyani şəkildə nümayiş etdirdi ki, Azərbaycan xal¬qı fədakardır, sülhsevərdir, eyni zaman¬da, ədalətli iş uğrunda istənilən formada mübarizə aparmağa, qalib gəlməyə qadir¬dir. Dövlət başçımızın qətiyyəti və cəsarəti, ən kritik vəziyyətlərdə səbr və dözüm nü¬mayiş etdirmək bacarığı, yüksək intel¬lekt səviyyəsi, beynəlxalq hüququn bütün təfərrüatlarını bilməsi 44 günlük Vətən savaşımızda erməni işğalçıları üzərində qələbə qazanmağımızda misilsiz rol oy¬nadı. Prezident İlham Əliyevin hücum dip¬lomatiyası xaricdəki erməni lobbisinin qüdrətini sarsıtdı, onun əsl komandanlıq qabiliyyəti ermənilərin işğal etdikləri Qara¬bağda qurduqları “keçilməz” adlandırılan müdafiə istehkamları haqqında mifi dağıtdı. Cənab İlham Əliyev Ali Baş Komandan kimi Azərbaycanda dünyanın 50 ən güclü ordu¬sundan birini yaratdı və bu ordu öz gücünü dəfələrlə düşmənə nümayiş etdirərək, iş¬ğalçıların təxribatlarına qarşı vuruşdu.
Nəhayət, sentyabrın 27-də hərbi təxribata qarşı başlanmış əks-hücum əməliyyatı sayəsində Prezident İlham Əliyev vədi yerinə yetirdi. Sözünün və imza¬sının sahibi kimi Ali Baş Komandan 2018-ci ildəki andiçmə mərasimində demişdi ki, Azərbaycan xalqı işğal faktı ilə heç vaxt barışmayacaq, torpaqlarımız düşmən tap¬dağından azad olunacaq. Budur, indi hər bir azərbaycanlı qalib xalqın övladı kimi alnıa¬çıq, başıuca gəzir. Qarabağı işğaldan azad edən Ali Baş Komandan Prezident İlham Əliyev taleyüklü missiyasını yerinə yetir¬di. Vətən müharibəsində düşmənə tarixin ən ağır zərbəsi vuruldu. Müharibə zamanı Azərbaycana böyük təzyiqlər edildi. Lakin güclü siyasi iradə nümayiş etdirən cənab İlham Əliyev bütün təzyiqlərə mərdliklə sinə gərdi, prinsipial mövqeyindən geri çəkilmədi. Azərbaycan Ordusu qalib Ali Baş Komandanın rəhbərliyi altında Ermənistanı diz çökdürdü və işğalçı 44 gün ərzində təslim oldu.
Beləliklə, Azərbaycan öz tarixinin son 200 ili ərzində müharibədən ərazi itkiləri ilə deyil, ərazi bütövlüyünün bərpası ilə çıxdı və bu şanlı qələbədən sonra region¬da Azərbaycanın maraqlarına cavab verən yeni siyasi reallıq yarandı. Böyük Vətən müharibəsindəki qələbəmiz cənab İlham Əliyevin ölkəmizə rəhbərlik etdiyi illərdə re¬allaşdırdığı güclü dövlət və güclü ordu qu¬ruculuğunun təbii nəticəsi idi. Azərbaycan tarixi qələbəsi ilə dünyanın inkişaf et¬miş ölkələrindən biri olduğunu bir daha təsdiqlədi. Bu qələbə ilə adını Azərbaycan tarixinə qızıl hərflərlə yazdırmış Ali Baş Komandana xalqın sevgisi daha da artdı. Xalq−ordu−lider birliyi Azərbaycanın qarşı¬sında dayanmış strateji vəzifəni yerinə ye¬tirdi, torpaqlarımızı azad etdi.

Kərim Tahirov,
Azərbaycan Milli Kitabxasının direktoru.
Professor

24-12-2023, 11:18 | Şavkat Mirziyoyev İlham Əliyevi təbrik etdi

Dekabrın 24-də Özbəkistan Respublikasının Prezidenti Şavkat Mirziyoyev Azərbaycan Respublikasının Prezidenti İlham Əliyevə zəng edib.

Respublica.Az AZƏRTAC-a istinadən bildirir ki, Şavkat Mirziyoyev dövlətimizin başçısına ad günü münasibətilə təbriklərini çatdırıb, prezidentlik fəaliyyətində yeni uğurlar və cansağlığı arzulayıb.

Prezident İlham Əliyev göstərilən diqqətə və təbrikə görə minnətdarlığını ifadə edib.


Dövlət başçıları Azərbaycan ilə Özbəkistan arasında dostluq və qardaşlıq münasibətlərinin bütün sahələrdə uğurla inkişaf etdiyini vurğulayaraq, yüksək səviyyədə keçirilən mütəmadi görüşlərin və təmasların əməkdaşlığımızın genişlənməsinə töhfə verdiyini qeyd ediblər.

Prezident İlham Əliyev COP29-un gələn il Azərbaycanda keçirilməsi ilə bağlı qəbul edilmiş qərar münasibətilə Özbəkistan Prezidentinin göndərdiyi təbrik məktubuna görə təşəkkürünü bildirib.

Öz növbəsində Özbəkistan Prezidenti bu münasibətlə dövlətimizin başçısını bir daha təbrik edərək, bunu Azərbaycanın beynəlxalq aləmdə nüfuzunun möhkəmlənməsinin və ölkəmizə göstərilən hörmətin təzahürü kimi dəyərləndirib.

Telefon söhbəti zamanı əlaqələrimizin perspektivləri ilə bağlı fikir mübadiləsi aparılıb, əməkdaşlığımızın daha da möhkəmlənəcəyinə əminlik ifadə olunub, gələn il yeni təmaslar barədə danışılıb.

Respublica.Az

24-12-2023, 10:07 | İlham ƏLİYEV: "Bundan sonra da qarşılıqlı dəstək və həmrəylik göstərməliyik"

Qeyd etdiyimiz kimi, Azərbaycan öz layihələri ilə türk birliyini daha da gücləndirib, yeni əməkdaşlıq imkanları yaradıb. Bir neçə il əvvəl Bakıda keçirilən VII Zirvə görüşündəki çıxışında "Türkdilli dövlətlər arasında əməkdaşlığın inkişafı Azərbaycanın xarici siyasətinin prioritet istiqamətlərindən biridir", - deyən Prezident İlham Əliyev Səmərqənddəki çıxışında da diqqəti bu istiqamətə yönəltdi. Türk dünyasının 200 milyondan çox insanın yaşadığı geniş bir coğrafiyanı əhatə etdiyini və böyük iqtisadi potensiala, enerji resurslarına, nəqliyyat yollarına və müasir hərbi imkanlara malik olduğunu deyən Prezident İlham Əliyev bildirib ki, bir-birimizin milli maraqlarını nəzərə alaraq bundan sonra da qarşılıqlı dəstək və həmrəylik göstərməliyik: "Türk dünyası böyük bir ailədir. Bir-birimizin milli maraqlarını nəzərə alaraq bundan sonra da qarşılıqlı dəstək və həmrəylik göstərməliyik. Siyasi, iqtisadi, ticari, mədəni, nəqliyyat, energetika, rəqəmsal transformasiya, kənd təsərrüfatı, turizm sahələri ilə yanaşı, təhlükəsizlik, müdafiə, müdafiə sənayesi kimi sahələrdə də əməkdaşlığımızı fəallaşdırmalıyıq".
Prezident İlham Əliyevin toxunduğu məsələrdən biri də Türk Dövlətləri Təşkilatının üzvləri olan ölkələrdən kənarda yaşayan soydaşlarımızla bağlı idi. Dövlət başçısının haqlı olaraq qeyd etdiyi kimi, Türk Dövlətləri Təşkilatının üzvləri olan ölkələrdən kənarda yaşayan soydaşlarımızın hüquqlarının, təhlükəsizliyinin, milli kimliyinin qorunması, onların assimilyasiyaya uğramaması kimi məsələləri artıq təşkilat çərçivəsində daimi əsasda diqqətdə saxlamağın vaxtı gəlib çatmışdır.
Türk Dövlətləri Təşkilatı daha da güclənərək qarşısında duran tarixi missiyanı layiqincə yerinə yetirməkdədir. Üzv dövlətlərin hər birinin yürütdüyü siyasət bütövlükdə türk dünyasının həmrəyliyini və əməkdaşlıq əlaqələrini daha da yüksəldir. Qarşıda dayanan hədəflərə doğru qətiyyətli addımların atılması, o cümlədən Zəngəzur dəhlizinin açılması türk dünyasının qlobal mövqelərini daha da möhkəmləndirəcək.



Manaf Manafov,
Nərimanov Rayon Mənzil Kommunal Təsərrüfatı Birliyinin rəisi.

24-12-2023, 08:25 | Mehriban Əliyeva İlham Əliyevin doğum günü münasibətilə paylaşım edib - FOTO

Birinci vitse-prezident Mehriban Əliyeva rəsmi "İnstagram" hesabında Prezident İlham Əliyevin doğum günü münasibətilə bağlı paylaşım edib.

Respublica.Az xəbər verir ki, paylaşımda deyilir:

"24.12.2023. Doğum gününüz mübarək, cənab Prezident! Sizə möhkəm cansağlığı, sevinc və nur, uğur və qələbələrlə dolu uzun ömür arzulayıram! Tanrı Sizə güc və səbir versin! Biz Sizinlə fəxr edir və Sizi çox sevirik! Uca Allah Sizi və Azərbaycan xalqını qorusun!"

Respublica.Az

24-12-2023, 08:19 | Tarix, Millət, Lider: Azərbaycanın zəfər memarı

Xalqların və millətlərin tarixi zamanın simvolu ilə yanaşı, millətin ruhunun təzahürünə çevrilmiş şəxsiyyətilərin adları ilə bağıldır. Şəxsiyyət və liderlik ölkənin taleyinin formalaşmasında önəmli yer tutur, millətn inkişaf yolunu bəlirləyir, tarixin gedişatına təsir edir.

Millətin liderinin şəxsiyyəti sadəcə, fərdi məziyyətlər və davranış modelinin məcmusu yox, həm də cəmiyyətdəki istəklərin, çağırışların, tələbatın aynasıdır. Xarizma, qətiyyət, dərin intellekt, iradə, siyasi uzaqgörənlik və müdriklik - bütün bunlar cəmiyyətin xislətinə təsir edir, onu dəyişikliklər, yeniliklər, uğurlar və qələbələr enerjisi ilə zənginləşdirir.

Lider tarix yazır, dəyişikliklərin təkanverici qüvvəsi olur və sonucda millətin çağdaş tarixindəki taleyini formalaşdırır.

Hər xalqın və millətin tarixində zamanın əsrarəngiz axarında olduğu kimi, lidelər olur. Liderin şəxsiyyəti zamanın ruhu ilə simbioz təşkil edir, millətin kollektiv yaddaşında silinməz iz qoyur.

Millətin lideri sadəcə, dövlət başçısı deyil: o, xalqının ideallarının, istəklərinin, arzularının, ruhunun özüdür. Dünyanın böyük siyasətçilərinin və dövlət başçılarının yaşamı bir məqamı aydın göstərir: onlar mənsub olduqların millətin tarici narrativinin tərkib hissəsinə çevrilirlər.

Millətin lideri gələcəyin əsasını qoyan memar, xalqın arzularını gerçəyə çevirən insandır.

Millətin lideri insanların qəlblərini atəşi alovlandıran, milyonlarla soydaşında qürur və vəhdət, birlik və rəhadət hissləri yaradan insandır. Onun çıxışları sadəcə sözlər deyil - milyonların qəlblərində nəbz kimi vuran mantradır.

Məhz lider milləti çətinlikləri dəf etməyə, qələbələrə ruhlandırır.

Hər millətin tarixi liderin şəxsiyyətinin cəmiyyətin və xalqın məhv olmaqdan qurtulmasında əsas amilə çevrildiyi ağır dönəmləri xatırlayır.

Çətinliklər zamanı liderin məziyyətləri millətin mənəvi durumuna təsir edin, onun ruhunu polada çevirir və fəaliyyətə səfərbər edir.

Azərbaycanın Ümümmilli Lideri Heydər Əliyev belə şəxsiyyət idi.

Onun oğlu, dövlət başçımız İlham Əliyev belə liderdir.

İlham Əliyev gerçək liderdir, çünki...

Onun idarəetmə strategiyası şəxsiyyətlə liderliyin üzvü sintezinin məsuliyyətlə zənginləşdirilməsidir. Milyonlarla insana təsir etmək imkanı qərarlara görə əlahiddə məsuliyyət tələb edir.

Azərbaycan Prezidenti hakimiyyətlə məsuliyyət arasında harmoniyaya nail olaraq gələcək nəsillərə nümunə yaradıb.

2003-cü ildə dövlət başçısı postuna seçiləndən sonra o, atası, Ulu Öndər Heydər Əliyevin yolunu davam etdirdi, mürəkkəb çağırışları dəf edən ölkəmiz üçün stabillik və inkişaf amili oldu.

Prezident, Müzəffər Ali Baş Komandan, Millətin Lideri.. İlham Əliyevin regional və qlobal siyasətdəki fəaliyyəti xalqın maraqlarını beynəlxalq səviyyədə ən yüksək səviyyədə qoruyan nüfuzlu dövlət başçısı olduğunu hər gün sübut edir.

Mürəkkəb qərarlar qəbul etmək, ən müasir inkişafa can atmaq, xalq qarşısında dərin məsuliyyət hissi - İlham Əliyevin siyasəti budur. Onun hakimiyyət stili Azərbaycanın çağdaş tarixini formalaşdırmaqla yanaşı, taleyüklü ideyaların reallaşmasını və qələbələrin əldə edilməsini təmin edir.

İlham Əliyevin liderliyi ölkədəki stabilliyi təmin etməklə bahəm, sosial-iqtisadi inkişafla bağlı genişmiqyaslı proqramların həyata keçirilməsinin birbaşa şərtidir.

Erməni işğalından azad olunmuş ərazilərimizin bərpası, həmin torpaqlara Böyük Qayıdış, ölkə iqtisadiyyatına və sosiuma ciddi diqqət gələcək nəsillərin əlverişli yaşamını, yüksək rifahının zəmanətidir.

İlham Əliyevin yürütdüyü iqtisadi strategiya nəticəsində Azərbaycan iqtisadiyyatına sərmayə cəlbolunmalarının miqyası baxımından region liderinə çevrilərək ən müxtəlif istiqamətlərdə və sektorlarda iqtisadi islahatları uğurla həyata keçirir.

Yüksək texnologiyalar və innovasiyaların tətbiqi isə ölkənin tərəqqi yolunun əsas istiqamətlərinə çevrilib.

Ölkə iqtisadiyyatının qeyri-neft sektoru inkişaf edir, infrastruktur layihələri həyata keçirilir, nəqliyyat magistralları, aeroportlar və limanlar inşa olunur. Nəqliyyat-loqistika kommunikasiyalarının artımı və şaxələnməsi iqtisadi inkişafı şərtləndirməklə yanaşı, Azərbaycanın regional nəqliyyat qovşağı qismində mövqelərini gücləndirir.

Azərbaycanın nüfuzunu və çəkisini artıran İlham Əliyevin böyük diplomatik təşəbbüsləri nəticəsində ölkəmizin beynəlxalq təşkilatlarda və strukturlardakı rolu artır, qlobal siyasətə təsir imkanlarımız genişlənir.

Səhiyyə, təhsil və sosial təminat sahələrində reallaşan yeniliklər, əhalinin sosial müdafiəsi sahəsində görülən tədbirlər vətəndaşların yaşam səviyyəsini yüksəltməklə yanaşı, gələcəyinin çağırışlarına hazır cəmiyyətin formalaşmasında müstəsna rol oynayır.

İnnovasiyaaların stimullaşdırılması, startapların yaradılması üçün uyğun şərait, gənc istedadlar üçün təhsil proqramları və onların dünyanın ən nüfuzlu ali təhsil müəssisələrində oxumalarına şərait yaradılması - bütün bunlar sürətlə dəyişən dünyaya sürətlə adaptasiya olmaq imkanına malik dinamik cəmiyyətin formalaşmasına yönəlmiş tədbirlərdir.

İlham Əliyevin strateji düşüncə tərzi, liderlik məziyyətləri və qlobal çağırışların nizamlanmasınad oynadığı fəal rol onu qlobal siyasi arenada da ən önəmli şəxslərdən biri edib.

Strateji tərəfdaşlığın gücləndirilməsinə və beynəlxalq əməkdaşlığın intensivləşdirilməsinə xüsusi əhəmiyyət verən İlham Əliyev inkişaf etməkdə olan dövlətlərdə yaşanan problemlərlə münaqişələrin çözüliməsində, qarşıdurmaların dinc danışıqlar yolu ilə nizamlanmasında və qlobal miqyasda stabilliyə nail olunmasında öz əməyini əsirgəməyən nadir dövlət başçılarından biridir.

Əsrlərdən bəri Azərbaycanın ən ciddi probleminə çevrilmiş Qarabağ müşkülünü həll edən, Xankəndindəki separatçı xuntanın varlığına son qoyan və Ermənistanı 2-ci Qarabağ Müharibəsində kapitulyasiyaya vadar edən Xalq, Ordu və Ali Baş Komandan vəhdəti idi.

Azərbaycanın siyasətinin məhz vətəndaşların maraqları və dövlətin mənafeyinin üzvi sintezindən yoğrulmuş simbioz halına gətirən də Liderdir.

Qlobal miqyasda neokolonializmlə mübarizənin ən önəmli simalarından biri, inkişaf etməkdə olan dövlətlərin gerçək suveren və müstəqil yaşama nail olmaları üçün Qoşulmama Hərəkatı çərçivəsində tərəfdaşlıqla əməkdaşlığı gücləndirən də məhz İlham Əliyevdir

Lider İlham Əliyevin rəhbərliyi ilə ölkəmiz və cəmiyyətimiz dəyişir, inkişaf edir, irəliləyir.

Elçin Alıoğlu
Milli.Az

23-12-2023, 13:22 | İlham Əliyevə təbriklər gəlməkdə davam edir

İslam Əməkdaşlıq Təşkilatı Gənclər Forumunun Avrasiya üzrə Regional Mərkəzinin İdarə Heyəti Prezident İlham Əliyevə təbrik məktubu göndərib.

Respublica.Az AZƏRTAC-a istinadən bildirir ki, məktubda deyilir:

"Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident.

Doğum gününüz münasibətilə Sizi səmimi-qəlbdən təbrik etməkdən, ali dövləti fəaliyyətinizdə Sizə uğurlar diləməkdən şərəf duyuruq.

Sizin İslam Əməkdaşlıq Təşkilatına (İƏT) üzv ölkələrin gənclərinin həmrəyliyi və inkişafı ilə bağlı qəti mövqeyinizin ifadəsi olaraq, 2004-cü ildə Bakıda İslam Əməkdaşlıq Təşkilatı Gənclər Forumunun Baş Assambleyasının təsis iclasının keçirilməsinə, onun İƏT-in üzv qurumu olaraq beynəlxalq təsisat kimi formalaşmasına və inkişafına, eləcə də İƏT Gənclər Forumunun Avrasiya üzrə Regional Mərkəzinə Bakıda ev sahibliyi edilməsinə Azərbaycan hökumətinin davamlı dəstəyi regionun digər liderləri üçün parlaq nümunədir. Forumun beynəlxalq təşkilat kimi təsis edilməsini Azərbaycan Respublikasının İƏT-ə verdiyi mühüm töhfə kimi qeyd etməyiniz bizi daim qürurlandırır. İƏT Gənclər Forumunun Avrasiya üzrə Regional Mərkəzinin İdarə Heyətinə göstərdiyiniz etimadla və dəstəklə fəxr edir, bu etimadı doğrultmaq üçün səylərimizi əsirgəməməyə çalışırıq.

Sizin müdrik siyasətinizin nəticəsi olaraq Azərbaycanın bu il bütün əraziləri üzərində tam hüquqi nəzarətini bərpa etməsi təkcə Azərbaycan tarixində deyil, İslam ölkələri tarixində də son iki yüz ildə işğal olunmuş ərazilərin azad edilməsi istiqamətində əldə edilmiş ilk və böyük uğurdur. Biz müsəlman ölkələri gəncləri adından bu Qələbəni böyük sevinc və fərəh hissi ilə qarşıladıq.

Şuşa şəhərinin gələn il İslam dünyasının həm mədəniyyət, həm də gənclər paytaxtı seçilməsi müsəlman dünyasında Sizin nüfuzunuzun bariz göstəricisidir. Biz inanırıq ki, gələn il Azərbaycan, xüsusilə Şuşa şəhəri müsəlman gənclərinin həmrəylik mərkəzi olacaqdır.

2024-cü ildə Azərbaycan Respublikasında keçiriləcək prezident seçkilərində Sizə uğurlar arzu edir və Sizin inamlı qələbənizə inanırıq.

Möhtərəm Prezident, Sizə və ailənizə möhkəm cansağlığı, müvəffəqiyyətlər və firavanlıq arzulayırıq.

Sizə olan ən yüksək ehtiramımızı və xoş arzularımızı qəbul etməyinizi xahiş edirik".

Respublica.Az

23-12-2023, 12:57 | İlham Əliyevin “Mən hər bir azərbaycanlının Prezidenti olacağam!” vədinə sadiqliyi qısa müddət ərzində ona xalq arasında böyük inam qazandırdı

Bütün zamanlar üçün liderlərin şəxsiyyəti xalqın, dövlətin gələcəyi baxımından çox mühüm amil olmuşdur. Yaxın tarixə nəzər salsaq, görərik ki, müxtəlif ölkələrin liderləri öz xalqlarını ya tərəqqiyə, ya da faciəyə aparmışlar. Azərbaycanın tarixində də belə faktlara az rast gəlmirik. Elə ötən əsrin 90-cı illərinin əvvəllərində yaşadıqlarımızı xatırlamaq yetər. Müstəqilliyini yenicə bərpa etmiş xalqımız bir tərəfdən ölkənin ərazi bütövlüyünü müdafiə edir, digər tərəfdən isə daxili sabitsizlikdən əziyyət çəkirdi. Yalnız ümummilli lider Heydər Əliyevin siyasi hakimiyyətə qayıdışı xalqımızın yeni tarixi mərhələyə qədəm qoymasına və ölkədə sabitliyin əldə olunmasına şərait yaratdı. Mahir diplomat və böyük siyasi məktəbin yetirməsi olan cənab İlham Əliyevin Prezident seçilməsindən sonra isə Azərbaycanın hərtərəfli yüksəlişi özünün məntiqi nəticəsilə yekunlaşdı. Xalq qarmaqarışıq illərdə itirdiklərini müzəffər Ali Baş Komandan İlham Əliyevin qətiyyəti, əsgərlərimizin şücaəti sayəsində işğalçılardan geri almağa müvəffəq oldu.
Müasir tariximiz xalqımızın müstəqil, müdrik seçiminin bəhrəsidir. Bu gün hamımız qüdrətli və qalib dövlətin vətəndaşlarıyıq. Belə bir hissi, sevinci və qüruru xalqımı¬za bəxş edən, Azərbaycanı qalib ölkəyə çevirən Prezident İlham Əliyevdir. Heç kimə sir deyil ki, müstəqilliyinin ilk illərində Azərbaycan böyük çətinliklərlə üzləşmişdi. Belə ki, ötən əsrin 80-ci illərinin sonla¬rında Azərbaycanın Qarabağ bölgəsində yaranmış erməni separatizmi 90-cı illərin əvvəllərində daha da aqressivləşmiş, Ermənistanın işğalı nəticəsində ölkə ərazisinin 20 faizi işğal olunmuş, bir milyon-dan artıq azərbaycanlı qaçqın və məcburi köçkünə çevrilmişdi. Bundan əlavə, keç¬miş SSRİ-nin dağılması ilə Azərbaycanın ənənəvi iqtisadi-ticarət əlaqələrinə son qoyulmuş, maliyyə-iqtisadi və siyasi böh¬ran daha da dərinləşmişdi. Yalnız 1993-cü ildə ulu öndər Heydər Əliyevin Azərbaycan rəhbərliyinə qayıdışından sonra ölkə tədricən bu böhrandan çıxdı, ictimai-siyasi sabitlik, milli birlik və vətəndaş həmrəyliyi yaradıldı, cəmiyyətin bütün sahələrində yenidənqurma prosesi başlandı. Ümummilli liderin xeyir-duası ilə ölkə Prezidenti seçilən cənab İlham Əliyev Azərbaycan xalqının ümidlərini və ona göstərilən yüksək etima¬dı doğruldaraq, dahi siyasi xadim Heydər Əliyevin vəsiyyətlərini layiqincə yerinə ye¬tirdi. O, ümummilli liderin əsasını qoyduğu iqtisadi, siyasi, hüquqi, mədəni sahələrdə, ordu quruculuğunda əsaslı islahatları uğur¬la davam etdirdi.
Prezident İlham Əliyevin ali dövlət vəzifəsində çalışdığı ilk günlərdən nüma¬yiş etdirdiyi yüksək idarəçilik bacarığı, milli maraqlara əsaslanan qətiyyətli daxili və xa¬rici siyasəti, seçkiqabağı təşviqat dövründə səslənən “Mən hər bir azərbaycanlının Prezidenti olacağam!” vədinə sadiqlik, qısa müddət ərzində ona xalq arasında böyük şöhrət, sonsuz və güclü inam qa¬zandırdı. Məhz bu səbəbdəndir ki, 2008, 2013 və 2018-ci illərdə keçirilən prezi¬dent seçkilərində cənab İlham Əliyev Azərbaycan xalqının böyük dəstəyi ilə yenidən inamlı qələbə əldə etdi. Şübhəsiz, Prezident İlham Əliyev ölkə və cəmiyyət həyatının müxtəlif sahələrində saysız-he¬sabsız yeniliklər etmişdir. Onlar siyasətdə, iqtisadiyyatda, ordu quruculuğunda, diplo¬matiyada, sosial sahədə, elmdə, təhsildə, mədəniyyətdə, səhiyyədə, idmanda, ailə dəyərlərinin qorunmasında, yeni infrastruk¬turun yaranmasında, yolların tikilməsində, bir sözlə, bütün sahələrdə özünü büruzə vermişdir və bu da ölkəmizin inkişafına, Azərbaycanın çiçəklənən, qüdrətli, nüfuzlu dövlətə çevrilməsinə səbəb olmuşdur.
Xüsusi olaraq qeyd etmək lazımdır ki, Prezident İlham Əliyev bütün dünyaya əyani şəkildə nümayiş etdirdi ki, Azərbaycan xal¬qı fədakardır, sülhsevərdir, eyni zaman¬da, ədalətli iş uğrunda istənilən formada mübarizə aparmağa, qalib gəlməyə qadir¬dir. Dövlət başçımızın qətiyyəti və cəsarəti, ən kritik vəziyyətlərdə səbr və dözüm nü¬mayiş etdirmək bacarığı, yüksək intel¬lekt səviyyəsi, beynəlxalq hüququn bütün təfərrüatlarını bilməsi 44 günlük Vətən savaşımızda erməni işğalçıları üzərində qələbə qazanmağımızda misilsiz rol oy¬nadı. Prezident İlham Əliyevin hücum dip¬lomatiyası xaricdəki erməni lobbisinin qüdrətini sarsıtdı, onun əsl komandanlıq qabiliyyəti ermənilərin işğal etdikləri Qara¬bağda qurduqları “keçilməz” adlandırılan müdafiə istehkamları haqqında mifi dağıtdı. Cənab İlham Əliyev Ali Baş Komandan kimi Azərbaycanda dünyanın 50 ən güclü ordu¬sundan birini yaratdı və bu ordu öz gücünü dəfələrlə düşmənə nümayiş etdirərək, iş¬ğalçıların təxribatlarına qarşı vuruşdu.
Nəhayət, sentyabrın 27-də hərbi təxribata qarşı başlanmış əks-hücum əməliyyatı sayəsində Prezident İlham Əliyev vədi yerinə yetirdi. Sözünün və imza¬sının sahibi kimi Ali Baş Komandan 2018-ci ildəki andiçmə mərasimində demişdi ki, Azərbaycan xalqı işğal faktı ilə heç vaxt barışmayacaq, torpaqlarımız düşmən tap¬dağından azad olunacaq. Budur, indi hər bir azərbaycanlı qalib xalqın övladı kimi alnıa¬çıq, başıuca gəzir. Qarabağı işğaldan azad edən Ali Baş Komandan Prezident İlham Əliyev taleyüklü missiyasını yerinə yetir¬di. Vətən müharibəsində düşmənə tarixin ən ağır zərbəsi vuruldu. Müharibə zamanı Azərbaycana böyük təzyiqlər edildi. Lakin güclü siyasi iradə nümayiş etdirən cənab İlham Əliyev bütün təzyiqlərə mərdliklə sinə gərdi, prinsipial mövqeyindən geri çəkilmədi. Azərbaycan Ordusu qalib Ali Baş Komandanın rəhbərliyi altında Ermənistanı diz çökdürdü və işğalçı 44 gün ərzində təslim oldu.
Beləliklə, Azərbaycan öz tarixinin son 200 ili ərzində müharibədən ərazi itkiləri ilə deyil, ərazi bütövlüyünün bərpası ilə çıxdı və bu şanlı qələbədən sonra region¬da Azərbaycanın maraqlarına cavab verən yeni siyasi reallıq yarandı. Böyük Vətən müharibəsindəki qələbəmiz cənab İlham Əliyevin ölkəmizə rəhbərlik etdiyi illərdə re¬allaşdırdığı güclü dövlət və güclü ordu qu¬ruculuğunun təbii nəticəsi idi. Azərbaycan tarixi qələbəsi ilə dünyanın inkişaf et¬miş ölkələrindən biri olduğunu bir daha təsdiqlədi. Bu qələbə ilə adını Azərbaycan tarixinə qızıl hərflərlə yazdırmış Ali Baş Komandana xalqın sevgisi daha da artdı. Xalq−ordu−lider birliyi Azərbaycanın qarşı¬sında dayanmış strateji vəzifəni yerinə ye¬tirdi, torpaqlarımızı azad etdi.

[

23-12-2023, 11:37 | “Qazprom” rəhbəri Azərbaycan Prezidentini təbrik edib

Rusiyanın "Qazprom" Publik Səhmdar Cəmiyyətinin İdarə Heyətinin sədri Aleksey Millerdən Azərbaycan Respublikasının Prezidenti İlham Əliyevə təbrik məktubu göndərib.

Respublica.Az AZƏRTAC-a istinadən bildirir ki, məktubda deyilir:

"Hörmətli İlham Heydər oğlu.

Doğum gününüz münasibətilə Sizi "Qazprom" Publik Səhmdar Cəmiyyətinin İdarə Heyəti adından və şəxsən öz adımdan səmimi-qəlbdən təbrik edirəm.

Sizə cansağlığı, firavanlıq, Azərbaycanın inkişafı ilə bağlı planlarınızın uğurla gerçəkləşməsini, bütün Azərbaycan xalqının rifahı naminə səmərəli fəaliyyətinizdə yeni və böyük nailiyyətlər arzulayıram".

Respublica.Az