20-12-2023, 17:57 | TƏBİB rəhbərindən qızılca ilə bağlı çağırış
"Ölkədə qızılca ilə bağlı vəziyyət stabildir. Vətəndaşların tibb müəssisələrinə müraciətləri qeydə alınır. Bizim çağırışımız budur ki, valideynlər övladlarında qızılcanın hansısa simptomunu aşkar edərlərsə, birbaşa tibb müəssisələrinə müraciət etsinlər".
Respublica.Az qafqazinfo-ya istinadən xəbər verir ki, bunu TƏBİB-in icraçı direktoru Vüqar Qurbanov jurnalistlərə açıqlamasında deyib.
O qeyd edib ki, tibb müəssisələrimiz, həkimlərimiz, səhiyyə işçilərimiz buna hazırdır. Ehtiyac olarsa, onlar stasionar müalicəyə cəlb olunacaqlar: "Bunun üçün şərait də var. Dərman təminatı ən üst səviyyədədir. Çarpayı fondumuz kifayət qədərdir. Xəstəxanalarda heç bir sıxıntı yoxdur. Vətəndaşlar övladlarında yaranmış hər hansı bir simptomun aradan qaldırılması, xəstəliyin müalicəsi ilə bağlı çox rahatlıqla həm sahə həkimlərinə, həm infeksion bölmələrə, həm də xəstəxanalara müraciət edib tibbi xidmətlər əldə edə bilərlər".
V.Qurbanov əlavə edib ki, sahə həkimləri öz ərazilərində həm xəstələrin vəziyyətini, həm də onların ailə vəziyyətini dəyərləndirirlər: "Bu gün bizim aşkar etdiyimiz odur ki, vətəndaşlar evdə müalicəyə üstünlük verirlər. Biz bunun tərəfdarı deyilik. Bununla bağlı tibb müəssisələrinə xüsusi təlimatlar göndərilib. Sahə həkimləri öz ərazilərində həm xəstələrin vəziyyətini, həm də onların ailə vəziyyətini dəyərləndirirlər. Hansı xəstənin stasionar müalicəyə ehtiyacı varsa, xəstəxanaya yerləşdirilir, hansı xəstənin evdə müşahidəyə ehtiyacı varsa, evdə müşahidə altında saxlanılır. Bu iş keyfiyyətli şəkildə davam etdirilir. Çağırışımız ondan ibarətdir ki, övladında hər hansı simptom müşahidə edilən valideynlər dərhal tibb müəssisələrinə müraciət etsinlər".
Respublica.Az
20-12-2023, 17:55 | Qərbin VARDANYAN FOBİYASI – Ruben “qara qutu”nu AÇSA...
Qarabağdakı qanunsuz fəaliyyət və əməllərinə görə, Azərbaycanın müvafiq qurumları tərəfindən həbs olunan və artıq ləğv olunan qondarma rejimin keçmiş dövlət naziri milyarder Ruben Vardanyanla bağlı yeni faktlar üzə çıxıb.
Milyardlarla çirkli pullar necə yuyulub?
Forbes nəşrinin məlumatına görə, 2019-cu ilin martında Ruben Vardanyana məxsus "Troyka Dialoq" ofşor şəbəkəsi ilə bağlı informasiyalar mətbuata sızıb. Araşdırmaya görə, Vardanyan məhz həmin ofşor şəbəkəsi vasitəsilə çirkli pulların yuyulmasında iştirak edib. Bildirilir ki, 2000-ci illərdə bu şəbəkə vasitəsilə xaricə 4,6 milyard dollar köçürülüb.
Hələ Vardanyan separatçı rejimdə "vəzifə" tutan dövrdə isə Rusiya mətbuatında Putinin keçmiş xüsusi nümayəndəsi Anatoli Çubaysla Moskva vilayətində onun sarayının tikintisinə cavabdeh olan sahibkar İlya Suçkovun söhbətinin səs yazısı dərc edib.
Səs yazısında Anatoli Çubays İlya Suçkova məlumat verib ki, o, özünün Moskva yaxınlığındakı Peredelkino bağ evləri massivindəki malikanəsini satmağı və bununla da çirkli pulların yuyulması sxemini işləyib-hazırlamaq və idarə etməyi Ruben Vardanyana tapşırıb.
Plana əsasən, Anatoli Çubaysa məxsus 35-36 milyon dollar dəyərində malikanə keçmiş məmurun yaxın adamlarına 7-8 milyon dollara satılmalı imiş. Bütün pul və alqı-satqı əməliyyatları isə İsveçrədə yerləşən və elə A.Çubaysın özünə məxsus olan şirkət vasitəsi ilə həll edilməli idi. Əsas məqsəd isə yüksək alqı-satqı prosesində tələb olunan vergilərdən yayınmaq olub.
Lakin plan son anda baş tutmayıb. Belə ki, A.Çubaysın şirkəti qısa müddət ərzində iflas olub. Bununla belə, həmin hadisə də göstərir ki, Vardanyan çirkli pulların yuyulmasında böyük təcrübəyə sahib birisi olub.
Qeyd edək ki, Ruben Vardanyan sentyabrın 27-si Azərbaycandan Ermənistan istiqamətində hərəkət edərkən saxlanılıb. Ona qarşı Cinayət Məcəlləsinin 214.1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittiham irəli sürülüb, barəsində həbs qərimkan tədbiri seçilib.
Qərb Vardanyanın ifadələrindən niyə qorxur?
Bizim.Media-ya açıqlamasında politoloq Cümşüd Nuriyev bildirir ki, Qərbdə bəzi dairələr Vardanyanın istintaqın gedişində onları ifşa edəcək çoxsaylı məsələlərdən danışa biləcəyindən qorxur:
"Ona görə də "Forbes"də belə açıqlamalar yaymaqla Vardanyanı qabaqlamaq üçün tədbirləri görürlər. Bu həm də Vardanyanı Azərbaycan istintaq orqanları ilə əməkdaşlıqdan yayındırmaq məqsədilə ona edilən xəbərdarlıqdır. Vardanyanın bu çirkin əməllərinin arxasında Qərb dayanır. Onun Azərbaycan istintaq orqanlarına Avropa İttifaqında hansı parlament üzvlərini pulla ələ aldığı barədə məlumat verib.
Bu mənada "Forbes"in açıqlaması "qara məni basınca, mən qaranı basım" məsələsinə oxşayır. Vardanyan Rusiyada Çubaysdan başqa, İqor Seçinlə də yaxın olub. Birlikdə çirkli pulların yuyulmasında iştirak ediblər. Qarabağda qanunsuz şəkildə qızış çıxaran "Geopramayninq" şirkərinin rəhbərilə də biznes ortağında olub.
"Forbes" belə yazını gündəmə gətirməklə əslində bir növ onu qabaqlamağa çalışır. Çünki Vardanyan Azərbaycan hüquq mühafizə orqanlarına açıqlamasında onların kim olduğunu açıq ortaya qoyur. Bu mənada onlarla Vardanyanın heç bir fərqi yoxdur. Hər iki tərəf çirkli pulların yuyulmasında əlbirdir".
Qeyd edək ki, ilkin ifadəsi zamanı Vardanyanın USAİD rəhbəri Samanta Pauer və digər Qərb rəsmiləri ilə əməkdaşlıq etdiyi üzə çıxmışdı. Bu da oliqarxın ikili agent olması ehtimallarını gündəmə gətirmişdi.
Milli.Az
18-12-2023, 06:43 | "Barselona"nın bütün futbolçuları onu dəstəkləyirlər”
"Barselona"nın müdafiəçisi Joau Kanselu Kataloniya klubunun oyunçularının Xavinin məşqçilik ideyalarını qəbul etmədikləri ilə bağlı yayılan iddialara münasibət bildirib.
Respublica.Az qol.az-a istinadən xəbər verir ki, o deyib: "Biz hamımız Xavini dəstəkləyirik. Mətbuatın dediklərini unudun, mən sizə həm özüm, həm də komanda yoldaşlarım haqqında həqiqəti deyirəm. O, heyrətamiz insan və əfsanədir! Xavi həmişə komandaya nəyin faydalı olacağını axtarır. Onunla işləmək çox xoşdur".
Xatırladaq ki, daha əvvəl mətbuatda "Barselona"nın bəzi futbolçularının Xavinin məşqçilik üsullarını ciddiyə almaması ilə bağlı xəbərlər yayılmışdı. Xüsusilə, yarımmüdafiəçilər İlkay Gündoğan, Frenki de Yonq, hücumçu Robert Levandovski, qapıçı Mark-Andre ter Ştegenin adları çəkilib.
Respublica.Az
18-12-2023, 06:38 | Qrip hamilə qadınlar üçün nə qədər təhlükəlidir? – Ginekoloqdan AÇIQLAMA
Ginekoloq qripin hamilə qadınlar üçün təhlükələrini açıqlayıb.
Respublica.Az lent.az-a istinadən xəbər verir ki, bu barədə mama-ginekoloq Olqa Rodionova danışıb.
Bildirib ki, qrip müxtəlif fəsadların inkişafına səbəb ola bilər və hamilə qadınlar üçün ən böyük təhlükədir.
"Ən təhlükəli dövr uşağın orqan və sistemlərinin formalaşdığı ilk trimestrdir. Bu zaman xüsusilə diqqətli olmalısınız" dedi.
Həkimin sözlərinə görə, hamilə qadının birinci trimestrdə qriplə xəstələnməsi fetal qüsurların, spontan abortların inkişaf riskini artırır və hamiləlik davam edərsə, oliqohidramnioz və dölün inkişafının ləngiməsi riski var.
"İkinci və üçüncü trimestrlərdə qrip səbəbiylə dölün inkişafında gecikmələr və plasentanın pozulması (körpənin həyat qabiliyyətini təmin edən budur) baş verə bilər. Bundan əlavə, hamilə qadında anemiyanın inkişaf riski yüksəkdir", - ginekoloq əlavə edib.
Ana və döl üçün proqnoz, pis vərdişlər, artıq çəki, müşayiət olunan xəstəliklər və ağırlaşmalar, yoluxucu prosesin şiddəti kimi digər amillərdən də asılıdır.
Hamiləlik dövründə qripin qarşısının alınmasından danışan mütəxəssis bildirib ki, burundaxili interferon damcı və ya süpozituar şəklində həkim təyin etdiyi kimi istifadə edilə bilər.
O, həmçinin aşağıdakı profilaktik tədbirləri əhatə edib: tez-tez sabunla əl yuma; tərkibində spirt olan əl təmizləyicilərinin istifadəsi; xəstə insanlarla yaxın təmasdan qaçınmaq; əllərinizlə gözlərinizə, burnunuza, ağzınıza toxunmaqdan çəkinin; qripə bənzər simptomları olan insanlarla təması məhdudlaşdırmaq.
Bundan əlavə, onun sözlərinə görə, infeksiyanın qarşısını almaq üçün başqaları ilə ən azı 1 m məsafədə saxlamalısınız.
"Yadda saxlamaq lazımdır ki, profilaktika xəstəlik riskini azaldır, lakin aradan qaldırmır. Qrip əlamətləri görünsə, hamilə qadın dərhal həkimə müraciət etməlidir", - Rodionova yekunlaşdırıb.
Respublica.Az
18-12-2023, 06:36 | Övladınızın məktəbdə problemi olduğunu göstərən - 5 əlamət
Çox valideynlər məktəbi uşaq üçün ən təhlükəsiz və rahat yer hesab edir: orda nəzarət var, kollektivdir və bir şey olsa, gəlib deyəcək. Amma uşağın məktəbdə nə yaşadığı, nə hiss etdiyi 90% hallarda gizli qalır.
Respublica.Az "medicina"ya istinadən xəbər verir ki, psixoloqlar valideynləri diqqətli olmağa çağırıb.
Uşağınızın məktəbdə problemi olduğunu göstərən fiziki,psixoloji əlamətlər var.
Məsələn, suallardan yayınır, dialoqa girmir. Məktəbdə nə var nə yox, nə xəbər soruşanda, qısaca, normaldır deyir.
Valideynlə söhbət zamanı özünümüdafiə jestləri görünür.
Məsələn, aldadanda, qorxanda üz, bədən mimikaları dəyişir.
Əgər uşaq əllərini sinəsində çarpazlayırsa, əllərini önündə tutursa, gözünü yayındırırsa, ətrafa baxırsa, tələsirsə deməli, yalan danışır.
Bu əlamətlərə də diqqət:
- Uşağın əşyaları itir - xüsusən, geyimi, gadjetləri, velosipedi və soruşanda yayınır
- Məktəbdən evə çirkli, cırılmış geyimlə gəlir
- Xarici görünüşündə qəfil dəyişikliklər edir, saçını dəyişir
- Özünü aqressiv aparır
- Evə ya çox tez gəlir, ya da çox gec - çox zaman məktəbdə hamıdan axırda çıxır
Səbəbləri özünüz müəllimlə birgə tapmalısız, yeri gələndə, uşağı izləməlisiz.
Respublica.Az
18-12-2023, 06:31 | Bu qida yaşlı insanlar üçün də çox faydalıdır
Xəyallarınızdakı bədən quruluşunu formalaşdırmaq, gözəl, güclü və sağlam olmaq üçün təkcə çox məşq etmək deyil, həm də düzgün yemək lazımdır. Eyni zamanda, pəhrizinizə faydalı qida maddələrini, ilk növbədə isə zülal tərkibli qidaları əlavə etmək vacibdir.
Respublica.Az publika.az-a istinadən xəbər verir ki, bu barədə diyetoloq Marina Sorokina Gazeta.ru-ya danışıb.
O, bildirib ki, kəsmik bir çox cəhətdən olduqca faydalıdır:
"Kəsmik əzələ kütləsini möhkəmləndirmək və fiziki fəaliyyət zamanı dözümlülüyü artırmaq üçün əvəzsiz köməkçiyə çevriləcək, hətta yaşlı insanlara da bədəni əla formada saxlamağa kömək edəcək. Bu süd məhsulunun tərkibində zülaldan başqa bir çox qiymətli maddələr də var. Bunlar kalsium, sink, B12, B5, B2 vitaminləridir. Kəsmikdə bağırsaqların düzgün işləməsi üçün vacib olan bir çox faydalı probiotik bakteriyalar var. Qidalı maddələr sayəsində kəsmik saçların uzanmasını aktivləşdirir, dırnaqları gücləndirir, mədə-bağırsaq traktının və qalxanabənzər vəzinin fəaliyyətini yaxşılaşdırır, həmçinin diş minasını gücləndirir", - diyetoloq yekunda vurğulayıb.
Respublica.Az
18-12-2023, 06:30 | “İnsan sevdiyi ilə bərabərdir” hədisini necə başa düşməliyik?
Müxtəlif versionlarda nəql olunan bu hədislərin birində: "İnsan sevdiyi ilə bərabərdir. Xeyir və şər, qazandığı hər şey insanın özünündür."- deyilir. Bu son ifadə məsələni izah edir. Yəni, insan nəyi sevirsə, onu edər və bu elədikləriylə ya dəyər qazanır ya da dəyərsizləşir.
Əlbəttə, Allah hər insanı sevdiyinə layiq qılacaqdır. Sevgi həyatımızın mənası və məqsədidir.
Müsəlman, Allahı və yaratdığı gözəllikləri sevən, sevdiyinə də əməl edən insandır. Digər bir hədisdə imanın belə bu sevgidən qaynaqlandığı bildirilməkdədir:
"Allaha and olsun ki; siz, iman etmədikcə cənnətə girə bilməzsiz, bir birinizi sevmədikcə də həqiqi iman etmiş olmazsız." (Buxari, "Ədəb", 96; Müslim, "Birr", 165).
Lakin, hər bir şeydə aldanma olduğu kimi sevgidə də insanların çoxu aldanır. Haqqı və layiq olanı sevməklə, haqqlı olmaq və bir şeyə layiq olmaq fərqli şeylərdir.
Həsən Bəsri, bu hədisdən doğru nəticə çıxarmayan və belə şeylərlə özlərini təsəlli edən insanlara yönəlik bu ibrətamiz sözləri dilə gətirir: "Ey Adəmoğlu! İnsan sevdiyi ilə bərabərdir hədisi səni aldatmasın! Şüphəsiz ki, sən yaxşıların əməlini etmədikcə əsla onlarla bərabər ola bilməzsən. Yəhudi və Xristianlar da peyğəmbərlərini (ilahlaşdıracaq qədər) sevirdilər, amma onlarla bərabər olmayacaqlar."
Biz hər şeylə imtahan edildiyimiz kimi sevgi və nifrətlə də imtahan edilməkdəyik. Bunların da öz ölçüləri və qaydaları vardır.
Sevgidə aldananları Quranın işığında belə sıralaya bilərik:
Allahla aldananlar: "Ey insanlar! Rəbbinizdən qorxun. Valideynin övlada, övladın da valideynə heç bir fayda verə bilməyəcəyi gündən çəkinin. Həqiqətən, Allahın vədi bir həqiqətdir. Qoy bu dünya sizi çaşdırmasın, hiyləgər (şeytan) da sizi Allaha (iman) ilə qandırmasın." (Loğman, 31/33).
Allahın yaxınları/sevimliləri olduğunu sananlar: "Yəhudilər və xaçpərəstlər: 'Biz Allahın oğulları və Onun sevimliləriyik"- dedilər. (Maidə, 5/18). Müsəlmanlar da təkcə müsəlman olmaqlarıyla deyil, hər hansı bir təriqətə mənsub olmaqlarıyla ya da əhli Sünnə, əhli Beytə yaxın olmaqlarıyla seviləcəklərini düşünməkdədir.
Haq yolda olduqlarını sananlar: "Onlar dedilər: 'Yəhudi və ya xaçpərəst olun ki, Haq yola yönələsiniz!' De: 'Əksinə, (biz) hənif İbrahimin dinindəyik. O, müşriklərdən deyildi". (Bəqərə, 2/135). Eynilə müsəlmanlar da yəhudi və xristianlardan daha irəli gedərək, təkcə müsəlman olmaqlarıyla deyil, ya əhli sünnə ya əhli şiə ya da hər hansı bir təriqət üzvü olmaqlarıyla haq yolda olduqlarını iddia etməkdədir. Halbuki Allah, onların bütün bu iddialarını boşa çıxararaq, belə buyurmaqdadır: "Dinlərini parçalayıb firqə-firqə olanlarla sənin heç bir əlaqən yoxdur. Onların işi Allaha aiddir. Sonra onlara etdikləri əməllər barədə xəbər verəcəkdir." (Ənam, 6/159)
Bir insanın sevdiyi ilə bərabər olması həmin insanın sevilməsini də gərəktirir. Məsələn, Allahı sevirəm, elçisini və imamlarını sevirəm deyən birinin, Allahı, elçisini və imamların yolunu da izləməsi lazımdır. Əksi təqdirdə, belə bir sevgi quru sözdən və yalandan ibarətdir. Allah Quranda həqiqi sevgini daşıyanları və nicat tapanları belə vəsf etməkdədir:
"De ki, 'Əgər atalarınız, oğullarınız, qardaşlarınız, zövcələriniz, yaxın qohumlarınız, qazandığınız mallar, iflasa uğramasından qorxduğunuz alış-verişiniz və bəyəndiyiniz məskənlər sizə Allahdan, Onun Elçisindən və Onun yolunda cihaddan daha əzizdirsə, Allah Öz əmri ilə gəlincəyə qədər gözləyin. Allah günahkarları doğru yola yönəltməz". (Tövbə, 9/24)
"Sevdiyiniz şeylərdən (Allah yolunda) xərcləməyincə xeyrə nail olmayacaqsınız. Sizin nə xərclədiyinizi, şübhəsiz ki, Allah bilir." (Əli- İmran 3/92)
Bir başqa surədə:
-"Möminlər, həqiqətən də nicat tapmışlar!
-O kəslər ki, namazlarında mütidirlər,
-O kəslərdir ki, sözbazlıqdan qaçırlar,
-O kəslərdir ki, zəkat üçün çalışırlar,
-O kəslərdir ki, öz cinsi orqanlarını (həmişə) qoruyurlar,
-Zövcələri və sahib olduqları cariyə (əsir arvadları) istisnadır. Onlar qınanmazlar.
-Bunlardan başqalarına açanlar həddi aşanlardır.
-O (mömin) kəslər ki, əmanətlərini və vədlərini qoruyurlar.
-O kəslər ki, namazlarını öz vaxtlarında qılırlar.
-Məhz onlardır varis olanlarınız.
-Firdovs cənnətinə varis olanlar orada əbədi qalacaqlar." (Möminun, 1-11.)
Respublica.Az
18-12-2023, 06:28 | Hidayət Heydərov bürünc medal qazandı
Kosovanın Priştina şəhərində cüdo üzrə Açıq Avropa çempionatı davam edir.
Respublica.Az qol.az-a istinadən xəbər verir ki, kişilər arasında 73 kq çəki dərəcəsində yarışan Azərbaycan cüdoçusu Hidayət Heydərov yarışda bürünc medal əldə edib.
Hidayət Heydərov üçüncü yer uğrunda mübarizədə gürcüstanlı rəqibi Laşa Şavdatuaşvili üzərində qələbə qazanaraq bürünc medala sahib olub.
Respublica.Az
18-12-2023, 06:26 | Balqabaq tumu, yoxsa yağı faydalıdır?
Roskacestvanın ekspertləri balqabaq yağının müsbət və mənfi tərəflərini araşdırıblar.
Respublica.Az "medicina"ya istinadən xəbər verir ki, balqabaq tumlarında 47% yağ vardır ki, onun tərkibi lütein, karotin və turşular vardır.
Balqabaq yağını ürək-damar xəstəliklərinin profilaktikası, ateroskleroz, xolesterin və iltihabi proseslərdə istifadə etmək olar.
Roskacestvo yağın istifadəsi ilə bağlı tövsiyələr verib.
Selen və E vitamini sayəsində orqanizmdə sərbəst radikallar zərərsizləşir, erkən qocalmanın qarşısı alınır. Amma bu yağı hər gün və yüksək dozalarda icmək olmaz.
Çünki bu yağ allergik reaksiyaya səbəb ola bilər. Qəti şəkildə öd kisəsi daşı, qastrit, pankreatit və mədə-bağırsaq problemi olanlara olmaz.
Əvəzində balqabaq tumları yeyə bilərsiz: o, maqniy mənbəyidir. Balqabaq tumu sinir sistemi üçün relaksdır, yuxunu bərpa edir, neyromediatorları tənzimləyir.
Eləcə də tumlar triptofan, amin turşusu tərkiblidir. Triptofan yuxusuzluq və depressiyanı müalicə edir.Eləcə də maqniydən əlavə kalium, dəmir, marqans da var. Ona görə tumlar beyindən tutmuş sümülərə kimi möhkəmlədir.
Müntəzəm balqabaq tumu yedikdə xolesterin, təzyiq düşür.
Respublica.Az
17-12-2023, 12:28 | Telefonu yanına qoyub yatanlara ŞOK - Gecə görün nələr baş verir
Smartfonlardan asılılıq artıq pik həddindədir. Bir çox insanın bu cihazları bütün günü, hətta yatanda belə telefonları yanlarında saxlayır.
Türkiyənin tanınmış nevrologiya mütəxəssisi, professor Derya Uludüz bununla bağlı vacib xəbərdarlıq edib.
Demək olar ki, 24/7 smartfonlarla iç-içə bir həyat yaşayırıq. Bu cihazlar bir çox insan yatarkən belə ya çarpayının yanında, ya da yastığın altında olur. Ancaq bu vərdişlərin təhlükəli olduğuna diqqət çəkən Nevrologiya Mütəxəssisi Prof. Dr. Derya Uludüz,
“Bir çox elmi araşdırmalar göstərir ki, smartfonlardan yayılan elektromaqnit dalğaları beynimizə və bədən sağlamlığımıza ciddi ziyan vurur” - Uludüz deyib.
Smartfonların yaratdığı problemləri təqdim edirik:
Yuxusuzluq: Gecə gec saatlara qədər telefonda vaxt keçirmək yuxu keyfiyyətini aşağı salır, çünki mavi işıq yuxu rejimini pozur. Bu, yuxusuzluğa və yorğunluğa səbəb olur. Telefonla yatmaq beyin dalğalarına zərər verə və uzun müddətdə yaddaş problemlərinə səbəb ola bilər.
Duruş problemləri: Davamlı olaraq telefona baxmaq boyun əzələləri və onurğanın tarazlığını pozur. Zamanla boyun ağrısı, artrit və onurğa problemlərinə səbəb ola bilər. Başın daim irəli əyilməsi onurğada əlavə yük yaradır. Onurğa təzyiqi artır və duruş pozuğuna səbəb olur.
Baş ağrısı: Telefonla yatmaq elektromaqnit dalğalarının təsiri ilə baş ağrılarına və hətta miqrenə səbəb ola bilər.
Xərçəng: Bəzi elmi araşdırmalar hələ tam sübuta yetirilməsə də, texnoloji cihazlardan yayılan elektromaqnit dalğalarının uzun müddətdə xərçəngin inkişafına səbəb ola biləcəyini göstərir. Beynəlxalq Xərçəng Araşdırmaları İnstitutunun 2008-ci ildə nəşr etdiyi hesabatda 10 il və ya daha çox mobil telefondan istifadə edən insanlarda beyin şişlərinin 40 faiz daha çox aşkar edildiyi bildirilir.
Göz yorğunluğu: Uzun müddət telefon ekranına baxmaq gözlərdə həddindən artıq yorğunluq, bulanıq görmə, göz əzələlərində həddindən artıq gərginlik, gözlərdə ağrı, qızartı və quruluğa səbəb olur.
Diqqət və konsentrasiya problemləri: Daimi bildirişlər və ekran qarşısında uzun müddət qalmaq diqqəti dağınıqlığı və konsentrasiya problemlərinə səbəb ola bilər.
Sonsuzluq: Elmi araşdırmalar göstərib ki, gün ərzində uzun müddət smartfondan istifadə kişilərdə sonsuzluğa səbəb ola bilir.
Sosial təcrid: Həddindən artıq telefon istifadəsi real həyatla əlaqəni kəsir və sosial əlaqələri zəiflədir. Telefonda daimi diqqət real dünyadakı qarşılıqlı əlaqəni azaldır. Üz-üzə ünsiyyət əvəzinə rəqəmsal ünsiyyətin seçilməsi sosial qarşılıqlı əlaqənin azalmasına səbəb ola bilər.
Respublica.Az
