26-12-2023, 06:45 | Siyasət Əsgərov Türkiyə klubundan ayrıldı
Azərbaycanın qadın futbolçulardan ibarət yığmasının baş məşqçisi Siyasət Əsgərov Türkiyənin "Fomget" klubundan ayrılıb.
Respublica.Az qol.az-a istinadən xəbər verir ki, bu barədə Türkiyə klubu məlumat yayıb. Tərəflər müqaviləyə qarşılıqlı razılaşma əsasında xitam veriblər.
Komandanı bundan sonra Əsgərovun köməkçisi çalışdıracaq. Klub mütəxəssisə əməyinə görə təşəkkür edib və ona gələcək karyerasında uğurlar arzulayıb.
Qeyd edək ki, "Fomget" Əsgərovun rəhbərliyi altında Türkiyə Qadınlar Superliqasının son mövsümünün çempionu olub.
Respublica.Az
25-12-2023, 06:13 | İnfarkt öncəsi bu ağrılar olur - Diqqət
İnfarktdan öncə infarktönü vəziyyət yaranır. Çox xəstələr bu məqamı gözdən qaçırır.
Respublica.Az Medicina.az-a istinadən xəbər verir ki, kardioloq Anastasiya Fomiçeva ürək üçün tipik olmayan kardial simptomları açıqlayıb.
"Tipik simptomlara döş qəfəsində ağrı, sancı, təngnəfəslik, təzyiqin qəfil düşməsi, ürək ritminin pozulması - ya aritmiya, ya bradikardiya aiddir. İnfarkönünün qeyri-tipik simptomları: qəfil zəiflik, tərləmə, ürəkbulanma, qusma, öyümə, qarında ağrı, öskürək, huşun itməsi, ölüm qorxusu, ayaqların gücsüzləşməsi.
Aşağıdakı simptomlar isə artıq infarktın kəskin fazasını göstərir:
- Sinədə sanki beton plitə varmış kimi ağırlıq;
- Sinədə alov, yanma hissi;
- Sanki öndən və arxadan bıçaq kəsirmiş kimi hiss;
- Ağrının boyun, çənə, qola, qarına yayılması;
- Nitroqliserin qəbulundan sonra da ağrının kəsməməsi;
- Ağrı 20-30 dəqiqədən tutmuş 5 saata kimi davam edə bilər", - kardioloq qeyd edib.
Respublica.Az
25-12-2023, 06:11 | Axşam 9-dan sonra yeyənlər daha çox insult olur – Alimlər
Gec saatlarda axşam yeməyi ürək-damar patologiyaları riskini artırır.
Respublica.Az medicina.az-a istinadən xəbər verir ki, endokrinoloq Yelena Prikolenko alimlərin son nəticələrindən danışıb.
"Onlar saat 21:00-dan sonra qida qəbul etmək və səhər 8-dən gec oyanmaq vərdişi ilə insult arasında əlaqə tapıblar.
Bu adamlarda axşam 8-ə qədər artıq yeməyini bitirənlərə nisbətdə insult riski 28% çox olur.
Xüsusilə bu hal qadınlar üçün təhlükəlidir.
Axşam gec yeyənlərdə metobolik pozulma olur, artıq çəki, piylənmə yaranır, hormonal pozulma olur. Bu da insulin hasilini pozur, damarları tıxayır, təzyiqi qaldırır".
Respublica.Az
25-12-2023, 06:05 | Hamı Quranı oxuyub başa düşə bilər?
Quran oxuyan hər kəs onu başa düşər. Lakin bu məsələ hər bir insanın bilik səviyyəsi, mədəni qabiliyyəti və tutumu ilə məhduddur. Belə ki, bir əkinçi və ya çoban da Quranı anlaya bilər, bir həkim, fizik və ya mühəndis də. Ancaq bunlar arasında hansının idrak qabiliyyəti və təcrübəsi daha çox isə o, daha çox şey əldə edəcək və daha yaxşı başa düşəcəkdir.
Quran hər bir müsəlmanın başa düşəcəyi səviyyədədir və bu onun öhdəliyidir. Çünki orda hamının bildiyi beynəlxalq doğrular insanlara çatdırılır. Amma Quranı başa düşmək başqa məsələ, ondan hansısa hökm isə çıxarmaq başqa bir məsələdir.
Hər insan fiqhi məsələdə Qurandan hökm çıxarmalı deyil; çünki bu onun öhdəliyi deyil. Qurandan hansısa hökm çıxarmaq alimlərin işidir. Alimlər də Quranı öz başlarına deyil, müəyyən metodlara əsasən təfsir edir, ondan hökm çıxarmağa çalışırlar.
Quranı izah edib açıqlamaqda Quranın özünün göstərdiyi metodlar var. Bu metod bir mütəxəssis heyəti tərəfindən tətbiq olunmalıdır. Bu heyəti təşkil edənlər Quranın izahlarını anlaya bilərlər.
Milli.Az
25-12-2023, 06:02 | "Fənərbağça" - "Qalatasaray" oyununda qalib müəyyənləşməyib
Türkiyə Superliqasında XVIII turun mərkəzi oyunu keçirilib.
Respublica.Az report.az-a istinadən xəbər verir ki, İstanbul derbisində "Fənərbağça" "Qalatasaray"ı qəbul edib.
Qarşılaşma qolsuz başa çatıb.
44 xala malik komandalar 1-2-ci yerləri bölüşürlər. "Fənərbağça" top fərqinə görə ilk sırada qərarlaşıb.
Respublica.Az
25-12-2023, 05:38 | Kişilər qadınlarda ən çox bu nöqtəyə baxır: Birdən hər şeyi unudurlar və...
Kişilər də qadınlar kimi ilk görüşə böyük əhəmiyyət verirlər. İlk təəssürat onlar üçün hər şey deməkdir. İlk görüşdə kişilər qadınlara gözləri ilə baxırlar. Hər bir hərəkətini nəzərdən keçirir. Münasibətə qərar verməzdən əvvəl hər şeydən tam əmin olmaq istəyirlər. Qadının xarici görünüşü, danışıq tərzi və davranışı kişilər üçün böyük əhəmiyyət kəsb edir.
Respublica.Az lent.az-a istinadən xəbər verir ki, ilk görüşdə bir kişini özünüzə aşiq etmək istəyirsinizsə, diqqət etməli olduğunuz bəzi məqamlar var.
Bəs kişilər ilk görüşdə nələrə diqqət edir? Kişilərin qadınlara ilk baxdığı yer harasıdır?
Gəlin bu sualın cavabına birlikdə baxaq...
Kişi-qadın münasibətləri həmişə mürəkkəb olduğundan, ilk görüşlər streslidir. İlk görüş bütün münasibətlərin gedişatına təsir edir. İlk görüşdə bir kişini sizə aşiq etmək istəyirsinizsə, bu məsləhətlərə əməl edin.
1. Xarici görünüşünüzə diqqət yetirin
Qadınlar üçün xarici görünüş çox vacib olmasa da, kişilər üçün gözəl görünməyiniz çox önəmlidir. Görünüşünə önəm verən kişilər görüşə gedəndə ilk növbədə xarici görünüşünüzə diqqət yetirirlər. Geyiminiz və görünüşünüz ona nə qədər dəyər verdiyinizi göstərir.
İlk görüşə köhnə və ya səliqəsiz paltar geyindiyiniz zaman, o, yəqin ki, sizi bir daha görmək istəməz. Bu səbəbdən şəxsi baxımınıza diqqət edin və ilk görüşünüzə çox qəşəng bir şəkildə gedin. Ona görə də heç vaxt gözlərini səndən çəkə bilməz.
2. Danışığınıza və dinləməyinizə diqqət edin
İlk görüşdə həm qadınlar, həm də kişilər çox vaxt danışmağa bir şey tapa bilmirlər. Davamlı danışmaq və ya susmaq ilk görüşü poza bilər və görüşdüyünüz insanın sizdən uzaqlaşmasına səbəb ola bilər.
Bu səbəbdən danışıq və dinləməni yaxşı balanslaşdırmaq lazımdır. Aktual və zövqlü mövzularda söhbətlərə başlayaraq qarşı tərəflə məqbul bir söhbət etməyə çalışmaq qarşı tərəf üçün yaddaqalan olmağınızı təmin edəcək.
3. Göz təması əhəmiyyətlidir
Kişilər adətən qadınlara baxdıqdan sonra onların gözlərinə diqqət yetirirlər. İnsanlar göz təması qurduqda həyəcan keçirirlər. Kişilər də bu həyəcanı yaşamaq istəyirlər. Əgər gözlərinizdə itməyə başlayırsa, o, sizə aşiq ola bilər.
Bu səbəbdən görüş zamanı gözünüzü ondan çəkməyin. Danışarkən göz təması quraraq özünüzü ifadə etməyə çalışın. Kişilərin qadında ən çox təsirləndiyi yerlərdən biri olan gözlər əks cins üçün çox önəmlidir.
4. Kişilər dodaqlarınıza da diqqətlə baxırlar
İlk görüşdə kişilər qadınların dodaqlarına, eləcə də görünüşünə və rəftarına çox diqqət yetirirlər. Dodaqları dolğun olan qadınlar ilk görüşdə qarşı tərəfi daha asan heyran edə bilərlər. Çünki kişilər dolğun dodaqlara heç vaxt müqavimət göstərə bilməzlər.
Bir kişini ilk görüşdə sizə aşiq etmək istəyirsinizsə, dodaqlarınızı önə çıxara makiyaj edə bilərsiniz. Dodaqlarınızı öz tonunuza yaxın qələmlə çərçivəyə salmalı və təbii tonlu pomada ilə dəstəkləməlisiniz. Beləliklə, söhbət boyu gözlərini dodaqlarınızdan çəkə bilməz.
Respublica.Az
25-12-2023, 05:33 | "Neftçi"nin yeni baş məşqçisinin naliyyətləri - DOSYE
Xəbər verdiyimiz kimi, "Neftçi" komandasının baş məşqçisi dəyişib.
Rumıniyalı Adrian Mutu ilə müqaviləyə qarşılıqlı razılıq əsasında xitam verilib. Onu bu postda Miodraq Bojoviç əvəzləyib.
Respublica.Az report.az-a istinadən "Neftçi"nin yeni baş məşqçisinin naliyyətləri barədə məlumatı təqdim edir.
Belə ki, Miodroq Bojoviç 1968-ci ildə ölkəsinin Moykovats şəhərində anadan olub.
55 yaşlı mütəxəssisin futbolçu karyerası cəmi 13 il davam edib.
1986-1992-ci illərdə Pödqöritsanın "Buduçnost" klubunun formasını geyinən keçmiş müdafiəçi daha sonra Serbiyada, İndoneziyada, Kiprdə, Niderlandda və Yaponiyada legioner həyatı yaşayıb.
1999-cu ildə futbolçu karyerasını bitirən Bojoviç 2000-ci ildə məşqçiliyə başlayıb. 2000/2001 mövsümündə Serbiyada "Belqrad"ın "sükanı arxasında" olan mütəxəssis ardınca Yaponiyada "Hokkaydo Konsadole Sapporo"da köməkçi məşqçi funksiyasını yerinə yetirib.
O, Serbiyada "Borats", "Obiliç", "Hayduk" ( Belqrad), "Srvena Svezda", Kiprdə AEL, ölkəsində "Buduçnost", "Qrbal", Rusiyada "Amkar", "Moskva", "Dinamo", "Rostov", "Lokomotiv", "Arsenal", "Krılya Sovetov"da işləyib.
Baş məşqçi son olaraq 2021/2022 mövsümündə "Arsenal" komandasına rəhbərlik edib. Bojoviç 2013/2014 mövsümündə "Rostov"la Rusiya Kubokunun, 2015/2016 mövsümündə "Srvena Svezda" ilə Serbiya Superliqasının qalibi olub.
Qeyd edək ki, "Neftçi" monteneqrolu mütəxəssislə 1.5 illik (1 il+ 6 ay) sözləşmə imzalayıb.
Respublica.Az
25-12-2023, 05:29 | Əti əvəz edən unikal məhsul olduğu üzə çıxdı
Diyetoloq Yelena Solomatina yaşıl noxudun əti əzəv edən unikal amin turşusu tərkibinə malik olduğunu deyib.
Respublica.Az publika.az-a istinadən xəbər verir ki, ekspert bu barədə "Sputnik" radiosuna müsahibəsində danışıb.
O, bildirib ki, yaşıl noxudun tərkibində çoxlu B vitaminləri və fol turşusu var.
"Vanadium və bor kimi elementlər var ki, bunlar iltihabla mübarizə aparmaq, sümük sıxlığını artırmaq, kalsium, maqnezium, fosforun daha yaxşı mənimsənilməsi üçün lazımdır. Və noxudda beynin idrak imkanlarının normal formalaşması, qaraciyərin normal işləməsi üçün lazım olan çoxlu xolin də var ki, o, aterosklerozun yaranmasına mane olur", - diyetoloq vurğulayıb.
Eyni zamanda, diyetoloq bu məhsulun bəzi insanlar üçün zərərli olduğunu qeyd edib. Bu, yüksək səviyyədə sidik turşusu duzları, gut və ya böyrək daşlarından əziyyət çəkənlərə aiddir.
"Noxud həzm edilməsi olduqca çətin bir qidadır. Böyük miqdarda yeyilərsə, xoşagəlməz hisslər verə bilər - qaz meydana gəlməsi, meteorizm. Əlbəttə ki, mədə-bağırsaq traktının hər hansı bir xəstəliyi, xüsusən də qastrit, xoralar, kolit kimi hər hansı bir iltihab prosesi varsa, noxuddan uzaq durmalısınız", - həkim yekunda əlavə edib.
Respublica.Az
25-12-2023, 05:28 | 164 kişi ilə görüşən qadın: Nəhayət, ər tapdı
"Reddit" forumu istifadəçisi iki il ərzində 164 ilk görüşə necə getdiyini və nəhayət ərini tapdığını söyləyib.
Respublica.Az lent.az-a istinadən xəbər verir ki, "Ask Me Anything" ("Məndən nə istəsən soruş") rubrikasında o, uğurlu evliliyin sirlərini də bölüşüb.
Qız hər şeydən əvvəl kişilərin tək qalmamaq üçün qadınları həmişə görüşə dəvət etmələrini tövsiyə edib.
Hər şeydən əvvəl, qız kişilərə həmişə qadınları tək qalmamaq üçün görüşlərə dəvət etmələrini tövsiyə edib. "Yalnız əbədi mesajlaşdığınız bir mərhələdə qalmayın. Onu orijinal bir görüşə çağırsanız, bonus xalları da qazanacaqsınız ", - o yazıb.
Bundan əlavə, post müəllifi kişilərə görüşdə sual verməyi tövsiyə edib: "Həyatınıza nə qədər oğlanın sıfır maraq göstərdiyinə inanmayacaqsınız. Və bədən dilinizə baxın: gülümsəyin, ona tərəf əyilin, onu fəal şəkildə dinlədiyinizi göstərmək üçün üz ifadənizi dəyişdirin".
O, qadınlara intuisiyalarına qulaq asmağı tövsiyə edib. Onun sözlərinə görə, gələcək əri ilə görüşdə hər şey dərhal əvvəlki dövrlərdən fərqli olaraq gedib.
"Hər şey çox asanlıqla yerinə düşdü. Hər şeyin necə fərqli ola biləcəyini gördüm. İkinci görüşdə o, uzun müddət heç kimi bu qədər sevmədiyini etiraf etdi. Beşinci görüşdə biz rəsmi olaraq birlikdə idik və bu, qorxulu deyildi. Biz tamamilə sevindik və doğru insanla bunun nə qədər asan və sadə ola biləcəyi məni dəli etdi", - xanım vurğulayıb.
Bundan əlavə, o, görüşdən sonra özünüzə veriləcək sualların siyahısını paylaşıb: "Bu adam sizə necə hisslər yaşatdı?", "Müəyyən suallar verməkdən və ya özünüz haqqında həqiqəti açıqlamaqdan qorxdunuzmu?", "İnandırmalı idiniz? - baş verənlər düzdür?"
Respublica.Az
24-12-2023, 18:34 | “Neftçi” Mutunun gedişini təsdiqlədi
"Neftçi"nin baş məşqçisi Adrian Mutu klubdan gedib.
Respublica.Az xəbər verir ki, bu barədə klubun rəsmi feysbuk səhifəsində məlumat paylaşılıb.
Bildirilib ki, 44 yaşlı rumıniyalı baş məşqçi ilə müqaviləyə qarşılıqlı razılıq əsasında xitam verilib.
Respublica.Az
