20-06-2022, 07:02 | Öz bədəniniz haqqında bunları bilirsinizmi?
1 İnsanın ağzında Yer kürəsi əhalisinin sayı qədər bakteriya yaşayır.
2 Dilin üstündə olan izlər hər kəsin özünəməxsus olur.
3 Orta yaşlı adam bir gündə 600 ml tüpürcək ifraz edir.
4 Dırnaqların arxa tərəfində olan ağ iz dırnağı uzanmasına səbəb olan hissəsidir.
5 Beyinə siqnal saatda 400 km sürətlə daxil olur.
6 Qanın 4 yox 29 qrupu var.Onlardan ən az rast gəlinənləri Yaponiyada bəzi ailələrdə mövcudduir.
7 Bir gün ərzində qan orqanizmdə 19312 kilometr məsafə qət edir.
8 Orqanizmdə olan sinirlərin hamısının birlikdə uzunluğu 75 kilometrdir.
9 İnsan gün ərzində 20 000 dəfə nəfəs alıb-verir.
10 İnsanın gözü 10 milyon fərqli rəngi ayırd edə bilir.
11 İnsanın qulağı ömür boyu uzanır.Bu uzanma ildə 1/4 mm ölçüdə olur.
12 İnsanın ürəyi il ərzində 25 milyon dəfə döyünür.
13 Hər insan il ərzində 2 kiloqrama yaxın ölü dəri toxuması xaric edir.
14 Bir kvadrat santimetr sahədə yüzlərlə ağrı reseptorları var.
15 Oğlanların dilində olan reseptorların sayı qızların dilində olan reseptorların sayından azdır.
16 Bir insan ömrü boyu 35 ton qida qəbul edir.
17 İnsanların ömür boyu göz qırpmağa sərf elədikləri vaxt 5 ildir.
18 Baş beyində bir saniyədə 100000 kimyəvi reaksiya gedir.
19 Asqırmanın sürəti saatda160 kilometrdir.
20 Güləndə eyni zamanda üzün 17 əzələsi hərəkətə gəlir,iflic olanda isə 43 əzələ zədələnir.Çalışın həmişə gülün!
20-06-2022, 06:59 | İntim foto və video oğurlayana SƏRT CƏZA VERİLDİ
ABŞ məhkəməsi iCloud-un parollarını sındıraraq oradan minlərlə intim foto və video oğurlayan 41 yaşlı amerikalı Hao Ku Chini 9 il azadlıqdan məhrum edib.
publika.az-a istinadən xəbər verir ki, Çi uzun illərdir iCloud-dan intim fotoları oğurlayaraq qurbanları şantaj etməklə məşğul olub.
O, şantaj üzrə ixtisaslaşmış Anon-IB darknet forumunda çalışıb. Hekayənin qəhrəmanı icloudripper4you ləqəbi ilə çıxış edib və əsasən gənc qadınların yer aldığı foto və videolar dərc edib. İstintaqın məlumatına görə, bütün fəaliyyəti dövründə Çi 4700-ə yaxın hesabı sındırıb və 300 dəfədən çox oğurlanmış məzmun göndərib.
"Çinin qurbanları ölkə daxilində yüzlərlə qadın idi. O, onları öz təhlükəsizlikləri və nüfuzları üçün qorxudub. Bu hökm ABŞ Prokurorluğunun kibercinayətkarları cəzalandırmaq əzmini əks etdirir", - amerikalı vəkil Rocer Handberq bildirib. (
20-06-2022, 06:57 | Uşağın cinsiyyəti ana ömrünə təsir edir - Oğul anaları...
Uşağın cinsiyyəti ananın ömrünün uzunluğuna təsir edir.
Milli.Az medicina.az-a istinadən bildirir ki, bu aparılan araşdırmalar nəticəsində məlum olub.
Belə ki, oğul anaları qız analarına nisbətən daha az yaşayırlar. Finlandiyanın Turku Universitetinin əməkdaşlarının apardıqları araşdırmalar belə deməyə əsas verir. Alimlərin fikirnə görə, oğlan uşağının doğulması anaların sağlığına mənfi təsir göstərir, belə qadınların ölüm riski 7% artır.
10 il ərzində bütün dünya ölkələri üzrə aparılmış araşdırmalar nəticəsində oğul analarının qız analarına nisbətən 3 il az ömür sürdüyü məlum olub. Çünki oğlan uşağına hamilə olan qadının qanında testosteron səviyyəsi yüksəlir, bu da onun immunitetini zəiflədir və müxtəlif infeksiyalara qarşı daha az davamlı edir.
19-06-2022, 13:50 | Okan Buruk "Qalatasaray" klubunun baş məşqçisi olub
Futbol üzrə Türkiyənin "Qalatasaray" klubu yeni baş məşqçi ilə anlaşıb.
APA-ya istinadən bildirir ki, bu posta əvvəllər klubda futbolçu kimi çıxış etmiş Okan Buruk təyin olunub.
Klubun prezidenti Dursun Özbək hazırda baş məşqçi Domenec Torrentin ayrılmağı ilə bağlı rəsmi açıqlamadan sonra Okan Buruk haqqında da məlumat veriləcəyini deyib.
18-06-2022, 08:59 | Qadın güləşçilərimiz rekorda imza atdı
Rumıniyanın paytaxtı Buxarestdə keçirilən U-17 Avropa çempionatında qadın güləşi üzrə yarışa yekun vurulub.
Azərbaycan Güləş Federasiyasından verilən xəbərə görə, böyük məşqçi Həsrət Məmmədyarov və məşqçi Solmaz Adilovanın rəhbərliyi altında 6 idmançı ilə qitə birinciliyinə yollanan yığma komanda 1 dəst medal qazanıb.
Yunan-Roma güləşində olduğu kimi, qadın güləşində də rekord qeydə alınıb. Belə ki, Azərbaycan 66 xalla komanda hesabında Avropa beşincisi olub. Buna qədər bu yaş qrupu üzrə qitə birinciliyində zərif cinsin nümayəndələri ən yaxşı halda 62 xal (Faenza-2019) toplamışdı.
Bundan başqa, qadın güləşində medalların əyarına görə son 7, sayına görə isə son 9 ilin ən yaxşı nəticəsinə imza atılıb.
Xatırladaq ki, Buxarestdə qadın güləşçilərimiz Ruzanna Məmmədova (49 kq) qızıl, Elvina Kərimzadə (43 kq) gümüş, Aysel Məmmədzadə (46 kq) isə bürünc medal qazanıb.
18-06-2022, 08:52 | Dörd sərbəst güləşçimiz Avropa çempionatının finalına vəsiqə qazandı
Rumıniyanın paytaxtı Buxarestdə güləş üzrə U-17 Avropa çempionatı davam edir.
Təmsilçimiz Vasif Bağırov (48 kq) təsnifat mərhələsində rumıniyalı Kristian Andrey Nequraya tam üstünlüklə (11:0) qalib gələrək qitə birinciliyinə inamla start verib. Sonra türkiyəli Burak Yalçını 8:2 hesabı ilə məğlub edən güləşçimiz yarımfinalda erməni Saşa Petrosyanı bükmə fəndi ilə üstələyərək finala vəsiqə qazanıb. Finalda onun rəqibi fransalı Rasul Qalburayev olacaq.
Komandamızın digər üzvü Camal Abbasov (55 kq) əvvəlcə yunanıstanlı Pavlos Koronidis, ispaniyalı Unay Penas Merino və italiyalı Paskual Liutsi üzərində 10:0 hesablı qələbələrə imza ataraq yarımfinala vəsiqə əldə edib. Finalın bir addımlığında erməni Artavazd Harutyunyanın kürəyini yerə sıxmaqla təmiz qələbə qazanan güləşçimiz həlledici görüşdə ukraynalı İliya Şketiklə qarşılaşacaq.
İlyas İsayev (65 kq) ilk görüşdə slovakiyalı Ferents Daniel Kovaçı, 1/8 finalda isə çexiyalı Maks Bistronu 10:0 hesabı ilə məğlub edərək 1/4 finala yüksəlib. Növbəti görüşdə rumıniyalı Eduard David Lenarı (11:0), yarımfinalda isə türkiyəli Fatih Acarı (10:2) məğlub edən İ.İsayev finalda gürcü Qoqa Otinaşviliyə rəqib olub.
Yusif Dursunov (110 kq) ilk mərhələdə macarıstanlı Marsel Yuritsanı 9:1, daha sonra isə slovakiyalı David Mionu 10:0 hesabı ilə xalçadan məyus yola salıb. Yarımfinalda fransalı Levan Laqvilava üzərində 10:6 hesablı qələbə əldə edən Y.Dursunov finala adlayıb. O, həlledici görüşdə türkiyəli Taha Yakup Temellə qarşılaşacaq.
Güləşçilərimizdən Şəmistan Axundov (80 kq) isə 1/8 finalda litvalı Daniel Boyçuku (10:0), 1/4 finalda bolqarıstanlı Slavi Rumenov Stamenovu (5:4) məğlub etsə də, yarımfinalda macar Piter Şombor Jinovski ilə bacarmayıb. O, bürünc medal uğrunda mübarizə aparacaq.
Qeyd edək ki, medal görüşləri iyunun 18-də Bakı vaxtı ilə 19:00-da başlayacaq.
18-06-2022, 08:47 | “Qarabağ” - “Lex” matçının stadionu açıqlandı
"Qarabağ"ın UEFA Çempionlar Liqasının 1-ci təsnifat mərhələsində Polşa "Lex"inə qarşı keçirəcəyi ev oyununun stadionu müəyyənləşib.
Bu barədə Ağdam klubunun mətbuat xidməti məlumat yayıb.
Xəbərdə bildirilir ki, "Lex"lə cavab qarşılaşması iyulun 12-də Bakıda Tofiq Bəhramov adına Respublika stadionunda baş tutacaq. Oyuna saat 20:00-da start veriləcək.
Bu komandalar arasındakı ilk oyun isə iyulun 5-də "Poznan" stadionunda keçiriləcək. Matça Bakı vaxtı ilə saat 22:00-da start veriləcək.
18-06-2022, 08:23 | Yumurta sarısını tez-tez qəbul edin - Nevroloqlardan çağırış
Arizona universitetinin nevroloqları insanlara qida rasionunda xolinin səviyyəsinin normada olmasına diqqət yetirməyə səslənib.
Hamilə qadınlar gündə minimum 500 mq xolin qəbul etməlidirlər. Bu birləşmə sinir hüceyrələri arasında impulsların ötürülməsi üçün vacibdir.
Xolin bütünlükdə sinir sistemi üçün dayaq rolunu oynayır.
Xolin daha çox yumurta sarısında, mal qaraciyərində, ətdə, balıqda, süddə, pendirdə olur. Az miqdarda araxis, pomidor, kök, kələmdə var.
Siçanlar üzərində aparılan təcrübə göstərib ki, Alzheymer xəstəliyinin qarşısının alınmasında xolin rol oynayır. Hamiləlik dönəmində xolinlə zəngin qidalar yeyən siçanların balalarında yaddaş daha güclü olmuşdur.
Bu effekt hətta nəsildən-nəsilə də ötürülüb.
Xolin beyində toksiki çöküntülərin də olmasının qarşısını alır. Beyni ziyanlı maddələrdən təmizləyir. Ona görə xolinlə tam təmin olunmağınıza çalışın.
18-06-2022, 07:45 | Azərbaycan idmançıları İsraildə bədii gimnastika üzrə Avropa çempionatında finala yüksəliblər
"Böyüklər" yaş kateqoriyasında çıxış edən Azərbaycan idmançıları Zöhrə Ağamirova və Arzu Cəlilova Təl-Əvivdə (İsrail) bədii gimnastika üzrə Avropa çempionatında finala yüksəliblər.
Trend-ə istinadən bildirir ki, gürzlərlər hərəkətlər üzrə təsnifat mərhələsində yeddinci yeri tutan Zöhrə Ağamirova (31.200 xal) finala yüksəlib. Arzu Cəlilova bu növü üzrə finala çıxa bilməyib. O 9-cu yeri tutub (31.050 xal)
Lentlə hərəkətlərə görə A.Cəlilova hakimlərdən 30.400 bal alaraq səkkizinci yeri tutaraq finala yüksəlib. Z.Ağamirovanın lentlə hərəkəti münsiflər tərəfindən 27.700 balla qiymətləndirilib, o, 23-cü yeri tutub.
Bununla yanaşı, Z.Ağamirova və A.Cəlilova fərdi çoxnövçülükdə finala yüksəliblər. Zöhrə Ağamirovanın dörd hərəkətlər üzrə (halqa, top, gürz və lent) nəticəsi 94.400 bal olmaqla. Gimnastımız səkkizinci yeri tutub. Arzu Cəlilova dörd proqram üzrə 92.700 bal toplayaraq 11-ci yeri tutub.
Qeyd edək ki, 24 ən yaxşı gimnast fərdi çoxnövçülükdə, səkkiz ən yaxşı gimnast isə fərdi yarışlarda finala yüksəlib.
Xatırladaq ki, bundan əvvəl Zöhrə Ağamirova topla hərəkətdə finala yüksəlib, "gənclər" yaş kategoriyasında çıxış edən Kamilla Qafarova isə gürzlərlə proqramda üçüncü yeri tutub.
İyunun 15-19-da Təl-Əvivdə (İsrail) bədii gimnastika üzrə Avropa çempionatı keçirilir.
18-06-2022, 07:22 | "Mübariz İbrahimovun vəfatının ildönümündə..."
Türkiyənin "Doğma Düşüncə" Assosiyasiyasının fəxri prezidenti Yalçın Topçu Assosiyasiyanın təşkil etdiyi və Azərbaycanın Milli Qəhrəmanı Mübariz İbrahimovun xatirəsinə həsr olunmuş tədbirdə iştirak edib.
Trend-ə istinadən bildirir ki, tədbirdə çıxışı zamanı Y.Topçu Azərbaycanın Milli Qəhrəmanı Mübariz İbrahimovun xatirəsini yad edib.
"Türk-İslam dünyasının qəhrəman oğlu, Azərbaycanın Milli Qəhrəmanı, gizir Mübariz İbrahimovun vəfatının ildönümündə bütün şəhidlərimizlə birlikdə xatirəsini ehtiram və rəhmətlə yad edirik. Məkanı Ali, Məkanı cənnət olsun. Dünya durduqca Azərbaycan var olsun" - deyə bildirib.
