11-05-2021, 07:37 | Ev şəraitində limonla hamiləlik testi
Ən təbii hamiləlik testlərindən biri sayılan bu üsuldan qədim zamanlarda qadınlar daha çox istifadə ediblər. Bu testin üstünlüyü onu həkim məsləhəti olmadan həyata keçirə bilməyinizdədir.
Limon testi ilə hamilə qalıb qalmamağı asanlıqla aşkar etmək mümkündür. Əgər sizin aybaşı vaxtınızdan 7 gün ötübsə, o zaman vəziyyətinizdən şübhələnib bu testi həyata keçirə bilərsiniz. Limonla hamiləlik testinin effektliyi apteklərdə satılan hamiləlik testlərində olduğu qədərdir. Testin müsbət tərəfi onun təbii vasitələrlə həyata keçirilməsindədir. Siz evdə limon vasitəsilə hamilə olub olmadığınızı asanlıqla öyrənə bilərsiniz. Əvvəllər bu testi həyata keçirən qadınların söylədiklərinə görə limon testi öz doğruluğunu təsdiq edib. Bu testlərə inanmaq olar, amma, ən yaxşısı həkim tərəfindən tibbi müayinələr zamanı qoyulan diaqnoz hesab edilir. Yenə qeyd etməliyəm ki, bu testin doğruluğu apteklərdəki testlərin etibarlılığı qədərdir. Son söz isə həmişə həkimin olmalıdır!
Limonla hamiləlik testi necə həyata keçirilir?
Bunun üçün sizə limon və sidiyinizi boşaltmağınız üçün təmiz bir şüşə banka lazımdır. Əvvəlcə bu qabın içərisinə sidik boşaldılır. Sonra isə iki yerə bölür və yarıya bölünmüş limonun biri sidiyin üstünə sıxılır. Yarım limon tamamilə sidiyin üstünə sıxılmalıdır. Sonra bir müddət gözləyin. Əgər limonun suyu sidik olan qabın dərinliklərinə doğru gedib çökməyə başlayarsa, bu hamilə olmağınız anlamına gəlir. Milli.Az
10-05-2021, 13:00 | Gədəbəyə qar yağıb - Faktiki hava
Milli Hidrometeorologiya Xidmətinin mayın 10-u saat 12:00-a olan məlumatına əsasən ölkə ərazisində hava şəraiti qeyri-sabit olub, bəzi yerlərdə şimşək çaxıb, arabir yağış yağıb, əsasən şimal və qərb rayonlarda intensiv olub, dağlıq ərazilərdə qar yağıb, güclü şimal-qərb küləyi əsib.
Xidmətdən verilən məlumata görə, yağan intensiv yağışlar nəticəsində çaylarda sululuq artıb, Gorançaydan qısamüddətli daşqın keçib.
Düşən yağıntının miqdarı Böyük Qafqaz zonasında 5-16, Sarıbaşda (Qax) 29, Balakəndə 28, Şahdağda 21, Zaqatalada 19, Kiçik Qafqaz zonasında 15-18, Naxçıvan MR-da 2-8, Mərkəzi Aran rayonlarında 3-5, Qazax-Gəncə zonasında 5-20, Lənkəran-Astara zonasında 1-3, Bakıda və Abşeron yarımadasında 1 mm-dək olub.
Qərb küləyi əsib, arabir Naftalanda 34, Tərtərdə 33, Balakən, Ağdamda 30, Tovuz, Zərdab, Gəncədə 28, Mingəçevir, Bərdədə 25, Ceyrançöldə 24, Şəki, Xaçmaz, Göyçayda 22, Zaqatalada 20, Yevlaxda 19, Şəmkir, Yardımlıda 18, Şabranda 16, Şərurda 15, Bakıda 32, Maştağada 30, Qum adası, Sumqayıtda 28, Neft Daşlarında 26, Çilov adası, Pirallahıda 25, Binədə 24 m/s-dək güclənib.
Neft Daşları stansiyasının məlumatına əsasən dalğanın hündürlüyü 4.4 metrə çatıb.
Qar örtüyünün hündürlüyü Xınalıqda 2, Şahdağ, Daşkəsən, Gədəbəydə 1 sm-ə çatıb.
Mayın 9-da Naxçıvanda saat 17:10 radələrində 5 dəqiqə ərzində diametri 6 mm, Qazaxda saat 15:40-15:45 radələrində diametri 0,8 mm, Ağstafada saat 15:20-15:25 radələrində zəif dolu yağıb.
10-05-2021, 12:02 | Bir həftədə 93 hektara yaxın ərazi minadan təmizlənib
Mayın 3-dən 8-dək 93 hektara yaxın ərazi mina və partlamamış hərbi sursatlardan təmizlənib.
Trend xəbər verir ki, bu barədə Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə icra olunan əməliyyatlar barədə həftəlik məlumatında deyilir.
Qeyd edilir ki, mayın 3-dən 8-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda aparılmış əməliyyat-axtarış tədbirləri zamanı piyada əleyhinə 23, tank əleyhinə 12 mina və 104 partlamamış hərbi sursat aşkarlanaraq zərərsizləşdirilib.
10-05-2021, 11:56 | Xəzər rayonunda Ümummilli Lider Heydər Əliyevin anadan olmasının 98-ci ildönümü ilə əlaqədar ağacəkmə aksiyası keçirilib
Ümummilli Lider Heydər Əliyevin anadan olmasının 98-ci ildönümü münasibətilə Xəzər Rayon İcra Hakimiyyətinin təşəbbüsü və təşkilatçılığı ilə xüsusi karantin rejiminin tələblərinə riayət olunmaqla ağacəkmə aksiyası keçirilib.
Tədbir iştirakçıları əvvəlcə Ümummilli Lider Heydər Əliyevin abidəsinin önünə gül dəstələri düzərək xatirəsini ehtiramla yad ediblər.
Xəzər rayonunun Türkan qəsəbəsində baş tutan ağacəkmə aksiyasında 800 ədəd müxtəlif növ ağaclar əkilib, suvarılıb və aqrotexniki qulluq göstərilib.
Ağacəkmə aksiyasında Xəzər Rayon İcra Hakimiyyətinin başçısı Elşən Salahov, Millət Vəkilləri Soltan Məmmədov, Rauf Əliyev, Yeni Azərbaycan Partiyasının Xəzər rayon Təşkilatının sədri Namiq Əhmədov, başçının müavinləri, Aparatın məsul işçiləri, qəsəbə inzibati ərazi dairələri üzrə nümayəndələr, bələdiyyə sədrləri, təhsil və səhiyyə müəssisələrinin, rayonun idarə, müəssisə və təşkilatlarının rəhbərləri və gənc könüllülər iştirak ediblər.
Həmçinin, aksiya çərçivəsində rayonun bütün qəsəbələri əhatə olunmaqla, park və xiyabanlarda da ağac və gül kollarının əkilməsi işləri görülüb. (Trend-)
10-05-2021, 09:37 | Mayın 11-dən 14-dək ölkə ərazisində yağmursuz və xoş hava şəraiti müşahidə olunacaq
Əvvəlcədən xəbər verildiyi kimi, ölkə ərazisindən atmosfer cəbhəsinin keçməsi nəticəsində hava şəraiti dəyişib. Respublikanın əsasən şimal və qərb rayonlarında yağıntı müşahidə olunur. Qərb küləyinin sürəti saniyədə 30-34 metrədək güclənib. Gecə ərzində bu proses respublikanın demək olar ki, əksər rayonlarında müşahidə olunacaq.
Bunu Milli Hidrometeorologiya Xidmətinin rəisi Umayra Tağıyeva deyib.
Xidmətin rəisinin sözlərinə görə, Bakıya və Abşeron yarımadasına isə atmosfer cəbhəsinin səhər saatlarında yaxınlaşması gözlənilir: "Buna görə də saat 10-11 radələrinədək Abşeron yarımadasında fasilələrlə yağış yağacağı gözlənilir. Gündüz yağışın tədricən kəsilməsi proqnozlaşdırılır. Sabah gün ərzində Abşeron yarımadasında güclü külək əsəcək. Küləyin ani maksimal sürətinin saniyədə 30 metrə çatacağı ehtimalı var. Gecəyə doğru külək mülayimləşəcək. Növbəti günlərdə - mayın 11-dən 14-dək ölkə ərazisində yağmursuz və xoş hava şəraiti müşahidə olunacaq. Zəif külək üstünlük təşkil edəcək. Havanın temperaturu gündən-günə yüksələcək. Hətta mayın 12-14-də paytaxtda maksimal temperatur 25-27°, respublikanın Aran rayonlarında isə 30°-dək yüksələcək".
9-05-2021, 09:57 | Bunu etsəniz, 600 manat cərimələnəcəksiniz - DYP-dən XƏBƏRDARLIQ
Yükdaşıma fəaliyyəti ilə məşğul olan sahibkarlara və sürücülərə növbəti dəfə xəbərdarlıq olunub. Avtomobilinə normadan artıq yük vuran sürücülər cərimələnəcəklər. Baş Dövlət Yol Polisi İdarəsi və Avtomobil Yolları Dövlət Agentliyi belə sürücülərə qarşı nəzarəti artırıb.
Avtomobilinə normadan artıq yük vuran sürücülər cərimə olunacaqlar.
Söhbət yük avtomobillərindən gedir. Baş Dövlət Yol Polisi İdarəsinin şöbə rəisi Namidan Piriyev "Xəzər Xəbər"ə açıqlamasında bildirdi ki, müşahidələr zamanı bəzi fiziki və hüquqi şəxslər tərəfindən yük avtomobillərinin oxa düşən kütlə parametrlərinə dair tələblər pozulmaqla normadan artıq yükləndiyi görünür.
Belə sürücülər yol təsərüfatına da ciddi ziyan vururlar. Avtomobil Yolları Dövlət Agentliyinin mətbuat katibi Anar Nəcəfli deyir ki, magistral yolların kənarlarında fasiləsiz olaraq tərəzi nəzarət məntəqələri fəaliyyət göstərir. Belə halların qarşısını almaq üçün bütün qabaqlayıcı tədbirlər görülməsinə baxmayaraq, hələ də qaydaları pozan yük avtomobili sürücüləri var.
Yükdaşıma qaydalarını pozan sürücülər İnzibati Xətalar Məcəlləsinin müvafiq maddələri ilə 40 manatdan, 600 manata qədər cərimə olunacaqlar.
9-05-2021, 08:47 | "İnter"lə "Napoli"dən darmadağın
Futbol üzrə İtaliya A Seriyasında 35-ci tura start verilib.
Ilk oyun günündə dörd qarşılaşma baş tutub.
Turun açılış matçında "Napoli" səfərdə "Spetsiya" ilə qarşılaşıb. Neapol təmsilçisi bu oyunda darmadağına sevinib.
Ötən turda çempionluğu rəsmiləşən "İnter"in rəqibi "Sampdoriya" olub. Milanlılar da bu oyunda darmadağına seviniblər.
"Udineze" - "Bolonya" matçında qalib müəyyənləşməyibsə, "Fiorentina" "Latsio"nu məğlub yola salıb.
İtaliya A Seriyası
35-ci tur
8 may
Spetsiya - Napoli 1:4
Qol: Pikkoli, 64 - Zelinski, 15. Osimhen, 23; 44. Lozano, 79.
Udineze - Bolonya 1:1
Qol: De Paul, 23 - Orsolini, 82.
İnter - Sampdoriya 5:1
Qol: Qalyardini, 4. A.Sançes, 26; 36. Pinamonti, 61. Martines, 70 - Keyta, 35.
Fiorentina - Latsio 2:0
Qol: Vlahoviç, 32; 89.
9 may
14:30 Cenoa - Sassuolo
17:00 Benevento - Kalyari
17:00 Parma - Atalanta
17:00 Verona - Torino
20:00 Roma - Krotone
22:45 Yuventus - Milan
(matc.az)
9-05-2021, 08:42 | Liqa 1-də daha iki darmadağın
Futbol üzrə Fransa çempionatında 36-cı turun oyunları keçirilir.
Sənbə günü daha iki görüş baş tutub.
Bu oyunlarda da darmadağın qeydə alınıb. "Nant" "Bordo"nu üç cavabsız qolla yola salıb. Lion "Olimpik"i isə bu turda doğma meydanda "Loryan"ı məğlub edib.
Fransa Liqa 1
36-cı tur
7 may
Lans - Lill 0:3
Qol: B.Yılmaz, 4-pen; 40. David, 60.
8 may
Nant - Bordo 3:0
Qol: Kulibali, 19. Louza, 51-pen. Kolo, 70.
Olimpik (Lion) - Loryan 4:1
Qol: Auar, 53. Paketa, 65. Bruno, 71-pen; 77 - Monkondui, 83.
9 may
15:00. Sent-Etyen - Olimpik (Marsel)
17:00. Anje - Dijon
17:00. Mets - Nim
17:00. Nitsa - Brest
17:00. Strasburq - Monpelye
19:05. Reyms - Monako
23:00. Renn - PSJ
matc.az
9-05-2021, 08:29 | Bakıda bədii gimnastika üzrə Dünya Kubokunun iştirakçıları üçün hər cür şərait yaradılıb - amerikalı idmançı
Bakıda keçirilən bədii gimnastika üzrə Dünya Kubokunun təşkilat komitəsi iştirakçılarının yarışa hazırlaşması üçün rahat şərait yaradılıb.
Bu barədə Trend-ə ABŞ-ı təmsil edən gimnast Laura Zenq deyib.
Onun sözlərinə görə, yarışdan əvvəl onlar üçün bütün lazımi şərait yaradılıb:
"Təşkilat Komitəsinin nümayəndələri bizimlə mehriban davranırlar, hər hansı bir sual yaranarsa dərhal yardıma gəlir və həll olunmasına kömək edirlər".
Bakıdakı yarışlara birinci dəfə gəlməyən Laura Zenq Dünya Kubokunun tamaşaçısız keçirilməsindən təəssüflənir: "Əlbəttə ki, tamaşaçıların çıxışlarımızı öz gözləri ilə görməsini istəyirdim. Həmişə onların alqışlarını eşitməkdən məmnun idik. Ancaq yaranmış bu vəziyyətdə hamımızın tədbirlərə riayət etməsi lazımdır".
Qeyd edək ki, bədii gimnastika üzrə Dünya Kuboku mayın 7-dən 9-dək keçirilir.
Dünya Kubokunda 36 ölkədən qrup komandaları tərkibində 106 (18 qrup), fərdi proqram üzrə isə 63 gimnast mübarizə aparacaq.
Ənənəyə uyğun olaraq yarışlarda ən çox xal toplamış gimnasta "AGF Trophy" kuboku təqdim olunacaq.
9-05-2021, 01:30 | Azərbaycanda 9 May - faşizm üzərində Qələbə Günü qeyd olunur
Azərbaycanda 9 May - faşizm üzərində Qələbə Günü qeyd olunur.
XX əsrdə İkinci Dünya müharibəsi illəri bəşəriyyət üçün ən ağır və dəhşətli dövr olub. Almaniyada və İtaliyada yaranmış faşizm nəinki bu ölkələrin özünü, hətta bütün bəşəriyyəti təhlükə altına aldı.
Trend-in məlumatına görə, İkinci Dünya müharibəsi illərində Azərbaycan xalqı həm cəbhə bölgələrində, həm də arxa cəbhədə böyük qəhrəmanlıq və igidlik nümunələri göstərib. Qısa müddətdə respublikada 87 qırıcı təyyarə batalyonu və 1124 özünümüdafiə dəstələri təşkil olunub. 1941-1945-ci illərdə 600 mindən çox azərbaycanlı oğlan və qızlar cəbhəyə yollanıb. Azərbaycan diviziyaları Qafqazdan Berlinəcən mübariz yol keçib. 130-a yaxın həmyerlimiz Sovet İttifaqı Qəhrəmanı adına layiq görülüb, 30 nəfəri Şərəf ordeni ilə təltif olunub. 170 min Azərbaycan əsgər və zabiti SSRİ-nin müxtəlif orden və medalları ilə təltif edilib. İki dəfə Sovet İttifaqı Qəhrəmanı Həzi Aslanov, Sovet İttifaqı qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və bir çox başqaları öz qəhrəmanlığı ilə xalqımızın şərəfli tarixinə yeni sətirlər yazıblar.
Respublika iqtisadiyyatının cəbhə yoluna keçirilməsi məqsədilə böyük işlər görülüb. Yüngül və yeyinti sənayeləri cəbhə üçün işləməyə başlayıb. Qısa müddətdə Bakı döyüşən ordunun ən mühüm cəbhəxanasına çevrilib. Böyük çətinliklərə baxmayaraq, neftçilərimiz fədakarlıqla çalışaraq cəbhəni və sənayemizi yanacaqla təmin ediblər.
Akademik Yusif Məmmədəliyevin rəhbərliyi ilə hava flotu (aviasiya) benzini almaq üçün yeni texnologiya yaradılıb. 1941-ci ildə neftçilərimizin fədakar əməyi nəticəsində Azərbaycanın tarixində ən çox, 23,5 milyon ton neft istehsal olunub ki, bu da SSRİ-də istehsal olunan neftin 71,4%-ni təşkil edirdi. Ümumiyyətlə, müharibə illərində Azərbaycan neftçiləri ölkəyə 75 milyon ton neft, 22 milyon ton benzin və başqa neft məhsulları veriblər.
Qətiyyətlə demək olar ki, Bakı nefti faşizm üzərində qələbə qazanılmasında əsas amillərdən biri oldu. Bunu demək kifayətdir ki, hər beş təyyarənin, hər beş tankın, hər beş avtomobilin dördü Bakı benzini ilə işləyirdi. İkinci Dünya müharibəsi Azərbaycan xalqının fədakar, qəhrəman, cəsarətli olmasını bir daha sübut etdi.(Trend)
