28-12-2020, 11:22 | Azərbaycanda dərman qıtlığı müzakirə edildi
Koronavirus pandemiyası ilə əlaqədar bütün dünyada olduğu kimi, ölkəmizdə də bir sıra dərman vasitələrinə tələbatın artması nəticəsində bəzi işbazlar tərəfindən dərman vasitələrinin təsdiq edilmiş qiymətdən fərqli qiymətə satılması və əsassız dövriyyədən çıxarılmaqla dərman qıtlığı yaradılması halları müşahidə olunur.
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən Milli.Az-a verilən məlumata görə, bu halların vaxtında müəyyən edilməsi və qarşısının alınması məqsədilə Dövlət Xidməti tərəfindən mütəmadi aparılan monitorinqlər daha da gücləndirilib.
Dərman vasitələrinin satışı bazarında mövcud vəziyyətin müzakirəsi məqsədilə iri dərman idxalçıları və aptek şəbəkələrinin rəhbərləri ilə Antiinhisar və İstehlak Bazarına Nəzarət Dövlət Xidmətində görüş keçirilib.
Görüşdə dərman təminatında problemlər müzakirə edilib, dövlət qeydiyyatından keçən dərman vasitələrinin təsdiq edilmiş qiymətlərdən fərqli qiymətə satışının, habelə artan tələbatdan sui-istifadə edərək dərman vasitələrinin əsassız olaraq dövriyyədən çıxarılmasının qanun pozuntusu olduğu vurğulanıb. Dövlət Xidmətinin aptek şəbəkələrində keçirdiyi monitorinqlər zamanı belə halların müəyyən ediləcəyi təqdirdə qanunvericilik çərçivəsində ən ciddi məsuliyyət tədbirlərinin görüləcəyi diqqətə çatdırılıb.
Eyni zamanda, sahibkarlara dərman vasitələrinə olan tələbatın tam ödənilməsi üçün zəruri dərman vasitələrinin idxalının artılılması tövsiyə edilib.
Görüşdə dərman idxalçıları tərəfindən səsləndirilən təkliflər dinlənilib, ümumilikdə dərman bazarı sahəsində mövcud vəziyyət müzakirə olunub, onlara qanunvericiliyin tələbləri izah edilib.
28-12-2020, 11:04 | Nazirlikdən xəbərdarlıq: ehtiyatlı olun...
Dezinfeksiyaedici vasitədən istifadə edilərkən ilk növbədə həmin vasitənin istehsalçısı tərəfindən tərtib edilən təlimatlara əməl edilməsinin vacibdir.
Trend bildirir ki, bunu Səhiyyə Nazirliyi Respublika Gigiyena və Epidemiologiya Mərkəzinin baş direktor müavini Vaqif Abdullayev deyib.
O bildirib ki, xəstələrin olduqları yerlərdən xəstəxanalara aparıldıqları bütün hallarda həyata keçirilən tamamlayıcı dezinfeksiya aparılan müddətdə və dezinfeksiya başa çatdırıldıqdan sonra dezinfeksiyaedici vasitənin təlimatına uyğun olaraq müəyyənləşdirilən müddət ərzində (bu müddət barədə dezinfeksiyanı həyata keçirən qrupun rəhbəri tərəfindən qapalı məkanın cavabdeh şəxsinə xəbərdarlıq edilməlidir) dezinfeksiya edilən qapalı məkanda dezinfeksiyanı aparanlardan savayı digər şəxslərin olmasına yol verilmir: "Məqsəd, qapalı məkanlarda aparılan dezinfeksiya zamanı dezinfeksiyaedici vasitələrin tərkibində olan aktiv maddələrin zərərli təsirindən insanların sağlamlığının mühafizəsinin təmin olunmasıdır.
Xüsusən çiləmə, püskürtmə üsulları ilə aparılan tamamlayıcı dezinfeksiya zamanı yaranan kiçik damlaların tərkibində olan aktiv maddə məsələn, xlor təsirindən gözlərin zədələnməsi, tənəffüs yollarının, dərinin qıcıqlandırılması kimi sağlamlıq problemləri baş verə bilər. Ümumilikdə isə dezinfeksiyaedici maddələrin orqanizmə zərərli təsir dərəcəsi hər bir dezinfeksiyaedicinin tərkibində olan aktiv maddənin toksiklik dərəcəsindən, qatılığından (konsentrasiyasından) asılı ola bilər".
Qurum rəsmisi bildirib ki, Respublika Gigiyena və Epidemiologiya Mərkəzinin tabeliyində olan dezinfeksiya xidməti tərəfindən şəxsi mənzillər və yaşayış binalarının xəstələrin xəstəxanalara aparılmasından sonra tamamlayıcı dezinfeksiya edilir: "Şəxsi mənzillərdə və yaşayış binalarında yerləşdikləri ərazilərin dezinfeksiya stansiyaları və profilaktik dezinfeksiya şöbələri, yaxud özəl dezinfeksiya xidmətləri ilə bağlanmış müqavilələr üzrə ödənişli əsasda profilaktik dezinfeksiya işləri aparıla bilər. Bundan başqa, Respublika Gigiyena və Epidemiologiya Mərkəzinin tabeliyində olan, müasir tələblər səviyyəsində təchiz olunmuş dezinfeksiya xidməti tərəfindən COVID-19 infeksiyasının yayılmasına qarşı effektiv mübarizə məqsədi ilə Səhiyyə Nazirliyinin tapşırığı əsasında ölkənin demək olar ki, bütün təhsil müəssisələrində dezinfeksiya işləri həyata keçirilmişdir".
V.Abdullayev bildirib ki, xəstələrin evdə qalması halında, yaxud profilaktik məqsədlə dezinfeksiya zamanı təmizlik işlərinin aparılması qaydalarına və prinsiplərinə ciddi əməl edilməli, ilk növbədə otaqda olan bütün əşyaların səthləri sabunlu yaxud yuyucu vasitəli su ilə təmizləndikdən sonra dezinfeksiyaedici məhlulla isladılmış təmiz əski ilə silinməklə dezinfeksiya olunmalıdır: "COVID-19 infeksiyası törədicilərinə qarşı mübarizədə səthlərin cari dezinfeksiyasının aparılması üçün Ümumdünya Səhiyyə Təşkilatının tövsiyələrinə görə natrium hipoxloritin 0,1 %-li məhlulundan və 70-90 %-li spirtdən istifadə edilməsi məqbul hesab olunur. Məişətdə istifadə üçün nəzərdə tutulan və ticarət müəssisələrində satılan xlor tərkibli vasitələrdən də istifadə edilməsi məqsədəuyğundur. Cari dezinfeksiyanın aparılması zamanı maska və əlcəkdən istifadə olunmalı, ağız, burun, üz və dəri səthinə toxunulmamalıdır".
28-12-2020, 10:12 | Yenidən yığmada - Robert Prosineçki
Azərbaycan millisinin sabiq baş məşqçisi Robert Prosineçkinin işsiz günləri qısa çəkəcək.
Bu yaxınlarda "Dənizlispor"dan ayrılan xorvatiyalı mütəxəssis yenidən yığmada çalışmağa yaxındır.
Prosineçkinin Şimali Makedoniya millisinin sükanı arxasına keçməsi gözlənilir. İqor Angelovskinin gedişindən sonra baş məşqçi axtarışlarını davam etdirən makedoniyalılar üçün Prosineçki prioritet hədəfdir. Tərəflər arasında danışıqlar artıq yekunlaşmaq üzrədir.
Qeyd edək ki, Robert Prosineçki 2014-2017-ci illərdə Azərbaycan millisinə rəhbərlik edib.
28-12-2020, 10:02 | "Real" 20 yaşlı "Mançester Siti"nin futbolçusu Fodenlə maraqlanır
İspaniyanın "Real" futbol klubu İngiltərənin "Mançester Siti"sinin yarımmüdafiəçisi Fil Fodenin alınmasında maraqlıdır.
"Real"ın bir neçə ildir Fodeni izlədiyi qeyd olunur. 20 yaşlı futbolçu bu mövsüm İngiltərə Premyer Liqasında yalnız iki dəfə "Mançester Siti"nin start heyətində meydançaya çıxıb. İspaniya klubu bu vəziyyətdən istifadə etmək istəyir.
Yarımmüdafiəçinin İngiltərə klubu ilə müqaviləsi 2024-cü ilə qədərdir.
Foden "Mançester Siti"nin yetirməsidir və 2017-ci ildən əsas heyətdə çıxış edir. Ümumilikdə, bu mövsüm futbolçu müxtəlif turnirlərdə 18 matçda iştirak edib və onlarda beş qol və dörd faydalı ötürmə ilə fərqlənib.
Xatırladaq ki, "Mançester Siti" 14 turdan sonra 26 xalla Premyer Liqa turnir cədvəlində beşinci, "Real" İspaniya liqasında 15 oyunda 32 xalla ikinci yerdədir.
Eyni zamanda, "Real" Madridin yarımmüdafiəçisi Isko komandanın kapitanı Serjio Ramos ilə qarşıdurmadan sonra komandadan transfer edilməsini istəyir.
Qeyd olunur ki, "Real"ın futbolçuları 28 yaşlı İskonun oyunundan narazıdır və heyətdə layiqincə yer almadığıni hesab edirlər.Trend
28-12-2020, 09:41 | "Monako" 4 futbolçusunu satışa çıxarır
"Monako" qış transfer pəncərəsi dövründə 4 futbolçusu ilə yollarını ayıracaq.
Liqa 1 təmsilçisində Henri Onyekuru, Yussef Eyt Bennaser, Samuel Qrandsir və Straxinya Pavloviç komandanı tərk edəcək.
"Monako" rəhbərliyi qışda yeni futbolçu transfer etməyi düşünmür. Komanda Liqa 1-də mövsümün ilk dövrəsini 6-cı sırada bitirib.
28-12-2020, 09:40 | Sorğu: Dünya əhalisinin təxminən yarısı 2021-ci ili nikbin qarşılayır
Dünya əhalisinin təxminən yarısı (43 faizi) yaxınlaşmaqda olan 2021-ci ilə nikbinliklə baxır. Bununla yanaşı, respondentlərin 26 faizi yeni ildə nəzərəçarpacaq dəyişikliklər gözləmir. Həmçinin rəyi soruşulan insanların 24 faizi və 7 faizi müvafiq olaraq bədbinlər və cavab verməyə çətinlik çəkənlərdir.
Bu barədə məlumat "Gallup International" müstəqil tədqiqat agentlikləri assosiasiyasının 41 ölkədə apardığı "Xoşbəxtlik indeksi" adlı qlobal sorğunun nəticələrində öz əksini tapıb.
Beləliklə, dünyada optimizm indeksi 19 faizə çatıb ki, bu da son üç ildə qeydə alınan maksimum göstəricidir.
Bu il ən nikbin ölkələr sırasına Nigeriya (69 faiz), İndoneziya (66 faiz) və Azərbaycan (65 faiz) daxil olub. Uzun illər ərzində ilk dəfə mənfi zonadan çıxan Böyük Britaniyada optimist əhval-ruhiyyədə yüksəliş qeydə alınıb - 39 faiz. Optimizm səviyyəsinə görə liderlər arasında, həmçinin ABŞ, Finlandiya, Qırğızıstan və Hindistan da var.
Vətəndaşlarının 2021-ci ilə pessimist yanaşdığı ölkələrə isə ənənəvi olaraq İtaliya (-43 faiz) və Honkonq (-34 faiz) başçılıq edir. Bu il onlara Bolqarıstan (-29 faiz) qoşulub. Polşa (-32 faiz) və Çexiya (-19 faiz) vətəndaşları da pessimist əhval-ruhiyyədədir. Həmçinin Tailand, Serbiya, Cənubi Koreya, Türkiyə və Rusiya -13 faizlə mənfi zonada yer alıblar. AZƏRTAC
28-12-2020, 09:29 | Reşford klub tarixinin 3-cüsü oldu
"Mançester Yunayted" İngiltərə Premyer Liqasının 15-ci turu çərçivəsində "Lester"lə 2:2 hesablı bərabərliyə razılaşıb.
Bu oyun "qırmızı şeytanlar"ın ilk qolunu vuran futbolçusu Markus Reşford üçün əlamətdar olub. 23 yaşlı futbolçu Premyer Liqada vurduğu qolların sayını 50-yə çatdırıb. Reşford bu uğura nail olan 3-cü ən gənc futbolçudur. 23 yaş 56 günlüyündə bu göstəriciyə çatan Reşford Ueyn Runi (22 yaş 157 gün) və Kriştianu Ronaldudan (22 yaş 341 gün) geri qalır.
Cari mövsümdə ümumilikdə 23 oyun keçirən Reşford 13 qolla yadda qalıb.
28-12-2020, 09:27 | Neymarın gizli planı ifşa oldu
Neymarın həftəsonu ölkəsində təşkil edəcəyi gizli qonaqlıq planı üzə çıxıb.
PSJ-nin ulduzu bu səbəblə təxminən 500 nəfəri Rio-de-Janeyrodakı malikanəyə dəvət edib.
Əldə olunan məlumata görə, 28 yaşlı futbolçu 5 gün davam edəcək mərasimdə görüntülərin yayılmaması üçün mobil telefonlardan istifadəni qadağan edib.
Qeyd edək ki, 190 mindən çox insanın koronavirusdan həyatını itirdiyi Braziliyada Neymarın bu planı çox tənqid olunub.
28-12-2020, 09:25 | Ekspertdən SOS: "COVID-dən daha təhlükəli... "Superbakteriyalar""
Hindistan yalnız bütün dünya üçün dərmanlar deyil, həm də "superbakteriyalar" da istehsal edir.
Bu haqda İlya Kolmanovski YouTube kanalında 2020-ci ilin əsas elmi kəşfləri haqqında danışarkən deyib.
Tibb sahəsindəki işlər arasında o, təkcə koronavirus əleyhinə peyvəndlərin inkişafını deyil, həm də "təhlükəli mikrobların bütün icad edilmiş antibiotiklərə qarşı müqavimət göstərən dünya fabriki" açan isveçli alim Yoakim Larsenin elmi işini xüsusi vurğulayıb. O, Çinlə birlikdə əczaçılıq sənayesinin əsas istehsalçısı olan Hindistana gedib. Müqəddəs Hindistan çayının Qodavari suyunu araşdıraraq, içindəki antibiotik konsentrasiyasının normadan xeyli artıq olduğunu müəyyən edib.
Orada antibiotiklərin miqdarı nüalicə alan bir insanın qanındakından daha yüksəkdir. Bunun səbəbi antibiotik və tullantı məhsulları birbaşa çaya tökən vicdansız fabriklərdir. Onlar həm də yeraltı sulara hopur və yerli sakinlərin içməli su tələbatını ödəyən su quyularına daxil olurlar.
Bununla yanaşı, mikrobioloqlar müqavimət geninin insan bağırsağında yaşayan və liflərin həzmində kömək edənlər kimi, antibiotiklərlə, ümumi zərərsiz bir mikrobla "zəhərlənməmiş" və ya hətta faydalı bir təhlükəli mikrobdan keçə biləcəyini müəyyən ediblər.
Təhlükəsiz mikroblar öz növbəsində bu antibiotik müqavimət genlərini digər daha təhlükəli mikroblara keçirə bilərlər.
Hindistandakı vəziyyətin təkcə Qodavari çayı yaxınlığındakı bu bölgənin sakinləri üçün fəlakətli olmadığı ortaya çıxıb. Yerli əhalinin ölüm nisbəti yüksəkdir - heç bir antibiotik onlara xəstəliklərdən kömək edə bilməz. Amerikalı bir turistin Hindistanda ayağını sındırması, evə qayıtması və 7 aydan sonra bakterial xəstəlikdən ölməsi hadisəsi artıq məlumdur.
Son nəsil ən güclü antibiotiklərdən heç biri ona kömək edə bilmədi - o özü ilə super davamlı bakteriyaların genlərini gətirmişdi. Kütləvi turizm sayəsində bu cür genlər Covid-19 kimi dünyaya çox sürətlə yayılırlar.
28-12-2020, 09:24 | "Milan" türk ulduzla müqavilə imzaladı
"Milan" Hakan Çalhanoğlu ilə yeni müqavilə imzalayıb.
Bu barədə klubdan məlumat verilib.
Məlumatda 26 yaşlı yarımmüdafiəçi ilə müqavilənin 2024-cü ilin iyununa qədər uzadılacağı bildirilib. Bu müddətdə türk futbolçu hər ilə 3.5 milyon avro qazanacaq.
Qeyd edək ki, Çalhanoğlu bu mövsüm 14 oyunda 1 qol və 6 məhsuldar ötürməyə imza atıb.
