18-12-2020, 06:54 | Rusiya sülhməramlıların Qarabağda olduqları ərazilərin xəritəsinə düzəliş edilib
Qarabağda Rusiya sülhməramlıların yerləşdirilməsinin 17 dekabrda yeni xəritəsini dərc edib.
Trend-in Rusiya Müdafiə Nazirliyinə istinadən verdiyi xəbərə görə, Laçın dəhlizi sülhməramlılar üçün ayrıca patrul zonası kimi ayrılıb. Əvvəlki xəritələrdə belə bir şey mövcud deyildi.
Xatırladaq ki, əvvəlki xəritə 15 dekabr tarixində yayımlanıb.
Yenilənmiş xəritəyə əsasən, Azərbaycan Ordusu Xocavənd şəhərinə daha da yaxınlaşıb.
18-12-2020, 05:55 | İlin ən gözəl qolunun müəllifi bəlli oldu
FİFA ilin ən gözəl qolunun müəllifini açıqlayıb.
Püşkaş mükafatına "Tottenhem"in yarımmüdafiəçisi Son Hın-Minlayiq görülüb.
Cənubi korekoralı futbolçunun İngiltərə Premyer Liqasında "Bernli"yə vurduğu qol ən yaxşı seçilib.
O, digər iki qolun müəllifləri - Giorgian de Arraskaeta ("Çeara" - "Flamenqo" oyunu) və Luis Suaresi ("Barselona" - "Malyorka" oyunu) arxada qoyub.
18-12-2020, 05:49 | FİFA ilin rəmzi komandasını açıqlayıb
2020-ci ilin rəmzi yığması açıqlanıb.
FİFA və FİFPro birgə səsverməsi ilə müəyyənləşən rəmzi "11-lik" İsveçrənin Sürix şəhərindəki onlayn tədbirdə elan olunub.
Qapıçı: Alisson Bekker
Müdafiəçilər: Trent Aleksander Arnold, Vircil van Deyk, Serxio Ramos, Alfonso Deyvis
Yarımmüdafiəçilər: Cosua Kimmix, Kevin de Breyne, Tyaqo Alkantara
Hücumçular: Lionel Messi, Robert Levandovski, Kriştiano Ronaldo
18-12-2020, 05:46 | Robert Levandovski ilin futbolçusu seçilib
FİFA 2020-ci ilin ən yaxşı futbolçusunun adını açıqlayıb.
Mükafatın sahibi qurumun İsveçrənin Sürix şəhərindəki mənzil qərargahında koronavirus pandemiyası üzündən onlayn təşkil olunan tədbirdə elan olunub.
Milli komandaların baş məşqçiləri və kapitanları, jurnalistlər, həmçinin azarkeşlər arasında keçirilən səsvermənin qalibi Robert Levandovski (Polşa, "Bavariya") olub. O, Kriştiano Ronaldo (Portuqaliya, "Yuventus") və Lionel Messi (Argentina, "Barselona") qabaqlayıb.
Qeyd edək ki, ötən il ən yaxşı adına Lionel Messi layiq görülüb.(apasport.az)
18-12-2020, 05:43 | Hər 27 milyon ildən bir canlıların kütləvi məhvinə səbəb olan hadisə təkrarlanır
Amerika Birləşmiş Ştatlarının Nyu-York Universitetinin alimləri, Yerdəki heyvanların, o cümlədən amfibiyalar, sürünənlər, məməlilər və quşların kütləvi şəkildə məhv olmasının tsiklik baş verdiyini aşkar ediblər.
Bu proses hər 27 milyon ildən bir baş verir və qlobal təbii fəlakətlərlə üst-üstə düşür.
Tədqiqat göstərir ki, Yer tarixində yox olma böyük asteroid təsirləri və geniş lava axını ilə müşayiət olunan vulkan püskürmələri nəticəsində baş verir.
"Daşqın bazalt vulkanizmi yaradan böyük cisimlərin düşməsi və Yerin daxili fəaliyyətinin impulsları, Qalaktikadakı orbitin sönməsi ilə birlikdə 27 milyon illik dövrdə baş verə bilər", - deyə araşdırma müəllifləri qeyd ediblər.
Belə ki, 66 milyon il əvvəl planetdəki bütün həyatın 70 %-i asteroid zərbəsindən sonra tükənib. Sonradan, paleontoloqlar belə kütləvi sönmələrin təsadüfi bir hadisə olmadığını, müəyyən bir dövriyyəyə sahib olduğunu kəşf ediblər.
Yeni elmi əsərin müəllifləri quru heyvanlarının kütləvi şəkildə məhv olması barədə məlumatları araşdıraraq, okean həyatının yox olması ilə üst-üstə düşdüyü qənaətinə gəliblər.
Onlar yeni statistik təhlillər apararaq, bu hadisələrin təxminən 27,5 milyon illik bir dövrü əhatə etdiyini hesablayıblar.
Kütləvi məhv olma yeganə dövri hadisə deyil. Yer səthinə düşən asteroidlər və kometlərin yaratdığı toqquşma kraterlərinin yaşı da həmin vaxt çərçivəsinə uyğundur.
Astrofiziklər Günəş sistemində hər 26-30 milyon ildən bir komet yağışlarının baş verdiyini, planetlərə çırpıldığını və kütləvi şəkildə yox olmaya səbəb olduğunu irəli sürüblər.
"Artıq məlumdur ki, quruda və dənizdə növlərin üç dəfə kütləvi məhv olması son 250 milyon ildəki üç ən böyük kosmik təsirlə eyni vaxtda baş verib", - deyə alimlər bildiriblər.
Yeni məlumatlar sübut edib ki, fəlakətlərin səbəbi yalnız kosmosda deyil. Qurudakı və okeanlardakı səkkiz kütləvi yox olma bazalt püskürmələri ilə üst-üstə düşüb. Bu püskürmələr buz dövrləri, turşu yağışı, ozon tükənməsi və radiasiya səviyyəsinin artması ilə müşayiət olunmalı idi.(ted.az)
18-12-2020, 05:40 | İnsayderlər iPhone 13 modellərinin hansı ekranlara sahib olacaqları barəsində məlumat veriblər
İnsayderlərin çoxsaylı proqnozlarına baxmayaraq bu il təqdim olunmuş iPhone 12 smartfonlarından heç biri 60 Hz-dən yuxarı təsvir yenilənməsinə sahib ekran əldə etmədi. The Elec saytının yeni hesabatı isə gələn ilki iPhone 13 modellərinin ekranları barəsində məlumatı özündə birləşdirir. Görünür, 2021-ci ildə Apple şirkəti öz pərəstişkarlarına sürprizlər edəcək. Beləliklə jurnalistlərin verdikləri məlumata əsasən gələn ilki iPhone 13 üçün OLED ekranların böyük hissəsi (130 milyona yaxın OLED ekran) Samsung Display tərəfindən istehsal olunacaq. Apple şirkətinin keyfiyyət testindən keçəcəkləri halda 30 milyon OLED ekran LG tərəfindən, 10 milyon OLED ekran isə BOE tərəfindən istehsal olunacaq.
Bununla belə LTPO texnologiyası üzrə hazırlanacaq Samsung ekranlarının bir hissəsi yüksək təsvir tezliyini və Always on Display funksiyasını dəstəkləyəcək. LTPS texnologiyasından fərqli olaraq LTPO texnologiyası əsasında hazırlanan OLED ekranlarda enerji sərfiyyatı 20% aşağı endirilə bilər. Gözləntilərə əsasən 120 Hz-lik təsvir yenilənməsi ilə Always on Display funksiyasını yalnız iPhone 13 Pro və iPhone 13 Pro Max modelləri əldə edəcəklər. Çox güman ki, iPhone 13 Pro modeli 6.67 düym ekran, iPhone 13 Pro Max modeli isə 6.06 düym ekran əldə edəcək. Adi iPhone 13 modelinə gəldikdə isə onun 5.42 düym ekran ilə təchiz olunacağı gözlənilir.(milli.az)
18-12-2020, 05:38 | Nokia sərfəli smartfon təqdim etdi - QİYMƏT
Nokia şirkəti yeni super büdcəli smartfonu təqdim edib.
Cihazın modelinin adı Nokia C1 Plus-dur.
Məlumata görə, smartfon Android 10 əməliyyat sisteminin Go versiyası ilə təchiz olunub. Bundan əlavə, cihazda iki ədəd 5 meqapiksellik kamera, 1 GB RAM və 16 GB daxili yaddaş, həmçinin 2500-lik çıxarıla bilən batareya quraşdırılıb.
Qeyd edək ki, yenilik Avropa ölkələrində əvvəlcədən sifariş üçün 69 avroya təklif olunur.(ted.az)
18-12-2020, 05:26 | “Zoox” robot taksisi nümayiş olunub
"Amazon" şirkətinə məxsus "Zoox" startapı özüidarəolunan avtomobilin ilk kommersiya modelini nümayiş etdirib. Dörd nəfərlik sərnişin tutumuna malik elektromobil saatda 120 km sürətlə olmaqla 16 saat təkrar enerji toplamadan hərəkət edir.
"ağıllı" avtomobil tam avtonomdur: kabinədə sürücü üçün yer, sükan, pedal və arxa güzgü nəzərdə tutulmayıb. Kuzov elektromobilə yolda istiqaməti müəyyənləşdirməyə kömək edən, kamera, sensor və lidarlarla təchiz edilib. Hər ox üzərində quraşdırılan elektromotorlar sayəsində "Zoox" sürücüsüz avtomobili dönmədən istənilən istiqamətdə hərəkət edə bilir.
"Zoox" startapının rəhbəri Ayşa Evans bildirib ki, proqram vasitəsilə elektromobili çağırmağa imkan verən servisi ilk dəfə San-Fransisko və Las-Veqasda istifadəyə vermək planlaşdırılır. Onun sözlərinə görə, bunun üçün şirkət həm lazımi kapitala, həm də uzunmüddətli təsəvvürə malikdir.
Gələcəkdə "Zoox" servisinin digər ölkələrdə də işə salınması nəzərdə tutulur. 2022-ci ildə istifadəyə veriləcək yeni servisin qiyməti barədə məlumat verilməsə də, onun "Uber" və "Lyft" servisləri ilə müqayisədə ucuz və rəqabətqabiliyyətli olacağı bildirilir.
2014-cü ildə yaradılan "Zoox" startapı bu ilin iyununda "Amazon" tərəfindən satın alınıb. KİV-in məlumatına görə, sazişin dəyəri 1,2 milyard dollar təşkil edib və şirkət tarixində ən böyük sazişlərdən olub.(ictnews.az)
18-12-2020, 05:22 | İnsan il ərzində nə qədər plastmas yeyir?
Ümumdünya Təbiət Fondu tərəfindən aparılan araşdırmada, insanların yediyi qida məhsullarından orqanizminə daxil olan plastmasın miqdarı hesablanıb.
Bir insan ildə 250 qramlıq xilasetmə dəbilqəsi qədər plastik istehlak edir.
Plastik istehsalının sürətlə artdığı vaxtda insanların fərqinə varmadan istehlak etdiyi plastik miqdarını göstərən fotoları Sputnik-in qalereyasında görmək olar.
Ümumdünya Təbiət Fondunun araşdırmasına görə, insanlar ildə orta hesabla xilasetmə dəbilqəsi qədər plastik istehlak edirlər. Bu, ildə təxminən 250 qrama bərabərdir.
Ən çox plastik olan qidalar arasında dəniz məhsulları, xüsusən də xərçəngkimilər var. Tədqiqatların birində balıqların qaraciyərində mikroplastika aşkar edilib. Bu hal plastik hissəciklərin həzm toxumalarından bədənin digər hissələrinə ötürülə biləcəyini ağıla gətirir.
Qidalardakı mikroplastların otaqlardakı tozdan qaynaqlandığına dair dəlillər də var. Yeməyimizin üzərinə qonan tozlardan ildə orta hesabla 70.000 mikroplastik ala biləcəyimiz müəyyən edilib. Fotoşəkildə insanların 5 ildə istehlak etdiyi plastik miqdarına (1,3 kq) uyğun gələn plastik məhsullar göstərilib.
Araşdırmanın nəticələrinə görə, insanlar hər həftə bir kredit kartı ölçüsündə plastik yeyirlər.
Plastikin istehlak sahələri gündən-günə genişlənsə də, son 50 ildə istehsalı tamamilə artmışdır.
4 il ərzində insanlar tərəfindən istehlak edilən plastik miqdarı demək olar ki, 1 kiloqrama çatır.
Bir insanın orta hesabla bir gündə istifadə etdiyi plastik miqdarı 0,7 qram olaraq göstərilir(deyerler.org)
18-12-2020, 05:19 | Twitter "Squad" tətbiqini satın aldı
Twitter ekran görüntüsünü bölüşmək imkanı yaradan "Squad" tətbiqini satın alıb.
Twitter şirkətinin satın alması ilə "Squad" tətbiqinin hansı formada yoluna davam edəcəyi də dəqiqləşib. Belə ki, şirkətin həmtəsisçiləri CEO Esther Crawford və CTO Ethan Suting öz komandaları ilə birlikdə Twitter-in dizayn, məhsul və mühəndislik şöbələrində çalışacaqlar. Bu alqı-satqı sayəsində Twitter platformasının sözügedən tətbiqə aid audio və video vasitələrdən istifadə edəcəyi iddia edilir.
Sosial media nəhənginin "Squad" tətbiqini satın almaq üçün nə qədər ödədiyi isə açıqlanmayıb.
Qeyd edək ki, "Squad" tətbiqi vasitəsilə insanlar real vaxt rejimində bir-birləri ilə ekran görüntüsünü bölüşə bilirlər. Bununla yanaşı, tətbiq vasitəsilə video zəng də həyata keçirmək mümkündür.(milli.az)
