17-06-2022, 07:35 | Məşhur modelin evinə polis girdi: Külli miqdarda narkotiklə ittiham olunur
Rusiya gözəllik kraliçasının evinə narkotik basqını edilib.
"Miss Dubay" gözəllik müsabiqəsinin ikincisi olan rusiyalı model Kristina Duxinanı narkotik alveri və satışına görə 20 il həbs cəzası gözləyir.
"Miss Dubay"da ikinci olan və eyni zamanda özünə məxsus model agentliyinin sahibi olan 34 yaşlı rusiyalı model Kristina Duxinanın Moskvadakı mənzilinə basqın edilib.
Duxinanın evinə basqın zamanı polisin yarım kiloqramdan çox narkotik tapdığı açıqlanıb.
Polis rus modeli saxlayıb.
Bildirilib ki, onu 20 il həbs cəzası gözləyir.
17-06-2022, 07:30 | Rusiyanı diz çökdürəcəksiniz? Yaxşı, edin!
Moskva Londonla münasibətlərdə heç bir manevr meydanı görmür.
gundem.az-a istinadən bildirir ki, bu sözləri Rusiya XİN başçısı Sergey Lavrov deyib.
"Həm Boris Conson, həm də XİN rəhbəri Elizabet Trass açıq şəkildə bəyan edirlər ki, Rusiyaya qalib gəlməlidirlər, Rusiyanı diz çökdürməlidirlər. Yaxşı, gəlin, diz çökdürün", - Lavrov BBC-yə müsahibəsində bildirib.
Lavrov qeyd edib ki, Britaniya hakimiyyəti yenə öz xalqının maraqlarını yalnız seçkiləri düşünən siyasətçilərin ambisiyasına qurban verir.
17-06-2022, 07:28 | Fransada istilərə görə yüksək təhlükə səviyyəsi elan olundu
Fransanın 12 departamentində istilər səbəbindən yüksək təbii təhlükə səviyyəsi elan olunub.
"qafqazinfo"-ya istinadən xəbər verir ki, bu barədə Fransanın Baş naziri Elizabet Börn özünün tviter səhifəsində yazıb.
"On iki departamentdə yüksək temperatura görə qırmızı təhlükə səviyyəsi elan edilib. Ayıq-sayıq olun, su için, sərin binalarda qalın, yaxınlarınızla əlaqə saxlayın", - deyə Baş nazir tövsiyə edib.
BFM telekanalı öz növbəsində dəqiqləşdirib ki, qırmızı zonaya ölkənin qərb və cənub-qərb departamentləri düşüb. Fransada yayın əvvəli üçün görünməmiş istilər hökm sürür. Bir sıra rayonlarda havanın temperaturu 40 dərəcəni ötüb.
17-06-2022, 06:47 | Patruşev İrəvanda səfərdədir
Rusiya Təhlükəsizlik Şurasının katibi Nikolay Patruşev İrəvana gəlib.
APA-ya istinadən xəbər verir ki, Patruşev burada Kollektiv Təhlükəsizlik Müqaviləsi Təşkilatı (KTMT) ölkələrindən olan həmkarları ilə görüşəcək.
Bildirilir ki, sabah İrəvanda KTMT-yə üzv dövlətlərin Təhlükəsizlik Şuraları Katibləri Komitəsinin iclası keçiriləcək.
İclasda təşkilat ölkələrinin təhlükəsizliyinə çağırış və təhdidlərin neytrallaşdırılması tədbirləri müzakirə olunacaq.
16-06-2022, 08:46 | Zelenski NATO və "G7" sammitlərinə dəvətləri qəbul edib
Ukrayna Prezidenti Volodimir Zelenski Almaniyada keçiriləcək "G7" sammitində və NATO-nun İspaniyanın paytaxtı Madriddə keçiriləcək sammitində iştirak etmək üçün dəvətləri qəbul etdiyini bildirib.
"Report"a istinadən bildirir ki, bu barədə Şərqi Avropa ölkəsinin başçısı tviterdə yazıb.
Ətraflı
"Almaniyada keçiriləcək "G7" sammitində kansler Olaf Şoltsun, NATO-nun Madriddə keçiriləcək sammitində NATO-nun Baş katibi Yens Stoltenberqin əsas beynəlxalq tədbirlərdə iştirak etmək üçün dəvətini minnətdarlıqla qəbul etdim", - siyasətçi yazıb.
Ukrayna Prezidentinin hər iki tədbirdə şəxsən və ya videokonfrans vasitəsilə iştirak edəcəyi məlum deyil.
16-06-2022, 07:20 | ABŞ-ın baş infeksionisti koronavirusa yoluxub
ABŞ Prezidentinin koronavirus pandemiyası ilə mübarizə üzrə müşaviri, baş infeksionist Entoni Fauçinin verdiyi testin cavabı müsbət çıxıb.
"report"a istinadən bildirir ki, bu barədə Milli Allergiya və Yoluxucu Xəstəlikləri İnstitutu məlumat yayıb.
Qeyd olunur ki, o, son günlər ABŞ Prezidenti Cozef Bayden və administrasiyanın digər yüksək vəzifəli şəxsləri ilə yaxından əlaqə saxlamayıb.
81 yaşlı Fauçidə orta dərəcədə simptomlar özünü göstərir. Hazırda o, məsafədən işləməyə davam edir.
16-06-2022, 07:16 | Türkiyə 400 milyard dollarlıq təbii qaz kəşf etdi: "Hələ hamısı deyil..."
"Qara dənizdəki təbii qazın bazar dəyəri 400 milyard dollardır. Quyulardan maksimum hasilat 2026-cı ildə olacaq və Türkiyənin enerji istehlakının 35 faizi buradan qarşılanacaq".
Bunu Türkiyənin Enerji və Təbii Sərvətlər naziri Fatih Dönməz deyib.
Nazir bildirib ki, 2023-cü ilin mart ayının sonunda gündəlik 10 milyon kubmetrlik ilkin hasilat gözlənilir: "İkinci mərhələdə 40 milyon kubmetr hədəfləyirik. 2026-cı ilə qədər ev təsərrüfatlarının bütün enerjisi buradan qarşılanacaq. 25-30 il yaşayış evlərində istifadə olunan qazın hamısı Qara dənizdən çıxacaq. Vətəndaşlarımızın rahatlığı bizim üçün prioritet məsələlərdən biridir".
Fatih Dönməz bütün işlərin eyni vaxtda həyata keçirdiyin də qeyd edib: "Onlardan birinin bitməsini gözləsəniz, layihə 10 il çəkəcək. Gələn ilin birinci rübündə qazı təhvil verəndə bir çox sahədə rekordlar qıracağıq. Cəmi 540 milyard kubmetr qaz aşkar etmişik.
Axtarışlarımız Qara dənizlə məhdudlaşmır. Biz Şərqi Aralıq dənizində fokuslanmışıq. İraq və İsrail qazının nəqli ilə Türkiyə əhəmiyyətli bir enerji bazasına çevriləcək. (publika.az)
16-06-2022, 07:08 | "Ukrayna hər gün 100 hərbçisini itirir"
ABŞ-ın hesablamasına görə Ukraynanın gündəlik hərbi itkiləri təxminən 100 ölü və 200-300 arası yaralıdır.
APA-ya istinadən bildirir ki, bunu ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Mark Milley Brüsseldəki mətbuat konfransında deyib.
"Müharibədəki itkiləri qiymətləndirmək hər zaman çətin olub. əksər vaxtlarda isə ilk dövrlərdə qiymətləndirmə yanlış olub. Bəzən düzgün qiymətləndirmə üçün aylar, illər tələb olunur. KİV-də görürük ki, Ukrayna Silahlı Qüvvələrində hər gün 100 nəfər ölür, 200-300 nəfər yaralanır. Deyərdim ki, bu bizim qiymətləndirməmizə yaxındır. Lakin dəqiq rəqəmi demək istəmirəm" - deyə general qeyd edib.
15-06-2022, 12:17 | Gürcüstana getmək istəyənlərə ŞAD XƏBƏR: PZR test tələbi LƏĞV EDİLDİ
Gürcüstan hökuməti xarici ziyarətçilər üçün tam vaksinasiya haqqında sənəd və PZR testinin mənfi cavabının təqdim edilməsi öhdəliklərini ləğv edib.
APA-ya istinadən bildirir ki, müvafiq qərarı ötən gün Gürcüstanın baş naziri İrakli Qaribaşvili imzalayıb. Qərara əsasən, bu gündən etibarən vətəndaşlığından asılı olmayaraq xaricdən gələn hər bir şəxs COVİD-19 virusu əleyhinə tam vaksinasiya pasportunu və son 72 saat ərzində əldə edilmiş PZR testinin mənfi cavabını təqdim etmək öhdəliyindən azad edilib.
15-06-2022, 10:47 | Rusiya Severodonetskin böyük hissəsinə nəzarəti ələ keçirib - Britaniya kəşfiyyatı
Bir aydan çox davam edən şiddətli döyüşlərdən sonra Rusiya qüvvələri Severodonetskin böyük hissəsinə nəzarəti ələ keçirib.
APA-ya istinadən bildirir ki, Böyük Britaniya Müdafiə Nazirliyinin kəşfiyyat xidmətinin məlumatında belə qeyd olunub. Bildirilib ki, Rusiyanın şəhər döyüşləri taktikası artilleriyadan güclü istifadəyə əsaslanır ki, bu da bütün şəhər boyunca genişmiqyaslı ölümlərə və dağıntılara səbəb olur.
Məlumatda qeyd olunub ki, Ukrayna Silahlı Qüvvələrinin elementləri yüzlərlə mülki şəxslə birlikdə Severodonetskin sənaye zonasında yerləşən "Azot" zavodunun bunkerlərinə sığınıblar.
Əlavə olunub ki, Rusiya qüvvələri "Azot" zavodunun daxilində və ətrafında qalmalı olacaqlar ki, bu da həmin bölmələrin yeni tapşırıqların icrası üçün digər yerlərə göndərilməsinin qarşısını müvəqqəti alacaq.
Məlumatda vurğulanıb ki, Rusiya ehtimal ki, işğalın orijinal planlaşdırılması zamanı bu cür güclü müqavimət və ya yavaş, aşındırıcı münaqişə gözləməyib.
