21-09-2021, 14:22 | “Pfizer”in uşaqlar üçün COVID peyvəndinin sınaqları uğurlu olub
ABŞ-ın "Pfizer" və Almaniyanın "BioNTech" şirkətlərinin ortaq istehsalı olan koronavirusa qarşı vaksinin uşaqlar üçün nəzərdə tutulmuş variantı klinik sınaqlardan uğurla keçib.
Bu barədə məlumat adıçəkilən şirkətlərin birgə bəyanatında öz əksini tapıb.
Qeyd olunub ki, preparat 5-11 yaşlıların COVID vaksinasiyası üçün hazırlanıb.
Hazırda peyvəndin sınaqlarının ikinci mərhələsi başa çatıb. Testlərdə 2 268 uşaq iştirak edib.
//oxu.az//
21-09-2021, 14:19 | Rusiyalı general sərsəmlədi - Ermənidən artıq erməni oldu
Qatı ermənipərəst və qaragüruh mövqeyi ilə seçilən rusiyalı general Mixail Moiseyev növbəti dəfə sərsəm fikirlər səsləndirib. Ermənistanda faşist əlaltısı Qaregin Njdeyə abidə qoyulan zaman susan bu üzdəniraq hərbçi azərbaycanlıların ünvanına tənqid və təhqir səsləndirib. İddia edib ki, Qarabağda vaxtilə faşistlərə qarşı döyüşən sovet marşalı Sergey Xudyakovun (Armenak Artemoviç Xanferyants) abidəsi "vandalcasına dağıdılıb". Halbuki həmin abidə 44 günlük müharibə zamanı elə ermənilərin özləri tərəfindən də dağıdıla bilər. Ümumiyyətlə, hələ bu faktın özü də təsdiqini tapmayıb. General "ümid edirik ki, Azərbaycan rəhbərliyi və ictimai təşkilatları bu cür iyrənc və vəhşi təzahürlərə və hər bir vətəndaş, vətənpərvər üçün əziz olan ən müqəddəs şeyə əl qaldıranlara lazımi qiymət verəcək" deyib.
Maraqlıdır, bu üzdəniraq general niyə vaxtilə işğal altında olan Azərbaycan torpaqlarında dağıdılan abidələr, Böyük Vətən müharibəsində həlak olan azərbaycanlıların heykəlləri vandalcasına dağıdılanda susurdu? Çox güman ki, erməni ağalarından aldığı pulun təsirindən bunu etməyə cürəti çatmayıb. Qeyd etdiyimiz kimi, İrəvanın mərkəzində faşistlərə əməkdaşlığı tarixi faktlarla sübuta yetirilən Njdenin az qala 20 metrə çatan abidəsi ucaldılıb. Abidənin qoyulmasından isə 6 ilə yaxın vaxt keçir.
Düzdür, bir neçə il əvvəl Rusiyanın müxtəlif dairələrində Ermənistanda faşizmin qəhrəmanlaşdırılmasına qarşı çıxışlar oldu. Lakin 44 günlük müharibəyə qədər. Müharibədən sonra Rusiya rəsmiləri bu abidə barəsində bir kəlmə olsun belə danışmaq istəmirlər. İndi isə Rusiyanın qaragüruhçu bir hərbçisi faktları araşdırmadan, abidənin hansı şəraitdə dağıdılmasına toxunmadan belə bir cəfəng təhqir və tənqidlər səsləndirir.
Kamran Seyidov
Milli.Az
20-09-2021, 07:12 | Britaniyada son sutkada koronavirusdan 56 nəfər həyatını itirib
Böyük Britaniyada son sutka ərzində 29 612 nəfər koronavirusa yoluxub. Bununla da koranavirusa yoluxanların ümumi sayı 7 429 746 nəfərə çatıb.
Bu barədə ölkənin Səhiyyə Departamenti məlumat yayıb.
Son sutka ərzində 56 nəfər koronavirusdan həyatını itirib. Hazırda Britaniyada koronavirusdan ölənlərin ümumi sayı 135 203 nəfərə çatıb.//APA//
20-09-2021, 07:04 | Vahid Rusiya Partiyası parlament seçkilərində 45,2 faizlə liderdir
Vahid Rusiya Partiyası Dövlət Dumasına seçkilərdə partiya siyahısı üzrə seçicilərin 45,2 faiz toplayaraq və zəruri olan 5 faizliklik keçid baryerini aşaraq, parlamentdə təmsil olunan digər siyasi təşkilatları - Rusiya Federasiyası Kommunist Partiyası, Rusiya Liberal Demokrat Partiyası və "Ədalətli Rusiya"nı üstələyib.
İNSOMAR şirkəti tərəfindən seçicilər arasında keçirilmiş sorğuya - "exit poll"un nəticələrinə əsasən "Vahid Rusiya" 45,2 faiz, Rusiya Federasiyası Kommunist Partiyası - 21 faiz, Rusiya Liberal Demokrat Partiyası - 8,7 faiz, "Ədalətli Rusiya" - 7,9 faiz səs toplayıblar. Qeyri-parlament partiyalarından ən yaxşı nəticəni 4,7 faiz səslə "Yeni insanlar" Partiyası göstərib.
VIII çağırış Dövlət Dumasına üçgünlük seçkilər yerli vaxtla saat 20:00-da (Bakı vaxtı ilə saat 21:00-da-red) başa çatıb. İlkin rəsmi nəticələrə əsasən, səsvermələrdə Vahid Rusiya Partiyası liderdir.
Trend
20-09-2021, 06:48 | ABŞ-da hərbi təyyarə qəzaya uğrayıb, xəsarət alanlar var - FOTO
ABŞ-ın Hərbi Hava Qüvvələrinin təlim təyyarəsi qəzaya uğrayıb.
Bu barədə Fort-Uort şəhərinin yanğınsöndürmə idarəsinin tvitterdəki səhifəsində bildirilir.
Məlumata görə, hadisə Texas ştatında olub. Qeyd edilir ki, təyyarə yaşayış məntəqəsinə, evin üstünə düşüb. Qəza zamanı evdə olan iki nəfər (bəzi mənbələrə görə, üç nəfər-red) xəsarət alıb. Yaralılar xəstəxanaya çatdırılıb. "Report"
20-09-2021, 06:11 | İran Azərbaycanla sərhəddəki təlimə SEPAH-ı cəlb etdi
İran Azərbaycan ilə sərhəddə, Culfa-Aslandüz-Muğan istiqamətində hərbi təlimlərə start verir. Təlim ilə bağlı SEPAH tərəfindən hərbi silahlar və texnikanın daşınması davam edir.
Hərbi təchizatlar arasında İran istehsalı olan "Tufan" zirehli hərbi maşını da gözə dəyib.
Azərbaycan-Türkiyə, Azərbaycan-Türkiyə-Pakistan birgə hərbi təlimindən və Gorus-Qafan yolundakı məlum insidentdən sonra İran Azərbaycanla sərhəddə hərbi təlim keçirməyə qərar verib.
Musavat.com
6-09-2021, 10:08 | Əfqanıstan respublikadan əmirliyə keçir
Taliban hakimiyyəti altında olan Əfqanıstan respublikaçı konstitusiyanı əvəz etmək üçün mütləq yeni bir konstitusiyaya ehtiyac duyacaq.
Bunu Əfqanıstan parlamentinin aşağı palatasının baş katibi Əbdülqədir Zazai Vətəndost deyib.
"Taliban mövcud konstitusiyanı qəbul etmir və eyni zamanda öz konstitusiyası da yoxdur. Onlar hər şeydən əvvəl yeni bir əsas qanuna ehtiyac duyacaqlar", - deyə o, qeyd edib.
Ölkə parlamentinin işinin perspektivləri ilə bağlı Vətəndost qeyd edib ki, Əfqanıstanda indi respublika quruluşundan əmirliyə keçid var və bu, parlamentin olmasını nəzərdə tutmur. Ancaq o, bu qanunverici orqanın ləğv edilib-edilməyəcəyi sualına cavab verməyib.
6-09-2021, 10:04 | Müxaliflərdən Bəşər Əsədə xəbərdarlıq
Əsəd rejimi və tərəfdarları Dera vilayətinə hücumları dayandırmazsa, hər hansı siyasi razılaşmaya sadiq qalmayacağıq.
Bu sözləri Suriya Müxalif və İnqilabi Qüvvələr Milli Koalisiyasının rəhbəri Səlim əl-Muslat deyib
"Xalqımızın qatil rejim tərəfindən məhv edilməsinə göz yuma bilmərik", - deyə Muslat bildirib.
Qeyd edilir ki, son həftələrdə Əsəd qüvvələri Dera vilayətində mülki şəxsləri hədəf almaqda davam edir.
30-08-2021, 06:54 | İsraildə üçüncü doza vaksinin vurulma yaşı 12-yə endirildi
İsraildə 12 yaşdan yuxarı şəxslərə üçüncü doza koronavirus vaksininin vurulmasına başlanılır.
Bu barədə ölkənin Səhiyyə Nazirliyi qərar qəbul edib.
Üçüncü dozanın vurulması üçün ikinci dozadan beş ay keçməsi əsas şərtdir.
"qafqazinfo"
30-08-2021, 06:50 | Avstriyalı virusoloq: Hazırkı tədbirlər pandemiyanın qarşısının alınması üçün yetərli deyil
Avstriyalı virusoloq Dorotee fon Laer koronavirusla bağlı ölkədəki gedişatla bağlı narahatlıq bildirib.
Mütəxəssis hazırkı inkişafın kütləvi yoluxma ilə müşayiət olunan payız dalğasına doğru getdiyini bildirib. Qeyd edilib ki, hökumət tərəfindən tətbiq edilən məhdudlaşdırıcı tədbirlər yetərli deyil və yoluxma statistikası artaraq davam edəcək. D. fon Laer yeni lokdaunun mümkünlüyü barədə də xəbərdarlıq edib.
Virusoloq bildirib ki, "Delta" ştamının özü ilə gətirdiyi effektivliyi ciddi şəkildə nəzərə almaq lazımdır. İndiki mərhələdə nə qədər insanın tez bir zamanda peyvənd olunması mühüm əhəmiyyət daşıyır. Yalnız bu yolla qarşıdakı dalğanı zəiflətmək və mümkün lokdaun variantlarının qarşısını almaq olar.
D. fon Laer, həmçinin qeyd edib ki, hazırda Avstriyada əhalinin 70 faizinin koronavirusa qarşı immun olduğu qənaətindədir. Onların əsas hissəsi peyvənd olunanlar, az bir hissə isə xəstəlikdən sağalanlardır.
Virusoloq bildirib ki, ölkə əhalisinin daha 10 faizi qışa kimi peyvənd olunarsa və həmçinin risk qrupuna daxil olan şəxslər təkrar peyvəndləmədə iştirak edərlərsə, o zaman qarşıdakı qış mövsümünü ağır fəsadlar olmadan keçirmək mümkün olacaq.
Qeyd edilməlidir ki, Avstriyada iyulun əvvəlində gündəlik yoluxmaların sayı təxminən 100 olub və indi 1500 haldan yuxarıdır. Son həftələrin artım tendensiyası payız aylarında ölkədəki epidemioloji vəziyyətin gərginləşə biləcəyinə dəlalət edir.
AZƏRTAC-
