3-06-2021, 09:20 | ABŞ bu şəxs haqda məlumata görə 7 milyon dollar təklif edir
ABŞ Dövlət departamenti "İslam məğribi ölkələrində Əl Qaidə" terror qruplaşmasının rəhbəri Əbu Ubeyda Yusuf əl-Anabinin harada olduğunun müəyyənləşdirilməsi ilə bağlı informasiyaya görə 7 milyon dollar mükafat təklif edib.
Bu barədə Dövlət Depatamentinin press-relizində bildirilib.
"Dövlət departamentinin proqramı "İslam Məğribi ölkələrindəki Əl-Qaidə" terror təşkilatının lideri Əbu Ubeyda Yusuf əl-Anabinin yerini və ya identifikasiyasını təyin edən məlumatlara görə 7 milyon dollar mükafat təklif edir", - məlumatda deyilir.
Müvafiq sənəddə qeyd olunur ki, 2020-ci ilin noyabrında qruplaşma Fransa Silahlı Qüvvələrinin xüsusi təyinatlıları tərəfindən əvvəlki başçı Əbdülmalik Drukdelin 2020-ci ilin iyun ayında zərərizləşdirilməsindən sonra əl-Anabini yeni lider elan edib.
Trend
3-06-2021, 06:45 | 156 nəfər insanları qəsdən koronavirusa yoluxdurmaqda ittiham edilir
Çexiyada koronavirus pandemiyası dövründə polis 156 nəfər barəsində qəsdən xəstəliyə yoluxdurma ittihamı irəli sürüb.
Bu barədə ölkə Baş Prokurorluğunun hesabatında deyilir.
Həmin şəxslərin təqsiri sübut olunacağı təqdirdə 12 ilədək həbs cəzası verilə bilər.
Hesabata əsasən, 2020-ci ilin mart-may aylarında, pandemiyanın birinci dalğasında 14 nəfər insanları qəsdən yoluxdurmaqda şübhəli bilinib. 2020-ci ilin oktyabrından 2021-ci ilin aprelinədək isə bu əməldə 142 nəfər ittiham olunub.
Çexiya qanunvericiliyinə əsasən, qəsdən yoluxdurma əməlinə görə 3 il həbs, fövqəladə rejim zamanı 8 il həbs cəzası verilir. Yoluxdurma nəticəsində 2 və daha artıq şəxsin ölməsi təqdirində 12 ilədək həbs cəzası nəzərdə tutulub.
Trend
2-06-2021, 08:40 | ABŞ-da yanğın stansiyasında atışma olub, ölən var
ABŞ-ın Aqua-Dulse (Kaliforniya ştatı) şəhərində yanğın stansiyasında atışma baş verib.
Trend-in məlumatına görə, bu barədə ABC televiziya şirkəti bildirib.
Məlumata əsasən, atışma nəticəsində ən azı bir nəfər həlak olub.
Yanğınsöndürmə bölməsinin binasında atışma əməkdaşlarından biri tərəfindən açıldığını ehtimal edilir.
Atışma nəticəsində ən azı bir yanğınsöndürən həlak olub. Daha bir əməkdaş isə yaralanaraq yaxınlıqdakı xəstəxanaya aparılıb.
2-06-2021, 08:32 | Ağ Evin bütün əməkdaşları işlərini iyul ayında ofisdə davam etdirəcəklər
Koronavirus pandemiyası səbəbindən məsafədən işləyən Ağ Evin əməkdaşları iyul ayında işlərini ofisdə davam etdirəcəklər.
Işçilər 6-23 iyul tarixləri arasında mərhələli şəkildə tam iş gününə qayıdacaqlar.
Eyni zamanda, işçilərin ofisdə işləməsinə mane olacaq hər hansı səbəb olarsa, rəhbərliyin razılığı əsasında məsafədən işləməyə icazə veriləcək.
"Forbes" jurnalının məlumatına görə, Ağ Ev işçilərinin 80-90 faizi bu il yanvar ayında - ABŞ Prezidenti Co Baydenin andiçmə mərasimindən bəri məsafədən çalışırlar.
Federal binalarda yalnız əməkdaşların 25 faizinə ofisdə işləmək imkanı verilib.
APA
2-06-2021, 08:29 | ABŞ-ın BMT-dəki daimi nümayəndəsi 2-4 iyun tarixlərində Türkiyəyə səfər edəcək
ABŞ-ın BMT-dəki daimi nümayəndəsi Linda Tomas-Qrinfild Türkiyədə 2-4 iyun tarixlərində Suriyaya sərhədyanı yardım mexanizminin uzadılması perspektivlərini müzakirə edəcək.
Bu barədə BMT-nin Amerika missiyası bildirib.
Məlumatda qeyd olunub: "Səfir ABŞ-Türkiyə münasibətlərinin möhkəmləndirilməsini müzakirə etmək üçün Türkiyənin yüksək səviyyəli rəsmiləri ilə görüşəcəkdir; qlobal problemlərin həlli üçün NATO müttəfiqlərimizlə işləmək; qaçqın böhranı da daxil olmaqla Suriya mövzusunda əməkdaşlığın yaxşılaşdırılması, habelə sərhədyanı yardımın göstərilməsində və Suriyalı qaçqınlara kömək edilməsində Türkiyənin vacib rolu".
Trend
2-06-2021, 08:20 | BMT Təhlükəsizlik Şurası Əfqanıstandakı vəziyyətlə əlaqədar yüksək səviyyəli görüş keçirəcək
BMT Təhlükəsizlik Şurası (TŞ) 22 iyun tarixində Əfqanıstandakı vəziyyət və bəynəlxalq təşkilatının bu ölkədəki missiyası ilə əlaqədar yüksək səviyyəli görüş keçirməyi planlaşdırır.
Bunu Estoniyanın BMT-dəki Daimi Nümayəndəsi Sven Yurqenson iyun ayında BMT Təhlükəsizlik Şurasına (TŞ) Estoniyanın sədrliyinin başlaması ilə əlaqədar keçirdiyi mətbuat konfransında bildirdi.
O qeyd edib: "UNAMA, Əfqanıstan üzrə yüksək səviyyəli görüş keçirməyi planlaşdırırıq, bu mütəmadi bir görüş olacaq".
BMT Təhlükəsizlik Şurasının iyun ayı iclaslarının cədvəlində bu tədbirin 22 iyun tarixində keçirilməsi planlaşdırılır.
Trend
2-06-2021, 08:18 | İsraildə 11-ci prezident seçkiləri keçiriləcək
İsrailin yeni prezidentinin seçkiləri Knessetdə (ölkə parlamenti) keçiriləcək. İyul ayının ilk ongünlüyündə seçilən namizəd Reuven Rivlini əvəz edəcək və Yəhudi dövlətinin 11-ci başçısı olacaq.
Trend-in "TASS"a istinadən verdiyi məlumata görə, bu barədə parlamentin mətbuat xidməti bildirib. İsrailin növbəti prezidentinə seçkilər 2 İyunda baş tutacaq. Məlumata əsasən, prezident seçkiləri Knesset plenumunda gizli səsvermə yolu ilə keçiriləcək.
Qarşıdakı seçkilərdə prezidentliyə iki namizəd var. Bu, İsrail üçün Yəhudi Agentliyi "Sokhnut" un 2018-ci ildən bəri rəhbəri olan İzhak Herzog və Miriam Peretzdir - ölkə tarixində ikinci qadın prezidentliyə namizəd, 2018-ci ildə "İsrail ruhunun gücləndirilməsinə" verdiyi töhfəyə görə nüfuzlu İsrail mükafatına layiq görülmüşdür.
Hazırkı prezident Reuven Rivlinin səlahiyyət müddəti 9 iyulda başa çatır. Qanuna görə, xələfinin seçimi bu tarixdən ən geci 30 gün əvvəl keçirilməlidir.
2-06-2021, 08:04 | Lavrov NATO-nun Rusiyaya qarşı planlarından danışdı
"NATO-nun Rusiyaya qarşı pis niyyətli planları var".
Bunu Rusiyanın xarici işlər naziri Sergey Lavrov deyib.
O bildirib ki, NATO-nun Rusiya sərhədlərinə doğru irəliləməyə son verməsi NATO-nin öhdəliklərindən biridir:
"Artıq bunu görməzdən gəlməklə də kifayətlənmirlər. missal üçün, Avropa-Atlantikdəki heç kimin təhlükəsizliyini başqalarının təhlükəsizliyinə zərər verəcək şəkildə gücləndirməməsinin zəruriliyinə dair məsələni, yəni təhlükəsizliyin bölünməzliyi prinsipini yenidən təsdiq etmələrini təklif etdiyimiz zaman bu prinsipdən yayınırlar və yenidən təsdir etməkdən qorxurlar.
Nəticə çox sadədir. Deməli, Rusiyaya qarşı bir sıra pis niyyətli planları var. yanılmış olmaq istəyirəm".
!
XİN rəhbəri qeyd edib ki, Rusiya NATO ilə təmas xəttindəki gərginliyin azaldılmasını müzakirə etməyə hazırdır:
"Bir daha vurğulamaq istəyirəm, təmas xəttindəki hərbi gərginliyi azaltma vəzifələri NATO üzvlərinin və Rusiyanın yüksək səviyyədə imzaladığı prinsiplərə geri dönülməsini hər zaman müzakirə etməyə hazırıq. Bir daha təkrar edirəm, real təkliflərimiz Brüsseldə təhlil olunur"."qafqazinfo"
2-06-2021, 08:00 | Daha bir ölkədə “lokdaun” elan edildi
Malayziyada son günlərdə koronavirusa yoluxmanın qarşını almaq məqsədilə "lokdaun" elan edilib.
"Anadolu" agentliyi xəbər verir ki, qadağalar iyunun 14-dək davam edəcək.
Vətəndaşların təməl ehtiyaclar və fövqəladə hallar xaricində yaşadıqları yerdən 10 kilometrdən artıq uzaqlaşması qadağandır.
Müəssisələrdə işçi sayı azaıdılıb, təhsil tamamilə onlayn sistemə keçib.
Əsas ehtiyac məhsulları satılan mağazalar xaricində, əvvəllər açıq olan alış-veriş mərkəzləri bağlanıb.
1-06-2021, 06:48 | Hindistan ştammı qorxunc sürətlə yayılır: daha betər pandemiya gəlir...
Kütləvi vaksiyasiyanın və digər amillərin təsiri ilə Azərbaycan da daxil olmaqla dünyanın bir sıra ölkələrində karantin rejiminin yumşaldıldığı bir vaxtda alimlər koronavirusun Hindistan ştammının getdikcə təhlükəli xarakter aldığı barədə xəbərdarlıq edirlər.
Sinqapurun Milli Universiteti nəzdində ictmai səhiyyə Məktəbinin dekanı, professor Tek İk İn bildirib ki, COVİD-19 virusunun Hindistan ştammı dünyada dominanta çevrilir və sonradan daha ciddi pandemiyaya səbəb ola bilər. Bu haqda "The Straits Times" nəşri yazır.
Onun sözlərinə görə, Hindistan ştammı "qorxunc sürətlə" yayılır və mütəxəssislərin yoluxanları vaxtında təcrid etmək, habelə virusun ötürülmə zəncirini qırmaq üçün göstərdiyi səyləri üstələyir. Professor xüsusən ictimai səhiyyənin zəif olduğu ölkələrdə virusun yeni-yeni ştammlarının meydana çıxacağı haqda xəbərdarlıq edib.
"Hətta koronavirusla effektiv şəkildə mübarizə aparan Vyetnam xəstəliyin yeni dalğası ilə üzləşib və hakimiyyət orada Hindistana Britaniya ştammlarının hibridini təşkil edən yeni variant aşkarlayıb",-professor deyib. Mütəxəssis bildirib ki, indiki situasiyada ən effektiv vasitə vaksindir, çünki vaksin yoluxma riskini azaldır, habelə yoluxma halında təhlükəli simptomların inkişafı riskini aşağı salır.
Mütəxəssislər virusun yeni ştammları barədə xəbərdarlıq etdiyi bir vaxtda dünyada COVİD-19 virusunun mənşəyi barədə diskussiyalar yenidən qızışıb. Ümumdünya Səhiyyə Təşkilatının mütəxəssisləri araşdırmadan sonra Çin hakimiyyəti ilə birgə bəyan ediblər ki, virusun yarasadan insana keçməsi prioritet versiyadır. Lakin ABŞ hakimiyyəti, nüfuzlu Harvard və Stenford universitetlərinin alimləri bu versiyanı qəti rədd edir. Virusun Çinin Uhan şəhərindəki hərbi laboratoriyada süni şəkildə hazırlandığını və oradan ətrafa sızdığını bildirirlər.
ABŞ Dövlət Departamentinin keçmiş əməkdaşı həmin laboratoriyada işləyən alimlərdən birinin hələ pandemiyanın başlamasından bir neçə ay əvvəl koronavirusdan öldüyünü açıqlayıb. Diplomat virusun süni mənşəli olduğuna dair çoxsaylı dəlillərin olduğunu bildirib.
Devid Aşer Donald Trampın administrasiyası dövründə koronavirusun mənşəyini araşdıran qrupda yer alıb. O deyir ki, Uhan laboratoriyasında işləyən alimin arvadı koronavirusdan hələ Çin hakimiyyətinin bu virusun mövcudluğunu təsdiqləməsindən əvvəl, 2019-cu ilin dekabrında ölmüşdü. Daha sonra Çin hakimiyyəti virusun insandan insana keçmədiyinə inandırmağa çalışırdı. Bir ay sonra mütəxəssislər virusun insandan insana keçdiyini sübuta yetirdilər və pandemiya elan olundu. Keçmiş amerikalı diplomat deyir ki, Çin hakimiyyətinin bu rəftarı virusun bütün dünyaya yayılmasına imkan verdi. Devid Aşer virusun yarasalardan insana keçməsi barədə versiyanı "gülməli" adlandırıb və deyib ki, Çinin Uhan laboratoriyası sintetik biologiyanın əsas mərkəzidir, orada viruslar üzərində təhlükəli eksperimentlər apararaq "yaşam qabiliyyətini" artırmağa çalışırlar.
Aşerin sözlərinə görə, Çin laboratoriyasında işlənib hazırlanan virus variantları "heç nəyə oxşamır", onların təbii evolyusiya yolu ilə meydana gələn viruslarla heç bir əlaqəsi yoxdur. "Mən bizim milli laboratoriyalarımızdan birində biostatistika üzrə mütəxəssislərdən bu haqda soruşdum. Onlar belə virusun təbii yolla meydana çıxması ehtimalının əvvəlcə 13 milyonda 1 olduğunu bildirdilər, daha sonra qənətlərinə yenidən baxaraq 13 milyardda bir olduğunu dedilər",-keçmiş amerikalı diplomat bildirib.(virtualaz.org)
