18-12-2020, 06:07 | Avstriyada koronavirusa qarşı vaksinasiya prosesi bu il başlaya bilər
Avstriyada koronavirusa qarşı vaksinasiya kampaniyasına bu il start verilə bilər. Bunun üçün "Pfizer" və "BioNTech" kompaniyalarının birgə hazırladıqları peyvənddən istifadəyə Avropa İttifaqı tərəfindən icazə prosesinin yekunlaşması lazımdır.
AZƏRTAC bildirir ki, icazə verilən kimi Avstriyada vaksinasiya kampaniyasının ilk mərhələsi start götürəcək və istehsalçı şirkətlərlə bağlanmış müqaviləyə əsasən, 10 min dozadan ibarət ilk tranş bu ilin sonunadək ölkəyə gətirilə bilər. Avstriya Federal Səhiyyə Nazirliyinin COVID-19 üzrə xüsusi nümayəndəsi Klemens Martin Auer icazə alınandan sonra dekabrın 28-dək Avstriyada koronavirusa qarşı ilk peyvəndin insanlara vurulmasını mümkün hesab edib.
Vaksinasiya kampaniyasının ilk mərhələsi ahıllar evləri və tibbi heyət üçün nəzərdə tutulur, yanvar ayında isə Avstriyaya daha 240 min doza gətiriləcək. 2021-ci ilin ilk rübü ərzində "Pfizer" və "BioNTech"in birgə istehsalı olan peyvəndin ümumilikdə 900 min dozası Avstriya qurumlarının sərəncamına verilməlidir.
Qeyd edilməlidir ki, Avropa Dərman Agentliyi (EMA) "Pfizer" və "BioNTech"in birgə istehsalı olan peyvəndin keyfiyyəti, təhlükəsizliyi və effektivliyi barədə rəyini dekabrın 21-də, Avropa Komissiyası isə dekabrın 23-dək yekun qərarını elan edəcək.
18-12-2020, 06:05 | COVID-19 peşə xəstəliyi sayılacaq - Türkiyədə
COVID-19-un peşə xəstəliyi sayılmasını ehtiva edən layihə qısa müddətdə Türkiyə Böyük Millət Məclisində müzakirəyə çıxarılacaq.
Bağlı Prezident Rəcəb Tayyib Ərdoğan təlimat verib.
R.T.Ərdoğan Nazirlər Kabinetinin son iclasında Ailə, Əmək və Sosial Xidmətlər naziri Zəhra Zümrüd Səlcuq ilə Səhiyyə naziri Fəxrəddin Kocadan layihə ilə bağlı hesabat istəyib.
Nazirliklər hesabatı növbəti iclasda prezidentə təqdim edəcək.
Ailə, Əmək və Sosial Xidmətlər Nazirliyindən verilən məlumata görə, kadrlı səhiyyə işçiləri üçün belə qərar mövcuddur. Növbəti qərar müqavilə əsasında işləyənləri əhatə edəcək. (publika.az)
18-12-2020, 06:00 | Böyük Britaniyada bir həftə ərzində 130 mindən çox insana peyvənd vurulub
Böyük Britaniyada bir həftə ərzində 130 mindən çox insana peyvənd vurulub.
AZƏRTAC bildirir ki, peyvəndin tətbiq olunmasına məsul şəxs Nadim Zahavi öz "Tvitter" hesabında dekabrın 8-dən 15-nə kimi 137 min 897 nəfərə Pfizer / BioNTech peyvəndinin vurulduğunu qeyd edib. O, bunun yaxşı başlanğıc olduğunu söyləyib.
Bu həftə daha 10 xəstəxana bu proqrama qoşulacaq.
Qeyd edək ki, dekabrın 8-dən etibarən Böyük Britaniyada Pfizer / BioNTech şirkətlərinin hazırladığı koronavirus peyvəndi 70-dən çox xəstəxanada tətbiq olunmağa başlayıb. Şimali İrlandiyanın Enniskilen şəhərində yaşayan 90 yaşlı Margaret Kinan adlı qadın, peyvəndin tətbiq olunduğu ilk insan olub.
18-12-2020, 05:58 | Türkiyədən VACİB QƏRAR: Bu sosial media hesabları bağlanır
Türkiyənin hakim Ədalət və İnşaf Partiyası (AK Parti) TBMM-ə yeni təkliflər verib.
Təklifə əsasən Türkiyədə terror təşkilatlarına qarşı mübarizədə daha bir vacib addım atılacaq.
* Terrorizmin maliyyələşdirilməsinin qarşısını almaq üçün dünya ilə koordinasiya edilərək struktur tənzimləmələr ediləcək. Terror təşkilatlarına maliyyə dəstəyi verənlərin aktivləri qısa müddətdə dondurulacaq.
* Terror təşkilatlarının sosial media hesabları bağlanacaq və bu proses sürətlənəcək.
AKP Qrup Başçı Mehmet Muş bildirib ki, bu qərar 48 saat ərzində məhkəməyə təqdim ediləcək və bundan sonra məhkəmə 5 gün ərzində qərar verəcək. (publika.az)
18-12-2020, 05:43 | Hər 27 milyon ildən bir canlıların kütləvi məhvinə səbəb olan hadisə təkrarlanır
Amerika Birləşmiş Ştatlarının Nyu-York Universitetinin alimləri, Yerdəki heyvanların, o cümlədən amfibiyalar, sürünənlər, məməlilər və quşların kütləvi şəkildə məhv olmasının tsiklik baş verdiyini aşkar ediblər.
Bu proses hər 27 milyon ildən bir baş verir və qlobal təbii fəlakətlərlə üst-üstə düşür.
Tədqiqat göstərir ki, Yer tarixində yox olma böyük asteroid təsirləri və geniş lava axını ilə müşayiət olunan vulkan püskürmələri nəticəsində baş verir.
"Daşqın bazalt vulkanizmi yaradan böyük cisimlərin düşməsi və Yerin daxili fəaliyyətinin impulsları, Qalaktikadakı orbitin sönməsi ilə birlikdə 27 milyon illik dövrdə baş verə bilər", - deyə araşdırma müəllifləri qeyd ediblər.
Belə ki, 66 milyon il əvvəl planetdəki bütün həyatın 70 %-i asteroid zərbəsindən sonra tükənib. Sonradan, paleontoloqlar belə kütləvi sönmələrin təsadüfi bir hadisə olmadığını, müəyyən bir dövriyyəyə sahib olduğunu kəşf ediblər.
Yeni elmi əsərin müəllifləri quru heyvanlarının kütləvi şəkildə məhv olması barədə məlumatları araşdıraraq, okean həyatının yox olması ilə üst-üstə düşdüyü qənaətinə gəliblər.
Onlar yeni statistik təhlillər apararaq, bu hadisələrin təxminən 27,5 milyon illik bir dövrü əhatə etdiyini hesablayıblar.
Kütləvi məhv olma yeganə dövri hadisə deyil. Yer səthinə düşən asteroidlər və kometlərin yaratdığı toqquşma kraterlərinin yaşı da həmin vaxt çərçivəsinə uyğundur.
Astrofiziklər Günəş sistemində hər 26-30 milyon ildən bir komet yağışlarının baş verdiyini, planetlərə çırpıldığını və kütləvi şəkildə yox olmaya səbəb olduğunu irəli sürüblər.
"Artıq məlumdur ki, quruda və dənizdə növlərin üç dəfə kütləvi məhv olması son 250 milyon ildəki üç ən böyük kosmik təsirlə eyni vaxtda baş verib", - deyə alimlər bildiriblər.
Yeni məlumatlar sübut edib ki, fəlakətlərin səbəbi yalnız kosmosda deyil. Qurudakı və okeanlardakı səkkiz kütləvi yox olma bazalt püskürmələri ilə üst-üstə düşüb. Bu püskürmələr buz dövrləri, turşu yağışı, ozon tükənməsi və radiasiya səviyyəsinin artması ilə müşayiət olunmalı idi.(ted.az)
18-12-2020, 05:24 | Gələn il kömür əsasında elektrik enerjisi istehsalı artacaq
Dünya üzrə kömür əsasında elektrik enerjisi istehsalı 2020-ci ildə tarixin ən kəskin 5 faizlik geriləməsindən sonra 2021-ci ildə 3 faiz artacaq.
Beynəlxalq Enerji Agentliyinin (İEA) hesabatına görə, qaz elektrik stansiyalarındakı enerji istehsalı bu il 2 faiz azalacaq, gələn il isə 1 faiz artacaq. Nəticədə enerji sektorunda karbon qazı tullantılarının həcmi bu ildə 5 faiz azaldıqdan sonra gələn il 2 faizədək artacaq.
Bununla yanaşı 2020-ci ildə bərpa olunan mənbələr hesabına elektrik enerjisi istehsalının 7 faiz artacağı gözlənilir. Buna baxmayaraq, hələ 2021-ci ildə də inkişaf edən ölkələrdə elektrik enerjisinə tələbatın artım sürəti qaz və kömür elektrik stansiyalarının sıradan çıxmasını əngəlləyəcək.(deyerler.org)
18-12-2020, 05:09 | ABŞ-ın sanksiyaları Türkiyənin müdafiə sənayəsinə təsir etməyəcək
ABŞ-ın Ankaraya qarşı S-400 sistemlərinin almasına görə tətbiq etdiyi sanksiyalar Türkiyənin müdafiə sənayəsinə təsir göstərməyəcək.
ted.az bildirir ki, bunu Türkiyənin müdafiə sənayesi idarəsinin rəhbəri İsmayıl Dəmir tvitter hesabında yazıb.
"Mənə və ya müəssisəmizə qarşı xaricdə qəbul edilmiş hər hansı qərar mənim və ya komandamın mövqeyini dəyişməyəcək. Bu, Türkiyənin müdafiə sənayesinə mane olmayacaq", - deyə Dəmir yazıb.
O, həmçinin Türkiyənin Prezidenti Rəcəb Tayyib Ərdoğanın rəhbərlik etdiyi müdafiə sənayesinin tam müstəqilliyə nail olmaq üzrə addımlar atdığını da vurğulayıb.
17-12-2020, 06:55 | Moskvada koronavirusdan daha 76 nəfər ölüb
Rusiyanın paytaxtı Moskvada ötən sutka ərzində yeni növ koronavirusdan 76 nəfər ölüb.
Bu barədə Moskvada koronavirusla əlaqəli vəziyyətin monitorinqi üzrə operativ qərargahdan bildiriblər.
Məlumatda deyilir: "Bu gün Moskvada pnevmoniya diaqnozu qoyulan və koronavirus infeksiyası aşkarlanmış 76 xəstə dünyasını dəyişib".
Qeyd edək ki, ümumilikdə Moskvada koronavirusdan ölənlərin sayı 10 171 nəfərə çatıb.(Trend)
17-12-2020, 06:05 | Türkiyədə koronavirusdan sağalanların sayı 1,69 milyonu keçib
Türkiyədə son 24 saat ərzində yeni növ koronavirusdan (COVİD-19) daha 240 nəfər dünyasını dəyişib.
Trend xəbər verir ki, bu barədə Türkiyənin səhiyyə naziri Fahrettin Koca bildirib.
Nazir bildirib ki, koronavirusdan ölənlərin ümumi sayı 17 121 nəfərə çatıb.
Onun sözlərinə görə, ölkədə 29 718 yeni yoluxma halı qeydə alınıb, yoluxanların ümumi sayı 1 928 165 nəfərə çatıb.
Nazir bildirib ki, ötən gün koronavirusdan 29 922 nəfər sağalıb, koronavirusdan sağalanların ümumi sayı 1 691 113 nəfər təşkil edir.
17-12-2020, 05:55 | ABŞ İrana tətbiq olunan sanksiyalar siyahısını genişləndirdi
ABŞ hakimiyyəti İrana tətbiq olunan sanksiyalar siyahısını genişləndirib. Siyahıya bir Vyetnam vətəndaşı və beş şirkət əlavə olunub.
Trend- xəbər verir ki, bu barədə ABŞ Maliyyə Nazirliyinin saytında bildirilib.
Siyahıya BƏƏ-dən iki, Çindən də iki şirkət və Vyetnamdan bir neft-kimya şirkəti daxil olub. Nazirlik bildirib ki, BƏƏ və Çindən olan şirkətlər "Triliance Petrochemical Co. Ltd"-nin vasitəçiliyi ilə İran neft-kimya məhsullarının ixracı ilə əlaqəli olub. "Triliance Petrochemical Co. Ltd" 2020-ci il yanvar ayında sanskiyalar siyahısına artıq daxil edilmişdi.
