8-12-2020, 02:30 | Aİ Türkiyə ilə dialoqun davam etdirilməsinin vacib olduğuna inanır - Almaniya XİN rəhbəri
Avropa İttifaqı (Aİ) Türkiyə ilə dialoqun davam etdirilməsinin vacib olduğuna inanır.
Trend-in "Anadolu"ya istinadən verdiyi məlumata görə, bunu Brüsseldə keçirilən Aİ ölkələrinin XİN rəhbərlərinin iclasının yekunları üzrə Almaniyanın xarici işlər naziri Hayko Maas deyib.
H.Maas bildirib: "Biz hesab edirik ki, Aİ-nin Türkiyə ilə dialoqu davam etdirməlidir. Türkiyə məsələsi Aİ liderlərinin sammitində müzakirə ediləcək".
Onun sözlərinə görə, Aİ ölkələri "Türkiyənin Şərqi Aralıq dənizindəki hərəkətlərinə reaksiya" barədə yekdil qərara gəlməlidirlər.
4-12-2020, 13:46 | ABŞ-a məxsus təyyarə DƏHŞƏT YAŞADI - Havada ikən...
ABŞ Hərbi Hava Qüvvələrinə məxsus B-52 bombardman təyyarəsi havada ikən alovlanıb.
Təyyarə İngiltərə Krallığı Hərbi Hava Qüvvələrinin bazasına təcili eniş edib.
"Express" qəzetinin məlumatına görə, təyyarə Aralıq dənizindəki missiyasını tamamladıqdan sonra geridönüş zamanı motorunda nasazlıq yaranıb. (publika.az)
4-12-2020, 13:21 | Gürcüstanda koronavirusa sutkalıq yoluxma sayı 5 mini ötdü
Gürcüstanda son sutka ərzində yeni növ koronavirus (COVID-19) infeksiyasına 5 068 yoluxma halı qeydə alınıb, 38 nəfər ölüb.
Bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.
Bununla da qonşu ölkədə koronavirusa yoluxanların sayı 152 704 nəfərə, ölənlərin sayı isə 1 425 nəfərə çatıb.
Koronavirusa yoluxanlardan 126 904 nəfərin sağaldığı bildirilir.( APA)
3-12-2020, 12:39 | Gürcüstanda son sutkada 45 nəfər koronavirusdan öldü
Gürcüstanda son sutka ərzində yeni növ koronavirusa (COVID-19) 4 260 yoluxma halı qeydə alınıb, 45 nəfər ölüb.
Bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib. Bununla da qonşu ölkədə koronavirusa yoluxanların sayı 147 636 nəfərə, ölənlərin sayı isə 1 387 nəfərə çatıb.
Virusa yoluxanlardan 124 568 nəfərin sağaldığı bildirilir.
3-12-2020, 12:38 | Türkiyədə oteldə silahlı insident: 5 nəfər yaralandı
Türkiyənin Qəhrəmanmaraş vilayətində silahlı insident baş verib.
Polis əməkdaşları vilayətin Dulkadiroğlu rayonunda bir otelə silahlı hücum olması məlumatı əsasında hadisə yerinə gedib.
Oteldəki silahlı şəxslər polisin dayanmaq barədə əmrinə tabe olmayıb, onlara atəş açıblar. Nəticədə 2-si polis əməkdaşı olmaqla 5 nəfər yaralanıb.
Otelə mühasirəyə alınıb, silahlı şəxslərin yaxalanması və zərərsizləşdirilməsi istiqamətində tədbirlər davam edir.
3-12-2020, 12:17 | Neftin ucuzlaşması davam edir
ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2021-ci ilin fevral müqaviləsinin dəyəri 0,15% azalaraq 1 barelə görə 48,18 dollar təşkil edib.
Nyu-Yorkun NYMEX əmtəə birjasında gələn ilin yanvarında ixrac etməklə WTI markalı neftin 1 barelinin 0,24% azalaraq 45,17 dollar təşkil edib.
3-12-2020, 12:09 | Moskvada xəstəxanada yanğın: ölənlər var
Rusiyanın paytaxtı Moskva şəhərinin mərkəzində yerləşən xəstəxanalardan birində yanğın baş verib.
Trend-in məlumatına görə, bu barədə "TASS" agentliyinə təcili xidmətlərdəki mənbə xəbər verib.
Məlumata əsasən, yanğın xəstəxananın üçüncü mərtəbəsində başlayıb. Yanğın nəticəsində 2 nəfər həlak olub, 23 nəfər isə xilas edilib.
Yanğının səbəbi barədə məlumat verilmir.
30-11-2020, 12:03 | Neft yenidən ucuzlaşıb
ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2021-ci ilin fevral müqaviləsinin dəyəri 1,2% azalaraq 1 barelə görə 47,67 dollar təşkil edib.
Nyu-Yorkun NYMEX əmtəə birjasında gələn ilin yanvarında ixrac etməklə WTI markalı neftin 1 barelinin 1,34% azalaraq 44,92 dollar təşkil edib.
30-11-2020, 12:02 | Ağ Evin yeni mətbuat katibi Cen Psaki ola bilər
ABŞ-ın yeni seçilmiş prezidenti Cozef Bayden Ağ Evin mətbuat katibi vəzifəsində Cen Psakini təyin etmək niyyətindədir.
Trend-in "TASS"a istinadən verdiyi xəbərə görə, bu barədə C.Baydenin press-puluna daxil olan bir sıra aparıcı ABŞ KİV-lərinin jurnalistləri məlumat veriblər.
Məlumata əsasən, C.Psaki daha əvvəl Dövlət Departamentinin mətbuat xidmətinin rəhbəri olub, hazırda isə C.Baydenin keçid komandasının məsləhətçisidir.
Bildirilir ki, C.Bayden Ağ Evin kommunikasiyalar üzrə direktoru vəzifəsinə Keyt Bedinqfildi təyin etmək niyyətindədir.
30-11-2020, 11:58 | Moskvada koronavirusdan daha 74 nəfər ölüb
Rusiyanın paytaxtı Moskvada ötən sutka ərzində yeni növ koronavirusdan 74 nəfər ölüb.
Bu barədə Moskvada koronavirusla əlaqəli vəziyyətin monitorinqi üzrə operativ qərargahdan bildiriblər.
Məlumatda deyilir: "Bu gün Moskvada pnevmoniya diaqnozu qoyulan və koronavirus infeksiyası aşkarlanmış 74 xəstə dünyasını dəyişib".
Qeyd edək ki, ümumilikdə Moskvada koronavirusdan ölənlərin sayı 8 902 nəfərə çatıb.
