8-11-2020, 14:19 | Azərbaycanın mədəniyyət beşiyi Şuşanın işğaldan azad edilməsi mübarək olsun! - Türkiyə səfirliyi
Azərbaycanın mədəniyyət beşiyi Şuşanın işğaldan azad edilməsi mübarək olsun!
Bu barədə Türkiyənin Azərbaycandakı Səfirliyindən bildirilib.
"Bu münasibetle bütün Azərbaycan xalqını təbrik edirik. Üç rəngli bayrağınla məsud yaşa, AZƏRBAYCAN!" deyə qeyd olunub.
8-11-2020, 13:26 | Ərdoğanın köməkçisindən Şuşa paylaşımı
"Şuşa erməni işğalından xilas oldu. Zəfərin, qəzan mübarək olsun, əziz qardaşım".
Bu barədə Türkiyənin vitse-prezidenti Fuad Oqtay öz tvitter hesabında bildirib.
22-10-2020, 13:22 | Amerikada yaşayan türklərin tələbi: Nyu-Cersidə erməni plakatları yığışdırıldı
Amerikanın Nyu-Cersi şəhərində yaşayan ermənilər körpülərə Ermənistanı dəstəkləyən plakatlar yapışdırıblar. Nyu-Cersi şəhərinin sakinləri olan türklərin şikayəti ilə şüarlar hüquq-mühafizə orqanları tərəfindən yığışdırılıb.
Türk iş adamı Emrah Arslan ermənilərin asdığı şüarlarla bağlı hüquq-mühafizə orqanlarına müraciət edib.
Əraziyə gələn polis əməkdaşları plakatları oradan yığışdırıb. Şəhərdə yaşayan türklər ermənilərin qızışdırıcı şüarları ilə bağlı çağırışlar ediblər. Bildiriblər ki, ermənilərin Ermənistanı dəstəkləyən aksiyalarına icazə verdikləri halda, onlar da aksiya keçirəcəklər və şəhərin bütün mərkəzlərinə Azərbaycanı dəstəkləyən şüarlar asacaqlar.
“Ermənilərin bu hərəkəti amerikalıları yanıltmaqdır. Yazılanlar həqiqəti əks etdirmir. Əksinə, haqq-ədalət Azərbaycanın tərəfindədir”- iş adamı polisə şikayətində deyib.
Ü.Xudiyeva(Virtualaz.org)
10-10-2020, 10:00 | Bolqarıstanda rekord ardınca rekord
Bolqarıstanda artıq dörd gündür koronavirusla bağlı vəziyyətdə rekord göstəricilər qeydə alınır.
qafqazinfo xəbər verir ki, son sutka ərzində ölkədə rekord sayda - 612 nəfərdə koronavirus aşkarlanıb ki, bu da ötəngünkü göstəricədən 96 nəfər çoxdur. Bolqarıstanda koronavirusa yoluxanların ümumi sayı 24 191-dir.
Son sutka ərzində koronaviruslu 7 pasiyent dünyasını dəyişib, ölüm hallarının ümumi sayı 887-yə yüksəlib.
Hazırda xəstəxanalarda 1 131 pasiyentin müalicəsi davam etdirilir, onlardan 58-i intentiv terapiya şöbələrindədir. Pandemiyanın başladığı vaxtdan indiyədək ölkədə 15 713 nəfər sağalıb.
10-10-2020, 09:04 | Dünyada koronavirusa yoluxanların sayı 350 mindən çox artıb
Dünyada koronavirusa yoluxanların sayı son sutka ərzində 350 mindən çox artıb.
Bu barədə Ümumdünya Səhiyyə Təşkilatının gündəlik hesabatında deyilir.
Məlumata əsasən, ötən sutka ərzində 350 766 nəfər yeni koronavirusa yoluxub,6 339 nəfər isə dünyasını dəyişib. Yoluxanların ümumi sayı 36 361 054, ölənlərin isə 1 056 186 nəfərə çatıb.
Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.
10-10-2020, 09:01 | Kanadada rekord sayda yeni yoluxma halı qeydə alınıb
Kanadada ötən sutka ərzində yeni növ koronavirusa (COVİD-19) rekord sayda yoluxma halı qeydə alınıb.
Son sutka ərzində ölkədə koronavirusa 2 558 nəfər yoluxub, yoluxanların ümumi sayı 178 117 nəfərə çatıb.
Məlumata əsasən, son 24 saatda Kanadada koronavirusdan 28 nəfər ölüb, ölənlərin ümumi sayı 9 585 nəfər təşkil edir.
Qeyd edək ki, Kanadada yeni növ koronavirusa ilk yoluxma halı yanvarın 15-i qeydə alınıb.
18-09-2020, 15:18 | Tramp gileyləndi: “Prezident olandan sonra dostlarımla oturub içə bilmirəm”
ABŞ Prezidenti Donald Tramp prezident seçiləndən sonra bütün dostlarını itirdiyini deyib.
Bu barədə o, Viskonsində seçiciləri ilə görüş zamanı açıqlayıb.
Tramp bildirib ki, artıq dostlarını konqres üzvləri əvəz edir.
Onun sözlərinə görə, səmimi münasibəti olan dostları, prezident seçiləndən sonra ona "cənab prezident" deyə xitab edirlər.
O qeyd edib ki, artıq dostları ilə "oturub içə bilmir". ABŞ lideri həmçinin spirtli içki qəbul etmədiyini də deyib.
30-07-2020, 17:58 | İranda koronavirusa yoluxanların sayı 300 mini keçdi
Son 24 saat ərzində İranda daha 2621 nəfərin virusa yoluxduğu aşkar edilib, 226 nəfər həyatını itirib.
Virtualaz.org bildirir ki, məlumatı İranın Səhiyyə Nazirliyi yayıb.
Bildirilir ki, bununla da ümumilikdə yoluxanların sayı 301 min 530 nəfərə, ölənlərin sayı isə 16 min 569-a çatıb.
Xüsusi xəstəxanalarda müalicə alaraq sağalan 261 min 200 nəfər evə buraxılıb.
6-07-2020, 12:06 | Moskvada koronavirusun ikinci dalğası olacaq? - Virusoloq açıqladı
"Moskvada koronavirusun ikinci dalğası mümkün deyil".
Bunu "İzvestiya"ya müsahibəsində rusiyalı virusoloq Pavel Volçkov söyləyib.
Rəsmi məlumata görə, Moskvada müayinə olunan vətəndaşların 20 faizində anticisimlər aşkarlanıb. Bununla birlikdə, yeni məlumatlara görə, populyasiyada T-hüceyrə immuniteti olan insanlar IgG anticisimləri olanlarla müqayisədə, 2-3 dəfə çoxdur.
Beləliklə, Rusiya paytaxtı sakinlərinin 40-60 faizində koronavirusa qarşı immunitetin yarandığını güman etmək olar.
Virusoloqun proqnoza görə, paytaxtda yoluxmuş insanların gündəlik artımı azalmağa başlayacaq və avqustun sonunda sıfıra yaxınlaşacaq. Bu müddətdə moskvalıların 80-90 faizində immunitet yaranacaq.
19-06-2020, 06:38 | Bu ölkədə devalvasiya oldu - Dollar 44 faiz bahalaşdı
Suriya Mərkəzi Bankı ABŞ-ın sanksiyalarının qüvvəyə minməsindən əvvəl milli valyuta - Suriya lirəsinin dəyərini 44% azaldıb.
Devalvasiyanın qüvvəyə minməsi ilə dollar Suriya lirəsi qarşısında kəskin bahalaşıb.
Bildirilir ki, ölkədə qara bazarda bahalaşma daha da artıb.
Məlumata görə, qara bazarda ABŞ dollarının məzənnəsi 2 825 Suriya lirəsinə qədər yüksəlib. (publika.az)
