10-05-2022, 08:55 | Qaraciyər nə üçün böyüyür? Səbəblər
Tibbi dildə qara ciyərin böyüməsi "hepatomeqaliya" adlandırılır.
Bu patoloji vəziyyət tək qara ciyər pozulmaların simptomu deyil. Bəzi digər orqan və sistemlərin pozulmaları və xəstəlikləri zamanı qara ciyərin böyüməsi müşahidə olunur.
Qara ciyərin böyüməsinin səbəbləri müxtəlif ola bilər. Bu səbəblərin arasında:
- virus infeksiyaları (A,B,C,D,E hepatitləri);
- qara ciyər hüceyrələrinin autoimmun zədələnmələri. Bu zaman qara ciyərin hüceyrələri özləri özlərini məhv etməyə başlayır.
- qara ciyərin parazitar xəstəlikləri (exinokokkoz). Qurd (exinokokk) insanın orqanizminə düşdükdən sonra qara ciyərdə "yaşamağa" başlayır. Qurd böyüydükcə qara ciyərin ölçüsü (bir payı) böyüyür, qara ciyərin damarları sıxılır və bu qara ciyərin fəaliyyətinin pozulmasına səbəb olur. Exinokokkozun müalicəsi yalnız cərrahiyə üsulu ilə həyata keçirilir.
- qara ciyərin şişləri və kistaları;
- qara ciyər damarların patologiyaları;
- spirtli içkilərin qəbulu nəticəsində inkişaf edən qara ciyər iltihabları;
- mübadilə proseslərin pozulması. Bu pozulmaların nəticəsində qara ciyərdə parçalanmamış vəziyyətdə müxtəlif maddələr (dəmir, piy, qlikoqen) yığıla bilər ki, bu da öz növbəsində qara ciyərin böyüməsinə səbəb olur.
- ürək-damar sistemi bir çox patologiyaları zamanı qara ciyərin böyüməsi müşahidə olunur.
Saglamolun.az xəbər verir ki, ilk mərhələlərdə hepatomeqaliya özünü heç bir simptomla büruzə verməyə bilər. Qara ciyərin ağrı reseptorları yoxdur. Lakin qara ciyərin üzərində olan kapsul (pərdə) dartınmır və bu kapsulda çoxlu ağrı reseptorları var. Böyümüş qara ciyər kapsula təzyiq etdikdə insanda sağ qabırğa altı nahiyəsində diskomfort, ağırlıq hissi yaranır. Daha sonra isə bu nahiyədə ağrı hiss olunmağa başlayır və qara ciyər çatışmazlığı simptomları inkişaf edir. Bu simptomları arasında:
- həzm proseslərin pozulması,
- dəri örtüklərin və selikli qişaların saralması,
- qarının böyüməsi,
- dəridə səpgilər,
- tez-tez baş verən qanaxmalar (burun qanaxmaları, qadınlarda uşaqlıq qanaxmaları və s.),
- assit (qarın boşluğunda mayenin yığılması), ödemlər və s.
Qara ciyərin böyüməsi adi qarının ön divarının manual müayinəsi zamanı (əllə müayinə) və ya USM zamanı təyin oluna bilər.
Normada manual müayinəsi zamanı qara ciyər sağ qabırğa qövsdən aşağıda təyin olunmamalıdır. Əgər təyin olunursa, bu o deməkdir ki, qara ciyər böyüyüb.
Qara ciyər bütövlükdə böyüyə bilər və ya onun hər hansı payı böyüyə bilər (bu halda şişdən, kistadan və ya exinokokkozdan şübhələnmək olur).
Əgər sizdə qara ciyərin böyüməsi təyin olunubsa, ilk növbədə hepatoloqa müraciət edin. Hepatomeqaliyanın səbəbini təyin etmək üçün həkim sizi əlavə müayinə və analizlərə göndərə bilər:
- qanın ümumi və biokimyəvi analizləri;
- qara ciyər sınaqları (bilirubin, ALT, AST)
- virus hepatitlərin markerlərinə görə analiz;
- USM (qarın boşluğu);
- KT və MRT;
- lazım olduqda qara ciyərin biopsiyası təyin olunur (USM nəzarəti altında qara ciyərin mikroskopik hissəsi analiz üçün götürülür);
- həkim xəstədə ürək-damar sistemi patologiyasında şübhələndikdə, xəstəyə EKQ və exo-kardioqrafiya təyin oluna bilər.
Hepatomeqaliyanın səbəbi aşkar olunduqda, həkim bu səbəbdən asılı olaraq xəstəyə müalicə təyin edir.
10-05-2022, 08:48 | Fərqinə varmadığımız günahlar
Bəzən bir adam öz məqsədinə nail olmaq üçün başqa bir adamdan "məharətlə" istifadə edir.
Məsələn, onun yanında bir söz buraxır və ya onun yanında bir xəbər yayır. Əgər bu ikinci adam eşitdiyi sözü elə orada unutsa (yəni o sözə əhəmiyyət verməsə), deməli, birinci adamın oyununa alət olmayacaq, yox əgər eşitdiyi sözü hər yerdə yaysa, başqasının əlində alətə çevriləcək.
Hər eşitdiyini danışmaq cahillikdir. Sınamadan, yoxlamadan, kiminsə ağzından eşitdiyi sözü yaymaq insana əskiklikdən başqa bir şey gətirmir. Hər eşitdiyini danışmaq insanı həlak etmək üçün kifayətdir. Yəni başqasının ağzından eşitdiyin sözü doğru, yaxud yalan olduğunu yoxlamadan danışmaq doğru deyil. O, yalan danışırsa, sən niyə onun yalanını yayırsan? Ona görə də insan gərək ağzından hansı sözü çıxardığını bilsin və ağzından çıxardığı sözün məsuliyyətini daşısın.
Elə adamlar da var ki, həmişə hər yerdə hər hansı məsələ barədə məlumatlı görünmək istəyirlər. İstəyirlər ki, hər məsələyə müdaxilə etsinlər, hər işdən xəbərdar olsunlar. Ona görə də doğru olub-olmadığını bilmədən kiminsə ağzından götürdükləri sözü hər yerdə danışırlar. Məqsədləri də budur ki, ağıllı görünsünlər, seçilsinlər.
Cəmiyyətdə bəzən bu cür söhbətlər daha tez yayılır. İnsanlar yalan zəncirinin halqalarına çevrilirlər. Beləcə, yalanlar onları bir-birinə bağlayır. Halbuki insan ona aid olmayan işlərlə məşğul olmasa yaxşıdır. İnformasiyanın beynimizə, yaddaşımıza yük olduğu bir vaxtda izafi yüklərdən azad olmaq, öz əməllərini hesaba çəkmək, qüsurlarını düzəltməyə çalışmaq daha doğru olmazmı? Sən də öz başına bəla axtarırmış kimi, başqalarının sözü ilə məşğul olur, başqalarının söhbətini danışmaq istəyirsən. Bir məsələni də xatırlatmaq istəyirik ki, əgər biri sənin sözünü danışıb, nəticədə yalançı çıxırsa, siz də müqəssirsiniz. Yəni ağıl ön planda tutulmalıdır, deyilən söz ağıl süzgəcindən keçirilib ağızdan çıxarılmalıdır. Kor-təbii qərar qəbul edənlər, birinin ağzından qapdığını düşünmədən, araşdırmadan yayanlar kölgə kimi olurlar.
Səhv də danışsa, qulaq asın!
Bu cür məsələlər ailədə, xüsusilə də, uşaq tərbiyəsində mühüm amillərdir. Ona görə də böyüklər uşaqlarının yanında danışarkən nə danışdıqlarını, nə dediklərini yüz ölçüb, bir biçməlidirlər. Unutmaq olmaz ki, uşaq eşitdikləri ilə deyil, gördükləri ilə tərbiyə olunur. Ona görə də uşağını tərbiyəli görmək istəyən valideyn gərək, əvvəlcə, özünü tərbiyə eləsin ki, ondan tərbiyə tələb etməyə haqqı olsun.
Təbii ki, uşağınız məktəbdə gördüklərini sizə danışacaq. Özü də məsələnin özünə sərf edən tərəflərini qabardacaq, sərf etməyən tərəflərini isə gizlədəcək: "Ona elə dedim", "buna belə dedim", "o işi elə gördüm", "bu işi belə gördüm"... və sair və ilaxır...
Əlbəttə ki, siz onun söhbətlərinə qulaq asacaqsınız. Ancaq qulaq asdıqca da məqsədlərini, məramlarını öyrənəcəksiniz. Əslində isə siz ona diqqət ayırmaqla, marağını özünüzə cəlb edir və beləliklə də, təsir, daha doğrusu, tərbiyə imkanı əldə etmiş olursunuz. Səhv danışdığını bilsəniz belə, o anda onun sözünü kəsməyin, təqsirini üzünə vurmayın. Çünki əgər sözünü kəssənız və ya "Yalan danışırsan!" desəniz, deməli, hər şey bitdi. Ona görə də maksimum dərəcədə səbirli olmalısınız. Və uşaq anlamalıdır ki, siz onun sözlərinə dəyər verirsiniz. Unutmayın ki, islah etməyin yolu bir çox hallarda dəyər verməkdən keçir.
Söz gəzdirmək
Bir nəfər padşahın yanına gəlir və deyir ki, filankəslər onun əleyhinə danışırlar. Padşah da acı-acı bu adamı başdan-ayağa süzür və deyir:
- Əgər sən yaxşı adam olsaydın, onların cavabını yerində verər, heç mənim yanıma gəlməzdin. Ancaq görürəm ki, sən sözgəzdirənsən. Qeybət edənlərə bir söz deyə bilmirsən, sonra da gəlib mənə onların sözünü çatdırırsan. Sənin kimi adamlara bizdə rəğbət yoxdur...
Əxlaqımız bizə öyrədir ki, əgər bir insanın haqqı tapdanırsa, onun tərəfini tutmaq lazımdır. Yəni konkret olaraq, yuxarıdakı misaldan çıxış etmiş olsaq, padşahın dediyi kimi, qeybət edənlərin cavabını vermək, sonra da söhbəti unutmaq ən doğru seçimdir. Şəxsiyyət bu cür yetişir, böyük insan bu cür formalaşır. Hər şeydən əvvəl insanın gərək içi geniş olsun, eşitdiyi hər sözdən coşub-daşmasın, söz udmağı, söz unutmağı bacarsın.
Ara vurmaq
İnsanları bir-birindən incik salmaq, insanlara bir-birindən yalan danışmaq, əxlaqımıza görə çox pis əməldir. Bu cür əməllər bəzən zarafatla başlayıb, ölümlə nəticələnən cinayətlərə qədər uzanır. Əxlaqımızda bildirilir ki, insanların arasını vurmaq, onları bir-birinə düşmən etmək qatillik kimidir.
Bir insan kimi hər birimizin vəzifəsi yaxşılıq etmək, xeyirli olanı bölüşmək, paylaşmaqdır. Bunun əksini etmək, yəni insanları bir-birinin düşməninə çevirmək isə insanlıq yox, şeytanlıqdır. İnsanlar bir-birini sevdikcə ucalırlar. Sevgi, hörmət, ehtiram cəmiyyətin sərvətidir, xoşbəxtliyidir; kin, nifrət, ədavət isə ağır yüküdür, dərdidir.
Ara vuran insanlara el arasında mərdimazar deyirlər. Mərdimazarın heç bir yerdə hörməti olmur. İnsanlar onu görəndə üz çevirirlər. Beləsi ilə oturub-duranda adamın ürəyi sıxılır. Pis niyyət, qara düşüncə insanın özündən asılı olmayaraq sanki şüalanır və görünür. Əvvəla, bu cür adamların üz-gözü həmişə bürüşmüş olur, nə olur olsun sevinə bilmirlər, hər şey onlar üçün qorxudur, təhlükədir. Çünki özləri dünyaya belə baxırlar.
Sən hansı yükü daşıyırsan?
Söz yükü duz yükündən ağır olur. Əslində ömür adlanan bu yolda hər kəs bir yükün daşıyıcısıdır. Yükün xeyirlisi var, zərərlisi var. Ona görə də köhnə kişilər dua edəndə: "Allahım, məni xeyir işlərə alət elə!"- deyərmışlər. Əslində sözün xeyirlisini daşımaq, yaymaq, o sözlərlə insanlara xeyir vermək insanlıq borcumuzdur. Əgər sənin danışdığın söz bir insanın xarakterinin formalaşmasına, onun yanlış düşüncədən qurtarıb, doğru istiqamətə yönəlməsinə səbəb olursa, demək xeyir işlərə alət olursan. Amma daşıdığın və yaydığın söz yalandırsa, insanların düşüncəsini pozur, onları yalana yönəldirsə, onda da zərərli işlərə alət olursan, özü də könüllü olaraq. Çünki insanın başına gələn bəla onun öz əməllərinin nəticəsidir. Bizi qurtaransa xeyir əməllərimiz olacaq. İnsanın zərərə uğramasına ən çox səbəb olan bədən üzvümüz dilimizdir, yəni nəyi danışmağımız, niyə danışmağımız... Yəni hər eşitdiyini danışmaq fəlakətə düşməyimiz üçün kifayət edər. Ona görə ağzımız, dilimiz işləmədən əvvəl başımız işləməlidir ki, sonra bəlaya düşməsin. Vəssalam.
10-05-2022, 08:43 | Ekzotik meyvələrin faydası
Dükanlarda hər mövsümdə müxtəlif ekzotik meyvələri tapmaq olur. Bu meyvələrin müxtəlif faydalı xüsusiyyətləri və həmçinin əks-göstərişləri var.
İlk növbədə nəzərinizə çatdıraq ki, bu meyvələrin əksər hissəsi müxtəlif allergik reaksiyalara səbəb ola bilər. Allergiyalara meyilli olan insanlar və kiçik yaşlı uşaqlarda belə reaksiyaların ehtimalı daha yüksəkdir.
Bu səbəbdən ilk dəfə olaraq hər hansı ekzotik meyvə qəbul etdikdə ehtiyatlı olun, meyvənin kiçik tikəsi ilə kifayətlənin.
Ekzotik meyvələri yalnız dəymiş şəkildə qəbul edin, kal meyvələrin qəbulu təhlükəli ola bilər.
Avokado
Bu meyvə xolesterinin səviyyəsini aşağı salır, qara ciyərə müsbət təsir edir, qanın tərkibini yaxşılaşdırır, anemiya ilə mübarizədə kömək edir.
Avokado güclü antioksidant xüsusiyyətlərinə malikdir və bu səbəbdən orqanizmin qocalmasını ləngidir, dərini cavanlaşdırır, orqanizmi müxtəlif növ xərçəng xəstəliklərinin inkişafından qoruyur.
Ürək üçün çox xeyirlidir. Həm kişi, həm də qadınların cinsiyyət sisteminə müsbət təsir edir.
Avokadonun tərkibində çoxlu miqdarda yağlar və zülallar var ki, bu meyvə ən qidalı meyvə sayılır.
Avokadonun çəyirdəyi çox zəhərlidir.
Ananas
Artrit, bronxit, pnevmoniya, infeksion xəstəliklər zamanı çox xeyirlidir. İmmuniteti möhkəmləndirir. Damarları təmizləyir, qanda xolesterinin səviyyəsini aşağı salır və bu səbəbdən ateroskleroz, infarkt, insult kimi ağır pozulmaların profilaktikasında istifadə oluna bilər.
Sinir sisteminə çox müsbət təsir edir, sakitləşdirir. Mübadilə prosesləri sürətləndirir. Həzm prosesləri yaxşılaşdırır və sürətləndirir. Əgər qida qəbulundan sonra siz mədədə ağırlıq hiss edirsinizsə, 1 tikə ananas yeyin.
Ananas qanı duruldur və bu səbəbdən varikoz xəstəliyi, tromboflebit zamanı çox xeyirlidir.
Mədə və 12 barmaq bağırsağı xoraları və eroziyaları, qastrit olan insanlar ananası qəbul etməməlidir. Ananas selikli qişaları qıcıqlandırır.
Banan
Bu meyvə bizim rasionda artıq öz yerini tutub. Banan ürək üçün çox xeyirlidir. Ürək xəstələri olan insanlar hər gün 1 banan yeməlidir.
Pektin maddələri və sellülozla zəngin olan banan həzm proseləri yaxşılaşdırır, bağırsaqları təmizləyir.
Banan çox yaxşı enerji mənbəyidir, insanın tonusunu və əhval-ruhiyyəsini yaxşılaşdırır.
Banan əqli fəaliyyəti stimullaşdırır, kişilərdə potensiyanı artırır, spermatogenezə (spermatozoidlərin hazırlanması) müsbət təsir edir.
Körpələrin qidalandırılmasında bu meyvə çox geniş istifadə olunur.
Şəkərli diabetdən əziyyət çəkən insanlar bu meyvəni qəbul etməməlidir.
Karambola
Qanda xolesterinin səviyyəsini aşağı salır, immuniteti gücləndirir, orqanizmin infeksiyalara olan davamlılığını artırır. Ürək üçün xeyirlidir, arterial təzyiqini normallaşdırır, baş ağrıları ilə mübarizədə kömək edir.
Qreypfrut
Güclü ödqovucu təsirinə malikdir. Qara ciyərin fəaliyyətini aktivləşdirir. Orqanizmi şlaklar və toksinlərdən təmizləyir.
Damarları təmizləyir və onların divarlarını möhkəmləndirir, aterosklerozla mübarizə edir. İmmuniteti möhkəmləndirir. Arıqlamağa kömək edir.
Mədə xəstəlikləri zamanı bu meyvənin qəbulu tövsiyə edilmir.
Kivi
Bu meyvə də bizim üçün artıq ekzotik sayılmaya bilər. C vitamini ilə zəngin olan kivi immuniteti möhkəmləndirir, orqanizmi infeksiyalardan qoruyur. Qan təzyiqini və şəkəri aşağı salır.
Həzm prosesləri stimullaşdırır, qəbizliklə mübarizə edir.
Kokos
Kokos qalxanvari vəzi, ürək-damar sistemi, gözlər, oynaqlar üçün çox xeyirlidir. Aterosklerozla mübarizə edir, xəsrçəng xəstəliklərinin profilaktikasında böyük rol oynayır, bağırsaqların fəaliyyətini stimullaşdırır. İmmun sistemini möhkəmləndirir, iltihabəleyhinə təsirinə malikdir.
Kosmetologiyada müxtəlif maskaların, kremlərin, şampunların tərkibində çox geniş istifadə olunur.
Kokos südü xüsusilə faydalıdır. Onun tərkibində müxtəlif vitaminlər, mikroelementlər, yağlar, zülallar var. Bu süd xəstə, zəiflənmiş insanlar üçün olduqca xeyirlidir.
Manqo
Ürək-damar sistemi və böyrəklər üçün xeyirlidir. Virusəleyhinə təsirinə malikdir, gözlər və dəri üçün xeyirlidir. Orqanizmdə gedən qocalma prosesləri ləngidir, dərini çavanlaşdırır.
Marakuya
Ürək-damar sistemi üçün çox xeyirlidir. Sinir sisteminə müsbət təsir edir, sakitləşdirir, yuxunu yaxşılaşdırır, depressiya ilə mübarizədə kömək edir.
Mübadilə prosesləri yaxşılaşdırır, artıq çəki ilə mübarizədə kömək edir.
Meyvənin qabığı zəhərlidir. Marakuya allergiyaya səbəb ola bilər.
Papaya
Qanda xolesterinin səviyyəsini aşağı salır, ürək-damar sistemi xəstəlikləri və bu xəstəliklərin profilaktikası zamanı olduqca xeyirlidir. Qurdəleyhinə təsir edir. Bronxial astma zamanı xeyirlidir.
İltihablarla mübarizə aparır, psoriaz xəstəliyi zamanı müalicəvi təsir edir, üz dərisini təmizləyir.
Allergiyaya səbəb ola bilər.
1-03-2022, 10:10 | Ruslana Eldarla Nigara müraciət etdi
Ukraynanın Avroviziya-2004 qalibi Ruslana Stepanivna Lıjıçko beynəlxalq müsabiqənin digər qaliblərinə müraciət edib.
olay-a istinadən xəbər verir ki, o, bununla bağlı sosial şəbəkə hesablarında video paylaşıb.
"Bütün dövrlərin Avroviziya qaliblərinə müraciət edirəm! Biz musiqiçilər həmişə ictimai həyatda fəal iştirak etmişik. Rusiyanın Ukraynaya və bəşəriyyətə qarşı müharibəsindən kənarda dayana bilmərik. Musiqiçilər sülh tərəfdarı, öz pərəstişkarlarına müsbət nümunə olmalıdırlar.
Sertab Erener, Lordi, Marija Serifovic, Alexandr Rybak, Lena, Eldar Qasımov, Nigar Camal, Loreen, Emmelie de Forest, Conchita Wurst Mans Zelmerlöv, Salvador Sobral, Netta Barzilai və başqaları xahiş edirəm, ölkəm Ukraynaya dəstək olun".
1-03-2022, 09:54 | Bu gün Od çərşənbəsidir
Bu gün Od çərşənbəsidir.
Od çərşənbəsi Novruz bayramı ərəfəsində keçirilən ikinci çərşənbədir.
Od türkün ağlında, düşüncəsində müqəddəslik rəmzi kimi yaşayıb, bu rəmzilik günümüzə kimi gəlib çıxıb. Od çərşənbəsinin mahiyyətində odun müqəddəs sayılması, onun insanı hər cür pisliklərdən, şərdən təmizləyəcəyinə, xeyirin qələbə çalacağına inam ifadə olunur. Bu çərşənbə qədim insanların günəşə, oda olan müqəddəs inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı və azar-bezarları yandırırlar.
Digər çərşənbələrdə olduğu kimi, Od çərşənbəsində də qazanlar qaynamalı, ocağın üstü boş olmamalıdır. Bu çərşənbədə odun, tonqalın yandırılması həmin ilin isti, bərəkətli keçməsinə işarədir. Hələ qədim dövrlərdən insanlar odu qoruyub, oda hörmət ediblər. Qalanan tonqal isə həmişə nəyəsə işarə olub. Bunu "Kitabi-Dədə Qorqud" dastanından da aydın görmək olar. Zərdüştlükdən hələ çox əvvəl insanlar təbiəti canlandıran, torpağı isidən Günəşin yerdəki simvolu olan odu təsəvvürlərində rəmzləşdiriblər. Belə bir etiqad yaranıb ki, insanlar günəşi və odu nə qədər əzizləyib oxşasa, təbiət o qədər tez isinər, adamlara xoşbəxtlik gətirər.
Qeyd edək ki, martın 8-də Yel (Hava), 15-də isə axırıncı - Torpaq çərşənbəsi qeyd olunacaq. Yaz fəsli Azərbaycana martın 20-si saat 19:33-də daxil olacaq.
Xatırladaq ki, Nazirlər Kabinetinin qərarına əsasən bu il mart ayının 20, 21, 22, 23, 24-ü Novruz bayramıdır. Martın 20-si bazar gününə təsadüf etdiyi üçün Əmək Məcəlləsinin 105-ci maddəsinin 5-ci bəndinə əsasən iş və istirahət günlərinin yeri dəyişdiriləcək, 25 mart qeyri-iş günü olacaq. Beləliklə, 19, 26 və 27 mart tarixləri də şənbə və bazar günlərinə təsadüf etdiyi üçün Novruz bayramı ilə əlaqədar 9 gün ardıcıl (19, 20, 21, 22, 23, 24, 25, 26 və 27 mart) iş olmayacaq.
1-03-2022, 09:30 | Qara kişmişin sağlamlığımız üçün İNANILMAZ FAYDALARI
Quru üzüm kimi istifadə edilən kişmiş orqanizm üçün çox xeyirlidir. Quru üzüm kimi istifadə edilən kişmiş orqanizm üçün çox xeyirlidir.
Ondan istifadə edilməsi bir sıra sağlamlıq problemlərini qaydaya salır. Qara kişmişin müalicəvi təsiri ağ üzümünkündən artıq olduğunu mütəxəssislər də təsdiq edirlər.
Kişmiş sinir sistemini və ürəyi möhkəmləndirir, limfa damarlarını, ağciyərləri, qaraciyəri və bağırsağı təmizləyir. Kişmişdən istifadə etmək qaraciyəri təmizləyir, qan azlığı zamanı kömək edir. Onun tərkibində xolesterini aşağı salan və xərçəng əleyhinə maddələr var. Yuxu pozğunluğunu aradan qaldıran kişmiş sinirləri gücləndirmək və oynaq ağrılarını azaltmaqda mühüm əhəmiyyət daşıyır.
Halsızlıq və gücsüzlük zamanı bir ovuc kişmiş yemək enerjini bərpa edir.
Maqnezium və kalium kimi bir çox əhəmiyyətli minerallarla zəngin olan kişmiş orqanizmdəki turşunu azaltmaq xüsusiyyətinə malikdir.
Həmçinin mütəmadi olaraq quru meyvəni yemək saç tökülməsi, dəri xəstəlikləri və oynaq ağrısı ilə mübarizə aparmaq üçün ən yaxşı vasitədir.
1-03-2022, 09:21 | Bütün günü yorğun, yuxulu olursunuzsa... 6 ən yayılmış SƏBƏB
Bütün gecəni yatan insan buna baxmayaraq gün ərzində daim yatmaq istəyirsə, yuxulu, süst olursa, bunun səbəbini mütləq araşdırmaq lazımdır. Bəzən bu çox ciddi xəstəlik və pozulmalara işarə edir.
Saglamolun.az sizi günorta yuxululuğunun səbəbləri ilə tanış edir.
1. Qanazlığı
Yuxululuq, süstlük və zəiflik qanazlığına işarə edə bilər. Bu pozulma daha çox qadınlarda inkişaf edir. Qanazlığının səbəbindən asılı olaraq (dəmir defisiti, B12 vitaminin defisiti və s.) xəstəyə xüsusi pəhriz və müalicə təyin oluna bilər.
2. D vitamininin çatışmazlığı
D vitamininin defisiti orqanizmdə xroniki yorğunluğa, yuxu və diqqətin pozulmasına səbəb olur. D vitamininin defisiti xüsusi qan analizinin köməyi ilə aşkar olunur. Defisit təsdiq olunarsa xəstəyə D vitamini təyin olunacaq.
3. Yuxu apnoesi
Yuxuda xoruldayan insanlar adətən pis yatır, tez-tez oyanır və bu da günorta vaxtı yuxululuğa səbəb olur. Apnoe əslində çox ciddi pozulmadır və apnoedən əziyyətə çəkən insanlarda insult və ani ölümün riski xoruldamayan insanlarla müqayisədə daha yüksək olur.
Apnoedən xilas olunmaq üçün mütəxəssislər böyür üstə yatmağı, siqaretdən imtina etməyi, artıq çəki varsa arıqlamağı, yatmazdan qabaq sakitləşdirici və yuxu dərmanları mümkün qədər qəbul etməməyi, spirtli içkiləri içməməyi tövsiyə edirlər.
4. Aşağı təzyiq
Təzyiqin düşməsi də yuxululuq və zəiflik kimi simptomlara səbəb olur. Aşağı təzyiqin səbəbləri arasında bunlardır: ürək xəstəlikləri, ürək qüsurları, qanazlığı, qalxanvari vəzi xəstəlikləri, uzunmüddətli streslər, qanaxmalar və s. Lakin bir çox hallarda hipotoniyadan əziyyət çəkən insanda heç bir buna səbəb ola bilən xəstəlik aşkar olunmur. Belə hallarda həkimlər düzgün qidalanmağı, sağlam həyat tərzi sürməyi, yorulmamağı, stresli vəziyyətlərdən uzaq olmağı tövsiyə edirlər.
5. Depressiya
Depressiyanın əsas simptomlarından biri daimi səbəbsiz yorğunluqdur. İnsan heç bir işlə məşğul ola bilmir, bütün günü yatmaq istəyir.
6. Hormonal dəyişikliklər və pozulmalar
Qadınların orqanizmində menstrual dövrlə bağlı olan hormonal dəyişikliklər onların ümumi vəziyyətinə də təsir edir. Belə ki, menstruasiyadan 1-2 gün əvvəl və 5-6 gün sonra qadınlar yuxululuq hiss edə bilərlər.
Digər hormonlarla bağlı olan səbəb - qalxanvari vəzinin funksiyasının zəifləməsidir. Bu hal "hipotireoz" adlanır. Hipoterioz zamanı maddələr mübadiləsi ləngiyir və bu da yuxululuq və reaksiyaların ləngiməsinə səbəb olur.
Saglam
1-03-2022, 09:09 | Diqqət! Qaraciyər üçün ən ziyanlı 3 məhsul
Qaraciyər çox güclü və özü özünü bərpa edə bilən orqandır.
Lakin qidalanmada bəzi məhsulların çox olması bu orqanın sağlamlığına ciddi ziyan vura bilər, pozulmaların inkişafına səbəb ola bilər.
Saglamolun.az xarici KİV-lərə istinadla qaraciyər üçün ən ziyanlı 3 məhsulun adını açıqlayır.
1. Şəkər
Şəkərin rasionda həddindən artıq olması qaraciyərin piylənməsinə səbəb ola bilər. Artıq şəkər piyə çevrilir və hepatositlərin (qaraciyərin hüceyrələri) daxilində toplanır. Belə hepatositlər öz funksiyalarını itirir. Qaraciyərin piylənməsi gələcəkdə sirrozun inkişafına şərait yaradır.
2. Transyağlar, marqarin
Transyağlar hüceyrələrin normal qidalanmasını pozur, onların "çirklənməsinə" səbəb olur. Bu orqanizmin bütün hüceyrələrinə və o cümlədən qaraciyərin hüceyrələrinə aiddir.
Təəssüf ki, transyağlar müasir insanlar istehlak etdiyi bir çox qidalarda var. Bu xüsusilə fast-fud qidalarına, hazır qidalara (peçenye, vafli, çipsi, müxtəlif souslar və s.) aiddir.
Ümumdünya Səhiyyə Təşkilatı transyağlarını qidalanmadan tam çıxarmağa çağırır.
3. Şirin qazlı içkilər
Alimlərin fikrinə görə, qazlı içkilər qaraciyərə az qala spirtli içkilər kimi mənfi təsir edir.
Şəkər və müxtəlif kimyəvi qatqılarla zəngin olan şirin qazlı içkilərdən sui-istifadə qaraciyərin piylənməsinə gətirib çıxarda bilər.
31-12-2021, 09:18 | Bu gün ictimai iaşə obyektləri gecə saat 2-dək işləyəcək
İctimai iaşə obyektlərinin 2021-ci il 31 dekabr saat 00:00-dan etibarən 2022-ci il 1 yanvar saat 02:00-dək fəaliyyət göstərməsinə icazə verilir.
Nazirlər Kabineti xüsusi karantin rejimində bəzi məhdudiyyətlərin aradan qaldırılması ilə bağlı əlavə tədbirlər barədə qərar qəbul edib.
Qərara əsasən Yeni il bayramı ilə əlaqədar şənlik mərasimlərinin təşkil olunduğu məkanlarda şənlik mərasimlərinin keçrilməsi onlar üçün müəyyən edilmiş mövcud qaydalara, tələblərə və metodiki göstərişlərə uyğun təşkil edilməlidir. Həmin tələblər aşağıdakılardır:
1) şənlik mərasimlərində qonaqların ümumi sayı 150 (yüz əlli) nəfərdən çox olmamalı və şənlik mərasiminin keçirildiyi məkanın sahəsi nəzərə alınmaqla hər bir zal üzrə qonaq tutumu müəyyənləşdirilməlidir;
2) 150 nəfərə qədər şəxsin iştirakı ilə təşkil olunan şənlik mərasimlərində iştirak edən yaşı 18-dən yuxarı bütün qonaqlar, COVID-19-a qarşı ən azı 2 doza peyvənd olunmalı və ya COVID-19-dan sağalaraq immunitetə malik olmaları barədə təsdiqedici sənədi olmalı yaxud COVID-19-a qarşı peyvəndə əks-göstərişi müəyyən edən əks-göstəriş sertifikatı olmalıdır və şənlik mərasimlərində iştirak edən qonaqlar üçün tənəffüs yollarını qoruyan fərdi vasitələrdən məcburi istifadə tələb olunmur;
3) şənlik mərasimində xidmət göstərən heyətin (musiqiçilər istisna olmaqla) tibbi maskalardan, əlcəklərdən və digər fərdi qoruyucu vasitələrdən istifadəsi məcburidir;
4) şənlik mərasimi keçirilən məkanın və ya müəssisənin sahibi həmin obyekt daxilində fəaliyyət göstərən tədbir zalları, onların tutumu və çalışan işçi heyət (müvəqqəti işə cəlb edilmiş işçilər daxil olmaqla) barədə, habelə şənlik mərasiminin keçirilməsi tarixinə ən azı 5 (beş) gün qalmış mərasimin başlama və bitmə vaxtı (saat 02:00-dan gec olmamaqla), qonaq sayı haqqında məlumatları "icaze.e-gov.az" portalına daxil etməlidir.
31-12-2021, 09:15 | Qurban bayramının tarixi açıqlandı
2022-ci il üzrə Qurban bayramının tarixi açıqlanıb.
Bu barədə Qafqaz Müsəlmanları İdarəsinin (QMİ) sədri Allahşükür Paşazadənin 2022-ci il üzrə Miladi təqvimlə bağlı paylaşımında qeyd edilib.
Bildirilib ki, gələn il Qurban bayramı iyulun 9-10-na təsadüf edəcək.
