9-10-2021, 09:14 | Balın xeyiri, əks göstərişi və saxlanma müddəti...

Hamımızın yaxşı tanıdığı bal - bal verən arıların həyat fəaliyyətinin məhsuludur. Lakin baldan əlavə bu arıların həyat fəaliyyətinə aid edilən digər xeyirli məhsullar da vardır. Bunlardan : mum, arı yapışqanı və tozcyqdur.

Arılar tərəfində istehsal edilən bütün məhsullar, orqanizm üçün çox xeyirli olan xüsusiyyətlərə malikdirlər.

Balın- xeyirli xüsusiyyətləri.

Bal - şəkərdən daha şirin olub, kifayət qədər kalorili məhsuldur. 100 qr balda - 300 kilokaloriy vardır.

Tərkibində olan kaliy elemetinin sayəsində, bal, bakteriyaları məhv etmə xüsusiyyətinə malikdir. O, elə bir mühit yaradır ki, orada bakteriyalar yaşaya bilmir. Hər birimizin bilirik ki, bakteriyalar nəm mühitdə yaşayıb, çoxalırlar. Kaliy isə o nəm mühiti onlardan alaraq, nəticədə məhv etmiş olur.

Balın tərkibində : maqniy, dəmir, fosfor, marqanes, kaliy, xlor və kalisy vardır. Bunların hamısı torpaqda olan təbii elementlərdir ki, arının bal topladığı bitkiyə torpaqdan keçirilir. Bu o deməkdir ki, torpaq nə qədər bu minerallarla zəngindirsə, ondan alınan bal da o qədər zəngin olacaq.

Mütəxəssislərin dediyinə görə, tünd rəngli balın tərkibində, mis, açıq rəngli baldan daha çoxdur. Məhz bu səbəbədən bir çoxları tünd rəngli bala üstünlük verirlər. Hemoqlobin və onun qanda olan tərkibinin dəmirlə qırılmaz olaraq əlaqəli olması, dəmirin balın tərkibində çox olması bu məhsulu daha xeyirli edir. Məhz dəmir, hemoqlobinin oksigeni saxlamaq imkanının qoruyur və stimullaşdırır.

Balın tərkibində olan B2 vitamini, reproduktiv funksiyanın requlyasiyası və inkişafı üçün əvəzolunmazdır. Həmçinin bu vitamin qalxanvari vəz, dırnaq və dəri üçün lazım olan xeyirli xüsusiyyətlərə malikdir.

Həmçinin tərkibində olan nikotin turşusu orqanizmin proseslərində mühüm rol oynayıb, xolesterinin çıxarılmasına səbəb olur və damarları genişləndirir.

Bir çox xeyirli xüsusiyyətləri olan balın, digər şəkərlərdən üstün olan cəhətləri:

- oraqnizm balı çox tez və rahat həzm edir

- yüngül işlətmə xüsusiyyətinə malikdir

- həzm traktının selikli qişasına qıcıqlandırıcı təsir göstərmir

- sedativ preparat olub, sakitləşdirici təsirə malikdir


- şəkərdən fərqli olarq, böyrəklərə onu ötürmək daha rahatdır

- terapevtik xüsusiyyətlərə malikdir

Müasir zamanda bir çox insanlar stress və sinir pozğunluğundan əziyyət çəkdiklərinə görə, bir çox sakitləşdirici preparatlar müraciət edirlər. Lakin bütün sakitləşdiriciləri ziyansız adlandırmaq mümkün olmadığından, məhz bu xeyirli və sakitləşdirici təbii məhsulu istifadə etmək məsləhət görülür

Həmçinin bal, ağrını götürdüyündən, onu öskürək zamanı və artrit xəstəliyindən əziyyət çəkən insanlara məsləhət görürlər.

Balın əks götərişi və ziyanı.

Bu qədər xeyiri olduğu ilə birgə, balın əks göstərişi də vardır. İlk növbədə bu məhsul, bal və onun təşkil olunduğu məhsullara allergiyası olan insanlara məsləhət görülmür. Hərdən isə balın müəyyən bir növünə allergiya da mümkündür.

Həmçinin yadda saxlayın ki, bal, 40 qradusdan yuxarı dərəcədə qaynadıqldıqa bütün xeyirli xüsusiyyətlərini itirir. 60 qradusdan yuxarı dərəcədə qaynadıldlqa isə toksik oksimetilfurfurolun ayırlması baş verir ki, bu da orqanizmə ciddi ziyan vura bilir.

Balın düzgüb saxlanılması.

Təbii məhsul olan və qatışığı olmayan bal, çox yaxşı saxlana bilir. Ən əlverişli saxlamaq qaydası qaranlıq və soyuq mühitdir. Burada əlavə qoxunun olmaması daha məsləhətdir, belə ki, bal o qoxunu özünə hopa bilər.

Saxlanılan qabın isə şüşə olması daha məsləhətlidir. Qabın qapağı möhkəm bağlanarsa bal,heç bir əlavə qoxunu özünə hopdura bilməz. Qətiyyən dəmir, aliminium, sink qablarda bu məhsulu saxlamaq olmaz. Bu halda balın tərkibində zəhərli maddələr əmələ gələ bilər.

Saxlanma müddəti 1 il sayılır, Belə ki, bu müddətdən sonra, bal öz xeyirli xüsusiyyətlərini aktiv itirməyə başlayacaq.

9-10-2021, 09:09 | Tibbi bankalar haqqında HƏQİQƏT. Kimə olar, kimə olmaz?

İlk "banka"ları hələ Qədim Misirdə Və Qədim Çində istifadə edidilər. Onları mis, burunc və gildən hazırlayırdılar. Yaxın keçmişdə tibbi bankalar tez-tez istifadə olunan müalicə üsullarından biri idi.

Bankaları xəstələrə həkimlər təyin edirdi. Lakin hal hazırda bankaları daha çox xalq təbabəti üsullarına aid edirlər və həkimlərin əksəriyyəti onları xəstələrə təyin etmirlər. Bir çox Avropa ölkələrində bankalardan ümumiyyətlə istifadə olunmur, ABŞ-da onlar hətta qadağandır.

Saglamolun.az xəbər verir ki, əvvəllər bankalar əksər hallarda müxtəlif tənəffüs orqanları xəstəlikləri zamanı istifadə olunurdu. Belə hesab olunurdu ki, banka qoyulan yerdə qan və limfa dövranı güclənir ki, nəticədə orqanizm xəstəliklə daha aktiv şəkildə mübarizə aparır. Lakin bu qismən belədir.

Bəli, bankaların təsirindən qan və limfa dövranı həqiqətən güclənir ki, bunun nəticəsində orqanizmdə olan infeksiya daha sürətlə miqrasiya etməyə (hərəkət etməyə) başlayır və tez yayılır.

Məhz bu səbəbdən hal hazırda həkimlər kəskin traxeit, laringit, kəskin və xroniki bronxit, pnevmoniya (kəskin dövrdə), plevrit zamanı bankaların istifadə etməsinə qəti şəkildə icazə vermirlər. Bankaların istifadəsi pnevmoniya zamanı xüsusilə təhlükəlidir ki, xəstədə pnevmotoraks (ağciyərin toxumasının yırtılması) inkişaf edə bilər.

Bankalar sadaladığımız xəstəliklərin yalnız sağalma dövründə, sağalma prosesini bir qədər sürətləndirmək üçün istifadə oluna bilər.

Bankalar ağrıları (baş, əzələ, oynaqlar) çox yaxşı müalicə edir. Belə hesab olunur ki, bankalar əzələlərin gücünü artırır. Məhz bu səbənbdən son zamanlar müxtəlif iri idman yarışlarında bəzi idmançılar bu üsuldan çox geniş istifadə edir. Mütəxəssislər onu hətta "təbii dopinq" adlandırırlar.

Bankalar nə zaman qadağandır?


Bankalar müxtəlif şişlər (xoş- və bədxassəli) zamanı əks göstəriş sayılır.

Müxtəlif dermatitlər (dəri iltihabları), dəri infeksiyaları, dəri travmaları zamanı da bankaları qoymaq olmaz.

Qıcolmalara meyilli olan insanlara, xəstəlik və ya digər səbəblərdən həddindən artıq arıqlamış və zəifləmiş insanlara, ciddi ürək xəstəlikləri olan insanlara (ürək qüsurları, ağır hipertoniya, stenokardiya tutmalarının tez-tez təkrarlanması, kəskin ürək çatışmazlığı və s.), 3 yaşına kimi olan uşaqlara tibbi bankalar qoyulmur.

Xəstənin qızdırması 37,5 C-dən yuxarı qalxanda da bankaların istifadəsi qadağandır.

Beləliklə, tibbi bankaları yalnız həkimin müayinəsindən sonra və həkimin icazəsi ilə istifadə etmək olar. Əks halda siz xəstənin sağlamlığına ziyan vura bilərsiniz.

9-10-2021, 09:05 | Tez yağlanan saçlar üçün dəyərli məsləhətlər...

Bir çox xanımların əsas problemlərində biri də tezyağlanan saçlardır. Çoxları ele düşünür ki, saçları tez tez yuduqda bu problemi aradan qaldırmaq olar.

Lakin, bu belə olmamaqla bərabər tam əks təsir göstərə bilir. Səbəb odur ki, saçlarınızı tez-tez yuduqda , siz piy vəzilərinin işini daha da gücləndirmiş olursunuz, və bununla saçlar yağlandığından daha çox yağlanmağa başlayır.

Dermotoloqların fikrinə əsasən saçları həftədə 4 dəfədən artıq yumaq olmaz. Əgər səhər yuyulan saçlar axşam yağlanırsa, o zaman buna səbəb olan orqanizmdə baş verən hər hansı bir problemi araşdırmaq lazımdır.

Saçlar niyə tez yağlanır?

Buna səbəb genetik meyl və ya sonradan qazanılmış səbəblər ola bilər.

Müəyyən preparatların qəbulu, stress və qadın xəstəliklərin orqanizmdə hormonal pozğunluqlara gətirə bilər. Bu isə insanın xarici görünüşünə təsir edə bilər.Bu saçların yağlılığı ilə də müşahidə oluna bilər.

Problem daxili orqanlarda olduqda isə, heç bir kosmetik vasitələr bu problemin həllinə kömək edə bilməz. Belə vəziyyətdə həkimə müraciət edib, qaraciyər, öd kisəsi, mədəaltı vəz və mədəni yoxlamaq gərəkdir.

Həmçinin vacib əsaslardan biri mineral və vitamin komplekslərinin düzgün qəbuludur. Bunlardan :sink və A, B, E, C vitaminləridir. Bunun üçün isə düzgün qida rasionu və rejim mütləqdir. Çünki bunlar insanın immun sisteminə və ümumi fiziki vəziyyətinə bir başa təsir edir.

Yadda saxlayın, yarımfabrikat, acı, duzlu və yağlı yeməklər, şirniyyat, arıqlamaq üçün saxladığınız pəhriz bütün daxili sistemin iş prinsipinə mənfi təsir göstərmiş olur.

Baş dərisinin vəziyyətini yaxşılaşdırmaq üçün müəyyən kosmetik vasitələr olan, şampun, balzam və maskalardan istifadə edə bilərsiniz. Həmçinin dermotoloqlar saçları ilıq su ilə yumağı, soyuq aylarda isə papaq taxmağı məsləhət görürlər. Kimyəvi burma və boyama isə baş dərisinin vəziyyətini pisləşdirir və piy vəzilərinin işini gücləndirir.

Sonda isə sizə yağlı saçlar üçün istifadə olunan bəzi maskaları təqdim edirik:

Alma sirkəsi maskası.

Xırda doğranmış alma və 1 x/q sirkə qatışdırılıb,10-20 dəqiqəlik baş dərisinə sürtülür. Sonradan ilıq su ilə yuyulur.

Gicitkən maskası.

500 qr gicitkəni və 1/2 lt suyu qazın üzərində bir neçə dəqiqə qaynadmaq lazımdır. Sonradan soyuduqdan sonra onu süzüb saçları hər yuduqdan sonra balzam kimi istifadə etmək məsləhət görülür.

Kefir maskası.

Kefiri baş dərisinə sürtüb, 20 dəqiqə saxlamaq lazımdır. Sonradan saçları ilıq su ilə yaxşı yuyub, axırda sirkə ilə qarışdırılmış su ilə yaxalamaq yaxşı effekt göstərir.

9-10-2021, 09:03 | Üz dərisinin pilinqi nədir və bu prosedur nə üçün lazımdır?

Pilinq - hər bir dəri növü və hər yaş dövrü üçün uyğun olan unikal prosedurdur. Əgər dəridə problem varsa, o zaman bu proseduru yetkinlik dövründən başlamaq olar. Dəri təmiz olduqda , 25 yaşa qədər bu prosedurun 2 dəfə edilməsi kifayət edir.

Pilinq sözü - qabıq vermək kimi tərcümə olunduğuna görə, dərinin təmizlənməsi mənasına gəlir. Pilingin bir neçə növü mövcuddur: yüngül, orta və dərin pilinq.

Yüngül pilinq - meyvə turşularının əsasında baş verir.Proses turşu məhlulunun dəriyə 1 qat sürtülməsi ilə baş verir. Lakin bu turşu məhlul məişətdə istifadə olunan turşular deyil, kosmetologiyada istifadə olunan populyar meyvə turşularıdır. Bunlardan: limon, badam, salisil, süd, retionel və s kimi turşu məhlullarıdır.

Əgər dəri sağlam və cavandırsa pilinq dəri hüceyrələrinin yenilənməsi üçün edilir. Dəridə yaranan ölü hüceyrələrin balaca ölçüdə olmasına baxmayaraq, onları təmizləmədikdə, məsamələrin tutulması baş verir. Bu isə təbii ki, dərini nəfəs almağa qoymur, nəticədə dəri qalın və kobud olur, dərinin rəngi boğulur və o , xəstə və solğun görkəm alır.

Dərinin sağlam vəziyyətdə saxlanılması üçün ildə 2 dəfə meyvə turşulu pilinq kifayət edir.

Pilinq nə edir və onun köməyi ilə hansı problemlərdən azad olmaq olar:

- dərinin rəngini yaxşılaşdırır

- dərinin teksturası yaxşılaşır- dəri hamar və yumuşaq olur

- məsamələr təmizlənir və daralır

- piqmentasiya ağarır


- akne(sızanaq və qara nöqtələrin müalicəsi)

- sızanaqlardan sonrakı ləkələrin təmizlənməsi

- dərinin liftinqi - dəri daha möhkəm və elastik olur, yüngül qırışları yox edir

- dərinin artıq yağı azalır.

- dəri nəfəs alır, nəticəsə isə cavanlaşır

Bu prosedurdan sonra dər, bir neçə gün qabıq verir və bununla ölü dəri qatından azad olaraq, dərinin cavan və daha sağlam görünüşünü müşahidə etmək olur. Dəri tipinə uyğun olaraq kosmetoloqla sizə hansı piling növünün lazım olduğunu məsləhət almağınız daha düzgün olar.

Unutmayın, dərinizə yaşlı dövrdən deyil, artıq 20 -25 yaşlarından başlayaraq qulluq etmək lazımdır!

9-10-2021, 09:00 | Yemək yedikdə su içmək xeyirdir yoxsa ziyan?

Bədənimizin təxminən 70% , beyinin isə tam yarısı sudan ibarət olduğundan, suyun insan orqanizmi üçün nə qədər önəmli olduğunu bilmək olar.

Çox zaman susuzluq hissi aclıq hissi ilə səhv salınır, bəhs bu səbəbdən bir çox insanlar aclıq hissi duyduqları zaman ilk olaraq su içməyi tərciyə edirlər. Yaşlandıqca isə orqanizmdə suyun miqdarı azalır.Lakin, su çox içdiyimiz halda, qocalma prosesini ləngitmək imkanı əldə edirik.

Bəs, yemək zamanı su içmək ziyandır yoxsa xeyir? Bu sual çoxlarını narahat edir...

Bir çoxlarımız yeməyi 1 fincan susuz təsəvvür etmir, digərləri isə ümumiyyətlə yemək zamanı su içmək istəmir. Keçmiş zamanlardan qalan fikirlərə əsasən, yemək zamanı su içdikdə, su mədə turşluğunu durulaşdırır, bu isə yeməyi n, xüsusən də zülalın parçalanma prosesini çətinləşdirir. Əslində isə su, həzm şirəsinə əhəmiyyətli təsir göstərmir, bununla da həzm üçün heç bir problem yaratmış olmur.

Həqiqətdə isə yeməkdən əvvəl içilən su, həzm traktını, əzələlərin qeyri ixtiyarı yığılma və boşalmasının stimullaşdırır. Bəzi araşdırmalar, suyun içildikdən 1 saat sonra metobolizmi yaxşılaşdırdığını göstərir. Həmçinin su çəkini kontrol etməkdə kömək edir. Orqanizmdə toxluq siqnalı verən bir neçə faktor var. Anatomik faktrorlardan biri də mədənin genişlənməsidir. Bu isə həm qida, həm də su qəbulu ilə təmin oluna bilər.

İçdiyiniz suyun miqdarını artırdıqda sağlamlıqla əlaqəli nə qədər problemlərdən azad olacağınızı bildikdə təəccüblənəcəksiniz. Bu: qıcqırma, artrit, bağırsaq xəstəlikləri, bel və digər sahələrdə xroniki ağrılar, yüksək qan təzyiqi vəs. Aşağıda isə sizə suyun ən vacib funksiyalarını təqdim edir:

- su, orqanizmin bütün toxumalarını nəmləndirir

- bədən hərarətini tənzimləməyə kömək edir

- orqanların qorunmasına kömək olur

- bədəndə toksinləri yumaqla böyrək və qaraciyəri artıq yükdən azad edir

- oynaqlarda sürtkü rolunu oynayır

- mineral və digər xeyirli maddələri həll edir, bu isə onların hüceyrələrə daha yaxşı hopmasına səbəb olur

- hüceyrələrə oksigen və qidalı maddələri göndərir

Daha çox su için...

Gecə bədən uzunmüddətli susuz qaldığından, çalışın səhərlər 200-400 mlt su için.

4-10-2021, 11:58 | Azərxalça"nın həbsdə olan keçmiş sədri xəstəxanaya yerləşdirildi

"Azərxalça" ASC-nin həbsdə olan sabiq sədri Vidadi Muradov xəstəxanaya yerləşdirilib.

Onkoloji xəstəlikdən əziyyət çəkən V.Muradovun səhhəti ağırlaşdığı üçün o, Milli Onkologiya Mərkəzinə köçürülüb.

Xatırladaq ki, V.Muradov 21 milyon 673 min manatı mənimsəməkdə ittiham olunur.

İttihama görə, V.Muradovun qanunsuz əməlləri ilə əlaqədar daxil olmuş materiallar əsasında aparılmış araşdırma nəticəsində Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə başlanmış cinayət işinin istintaqı yekunlaşdırılıb.

V.Muradovun qeyd olunan vəzifədə işləyərkən təsisçisi olmaqla faktiki rəhbərliyi həyata keçirdiyi Azər-İlmə MMC-nin Bakı şəhəri ərazisində yerləşən inzibati binasının Azərxalça ASC-yə mövcud bazar qiymətlərindən yüksək qiymətə icarəyə verilməsi, Azərxalça ASC-yə məxsus pul vəsaitinin xalça istehsalı üçün nəzərdə tutulan ipin alınması üçün formal müqavilənin bağlanması yolu ilə ayrı-ayrı hüquqi şəxslərə məxsus bank hesablarına köçürülərək sonradan nağdlaşdırılması, ölkə ərazisində tikintisi həyata keçirilmiş 23 müəssisə üzrə smeta sənədlərində iş həcmlərinin və qiymətlərin əsassız olaraq şişirdilməsi, işlərin daha ucuz və keyfiyyətsiz işlərlə əvəz edilməsi və ya yerinə yetirilməməsi və digər qanunsuz üsullarla ona etibar edilmiş ümumilikdə 21 milyon 673 min manat məbləğində pul vəsaitini mənimsəmə və israf etmə yolu ilə talaması, habelə xüsusilə külli miqdar təşkil edən cəmi 640 min manat məbləğində vergiləri dövlət büdcəsinə ödəməkdən qəsdən yayınması, vəzifə səlahiyyətlərindən sui-istifadə etməsi və vəzifə saxtakarlığına yol verməsinə əsaslı şübhələr müəyyən edilib.

Ona qarşı Cinayət Məcəlləsinin 179.4 (mənimsəmə və ya israf etmə- xüsusilə külli miqdarda ziyan vurmaqla törədildikdə), 213.3 (vergiləri ödəməkdən yayınma- xüsusilə külli miqdarda törədildikdə), 308.2 (vəzifə səlahiyyətlərindən sui-istifadə etmə- ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham elan edilərək məhkəmənin qərarı ilə barəsində həbs qətimkan tədbiri seçilib və cinayət işi baxılması üçün Bakı Ağır Cinayətlər Məhkəməsinə göndərilib.

İstintaq zamanı dövlətə dəymiş ziyanın ödənilməsi məqsədilə təqsirləndirilən şəxs Vidadi Muradov və onun ailə üzvlərinin adlarına olan ümumi dəyəri 30 milyon 587 min manat təşkil edən yaşayış və qeyri-yaşayış sahələri, habelə Azər-İlmə MMC-nin səhm paylarının və aktivlərinin üzərinə məhkəmə qərarı ilə həbs qoyulub.

Qeyd edək ki, V.Muradovun cinayət işi üzrə bu gün Bakı Ağır Cinayətlər Məhkəməsində məhkəmə prosesi keçirilməli idi.

4-10-2021, 11:56 | O da "Space TV"dən getdi

"Space TV"də yeni mövsümlə bağlı bir çox dəyişikliklər edilib. Yeni aparıcılarla yanaşı uzun müddətdir kanalda çalışan simaların bəziləri də yollarını ayırıblar.

Telekanalın yeni mövsüm tanıtım çarxında aparıcı Elçin Əlibəyli yer almayıb. Onun aparıcılıq etdiyi "El bizim, sirr bizim" proqramı yayımını dayandırıb.

Digər kanaldan gedən aparıcı isə Turan İbrahimov olub. O, axşam.az-a açıqlamasında xəbəri təsdiqləyib. Turan bildirib ki, heç bir kanalda çalışmayacaq:

"Öz istəyimlə işbirliyinə son qoydum. Amma tam nöqtə qoymamışam. Hələ ki, tam başqa sahədə çalışıram. Başqa gözləntilərim var. Piar sahəsində çalışmaq istəyirəm. Ola bilsin ki, televiziyadan ümumiyyətlə uzaqlaşdım".


Ötən mövsüm kanalda səhər verilişi aparan Afət Abdullayeva və Anar Cəfərov da kanalla yollarını ayırıb.


axşam

30-09-2021, 10:29 | Bu gün Milli Məclisin payız sessiyası başlayır

Bu gün Azərbaycan Milli Məclisinin payız sessiyası başlayır.

Milli Məclisin payız sessiyasının ilk plenar iclası bu gün saat 11:00-da keçiriləcək.

Parlamentin payız sessiyasının ilk plenar iclasında Azərbaycan xalqının Vətən müharibəsinin başlanmasının ildönümü ilə əlaqədar Milli Məclisinin Bəyanatı qəbul ediləcək.

Milli Məclisin 2021-ci il payız sessiyasının qanunvericilik işləri planına 12 məsələnin daxil olacağı gözlənilir.

Qanunvericilik işləri planına aşağıdakılar daxildir:

1. Azərbaycan Respublikası Prezidentinin, Azərbaycan Respublikası Milli Məclisi deputatlarının, Azərbaycan Respublikası Ali Məhkəməsinin, Azərbaycan Respublikası Prokurorluğunun, Naxçıvan Muxtar Respublikası Ali Məclisinin qanunvericilik təşəbbüsü qaydasında təqdim etdiyi qanun layihələri;

2. Azərbaycan Respublikasının dövlət büdcəsi zərfinə daxil olan qanun layihələri;

3. Konstitusiya Məhkəməsinin tövsiyələri nəticəsində hazırlanmış qanun layihələri;

4. "Hərbi qulluqçuların statusu haqqında" qanun layihəsi;

5. "Qiymətləndirmə fəaliyyəti haqqında" qanun layihəsi;

6. "Lombardlar haqqında" qanun layihəsi;

7. "Reproduktiv sağlamlıq haqqında" qanun layihəsi;

8. "Ali təhsil haqqında" qanun layihəsi;

9. "Turizm haqqında" qanun layihəsi;

10. "Qeyri-maddi mədəni irsin qorunması haqqında" qanun layihəsi;

11. "Qida təhlükəsizliyi haqqında" qanun layihəsi;

12. Azərbaycan Respublikasının qanun-larında dəyişikliklər edilməsi haqqında qanun layihələri.

30-09-2021, 08:21 | İmmunitetin möhkəmləndirilməsi üçün İ XALQ TƏBABƏTİ

- ½ stəkan çuğundur şirəsi + ½ stəkan kök şirəsi + 1 çay qaşığı bal və + 1 xörək qaşığı limon şirəsi. Bu qarışımı hər gün için.

- ½ limonu boşqabda qabığı ilə birlikdə xırda-xırda doğrayın (sirəsi qalmaq şərtilə). Üzərinə orta ölçüdə olan 7-8 diş sarımsaq xırda-xırda doğrayın. Bunları ½ litrlik şüşə bankaya yığaraq üzərinə qaynadımış soyuq su töküb doldurun. Bu qarışığı 4 gün ərzində qaranlıq yerdə saxladıqdan sonra onu soyuducuya qoyun (içərisindəki limon və sarımsaqları alınan şirədən ayırmamaqla). Alınan bu tərkibi hər gün yeməkdən 20 dəqiqə əvvəl 1 xörək qaşığı olmaqla daxilə qəbul etmək tövsiyə olunur. Bankada şirənin miqdarı az qaldıqda bu tərkibi başqa bir bankada yenidən hazırlamaq (bunun qəbulunda fasiləyə yol vermədən oktyabr ayından mart ayına qədər qəbul etmək) lazımdır.

- 500 qram xırdalanmış qoz + 300 qram bal + 100 qram aloe şirəsi və 4 ədəd limonun şirəsini yaxşı-yaşı qarışdıraraq 1 gün ərzində qaranlıq yerdə saxlayın. Alınan tərkibi 1 xörək qasığı olmaqla gündə 3 dəfə yeməkdən 30 dəqiqə qabaq qəbul etmək məsləhət görülür.

- ½ stəkan kişmiş + 2 ədəd limon (qabıqlı) + 1 stəkan qoz ləpəsi + ½ stəkan badam ləpəsi. Qoz və badamı qabaqcadan xırdalamaq, limonlarları isə tumları çıxarılmaqla sürtgəcdən keçirmək və ya ət maşınında çəkmək lazımdır. Bu qarışığın üzərinə ½ stəkan bal əlavə edib yenidən qarışdıraraq 3-5 gün ərzində otaq temperaturunda qaranlıq yerdə saxlamaq tövsiyə olunur. Alınan bu tərkib gündə bir dəfə, 1 xörək qaşığı olmaqla yeməkdən 1 saat əvvəl qəbul edilir. Payız və qış aylarında bu dadlı və faydaı "dərman" hər gün qəbul oluna bilər.

- 0,5 kq quşüzümünü əzib, üzərinə 1 stəkan qoz ləpəsi və 2-3 ədəd doğranmış yaşıl alma (qabıqlı şəkildə) əlavə edin. Daha sonra bunların üzərinə 0,5 stəkan su və 0,5 stəkan şəkər tozu əlavə edərək vam odda bişirin. Alınan bu tərkibi şüşə bankalara yığaraq, immuniteti möhkəmləndirmək məqsədi ilə, gün ərzində 2 dəfə (səhər və axşam) 1 xörək qaşığı olmaqla qəbul etmək tövsiyə olunur.

- ½ stəkan ağ turp və kök şirəsinin üzərinə 1 xörək qaşığı bal və 1 xörək qaşığı limon şirəsi əlavə edərək qarışdırın. Epidemiya dövrlərində alınan bu qarışığı, gündə 2 dəfə (səhər və axşam) olmaqla 1 xörək qaşığı həcmində qəbul etmək lazımdır.

- ½ stəkan cücərdilmiş buğdanı həvəngdəstədə əzib üzərinə ½ stəkan bal və 2 xörək qaşığı aloe şirəsi əlavə edib qarışdırın. Alınan qarışığı 1 ay ərzində gündə 3 dəfə yeməkdən qabaq, 1 xörək qaşığı olmaqla qəbul etmək lazımdır.

- Hərəsindən 1 xörək qaşığı olmaqla badrənc, nanə, dazıotu, cökə ağacı çiçəkləri götürüb üzərinə 1 litr qaynar su tökün. 15-20 dəqiqə keçdikdən sonra dəmləməni süzün və gün ərzində qəbul edin.

- Bir barmaq ölçüsündə olan zəncəfil kökünü təmizləyib xırda sürtgəcdən keçirib üzərinə 1 litr qaynar su əlavə edin. Bir qədər soyuduqdan sonra üzərinə xırda-xırda doğranmış 1 ədəd limon (qabığı ilə birlikdə) və bir qədər bal (zövgə görə) əlavə edərək qarışdırın. Alınan qarışığı gündə 1 dəfə ½ stəkan olmaqla qəbul edin.

- 300-400 qram təmizlənmiş balqabağı sürtgəcdən keçirib üzərinə 300 qram bal və qabığı ilə birlikdə (tumları çıxarılmaqla) ət maşınında çəkilmiş 2-3 ədəd limon əlavə edin. Alınan qarışığı soyuducuda saxlayın və hər gün 1 çay qaşığı olmaqla səhər yeməyindən əvvəl qəbul edin.

- Bərabər nisbətlərdə olmaqla - qara qarağatın, exinaseyanın, badrəncin, meşə çiyələyinin qurudulmuş və xırda-xırda doğranmış yarpaqlarını və itburnu meyvələrini qarışdırın. Bu qarışıqdan 1 xörək qaşığı götürüb termosa tökün və üzərinə 250 ml qaynar su əlavə edin. 3 saat keçdikdən sonra gün ərzində hissə-hissə olmaqla qəbul edin. Bu müalicənin 1 kursu 15 gündür.

- Orta ölçüdə olan 3 ədəd təmizlənməmiş almanı kiçik paylarla doğrayaraq üzərinə 1 litr qaynar su əlavə edərək, vam odda 10 dəqiqə ərzində bişirdikdən sonra 30 dəqiqə saxlayın. Alınan tərkibin üzərinə istəyinizə uyğun miqdarda bal əlavə edərək çay kimi için.

- Portağal çayı: 2 portağalın qabıqlarını xırda-xırda doğradıqdan sonra üzərinə 1/2 çay qaşığı quru qara çay və ½ litr qaynar su əlavə edin. Az bir müddət keçdikdən sonra istəyinizə uyğun olaraq üzərinə limon və şəkər də əlavə edərək çay kimi için.

- 1 xörək qaşığı yemişan meyvələri, 1 xörək qaşığı itburnu meyvələri, 1 xörək qaşığı xırdalanmış moruq yarpaqları, 1 xörək qaşığı quru yaşıl çayı qarışdırıb üzərinə 1 litr qaynar su əlavə edin. Dəmləmə hazır olduqdan sonra üzərinə istəyinizə uyğun miqdarda bal da əlavə edərək çay kimi için.

- 1 xörək qaşığı qatırquyruğu bitkisinin üzərinə 1 stəkan qaynar su əlavə edib 1 saat gözlədikdən sonra süzərək gün ərzində qəbul edin.

- 2 xörək qaşığı üçbarmaq (pişikdili) bitkisinin üzərinə 2 stəkan qaynar su əlavə edib, 1 saat gözlədikdən sonra süzərək gün ərzində qəbul edin. (Bu, 1 günlük normadır). Bu dəmləməni içərkən ona zövgünüzə görə limon və bal da əlavə edə bilərsiniz.

- Bərabər nisbətlərdə olmaqla çiyələk yarpaqları, üçbarmaq (pişikdili) otu, çobanyastığı çiçəklərini qarışdırdıqdan sonra, bu qarışıqdan 1 xörək qaşığı götürərək üzərinə 1 stəkan qaynar su tökün, bir qədər keçdikdən sonra çay kimi için.

- 1 xörək qaşığı darı və ya çovdar kəpəyinin üzərinə 2 stəkan su əlavə edərək 30 dəqiqə ərzində qaynatdıqdan sonra, üzərinə 1 xörək qaşığı bal əlavə edin. Bu dəmləməni ilıq şəkildə olmaqla gündə 3 dəfə (hər dəfə 50 q miqdarında) qəbul edin.

- 2 xörək qaşığı qurudulmuş itburnu meyvələrini xırdaladıqdan sonra, üzərinə ½ litr qaynar su əlavə ederək, 15 dəqiqə ərzində vam odda qapağı kip bağlanan qazanda qaynadın. Bir gecə saxladıqdan sonra ertəsi gün səhər bir neçə qat tənzifdən keçirməklə süzdükdən sonra, üzərinə zövgünüzə görə bal əlavə etməklə çay kimi için.

- İmmun sistemin möhkəmləndirilməsi üçün ən yaxşı vasitələrdən biri yumurta qabığının tozundan istifadə etməkdir. Bir neçə ədəd yumurtanı (yaxşı olar ki, mağazadan alınan yox, kənd toyuğu yumurtaları olsun) suda bişirib qabıqlarını soyduqdan sonra onların daxili səthində olan nazik pərdələrini çıxarın. Qabıqları tavaya töküb qızartdıqdan sonra toz şəkli alana qədər həvəngdəstədə əzin. Çay qaşığının uc hissəsində az miqdarda götürməklə üzərinə limon sıxıb gündə 2-3 dəfə yeməkdən sonra qəbul edin və ya yediyiniz qidanın üzərinə əlavə edin.

- İynəyarpaqlı ağacın yarpaqlarından 2 xörək qaşığı götürərək üzərinə 0,5 litr qaynar su əlavə edib ağzı bağlı şəkildə olmaqla, vam odda 20 dəqiqə ərzində qaynadın. 30 dəqiqə keçdikdən sonra üzərinə 1 çay qaşığı bal əlavə edərək hər dəfə ½ stəkan (uşaqlara 2 xörək qaşığı) olmaqla gündə 2 dəfə qəbul edin.

- Axşamdan orta ölçüdə olan 1 baş sarımsağı təmizləyib əzdikdən sonra, üzərinə 1 stəkan təzə kefir əlavə edin. Alınan qarışığı ertəsi gün 2-3 dəfəyə olmaqla için. Kurs müalicəsi 15 gün təşkil edir.

- Orta ölçüdə olan 1 ədəd soğanı kiçik dişli sürtgəcdən keçirib üzərinə 1 stəkan qaynar süd tökün. Soyuduqdan sonra bu dəmləməni gündə 2 dəfə - hər dəfə 1/2 stəkan olmaqla qəbul etmək lazımdır. Müalicə kursu 15 gündür.

- Yaşıl qozları xırda gözlü sürtgəcdən keçirdikdən sonra 1:1 nisbətində olmaqla bal ilə qarışdırın. Alınan qarışığı şüşə qaba yığaraq ağzını sıx şəkildə bağladıqdan sonra 1 ay müddətində qaranlıq və sərin yerdə saxlamaq lazımdır. Həftədə 1 dəfə bu qarışığı yaxşıca silkələməklə qarışdırın. 1 ay keçdikdən sonra alınan qarışıqdan 1 çay qaşığı ilə gündə 3 dəfə yeməkdən qabaq qəbul etmək lazımdır. Müalicə kursu 1 ay davam etdirilməlidir.

- Hərəsindən 100 q olmaqla qabaqcadan xırdalanmış tozağacı tumurcuqları, solmaz çiçəyi, dazı otu, çobanyastığı güllərini bir-biri ilə qarışdırın. Axşam bu qarışıqdan 1 xörək qaşığı götürüb üzərinə 0,5 litr qaynar su əlavə edin və isti yerdə ½ saat ərzində saxlayın. Alınan dəmləməni 1 neçə qat tənzifdən keçirməklə süzün. Yatmamışdan əvvəl ½ stəkan həcmində olan dəmləməni bir qədər qızdıraraq, üzərinə 1 çay qaşığı bal əlavə edərək için.

- 1 xörək qaşığı topinambur (yeralması) tozunun (apteklərdə satılır) üzərinə 1 stəkan qaynar su töküb qarışdırın. Dəmləmə soyuduqdan sonra onu yaxşıca süzün. Alınan dəmləməni 1 xörək qaşığı ilə gün ərzində 3-4 dəfə qəbul etmək lazımdır.

- 200 q itburnu meyvəsi, 100 q şam ağacı tumurcuqları, 100 q boymadərən, 100 q adaçayı bitkilərini qarışdırın. Alınan qarışğın üzərinə 3 litr qaynar su əlavə edərək vam odda 15 dəqiqə ərzində ağzı bağlı şəkildə qaynadın. Qazın üstündən götürdükdən sonra üzərini qalın ədyalla örtərək 1 gün ərzində saxlayın. Alınan dəmləməni tənzifdən keçirməklə yaxşıca süzün, üzərinə 100 ml "çaqa" göbələyinin ekstraktını (bunun üçün aptekdən "befungin" alın), 100 ml aloe bitkisinin şirəsini və ½ kq bal əlavə edin. Alınan tərkibi yaxşı-yaxşı qarışdırın və 1 gün saxlayın. Bu balzamı payız-qış aylarında 1 xörək qaşığı ilə gündə 3 dəfə olmaqla yeməkdən 1 saat qabaq qəbul etmək lazımdır.

30-09-2021, 08:18 | Bədənin mökəmləndirilməsi üsulları

Bədənin mökəmləndirilməsi - xəstəlikləri müalicə etmir, onların qarşısını alır. Bu, onun çox vacib olan profilaktik roludur.

Saglamolun.az bildirir ki, bədəni mökəmləndirilmiş olan insan nəinki, istini, soyuğu, həmçinin, orqanizmin müdafiə qüvvələrinin zəifləməsinə səbəb ola bilən havanın kəskin temperatur dəyişmələrini də yüngül şəkildə keçirə bilər. Məsələ bundan ibarətdir ki, biz bədənimizi möhkəmləndirərkən öz immun sistemimizi də məşq etdiririk. Müntəzəm olaraq məşq edilmədiyi halda, hər bir digər orqan və sistem kimi, immun sistemi də zəifləmiş olur. Bədənin möhkəmləndirilməsi zamanı istifadə olunan üsullar vasitəsi ilə orqanizm üçün ekstremal hesab edilən müxtəlif vəziyyətlər yaradılır. Bu zaman immun sistemi də təcili olaraq öz mübarizə üsullarını aktivləşdirir.

Fiziki inkişafı səviyyəsindən asılı olmayaraq istənilən yaş qrupuna aid olan insanlar öz bədənlərinin möhkəmləndirilməsi ilə məşğul ola bilərlər. Yüksək qızdırma ilə müşayiət olunan xəstəliklərdən savayı bədənin möhkəmləndirilməsi üçün əks göstəriş yoxdur. Yadda saxlamaq lazımdır ki, bədənin möhkəmləndirilməsi fasiləsiz və sistemli şəkildə aparılmalıdır. Bədənin möhkəmləndirilməsi üzrə 2-3 ay ərzində aparılan prosedurlar daha sonra saxlanılarsa, orqanizm yaxın 3-4 həftə (uşaqlarda isə 5-7 gün) ərzində öz möhkəmliyini itirmiş olur. Buna görə də əgər hər hansı bir səbəbdən siz, uzun müddət ərzində, bədənin möhkəmləndirməsi prosedurlarını saxlamış olsanız, bunu davam etdirmək üçün yenə də lap əvvəldən başlamaq lazım gələcək.

Bədənin möhkəmləndirilməsi prosesində sistematikliyə əməl etməkdən savayı, bunu tədricən etmək də çox vacibdir. Bədənin möhkəmləndirilməsi yalnız o halda müsbət nəticə verəcəkdir ki, bu zaman tətbiq olunan prosedurların qüvvəsi və müddəti yavaş-yavaş artırılmış olsun. Bədənin möhkəmləndirilməsini - dərhal bədənə qar sürtməklə və ya buzlu suda çimməklə başlamaq olmaz. Belə tələsik və düşünülməmiş möhkəmləndirmə orqanizmin sağlamlığına zərər gətirə bilər.

Bədənin möhkəmləndirilməsi insan orqanizminə (xüsusən də bu işə yeni başlayanlarda) güclü şəkildə təsir edir. Buna görə də bədənin möhkəmləndirilməsi prosedurlarına başlamazdan əvvəl mütləq həkimlə də məsləhətləşmək lazımdır. Bədənin sağlamlıq dərəcəsini, yaşınızı nəzərə alaraq, həkim sizə bədənin möhkəmləndirilməsi üsullarının düzgün seçilməsində, onlardan istifadə qaydaları barədə dəyərli məlumatlar verməklə, onların orqanizmə verə biləcəkləri mənfi təsirlərin qarşısının alınmasında kömək edəcək.

Bədənin möhkəmləndirilməsi - orqanizmin müdafiə qabiliyyətinin artırılması vasitəsi kimi, insanlara qədim zamanlardan da məlum idi. Praktik olaraq bütün qədim dövlətlərin - Qədim Roma və Qədim Yunanstan, Qədim Çin, Qədim Hindistanın - qədim mədəniyyətlərində insan bədəninin və ruhunun möhkəmləndirilməsinin profilaktik vasitələri kimi istifadə olunmuşdur.

Qədim çin kitablarının birində sağlamlıq haqqında belə yazılmışdır: "Müdrük adam xəstəliyi öz bədənində hələ olmadığı zamandan müalicə etməyə başlayır. Çünki xəstəlik başlandıqdan sonra onun müalicəsinə başlamaq mənaca o deməkdir ki, insan su axtarmaq üçün quyu qazılması prosesinə yalnız susuzluq onu əldən saldıqda və ya silah hazırlanmasına isə düşmənlə dava getdiyi zamanda başlayır. Məgər bu çox gec deyil?"

Bədəni hava, günəş və sudan istifadə etməklə möhkəmləndirmək olar.

İnsan sağlamlığının möhkəmləndirilməsi üçün, açıq havada heç olmasa 30 dəqiqə - 1 saat ərzində olan gündəlik (!) gəzintinin böyük əhəmiyyəti vardır. Belə hava vannalarının təsiri altında ürək-damar, sinir, tənəffüs sistemlərinin fəaliyyəti, qanın tərkibi (qanda eritrositlətim miqdarı və hemoqlobinin səviyyəsi artır) yaxşılaşır.

Bədənin açıq havada keçirilən möhkəmləndirilməsinin effektivliyinin artırılması şərtlərindən biri geyimin düzgün seçilməsidir. Belə ki, geyinilən paltar havaya uyğun olmalı, insan özünü bu paltarda rahat hiss etməli, ona soyuq və ya isti olmamalıdır, insan tərləməməlidir.

Günəş şüaları insan orqanizmi üçün çox xeyirlidir. İstiliyin təsiri altında insan dərisindəki tər vəzilərinin fəaliyyəti güclənmiş olur. Bu zaman orqanizm üçün zərərli hesab olunan maddələrin bir çoxu tər vasitəsi ilə bədəndən xaric edilir. Belə halda həmçinin, böyrəklərin üzərinə düşən yük də bir qədər azalmış olur. İsti - orqanizmin bütün toxumalarında qan dövranının yaxşılaşmasına səbəb olur. Günəş şüalarının təsiri altında insanın dərisində, insan sağlamlığı üçün çox vacib olan D vitamini hazırlanır. Günəş şüaları bakterisid (mikrobları öldürən) xüsusiyyətə malikdir. Bu şüalar, soyuqdəyməyə və müxtəlif infeksiyalara qarşı orqanizmin müqavimətinin artırılmasında iştirak edir, orqanizmə tonuslandırıcı təsir göstərirlər. Yay fəslində günəş vannaları qəbul edilməsi üçün ən yaxşı vaxt səhər saat 8-dən 11-dək və günortadan sonra isə saat 17-dən 19-a qədərdir. Ancaq onu da yadda saxlamaq lazımdır ki, isti günəş şüaları altında həddindən artıq dərəcədə qalmaq orqanizmi nəinki möhkəmləndirir, hətta ona xeli dərəcədə ziyan vurur.

Su - insan orqanizminini möhkəmləndirilməsi üçün ümumi qəbul olunan bir vasitədir. Bədənin su ilə möhkəmləndirilməsinin aşağıdakı üsulları vardır:

1) Bədəni yaş dəsmalla sürtmə. Bu, bədənin su ilə möhkəmləndirilməsinin ilkin mərhələsi hesab olunur. Bu, su prosedurları içərisində ən zərifidir. Onu uşaq yaşlarından başlayaraq istənilən yaşlarda tətbiq etmək olar. Onu otaq temperaturunda olan yaş dəsmalla, suya batırılmış süngərlə ("qubka") etmək olar. Sürtmə aşağıdakı ardıcıllıqla yerinə yetirilir: boyun, sinə, kürək. Sonra onları qurulayaraq dəri qızarana qədər dəsmalla sürtürlər. Bundan sonra yaş dəsmalla ayaqları da sürtürlər. Bütün bu prosedur 5 dəqiqə ərzində davam etdirilir.

2) Bədənin üzərinə su axıtmaq. Bu isə, bədənin su ilə möhkəmləndirilməsinin növbəti mərhələsidir. İlkin su axıtma prosedurunu + 30°С-dən başlayaraq tədricən + 15°С-dək azaltmaq məsləhət görülür. Su axıdılması prosedurundan sonra bədəni fəal şəkildə dəsmalla sürtmək lazımdır. Bu prosedurlara yay aylarında və daha yüksək temperaturlardan başlamaq lazımdır. Bu prosedur 20-40 saniyə müddətində aparılmalıdır.

3) Duş qəbul edilməsi - bədənin su ilə möhkəmləndirilməsi üçün daha effekltiv prosedur hesab olunur. Bu prosedurun ilk mərhələlərində suyun temperaturu +30-32°С arasında olmalı və 1 dəqiqədən artıq davam etməməlidir. Sonrakı mərhələlərdə suyun temperaturunu tədricən azaltmaq prosedurun qəbul müddətini isə 2 dəqiqəyədək (duşdan sonra bədənin fəal şəkildə dəsmalla sürtülməsi də daxil olmaqla) artırmaq olar. Daha sonralar isə kontrast duşlara keçmək olar. Bu zaman 3 dəqiqə ərzində 2-3 dəfə olmaqla temperaturu 35-40°С olan isti duşu temperaturu 13-20°С olan soyuq su ilə növbələmək lazımdır.

Bədənin möhkəmləndirilməsi üçün su ilə ümumi prosedurlarla yanaşı yerli prosedurlar da keçirilir. Onlardan ən çox tətbiq edilənləri, soyuq su ilə ayaq pəncələrinin yuyulması və boğazın qarqara edilməsidr. Bu yolla biz ən tez soyuqlayan bədən hissələrini mökəmləndirməyə çalışırıq.

Ayaq pəncələrinin yuyulması bütün il boyu yatmamışdan əvvəl aparılmalıdır. Prosedurun ilkin mərhələlərində suyun temperaturu 26-28°С olmalı, sonrakı mərhələlərdə isə tədricən 12-15°С-dək azaldılmalıdır. Yuyulmadan sonra ayaq dərisi qızarana qədər dəsmalla silinməlidir.

Boğazın (udlağın) qarqara edilməsi - hər gün səhər və axşam edilir. Prosedurun ilkin mərhələlərində suyun temperaturu 23-25°С olmalı, sonrakı mərhələlərdə isə hər həftə 1-2°С azaldılaraq tədricən 5-10°С-yə çatdırılmalıdır. Yadda saxlamaq lazımdır ki, əgər sizdə ağız boşluğunun və udlağın xəstəlikləri (xroniki tonzillit və s.) vardırsa, boğazın (udlağın) qarqara edilməsinə yalnız həkim məsləhətindən sonra başlamaq olar.

Hamam və saunaya getmək də bədənin möhkəmləndirilməsinə çox yaxşı təsir edir. Bu prosedurların təsiri nəticəsində orqanizmin iş qabiliyyəti və emosional tonusu artır, qan damarları genişlənir, orqanizmin bütün toxumalarında qan dövranının güclənməsi baş verir. Yüksək temperaturun təsiri altında dəridən güclü şəkildə tər xaric olur ki, bu da maddələr mübadiləsinin zərərli məhsullarının orqanizmdən xaric olmasına kömək edir. Müntəzəm olaraq hamam və saunaya gedilməsi nəticəsində orqanizmin soyuqdəyməyə və infeksion xəstəliklərə qarşı olan müqaviməti yüksəlmiş olur.

Ancaq hamam və saunaya tez-tez getmək də məsləhət deyil. Bununla siz sağlamlığınıza zərər verə bilərsisniz. Bundan əlavə hamam və saunaya getməyə əks-göstəriş olan xəstəliklər də vardır: ürək qüsurları, hipertoniya, ürəyin işemik xəstəliyi, ateroskleroz, varikoz, ağ ciyər xəstəlikləri, bronxial astma, xora xəstəliyi, bədxassəli şişlər, qalxanvari vəzinin xəstəlikləri və s.