23-09-2021, 06:44 | Çox xəstəliklərinizin səbəbi AVİTAMİNOZ - Bu əlamətlər varsa...
Həyati vacib vitamin və mineralların defisiti AVİTAMİNOZ adlanır. Avitaminoz elə bir haldır ki, uzun müddət insan vitaminsizlik vəziyyətində olduqda peşəkar həkim onun elə xarici görünüşünə baxdıqda vitamin defisitini təyin edə bilər.
Vitamin əskikliyi qan analizləri ilə də asanlıqla təyin olunur. Amma təəssüf ki, bizim vətəndaşlar özlərində hər cür xəstəliyi axtarıb hər cür müayinələrdən keçməyə hazırdırlar, amma vitamin əskikliyi barədə bilmək istəmir, maraqlanmır və defisitə dair analizlər vermir.
Bir çoxları qanazlığı, dəmir defisiti və D vitamini defisitini tanıyır və yoxlayır. Əslində isə orqanizm bu 1-2 vitamin üzərində qurulmayıb.
A-dan Z-yə, yəni bütün vacib məlumatları toplayıb.
Bədəninizin avitaminoza verdiyi 8 ciddi siqnala da diqqət yetirin. Bu siqnallar nəyin əskikliyini göstərir. Əminəm ki, bu əlamətlərdən azı 5-i sizdə var.
1. Dırnaq, saçlar, dişləri vəziyyəti - qırılır, sınır, tökülür, quruyur
SİZDƏ BİOTİN - B 7 çatışmır
Biotin bizə onun üçün lazımdır ki, qəbul etdiyimiz qidanı enerjiyə çevirsin və həyati vacib proseslər üçün istifadə olunsun.
Biotin əskikliyinin digər əlamətləri: əzələ qıcolmaları, əl-ayağın keyiməsi, tez yorulma, gücsüzlük, səbəbsiz əzələ, bədən ağrıları
Daha çox hamilələr, siqaret çəkənlər, içki içənlər, dieta saxlayanlarda rast gəlinsə də.ş indi elə çox adamda var.
Uzun müddət antibiotik, qıcolma və nevroloji dərmanlar qəbul edənlərdə də biotin çatışmır.
Orqanizmdə biotini artırmaq üçün yumurta sarısı, brokkoli, banan, süd, süd məhsulları, subtropik meyvələr, mal qaraciyəri, qarğıdalı, yarma, yulaf, balıq yemək lazımdır. Şəkildə biotinlə zəngin qidaları təqdim olunub.
2. Ağzınızın künclərində quruma və çat, dodaqlarda yara, çat
SİZDƏ DƏMİR və B qrup vitaminlər defisitdir.
Xüsusən ağzının küncləri quru, çat olan insanlarda B 1 - tiamin, B 2 - riboflavin, B 6- piridoksin çatışmır.
Digər əlamətlər: susuzluq, ağızda quruma və ya çox ağız suyu axma, ağzın içində ağrılı yaralar, stomatit olur. B qrup vitamin çatışmadıqda insanda nevroloji xəstəliklərin çoxu yaranır.
B qrup vitaminlərlə zəngin qidalar: tam paxladan çörək, maya, balıq, qoz, qaraciyər, kakao, qara şokolad, banan, qarabaşaq, süd məhsulları, yumurta, badam, qoz. Hər gün çoxundan bir ovuc yeməlisiz. Qida ilə ala bilməyəcəksizsə, həkim sizə vitamin tabletləri, iynələri yazmalıdır.
3. Diş dibləri, damaq qanayır
Əgər hər gün dişinizi yuyanda, hətta yumayanda diş əti qanayırsa, deməli sizdə vitaminlərin şahı C vitamin çatışmır. Bu isə olduqca təhlükəli məqamdır.
Çünki bu vitamin immunitetin vəziyyətinə cavabdehdir. Bir adı da askorbin turşusu olan C vitamini uzun müddət defisit olduqda ən ağır hallardan biri olan ÇİNQA (SİNQA) xəstəliyi yaradır.
Digər əlamətləri: yaralar sağalmır, əzələ zəifliyi, bədəndə gücsüzlük, arıqlama, bədəndə, ayaqlarda göyərmələrin yaranması, əsəbilik, iştahsızlıq.
Qidasında meyvə-tərəvəz az olan, yaxşı qidalanmayan hər kəsdə C defisiti ola bilər.
Orqanizmdə bu vitamin özü hasil olmur, mütləq kənardan daxil olmalıdır.
C vitaminlə zəngin qidalar çoxdur:
Limon, kivi, itburnu, portağal, ananas, göyərti, səbzələr, kələmlər, bolqar bibəri və s.
4. Görmədə problem, TOYUQ KORLUĞU
Gözlərdə zəiflik mütləq vitamin defisitinə bağlıdır. Hava qaralanda görmənin pisləşməsinə toyuq korluğu deyilir. Gözün ağında ağ ləkələr də uzun müddət A vitamini- retinol əsklikliyində olur.
A vitamin əskikliyi az rast gəlinsə də, indi geniş yayılıb. A vitamini dərman əlavələri kimi qəbul etmək həkim göstərişi olmadan olmaz. Çünki retinol orqanizmdə toplanır, onun çoxluğu toksiki zəhərlənmə verir.
A vitamini ilə zəngin qidalar: tünd rəngli göy-göyərti, narıncı rəngdə meyvələr, tərəvəzlər, eləcə də mal əti, heyvani qidalar, yağlar.
5. Başda kəpək, qaşınma, dermatit
Vitaminsizliyin birinci əlaməti başda, dəridə özünü göstərir. İndi də baş dibində kəpək, seboreya olmayan insan azdır.
Bu hallar B2, B3, B6 vitamini əskikliyində olur.
Belə xəstələrin qan analizi onlarda niasin, riboflavin, piridoksinin azlığını göstərir.
Qida ilə aradan qaldırmaq üçün: paxlalılar, ət, balıq, toxum, buğda, qoz, çərəz, dəniz məhsulları yemək lazımdır.
Göründüyü kimi, hər kəsdə rast gəlinən bu zahiri siqnallar vitamin defisiti ilə bağlıdır. Bu problemi qidalanma və yaxşı pəhrizlə düzəlmək olur.
Əlavə şəkillərdə B qrup vitaminlərin daha çox hansı qidalarda olduğunu təqdim edirik. /medicina.az
avitaminoz
23-09-2021, 06:34 | Peyvənd varsa, PCR testi niyə aktuallığını itirmir?
Dünya əhalisinin 25%-i bu ilin sentyabr ayınadək tam peyvəndlənib. Peyvənd pasportu varsa, PCR test niyə gündəmdən düşmür? ABŞ-da aparılan araşdırma nəticəsində məlum olub ki, uçuşdan əvvəl PCR testi vermək virusa yoluxmuş sərnişinlərin sayında kəskin azalmaya səbəb olur. Hətta uçuşdan 72 saat əvvəl alınan PCR test cavabı yoluxmuş sərnişinlərin sayını təxminən 99.95% azaldır.
Mayo Clinic Proceedings-in araşdırma komandası, 2020-ci ilin dekabrından 2021-ci ilin mayına qədər Delta Air Lines-in uçuş öncəsi test proqramını analiz edib.
Atlantadakı Hartsfield-Jackson Atlanta Beynəlxalq Hava Limanından və ya Nyu Yorkdakı John F. Kennedy Beynəlxalq Hava Limanından Roma və ya İtaliyaya səyahət edən 9853 nəfərin məlumatları təhlil edilib.
Araşdırmada beş fərqli test variantı qiymətləndirilib. Nəticə isə belədir ki, polimeralı zəncirvari reaksiya (PCR) COVİD-19-u aşkar etmək üçün qızıl standart hesab olunur. PCR testlər yuxarı tənəffüs yollarından götürülən nümunə əsasında koronavirusun genetik materialını aşkar etdiyi üçün yüksək dəqiq nəticələr verir. O da məlumdur ki, nümunə bir laboratoriyaya göndərilməli və mütəxəssis tərəfindən təhlil edilməli olduğundan, PCR testlər digər seçimlərə nisbətən baha başa gəlir və nəticə əldə etmək uzun çəkir. Bu da öz növbəsində PCR testlərindən istifadə etməyi çətinləşdirir.
Digər tərəfdən, sürətli testlər koronavirusun səthindəki antigenləri aşkar etməyə çalışır. Bu üsul PCR-dən daha sürətlidir və nəticələr 15 dəqiqə ərzində əldə edilir. Bu üsulda yanlış neqativlərin olma ehtimalı isə yüksəkdir. Yəni əslində yoluxmuş olsalar da mənfi nəticələr alan COVİD-19 xəstələri ilə qarşılaşmaq ehtimalı mümkündür.
Araşdırmanın bir hissəsi olaraq, test edilən təxminən 10.000 sərnişindən dördünün (0.04 faiz) həm molekulyar testi, həm də sürətli antigen testi müsbət olduğu üçün uçuşlarına icazə verilməyib. Bu nəticə, Delta Air Lines ilə uçan hər 2000 nəfərdən yalnız birinin Kovid-19-a yoluxması deməkdir.
aviatravel.az
23-09-2021, 06:07 | Hər səhər limonlu su içdikdə nə olur?
Səhər oyanan kimi azca limon sıxılmış ilıq təmiz su içmək faydalıdır. Orqanizm gecə də işləyir və qaraciyər bir çox energetik prosesləri tənzimləyir. Səhərə bədən susuzlaşır, faydalı maddələr azalır. Ona görə səhər tezdən orqanizmə su və mineral vermək lazımdır.
Səhərlər limonlu suyun faydalarını təqdim edir:
1. İmmun sistemi gücləndirir
Limonda C vitamini çoxdur. Yarım limonun suyu sutkalıq C vitamini dozasının 30%-ni verir. Bu vitamin isə ürək damar xəstəlikləri,qan laxtalanmasına qarşıdır. İmmunitet vitaminidir.
2. Günə başlamaq üçün mineral enerjisi verir
Limonda kaliy və B 6 vitamini də var. Kaliy bədəndə su maye mübadiləsini tənzimləyir, sinir hüceyrələnin əzələyə impuls ötürməsinə yardım edir. Qan təzyiqini normallaşdırır. Ona görə səhər limonlu su əzələləri aktivləşdirir, ödemi, şişi götürür, təzyiqi salır.
3. Mikrobları yuyur
Səhərlər ağızdan pis qoxu gəlməsi milyonlarla bakteriya deməkdir. Gecə yuxuda onlar çoxalır.
SƏhər ağız boşluğuna birinci limonlu su keçməsi, mikrobları öldürür.
Həzmin əsas dostu normada ifraz olunan öddür. Onu stimulə etmək üçün turş maddə lazımdır. Ona görə limonlu su öd kisəsini aktivləşdirir, ödü təmizləyir, mədəni, bağırsağı hazırlayır. Qəbizliyə qarşıdır.
5. Böyrəkləri təmizləyir
Lİmonlu su sidikqovucudur, gecədən böyrəklər işləyir, sidik yollarına çöküntü toplanır. Ona görə səhər tezdən yollarda qalan olan-qalan çöküntünü yumaq üçün limonlu su içmək mütləqdir.
medicina.az
23-09-2021, 06:00 | Yüksək təzyiqi salan xüsusi pomidor satışa çıxarıldı
Yaponiyada geni dəyişdirilmiş xüsusi pomidorlar satışa çıxarılıb.
Məhsulun təbii nümunələrindən fəqli olaraq, yeni pomidorların tərkibində arterial təzyiqi aşağı salan və ürək ritmini bərpa edən elementlər beş dəfə daha artıqdır.
Hipertoniyadan əziyyət çəkənlər üçün nəzərdə tutulmuş pomidor sortu "Sicilian Rouge High GABA" adlandırılıb. O, Yaponiyanın Kumamoto vilayətindəki istixanalarda yetişdirilir. /medicina.az
22-09-2021, 06:37 | Bakıda daha bir yerüstü piyada keçidi inşa ediləcək
Dövlət başçısının tapşırığına uyğun olaraq, vətəndaşların avtomobil yollarını rahat və təhlükəsiz şəkildə keçməsinin təmin etmək məqsədi ilə paytaxt ərazisində daha bir yerüstü piyada keçidinin inşası planlaşdırılır.
"Azərbaycan Avtomobil Yolları" Dövlət Agentliyindən verilən məlumata görə, yeni yerüstü piyada keçidi piyadaların avtomobil yolunu keçməsində problemlər yaşanan ərazidə, Mərdəkan prospekti ilə Qala-Pirallahı avtomobil yolunun kəsişməsində inşa edilməsi nəzərdə tutulur.
Hazırda yeni piyada keçidinin layihəsi aidiyyəti dövlət strukturlarında razılaşdırma mərhələsindədir.
Beynəlxalq standartlara cavab verəcək müasir texnologiyalar əsasında və keyfiyyətli materiallardan istifadə edilərək inşa edilməsi planlaşdırılan yerüstü piyada keçidi piyadaların avtomobil yolunu rahat və təhlükəsiz şəraitdə keçməsini təmin etməklə yanaşı, görünüşü ilə şəhərin görkəminə xüsusi rəng qatacaq.
Müasir görünüşü ilə fərqlənən keçidin ümumi uzunluğu 91.5 metr, qalereyanın uzunluğu 62.9 metr, daxili eni 4.5 metr, keçidaltı qabariti isə 5.35 metrdir.
İki giriş-çıxışdan ibarət olması nəzərdə tutulan keçiddə fiziki məhdudiyyətli insanların rahat hərəkətini təmin etmək üçün beynəlxalq standartlara uyğun xüsusi maillikli piyada pandusları quraşdırılacaq. Pandusların hər birinin uzunluğu 42 metr təşkil edəcək.
22-09-2021, 06:19 | Gənclər və idman nazirinin müavini sağaldı
Gənclər və idman nazirinin müavini İsmayıl İsmayılov sağalıb.
O bu gündən işinin başına keçib.
İ.İsmayılov bu gün gənclər və idman naziri Fərid Qayıbovun MMA idmançısı Nəriman Abbasovla görüşündə iştirak edib.
Qeyd edək ki, nazirliyin idman məsələləri üzrə müavini olan İsmayıl Ismayılov səhhəti ilə əlaqədar işə çıxa bilmirdi. Bu isə onun işdən çıxarılması kimi iddiaların səslənməsinə səbəb olmuşdu.
milli.az
22-09-2021, 06:17 | Honda yeni avtomobillərin onlayn satışına başlayacaq
"Honda Motor" Yaponiyada yeni avtomobillərini internet vasitəsilə satmağa başlayan ilk yerli istehsalçı olacaq.
Tədbir müştərilərin koronavirus pandemiyası zamanı əyani ünsiyyətdən yayınmaq istəklərinin artmasına cavab olaraq həyata keçirilir.
Bildirilir ki, istehsalçının qiymətləndirmə, müqavilələr və kredit prosesləri də daxil olmaqla bütün satış prosedurlarını əhatə edən müvafiq veb-saytı artıq gələn ayın əvvəlində fəaliyyətə başlayacaq.
Avtomobil tədarükləri avtomobil satış salonları vasitəsi ilə həyata keçirilməyə davam edəcək.
Qeyd edilir ki, amerikan avtomobil istehsalçısı "Tesla" və Almaniyanın "BMW" şirkətləri yeni avtomobillərini artıq Yaponiyada onlayn olaraq satır.
ted.az
22-09-2021, 06:15 | Bakı metropoliteni xətdən çıxarılan 20 vaqonu utilizasiya edib
Bakı metrosunda istismar müddəti başa çatdığı üçün xətdən çıxarılan 20 vaqon utilizasiya edilib.
Bu barədə Trend-ə "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib.
O bildirib ki, istismar müddəti başa çatan metro qatarlarının utilizasiyası mərhələli həyata keçirilir: "Bakı metropolitenində istismar müddəti başa çatan qatarlar dərhal xətdən çıxarılır və əvəzinə yeni qatarlar xəttə buraxılır. Xətdən çıxarılan qatarlar barədə müvafiq sənədləşmə işləri aparılır və utilizasiya prosesinə başlanılır. Sonra vaqona baxış keçirilir. Bir vaqonun istifadə müddəti 31 ildir. Əgər vaqonun pnevmatik, elektrik və mexaniki hissələrinin istismar müddəti başa çatmayıbsa, həmin avadanlıqlar sökülərək ehtiyat bazada saxlanılır. Bundan sonra vaqon kəsilib doğranılır və metal qırıntısı kimi satılır".
B.Məmmədov bildirib ki, artıq ötən il xətdən çıxarılan 20 vaqon doğranaraq metal qırıntısı kimi satılıb: "Ötən il xətdən çıxarılan 20 vaqon bu il utilizasiya olunub. Bu il xətdən çıxarılan daha 19 vaqonun utilizasiyası ilə bağlı sənədləşmə prosesinə başlanılıb. Sənədləşmə başa çatandan sonra vaqonlar utilizasiya ediləcək".
22-09-2021, 06:13 | iPhone 13 ön sifariş rekordu qırmağa başlayıb
14 sentyabr tarixində Apple şirkəti yeni iPhone 13 smartfon seriyasının təqdimatını keçirtdi. İndi isə bu seriyaya daxil olan smartfonların ön sifariş göstəriciləri barəsində məlumat verilib. Belə ki, Çində bir neçə saat ərzində ön sifarişlərin sayı 1 milyonu keçib. Qeyd etmək lazımdır ki, Çindəki Apple Store-da ön sifarişlərə yalnız sabah start veriləcək. Lakin bəzi online mağazalar artıq ön sifarişləri qəbul etməyə başlayıblar.
Məsələn JD adlı ticarət platformasındakı rəsmi Apple internet mağazasında ilkin mərhələdə iPhone 13 modellərinin ön sifarişləri 1.2 milyon təşkil edib. İndi isə bu göstərici daha yüksəkdir. Qeyd etmək lazımdır ki, Çin bazarında 128 GB daxili yaddaşa sahib iPhone 13 mini modeli 808$-a satılır. Bu isə ABŞ bazarındakı satış qiymətindən daha yüksəkdir. Belə ki, ABŞ bazarında həmin smartfon 699$-a satılır. 1 TB yaddaşa sahib iPhone 13 Pro Max modeli isə Çin bazarında 2021$-a, ABŞ bazarında 1599$-a satılır.
22-09-2021, 06:12 | Apple iki iPhone modelini satışdan çıxarıb
ABŞ-ın "Apple" şirkəti yeni texnologiyanın təqdimatından bir gün sonra iPhone 12 Pro və iPhone XR smartfonlarını satışdan çıxarıb.
Sentyabrın 15-də müvafiq modellər şirkətin onlayn mağazasından silinib.
Qeyd edək ki, "Apple" şirkəti illik payız təqdimatında yeni iPhone 13 və iPhone 13 mini modellərini təqdim edib. ABŞ -da bu modellərin qiyməti müvafiq olaraq 799 və 699 dollardan başlayır.
