22-09-2021, 06:01 | Hərbçilərimiz Şuşaya girən sülhməramlı maşınını SAXLADI - Rus əsgərləri ŞOKDA
Bu yaxınlarda Azərbaycan hərbçiləri Şuşaya girən rus "UAZ" maşınını dayandırıb.
Bildirir ki, Azərbaycan tərəfinin maşında yoxlama apararması Rusiya əsgərlərini şoka salıb.
Bildirilib ki, onların artıq bir ilə yaxındır Qarabağda olmasına baxmayaraq, Azərbaycan əsgərləri onları ilk dəfə yoxlayır.
Sözügedən proses KİV-in Ermənistan seqmentində ciddi etiraz və narahatlığa səbəb olub.
Onlar bildirib ki, sülhməramlıların eks-komandanı Rüstəm Muradovun gedişindən sonra yeni təyin olunan general-mayor Mixail Kosobokovun kontingentə rəhbərlik etməsi Azərbaycanın "xeyrinədir".
Lakin erməni kütləsi bilməlidir ki, onlardan fərqli olaraq istənilən rus silahlısının öz torpağında olmasını istəmir. Azərbaycanın xeyrinə olan yalnız sülhməramlılarsız və erməni diversantlarından təmizlənmiş Qarabağdır.
unikal.org
22-09-2021, 05:57 | Cənubi Koreya Google-u 177 milyon dollar dəyərində cərimələyib
Cənubi Koreya hökuməti böyük texnoloji şirkətlər barəsində ciddi tədbirlər görməkdə davam edir. Bu dəfə Cənubi Koreyanın yerli antimonopoliya təşkilatı Google şirkətinə milyonlarla dollar dəyərində cərimə təyin edib. Məsələ isə Android əməliyyat sistemi ilə bağlıdır. Google öz növbəsində bu qərar ilə razı deyil. Koreya Respublikasının Ədalətli Ticarət üzrə Komissiyası (KFTC) əmindir ki, Google bazardakı hegemonluğundan sui-istifadə edir. Bu isə öz növbəsində mobil əməliyyat sistemləri bazarındakı rəqabəti məhdudlaşdırır.
İttihamların əsas məğzi ondan ibarətdir ki, Google smartfon istehsalçıları ilə əməkdaşlıq müqaviləsi bağlayan zaman həmin istehsalçılara öz smartfonlarında təkmilləşdirilmiş Android-dən istifadəni qadağan edir. Bu üsul ilə Google bazardakı hegemonluğunu əldə edə bilib. Buna misal olaraq Samsung şirkəti gətirilib. Belə ki, 2013-cü ildə Samsung smart saatlarında fərdi əməliyyat sistemindən istifadə etmişdi. Lakin Google şirkəti Samsung ilə olan əməkdaşlıq razılaşmasını qeyd edəndən sonra Samsung məcburi şəkildə WearOS əməliyyat sisteminə keçməli olmuşdu.
Samsung özü bu məsələ ilə bağlı heç bir fikir bildirməyib. Beləliklə KFTC-nın qərarı ilə Google şirkəti 177 milyon dollar cərimə ödəməlidir. Bundan əlavə olaraq KFTC-nın qərarı ilə bundan sonra Google şirkəti smartfon istehsalçılarını yuxarıda qeyd edilmiş əməkdaşlıq şərtlərini qəbul etməyə məcbur edə bilməz. Beləliklə smartfon istehsalçıları öz cihazlarında təkmilləşdirilmiş Android versiyalarından istifadə edə bilərlər. Google şirkəti isə öz növbəsində bildirib ki, o bu qərarı apellyasiya məhkəməsinə verəcək. Belə ki, qəbul edilmiş qərar Android-in digər tətbiqlər ilə uyğunlaşması məsələsini və istehlakçılara təqdim olunan üstünlükləri inkar edir.
22-09-2021, 05:51 | Sinqapur küçələrində asayişə robot nəzarət edir
Sinqapur küçələrində Xavier adlı avtonom robot istifadəyə verilib. Bu robot parkinq qaydalarının pozulub-pozulmamasına nəzarət edir və siqaret çəkilməsi qadağan edilmiş yerlərdə siqaret çəkən şəxsləri təyin edərək onlara xəbərdarlıq edir. Xəbərdarlıq edəndən sonra sözügedən robot mövcud məlumatları analitika və idarəetmə mərkəzinə göndərir. Xavier avtonom rejimdə çalışan robotdur və o, arzuolunmaz sosial davranışların aradan qaldırılması üçün nəzərdə tutulub.
Təqdim edilmiş videoda görmək olar ki, robot müəyyən şəxsə yaxınlaşır və ona olduğu yerdə siqaret çəkmənin qadağan olduğu xəbərdarlığını edir. Tərtibatçıların sözlərinə əsasən robot bu və ya digər qanun pozuntusunu aşkar edəndən sonra o bu barədə məlumatı operatorlara göndərir. Daha sonra robotda səsli müraciət tətbiqlərindən biri işə düşür və o, vətəndaşları qanun pozuntusu barədə xəbərdarlıq edir. Robotun ilk testinə 5 sentyabr tarixində start verilib və test müddəti 3 həftə davam edəcək.
Test müddəti ərzində robot siqaret çəkilməsinin qadağan olunduğu yerlərdə siqaret çəkən şəxsləri, qanunsuz ticarətçiləri, piyada yollarında dayanan motosikl və elektrosamokat sürücülərini və məhdud saydan daha çox insana sahib böyük insan qruplaşmalarını təyin edəcək. Qeyd etmək lazımdır ki, robotun daxilində 360 dərəcəlik kamera və gecə görüntüsü funksiyası mövcuddur. Gözləntilərə əsasən Sinqapur küçələrində bu cür robotların istifadəyə verilməsi öz növbəsində qanuna riayət səviyyəsini yüksəldəcək.
22-09-2021, 05:47 | Instagram-da yenilik olacaq
Instagram daxilində Favorites adlı yeni bölmənin testinə start verilib. Sözügedən yeni bölmə istifadəçilərə fərdi ana səhifəsi üzərində idarəni geri qaytarmaq imkanını verməlidir. Beləliklə test olunan Favorites adlı yeni bölmə sayəsində istifadəçilər özlərinə ilk növbədə maraqlı olan hesabları təyin edə biləcəklər. Bu üsul ilə onlar öz ana səhifələrində ilk olaraq məhz həmin hesabların paylaşımlarını görə biləcəklər.
Qeyd etmək lazımdır ki, hal hazırda Instagram-ın alqoritmi istifadəçilərə ən məşhur və yeni paylaşımları sərgiləyir. Bundan əlavə olaraq alqoritm müəyyən paylaşımların konkret istifadəçi üçün maraqlı ola biləcəyini təyin edir və həmin paylaşımları da istifadəçiyə təqdim edir. Təəssüflər olsun ki, çox zaman alqoritm istifadəçiyə maraqlı ola biləcək paylaşımları düzgün təyin edə bilmir. Bu səbəbdən də istifadəçiyə həqiqətən maraqlı ola biləcək paylaşımlar ondan yan keçirlər. Test olunan Favorites adlı yeni bölmə isə bu vəziyyəti aradan qaldırmalıdır.
21-09-2021, 14:58 | Bakı Ali Neft Məktəbinin İctimaiyyətlə əlaqələr şöbəsinə yeni rəis təyin olunub
Bakı Ali Neft Məktəbinin (BANM) İctimaiyyətlə əlaqələr şöbəsinə yeni təyinat olub. BANM-in rektoru Elmar Qasımovun müvafiq əmri ilə Aqşin Kamal Ali Məktəbin İctimaiyyətlə əlaqələr şöbəsinin rəisi vəzifəsinə təyin olunub.
Tələbəlik illərindən müxtəlif televiziya və dövri mətbuatda jurnalist kimi çalışıb. 2006-cı ildən 2012-ci ilədək Lider televiziyasında Xəbərlər departamentində fəaliyyət göstərib. 2012 - 2020 - ci illərdə isə Xəzər televiziyasında şöbə müdiri, Xəbərlər departamentində redaktor, aparıcı və telekanalın sözçüsü vəzifələrində çalışıb.
Aqşin Kamal 2015 - ci ildə Azərbaycanda KİV - in inkişafındakı xidmətlərinə görə Prezident İlham Əliyevin sərəncamı ilə "Azərbaycan Respublikası Prezidentinin fəxri diplomu" ilə təltif edilib.
21-09-2021, 14:27 | Yeni tədris ilinin ilk günü hava necə olacaq? - PROQNOZ
Sentyabrın 22-də gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gündüz yarımadanın bəzi yerlərində qısamüddətli az yağış yağacağı ehtimalı var.
Şimal-qərb küləyi gündüz cənub-şərq küləyi ilə əvəz olunacaq. Abşeron yarımadasında gecə 19-22° isti, gündüz 26-28° isti olacaq. Bakıda gecə 20-22° isti, gündüz 26-28° isti olacaq.
Atmosfer təzyiqi normadan aşağı 759 mm civə sütunundan 755 mm civə sütununa enəcək.
Nisbi rütubət 60-70 % olacaq.
Sentyabrın 22-də Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.
Azərbaycanın rayonlarında əsasən yağmursuz olacaq. Lakin axşam saatlarında bəzi dağlıq ərazilərdə şimşək çaxacağı, arabir yağış yağacağı gözlənilir. Səhər dağlarda duman olacaq.
Şərq küləyi əsəcək. Havanın temperaturu gecə 16-21° isti, gündüz 30-34° isti, dağlarda gecə 11-16° isti, gündüz 16-21° isti olacaq.
20-09-2021, 09:10 | Bu küçələrdə sıxlıq var - SİYAHI
Bakıda avtomobillərin hərəkətində sıxlıq yaranan küçə və prospektlərin siyahısı açıqlanıb.
Bu barədə Bakı Nəqliyyat Agentliyinin məlumatında bildirilib.
Paytaxtda müşahidə edilən sıxlıq aşağıdakı ərazilərdədir:
1. Alı Mustafayev küçəsi - 20 Yanvar dairəsindən Ziya Bünyadov prospekti istiqamətində;
2. Ziya Bünyadov prospekti - Abdulvahab Salamzadə küçəsi tunelin içi və kənar yol hər iki istiqamətində;
3. Bakı-Sumqayıt şossesi - şəhər istiqamətində;
4. Tbilisi prospekti - şəhər istiqamətində;
5. Üzeyir Hacıbəyli küçəsi - Cavanşir körpüsündə;
6. Koroğlu Rəhimov küçəsi - Həsən Əliyev küçəsi istiqamətində.
20-09-2021, 09:03 | Delta ştammı hər kəsi ovlayacaq! - ARAŞDIRMA
Delta ştammı peyvənd olunmayan hər kəsi ovlayacaq.
Axar.az xəbər verir ki, bu barədə İngiltərə alimlərinin apardığı araşdırmada bildirilib.
Alimlərin fikrincə, peyvənd olunmayan hər kəs bu ştamma yoluxacaq:
“BioTech peyvəndinin deltadan qoruma faizi 88-dir. Bu ştamm əvvəlkilərə nisbətdə daha yoluxucudur. Deltadan qorunmaq demək olar ki, mümkünsüzdür”.
20-09-2021, 07:29 | “Vüqar Həşimov” komandası Avropa kubokunda Moldova yığmasına böyük hesabla qalib gəlib
Makedoniyanın Struqa şəhərində kişi şahmatçılar arasında klublararası Avropa kuboku yarışı davam edir.
Turnirin ikinci turunun oyunları keçirilib. Yarışda Azərbaycanı təmsil edən "Vüqar Həşimov" klubu Moldovanın "Perfect" komandasına böyük hesabla (5,5:0,5) qalib gəlib.
Qeyd edək ki, komandamız birinci turda İrlandiyanın "Gonzaga" yığmasını 4,5:1,5 hesabı ilə məğlub edib.
Azərbaycanın digər qrossmeysterləri Şəhriyar Məmmədyarov yarışın reytinq favoriti olan Makedoniyanın "Alkaloid", Nicat Abasov isə İspaniyanın "Silla" komandasını təmsil edir.
İkinci turda "Alkoloid" Sloveniyanın "Sloven Ruma" yığmasına 5,5:0,5, "Silla" isə Belçikanın "Schachfreunde Wirtzfeld" komandasına 5:1 hesabı ilə qalib gəliblər.
Kişilərin yarışında 38 komanda mübarizə aparır.
Trend
20-09-2021, 07:26 | Alimlər koronavirusun daha qədim mənşəyini tapıblar
Parisin Paster Universiteti və Laos Milli Universitetinin tədqiqatçıları SARS-CoV-2 koronavirusunun təbii mənşəyinə dair yeni sübutlar açıqlayıblar.
Alimlər bir neçə ay ərzində Cənub-Şərqi Asiyada 46 növ yarasa üzərində müşahidələr aparıblar. Nəticədə Laosun mağaralarında yaşayan heyvanlarda koronavirusun Uhan tipinə bənzər üç virus aşkar edilib.
Mütəxəssislərə görə, BANAL-52, BANAL-103 və BANAL-236 virusları bu gün elmə məlum olan SARS-CoV-2-nin mənşəyi sayılır.
Lakin SARS-CoV-2-dən fərqli olaraq müəyyən edilmiş patogenlərin heç birində bədənə asanlıqla daxil olan infeksiyalar qeydə alınmayıb.
"Report"
