16-06-2021, 06:57 | Dünyada smartfonların satışı 26 faiz artıb
2020-ci ildə kəskin azalmadan sonra 2021-ci ilin birinci rübündə son istifadəçilərə qlobal smartfon satışları 26 faiz artaraq 378 milyon ədədə yaxınlaşıb. Ümumiyyətlə, dünyada mobil telefonların satış həcmi illik hesablamada 22 faiz artıb. Bu barədə "Gartner" analitik şirkətinin yeni tədqiqatında deyilir.
ictnews.az-a istinadən bildirir ki, aparıcı smartfon brendləri üçlüyünə "Samsung", "Apple" və "Xiaomi" şirkətləri daxildir. Sahə üzrə lider olan "Samsung" ötən rübdə 76,6 milyon smartfon sataraq ötənilki göstəricini 18,4 faiz yaxşılaşdırıb. Nəzərəçarpacaq artımı təmin edən amillər arasında analitiklər tərəfindən qiyməti 150 dollardan ucuz yeni smartfonların buraxılışı, eləcə də "5G" dəstəkli qabaqcıl modellərin erkən tədarükü qeyd olunur.
2020-ci ilin sonuncu rübündə liderliyə yüksələn "Apple" şirkəti yenidən ikinci pilləyə enib. Şirkət üçün əsas artım göstəricisi ötən il işıq üzü görən "5G" dəstəkli ilk "iPhone" modelləri olaraq qalır.
"Xiaomi" və ondan sonrakı mövqelərdə qərarlaşan "Vivo" və "Oppo" şirkətləri də satışlarda davamlı artım nümayiş etdiriblər. İstehsalçılar tərəfindən təklif edilən "5G" modellərinə yüksək tələbat var. Bundan başqa, Çin brendləri "Huawei" şirkətinin zəifləməsindən və "LG" korporasiyasının smartfonlar bazarını tərk etməklə bağlı qərarından faydalanıblar. "Xiaomi" smartfonlarının satışı 9,9 faiz artaraq 48,9 milyon ədədə çatıb. "Vivo" və "Oppo" şirkətlərinin satış həcmi isə 7,4 və 8 faiz artaraq 38,7 və 38,4 milyon qurğu təşkil edib.
Analitiklər qeyd edib ki, artıq əksər sahələrə öz təsirini göstərmiş qlobal yarımkeçiricilər komponentlərinin çatışmazlığı hələ ki smartfonlar sənayesinə təsir etməyib. Buna səbəb kimi isə bazarda tələb və təklif arasında balansın qorunması qeyd olunur.
16-06-2021, 06:55 | Apple şirkəti iOS 15-ə keçid etmək istəməyən istifadəçiləri dəstəkləməyə davam edəcək
Yenicə təqdim olunmuş iOS 15-in stabil versiyası hələ payız fəslində istifadəyə veriləcək. Lakin artıq indidən Apple cihazlarında əməliyyat sisteminin yenilənməsi siyasətində olmuş dəyişiklik barəsində məlumat verilib. Belə ki, rəsmi məlumata əsasən Apple öz istifadəçilərinin yeni əməliyyat sisteminə keçid prosesini məcburi etməyəcək və hal hazırda mövcud olan iOS versiyasını dəstəkləməyə davam edəcək. Bu, Apple şirkəti tarixində ilk praktikadır. Məlum olub ki, iOS 15-in istifadəyə verilməsindən sonra da şirkət əvvəlki iOS versiyalar üçün təhlükəsizlik yenilənmələrini təqdim etməyə davam edəcək. Bununla belə, təqdim olunacaq yenilənmələr məcbur şəkildə quraşdırılmayacaq.
Bu isə öz növbəsində yenilənmələrin keyfiyyətlərindən şübhələnən iPhone istifadəçilərinə həmin yenilənmələr barəsində rəylərin ortaya çıxmasını gözləmək imkanını verəcək. Mütəxəssislərin fikirlərinə əsasən Apple şirkəti bu cür addımı ona görə atıb ki, o öz istifadəçilərinə seçim haqqını təqdim etmək istəyir. Bundan əlavə olaraq şirkət yeni əməliyyat sisteminə daha axıcı keçidi təmin etmək niyyətindədir. Qeyd etmək lazımdır ki, hər bir yeni iOS versiyasının istifadəyə verilməsi ilə istifadəçilər çoxlu sayda sistem boşluğu və bug ilə qarşılaşırlar. Şirkətin yeni siyasəti isə yenilənmələr arasında keçidi daha axıcı etməyə hədəflənib. Beləliklə əgər istifadəçi yeni iOS versiyasının keyfiyyətindən şübhələnirsə, o, həmin versiyaya keçidi etməmək seçiminə sahib olacaq.
16-06-2021, 06:54 | Perseverance aparatı Marsda mikrob formalı həyat növünün axtarışına start verib
NASA agentliyi Perseverance missiyasının əsas hissəsinə start verib. Belə ki, Perseverance aparatı kraterin dərinliyini incələyərək Marsda mikrob şəklində həyat növünün nə vaxtsa olub-olmadığını təyin etməyə çalışacaq. Beləliklə Perseverance aparatı öz missiyasının əsas hissəsinə başlayıb. O, Jezero adlı kraterdə mikrob şəklində olan qədim həyat növünün axtarışını aparacaq. Qeyd etmək lazımdır ki, Mars planetinin səthinə eniş edəndən sonra aparat ilk növbədə sistem testlərindən keçib və Ingenuity dron aparatının uçuş missiyalarında dəstəkci rolunda çıxış edib.
Bununla belə NASA mütəxəssisləri qeyd ediblər ki, Ingenuity aparatı uçuş missiyalarının öhdəsindən avtomatik şəkildə gələ bilir. Belə ki, bu dron aparatı artıq 7 uçuş missiyası reallaşdırıb. Perseverance isə öz növbəsində artıq geniş miqyaslı məşqlərdən keçib və həmin məşqlər çərçivəsində öz elmi alətlərinin testlərini aparıb. Bundan əlavə olaraq sözügedən aparat Mars planetinin səthində minlərlə foto çəkib və səslər yazıb. Növbəti mərhələdə Perseveranca aparatı Jezero adlı kraterin dib hissəsində çalışacaq.
O, torpaq və süxur nümunələrinin axtarışı ilə məşğul olacaq. Həmin nümunələrin tapılmasından sonra isə aparat onları kiçik nazik borulara daxil edəcək və həmin boruları öz daxilindəki xüsusi bölməyə yerləşdirəcək ki, növbəti missiyalardan biri həmin nümunələri götürə bilsin. Aparat qayalı qrunt yerlərdən və potensial təhlükə mənbəyi olan qum təpələrindən keçməli olacaq. Jezero krateri milyardlarla il bundan öncə mövcud olmuş gölün dib hissəsi rolunda çıxış edib. Bu missiya Perseverance aparatının Mars planetinə eniş nöqtəsinə geri qayıdışı ilə yekunlaşacaq.
16-06-2021, 00:00 | Fransa Almaniyaya qalib gəlir - YENİLƏNİR
23:59
Avropa çempionatı
F qrupu, 1-ci tur
23:00. Fransa - Almaniya - 1:0 (Fasilə)
Qol: Mats Hummels, 20-avtoqol
Baş hakim: Karlos del Serro Qrande
Münhen, "Münhen Futbol Arenası"
20:00. Macarıstan - Portuqaliya - 0:3
Qollar: Querrero, 84, Ronaldo, 86-pen. 90+2
Baş hakim: Cüneyt Çakır (Türkiyə)
Budapeşt, "Puşkaş Arena"
22:24
Avro-2020-nin qrup mərhələsi davam edir.
qol.az-a istinadən xəbər verir ki, 5-ci oyun gününə nəzərdə tutulan iki matçdan biri başa çatıb.
"Ölüm qrupu" adlanan F qrupunda əvvəlcə son Avropa çempionu Portuqaliya Macarıstanla qarşılaşıb. Oyun Portuqaliyanın 3:0 hesablı qələbəsi ilə başa çatıb. Günün ən maraqla gözlənən görüşündə isə son dünya çempionu Fransa Almaniya ilə üz-üzə gələcək.
Avropa çempionatı
F qrupu, 1-ci tur
20:00. Macarıstan - Portuqaliya - 0:3
Qollar: Querrero, 84, Ronaldo, 86-pen. 90+2
Baş hakim: Cüneyt Çakır (Türkiyə)
Budapeşt, "Puşkaş Arena"
23:00. Fransa - Almaniya
Baş hakim: Karlos del Serro Qrande
Münhen, "Münhen Futbol Arenası"
15-06-2021, 09:17 | Buffon B seriyasında çıxış edəcək
İtaliya milli komandasının sabiq qapıçısı Canluici Buffon "Parma" klubu ilə iki illik müqaviləyə imza atacaq.
Bu barədə məlumatı məşhur idman jurnalisti Nikola Skira özünün "Twitter" səhifəsində yazıb.
"Artıq razılıq əldə edilib və təsdiqlənib. Buffon "Parma"ya qayıdır. O, bu həftə klubla 2023-cü ilə qədər nəzərdə tutulan müqaviləyə imza atacaq", - Jurnalist qeyd edib.
C.Buffon 1995-2001-ci illərdə "Parma"nın formasını geyinib.
Xatırladaq ki, "Parma" ötən mövsüm İtaliya çempionatının turnir cədvəlində sonuncu yerdə qərarlaşıb və klub ikinci diviziona yuvarlanıb.
15-06-2021, 08:44 | Gün yanıqlarından necə xilas olmalı və onu necə müalicə etməli?
Dərinin qızarması, qaşınması, yanğı hissi, qabıqvermə, baş ağrıları və ürəkbulnma əsasən gün yanıqlarının əmələ gətirdiyi əlamətlərdir. İnsanlar bu əlamətlərə günəş şüaları qəbul etdikdən sonra tutulurlar. Günəş altında qalmaq və gün şüası qəbul etməkdən hamının xoşu gəlir. Normal miqdarda və yuxarıdakı əlamətləri əmələ gətirməyəcək qədər günəş şüaları altında qalmaq orqanizm üçün faydalı sayılır. Amma, həddindən artıq dəriyə təsir edən günəş şüalarının dəri xərçənginə səbəb olduğunu da unutmaq olmaz. Günəş yanıqlarına bəzən solyari qəbul edən zamanlarda da rast gəlmək mümkün olur. Çünki, solyarı də dəriyə ultrabənövşəyi şüalarla təsir edir.
Gün yanıqlarından necə qorunmaq olar?
Günəş şüaları qəbul edən zaman bişmiş alma kimi olmaq istəmirsinizsə o zaman aşağıdakılara əməl edin:
* Günəş kremlərindən istifadə edin. Bu zaman kremin dərinizə uyğun olanını seçməyə çalışın. Kremi gün şüaları altında qalmazdan yarım saat əvvəl sürtmək lazımdır. Günəş şüası qəbul edən zaman kosmetikadan az istifadə etmək lazımdır. Mütəxəssislər qızmar yay günlərində qadınları adi günlərdəkindən az miqdarda kosmetikadan istifadə etməyi məsləhət bilir.
* Günəşli günlərdə isə edvən çıxan zaman mütləq baş örtüyündən istifadə etmək və çiyinləri örtən paltar geyinmək lazımdır. Bu sizin dərinizi yanmadam qoruyar.
* Gün şüalarının sizi yandırmamasını istəyirsinizsə o zaman qızmar yay günlərində saat 11.00-dan 16.00-a qədər evdən bayıra çıxmanız məsləhət görülmür.
* Az miqdarda dərğidə qızartı hiss olunan zaman kölgədə dayanmaq və gün batana qədər evdən çıxmamaq tövsiyə edilir.
Günəş yanıqlarını necə müalicə etmək lazımdır?
Gün yanıqlarını müalicə edərkən əvvəlcə əmələ gələn yanığın hansı dərəcədə olmasını müəyyənləşdirmək lazımdır. Çünki, günəş yanıqlarının da ağırlıq dərəcələri var və hər dərəcənin müalicəsi ona uyğun olaraq aparılır. Birinci dərəcəli yanıqlar zamanı dəridə zəif qızartı və yüngül titrətmə olur. Bu yanığı həkimə müraciət etmədən özünüz müalicə edə bilərsiniz. Bu müalicə üsulları aşağıdakılardır:
* Soyuq duş və ya soyuq vanna.
* Çoxlu midarda maye qəbulu.
* Yumşaldıcı krem sürtmək.
Zəif yanıqlar zamanı dəriyə günəbaxan yağı sürtmək də çox faydalı olur. Əgər yanmaq dərindirsə ona yağ və ya spirt sürtmək məsləhət deyil. Çünki, bu zaman yanan nahiyəyə hava axını daxil ola bilmir və dərinin sağalması uzun çəkir. Həm də bu, dəridə infeksiya əlamətlərinin əmələ gəlməsinə səbəb olur. Xalq təbabətində zəif yanıqlar zamanı yağsız qatıqdan və ya xamadan istifadə edilir.
* Dəri sağalana qədər yanan nahiyəyə sərt moçalka sürtmək məsləhət bilinmir.
* Yanan dəri sağalanan kimi təbii parçadan tikilmiş paltarlar geyinmək lazımdır. Belə zamanlarda sintetik paltar geymək allergiyanın baş verməsinə səbəb olur.
Günəş şüaları altında uzun müddət qalmaq dəridə su qabarcıqlarının əmələ gəlməsinə səbəb olur. Bu zaman təmpratur, baş hərlənməsi və baş ağrıları müşayət edilir. Bu simptomlar ikinci dərəcəli yanığın əlamətidir. Bu yanıq orqanizmə zərər verə bilir. Bunun olmaması üçün isə həkimə müraciət etmək və onun məsləhətlərini yerinə yetirmk lazımdır.
Güçəş şüaları D vitamini mənbəyidir və orqanizm üçün çox faydalıdır. Amma, onun həddindən çox dəriyə təsit eləməsi sağalmlıq üçün ciddi problemlərin əmələ gəlməsinə səbəb ola bilir. Buna görə də diqqətli olmaq lazımdır.
Milli.Az
4-06-2021, 08:29 | Bu gün Formula 1 Azərbaycan Qran Prisi 2021-ə start verilir
Bu gün Formula 1 Azərbaycan Qran Prisi 2021 yarışlarına start verilir.
Qran Pri 4-6 iyun tarixlərində baş tutacaq.
Yarışın ilk günü F2 sərbəst yürüşü ilə başlanılacaq, ondan sonra isə F1 sərbəst yürüşü baş tutacaq. Günün ikinci yarısı F2 sıralama yarışı, onun ardınca isə F1 ikinci sərbəst yürüş keçiriləcək.
Yarışın ikinci günü, yəni 5 iyunda günün əvvəlində F2 sprint yarışı, onun ardınca isə F1 üçüncü sərbəst yürüş keçiriləcək, günün ikinci yarısı isə F1 sıralama turu və F2 sprint yarışı baş tutacaq.
İyunun 6-da günə FIA Formula 2 yarışı ilə başlanılacaq, ardınca isə F1 pilotlarının təqdimatı keçiriləcək. Günün ikinci yarısı isə əsas F1 yarışına start veriləcək. Əsas yarışa start verilməzdən əvvəl Azərbaycan Dövlət Himni səsləndiriləcək. Ondan sonra, saat 16:00-18:00 ərzində Formula 1 Azərbaycan Qran Prisi 2021 baş tutacaq və qalib müəyyən ediləcək.
Qeyd edək ki, koronavirus pandemiyası səbəbindən bu il yarışlar tamaşaçısız keçirilir.
Trend
4-06-2021, 08:23 | Dünyanı idarə edən milyarderlər hansı universitetlərdə təhsil alıblar?
Milyardlarla dollar sərvəti və idarəçiliyi ilə hər zaman gündəmdə olan dünyanın varlı insanları hansı universiteti bitirib?
Dünyanı idarə edən tanınan şəxslərin təhsil aldıqları universitetləri təqdim edir:
Ceff Bezos
Dünyanın ən zəngin insanı və "Amazon" şirkətinin sahibi, investor, xeyriyyəçi və rejissor Ceff Bezos Amerikanın ən yaxşı universitetləridən biri olan Princeton Universitetinin Elektrik mühəndisliyini bitirib.
Bill Qeyts
"Microsoft" şirkətinin yaradıcılarından biri olan Bill Qeyts 30 il ərzində Harvard Universitetini bitirib.
Varren Buffett
Dünyanın ən varlı inanlarından olan Varren Buffett iş dünyasına maraq göstərir və erkən yaşlarında fond bazarına investisiya qoyur. Buffet, Nebraska Universitetinə getməzən əvvəl təhsilə Pensilvaniya Universitetinin nəzdindəki məktəbdə başlayıb və burada iş idarəçiliyi üzrə lisenziya dərəcəsi alıb. Daha sonra "Columbia Business School"da iqtisadiyyat üzrə magistr dərəcəsinə yiyələnir.
Mark Zuckerberq
Son illərin haqqında ən çox danışılan şəxslərindən biri "Facebook"un yaradıcısı Mark Zuckerberqdir, Harvard Universitetindəki təhsilini yarımçıq qoysa da, "Facebook"un sistemli şəkildə tənzimləndiyi müddətdə kompüter proqramlaşdırma təhsilini tamamladı.
Karlos Slim
1940-cı ildə Meksikada doğulan Karlos Slim telekommunikasiya sektorunda tanınmış məşhur iş adamı və investordur. "Telmex", "Telcel" və "America Mowil" şirkətlərinin yaradıcısı, eyni zamanda idarə heyətinin rəhbəridir. İbtidai təhsili barədə dəqiq məlumat bilinməsə də ali təhsilini Meksikada yerləşən universitetlərin birində İnşaat mühəndisliyi üzrə bitirdiyi məlumdur.
Bernard Arnault
Bernard Arnault atasının inşaat şirkətindəki bütün fəaliyyətini saxlayıb, özünün lüks geyim firmasını yaradır. İllər sonra o dünyanın məşhur geyim brendi olan "LVMH" şirkətlər qrupunun rəhbəri olur. Bernard Arnault 1971 -ci ildə İsveçrədə yerləşən dünyanın ən yaxşı universitetlərindən olan "École Polytechnique Fédérale de Lausanne" universitetinin mühəndislik bölümündə təhsil alıb.
lent.az
4-06-2021, 08:18 | Mayın ən gözlənilməz 10 qolu - VİDEO
Almaniya Bundesliqasının "Youtube" kanalı ölkə çempionatında may ayının ən gözlənilməz 10 qolundan ibarət video hazırlayıb.
Videonu təqdim edirik.
qol.az
4-06-2021, 08:15 | Azərbaycanlının Londonda yaratdığı klub niyə çöküb?
İngiltərədə "Mançester" futzal klubunun həmtəsisçisi olan rusiyalı İlya Oveçkin Britaniyada yaşadığı 20 illik karyerasından danışıb.
O, verdiyi müsahibəsində bir zamanlar İngiltərə çempionu olmuş "Baku Yunayted" futzal klubunun səhv siyasətinə də toxunub:
"Futzalda işləmək mənim arzum olub, heç bir dəfə də bu işdən əl çəkmək barədə düşünməmişəm. Hər şey elə uğurlu alınıb ki, nəyəsə tərəddüd etməyə vaxtım olmayıb. Hər il işləmək getdikcə daha maraqlı olur.
İngiltərənin bütün futzal ictimaiyyəti bizə baxır. Burda bir çox klub sponsor gətirdi, bir mövsüm oynadı, sonra struktura diqqət ayırmadıqlarından it-bat oldular.
Yaxın bir nümunə sahibi ukraynalı olan "London Baku" ("Baku Yunayted"i nəzərdə tutur) komandasıdır. Onlar yaxşı investor tapdılar, Çempionlar Liqasında oynadılar.
Ancaq indi ikinci diviziondadırlar. İnfrastrukturla məşğul olmaq lazım gələndə isə onlar sadəcə yaxşı oyunçular gətirməyə çalışdılar".
"Baku Yunayted" "Binə Aqro" QSC-nin 2019-2021-ci illərdə Müşahidə Şurasının sədri olmuş İlham Ağayev tərəfindən yaradılıb. 2008-ci ildə təsis olunan klub beş il sonra İngiltərə Super Liqasının qalibi olub və bu ölkəni 2014-cü ildə UEFA Kubokunda təmsil edib.
Daha sonra klubda geriləmə müşahidə olunub. "Baku Yunayted" sonuncu dəfə fevralda sosial şəbəkə hesabında Londondan olan baş məşqçi və klub direktoru axtardığını elan edib.
sportinfo.az
