31-05-2021, 09:11 | Çılpaq qadın "Ukrayna" telekanalının CANLI YAYIMINDA - VİDEO
"Ukrayna" telekanalının canlı yayımında görünən çılpaq qadın aparpcıları çıxılmaz vəziyyətə salıb.
Milli.Az Ukrayna KİV-ə istinadən xəbər verir ki, aparıcıların həmsöhbətlə canlı yayımı zamanı çılpaq bir qız bir neçə saniyə kameranı özünə tərəf çevirib.
Bundan sonra kanal texniki problemlər olduğunu əsas gətirərək yayımı dayandırıb.
31-05-2021, 00:30 | "Formula 1" ilə əlaqədar bu yollar məhdudlaşdırılır - SİYAHI
Bakı Şəhər Dövlət Yol Polisi İdarəsi "Formula 1" Azərbaycan Qran Prisi ilə əlaqədar sürücülərə müraciət edib.
İdarənin şöbə rəisi, polis polkovniki Vaqif Əsədov bildirib ki, "Formula 1" Azərbaycan Qran Prisi ilə əlaqədar trek Azadlıq Meydanından başlayaraq Aleksandr Puşkin ilə Xaqani küçələri, Bülbül prospekti, Zərifə Əliyeva və Rəsul Rza küçələri, Neftçilər prospekti ilə Əziz Əliyev küçəsindən keçərək Qoşa-Qala qapısı, Gənclər Meydanı və İstiqlaliyyət küçəsi ilə Niyazi küçəsinə çıxmaqla "Azneft" dairəsindən Dənizkənarı Bulvar boyu Neftçilər prospekti ilə nəzərdə tutulub.
Onun sözlərinə görə, qeyd edilən küçələr istiqamətində yarış ərəfəsində tərəfimizdən həyata keçiriləcək tədbirlərdə təhlükəsizliyin təmin edilməsi vacib şərtdir:
"Kövkəb Səfərəliyeva, Rixard Zorge, Aleksandr Puşkin, Rəşid Behbudov, Bülbül, Səməd Vurğun, Teymur Elçin, Mehdi Hüseyn, Lermontov, Mirzə Fətəli Axundov adına park və onun ətrafı olan küçələr, Bünyad Sərdarov, Azərbaycan prospekti, Mikayıl Hüseynov, Zərgər Palan, Murtuza Muxtarov, Şeyx Şamil, Afiyəddin Cəlilov və Yusif Səfərov küçələri - 31 may tarixindən iyunun 8-dək bu istiqamətlər üzrə hərəkətdə olan avtomobil sürücülərinə müraciət edirik ki, istiqamətin dəyişdirilməsini nəzərə alsınlar. Ən yaxşı halda isə bu ərəfədə ictimai nəqliyyat vasitələrindən istifadəyə üstünlük versinlər".
28-05-2021, 14:41 | Türkiyənin təhsil naziri Bakıda Hərbi Qənimətlər Parkında - FOTO
Türkiyənin milli təhsil naziri Ziya Selçuk Bakıda Hərbi Qənimətlər Parkında olub.
Bu barədə Türkiyənin Azərbaycandakı Səfirliyinin "Facebook" səhifəsində qeyd edilib.
Nazir parkı azərbaycanlı həmkarı Emin Əmrullayevlə birgə ziyarət edib.
milli.az
28-05-2021, 14:12 | Əməliyyatdan sonra iki ay qarnında qayçı ilə yaşayıb - Növbəti həkim səhvi - FOTO
Türkiyənin Aydın vilayətinin Kuşadası rayonunda yaşayan qadın iki ay qarnında qayçı ilə yaşayıb.
65 yaşlı Nurcahan Öğmen mart ayında mədəsindən əməliyyat olub. Bir gün sonra evə buraxılan qadın ağrılarının keçmədiyinə görə bir ay sonra yenidən başqa bir xəstəxanaya müraciət edib. Rentgen nəticəsində məlum olub ki, onun qarnında qayçı unudulub. Yenidən əməlliyat edilən qadının qarnından qayçı çıxarılıb.
Əməliyyatı keçirən həkimi və xəstəxana rəhbərliyini məhkəməyə verən qadın deyib ki, dəfələrə gedib ağrılardan şikayət etsə də, onu geri göndərərək heç bir problem olmadığını deyiblər.(sherq.)
28-05-2021, 14:09 | Gürcüstan və İrana avtobus relsləri nə vaxt bərpa olunur? - RƏSMİ AÇIQLAMA
"Gürcüstan və İrana avtobuslar beynəlxalq daşımalardır. Nazirlər Kabinetinin Azərbaycanın sərhəd keçid məntəqlərində gediş-gəlişin tam quru üzərindən bərpasına qərarından sonra xarici ölkələrə səfər etmək mümkün olacaq".
Bunu Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova bildirib.
O əlavə edib ki, hazırda xarici ölkərə gediş-gəliş mümkün olmadığı üçün hansı qaydaların tətbiq olunacağı dəqiq deyil: "Lakn Naxçıxana İran üzərindən getmək mümkün olduğu üçün beynəlxalq reys sayılır. Naxçıxana mayın 31-i olmasa da, ən yaxın zamanda gediş-gəlişin bərpası ilə bağlı işlər görülür."
28-05-2021, 13:33 | Doğma arenada çıxış etmək böyük xoşbəxtlikdir - Azərbaycanlı gimnast
Bakıda doğma Milli Gimnastika Arenasında dünya çempionatında çıxış etmək böyük xoşbəxtlikdir.
Bunu Trend-ə azərbaycanlı gimnast Nurcan Cabbarlı deyib.
Gimnast bildirib ki, bu yarışlar onun iştirak etdiyi ilk dünya çempionatıdır:
"Çıxış zamanı çox həyəcan hiss etmirdim. Dünya çempionatında iki kateqoriyada, fərdi proqramda və aerodans proqramında çıxış edirəm".
Qeyd edək ki, aerobika gimnatikası üzrə 16-cı dünya çempionatı Azərbaycan Gimnastika Federasiyasının 2021-ci ildə təşkil etməyi planlaşdırdığı irimiqyaslı yarışlardan biridir. Yarışda 22 ölkədən 171 idmançı çıxış edir.
3 gün davam edəcək çempionatda gimnastlar fərdi qadın və kişi, qarışıq cütlük, üçlük, qrup, həmçinin aero dans və aero step proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.
28-05-2021, 13:31 | Bakıda aerobika gimnastikası üzrə 16-cı dünya çempionatının ikinci günü başlayıb - FOTO
Bakı Milli Gimnastika Arenasında aerobika gimnastikası üzrə 16-cı dünya çempionatının ikinci günü başlayıb.
Trend bildirir ki, yarışların ikinci günündə qarışıq cütlüklər arasında, kişilər arasında fərdi proqramda və aerodans üzrə və qrup hərəkətlərdə təsnifat mərhələsi keçiriləcək. Daha sonra komanda hesabında müküfatlandırma mərasimi baş tutacaq.
Bundan başqa, üçlüklər, fərdi proqramda qadınlar arasında aerostep üzrə final mərhələsi və bu növlər üzrə qaliblərin mükafatlandırılması keçiriləcək.
Qeyd edək ki, aerobika gimnatikası üzrə 16-cı dünya çempionatı Azərbaycan Gimnastika Federasiyasının 2021-ci ildə təşkil etməyi planlaşdırdığı irimiqyaslı yarışlardan biridir.
Yarışda 22 ölkədən 166 idmançı çıxış edəcək.
3 gün davam edəcək çempionatda gimnastlar fərdi qadın və kişi, qarışıq cütlük, üçlük, qrup, həmçinin aero dans və aero step proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.
Azərbaycanı yarışlarda Ayxan Əhmədli, Balaxanım Əhmədova, Vladimir Dolmatov, Xoşqədəm Quliyeva, Nərminə Hüseynova, Nigar İbrahimbəyli, İmran İmranov, Nurcan Cabbarlı, Akif Kərimli, Elçin Məmmədov və Mədinə Mustafayeva təmsil edəcək.
24-05-2021, 08:17 | İdman gimnastlarımızdan medallarla zəngin həftəsonu
22 və 23 may tarixlərində Macarıstanın paytaxtı Budapest şəhərində idman gimnastikası üzrə beynəlxalq turnir keçirilib.
Azərbaycan Gimnastika Federasiyasından Trend-ə verilən məlumata görə, Bu yarışda ölkəmizi kişi idman gimnastikası üzrə yığma komandanın üzvləri Mənsum Səfərov, Anar Həsənov, Aydın Əlizadə, Ramin Dəmirov və Rəsul Əhmədzadə təmsil edib.
Bu yarışda gimnastlarımız komanda hesabına 10 medal yazdırıblar.
Medallardan təkcə 6-sı Aydının payına düşür. Çoxnövçülük yarışlarında gümüş medal qazanmış Aydın, bu gün keçirilmiş final mərhələsində halqalarla fəxri kürsünün 1-ci, dayaqlı tullanma, sərbəst hərəkətlər, turnikdə çıxışına görə 2-ci, paralel qollarda isə 3-cü pilləsinə yüksəlib.
Rəsul çoxnövçülük və sərbəst hərəkətlərdə bürünc medal, dəstəli at üzərində hərəkətlərə görə isə gümüş medal qazanıb. Onun komanda yoldaşı Ramin isə halqalar üzərində hərəkətlərdə 2-ci olub.
24-05-2021, 08:06 | Gimnastlarımız onlayn beynəlxalq yarışdan 11 medal qazanıblar
Bədii gimnastika üzrə yığma komandamızın üzvləri Bolqarıstan Gimnastika Federasiyasının təşkil etdiyi bədii gimnastika üzrə onlayn turnirdə iştirak ediblər.
Azərbaycan Gimnastika Federasiyasından Trend-ə verilən məlumata görə, sayca 3-cü olan bədii gimnastika üzrə "Prize of Julieta Shishmanova" turnirində ölkəmizi yığmamızın üzvləri Arzu Cəlilova, Nərminə Səmədova, Alina Məmmədova və Kamilla Seyidzadə təmsil edib.
Qızlarımız bu yarışdan 11 medal qazanıblar. Belə ki, böyüklər arasında çıxış edən Arzu top, halqa və gürzlərlə çıxışına görə 2-ci, çoxnövçülük nəticəsinə əsasən 3-cü yerdə qərarlaşıb. Onun Komanda yoldaşı Nərminə lentlə 3-cü olub, halqa ilə çıxışına görə isə 4-cü yerdə qərarlaşıb.
Gənclər yaş qrupunda iştirak etmiş Kamilla Seyidzadə tam bir medal dəstini əldə edib: topla çıxışına görə 1-ci, lentlə 2-ci və çoxnövçülükdə 3-cü yerdə qərarlaşıb. Onunla eyni yaş qrupunda yarışmış Alina isə həm çoxnövçülük, həm halqa, həm də gürzlərlə 2-ci olub.
24-05-2021, 07:53 | Boyat yeməklərdən istifadə edilməsinin ziyanı
Bəzən süfrədə yeyilməyən və istifadə edilməyən xörəkləri israf olunmaması üçün sonrakı günə saxlayırlar. Əslində bu, ta qədimdən belədir. Əvvəllər qidaların köhnəlməməsi üçün sərin yer seçilirdisə, indi müasir soyuduculardan istifadə olunur. Mütəxəssislər bildirirlər ki, yeməkləri düzgün saxlamamaq, onları hətta ikinci dəfə qızdırıb boyat şəkildə istehlak etmək orqanizmdə ciddi fəsadlara səbəb olur. Bişirilən yeməklərin tərkibi emal prosesindən çıxmış məhsullardır. Həmin məhsullar bir müddət saxlanılanda hansı proseslər baş verir?
Bakı şəhər Kliniki Tibbi Mərkəzin yoluxucu xəstəliklər şöbəsinin müdiri Gülnarə Babayeva bu sualın cavabında AZƏRTAC-a deyib: "Termiki emal olunmuş yemək nə qədər sərində saxlanılsa da, onun tərkibində olan bitki və ya heyvani mənşəli hüceyrələrin dağılması nəticəsində maddələr öz-özünə parçalanmağa başlayır. Bunun nəticəsində əvvəlcədən toksiki olmayan maddələr zəhərli parçalara bölünməyə başlayır. Boyat yeməyin dadında dəyişiklik hiss olunmasa da, həmin proses gedir".
Onun dediyinə görə, bir neçə gün qalmış qidaların dadı pozulmasa da, onları qətiyyən yemək düzgün deyil: "Əslində dad o zaman pozulur ki, qida maddəsinin tərkibinin çox hissəsi sıradan çıxmış olsun. Həmin maddələr orqanizmə daxil olan kimi qaraciyəri yükə salır. Tərkibində parçalanmış radikallar olan, zülalların, amin turşularının və yağların oksidləşmə nəticəsində konserogen maddələr əmələ gəlmiş qida məhsulları ortaya çıxır. Ondan istifadə edəndə dadındaki dəyişiklik aşkar hiss olunmasa da, zəhərli maddələrin əmələ gəlməsi demək olar ki, həyatımızı da qısaldır".
Yeməklərin boyatımaması üçün ilk olaraq onları qədərində hazırlamaq lazımdır. Yumurta, balıq, ət, toyuq, göbələk kimi riskli məhsullar iki saatdan artıq süfrədə qalmamalıdır. Əgər həmin məhsullar iki saatdan artıq soyuducuya qoyulmadan ev temperaturunda və açıq şəkildə qalıbsa, ikinci dəfə qızdırıb istehlak edilməsi məqsədəuyğun deyil. Bir gün sonraya qalıb rəngini dəyişən çörəyin də istehlakına diqqət yetirmək lazımdır. Şöbə müdiri deyib: "Təcrübə göstərir ki, iki-üç gündən sonra hətta soyuducuda saxlanılan çörəyin üstündə kif, göbələk əmələ gəlir. Təzə vaxtı biz onu görmürük. Onda görürük ki, göbələk kaloniyası çörəyin üzərinə toplaşır. Bəzən onu təmizləyib, üzünü kəsəndən sonra qalan hissəsindən istifadə edirlər. Bu, qətiyyən düzgün deyil, çünki üzərində göbələk varsa, deməli, həmin çörək parçası, yaxud hansısa qida məhsulu bütövlükdə göbələk infeksiyasına məruz qalıb. Onun istifadəsi zamanı orqanizm göbələk hücumu ilə üzləşir".
Mütəxəssislərin fikrincə, soyuducuda saxlanılan bəzi yeməklərin tərkibində də müəyyən dəyişikliklər baş verir və ziyanlı maddələr əmələ gəlir. Həmin qidaların orqanizmdə mənimsənilməsi çətinləşir və tədricən xoşagəlməz fəsadlara səbəb olur. Ona görə də gündəlik qida rasionu düzgün seçilərək qəbul olunmalıdır ki, orqanizmə lazım olan vitamin və minerallar təzə halda istehlak edilsin.
