15-05-2021, 05:57 | Ürəkdə sancı, iynə, bıçaq batırma hissi - Səbəblər, müalicə
Əksər insanlar hər gün ürəyində öndən və arxadan qəfildən sanki ürəyinə iynə, bıçaq salındığını və sancı olmasından şikayətlənir. Çox zaman bu insanlar gənc və orta yaşlılar olur.
Ürəkdə ara-sıra sancı, batma kimi hisslərin səbəbi təkcə ürəklə bağlı olmaya da bilər.
Ürəkdə deşici ağrının mümkün səbəblərini təqdim edir:
Ürək nahiyəsində istənilən ağrı, sancı birbaşa ürək-damar problemləri, onurğa və onurğa sütunu problemləri, mədə və ağciyərlərdən qaynaqlana bilər.
Bəs necə bilmək olar ki, problem ürəkdə yox, ayrıdır?
Bunun üçün evdə ağrının xarakterini izləmək lazımdır. Əgər ağrı ürəkdəndirsə, onun üçün sakit və ya hərəkətli vaxtın önəmi yoxdur. İnsan uzananda da. sakit halda da, gəzəndə də sancı olur.
Yox əgər ağrı ancaq qəfil hərəkət edəndə, gəzəndə, oturub qalxanda və ya əsəbləşəndə olursa, bu daha çox başqa səbəblərdəndir.
Ürək ağrısının özəlliyi:
- Ağrı zəif başlayır, yüksəlir, sonra qəfil itir. Ürək ağrısı bir neçə dəqiqə olur. Digər ağrılar isə daimi olur və saatlarla, daha uzun müddət davam edir.
- Nitreqlisirinlə sınaq - əgər ürəyin işemik problemi varsa, nitreqliserini dilin altına qoyan kimi ağrı kəsilir. Bu zaman ürəkdən şübhələnmək olar.
- Əgər ağrı insan hərəkət edəndə əzələlərə, qabırğalara kəskin vurursa, əzələlərin spazmı baş verirsə və üstəlik xəstə ağrını izah edir, göstərir, aktiv hərəkət edirsə, deməli onun ürəyi yox, qabırğalararası siniridir.
Çünki ürək xəstəsinin danışmağa və aktiv nəyisə izah etməyə halı olmur və o ağrını ümumiyyətlə izah edə bilmir.
- Ürək ağrısında xəstə konkret olaraq bir nöqtəni göstərir və kənar heç bir fikir söyləmir. Eləcə də onun tənəffüsündə dəyişiklik olur.
Ürəkdən gələn ağrının digər əlamətləri:
- Ürək ritmi, vurğusunun ya kəskin azalması, ya artması
- Baş hərlənmə
- Soyuq tər
- Təngnəfəslik
- Dodağın, bənizin ağarması
- Ürəkbulanma
- tərləmə
- Bayılma hissi
Ürəyə bıçaq batırma ağrısının digər səbəbləri:
- Boyun və döş qəfəsində onurğa problemləri, ostexondroz
- Vegetativ distoniya, nevrozlar, taxikardiya, stress, təşviş
- Qalxanvari vəzdə problemlər
- Hər hansı virus xəstəlikləri
- Ağciyərlərin iltihabı, plevrit
- Aortanın tutulması və ya yırtılması
- Mədədə qastrit, rüflüks, QERB - turşuğulun artması, diafraqmal yırtıq
- Miozit - əzələlərin iltihabı
- Stenokardiya - damarların spazmı, qan dövranı pozulması
Bu kimi ağrılarda birinci kardioloqa gedilib yoxlanılır, daha sonra nevroloq digər səbəbləri araşdırır.
15-05-2021, 05:55 | Bananla darçını birlikdə qaynatsanız… - İNANILMAZ FAYDALARI
Bir banan darçınla qaynadılsa və yatmadan əvvəl bu dəmləməni içsəniz nə olar?
Niyə banan və darçın qarışığı içmək lazımdır?
Olduqca faydalı olan bu dəmləmə haqda həkim Əziz Əzizli məlumat verib.
O, deyir ki, bu resepti az adam bilir, ancaq nevroz və vitamin çatışmazlığı ilə mübarizədə kömək edəcək əla bir vasitədir.
"Bütün bunlar bananın bir çox faydalı xüsusiyyətə malik olması ilə əlaqədardır. Sinir sisteminə müsbət təsir göstərən maqnezium ehtiva edir. Bu vasitə ilə stresdən qurtula, rahatlamağı, yuxunu yaxşılaşdırmağı və beyni normallaşdıra bilərsiniz. Banan bədən və ürək əzələsi üçün yaxşı bir məhsuldur. Eyni zamanda, fosfor orqanizmə karbohidratları həzm etməyə, kalium isə əzələ tonusunu qorumağa kömək edir".
Həkim bildiri ki, söhbət açacağımız kokteylə əlavə olunan darçın da çox vacib bir tərkib hissəsidir.
"İnsan bədəninin xolesterol və şəkər səviyyəsini azaltmağa kömək edəcək və bununla da ürək xəstəliyi riskini azaldır. Göründüyü kimi, darçın hormonları qaydasına salmağa kömək etmək xüsusiyyətinə malikdir. Bu yaxınlarda darçının xərçənglə mübarizədə köməkçi olduğu məlum oldu".
Kokteyl xüsusilə aşağıdakı kimi xəstəliklərə qarşı mübarizədə faydalıdır.
- Artroz;
- Artrit;
- Baş ağrısı;
- Xoralar.
Sağlamlıq kokteyli hazırlamaq üçün sizə lazım olacaq:
1 ədəd yetişmiş banan;
2 çay qaşığı üyüdülmüş darçın;
3 litr su.
Hazırlanması:
Suyu qaynadın;
Bananı soyun;
Bananı qaynar suya batırın;
Darçın əlavə edin;
Meyvə 10 dəqiqə qaynadılmalıdır;
Suyu süzün;
İçki hazırdır!
Onu ilıq halda içmək daha yaxşıdır.
Bu içki hər bir insan üçün çox faydalıdır. Bal, limon, moruq və ya itburnu da əlavə oluna bilər.
Beləliklə, bu kokteylin çox faydalı xüsusiyyətlərə malik olduğu qənaətinə gələ bilərik. Sağlamlığınızı normallaşdırmaq üçün belə bir kokteyli mümkün qədər tez-tez qəbul edin.( lent.az)
15-05-2021, 05:53 | İnfarkt riskini necə azaltmaq olar? - Dietoloq açıqladı
Dietoloq Nərgiz Nəzirova səhər yeməyinin vacibliyi barədə əhəmiyyətli detalları açıqlayıb.
Həkim yuxudan oyandıqdan sonrakı 1 saat ərzində mütləq səhər yeməyi yemək lazım olduğunu bildirib.
"Çünki orqanizm 10-12 saatdan çox ac qaldıqda bir sıra sağlamlıq problemləri baş verə bilər. Səhər yeməyi bədənə enerji verir, gün ərzində özünüzü gümrah hiss etməyinizə səbəb olur. Səhər yeməyinin orqanizm üçün əsas 5 faydası var:
İdeal çəkidə qalmağı təmin edir, infarkt riskini azaldır, yaddaşı gücləndirir, şəkər xəstəliyinin qarşısını alır, tox saxlayır", - dietoloq əlavə edib.
Çox yemənin altında yatan səbəbləri isə mütəxəssis belə izah edib:
"Səbəbi nə olursa-olsun, normadan artıq yemək son dərəcə sağlıqsızdır və çəki artımına səbəb olur. Odur ki, çox yemə səbəblərinizi öncədən görün və qarşısını mütləq alın.
Yemək yemə müddəti 20 dəqiqə olmalıdır. Odur ki, yeməyinizi yavaş, hər loxmanı yaxşıca çeynəyərək yeməyi sınaqdan keçirin. Yeməyi sürətlə yemək toxluq hissi yaratmır.
Böyük qabda yemək yemək olduqca ləzzətlidir, elə deyilmi? Lakin böyük boşqablar sizin çox yeməyinizin əsas səbəblərindən biridir, unutmayın.
Bəzən yorğunluqla aclığı bir-birinə qarışdırır və normadan artıq yeməklə enerji toplayacağımıza və yorğunluqdan xilas olacağımıza inanırıq. Yorğunluq və yuxusuzluğunuzu çox yeməklə deyil, meyvə-tərəvəz kimi yüngül qidalar qəbul etməklə ötüşdürün". (publika.az)
15-05-2021, 05:51 | Rəqs etməklə xərçəngdən sağalan qadının sirri - 93 yaşlı ANNA
Anna Halprin - 92 yaşı var. Bu qadın tarixdə "Tanrı ilə rəqs edən qadın" kimi qalıb.
51 yaşında həkimlər ona bağırsaq xərçənginin ağır dərəcəsi diaqnozunu qoymuşdular. Ölümü gözləməkdən başqa yol yox idi.
Qadın təslim olmadı. O, xəstəliyi ilə rəqs etdi, rəqsinin gücü ilə özünü müalicəyə başladı. Və o gündən bu vaxta kimi sağdır, 40 ildir ki, rəqs metodikası ilə digər xəstələri sağalmağa ruhlandırır, insanları xilas edir. İndi o incəsənət naminə yox, sağalmaq üçün rəqs edir.
Milli.Az Annanın rəqslə müalicə metodikasını təqdim edir. Əgər kimsə istəsə, təkcə xərçəng xəstəliyində yox, digər problemlərdə də bunu sınaya bilər.
Anna əmin edir ki, burda qeyri-adi heç bir möcüzə yoxdur. "Orqanizmin özünü müalicə, bərpa etmə sistemini işə salmaq lazımdır. Hər hüceyrə özünü müdafiə edə bilər".
Mən bu mexanizmin açarını rəqs etməklə tapdım. Bu sadəcə gözəl rəqs deyil. Kənardan insana bu adamın başına hava gəlib kimi görünə bilər. Burda insan hiss etdiyini, bütün daxili emosiyalarını, xəstəliyini əl-ayaq, bədən hərəkətləri ilə əks etdirməlidir.
Anna diaqnozunu öyrənən kimi belə edib: böyük bir kətanda və ya kağızda da ola bilər, rənglərlə xərçəng şişini necə təsəvvür edirsə, elə də çəkir. Bu böyük abstrakt, qəribə bi ləkə kimi alınıb.
O bu rəsmi divara asır və onun qarşısına "Xərçəng rəqsini" oynamağa başlayır. O, dostlarını da başına yığıb, onların qarşısında rəqs edir, hərəkətlərinin dili ilə öz qorxu, şübhələrini göstərirdi.
İlk baxışdan bu rəqs qorxulu görünürdü, O sanki qıvrılır, sonra yerində bükülür, sonra uçur,hətta qarnını tutub sıxırdı. Amma dostları onu dəstəklədi. Bu rəqs bir növ şaman rəqslərinə bənzəyirdi.
"Mən uşaqlıqda ailəmizdə nənəm və dayımın dini ayin və dualar zamanı bədənlərini sağa-sola yellədiklərini görürdüm. Onlar sanki transda idilər. Dua gücləndikdə yırğalanma güclənirdi. O zaman anladım ki, Tanrıya üz tutanda bədən dilə gəlməlidir. Ən böyük rəqs ustası elə Tanrıdır".
Bu rəqslər cəmi 6 ay ərzində qadını sağaldır. İndi o yaşamaq üçün rəqs edir və digər xəstələrə də rəqslə kömək edir.
Onun özünəməxsus metodikasında şüuraltı, düşüncə və fiziki bədən arasında dərin bağlantı qurur.
O, tələbələrinə məsləhət görür ki, öz qorxu, həyəcan, xəstəliklərini kağızda çəkib, onu göz önündən asıb, qarşısında o şəklin verdiyi hisslərə görə bədənlərini hərəkət edib, rəqs etsinlər.
Bədəninizə qulaq asın, o necə istəsə elə hərəkətlər edin. Bu zaman bədənin gizli resursu işə düşüb, özü-özünü müalicə edəcək.
Hazırda 93 yaşlı Anna həftədə 3 dəfə seminarlar və rəqs kursları təşkil edir. /medicina.az
15-05-2021, 05:49 | Uşaqlar üçün YENİ TƏHLÜKƏ - Mütəxəssislərdən MÜHÜM XƏBƏRDARLIQ
Pandemiya səbəbilə uşaqların rəqəmsal ekranlar qarşısında keçirdiyi orta vaxt artıb.
Mütəxəssislər bunun göz quruluğu, rəqəmsal göz yorğunluğu, baş ağrısı və bulanıq görmə kimi şikayətlərə səbəb olduğunu xəbərdar edirlər.
Türkiyə Sağlamlıq Elmləri Universitetinin göz sağlamlığı və xəstəlikləri mütəxəssisi professor Yelda Özkurt COVID-19-un tənəffüs sisteminə olduğu kimi, gözlərə də ciddi təsir edə biləcəyini, hətta ilk tapıntıların belə gözdə görülə biləcəyini bildirib.
Y.Özkurt uşaqlarda göz qapaqlarının iç hissəsini və göz bəbəyini əhatə edən kəskin iltihab, sulanma, qızartı, şişlik kimi halların müşahidə edildiyini deyib.
Professorun sözlərinə görə, xarici mühitlə davamlı təmasda olan əllərin gözlərə sürtündüyü zaman, göz vasitəsilə COVID-19-a yoluxma üçün zəmin hazırlanır: "Bu, araşdırmalar əsasında sübut olunub. Buna görə də infeksiyaya yoluxma riskinin qarşısını almaq üçün gözlərin qorunması ağız və burun qədər vacibdir. Bütün viral xəstəliklərdə olduğu kimi, gözlə təmasda olan və daha sonra digər insanlara və səthlərə toxunan əllər tərəfindən də yoluxma ehtimalı olduğunu unutmamalıyıq".
Y.Özkurt vurğulayıb ki, pandemiya səbəbiylə əksər yerlərdə məktəblərin bağlı olması uşaqların planşet, kompüter və telefon kimi rəqəmsal ekranlar qarşısında keçirdikləri müddəti artırıb ki, bu da onların səhhətinə mənfi təsir edir. Professor tövsiyə edir ki, göz yorğunluğunun olmaması və göz xəstəliklərinin artmaması üçün uşaqları mümkün qədər ekran qarşısından çəkindirmək lazımdır.
O deyib ki, son 5 ildə Çində 6-8 yaş qrupundakı təxminən 125 min uşağın göz qüsuru hesablamalarına əsaslanan araşdırmada, zəif görmə 6 yaşındakı uşaqlarda 3 dəfə, 7 yaşındakılarda 2, 8 yaşındakılarda isə 1,4 dəfə artdığı müəyyən edilib. Bu səbəbdən də Y.Özkurt son zamanlarda göz müayinəsindən keçməmiş bütün uşaqların müayinə olunmalı və mövcud nöqsanların müəyyən edilərək müalicə olunmasının vacibliyini ifadə edib və bildirib ki, xüsusilə əl ilə göz təması azaldılmalı və ümumi gigiyena qaydalarına ciddi riayət edilməlidir. (publika.az)
15-05-2021, 05:47 | Ayaqlarınızda bu 3 əlamət varsa - Qaraciyəri yoxladın
Qaraciyərin yağlanması və hepatozunun əlamətlərini ayaqlarda bəzi dəyişiklik, ləkələrlə də bilmək olur.
3 əlamət qaraciyərin zədələnməsini göstərə bilər.
1. Pəncənin xarici görünüşü ürəyin ayaqların aşağısına qanı yaxşı vurmadığını və burda damar sistemində problem olduğunu göstərir. Amma əgər damarlarda problem varsa, deməli, qaraciyərin də vəziyyəti yaxşı deyil.
2. Ayaqlarda xırda, qırmızı və ya qəhvəyi nöqtələrin yaranması - xüsusən dizdən aşağı hissədə.
3. Dabanlarda çatlar - orqanizmdə B 3 vitamini və Omeqa 3 defisitini göstərir. Bunlar da qaraciyər tərəfindən depolanır.
Əgər ayaqlarınızda quruma, çatlar, xırda nöqtələr, qırmızı xallar, dabanlarda qaşınma varsa, siz qaraciyərinizi yoxladın və müalicə edin. /medicina.az
15-05-2021, 05:45 | XƏBƏRDARLIQ: Marketdən evinizə gətirdiyiniz "ölüm yağı" - XƏRÇƏNG YARADIR
Yağlardan istifadə zamanı nəyə diqqət etmək lazımdır?
Qida rasionunda yağların düzgün və yaxşı mənimsənilməsi üçün ümumi yağın 70%-i heyvan, 30%-i isə bitki yağı olmalıdır. Yağların isti emal zamanı qidalıq dəyərlərinin dəyişilməsi temperaturdan və isti emalın davametmə müddətindən asılıdır. Bunlar artıq olduqda, bioloji aktiv maddələrin artmasına səbəb olur.
200°C-dən yuxarı temperaturada qızdırdıqda və dəfələrlə istifadə edildikdə, yağlar kanserogen olur və bəd şişlər əmələgətirmə qabiliyyətinə malik olur. 20-30 q bitki yağı, insan orqanizminin doymamış yağ turşusuna olan gündəlik tələbatını ödəyir. Onların çatışmaması orqanizmin inkişafını zəiflədir və sağlamlığa mənfı təsir göstərir. Onların qida rasionunda gündəlik norması sutkada tələb olunan kaloriliyin 1%-ni, yaxud 7-8 qram təşkil edir.
Hansı yağı seçmək lazımdır?
Bu gün bazarlarda "bitki yağı" adı altında tərkibində palma yağı və palma qozu yağı olan ərzaq məhsulları kifayət qədərdir. Bir çox Avropa ölkələrində qadağan olunmasına baxmayaraq, ucuz olması səbəbindən dünyanın bir çox ölkəsində həmin yağ qida məhsulları və kosmetika sənayesində də tətbiq edilir. Palma yağı otaq temperaturunda bərkiyir və digər yağlarla yaxşı qarışır. O, günəbaxan yağı kimi yüksək temperaturda xarab olmur.
Digər bitki yağları ilə müqayisədə palma yağının tərkibində doymuş yağların miqdarı xeyli yüksəkdir - tərkibində doymuş yağların faizi nə qədər yüksək olarsa, bitki yağı o qədər daha az zərərli sayılır.
İstehlakçıları palma yağının zərərsizliyinə və ya hətta xeyirli olduğuna inandırmağa çalışsalar da, aparılmış araşdırmalar nəticəsində dünyanın 23 ölkəsində palma yağı istehlakının artması ilə işemik ürək xəstəliklərinin artması arasında əlaqənin olduğunu müəyyən ediblər. Həkimlər eləcə də şübhə etmirlər ki, palma yağı ateroskleroz əmələ gətirən qandakı "pis xolesterini" artırır.
Palma yağından istifadə piylənmə və qlobal miqyasda xroniki xəstəliklərin inkişafına gətirib çıxarır, eyni zamanda ekologiyaya da ciddi ziyan vuraraq tropik meşələrin məhvinə səbəb olur.
Beynəlxalq təşkilatlar zərərli yağlara qarşı hansı tədbirlər görüblər?
Hələ 2003-ci ildə ÜST və BMT-nin Ərzaq və Kənd Təsərrüfatı Təşkilatı (FAO) palma yağının sağlamlığa mümkün zərərlərinə diqqət çəkib. Lakin o zamandan bəri palma yağının dünyada istehsalı və istehlakı ikiqat artıb, 1995-ci ildən 2017-ci ilədək müddətdə isə palma yağı istehsalı dörd dəfə artıb. Bu cür artımın səbəblərindən biri məhsullarını bazarlara çıxarmaq üçün güclü lobbi yaratmış hazır yemək və yarımfabrikat istehsalçılarında görürlər. Məhz həmin istehsalçılar tərəfindən istehlakçıları aldatmaq məqsədilə palma yağının orqanizmə faydaları haqqında bir çox saxta məlumatlarla dolu məqalələr də dərc olunub. Hətta bu mövzulu doqquz məqalədən dördünün Malayziya Kənd Təsərrüfatı Nazirliyinin sənayenin inkişafına cavabdeh olan şöbəsinin əməkdaşları tərəfindən hazırlanması belə aşkar edilib.
İnqrediyentlər siyahısında, palma yağı 200-dək alternativ ad altında göstərilə bilər. Sadəcə "bitki yağı kimi" yazılması ən böyük hiylələrdən biri hesab oluna bilər. Odur ki, yağ seçərkən diqqətli olun. (MediaBaku)
13-05-2021, 08:27 | Podaqra zamanı böyrəklərin zədələnməsi
Podaqra xroniki,proqressedici xəstəlik olub,purin mübadiləsinin pozulması və bədəndə artıq miqdarda sidik turşusunun artması və uratların dayaq-hərəki aparatda və daxili orqanlarda çökməsi ilə xarakterizə olunur.Xəstəlik zamanı sayılan patoloji proseslər böyrəklərə də təsirsiz ötüşmür.Belə ki,bu zaman uratlar böyrəklərdə də çöküntü verir və orqanı sistemli şəkildə zədələyir.Xəstəlik üçün aşağıdakılar xarakterikdir:
- hgiperurekemiya
- podaqrik arterit
- böyrək intersistensiyasının zədələnməsi
- böyrək damarlarının zədələnməsi
- böyrəkdaşının əmələ gəlməsi
Podaqra xəstəliyi zamanı 80% xəstələrdə böyrəklərin zədələnməsi müşahidə olunur.Bu zaman hiperurekemiya hədəf orqanlarda kristalzasiyaya və lekositar infiltirasiya baş verdikdə podaqraya transformasiya edir.O zaman ki,urokemiya aşağı həddə olur,bu zaman podaqra baş vermir.Yüksək hiperurikemiyanın podaqra xəstəliyinin əmələ gəlməsi üçün risk faktoru olması sübut edilmişdir.Belə ki,hiperurikemiyanın səviyyəsi 0,54mmol/l olduqda 90% müayinə olunmuş xəstələrdə podaqra qeydə alınmışdıər.Amma urikemiyanın səviyyəsi 0,48 mmol/l olan xəstələrin 17%-də podaqra qeydə alınmışdır.Çoxsaylı kiliniki müşahidələr kişilər üçün urikemiyann ən yüksək həddinin 0,36 mmol/8l,qadınlar üçün isə ən yüksək həddin 0,32 mmol/l olduğunu təsdiq etmişdir.
Podaqra xəstəliyinə adətən 25-50 yaşda,əsasən kişilərdə rast gəlinir.Qadınlarda xəstəliyə az və menopauza dövründə rast gəlmək olur.
Podaqraya ikincili xəstəlik kimi,bəzi qan xəstəliklərində,sitostatik qəbulu zamanı,bədxassəli şişlərə şüa terapiyasında rast gəlmək olur ki,bu zaman da böyrəklərin zədələnməsi eyni qayda ilə baş verir.
Podaqra zamanı böyrək zədələnməsi özünü aşağıdakı əlamətlərlə göstərir:
- sidik sindromu
- hematuriya
- yüngül proteinuriya
- leykosituriya
- oynaq zədələnmələri
- urat nefropatiyası
Xəstəliyin ikinci əsas əlaməti böyrəkdaşı sayılır ki,bu da sancılar və müstəqil daşdüşmə ilə müşahidə olunur.Bu zaman xəstələrdə daş mütəmadi olaraq əmələ gəlir və əksər hallarda da özü düşür.Bəzi hallarda daş və kristallar sidik yollarını tutaraq anuriyaya səbəb olur.Bəzi xəstələrdə hətta böyrəklərin podaqrik iltihabı baş verə bilir.Bu da xəstələrdə bəzi patologiyalarla özünü göstərir:
- bel hahiyəsində kəskin ağrılar
- yüksək bədən hərarəti
- hematuriya
Podaqra xəstəliyi səbəbli daşəmələgəlmə podaqranın müalicəsindən sonra keçib gedə bilir.
Milli.Az
13-05-2021, 08:25 | Kəskin podaqra artriti
Xəstəlik adətən bir-neçə il müddətində simptomsuz keçən yalnız hiperurikemiyadan sonra gecə vaxtı və ya səhər tezdən yataqdan qalxan zaman əmələ gəlir. Kəskin podaqra artriti travma, alkahol qəbulu, pəhrizdə pozuntular zamanı, cərrahi əməliyyatlarda, yanaşı xəstəliklərin kəskinləşməsində, lokal iltihabi proseslərdə aktivləşir.
Kəskin podaqra artriti zamanı əvvəlcə bir oynaqda ağrı, şikinlik və qızartı əmələ gəlir. Əlamətlər sürətlə inkişaf edir və xəstənin oynaqda hərəkəti məhdudlaşır. Xəstənin oynağına əl vasitəsilə azacıq təmas belə şiddətli ağrıya səbəb olur. Xəstəliyin ağırlaşması 2 gündən 7 günə qədər davam edir.
Xəstəlik yaşlılarda tutmalar, cavan adamlarda isə oliqoartirit və ya poliartirit tipində keçir. Kişilərdə əsasən ayaq oynaqları və böyük barmaq zədələnir. Qadınlarda isə əvvəlcə poliartrit inkişaf edir və ən çox əl oynaqları zədələnir.
Kəskin podaqra artriti zamanı xəstələrin bir çoxunda leykositoz və hərarətin yüksəlməsi müşahidə edilir. Kəskin podaqra artritinin xarakter xüsusiyyəti ağrıların qəflətən itməsi və xronik podaqra artriti inkişaf edənə qədər, tutmalar arası dövrdə qəti olmamasıdır. Bu müddətdə ağrının olması adətən oynaqda yanaşı gedən xəstəliklərlə əlaqədar olur. Xəstəlik müalicə olunmadıqda ağrılar tezləşir, daha uzun müddətli davam edir və prosesə digər orqanlar cəlb olunur.
Kəskin podaqra artriti tutmaları arasında intervallar müxtəlif olur. Müalicə olunmadıqda 1 il ərzində xəstələrin 60%-də baş verir. Ağrı tutmaları toxumaların (bağlar, oynaq kisəsi) iltihabı səbəbli müşahidə edilir.(milli.az)
13-05-2021, 08:12 | Qvardioladan çempionluq açıqlaması
İngiltərənin "Mançester Siti" komandasının baş məşqçisi Xosep Qvardiola açıqlama verib.
BBC-yə danışan Qvardiola, Premyer Liqada çempion olmaları haqda fikirlərini bildirib:
"Digərlərinə bənzəməyən bir çempionluq oldu. Bu, qazandığımız ən çətin tituldur. Bu mövsümü heç vaxt unutmayacam. Bu komandanın baş məşqçisi olduğum üçün çox xoşbəxtəm. Qarşılaşdığımız məhdudiyyətlərə və çətinliklərə baxmayaraq, çempion olduq və sabitliyimizi qoruya bildik".
"Mançester Siti" Premyer Liqada sona üç tur qalmış çempionluğunu rəsmiləşdirib.
