31-12-2021, 08:45 | Qanı təmizləyən 3 ƏN UCUZ VASİTƏ
Tibet təbibləri hesab edir ki, istənilən xəstəliyi qanı və limfaları təmizləyərək müalicəyə başlamaq lazımdır.
Sizi tibetlilərin qanı təmizləyən müalicə üsulları ilə tanış edirik.
Tibetlilərin bu üsulu nəinki xəstənin tezliklə sağalmasına kömək edir, o cümlədən müxtəlif xəstəliklərinin qarşısının alınmasında müsbət təsir göstərir.
Tibetlilərin qanı təmizləyən uzunömürlülük reseptləri
Qanı və qan damarlarını 3 ən ucuz və səmərəli üsul ilə təmizlənməyə çalışın. Və yadda saxlayın ki, hər bir məhsulun öz əks göstərişi var! Əgər hamiləsinizsə və ya mədə probleminiz varsa, onda əvvəlcədən mütləq həkiminizlə məsləhətləşin.
Bədənin təmizlənməsi üçün dəmrovotu
Limfaları təmizləyən dəmrovotunun faydalı xassələri təkcə tibet lamalarına məlum deyildi. Əcdadlarımız da bu dərman bitkisindən istifadə edib. Dəmrovotu cövhəri limfatik sisteminin fasiləsiz işləməsinə kömək olacaq və onu artıq patogen ballastdan təmizləyəcək.
Cövhəri hazırlamaq üçün sizə 10 damcı dəmrovotu şirəsi və 70 ml tibbi spirt lazım olacaq. İki məhlulu qarışdırıb soyuducuda saxlayın. Sxem üzrə qəbul edin: Səhər yeməyindən əvvəl 1 damcı, nahardan əvvəl 2 damcı, şam yeməyindən 3 damcı. Lakin bu miqdarı hər gün bir damcı artırın. 15 damcıya çatanda yenidən bir damcı azaltmağa başlayın.
Zəncəfil dəmləməsi
Zəncəfil çayı unikal xassələri sayəsində bütün zərərli elementləri (kimyəvi, radiasiyalı) orqanizmdən çıxarır və qanı təmizləyir. Gündəlik zəncəfil istifadəsi ümumi əhval-ruhiyyəyə müsbət təsir göstərəcək, saç və dəri vəziyyətini yaxşılaşdıracaq, o cümlədən artıq çəkini azaltmağa kömək edəcək.
10-20 qram təzə zəncəfili və ya 1 çay qaşığı zəncəfil tozunu stəkana töküb üstünə qaynar su əlavə edin. 10 dəqiqə dəmlənməsini gözləyin, dad vermək üçün 1 çay qaşığı limon suyu və ya bal əlavə etmək olar. Onu hər səhər yeməyə 30 dəqiqə qalmış acqarına için. Qalanını gün ərzində istifadə edin.
Sarımsaq cövhəri
Sarımsağın faydalı antibakterial xassələri hamıya məlumdur. Sarımsaq qısa müddətdə immuniteti gücləndirir, maddələr mübadiləsinin fəaliyyətini yaxşılaşdırır, eləcə də parazitləri məhv etməyə qadirdir. Tibet təbabəti damarların qanın təmizlənməsi üçün öz sarımsaq reseptini təklif edir.
40 qram xırdalanmış sarımsağı bankaya tökün və içinə 100 ml spirt, yaxud da araq əlavə edin. Onu 10 gün ərzində qaranlıq və sərin yerdə saxlayın. 10 gün sonra sarımsağı süzün. əldə edilən cövhəri gündə 2-3 dəfə yeməkdən 30 dəqiqə əvvəl 10 damcı qəbul edin. Sarımsaqla təmizlənmə kursu 10 gündən 1 aya qədər çəkir.
28-12-2021, 09:40 | Bakıda bu avtobuslara icazə verilməyəcək - Yanvarın 1-dən... - VİDEO
Gələn il yanvarın 1-dən Bakıda dizellə işləyən avtobuslara icazə verilməyəcək. Bu barədə Nazirlər Kabinetinin 3 il əvvəl 73 saylı qərarı var. Qərarda deyilir ki, paytaxtda sərnişindaşımada istifadə edilən avtobuslar mütləq qaydada elektrik və sıxılmış qazla işləməlidir. Ekspertlər hesab edirlər ki, hazırki vəziyyətdə bu mümkün deyil.
xəzər xəbər-ə istinadla xəbər verir ki, bir neçə gündən sonra paytaxda ictimai nəqliyyatda yalnız sıxılmış qaz və elektriklə işləyən avtobusların istismara veriləcəyi ilə bağlı tələb qüvvəyə minəcək. Bununla bağlı sabiq baş nazir Novruz Məmmədov 2019-cu ilin 4 mart tarixində qərar qəbul edib.
Ekspertlər hesab edirlər ki, Bakı şəhərinin qeyd edilən növdən olan avtobuslarla tam təmin edilməsi üçün bir neçə milyard dollar investisiyaya ehtiyac var. Ekspert Elməddin Muradlı "Xəzər Xəbər"ə deyib ki, hər iki kateqoriyadan olan avtobusların yanacaqla təminatı üçün hazırda paytaxda lazımi infrastruktur mövcud deyil.
Ekspertin sözlərinə görə, əgər bu qərarın icrası həyata keçirilsə, Baku-Bus avtobuslarının xidmət göstərə biləcəyi, yerdə qalan 2 minədək digər avtobusların isə tələblərə cavab verməcəyi görünür. Ekspert hesab edir ki, bu qərarın qüvvəyə minmə tarixi mütləq uzadılmalıdır.
Ekspert onu da bildirdi ki, yanacaq növünə görə avtobusların fəaliyyətinə məhdudiyyət qoyulmamalıdır. Avtobuslara standart növünə görə məhdudiyyət qoyula bilər. Burda da daşıyıcılar qarşısında tələblər qoyulmalıdır ki, ictimai nəqliyyatda yalnız avro-6 standartından aşağı avtobuslar ölkəyə buraxılmayacaq. Bu qərar 3 il əvvəl verilibsə paytaxtda bu növ avtobusların yanacaqdoldurma məntəqələri indiyə qədər niyə qurulmayıb?
Bakı Nəqliyyat Agentliyinin mətbuat katibi Mais Ağayev onu da bildirdi ki, köhnə avtobuslar, sıxlımış qaz və elektriklə işləyənlər gətirilənə qədər xətlərdən çıxarılmayacaq.
28-12-2021, 09:28 | Demensiya, infarkt və insultun qarşısını alan adi məhsul Hər gün yeyin!
Böyük Britaniya alimləri demensiya, infarkt və insult zamanı yaxşı müalicəvi təsir göstərən yeni preparat hazırlayıblar.
Saglamolun.az xarici KİV-lərə istinadla bildirir ki, bu preparatın fərqləndirici xüsusiyyəti ondan ibarətdir ki, dərman... adi şokoladdan hazırlanıb.
Çoxsaylı elmi araşdırmalar sübut edib ki, kakaonun tərkibində olan flavonoidlər adi çəkilən xəstəliklərin inkişafının qarşısını alır. Lakin flavonoidlərin lazım olan miqdarını almaq üçün insan gərək hər gün 400 qr şokolad yesin. Bu isə, təbii ki, insan orqanizmi üçün ziyanlıdır.
Bütün bunları nəzərə alaraq alimlər şokoladdan həblər hazırlayıblar ki, bu həblərin tərkibində flavonoidlərin konsentrasiyası maksimal həddədir.
Həmçinin mütəxəssislər ağır ürək-damar sistemi pozulmlarının və qocalıqla bağlı olan ağıl zəifliyinin profilaktikası üçün hər gün adi 100 qr-lıq şokolad "plitka"sının 1/4 hissəsini yeməyi tövsiyə edirlər. Söhbət yalnız tünd şokoladdan (tərkibində 70% və bundan çox kakao) gedir.
28-12-2021, 09:26 | Düyünü bişirdikdən əvvəl yaxşı yuyun və bol suda isladın yoxsa... TƏHLÜKƏ
Alimlər sübut edib ki, düzgün bişirilmədikdə düyü sağlamlığımıza ciddi ziyan vura bilər.
Saglamolun.az The Daily Mail-ə istinadla xəbər verir ki, Belfast Kral Universiteti alimləri düyüdə çoxlu miqdarda "arsen" adlı zəhərli maddəni aşkar edib. Bu maddə düyüyə torpaqdan və sudan düşür. İstənilən digər məhsullarla müqayisədə düyüdə arsenin miqdarı 10 dəfə çoxdur.
Arsen güclü zəhərdir və orqanizmdə toplanaraq xərçəng, ürək xəstəlikləri, diabet, sinir sistemi pozulmalarının riskini xeyli artırır.
Düyüdə arsenin konsentrasiyanı azaltmaq üçün həkimlər düyünü yaxşı yumağı və axşamdan səhərə qədər bol suda islatmağı tövsiyə edirlər. Bu halda aresin miqdarı düyüdə 80%-ə qədər azalır.
28-12-2021, 09:24 | Sobada asan hazırlanan lavaş-kabab resepti - VİDEO
"Myfoodchannel" youtube kanalına istinadən oxucularına növbəti maraqlı resepti təqdim edir.
Ərzaqlar
Hazırlanma qaydasına videoda baxa bilərsiniz. Nuş olsun!
Kulinariya xəbərlərini həmçinin bizim Facebook-dakı Mətbəx bölməsində də izləyə bilərsiniz
Kulinariya xəbərlərini həmçinin bizim Daytube-dakı Mətbəx bölməsində də izləyə bilərsiniz
Kulinariya xəbərlərini həmçinin bizim Milli.Az- dakı Mətbəx bölməsində də izləyə bilərsiniz
28-12-2021, 09:11 | Xırdalanda 60 yaşlı qadın dəm qazından zəhərlənib
Abşeron rayonunda zəhərlənmə hadisəsi baş verib.
"Report"a istinadən bildirir ki, hadisə Xırdalan şəhəri, "Quşçuluq" massivində qeydə alınıb.
1961-ci il təvəllüdlü Şəfiyeva Qəmzə yaşadığı mənzildə dəm qazından zəhərlənib.
Zərərçəkən təcili tibbi yardımın köməkliyilə xəstəxanaya çatdırılıb. Faktla bağlı araşdırma aparılır.
27-12-2021, 12:06 | Ceyhun Bayramov Azərbaycan və Ermənistan arasında sərhədlərlə bağlı işçi qrupun yaradılmasından danışdı
Konkret tarixi deməkdə bir qədər çətinlik çəkirəm. Çünki bunun üçün hər bir tərəf razılığını verməlidir və bu qarşılıqlı bir prosesdir. Azərbaycan tərəfi isə öz mövqeyini bildirib. Azərbaycan tərəfi bu prosesə start verməyə hazırdır.
Bunu xarici işlər naziri Ceyhun Bayramov Azərbaycanın xarici siyasəti sahəsində ilin yekunlarına dair mətbuat konfransı zamanı Trend-in "Azərbaycanla Ermənistan arasında sərhədlərin delimitasiyası ilə bağlı işçi qrupunun yaradılması nə zamana planlaşdırılır?" sualına cavab olaraq bildirib.
"Düşünürük ki, qarşı tərəf də bunun qaçılmaz olduğunu, ümumilikdə beynəlxalq norma və prinsiplərə uyğun olduğunu, dövlətlər arasında sərhədlərin müəyyən edilməsinin alternativi olmadığını anlayaraq, yaxın zamanlarda müsbət cavab verəcək", - deyə nazir əlavə edib.
Nazir qeyd edib ki, üçtərəfli Soçi bəyanatında artıq bunun yer alması o deməkdir ki, Ermənistan tərəfi də bunu qəbul edir.
27-12-2021, 11:31 | Prezident İlham Əliyev AZƏRTAC-ın yeni binası ilə tanış olub - FOTO
Azərbaycan Respublikasının Prezidenti İlham Əliyev dekabrın 27-də Azərbaycan Dövlət İnformasiya Agentliyinin - AZƏRTAC-ın yeni binası ilə tanış olub.
AZƏRTAC-a istinadən bildirir ki, Agentliyin İdarə Heyətinin sədri Aslan Aslanov dövlətimizin başçısına binada yaradılan şəraitlə bağlı məlumat verdi.
Xəbər yenilənəcək
27-12-2021, 11:23 | Amil Cavadov Dövlət Komitəsinə Aparat rəhbəri təyin olundu
Dini Qurumlarla İş üzrə Dövlət Komitəsində yeni Aparat rəhbəri təyin olunub.
qaynarinfo-ya istinadən xəbər verir ki, bu vəzifəyə Amil Cavadov təyin edilib.
27-12-2021, 11:12 | Hazırda əsas məsələ azad edilmiş ərazilərin minalardan təmizlənməsidir - General
Hazırda əsas məsələ işğaldan azad edilmiş ərazilərin minalardan və partlamamış silah sursatlardan təmizlənməsi və vətəndaşlarımızın öz ata-baba evlərinə dönməsidir.
Trend-ə istinadən bildirir ki, bunu Fövqəladə Hallar Nazirliyinin Xüsusi Riskli Xilasetmə Xidmətinin rəis müavini general-mayor Məhərrəm Həsənov "Mina təhlükəsizliyi ilə bağlı əhalinin maarifləndirilməsində medianın rolu" mövzusunda keçirilən təlimdə deyib.
"Torpaqlarımızın azad edilməsi ilə Azərbaycan Cənubi Qafqazda güc mərkəzinə çevrilib.
Hazırda əsas məsələ işğaldan azad edilmiş ərazilərin minalardan və partlamamış silah sursatlardan təmizlənməsi və vətəndaşlarımızın öz ata-baba evlərinə dönməsidir. İşlər sürətlə davam etdirilir", - General mayor qeyd edib.
Rəis müavininin sözlərinə görə, işğaldan azad olunmuş ərazilərimizin minalarla çirklənməsi böyük olduğundan kinoloji taborun xüsusi təyinatlı itləri də prosesə cəlb olunub. Hazırda 10 baş it bu işə cəlb edilib.
"2020-ci ilin yanvarından bu yana pirotexniki qruplarımız Ağdam və Füzuli istiqamətində böyük ərazilərin minalardan təmizlənməsində iştirak edib.
Digər qurumlarla birlikdə fəaliyyətlər davam etdirilir.
Əməkdaşlarımız minaların təmizlənməsi sahəsində beynəlxalq sertifikatlar alıblar və təmizləmədə yüksək səviyyədə iştirak edirlər", - M.Həsənov deyib.
FHN rəsmisi vətəndaşları partlamamış silah-sursat, mina olan ərazilərdə hərəkət edərkən ehtiyatlı olmağa çağırıb.
