22-11-2021, 09:14 | Qadın şahmatçılarımız Avropa çempionatının bürünc medallarını qazanıb
Azərbaycanın şahmat üzrə kişilər və qadınlardan ibarət komandaları Sloveniyanın Çatej şəhərində şahmat üzrə Avropa çempinonatında növbəti turun görüşlərini keçiriblər.
Trend-ə istinadən bildirir ki, qadınlardan ibarət kollektiv Niderland üzərində qələbə qazanaraq aktivindəki xalların sayını 12 çatdırıb və yarışı üçüncü yerdə başa vurub. Qadın şahmatçılarımızdan Günay Məmmədzadə və Ülviyyə Fətəliyeva qələbə qazanıb, Gövhər Beydullayeva heç-heçəyə razılaşıb, Gülnar Məmmədova isə məğlubiyyətə uğrayıb.
Kişilərdən ibarət yığma Fransa komandasıyla qarşılaşıb. Oyun fransızların qələbəsi ilə yekunlaşıb. Teymur Rəcəbov, Rauf Məmmədov və Nicat Abbasov görüşlərini heç-heçə ilə başa vurub, Şəhriyar Məmmədyarov isə məqlubiyyətlə üzləşib.
Kişilərdən ibarət komandamız 12 xalla yarışda 5-ci yeri tutub.
22-11-2021, 09:08 | Pəhriz müddətində bu içkidən imtina edin
Britaniyalı teleaparıcı və həkim Maykl Mosli insanlara fasiləli orucun faydalarından danışıb.
publika.az-a istinadən xəbər verir ki, həkimin sözlərinə görə, belə pəhriz xüsusilə hipertoniyanın və 2-ci tip diabetin inkişafının qarşısını alır.
Bu metodun mahiyyəti yemək saatlarını məhdudlaşdırmaqdır. Həkim öz qidalanmasını misal çəkib: axşam saat 7-də ailəsi ilə nahar edir, səhər 9-a qədər yemək yemir. Bu zaman özünə yalnız qara çay və su icazə verir. Aclıq müddətində su, çay və qəhvə içmək qəbul olunur.
Qeyd etmək lazımdır ki, "orucluq" mərhələsində çay və qəhvəyə icazə verildiyini göstərən tədqiqatlar var, lakin kofeinin qlükoza tənzimlənməsinə təsiri ilə bağlı müzakirələr davam edir. Buna görə də sudan başqa bütün içkilərdən imtina etmək daha doğru olardı. İsti və ya soyuq, fərqi yoxdur, ancaq su olmalıdır. Həm də qazlı deyil, adi su.
22-11-2021, 09:04 | Qaydanı pozan “AA” seriyalı avtomobil kimindir? - FOTO
Xəbər verdiyimiz kimi, ötən gün Bakı Nəqliyyat Agentliyi (BNA) avtobus zolaqlarının tələbini pozan sürücülərin görüntülərini yayıb. Bunlardan biri sosial şəbəkələrdə xüsusilə müzakirələrə səbəb olub. Söhbət 90-AA-013 dövlət nömrə nişanlı "Mercedes-Maybach" markalı lüks avtomobildən gedir.
musavat.com-a istinadən xəbər verir ki, jurnalist Samir Feyruzov məsələ ilə bağlı maraqlı məlumat paylaşıb:
"Bir neçə gündür ki, yol hərəkəti qaydalarını kobud şəkildə pozaraq sərnişin avtobuslarının hərəkətinə maneçilik törədən "AA" seriyalı maşın müzakirələrə səbəb olub. Söhbət avtobus zolaqlarının tələblərini pozan 90-AA-013 dövlət nömrə nişanlı "Mercedes-Maybach" markalı lüks avtomobildən gedir.
Bu haqda saytlarda da məlumat dərc olunub. Ancaq məsələnin kökünü araşdırmaq lazım idi. Bəs tez-tez yol hərəkəti qaydalarını pozan bu bahalı avtomobil kimindir?
Qısa araşdırma apardım. Bəlli oldu ki, 90 AA 013 dövlət nömrə nişanlı avtomobil "Bakı Klinikası"nın sahibi Aytən Quliyevaya məxsusdur. Klinikanın əsl sahibi isə AMEA-nın prezidenti Ramiz Mehdiyevdir".
22-11-2021, 08:49 | Darçının müalicəvi xüsusiyyətləri. RESEPTLƏR
Ətirli darçın adətən şirniyyatların, ət xörəklərin bişirilməsi zamanı istifadə olunur. Lakin bir çox insanlar bilmir ki, darçın həm də güclü müalicəvi xüsusiyyətlərə malikdir.
1. Darçın güclü iltihab və mikrob əleyhinə təsirə malikdir. Soyuqdəymə zamanı darçın çox yaxşı müalicəvi təsir edir. 1 fıncan isti suya 1 çay qaçığı bal və 1 çimdik darçın əlavə edib qarışdırın və için. Bu vasitə iltihabın əlamətlərini azaldır, immuniteti möhkəmləndirir.
2. Ədviyyat bağırsaqlara antiseptik təsir edir, mikrofloranı yaxşılaşdırır, ishal zamanı xeyirlidir.
3. Darçın qurdəleyhinə təsirə malikdir. Bu səbəbdən uşaqlara sıyıqlar bişirdikdə darçın əlavə edin.
4. Bir çox digər ədviyyatlar kimi, darçın xərçəngəleyhinə təsirə malikdir.
5. Darçın güclü antioksidant xüsusiyyətləri var, orqanizmdə gedən qocalma prosesləri ləngidir.
6. Elmi araşdırmalar göstərib ki, darçın qanda şəkərin səviyyəsini aşağı salır. Bu səbəbdən bu ədviyyat şəkər xəstələri üçün çox faydalıdır.
7. Darçın ürək-damar sistemi üçün çox faydalıdır - qanı duruldur, trombların əmələ gəlməsinin qarşısını alır, qanda pis xolesterinin səviyyəsini aşağı salır, ürək əzələsinə müsbət təsir edir.
8. Darçın beyinin fəaliyyətinə müsbət təsir edir, yaddaşı, əhval-ruhiyyəni yaxşılaşdırır.
9. Darçın qədim zamanlardan kişi gücünü artıran vasitə kimi tanınır. Ədviyyat potensiyanı yaxşılaşdırır. Potensiyanın zəiflənməsi zamanı müalicə ilə yanaşı ballı-darçınlı suyu da istifadə etmək olar.
10. Darçın arıqlamaq məqsədi ilə də geniş istifadə olunur. Ədviyyat maddələr mübadiləsini yaxşılaşdırır, piylərin parçalanmasını sürətləndirir. Arıqlamaq məqsədi ilə belə dəmləmə hazırlamaq olar. Axşamdan termosda 1/2 l suda 1 ovuc itburnu, 1/3 çay qaşığı darçın və 1/3 çay qaşığı zəncəfil dəmləyin və növbəti gün ərzində için. Bu çox faydalı dəmləmədir - orqanizmi təmizləyir, iltihabları azalıdır, maddələr mübadiləsini yaxşılaşdırır, arıqlamağa kömək edir.
11. Qəhvəyə 1 çimdik darçın əlavə edin. Çox dadlı və faydalı içki alınacaq.
12. İstənilən digər ədviyyatları kimi darçını da çoxlu miqdarda qəbul etmək olmaz. Bu baş ağrılarına, əsəbiliyə, hipertoniyadan əziyyət çəkən insanlarda təzyiqin artmasına səbəb ola bilər, qara ciyərə mənfi təsir edə bilər.
13. Ən yaxşı və faydalı darçın Seylondan gətirilir. Darçını alıb (qəhvəyi rəngdə borucuqlar şəklində satılır) evdə üyüdmək daha yaxşıdır.
22-11-2021, 08:47 | Valideynin övladını təhqir etməsi və onu evləndirməməsi düzgündürmü?
Valideynin övladı ilə təhqiramiz sözlərlərlə, xüsusən də insanların içində belə davranması düzgün deyil. Peyğəmbər (Ona və ailəsinə Allahın salavatı və salamı olsun) müsəlmanın müsəlmanı təhqir etməsini qadağan etmişdir. (Muslim, 4/1986).
Həmçinin, atanın öz övladlarını yedizdirib-içizdirməsi, geyim və yaşayışla təmin etməsi vacib olduğu kimi imkanı olduğu halda onları evləndirməsi də vacibdir. Çünki, evlənmə insanın dininin, iffətinin, əxlaqının və s. qorunmasına və harama düşməməsinə səbəbdir. Uca Allah buyurur: "Ey iman gətirənlər! Özünüzü və ailənizi yanacağı insanlar və daşlar olan oddan qoruyun!...". (ət-Təhrim, 6).
Habelə, İslamda valideynin övladları arasında ayrı-seçkilik etməsi, birini digərindən daha üstün tutması qadağandır və valideynlərin övladlarına qarşı münasibətdə ədalətli olması vacibdir. Peyğəmbər (salləllahu aleyhi və səlləm) övladlarından birinə hədiyyə verib digərinə hədiyyə verməyən səhabəyə belə demişdir: "...Allahdan qorxun və uşaqlarınız arasında bərabər (ədalətli) davranın...". (əl-Buxari, 2586-2587).
Peyğəmbər (Allahın ona və ailəsinə salavatı və salamı olsun) övladlarından yalnız birinə hədiyyə verən, digər övladlarına isə hədiyyə verməyən atanın bu məsələsində şahidlik etməkdən imtina etmiş və belə demişdir: "...Həqiqətən mən haqsızlığa şahidlik etmirəm!...". (Muslim, 1623).
Belə hallarla qarşılaşan övladlar isə səbirli olmalı, onlara gözəl şəkildə nəsihət etməli və valideynlərilə xoş davranmalıdır. Çünki şəriətimizdə valideynin övladı üzərindəki haqqı olduqca böyükdür və valideynin övladı ilə pis davranması bu haqqı qüvvədən salmır və övladın da valideynilə eyni şəkildə pis davranmasına əsas vermir. Uca Allah buyurur: "Rəbbin yalnız Ona ibadət etməyi və ata-ana ilə yaxşı davranmağı buyurmuşdur. Əgər onların biri və ya hər ikisi sənin yanında qocalıq yaşına dolarsa, onlara: "Uf!" belə demə, üstlərinə qışqırma və onlara xoş söz söylə!" (əl-İsra, 23).
22-11-2021, 08:45 | Allaha asi olan və övladına zülm edən valideynə münasibət necə olmalıdır?
Uca Allah öz mərhəməti və ədaləti sayəsində həm valideyn, həm də övlad üçün haqlar müəyyən etmişdir. Əgər valideyn övladına qarşı haqsızlıq edirsə, buna görə cavab verəcəkdir. Həmçinin, övlad da valideynə qarşı haqsızlıq edirsə, buna görə cavab verəcəkdir. Atanızın sizə qarşı belə davranması valideyn adını və haqqını üstündən götürmür. Siz çalışın ki, bir müsəlman övlad olaraq öz üzərnizə düşən vəzifələri yerinə yetirəsiniz. Valideyn Allaha asi olsa və hətta kafir olsa belə, onun haqqı övladın üzərindən düşmür. Çalışın atanıza haqqı gözəl şəkildə çatdırın və sizə qarşı etdiklərinin böyük günah olduğunu başa salın. Onlar sizi söysələr belə, eyni şeyi siz də onlara qarşı etməyin. Bilin ki, Qiyaməıt günü hər kəs öz əməlinin cəzasını alacaq: "O gün (Qiyamət günü) insanlar əməllərinin onlara göstərilməsi üçün dəstə-dəstə gələcəklər. Zərrə qədər yaxşılıq edən əvəzini alacaqdır. Zərrə qədər pislik edən də əvəzini alacaqdır". (əz-Zəlzələ, 6-8); "Hər kəsin qazandığı (xeyir yalnız) onun özünə, qazandığı (şər də yalnız) öz əleyhinədir". (əl-Bəqərə, 286).
Əgər valideyn övladını Allaha asi olmağa çağırırsa, övlad bu işdə ona itaət etməməlidir, lakin dünya işlərində onunla gözəl davranmalı və onunla əlaqəni kəsməməlidir. Uca Allah bu xüsusda buyurur: "Biz insana valideynləri ilə gözəl davranmağı buyurduq. Əgər onlar bilmədiyin bir şeyi Mənə şərik qoşmağın üçün səni məcbur etsələr, onlara güzəştə getmə. Dönüşünüz Mənə olacaq, Mən də bütün etdikləriniz barədə sizə xəbər verəcəyəm". (əl-Ənkəbut, 8).
Həmçinin buyurur: "Biz insana ata-anasının qayğısına qalmağı əmr etdik. Anası onu (bətnində) gündən-günə zəiflədiyinə baxmayaraq daşımışdır. Onun süddən kəsilməsi isə iki il ərzində olur. Mənə və valideynlərinə şükür et! Axır dönüş Mənədir. Əgər onlar bilmədiyin bir şeyi Mənə şərik qoşmağın üçün (səni məcbur etməyə) cəhd göstərsələr, onlara güzəştə getmə! Dünyada onlarla gözəl davran. Mənə üz tutanların yolu ilə get! Sonra isə dönüşünüz Mənə olacaq, Mən də nə etdikləriniz barədə sizə xəbər verəcəyəm". (Loğman, 15-16). Valideyn haqları barədə daha ətraflı oxuyun:
22-11-2021, 08:41 | Övladın valideyn üzərində haqları barədə
Tez-tez valideyn etinasızlığı ucbatından övladların acınacaqlı vəziyyətə məruz qalmalarını müşahidə edirik. Sizin danışdığınız problemdən bizə aydın oldu ki, valideynləriniz sizi hələ uşaq ikən babanızın himayəsinə vermişlər. Bəzi valideynlər övladlarının haqlarını yalnız maddi təminat göstərməkdən ibarət olduğunu düşünürlər. Bütün bu problemlərin, yəni övlad valideyn münasibətindəki problemlərin kökündə çox hallarda elə valideynlərin özləri dayanır. İnsanların əksəriyyəti ancaq valideyn haqlarından danışır, lakin övladın da valideyn üzərində xüsusi haqqı olduğunu nəzərdən qaçırırlar. Abdullah ibn Ömərin (Allah onların hər ikisindən də razı olsun) rəvayət etdiyi hədisdə Peyğəmbər (salləlahu aleyhi va səlləm) belə demişdir: "Hər biriniz qəyyumsunuz və hər biriniz tabeçiliyinzdə olanlar haqqında sorğu-sual olunacaqsınız...". (əl-Buxari, 893).
Övladın valideyn üzərində aşağıdakı haqları vardır:
1. Övladı əzizləmək onun haqlarındandır:
Əbu Hureyrə (Allah ondan razı olsun) deyir: "Peyğəmbər (salləllahu aleyhi va səlləm) Əlinin (Allah ondan razı olsun) oğlu Həsəni (Allah ondan razı olsun) öpdü. Yanında oturan əl-Əqra ibn Həbis ət-Təmimi (Allah ondan da razı olsun) bunu görüb dedi: "Mənim 10 övladım var, onlardan heç birini öpməmişəm". Peyğəmbər (salləllahu aleyhi va səlləm) ona baxıb dedi: "Rəhm etməyənə rəhm olunmaz". (əl-Buxari, 5997).
2. Övlad üçün xeyir-dua etmək onun haqlarındandır:
Əbu Hureyrədən (Allah ondan razı olsun) rəvayət olunan digər bir hədis də isə Peyğəmbər (salləllahu aleyhi va səlləm) demişdir: "Üç nəfərin - məzlumun, müsafirin və valideynin övladı üçün etdiyi duanın qəbul olunmasına şəkk yoxdur". ("Sahih əl-Ədəbul-Mufrad" kitabı, 32).
3. Övladın qayğısına qalmaq onun haqlarındandır. Əbu Səid əl-Xudridən (Allah ondan razı olsun) rəvayət olunan hədisdə Peyğəmbər (salləllahu aleyhi va səlləm) demişdir: "Üç qız uşağının və ya üç bacının qayğısına qalan cənnətə daxil olar". ("Sahih əl-Ədəbul-Mufrad" əsəri, 79).
4. Övladı tərbiyə etmək onun haqlarındandır. İslam tərbiyəsi iki mənbədən götürülür:
1. Qurani Kərim, 2. Səhih hədislər. Uca Allah buyurur: "Həqiqətən, Allahın elçisi Allaha, qiyamət gününə ümid bəsləyənlər (Allahdan, qiyamət günündən qorxanlar) və Allahı çox zikr edənlər üçün gözəl nümunədir". (əl-Əhzəb, 21).
5. Atanın öz övladlarını yedizdirib-içizdirməsi, geyim və yaşayışla təmin etməsi vacib olduğu kimi imkanı olduğu təqdisrəd onları evləndirməsi vacibdir. Çünki, evlənmə insanın namusunun, dininin, əxlaqının və s. qorunmasına, harama düşməməsinə səbəbdir. Uca Allah buyurur: "Ey iman gətirənlər! Özünüzü və ailənizi yanacağı insanlar və daşlar olan oddan qoruyun!...". (ət-Təhrim, 6).
Həmçinin, haqlı olduğunuz halda daima üzr istəmək özünüzə zülm etməkdir. Uca Allah insanın nə özünə, nə də başqasına zülm etməsini sevməz. Ona görə də haqlı olduğunuz halda gözəl şəkildə haqqınızı müdafiə edə bilərsiniz, amma Allahın bu ayəsini unutmayın: "Rəbbin yalnız Ona ibadət etməyi və valideynlərə yaxşılıq etməyi buyurmuşdur. Əgər onların biri və ya hər ikisi sənin yanında qocalığın ən düşkün çağına yetərsə, onlara: "Uf!" belə demə, üstlərinə qışqırıb acı söz söyləmə. Onlarla xoş danış!" (əl-İsra, 23).
17-11-2021, 08:59 | Azərbaycanın BMT-dəki daimi nümayəndəsi: “Bakı Yerevanla sülh sazişinə hazırdır”
"Bakı əmindir ki, İrəvanla münasibətlərin normallaşdırılmasının alternativi yoxdur və sülh sazişi imzalamağa hazırdır".
Bunu çərşənbə axşamı Azərbaycanın BMT-dəki daimi nümayəndəsi Yaşar Əliyev təşkilatın Təhlükəsizlik Şurasında çıxışı zamanı deyib.
"Azərbaycan Ermənistanla dövlətlərarası münasibətləri, o cümlədən davamlı sülhü, inkişafı, tərəqqini təmin edəcək sülh sazişinin imzalanması yolu ilə normallaşdırmağa hazır olduğunu bildirir", deyə diplomat bildirib.
Y.Əliyev eyni zamanda sərhəddəki vəziyyəti Ermənistanın təhlükəli revanşist ideyalarının nəticəsi kimi qiymətləndirib.
Onun sözlərinə görə, Azərbaycan əmindir ki, beynəlxalq səviyyədə tanınmış sərhədlər çərçivəsində iki ölkə arasında qarşılıqlı tanınma, bir-birinin suverenliyinə, ərazi bütövlüyünə hörmət əsasında münasibətlərin normallaşdırılmasının alternativi yoxdur: "Belə normallaşmanın məqsədi Azərbaycan və Ermənistanın yanaşı dinc yaşamasıdır".
APA
17-11-2021, 08:09 | DÇ-2022: Niderland final mərhələsinə, Türkiyə və Ukrayna pley-offa vəsiqə qazanıb
2022-ci ildə Qətərdə keçiriləcək dünya çempionatının seçmə mərhələsinin avrozona üzrə oyunları başa çatıb. Son turda Türkiyə yəıması səfərdə monteneqroluları 2:1 hesabı ilə məğlub edərək, G qrupunu ikinci pillədə başa vurub.
Oyun Tükiyə yığması üçün heç də yaxşı başlamayıb. Hesabı erkən qolla 4-cu dəqiqədə ev sahiblərinin oyunçusu Fatos Beçiray açıb. Lakin 22 və 60-cı dəqiqələrdə Kerem Aktürkoğlu və Orkun Kökçünün vurduğu qollarla "ay-ulduzlular" səfərdə vacib üç xalı qazanıb.
Beləliklə, Türkiyə yığması Dünya Çempionatının final mərhələsinə çıxmaq uğrunda pley-offda mübarizə aparacaq.
G qrupunun digər oyununda 20 xalla qrupa başçılıq edən Niderland millisi doğma meydanda 19 xala malik Norveç seçməsini sınağa çəkib. Görüş meydan sahiblərinin qələbəsi ilə başa çatıb. Rəqib qapısına yolu Stiven Berqveyn və seçmə mərhələnin ən məhsuldar futbolçusu Menfis Depay tapıblar.
Gecənin bütün görüşlərində aşağıdakı hesablar qeydə alınıb:
DÇ-2022-nin seçmə mərhələsi
10-cu tur
16 noyabr
D qrupu
Finlandiya - Fransa 0:2
Qol: Benzema, 66. Mbappe, 76.
Bosniya və Herseqovina - Ukrayna 0:2
Qol: Zinçenko, 59. Dovbik, 79.
Xal durumu: Fransa - 18, Ukrayna - 12, Finlandiya - 11, Bosniya və Herseqovina - 7, Qazaxıstan - 3.
E qrupu
Uels - Belçika 1:1
Qol: Mur, 32 - De Bruyne, 12.
Çexiya - Estoniya 2:0
Qol: Brabeç, 59. Şikora, 85.
Xal durumu: Belçika - 20, Uels - 15, Çexiya - 14, Estoniya - 4, Belarus - 3.
G qrupu
Cəbəllütariq - Latviya 1:3
Qol: Uolker, 7 - Qutkovski, 25. Uldrikis, 55. Krollis, 75.
Monteneqro - Türkiyə 1:2
Qol: Beçiray, 4 - K.Aktürkoğlu, 22. O.Kökcü, 60.
Niderland - Norveç 2:0
Qol: Berqveyn, 84. Depay, 90+1.
Xal durumu: Niderland - 23, Türkiyə - 21, Norveç - 18, Monteneqro - 12, Latviya - 9, Cəbəllütariq - 0.
Qeyd edək ki, daha əvvəl Avropa zonasından Almaniya, Danimarka, Belçika, Fransa, Xorvatiya, Serbiya, İspaniya, İngiltərə və İsveçrə yığmaları DÇ-2022-yə vəsiqə qazanıb. Pley-off mərhələsində isə hələlik Portuqaliya, İsveç, Şotlandiya, Rusiya, Şimali Makedoniya, İtaliya və Polşa millilərinin çıxış edəcəkləri dəqiqləşib.
17-11-2021, 07:29 | Qaynana gəlin münasibətləri necə olmalıdır? Quranda bu barədə nə deyilir?
Gəlin, qayınana istərsə onunla istərsə ayrı yaşa bilər. Gəlinin qaynana ilə bir evdə yaşamaq məcburiyyəti, qaynana və qaynataya baxmaq məsuliyyəti yoxdur. Dində belə bir şeyi əmr edən hər hansı bir ayə və ya hədis yoxdur. Ər özünün, gəlin özünün ata-anasına baxmalıdır.
"Rəbbin yalnız Ona ibadət etməyi və ata-ana ilə yaxşı davranmağı buyurmuşdur. Əgər onların biri və ya hər ikisi sənin yanında qocalıq yaşına dolarsa, onlara: "Uf!" belə demə, üstlərinə qışqırma və onlara xoş söz söylə!
Onların hər ikisinə rəhm edərək təvazökarlıq qanadının altına al və: "Ey Rəbbim! Onlar məni körpəliyimdən tərbiyə edib böyütdükləri kimi, Sən də onlara rəhm et!"- de. (İsra, 23-24)
Ümumiyyətlə əksər hallarda ərinə yaxşı davranan və ana qədrini bilən qadınlar, öz qaynanasına da yaxşı davranır, pis davrananlar isə pis davranır.
Əlavə olaraq böyüklərə hörmət etmək və onlarla yaxşı rəftar etmək İslam dini tərəfindən tövsiyə edilən yaxşı davranışlardan biridir. Peyğəmbərimiz (s. a. v.) belə demişdir:
"Balacalarımıza mərhəmət etməyən, böyüklərimizə də hörmət etməyən bizdən deyil"
Bu baxımdan müsəlmanların himayəyə möhtac olan böyüklərinə, əsasən qaynata və qaynanalarına baxmağı və onların ehtiyacları ilə maraqlanmağı İslam dini tərəfindən məqbul bir iş hesab olunur. Bunun savabı da böyükdür. Amma yuxarıda qeyd etdiyimiz kimi, bu məsələ ilə əlaqədar hər hansı bir əmr yoxdur. Ata-anasına baxmalı olan insanlar onların övladlarıdır. Bu məsələdə kişilər arvadlarına təzyiq göstərməməlidirlər. Əksinə, öz valideynlərinin ehtiyaclarını şəxsən özləri ödəməli, bu məsələdə fədakar olan xanımlarını da təqdir etməli, onların qiymətini bilməlidirlər. Xoşbəxt ailə, qarşılıqlı sevgi və hörmət üzərinə qurulur.
