11-05-2024, 08:43 | Çox bişmiş yumurta təhlükəlidir - XƏBƏRDARLIQ
Bir çox insan yumurtanın nə qədər sağlam olduğunu bilir. Yumurta zülal və əvəzolunmaz amin turşuları ilə zəngindir. Lakin yumurtanın uzun müddət bişirilməsi zamanı yaranan toksinlər bəzi insanlarda zəhərlənməyə və hətta boğulmalara səbəb ola bilər.
Həkimlərin fikrincə, yumurtanın çox uzun müddət qaynadılması zərərli ola bilər.
Yumurtalar 10 dəqiqədən çox bişirilirsə, tərkibində orqanizmin toksin kimi qəbul etdiyi maddələr əmələ gəlir. Sarısı üzərində yaşıl örtük yumurtaların çox bişdiyini göstərir. Bu yumurtaların sağlam məhsuldan zəhərə çevrildiyini göstərir.
Alimlər izah edirlər ki, sarısı bişirildikdə hidrogen ayrılır və bu, sarının tərkibindəki dəmirlə reaksiyaya girərək dəmir sulfidləri əmələ gətirir. Bu maddələr sarıya yaşılımtıl rəng verir. Yumurta nə qədər uzun bişirilsə, bir o qədər çox sulfid əmələ gəlir. Həddindən artıq bişməməsi üçün bərk qaynadılmış yumurta soyuq suda soyudulmalıdır.
Bişirmə prosesinin özü 10 dəqiqədən çox olmamalıdır. İdeal olaraq 7-9 dəqiqə olmalıdır. Əgər siz axar sarısı olan yumurtaları sevirsinizsə, onları qaynar suda 5-6 dəqiqə bişirin.
Yumurtaların uzun müddət bişirilməsi nəticəsində yaranan toksinlər bəzi insanlarda zəhərlənmə, mədə narahatlığı və hətta boğulmalara səbəb ola bilər.
11-05-2024, 08:34 | Bədəndən xolesterolu dərmansız çıxarmağın ƏN ASAN YOLU
Xolesterolun aradan qaldırılmasını sürətləndirmək üçün bədəndə müəyyən bir mineralın səviyyəsini izləmək vacibdir. Damarlarda həddindən artıq "pis" xolesterin infarkt və insult riskini artırır.
Əlimlər dərman terapiyasından istifadə etmədən xolesterolu bədəndən təbii yolla çıxarmaq üsullarını izah ediblər.
Artıq çəkisi olan və ya oturaq həyat tərzi keçirən insanlarda xolesterinin yüksək olması ehtimalı daha yüksəkdir. Bundan əlavə, bu vəziyyətə genetik meyl var.
Dərman istifadə etmədən qan damarlarını təmizləmək üçün pəhrizinizi maqneziumla zənginləşdirmək tövsiyə olunur. Bu element təbii statin kimi fəaliyyət göstərərək pis xolesterol səviyyələrini təbii olaraq aşağı salmağa kömək edir.
Mütəxəssislər qanda trigliseridlərin səviyyəsini effektiv şəkildə azaltmaq üçün bədəndəki maqnezium səviyyəsini izləməyi məsləhət görürlər.
Maqneziumla zəngin qidalar oksidləşdirici prosesləri azaldaraq və askorbin turşusunun səviyyəsini artıraraq ürək sağlamlığını yaxşılaşdırır. Tədqiqatlar göstərir ki, maqnezium 300-dən çox ferment reaksiyasında, o cümlədən qan təzyiqi və qan şəkərinin səviyyəsinin tənzimlənməsində iştirak edir.
Bədəndə maqnezium çatışmazlığı qan damarlarında yığılan xolesterinin həddindən artıq əmələ gəlməsinə səbəb ola bilər ki, bu da koroner ürək xəstəliyi kimi ürək-damar xəstəliklərinin riskini artırır.//lent.az/
11-05-2024, 08:31 | Oturaq həyat tərzinin daha bir ZƏRƏRİ
Oturaq həyat tərzinin daha bir təhlükəli nəticəsi məlum olub.
Araşdırmalara görə, hərəkətliliyin olmaması metabolik sindromun, piylənmənin, xərçəngin və ürək-damar xəstəliklərinin inkişafına səbəb olur.
Amerikalı mütəxəssislər müəyyən ediblər ki, hərəkətliliyin olmaması, digər şeylərlə yanaşı, demensiyaya da səbəb ola bilər.
Tədqiqatçılar 60 yaşdan yuxarı 100 mindən çox insanın iştirak etdiyi eksperiment aparıblar. Könüllülərdən akselerometrləri bir həftə, gündə 24 saat taxmaq istənib. Bu cihazlar onların bütün hərəkətlərini qeydə alıb. Bununla belə, tədqiqat iştirakçıları müşahidənin əvvəlində demensiyaya malik deyildilər.
Mütəxəssislər təcrübənin nəticələrini maşın öyrənmə alqoritminə yükləyiblər. Məlum olub ki, 6 il ərzində bu xəstəliyə 414 yoluxma qeydə alınıb.
Demoqrafik və həyat tərzi faktorlarını tənzimlədikdən sonra tədqiqatçılar gündə 10 saatdan çox hərəkətsiz vaxt keçirən yaşlı insanlar arasında demans riskinin əhəmiyyətli dərəcədə artdığını aşkar ediblər.
11-05-2024, 08:28 | Dadlı mürəbbə hazırlamaq üçün nələrə diqqət edilməlidir? – "PÜF NÖQTƏLƏR" AÇIQLANDI
Ev şəraitində hamı mürəbbə bişirir. Ancaq işin incəliyini hər kəs bilmir. Çünki mürəbbə bişirməyin də öz "püf nöqtələri" var.
Əvvəla mürəbbə az miqdarda, yəni 2-3 kiloqramdan çox olmamaq şərti ilə bişirilməlidir.
Əgər alüminium ləyəndə bişirilsə, mürəbbə bişdikdən sonra başqa qaba boşaldılmalıdır. Mürəbbə bişirilən qab yastı və enli olmalıdır ki, bişirilmə və mətə qoyma zamanı artıq su tez buxarlansın. Bişib və soyudulmuş halda şüşə, saxsı küplərə töküb sərin yerdə saxlanmalıdır.
Bunlarla yanaşı, mürəbbə bişirmək üçün tam yetişmiş meyvələr götürülməlidir. Çalışıb yumşaq və eyni ölçülü olanların seçin. Çünki kal meyvədən alınan mürəbbə bərk və büzüşmüş halda olur.
Meyvə seçimindən əsas faktorlardan biri də meyvələrin düzgün və eyni formada doğranılmasıdır. Doğranılmış meyvələr qaralmasın deyə onları 0,5 -1 %li limonlu suda saxlamaq yaxşıdır. Alça, göyəm, gavalı mütləq bir-iki yerdən deşilməlidir ki, şərbət meyvələrə keçsin.
Yumşaq meyvələr əhəng məhlulunda saxlanmalıdır ki, bişmə zamanı əzilməsin. Mürəbbələr müxtəlif cür hazırlanır. Birbaşa və bir neçə dəfə bişirilmə üsulu ilə edilir.
Ən vacib nüanslardan biri də odur ki, mürəbbə bişirilərkən əmələ gələn köpük arada yığılmalıdır. Çalışmaq lazımdır ki, mürəbbənin içində köpük qalmasın. Limon turşusu bişməyə 10 dəqiqə qalmış əlavə edilir. Əgər siz mürəbbənin tam hazır olduğunu bilmək istəyirsinizsə, bunun bir neçə üsulu var. Birinci üsul ondan ibarətdir ki, meyvələrin mətin içində bərabər şəkildə yayılmasıdır. Onu nəlbəkiyə töküb soyudulmuş azacıq mürəbbə şirəsini qaşıqla sıyırıb iki yerə ayırırıq və o uzun müddət birləşməyəcək. Soyumuş mürəbbə damcısı yayılmadan öz formasını saxlayır. Bəzi meyvələr bişdikdə rəngi şəffaflaşır.
Hazır mürəbbəni isə 12 saat soyutmaq lazımdır. Çox adam mürəbbənin ağzını örtmək üçün qəzetdən istifadə edir. Ancaq bu doğru bir addım deyil. Mürəbbənin ağzı tənziflə örtülməlidir. Qapaqla örtüldüyü zaman qapaqda buxar suya dönür və mürəbbənin içinə tökülür, nəticədə mürəbbə turşuya bilər.
Qeyd edək ki, mürəbbələri tökdüyümüz bankalar yuyulub və tam qurulanmış halda olmalıdır. Mürəbbəni bankaya yığdıqda fikir verməliyik ki, meyvə şirə ilə eyni bərabərlikdə olsun.
Bəzən olur ki, mürəbbə xarlanır. Xarlanmış mürəbbə hər kiloqramına 3 xörək qaşığı su əlavə edilib 5-8 dəqiqə qarışdırıla-qarışdırıla bişirilir. Qıcqırmış mürəbbə hər kiloqramına 200 qram şəkər tozu əlavə edib və yenidən qaynadılmalıdır. Əmələ gələn kəf yığılıb yenidən bankaya yığılır. //lent.az
11-05-2024, 08:24 | Fransada Natəvanın heykəlinin bərpadan sonra açılışı oldu
Fransanın paytaxtı Parisdə XIX əsr tanınmış Azərbaycan şairəsi Xurşidbanu Natəvanın heykəlinin açılışı olub.
Azərbaycan Respublikasının Mədəniyyət Mərkəzində baş tutan açılış mərasimində Azərbaycanın Fransadakı səfiri Leyla Abdullayeva, fransalı siyasətçılər, iş adamları, jurnalistlər və digər şəxslər iştirak ediblər.
Tədbirdə çıxış edən səfir Leyla Abdullayeva Azərbaycanın dahi şairəsinin həyat və yaradıcılığından danışıb. Səfir heykəlin Fransanın Evan Le Bən şəhərində uğradığı vandalizm haqqında qonaqlara məlumat verib.
Heykəlin açılış mərasimində Bakıda anadan olmuş Rusiyada, daha sonra Fransada yaşayıb fəaliyyət göstərən opera ustası Timur Abdikiyev Azərbaycan klassik musiqisindən parçalar ifa edib. kult.az
11-05-2024, 08:15 | “Apple” ilk nazik “iPhone”u buraxacaq - Tarix AÇIQLANDI
Gələn il bazara çıxacaq "iPhone 17" seriyası dizayn və texniki xüsusiyyətlərdə əhəmiyyətli təkmilləşdirmələr alacağı bildirilir.
ilk Slim modeli də məhz bu xəttdə görünəcək.
Məlumata görə, "iPhone 17" "Slim Plus" modelini əvəz edəcək və daha incə dizayna sahib olacaq. Ancaq bunun dəqiq nə demək olduğunu söyləmək hələ çətindir.
Bildirilir ki, bütün "iPhone 17" modelləri təkmilləşdirilmiş ön kameraya sahib olacaq. "iPhone 17 Pro Max" üçün "Dynamic Island" ölçüsü azalacaq. Bundan əlavə, ehtimal edilir ki, "Apple" "Face ID" sensorunun ölçüsünü azaltmaq üçün yaxınlıq sensoru üçün yeni metalens texnologiyasından istifadə edə bilər.
Şayiələrə görə, iPhone 17 seriyası dörd modeldən ibarət olacaq:
"iPhone 17" (6,1 düym ekran),
"iPhone 17 Slim" (6,6 düymlük ekran),
"iPhone 17 Pro" (6,3 düymlük ekran),
"iPhone 17 Pro Max" (6,9 düymlük ekran).
İddia olunur ki, "iPhone 17", "iPhone 17 Slim" və "iPhone 17 Pro" daha mükəmməl alüminium korpusa sahib olacaq, "iPhone 17 Pro Max" isə titan dizaynını qoruyacaq.
İnsayderlərə görə, "iPhone 17" və "iPhone 17 Slim" 8 GB RAM və A18, A19 çipi ilə, "iPhone 17 Pro" və "iPhone 17 Pro Max" isə 12 GB RAM və A19 Pro çipi ilə gələcək.
Bundan əlavə, dörd "iPhone 17" modelinin hamısında 24 meqapiksellik ön kamera olacaq. Bu da "Apple" tərəfindən istifadə edilən hazırkı 12 meqapiksellik kameralara nisbətən əhəmiyyətli bir irəliləyişdir.
11-05-2024, 08:07 | Kotlet bişiriləndə edilən səhvlər – Faydalı məsləhətlər
Kotletlər bir çoxları tərəfindən sevilən yemək növüdür. Ancaq onu bişirən zamana bəzən səhvlərə yol verilir. Nəticədə o dağılır və ya istənilən kimi yumşaq olmur.
Kotletin bişirilməsi zamanı edilən bir sıra səhvləri təqdim edir:
Toyuq yumurtası
Çox az adam bilir ki, bir çox aşpazlar və təcrübəli evdar qadınlar kotlet hazırlamaq prosesində toyuq yumurtasından istifadə etməyi yığışdırıblar. Ancaq yumurta kotletin tərkib hissələrinin yaxşı birləşməsi üçün əsas meyardır. Çalışıb lazımi miqdarda yumurtadan istifadə edilməlidir. Çox istifadə zamanı isə bərk kotletlər alına bilər.
Süd
Bir çox evdar qadın kotlet hazırlamaq üçün süddən istifadə edir. Çəkilmiş ətə əlavə olunan çörəyin islanması üçün bu vacib faktordur. Ancaq bununla belə kotletlərə su əlavə etmək daha məqsədəuyğundur. Çünki su kotletləri daha yumşaq və dadlı edir.
11-05-2024, 07:44 | Paris Yolu: Stadnik uduzub, amma şansı qalıb
Türkiyənin İstanbul şəhərində keçirilən güləş üzrə Dünya Olimpiya Təsnifat Turnirində yarmfinal görüşlərinə start verilib.
İdman.biz xəbər verir ki, Azərbaycan güləşçisi Mariya Stadnik (50 kq) KXDR təmsilçisi Son Hyanq Kimlə qarşılaşıb.
İdmançımız 3:10 hesabı ilə uduzub. Stadnik sabah 3-cü yer uğrunda yarışacaq. Onun rəqibi təsəlliverici görüşlərdə bəlli olacaq.
Qeyd edək ki, digər qadın güləşçilərimizdən üçü təsnifat, biri 1/8 finalda uduzub
10-05-2024, 10:07 | Həftəsonu Avropanın yaşıl meydanlarında keçiriləcək görüşlərin AFİŞASI
Həftəsonu Avropanın yaşıl meydanlarında bir-birindən maraqlı qarşılaşmalar baş tutacaq.
Xüsusi maraq kəsb edən qarşılaşmaların afişasını təqdim edir:
11 may
İngiltərə Premyer Liqası
15:30. "Fulhem" - "Mançester Siti"
"Kreyven Kottec" stadionu (London)
Almaniya Bundesliqası
17:30. "Leypziq" - "Verder"
"Red Bull Arena" stadionu (Leypziq)
20:30. "Mayns" - "Dortmund"
"Opel Arena" stadionu (Mayns)
İtaliya A Seriyası
22:45. "Milan" - "Kalyari"
"San Siro" stadionu (Milan)
İspaniya La Liqası
20:30. "Qranada" - "Real Madrid"
"Nuevo Los Karmenes" stadionu (Qranada)
23:00. "Atletik Bilbao" - "Osasuna"
"San Mames" stadionu (Bilbao)
12 may
İngiltərə Premyer Liqası
19:30. "Mançester Yunayted" - "Arsenal"
"Old Trafford" stadionu (Mançester)
Fransa 1-ci Liqası
23:00. PSJ - "Tuluza"
"Prinses Park" stadionu (Paris)
23:00. "Nant" - "Lil"
"Bojuar" stadionu (Nant)
Almaniya Bundesliqası
19:30. "Bavariya" - "Volsburq"
"Allianz Arena" stadionu (Münhen)
21:30. "Boxum" - "Bayer Leverkuzen"
"Vonoviya Rurstadion" stadionu (Boxum)
İtaliya A Seriyası
20:00. "Yuventus" - "Salernitana"
"Allianz" stadionu (Turin)
22:45. "Atalanta" - "Roma"
"Atleti Adzurri" stadionu (Atalanta)
İspaniya La Liqası
18:15. "Atletiko Madrid" - "Selta Viqo"
"Metropolitan" stadionu (Madrid)
10-05-2024, 08:16 | Mikayıl Cabbarovdan 3 lisenziya ilə bağlı PAYLAŞIM
Azərbaycan Güləş Federasiyasının prezidenti Mikayıl Cabbarov İstanbulda Dünya Olimpiya Təsnifat Turnirində 3 lisenziya qazanan yunan-Roma güləşçilərini təbrik edib.
O, bununa bağlı feysbuk səhifəsində paylaşıb edib.
Komandanı təbrik edən federasiya rəhbəri güləşçilərə Paris-2024 Yay Olimpiya Oyunlarında uğurlar arzulayıb: "Bu gün İstanbulda keçirilən Dünya Olimpiya Təsnifat Turnirində yunan-Roma güləşi üzrə milli komandamızın üzvləri Murad Məmmədov (60 kq), Rafiq Hüseynov (87 kq), Sabah Şəriəti (130 kq) Paris-2024 Yay Olimpiya Oyunlarına lisenziya qazanıblar. Bununla da ümumi lisenziyalarımızın sayı 11-ə çatıb. Güləşçilərimizi və məşqçilərimizi təbrik edir, Olimpiya Oyunlarında uğurlar arzulayırıq”.
Qeyd edək ki, sərbəst güləşçilərimiz 6, yunan-Roma güləşçilərimiz isə Paris-2024 Olimpiadasına 5 lisenziya qazanıblar. //İdman.biz
