10-05-2024, 07:39 | Şkafdakı qoxudan necə qurtulmaq olar?
Şkaflarınız birdən birə xoşagəlməz qoxuların qurbanı ola bilər. Onlar rütubət, kif, havanın durğunluğu və ya saxlanan əşyalardan qoxuların udulması kimi müxtəlif səbəblərdən yarana bilər.
Şkafdakı xoşagəlməz qoxudan qurtulmağın bir neçə sadə və təsirli yolu var.
1. Təmizləmə və havalandırma
Şkafınızdakı xoşagəlməz qoxulardan qurtulmağın ilk addımı onu təmizləməkdir. Şkafdakı bütün əşyaları çıxarın və şkafın rəflərini, divarlarını və qapılarını yumşaq, nəm parça və yuyucu vasitə ilə yaxşıca təmizləyin. Bundan sonra şkafın qurumasını gözləyin. Sonra şkafın qapılarını bir neçə saat və ya hətta gecə açıq qoyaraq havalandırın. Bu, durğun havanı çıxarmağa kömək edəcək.
2. Ətirlərin istifadəsi
Kabinetə xoş ətir vermək üçün müxtəlif ətirlərdən istifadə edə bilərsiniz. Məsələn, lavanda, mixək və ya digər qurudulmuş otların ətirli bağlamalarını qarderobunuza asa bilərsiniz. Siz həmçinin aromatik paketlərdən və ya efir yağları olan diffuzorlardan istifadə edə bilərsiniz.
3. Soda və kömür
Soda və kömür xoşagəlməz qoxuları aradan qaldırmaq üçün digər iki təsirli vasitədir. Şkafınızın rəfinə açıq bir qutu soda və ya bir çanta aktivləşdirilmiş kömür qoyun. Onlar qoxuları udacaq və şkafın içərisindəki aromanı yaxşılaşdıracaqlar.
4. Sirkə
Bir neçə damcı və ya az miqdarda sirkə də şkafdakı xoşagəlməz qoxularla mübarizə aparmağa kömək edə bilər. Pambıq topuna və ya süngərə bir az sirkə çəkin və şkafınızdakı rəfə qoyun. Bu, qoxunu neytrallaşdırmağa və şkafınıza təzə görünüş verməyə kömək edəcək.
Qarderobunuzun gələcəkdə qoxu verməməsi üçün onu mütəmadi olaraq təmizləmək və havalandırmaq vacibdir. Unutmayın ki, şkaflar havalandırmaya ehtiyac duyur.
10-05-2024, 07:30 | Duzlu qida sevənlərə xəbərdarlıq: Dəhşətli xəstəliyə...
Vyana Tibb Universitetinin (Avstriya) alimləri qidaya duz əlavə etmək, həmçinin duzlu qidaların həddindən artıq istehlakı ilə mədə xərçənginə tutulma riskinin 39% artması arasında əlaqəni müəyyən ediblər.
Xərçəng əmələ gətirən ət məhsulları bunlardır
Zeytun yağının daha bir faydası ortaya çıxdı
Konservləşdirilmiş balıqdan imtina etməyin, amma belə yeyin
Araşdırmanın nəticələri "Gastric Cancer" jurnalında dərc olunub.
Alimlər 470 mindən çox insanın sağlamlıq məlumatlarını təhlil ediblər. İştirakçılardan həmçinin hazırlanmış qidalara nə qədər tez-tez duz əlavə etdiklərini və duzlu qəlyanaltılar (çips, balıq, tərəvəz turşusu) yediklərini bildirmələri xahiş olunub.
Tədqiqatçılar lazımi məlumatları topladıqdan sonra iştirakçıların monitorinqinə başlayıblar və bu monitorinq 11 il davam edib.
Nəticədə, duzlu qida sevənlərin mədə xərçənginə daha tez-tez yoluxduğu ortaya çıxıb. Tədqiqatçılar həmçinin qeyd ediblər ki, mədə xərçənginin qarşısını almaq üçün duzdan tamamilə imtina etmək lazım deyil. Sadəcə onun istehlak miqdarını azaltmaq lazımdır.//oxu.az
10-05-2024, 07:25 | Min bir dərdin dərmanı – Zəncəfilli çay
Min bir dərdin dərmanı - Zəncəfil. Təkcə immunitetin artmasına deyil, eyni zamanda payız aylarında əhvalınızın yaxşı olmasına kömək edəcək. Əgər təzə zəncəfil yerinə toz halına salınmış zəncəfil istifadə etsəniz, o zaman miqdarı 2 dəfə azaldın. Çalışın xəstələnməyin və hər zaman yüksək əhval-ruhiyyədə qalın.
Zəncəfilli çayın hazırlanma qaydasını təqdim edir:
Lazım olan ərzaqlar:
2 çay qaşığı zəncəfil (çəkilmiş)
1 çay qaşığı yaşıl çay
1 çay qaşığı təzə ya da qurudulmuş nanə
Şəkər tozu (istəyə uyğun)
Limon (istəyə uyğun)
İndi isə hazırlanma qaydasına baxaq:
1 litr qaynar suya zəncəfili, nanə və yaşıl çay tökün. Qapağı örtün və 10-15 dəqiqə gözlədin. Hazır olduqdan sonra stəkana tökün. İstəyinizə uyğun olaraq şəkər tozu və limon əlavə edə bilərsiniz.
Nuş olsun!
29-04-2024, 13:41 | Vətən müharibəsi şəhidinin bacısı dünyaya gəldi - FOTO
Vətən müharibəsində şəhid olmuş, ailəsinin yeganə övladı Rəşad Mikayılzadənin bacısı dünyaya gəlib.
"Unikal"a istinadən xəbər verir ki, bu barədə sosial şəbəkədə məlumat paylaşılıb.
Qeyd edək ki, Rəşad Mikayılzadə 30 sentyabr 1995-ci il tarixdə Lerik rayonunda anadan olub. 9 noyabr 2020-ci il tarixdə şəhid olub. Ölümündən sonra "Döyüşdə fərqlənməyə görə", "Vətən uğrunda" və "Xocavəndin azad olunması uğrunda" medalları ilə təltif edilib.
29-04-2024, 13:25 | MMA idmançısı yenidən həbs edildi
Bir neçə gün əvvəl məhkəmədən azadlığa buraxılan MMA döyüş növü üzrə idmançı Vüqar Kərəmov yenidən həbs edilib.
Bununla bağlı Bakı Apellyasiya Məhkəməsi qərar qəbul edib.
Belə ki, Vüqar Kərəmovun azadlığa buraxılması ilə bağlı Xətai rayon Məhkəməsinin qərarından narazı qalan prokuror apellyasiya protesti verib.
Bu gün Bakı Apellyasiya Məhkəməsində hakim Murad Məmmədovun sədrliyi ilə keçirilən prosesdə qərar elan olunub.
Qərara əsasən, Vüqar Kərəmov barəsində Xətai rayon Məhkəməsinin qərarı ləğv edilib və onun barəsində yenidən həbs qətimkan tədbiri seçilib.
Qeyd edək ki, Azərbaycan MMA və Qrapplinq Federasiyasının qarışıq döyüş növləri üzrə baş məşqçisi Ruslan Əfəndiyev və 3 tələbəsinin digər MMA döyüşçüsü Həsən Əzizovun şikayəti əsasında açılmış cinayət işi üzrə həbs edilməsi məlum olub.
Bir neçə ay əvvəl Dənizkənarı Bulvar Ərazisindəki ticarət-əyləncə mərkəzlərindən birində MMA döyüş növü üzrə yarış keçirilib. Lakin Həsən Əzizov yarışın keçirildiyi zala buraxılmayıb. O, zala daxil olmaq istəyərkən münaqişə baş verib və Ruslan Əfəndiyevlə tələbələri idmançını kütləvi şəkildə döyərək xəsarətlər yetiriblər. Bundan sonra H.Əzizov tibb müəssisəsinə və polisə müraciət edib. Hadisə ilə bağlı Bakı Şəhər Baş Polis İdarəsində Cinayət Məcəlləsinin 221-ci (Xuliqanlıq) maddəsi ilə cinayət işi açılıb.
Adları çəkilən idmançılar barəsində Xətai Rayon Məhkəməsi 1 ay 26 gün müddətinə həbs qətimkan tədbiri seçib. Hadisənin digər iştirakçıları Tofiq Musayev və Mehman Məmmədov barəsində isə həbslə bağlı olmayan digər qətimkan tədbiri seçilib.
9-03-2024, 12:04 | Vüsal ehtiyatda qaldı
Azərbaycanlı futbolçu Vüsal İsgəndərli Türkiyə 1-ci Liqasında qələbə qazanıb.
İdman.Biz-ə istinadən bildirir ki, onun çıxış etdiyi "Boluspor" doğma azarkeşlər qarşısında "Girəsinspor"u məğlub edib.
26-cı tura təsadüf edən oyun 2:1 hesabı ilə yekunlaşıb. Vüsal qarşılaşmaya ehtiyat oyunçular skamyasında başlayıb. O, matçın 89-cu dəqiqəsində meydana daxil olub.
Qeyd edək ki, 42 xal toplayan "Boluspor" 6-cı pilləyə yüksəlib.
9-03-2024, 12:03 | Azərbaycanda bu məhsullar bahalaşdı - QİYMƏTLƏR - VİDEO
Quru meyvələrin və çərəzlərin qiyməti artıb.
Xəzər TV-yə istinadən bildirir ki, Novruz bayramı ərəfəsində quru meyvələrə və çərəzlərə tələbat artıb. Alıcılar deyirlər ki, qiymətlərdə ötən illə müqayisədə xeyli artım var.
Satıcılar isə bildirirər ki, alıcılar daha çox bayrama bir neçə gün qalmış bazara üz tuturlar. Son günlər əsasən qoz və fındığa tələbat artıb. Ötən ilə nisbtən qiymətlərdə artım olduğunu onlar da təsdiqlədilər.
Satıcılar deyirlər ki, yerli məhsulla yanaşı, Türkiyə, Özbəkistan və Ukraynadan gətirilən çərəzlərə də tələbat yüksəkdir. Hazırda isə bazarda ən bahalı çərəz Türkiyədən idxal olunan fıstıqdır. Yerli məhsullardan isə fındığın qiyməti artıb.
Mövzu ilə bağlı daha ətraflı videomaterialı təqdim edirik:
9-03-2024, 11:56 | Yol polisi hava şəraiti ilə bağlı müraciət etdi
Baş DYP İdarəsi həftəsonu müşahidə olunan hava şəraiti ilə bağlı yol hərəkəti iştirakçılarına müraciət edib.
Müraciətdə deyilir:
"Hazırda müşahidə olunan yağışlı, dumanlı hava şəraiti yollarda qəza riskini əhəmiyyətli dərəcədə artırır. Xüsusilə gecə və səhər saatlarında dumanlı, yaxud çiskinli hava görünüş məsafəsini məhdudlaşdırır ki, bu da sürücünün digər hərəkət iştirakçılarını, nizamlama vasitələrini vaxtında və aydın görməsinə ciddi maneə yaradır.
Həftənin şənbə və bazar günləri avtomobil yollarında hərəkət intensivliyinin digər günlərə nisbətən daha da artacağını nəzərə alaraq, hərəkət iştirakçılarına əlverişsiz havada daha diqqətli olmağı, ələlxsus səfərə çıxan sürücülərə sürət həddini nəzarətdə saxlamağı, nasaz nəqliyyat vasitələri ilə yola çıxmaqdan çəkinməyi, dayanma, durma, parklanma, eləcə də ötmə və manevr zamanı təhlükəsizlik qaydalarına ciddi əməl etməyi tövsiyə edirik".
5-03-2024, 12:09 | Mədəkiçiltmədən sonra niyə çox ölüm halı olur? - Mütəxəssisdən Açıqlama
İnsanlar artıq çəkidən əziyyət çəkir. Bir çoxu diata və idman etməklə arıqlayır. Lakin bu çox zaman və əziyyət tələb edir. Bu səbəbdən də, bəziləri cərrahiyyə yolunu seçirlər.
Son illər mədəkiçiltmə əməliyyatlarının sayı artıb.Milli.Az bildirir ki, uzman doktor Elba Aliyev baku.ws-ə açıqlamasında bildirib ki, mədəkiçiltmə əməliyyatı kilo vermək istəyən pasientlər üçün ən effektli üsuldur:
"Heç bir diata və digər addımlar onun qədər effektli deyil. Yəni cərrahiyyə üsulu ilə effektli arıqlamaq mümkündür. Bunun da ən çox məsləhətlisi mədəkiçiltmə əməliyyatıdır".
Qeyd edək ki, mədəkiçiltmə əməliyyatı heç də həmişə xoş nəticələnmir. Bu əməliyyatdan sonra ölənlərin sayı da az deyil.
Bəs niyə mədəkiçiltmə əməliyyatından sonra ölüm halları niyə artıb?
Uzman həkim bildirir ki, bu əslində çox mürəkkəb bir əməliyyatdır və mədəkiçiltmə əməliyyatı zamanı vacib nüanslara diqqət yetirmək lazımdır:
"Hər bir əməliyyatdan sonra yarana biləcək fəsadlar var. Xüsusən kilolu xəstələr bir çox ağırlaşmalara açıqdır. Mütləq tromblaşma kimi ağırlaşmanın profilaktikası aparılmalıdır. Xəstələr əməliyyat öncə detallı müayinə olunmalıdır.
Endoskopiya icra olunmalıdır. Bir sıra hormanlara baxılmalıdır. Xəstənin psixoloji durumu araşdırılmalıdır. Xəstədə anoreksiya, nevroza kimi xəsətliklər varsa, bu xəstələr mütəxəssis konsultasiyasından keçməlidir. Bütün bunlardan sonra yetərli və güclü komanda tərəfindən əməliyyat icra olunmalıdır".
Bəs həkimlər mədəkiçiltmə əməliyyatı zamanı nəyi səhv edir?
Elba Aliyev deyir ki, ilk öncə həkimlər mədəkiçiltmə əməliyyatına uyğun pasient seçməlidir:
"Bunun üçün xüsusi göstərişlər var. Diabedi, şəkəri, hipertanik xəstəliyi olmayan xəstələrin bədən kütlə indeksi 40-ın üzərində olmalıdır.
Bütün əməliyyat riskləri xəstəyə başa salınmalıdır. Bu əməliyyatı icra etmək texniki baxımdan çətinlik yaratmasa da, özü-özlüyündə komanda işidir. Təcrübəli anestezioloq tərəfindən xəstə yönəltilməlidir".
4-03-2024, 10:17 | Bakıda çiyələk fantastik qiymətə satılır - VİDEO
Bazarlarda çiyələk, gilas və digər bu kimi qeyri-mövsümi meyvələrin qiymətləri xeyli yüksəkdir.
Xəzər TV-yə istinadən xəbər verir ki, kiloqramı 200-250 manata olan meyvələrin alıcısı da kifayət qədərdir.
Bəs bu meyvələrin insan orqanizmi üçün hansısa zərərləri ola bilərmi?
Satıcıların sözlərinə görə, mövsümi olmayan çiyələk, alça, gilas, qarpız kimi meyvələr baha olsa belə, kifayət qədər alıcısı var.
Qida mütəxəssisləri isə qeyd edir ki, qeyri-mövsümi meyvələr süni yolla yetişdirilir. Bu da insan sağlamlığı üçün zərərlidir.
Satıcılar bildirir ki, bu meyvələr ölkəyə Türkiyə, İran, İraq, Avstraliya və Yeni Zelandiyadan idxal olunur.
Mövzu ilə bağlı daha ətraflı videomaterialı təqdim edirik.
