18-09-2024, 16:03 | Azərbaycan cüdo üzrə Dünya Turunun ilk "14-lüy"ündə
Azərbaycan cüdo üzrə Dünya Turunda 14-cü yerdədir.
Zaqrebdə keçirilən Qran-Pridən sonra ölkələrin bu il reytinq turnirlərində çıxışlarının statistikası yenilənib.
Xorvatiyanın paytaxtına səfər komandamıza üç mükafat qazandırıb: Əhməd Yusifov (60 kq) gümüş, Turan Bayramov (60 kq) və Ruslan Paşayev (66 kq) isə bürünc medala sahib çıxıb.
İlin əvvəlindən Azərbaycan cüdoçuları "Böyük dəbilqə" və "Masters" turnirlərinin də daxil olduğu Dünya Turu yarışlarında 3 qızıl, 11 gümüş və 14 bürünc medal qazanıblar.
Cədvəldə Braziliya, Türkiyə, Cənubi Koreya, Macarıstan və bir çox başqa ölkələri qabaqlayırıq.
Yaponiya liderdir (21-9-25), ikinci yerdə Fransa (17-12-17), üçüncü yerdə isə neytral idmançılar (14-9-20) qərarlaşıb.
İdman.biz
26-08-2024, 08:17 | Rəşad Sadıqov: "Rəqib keçilməz idi"
"Oyun bizim üçün bir az uğursuz başladı. 30-cu saniyədə qapımızda təhlükəli vəziyyət oldu".
Bunu "Zirə"nin baş məşqçisi Rəşad Sadıqov deyib.
Gənc mütəxəssis Azərbaycan Premyer Liqasının IV turunda "Şamaxı"ya 0:1 hesablı məğlubiyyəti şərh edib: "Rəqib gözlədiyimiz kimi bizi əks-hücumda tutdu və möhtəşəm zərbə ilə qol vurdular. Ondan sonra nəzarət bizdə idi. İkinci yarıda möhtəşəm oynadıq. Futbolçulardan razıyam. Üç gün əvvəl ağır məğlubiyyət almışdıq. Hamısını nəzərə alsaq, yaxşı oynadıq. Vacib olan odur ki, bu oyunu daha da inkişaf etdirməliyik. Rəqibin qapıçısı çox yaxşı 3-4 seyv etdi. Avrokuboklarda məğlubiyyətdən sonra komanda əzilmiş olur. Amma oyunumuz onu demədi. Ağır məğlubiyyətə baxmayaraq, yaxşı oynadıq, gözəl oynadıq. Sadəcə rəqib keçilməz idi. Bir qol lazım idi ki, üstünlük bizə keçsin. Rəqibin də əzmkar oyununu nəzərə almaq lazımdır".
Qeyd edək ki, "Zirə" mövsümdə ilk məğlubiyyətini alıb. //İdman.biz
26-08-2024, 08:14 | Krunoslav Renduliç: "Bir səhvə görə qol buraxdıq"
"Komanda çox yaxşı, keyfiyyətli futbol sərgilədi". Əfsuslar olsun ki, bir səhvə görə qol buraxdıq".
Bunu "Sabah"ın baş məşqçisi Krunoslav Renduliç deyib.
Xorvatiyalı mütəxəssis Azərbaycan Premyer Liqasının IV turunda "Sumqayıt" üzərində qazanılan 3:1 hesablı qələbəni şərh edib: "Qoldan 10-15 dəqiqə sonra o qədər də yaxşı deyildik. Bu da normaldır. Çünki səhvlərdən sonra özünəinamı itirirsən. Qol epizodlarımız var idi, bəzilərini reallaşdıra bilmədik. İkinci hissədə təzyiqi artırdıq. Bəzi hissələrdə daha yaxşı oynaya bilərdik. Qələbəyə layiq idik. Çünki “Sumqayıt” qapıya cəmi 1-2 zərbə endirdi. Addım-addım irəliləmək lazımdır. Bəzi oyunçularımız 100 faiz hazır deyil. Komandada futbolçular var ki, daha çox iş görə bilərlər".
Qeyd edək ki, ardıcıl 2-ci oyunda qələbə qazanan "Sabah" liderlər qrupuna yüksəlib.//İdman.biz
13-05-2024, 07:35 | Gecə yatmazdan öncə bir stəkan süd içməyin 6 faydası
Hər gün bir stəkan süd içmək bəzi insanlar üçün vazkeçilməz addımlardan biridir.
Bəs, hər gün süd içənlərin orqanizmində nə baş verir?
Hər gün bir stəkan süd içənlər, içməyənlərdən bir neçə addım öndədir. Çünki süd sümük sağlamlığından gözəl dəriyə sahib olmağa qədər bir çox prosesdə rol oynayır.
Əgər südü sevmirsinizsə, onun əvəzinə süd məhsullarından, xüsusilə də ayran və qatıqdan faydalana bilərsiniz.
Hər gün bir stəkan süd içməyin 6 faydasını təqdim edirik:
1. Xəstəliklərlə mübarizəyə kömək edir
Bir stəkan süd yüksək qan təzyiqi və insult riski kimi ölümcül vəziyyətlərdən qoruya bilər. Bundan əlavə, südün tərkibindəki laktoza qaraciyərinizə pis xolesterol istehsalını azaltmağa kömək edir. Həm də bədənin müəyyən xərçəng növləri ilə mübarizə aparmasını asanlaşdırır. Üstəlik, görmə qabiliyyətinə də yaxşı təsir edir.
Südə sarıkök əlavə edərək öskürəkdən tutmuş viral infeksiyaya qədər bir çox problemdən xilas olmaqda istifadə edə bilərsiniz.
2. Kökəlməyə qoymur
Bir stəkan süd sizi tox hiss etdirəcək. Südə kakao və ya meyvələr əlavə edərək şirniyyat istəyini azaltmaq olar.
Ətraflı
Ads by
0
Reklamınızı SmartBee ilə effektiv edin.
3. Dişləri və sümükləri möhkəmləndirir
Bədənimizdəki kalsiumun çoxu sümüklərə və dişlərə sərf olunur. Ona görə də sümük və diş sağlamlığı üçün süddən daha yaxşı qida yoxdur. Təkrarlanan araşdırmalar gündə bir stəkan süd içməyin dişlərin çürüməsinin qarşısını aldığını göstərib.
Süd sümükləri gücləndirir və dişlərin, dırnaqların, eləcə də saçlarınız sağlamlığında mühüm rol oynayır.
Bununla belə, yadda saxlamaq lazımdır ki, südün tərkibindəki kalsium yalnız D vitamini mövcud olduqda orqanizm tərəfindən mənimsənilə bilər. Buna görə də, içdiyiniz südün istehsalçı tərəfindən D vitamini ilə zənginləşdirildiyindən əmin olun.
4. Mədə yanmasının qarşısını alır
Ədviyyatlı və acılı yeməkdən sonra bir stəkan süd içmək məsləhətdir. Tədqiqatlar göstərir ki, süd mədənin selikli qişasını və yemək borusunu örtərək sakitləşdirici təsir yaradır.
5. Dəriyə parlaqlıq verir
Süd içmək dəriyə parlaqlıq qazandırır. Lüks həyat yaşayanlar həftədə bir dəfə südlə çimməyə üstünlük verirlər. Südün təmizləyici xüsusiyyətlərə malik olduğu və bir çox təbii nəmləndiricilər ehtiva etdiyi düşünülür. Üstəlik, süd dərinin rəngini də açır.
8. Saçları nəmləndirir
Südün tərkibindəki təbii nəmləndiricilər saçlarınız üçün çox faydalıdır. Xüsusilə quru və solğun saçlara sahib olanlara kömək edə bilər. Süd saçları cavanlaşdırır və parlaqlıq qazandırır.
Ekspertlər gündə bir dəfə süd içməyi vərdiş halına gətirmək istəyənlərə xəbərdarlıq edirlər. Bildirilir ki, bunu əsasən gecə yatmazdan öncə etməyə diqqət yetirmək lazımdır. Südün faydalarından tam yararlanmaq və səhərlər daha gümrah oyanmaq üçün yatmazdan yarım saat öncə süd içə bilərsiniz.
13-05-2024, 07:25 | “Qalatasaray” çempionluğun bir addımlığında
Türkiyə Superliqasında 36-cı tura yekun vurulub.
İdman.biz xəbər verir ki, liderlər turu qələbə ilə başa vurublar.
Lider “Qalatasaray” səfərdə çətinliklə 3 xal qazanıb. “Sarı qırmızılar” “Karagümrük”lə oyunun 90-cı dəqiqəsində həlledici qolu vurublar – 3:2.
“Fənərbaxça” isə “Kayserispor”un qapısından 3 cavabsız keçirib.
Bu nəticələrdən sonra “Qalatasaray” 99, “Fənərbaxça” isə 93 xal toplayıb. Çempion olmaq uçun son 2 turda Okan Burukun yetirmələrinə 1 xal kifayət edir
13-05-2024, 07:22 | Marsda həyat mövcud olub? - Alimlərdən yeni araşdırma
Alimlər müəyyən ediblər ki, qədim zamanlarda Mars həyat üçün əlverişli olub.
Planetdə Yerdəki vəziyyətə oxşar şərait mövcud olub.
Journal of Geophysical Research: Planets jurnalında dərc olunan məqalədə qeyd olunub ki, NASA-nın "Curiosity" roverindəki "ChemCam" cihazı Mürrey formasiyasının gölünün dibindəki qayalarda yüksək səviyyədə manqan aşkar edib.
Tədqiqat göstərir ki, formasiyanın incə dənəli süxurların orta kimyəvi tərkibindən fərqli olaraq, iri dənəli süxurlar manqanla 45 dəfəyə qədər, dəmirlə isə 1,5 dəfəyə qədər zənginləşdirilib.
Alimlər həmçinin bu yerdə dəmir-manqan oksidinin çökməsinin müxtəlif mexanizmlərinə nəzər salıblar və belə nəticəyə gəliblər ki, çöküntülərin yaranmasının bütün mümkün hallarında Yer kürəsində mövcud olan oksidləşdirici şərait tələb olunur.
13-05-2024, 07:20 | Azərbaycan atleti çempion olub
Azərbaycan atletləri Özbəkistanın Daşkənd şəhərində keçirilən açıq Mərkəzi Asiya çempionatının ikinci günündə uğurlu çıxış ediblər.
İdman.biz xəbər verir ki, Rüstəm Məmmədov üçtəkanla tullanmada 1-ci yeri tutub.
Təmsilçimiz 15,93 metr nəticə göstərərək, bütün rəqiblərini arxada qoyub. Yığmamızın daha bir üzvü Cabir Əliyev (15,21 m) 7-ci yeri tutub.
Qeyd edək ki, çempionatın ilk günündə Nazim Babayev uzunluğa tullanmada 2-ci olub.
13-05-2024, 07:17 | Şahruddinin darmadağını - 6 top buraxıb
Azərbaycan yığmasının qapıçısı Şahruddin Məhəmmədəliyev ağır məğlubiyyət alıb.
İdman.biz xəbər verir ki, onun çıxış etdiyi “Adana Dəmirspor” öz meydanında 1:6 hesabı ilə uduzub.
Şahruddinin komandası autsayderlər qrupunda yer alan “Qaziantep”lə bacarmayıb. Qonaqlar Məhəmmədəliyevi 6 dəfə məyus ediblər. İtaliyalı forvard Balotellinin 39-cu dəqiqədə qırmızı vərəqə alması “Adana Dəmirspor”un oyununa təsir edib.
Qeyd edək ki, Adana klubu 44 xalla 11-ci pillədə qərarlaşıb.
13-05-2024, 07:02 | Dünyanın ən qəribə və müalicəsi olmayan XƏSTƏLİKLƏRİ
Diabet, hipertoniya və ya astma kimi demək olar ki, hamımızın eşitdiyi tibbi xəstəliklər var.
İnsanlar bədənlərindəki balanssızlıqlar və ya zərərli orqanizmlərin yaratdığı problemlər səbəbindən xəstələnə bilərlər. Bu xəstəliklərin bir çoxu adi vəziyyətlərə əsaslansa da, bəzi xəstəliklər çox qəribə hallardan yarana bilər.
Nadir adları ilə fərqlənən xəstəlikləri təqdim edirik:
1. Hutchinson-Gilford Progeria sindromu
Hutchinson-Gilford Progeria sindromu, bir insanın uşaqlıqdan başlayaraq sürətli qocalması ilə qarşılaşdığı olduqca nadir bir vəziyyətdir. 4 milyonda bir olan bu xəstəlik 1886-cı ildən bəri 131-dən çox insanda müşahidə olunub.
Fotoda Sam Berns adlı Hutchinson-Gilford Progeria sindromlu şəxs və onun valideynləri əks olunub.
Qocalmış dəri, kövrək sümüklər, böyrək çatışmazlığı və saç tökülməsi kimi simptomları olan bu xəstəliyin müalicəsi yoxdur, lakin 2020-ci ilin noyabr ayında ABŞ Qida və Dərman İdarəsi (FDA) qıcıqlanmanı azaltmağa kömək edə biləcək bir dərmanı təsdiqləyib.
2. Pivə sindromu
Pivə sindromu və ya anormal bağırsaq fermentasiya sindromu kimi tanınan bu xəstəliyi olan insanlar karbohidratla zəngin qidalar yedikdən sonra bağırsaqlarında saf spirt (etanol) əmələ gətirirlər. Bu vəziyyət bağırsaqda maya növü olan Saccharomyces cerevisiae-nin çox olması ilə əlaqədardır. Bu vəziyyətin əsas müalicəsi pəhriz dəyişiklikləri və sadə şəkərlərin, təmizlənmiş karbohidratların, maya məhsulları və kiflənmiş qidaların azaldılmasıdır.
3. Stounman sindromu
Stounman sindromu kimi tanınan Fibrodysplasia Ossificans Progressiva (FOP), tendonlar və əzələlər kimi birləşdirici toxumaları tədricən sümüyə çevirən bir xəstəlikdir. Xəstəliyin irəliləməsi boyundan çiyinlərə qədər başlayır, tədricən bədənin aşağı hissələrinə və nəhayət ayaqlara doğru irəliləyir.
Oynaqlar xəstəlikdən təsirləndiyi üçün bədən hərəkətləri də məhdudlaşdırılır. Xəstə ağzını açmaqda, yemək yeyərkən və danışarkən çətinlik çəkir. Ancaq bu, hər 2 milyon insandan birində rast gəlinən bir xəstəlik olduğundan, hazırda bu vəziyyətin müalicə variantları yoxdur.
4. "Alisa möcüzələr diyarında" sindromu
İngilis psixiatrı Con Todd ilk dəfə 1955-ci ildə "Alisa möcüzələr diyarında" sindromunu təsvir etmişdir. Todd bu xəstəliyi Lyuis Kerrollun məşhur romanındakı "Alisa möcüzələr diyarında" kiçilmək və genişlənmək kimi sehrli çevrilmələr yaşayan baş qəhrəman Alisa ilə müqayisə etdiyi üçün bu adı verib. Bu nevroloji sindrom adətən ölçü və məsafə qavrayışını pozan miqren tutmaları ilə özünü göstərir.
Bu sindromdan əziyyət çəkən insanlar bədən hissələrinin daha böyük və ya kiçik olduğunu düşünür. Sindrom adətən gənc uşaqlara təsir edir.
5. Balıq qoxusu sindromu
Bir insanda xalq arasında balıq qoxusu sindromu kimi tanınan trimetilaminuriya varsa, həmin şəxsin təri çürüyən balıq qoxusunu xatırladan bir qoxu yayır. Beləliklə, bu vəziyyət bədən trimetilamin adlı birləşməni parçalaya bilmədikdə baş verir. İrsi metabolik pozğunluq olan bu xəstəlik səbəbindən insanın sidikdə, tərində və nəfəsində balıq qoxusu olur. Müalicəsi də yoxdur, ancaq paxlalılar, yerfıstığı, yumurta və müəyyən növ balıq və ətdən uzaq bir pəhriz ilə simptomları azaltmaq olar.
6. Alkaptonuriya
Qara sidik xəstəliyi kimi də tanınan alkaptonuriya irsi xəstəlikdir və bədəndə homogentis turşusu adlanan kimyəvi maddənin yığılması ilə nəticələnir və toxumaların rəngini tündləşdirir. Yığılmış turşu qığırdaq, vətər, sümüklər, dırnaqlar, qulaqlar və ürək də daxil olmaqla, bədənin demək olar ki, hər yerində tünd rəngin dəyişməsinə və müxtəlif problemlərə səbəb olur. Dünyada hər 1 milyon insandan birində rast gəlinən bu xəstəliyin müalicəsi yoxdur.
7. Gəzən cəsəd sindromu
Gəzən cəsəd sindromu depressiya ilə əlaqəli nöropsikiyatrik xəstəlik olan Kotard sindromu da adlanır. Bu sindrom bir xəstəlik deyil, başqa bir psixiatrik vəziyyətin əlamətidir. Semptomlar adətən antidepresanlar, antipsikotiklər və narahatlıq əleyhinə dərmanlar kimi dərmanlarla idarə olunur, lakin dərmanlar və danışıq terapiyası nəticə vermədikdə elektrokonvulsiv terapiya (EKT) son çarə kimi istifadə edilə bilər.
8. Xarici vurğu sindromu
Xarici vurğu sindromu beynin nitqdə iştirak edən hissəsinin zədələnməsi nəticəsində yaranır. Bu, insan birdən-birə oyandıqda fərqli bir aksentlə danışdıqda baş verir. Çox vaxt insult, travma, şişlər və digər nevroloji vəziyyətlər səbəb olur. Ən çox görülən müalicə, insanın normal nitqinə qayıtmasına kömək etmək üçün loqopedikdir.
9. Pika
Pika olan insanlar məcburi olaraq qida dəyəri olmayan qidaları yeyirlər. Bu maddələr buz kimi zərərsiz və qurudulmuş boya, təbaşir və metal parçaları qədər zəhərli ola bilər. Bu pozğunluq daha çox uşaqlarda, hamilə qadınlarda və əqli qüsurlu insanlarda rast gəlinir. Müalicəsi olmayan bu xəstəliyin psixoloji problemdən qaynaqlandığı düşünülür.
10. Qurd adam sindromu
Hipertrikoz, həmçinin canavar sindromu olaraq bilinir, insanın bədəninin hər hansı bir yerində, o cümlədən üzündə həddindən artıq tüklənmənin meydana gəlməsidir. Saçların böyüməsi o qədər baş verir ki, insan canavar bənzəyir.
13-05-2024, 06:58 | Ağciyəri toksinlərdən təmizləyən qidalar
Havanın çirklənməsi, yaxşı qidalanmamaq və siqaret çəkmək ağciyər sağlamlığını ciddi şəkildə təhdid edən amillərdəndir. Sağlamlığınızı qorumaq üçün həyat şəraitinizi dəyişdirmək, tütün məhsullarından istifadəni dayandırmaq, sağlam qidalanmaq və idmanla məşğul olmaq son dərəcə vacibdir.
Mütəxəssislər sağlam həyat üçün ağciyərləri qoruyan qidaları açıqlayıb. Tövsiyə olunan bu qidalar mütəmadi olaraq istehlak edildikdə, onlar sözün əsl mənasında ağciyərləri təmizləyir.
Tərkibində C vitamini, E vitamini və beta-karoten olan meyvə və tərəvəzlər ağciyər sağlamlığını dəstəkləməkdə son dərəcə təsirlidir. Çiyələk, brokoli, portağal, qırmızı bibər və yerkökü bu vitaminlərlə zəngindir.
Omeqa 3 yağ turşuları iltihabı azaldaraq ağciyər sağlamlığını dəstəkləyir. Somon, kətan toxumu və skumbriya bu yağ turşuları ilə zəngindir.
Tərkibindəki katexin sayəsində yaşıl çay nizamlı olaraq istehlak edildikdə ağciyər toxumasının sərtləşməsinin qarşısını alır.
Qəhvə tərkibindəki antioksidantlar və kofein sayəsində ağciyər sağlamlığını dəstəkləməyə kömək edir. Bu səbəbdən mütəxəssislər gündə bir fincan qəhvə içməyi məsləhət görürlər.
Menyuda evdə hazırlanan qatıq mütləqdir. Kalsium, kalium, selen və fosforla zəngindir. Müntəzəm olaraq istehlak edildikdə ağciyər sağlamlığını qorumağa kömək edir.
Sarımsaq və soğan ikilisi təbii antibiotikdir. Tərkibində həmçinin iltihab əleyhinə komponentlər var. Ağciyər sağlamlığını qoruyan soğan və sarımsağın müntəzəm istehlak edilməsi tövsiyə olunur.
Çuğundur tərkibindəki betalain sayəsində ağciyər funksiyalarını yaxşılaşdırmağa kömək edir. Betalaindən əlavə, kalsium və A və C vitaminləri ilə də zəngindir. Damarları genişləndirərək oksigen qəbulunu asanlaşdıran çuğundur, ağciyər sağlamlığının qorunmasında son dərəcə təsirlidir. Bununla belə, diqqət tələb edən bir məsələ var.
C vitamini ilə zəngin olan sitrus meyvələri immunitet sistemini gücləndirərək ağciyər sağlamlığını qorumağa kömək edir. Pəhrizinizə mövsümi sitrus meyvələrini daxil edə bilərsiniz.
Narın tərkibində antioksidantlar və antiinflamatuar komponentlər var. Bu səbəblə ağciyər sağlamlığını dəstəkləməyə kömək edən meyvələrdən biridir.
